یاد داشت

دورانِ مطالعہ ضرورتاً انڈرلائن کیجئے، اشارات لکھ کر صفحہ نمبر نوٹ فرما لیجئے۔ اِنْ شَآءَاللہ عَزَّ وَجَلَّ علم میں ترقی ہوگی۔

                                                                                                                                               

 

 

 

 

 

فیضانِ رمضان

 

 

 

مُؤَلِّف:

 

شیخِ طریقت، امیرِ اَہلِ سُنّت، بانیِ دعوتِ اسلامی حضرت علّامہ مولانا

ابوبلال محمد الیاس عطّاؔر قادِری رضوی دامت برکاتہم العالیہ

 

ناشِر

 

 

مکتبۃُ المد ینہ بابُ المدینہ کراچی

 

 

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ اَمَّا بَعْدُ فَاَعُوْذُ بِاللہ مِنَ الشَّیْطٰنِ الرَّجِیْمِط بِسْمِ اللہ الرَّحْمٰنِ الرَّحِیْمِ ط

نام کتاب       :       فیضانِ رَمضان

    مؤلّف   :        شیخِ طریقت، امیرِ اَہلِ سُنّت، بانیِ دعوتِ اسلامی حضرت علّامہ مولانا

                     ابوبلال محمد الیاس عطّاؔر قادِری رضوی دامت برکاتہم العالیہ

سالِ اشاعت:  

ناشر:          مکتبۃ المدینہ،عالمی مدنی مرکز فیضانِ مدینہ ،بابُ المدینہ کراچی۔

مکتبۃ المدینہ کی شاخیں

٭… باب المدینہ (کراچی)            :  شہید مسجد، کھارا در،        فون: ـ32203311021-

٭…مرکزالاولیاء(لا ہو  ر)                      : داتا دربار مارکیٹ، گنج بخش روڈ فون: 37311679 42-

٭…سردار آباد                              : (فیصل آباد)امین پور بازار        فون: 2632625041-4

٭…کشمیر                             : چوک شہیداں ، میر پور        فون: 37212058274-

٭…حیدر آباد                     : فیضانِ مدینہ،آفندی ٹاؤن      فون: 2620122022-

٭…ملتان                                : نزد پیپل والی مسجد، اندرون بوہڑ گیٹ فون: 4511192061-

٭…اوکا  ڑہ                         : کالج روڈبالمقابل غوثیہ مسجد، نزد تحصیل کونسل ہال فون: 2550767044-

٭…راولپنڈی                                                                                                  : فضل داد پلازہ، کمیٹی چوک، اقبال روڈ     فون: 5553765051-

٭…خان پور                        : دُرانی چوک، نہر کنارہ                   فون: 5571686068-

٭…نواب شاہ                     : چکرا بازار، نزد  MCB          فون: 43621450244-

٭…سکھر                               : فیضانِ مدینہ،بیراج روڈ       فون: 5619195071-

٭…گوجرانوالہ                       : فیضانِ مدینہ،شیخوپورہ موڑ،گوجرانوالہ فون: 4225653055-

٭…پشاور                                 : فیضانِ مدینہ،گلبرگ نمبر1،النور سٹریٹ، صدر

 مَدَنی التجا: کسی اور کو یہ کتاب چھاپنے کی اجازت نہیں ہے ۔ 

 

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ اَمَّا بَعْدُ فَاَعُوْذُ بِاللہ مِنَ الشَّیْطٰنِ الرَّجِیْمِط بِسْمِ اللہ الرَّحْمٰنِ الرَّحِیْمِ ط

’’یااللہ فیضانِ سنّت عام ہو جائے‘‘کے تئیس حُرُوف

 کی نسبت سےاس کتاب کوپڑھنے کی23نیّتیں

        فرمانِ مصطفٰے صَلَّی اللہُ تَعَالٰی عَلَیْہِ وَاٰلہٖ وسلَّم:   نِیَّۃُ الْمُؤْمِنِ خَیْرٌ مِّنْ عَمَلِہٖ۔ مسلمان کی نیت اس کے عمل سے بہتر ہے۔         (مُعجَم کبیر  ج ۶ ص۱۸۵ حدیث ۵۹۴۲)

 دو مَدَنی پھول:

 {۱} اعمال کا دار و مدار نیتوں پر ہے۔

{۲}جتنی اچّھی نیتیں زِیادہ، اُتنا ثواب بھی زِیادہ۔

        {1}ہر بار حمدو {2}صلوٰۃ اور {3}تعوذو {4}تسمیہ سے آغاز کروں گا(اسی صفحہ پر اُوپر دی ہوئی دو عربی عبارات پڑھ لینے سے چاروں نیتوں پر عمل ہوجائے گا) {5}رِضائے الٰہی عَزَّوَجَلَّ کیلئے اس کتاب کا اوّل تا آخِر مطالعہ کروں گا {6}دینی کتاب کی تعظیم کے پیش نظر حتی الوسع اِس کا باوضو اور {7}فضیلت دینی حاصل کرنے کے لئے قبلہ رُو مطالعہ کروں گا {8} قراٰنی آیات و {9} اَحادیث مبارَکہ کی زِیارت کروں گا اور ان میں بیان کردہ احکامات پر عمل کی کوشش کروں گا {10} جہاں جہاں ’’ اللہ تَعَالٰی ‘‘ کاذاتی یا صفاتی نام پاک آئے گا وہاں ’’عَزَّوَجَلَّ‘‘ یا’’ تعالیٰ‘‘ یا ’’ جَلَّ جَلاَ لُہٗٗ‘ وغیرہ کلمات ثنا پڑھوں گا اور{11} جہاں جہاں ’’سرکار صَلَّی اللہُ تَعَالٰی عَلَیْہِ وَاٰلہٖ وسلَّم ‘‘کا کوئی بھی ذاتی یا صفاتی اِسمِ مبارَک آئے گا وہاں صَلَّی اللہُ تَعَالٰی عَلَیْہِ وَاٰلہٖ وسلَّم یا کوئی بھی درود و سلام پڑھوں گا{12}کتاب کے مطالعے سے شرعی مسائل سیکھوں گا سنت رسولِ عربی صَلَّی اللہُ تَعَالٰی عَلَیْہِ وَاٰلہٖ وسلَّم اور علمائے دین کی جانب سے بیان کردہ آدابِ زندگی اورحسن معاشرت سیکھوں گا۔ اسلامی معلومات ،قلبی و ظاہری اَخلاق و آداب ، اور حکایات بزرگانِ دین سے آگاہی حاصل کروں گا تا کہ اپنی زندگی میں ان کی روشنی میں بہتری لا سکوں {13}اگر کوئی بات سمجھ نہ آئی تو علما سے پوچھ لوں گا {14}تذکرہ ٔ صالحین پڑھنے سننے کی برکتیں حاصل کروں گا {15}دوران مطالعہ کسی اہم دینی مسئلہ یا سنت مبارَکہ یا فکر آخِرت سے متعلق یا حسن معاشرت یا

بندوں کے حقوق یا ان کے ساتھ خیر خواہی سے متعلق کوئی بات ایسی معلوم ہوئی کہ جس کو یاد رکھنے یا نوٹ کرنے کی ضرورت محسوس ہوئی تو اُسے یاد دہانی کے لئے اپنی ذاتی کتاب کی صورت میں انڈر لائن یا ہائی لائٹ کروں گا یا کتاب پر یا الگ سے ڈائیری پر نوٹ کرلوں گا {16} دورانِ مطالعہ کوئی بھی ایسا کام نہیں کروں گا جو کتاب میں بیان کردہ بات کے مفہوم کو سمجھنے میں مخل (یعنی خلل انداز)ہو جیسے موبائل فون کا استعمال ،گفتگو کرنا، شور و غل میں پڑھنا ،مطالعہ کرتے وقت ایسے وقت کا انتخاب کرنا جس وقت تھکاوٹ بہت زیادہ ہو یا مزاج معتدل(یعنی نارمل) نہ ہو، الغرض دورانِ مطالعہ بھرپور توجہ سے علم دین حاصل کرنے کی کوشش کروں گا {17} کتاب مکمَّل پڑھنے کیلئے بہ نیت حصولِ علم دین روزانہ چند صفحات پڑھ کر علم دین حاصل کرنے کے ثواب کا حقدار بنوں گااوراس نیت کی بنا پراستقامت سے نیک عمل کرتے رہنے کی فضیلت کا حق دار بھی بنوں گا {18}علم دین کی نشر و اشاعت کے لئے دوسروں کو یہ کتاب پڑھنے کی ترغیب دلاؤں گا {19} اس حدیث پاک تَھَادَوْا تَحَابُّوْا یعنی’’  ایک دوسرے کو تحفہ دو آپس میں محبت بڑھے گی‘‘ (مؤطّا ج۲ص۴۰۷حدیث۱۷۳۱) پرعمل کی نیت سے(ایک یا حسب توفیق تعداد میں ) یہ کتابیں خرید کر دوسروں کو تحفۃ دوں گاتحفہ دیتے وقت علم دین عام کرنے کی نیت بھی کروں گا تاکہ اس نیت کا بھی الگ سے ثواب ملے {20}جن کو دُوں گا حتی الامکان انہیں یہ ہدف بھی دوں گا کہ آپ اتنے دن (مثلا25دن) کے اندر اندر مکمل پڑھ لیجئے {21}اس کتاب کو پڑھ کر جو دینی باتیں مجھے معلوم ہوئیں جہاں شریعت اجازت دے گی زبانی طور پردوسروں کو بتاؤں گا ورنہ کتاب سے دیکھ کر جو نہیں جانتے انہیں سکھاؤں گا{22} اچھی نیتوں کے ساتھ کتاب پڑھنے پر جو ثواب حاصل ہوگا وہ ساری اُمت کو ایصال کروں گا{23} کمپوزنگ وغیرہ میں غلطی ملی تو خیر خواہی کے جذبے کے تحت نیکی پر مدد کرنے اور شرعی غلطی ملی تو غلط مسئلے کا پھیلاؤ نہ ہو اِس نیت سے نا شرین کو اورممکن ہوا تو مصنف کو تحریری طور پر مطلع کروں گا۔ (ناشرین ومصنف وغیرہ کو کتا بوں کی اَغلاط صرف زبانی بتاناخاص مفید نہیں ہوتا)

 

وَقت سحری کا ہو گیا جاگو

وَقت سحری کا ہو گیا جاگو                   نور ہر سمت چھا گیا جاگو

اٹھو سحری کی کر لو تیّاری                    روزہ رکھنا ہے آج کا جاگو

ماہِ رَمضاں کے فرض ہیں روزے           ایک بھی تم نہ چھوڑنا جاگو

اٹّھو اٹّھو وُضو بھی کر لو اور                   تم تہجُّد کرو ادا جاگو

چسکیاں گَرم چائے کی بھر لو                کھا لو ہلکی سی کچھ غذا جاگو

ہوگی مقبول فضل مولیٰ سے                 کھا کے سَحری کرو دُعا جاگو

ماہِ رَمضاں کی بَرکتیں لُوٹو                  لوٹ لو رَحمت خدا جاگو

کھا کے سحری اُٹھو ادا کر لو                  سنت شاہِ انبیا جاگو

تم کو مولیٰ مدینہ دِکھلائے                   اور حج بھی کرو ادا جاگو

تم کو رَمضاں کے صدقے مولیٰ دے        اُلفت و عشقِ مصطَفٰے جاگو

تم کو رَمضان کا مدینے میں                  دے شَرَف ربِّ مصطَفٰے جاگو

کیسی پیاری فضا ہے رَمضاں کی               دیکھ لو کر کے آنکھ وا جاگو

رحمتوں کی جھڑی برستی ہے                 جلد اٹھ کر کے لو نہا جاگو

تم کو دیدارِ مصطَفٰے ہو جائے                 ہے یہ عطّاؔر کی دُعا جاگو

---

 

مرحبا صد مرحبا! پھر آمدِ رَمضان ہے

مرحبا صد مرحبا! پھر آمدِ رَمضان ہے                کھل اٹھے مُرجھائے دل تازہ ہوا ایمان ہے

یاخدا ہم عاصیوں پر یہ بڑا احسان ہے         زندگی میں پھر عطا ہم کو کیا رَمضان ہے

تجھ پہ صدقے جاؤں رَمضاں !تُو عظیم الشّان ہے      تجھ میں نازِل حق تعالیٰ نے کیا قراٰن ہے

ابر رحمت چھا گیا ہے اور سماں ہے نور نور             فضلِ رب سے مغفرت کا ہو گیا سامان ہے

ہر گھڑی رحمت بھری ہے ہر طرف ہیں برکتیں        ماہِ رَمضاں رحمتوں اور برکتوں کی کان ہے

آگیا رَمضاں عبادت پر کمر اب باندھ لو                فیض لے لو جلد یہ دن تیس کا مہمان ہے

عاصیوں کی مغفرت کا لے کر آیا ہے پیام              جھوم جاؤ مجرمو! رَمضاں مہِ غفران ^([1])ہے

بھائیو بہنو! کرو سب نیکیوں پر نیکیاں                 پڑگئے دوزخ پہ تالے قید میں شیطان ہے

بھائیوبہنو! گناہوں سے سبھی توبہ کرو                خلد کے در کھل گئے ہیں داخلہ آسان ہے

کم ہوا زورِ گنہ اور مسجدیں آباد ہیں                    ماہِ رَمضانُ المبارَک کا یہ سب فیضان ہے

روزہ دارو ! جھوم جاؤ کیونکہ دیدارِ خدا                خلد میں ہوگا تمہیں یہ وعدۂ رحمٰن ہے

دو جہاں کی نعمتیں ملتی ہیں روزہ دار کو                        جو نہیں رکھتا ہے روزہ وہ بڑا نادان ہے

یاالٰہی! تُو مدینے میں کبھی رَمضاں دکھا

                             مدّتوں سے دل میں یہ عطارؔ کے ارمان ہے        (وسائل بخشش ص۷۰۵)

 

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللہ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

فضائلِ رَمَضان شریف

شیطٰن لاکھ سستی دلائے مگر آپ ہمت کر کے فیضانِ رمضان(ہر سال شعبانُ المعظّم میں ) مکمل پڑھ لیجئے

اِنْ شَآءَاللہ عَزّوَجَلَّاس کی برکتیں خود ہی دیکھ لیں گے۔

دُ رُود شریف کی فضیلت:

اللہکےمَحبوب،دانائےغُیُوب صَلَّی اللہُ تَعَالٰی عَلَیْہِ وَاٰلِہٖ وَسَلَّمَکا فرمانِ تقرب نشان ہے: بے شک بروزِ قیامت لوگوں میں سے میرے قریب تر وہ ہو گا جو مجھ پر سب سے زیادہ دُرُود بھیجے ۔(تِرمذی ج۲ص۲۷حدیث ۴۸۴)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

        میٹھے میٹھے اسلامی بھائیو!خُدائے رَحمٰن عَزَّ  وَجَلَّ کے کروڑہا کروڑ اِحسان کہ اُس نے ہمیں ماہِ رَمضان جیسی عظیم الشان نعمت سے سرفراز فرمایا۔ ماہِ رَمضان کے فیضان کے کیا کہنے ! اِس کی تو ہر گھڑی رَحمت بھری ہے،رَمضانُ المبارَک میں ہر نیکی کا ثواب70 گنا یا اس سے بھی زیادہ ہے۔(مراٰۃ ج۳ص۱۳۷) نفل کا ثواب فرض کے برابر اور فرض کا ثواب 70گنا کردیا جاتا ہے ،عرش اُٹھانے والے فرشتے روزہ داروں کی دُعا پرآمین کہتے ہیں اور فرمانِ مصطَفٰےصَلَّی اللہُ تَعَالٰی عَلَیْہِ وَاٰلِہٖ وَسَلَّمَکے مطابق ’’ رَمضان کے روزہ دار کیلئے مچھلیاں اِفطار تک دُعائے مغفرت کرتی رہتی ہیں ۔‘‘ (اَلتَّرغیب والتَّرہیب ج ۲ ص ۵۵ حدیث ۶)

 

عبادت کا دروازہ:

اللہ عَزّوَجَلَّکے محبوب ،دانائے غُیُوب،مُنَزَّہٌ عَنِ الْعُیُوب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ عالی شان ہے: ’’روزہ عبادت کا دروازہ ہے۔‘‘  (اَلْجامِعُ الصَّغِیر ص۱۴۶حدیث۲۴۱۵)

 نزولِ قراٰن:

اِس ماہِ مُبارَک کی ایک خصوصیت یہ بھی ہے کہاللہ عَزّوَجَلَّنے اِس میں قراٰنِ پاک نازِل فرمایاہے۔ چنانچہ پارہ 2 سورۃ البقرۃآیت185 میں مقد س قراٰن میں خدائے رَحمٰن عَزَّ  وَجَلَّ کا فرمانِ عالی شان ہے :

شَهْرُ رَمَضَانَ الَّذِیْۤ اُنْزِلَ فِیْهِ الْقُرْاٰنُ هُدًى لِّلنَّاسِ وَ بَیِّنٰتٍ مِّنَ الْهُدٰى وَ الْفُرْقَانِۚ-فَمَنْ شَهِدَ مِنْكُمُ الشَّهْرَ فَلْیَصُمْهُؕ-وَ مَنْ كَانَ مَرِیْضًا اَوْ عَلٰى سَفَرٍ فَعِدَّةٌ مِّنْ اَیَّامٍ اُخَرَؕ-یُرِیْدُ اللّٰهُ بِكُمُ الْیُسْرَ وَ لَا یُرِیْدُ بِكُمُ الْعُسْرَ٘-وَ لِتُكْمِلُوا الْعِدَّةَ وَ لِتُكَبِّرُوا اللّٰهَ عَلٰى مَا هَدٰىكُمْ وَ لَعَلَّكُمْ تَشْكُرُوْنَ(۱۸۵)

تَرجَمَۂ کَنْزُ الْاِیْمَان:رَمضان کا مہینا ، جس میں قراٰن اُترا، لوگوں کے لئے ہدایت اور رَہنمائی اور فیصلے کی روشن باتیں ،تو تم میں جو کوئی یہ مہینا پائے ضرور اِس کے روزے رکھے اور جو بیمار یا سفر میں ہو، تو اُتنے روزے اور دِنوں میں ۔اللہ  عَزّوَجَلَّ تم پر آسانی چاہتا ہے اورتم پر دُشواری نہیں چاہتا اوراِس لئے کہ تم گنتی پوری کرواور اللہ  عَزّوَجَلَّ کی بڑائی بولو اِس پر کہ اُس نے تمہیں ہدایت کی اور کہیں تم حق گزار ہو ۔

مہینوں کے نام کی وجہ:

رَمضان، یہ ’’ رَمَضٌ ‘‘ سے بنا جس کے معنٰی ہیں ’’گرمی سے جلنا ۔‘‘ کیونکہ جب مہینوں کے نام قدیم عربوں کی زبان سے نقل کئے گئے تو اس وَقت جس قسم کا موسم تھا اس کے مطابق مہینوں کے نام رکھ دے گئے اِتفاق سے اس وَقت رمضان سخت گرمیوں میں آیا تھا اسی لئے یہ نام رکھ دیا گیا۔(اَلنِّہَایَۃ لِابْنِ الْاَثِیر  ۲ص۲۴۰)حضرتِ مفتی احمد یار خان عَلَیْہِ رَحْمَۃُ الحَنّان فرماتے ہیں :

 

بعض مفسرین رَحِمَہُمُ اللہُ الْمُبِیْننے فرمایا کہ جب مہینوں کے نام رکھے گئے تو جس موسم میں جو مہینا تھا اُسی سے اُس کا نام ہوا ۔جو مہینا گرمی میں تھااُسے رَمضان کہہ دیا گیا اور جو موسم بہار میں تھا اُسے ربیعُ الْاَوّل اور جو سردی میں تھا جب پانی جم رہا تھا اُسے جُمادَی الْاُولٰی کہا گیا۔ (تفسیر نعیمی ج ۲ص۵ ۲۰ )

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

سرخ یاقوت کا گھر:

حضرتِسَیّدُناابو سعید خدری رَضِیَ اللہُ تَعَالٰی عَنْہُسے روایت ہے: مکی مَدَنی سلطان، رحمت عالمیان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ رَحمت نشان ہے :  ’’جب ماہِ رَمضان کی پہلی رات آتی ہے تو آسمانوں کے دروازے کھول دیئے جاتے ہیں اور آخری رات تک بندنہیں ہوتے۔ جو کوئی بندہ اس ماہِ مبارَک کی کسی بھی رات میں نماز پڑھتا ہے تَواللہ عَزّوَجَلَّاُس کے ہر سجدے کے عوض(یعنی بدلے میں ) اُس کے لئے پندرہ سو نیکیاں لکھتا ہے اور اُس کے لئے جنت میں سُرخ یا قوت کا گھر بناتا ہے۔پس جو کوئی ماہِ رَمضان کا پہلا روزہ رکھتا ہے تو اُس کے سابقہ گناہ معاف کر دیئے جاتے ہیں ،اور اُس کیلئے صبح سے شام تک70 ہزارفرشتے دُعائے مغفرت کرتے رہتے ہیں ۔ رات اور دِن میں جب بھی وہ سجدہ کرتاہے اُس کے ہر سجدے کے  بدلے اُسے (جنت میں ) ایک ایک ایسا دَرَخت عطا کیا جاتاہے کہ اُس کے سائے میں (گھوڑے) سوار پانچ سو برس تک چلتا رہے۔‘‘    (شُعَبُ الایمان ج۳ ص ۳۱۴ حدیث ۳۶۳۵ مُلَخَّصاً )

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

نابینا بھانجی بینا ہو گئی( مدنی بہار):

میٹھے میٹھے اسلامی بھائیو! اَلْحَمْدُ للہ عَزَّوَجَلَّتبلیغِ قراٰن وسنت کی عالمگیر غیر سیاسی  تحریک،  دعوتِ اسلامی کے مَدَنی ماحول سے وابستہ عاشقان رسول کی صحبت حاصل ہونے کی صورت میں ماہِ رَمَضانُ المُبارَک کی بَرَکتیں لوٹنے کا بہت ذِہْن بنتا ہے ورنہ بری صُحبتوں میں رَہ کر اِس مبارَک مہینے میں بھی اکثر لوگ گناہوں میں پڑے رہتے ہیں ۔ آئیے ! گناہوں کی

دلدل میں دھنسے ہوئے ایک فن کار کی ’’ مَدَنی بہار‘‘سُنئے جسے دعوتِ اسلامی کے مَدَنی ماحول نے رحمتِ الٰہی سے مَدَنی رنگ چڑھا دیااور اس کی نابینا بھانجی کو بینا بنا دیا! چنانچِہ اورَنگی ٹاؤن ( بابُ المدینہ کراچی) کے ایک اسلامی بھائی   فن کار تھے، میوزیکل پروگرامز اور فنکشنز کے اندرزندگی کے انمول اوقات برباد ہوئے جارہے تھے، قلب ودماغ پر غفلت کے کچھ ایسے پردے پڑے تھے کہ نہ نَماز کی توفیق تھی نہ گناہوں کا احساس ۔ صحرائے مدینہ بابُ المدینہ کراچی میں بابُ الاسلام  سطح پر ہونے والے تین روزہ سنتوں بھرے اجتماع (۱۴۲۴؁ ھ۔ 2003ء) میں حاضری کیلئے ایک ذِمے دار اسلامی بھائی نے انفرادی کوشِش کر کے ترغیب دلائی۔ زہے نصیب! انہیں اُس میں شرکت کی سعادت مل گئی۔تین روزہ اجتماع کے اختتام پر رقت انگیز دُعا میں انہیں اپنے گناہوں پر بہت زیادہ ندامت ہوئی،وہ اپنے جذبات پر قابو نہ  پا سکے اور پھوٹ پھوٹ کررونے لگے، بس رونے نے کام دکھادیا! اَلْحَمْدُ للہ عَزَّوَجَلَّانہیں دعوتِ اسلامی کا مَدَنی ماحول مل گیااور انہوں نے رقص و سُرود (سُ۔رُوْ۔د) کی محفلوں سے توبہ کر لی اور مَدَنی قافلوں میں سفر کو اپنا معمول بنا لیا۔ بتاریخ25دسمبر 2004؁ء مَدَنی قافِلے میں سفر پر روانگی کے وقت انہیں چھوٹی بہن کا فون آیا، انہوں نے بھرائی ہوئی آواز میں اپنے یہاں ہونے والی  نابینا بچیکی ولادت کی خبر سنائی اور ساتھ ہی کہا: ڈاکٹروں نے کہہ دیا ہے کہ اِس کی آنکھیں روشن نہیں ہوسکتیں ۔ اِتناکہنے کے بعد بند ٹوٹا اور چھوٹی بہن صدمے سے بِلک بِلک کر رونے لگی۔ان اسلامی بھائی نے یہ کہہ کر ڈھار س بندھا ئی کہ  اِنْ شَآءَاللہ عَزَّوَجَلَّ             

مَدَنی قافلے میں دعا کروں گا ۔انہوں نے مَدَنی قافلے میں  خود بھی دعائیں کیں اور مَدَنی قافلے والے عاشِقانِ رسول سے بھی دعائیں کروائیں ۔ جب مَدَنی قافلے سے پلٹے تو دوسرے ہی دن چھوٹی بہن نے فون پر خوشی خوشی یہ خبر فرحت اثرسنائی کہ اَلْحَمْدُ للہ عَزَّوَجَلَّ میری نابینا بیٹی مہک کی آنکھیں روشن ہو گئی ہیں اور ڈاکٹرزتَعَجُّب کر رہے ہیں کہ یہ کیسے ہو گیا! کیوں کہ ہماری ڈاکٹری میں اس کا کوئی علاج ہی نہیں تھا!  اَلْحَمْدُ للہ عَزَّوَجَلَّانہیں بابُ المدینہ کراچی میں عَلاقائی مُشاوَرت کے ایک رُکن کی حیثیت سے

 

دعوتِ اسلامی کے مَدَنی کاموں کے لئے کوشِشیں کرنے کی سعادتیں بھی حاصل ہوئیں ۔    ؎      

آفتوں سے نہ ڈر، رکھ کرم پر نظر          آپ کو چار ہ گر، نے گو مایوس کر

روشن آنکھیں ملیں ، قافِلے میں چلو       بھی دیا مت ڈریں ، قافِلے میں چلو

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

       میٹھے میٹھے اسلامی بھائیو! دیکھا آپ نے ! دعوتِ اسلامی کا مَدَنی ماحول کتنا پیارا پیارا ہے ۔ اِس کے دامن میں آ کرمُعاشرے کے نہ جانے کتنے ہی بگڑے ہوئے افراد با کردار بن کر سنتوں بھری باعزت زندگی گزارنے لگے نیز مَدَنی قافلوں کی مَدَنی بہاریں بھی آپ کے سامنے ہیں ۔ جس طرح مَدَنی قافلوں میں سفر کی بَرَکت سے بعضوں کی دُنیوی مصیبت رخصت ہو جاتی ہے، اِنْ شَآءَاللہ عَزَّوَجَلَّ اِسی طرح تاجدارِ رسالت، شَہنشاہِ نبوت ، سراپا رحمت، شفیع امت صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی شَفاعت سے آخرت کی مشقت بھی راحت میں ڈھل جائے گی۔   ؎

ٹوٹ جائیں گے گنہگاروں کے فوراً قیدو بند

حشر کو کھل جائے گی طاقت رسولُ اللہ کی (حدائقِ بخشش ص۱۵۳)

پانچ خصوصی کرم:

حضرت سَیِّدُناجابربن عبداللّٰہرَضِیَ اللہُ تَعَالٰی عَنْہُسے روایت ہے کہ رحمت عالمیان، سلطانِ دوجہان ،شہنشاہِ کون ومکان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ ذِی شان ہے: میری اُمت کو ماہِ رَمضان میں پانچ چیز یں ایسی عطا کی گئیں جو مجھ سے پہلے کسی نبی کو نہ ملیں :{۱} جب رَمَضانُ الْمبارَک کی پہلی رات ہوتی ہے تواللہ عَزّوَجَلَّان کی طرف رَحمت کی نظر فرماتا ہے اور جس کی طرف اللہ عَزّوَجَلَّنظر رَحمت فرمائے اُسے کبھی بھی عذاب نہ دے گا {۲}  شام کے وَقت ان کے منہ کی بو (جوبھوک کی وجہ سے ہوتی ہے) اللہ تَعَالٰی کے نزدیک مشک کی خوشبو سے بھی بہتر ہے {۳} فرشتے ہر رات اور دن ا ن کے لئے مغفرت کی دعائیں کرتے رہتے ہیں {۴}اللہ تَعَالٰی جنت کو حکم فرماتاہے: ’’میرے (نیک )  بندوں کیلئے مُزَیَّن(مُ۔زَ۔یَّن۔یعنی آراستہ) ہوجا عنقریب وہ دنیا کی مَشَقَّت سے میرے گھر اور کرم میں راحت پائیں گے‘‘{۵} جب

 

ماہِ رَمضان کی آخری رات آتی ہے تو اللہ عَزّوَجَلَّسب کی مغفرت فرما دیتا ہے ۔ قوم میں سے ایک شخص نے کھڑے ہو کر عرض کی: یَارَسُولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ! کیا وہلَیلَۃُ الَقَدْر ہے؟ ارشاد فرمایا: ’’نہیں ، کیا تم نہیں دیکھتے کہ مزدور جب اپنے کاموں سے فارِغ ہوجاتے ہیں تواُنہیں اُجرت دی جاتی ہے۔‘‘ (شُعَبُ الایمان  ج۳ص۳۰۳حدیث۳۶۰۳)

صغیرہ گناہوں کا کفارہ:

حضرتِ سَیِّدُنا ابوہریرہرَضِیَ اللہُ تَعَالٰی عَنْہُ سے مروی ہے: حضور پر نور، شافِعِ یو مُ النشور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ پر سرور ہے: ’’پانچوں نمازیں اور جمعہ اگلے جمعے تک اور ماہِ رَمضان اگلے ماہِ رَمضان تک گناہوں کا کفارہ ہیں جب تک کہ کبیرہ گناہوں سے بچا جائے۔‘‘     (مسلِم ص۱۴۴حدیث۲۳۳)

کاش! پورا سال رَمضان ہی ہو!:

میٹھے میٹھے اسلامی بھائیو! ہمارے پیارے پیارے آقا، مکے مدینے والے مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ عالی شان ہے: ’’اگر بندوں کو معلوم ہوتا کہ رَمضان کیا ہے تو میری اُمت تمنا کرتی کہ کاش!پورا سال رَمضان ہی ہو۔ ‘‘           (ابنِ خُزَیمہ ج۳ص۱۹۰حدیث۱۸۸۶)

آقا صَلَّی اللہ تعالٰی علیہ واٰلہٖ وسلَّم کا بیانِ جنت نشان:

حضرتِ سَیِّدُنا سلمان فارسی رَضِیَ اللہُ تَعَالٰی عَنْہُ فرماتے ہیں کہ’’ محبوبِ رَحمن ، سرورِ ذیشان، رَحمتِ عالمیان ، مکی مَدَنی سلطان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ماہِ شعبان کے آخری دن بیان فرمایا: ’’اے لوگو! تمہارے پاس عظمت والا بَرَکت والا مہینا آیا، وہ مہینا جس میں ایک رات (ایسی بھی ہے جو ) ہزار مہینوں سے بہتر ہے، اِس (ماہِ مُبارَک ) کے روزےاللہ عَزّوَجَلَّنے فرض کیے اور اِس کی رات میں قیام^([2]) تَطَوُّع(یعنی سنّت) ہے، جو اِس میں نیکی کا کام کرے تو ایسا ہے جیسے اور کسی مہینے

 

 میں فرض ادا کیا اور اس میں جس نے فرض ادا کیا تَو ایسا ہے جیسے اور دِنوں میں 70 فرض ادا کیے۔ یہ مہینا صَبْر کا ہے اور صَبْرکا ثواب جنت ہے اور یہ مہینا مُؤَاسات(یعنی غمخواری اور بھلائی ) کاہے اور اس مہینے میں مومن کا رِزق بڑھایا جاتا ہے۔جو اِس میں روزہ دار کو اِفطار کرائے اُس کے گناہوں کے لئے  مغفرت ہے اور اُس کی گردن آگ سے آزاد کردی جائے گی اور اِس اِفطار کرانے والے کو وَیسا ہی ثواب مِلے گا جیسا روزہ رکھنے والے کو ملے گا،بغیر اِس کے کہ اُس کے اَجر میں کچھ کمی ہو۔‘‘ہم نے عرض کی: یَارَسُولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ! ہم میں سے ہر شخص وہ چیز نہیں پاتا جس سے روزہ اِفطار کروائے ۔آپصَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا: اللہ تَعَالٰی یہ ثواب تواُس شخص کو دے گا جو ایک گھونٹ دُودھ یا ایک کھجوریا ایک گھونٹ پانی سے روزہ اِفطار کروائے اور جس نے روزہ دار کو پیٹ بھر کرکھلایا ، اُس کو اللہ تَعَالٰی میرے حوض سے پلائے گا کہ کبھی پیاسا نہ ہوگا، یہاں تک کہ جنت میں داخِل ہوجائے ۔ یہ وہ مہینا ہے کہ اِس کا اوَّل (یعنی اِبتدائی دس دن ) رَحمت ہے اور اِس کا اَوسَط(یعنی درمِیانی دس دن ) مغفرت ہے اور آخِر ( یعنی آخری دس دن ) جہنَّم سے آزادی ہے۔جو اپنے غُلام پر اِس مہینے میں تخفیف کرے (یعنی کام کم لے) اللہ تَعَالٰی اُسے بخش دے گااور جہنَّم سے آزاد فرمادے گا۔ اِس مہینے میں چار باتوں کی کثرت کرو، ان میں سے دو ایسی ہیں جن کے ذرِیعے تم اپنے ربّ عَزّوَجَلَّکو راضی کرو گے اور بقیہ دو سے تمہیں بے نیازی نہیں ۔ پس وہ دو باتیں جن کے ذرِیعے تم اپنے ربّعَزّوَجَلَّکو راضی کرو گے وہ یہ ہیں : {۱} لَا اِلٰہ اَلَّا اللہُ کی گواہی دینا {۲}اِستغفار کرنا۔ جبکہ وہ دو باتیں جن سے تمہیں غنا(یعنی بے نیازی) نہیں وہ یہ ہیں :(۱) اللہ تَعَالٰی سے جنت طلب کرنا (۲)جہنَّم سےاللہ عَزّوَجَلَّکی پناہ طَلَب کرنا۔‘‘( شُعَبُ الْاِیمان ج۳ ص۳۰۵ حدیث۳۶۰۸، ابنِ خُزَیمہ ج ۳ ص ۱۹۲ حدیث۱۸۸۷)

        میٹھے میٹھے اسلامی بھائیو! ابھی جو حدیثِ پاک بیان کی گئی اس میں ماہِ رَمَضانُ المبارَک کی رَحمتوں،برکتوں اور عظمتوں کا خوب خوب تذکرہ ہے۔ اس ماہِ مُبارَک میں کلمہ شریف زیادہ تعداد میں پڑھ کر اوربار بار اِستغفار یعنی خوب توبہ کے ذَرِیعے اللہ تَعَالٰی کو راضی کرنے کی سعی (کوشِش) کرنی ہے اور اللہ تَعَالٰی سے جنت میں داخلے اور جہنَّم سے پناہ کی بہت زیادہ التجائیں کرنی ہیں ۔

 

رَمضانُ المبارَک کے چار نام:

اللہُ اَکْبَرْ  عَزّوَجَلَّ!ماہِ رَمضان کابھی کیا خوب فیضان ہے! مفسر شہیرحکیمُ الْاُمَّت حضر  ت ِ مفتی احمد یار خان عَلَیْہِ رَحْمَۃُ الحَنّانتفسیرنعیمی میں فرماتے ہیں : ’’اِس ماہِ مُبارَک کے کل چار نام ہیں {۱}ماہِ رَمَضَان {۲}ماہِ صَبْر {۳}ماہِ مُؤَاسات اور {۴} ماہِ وُسْعَتِ رِزْق۔‘‘  مزید فرماتے ہیں : ’’روزہ صَبْرہے جس کی جَزا رَبّ عَزّوَجَلَّ ہے اور  و ہ اِسی مہینے میں رکھا جاتا ہے۔اِس لئے اِسے ماہِ صَبْرکہتے ہیں ۔  مُؤَاسات کے معنٰی ہیں بھلائی کرنا ۔ چونکہ اِس مہینے میں سارے مسلمانوں سے خاص کر اہلِ قرابت(یعنی رشتے داروں ) سے بھلائی کرنا زِیادہ ثواب ہے اِس لئے اسے  ماہِ مُؤَاسات کہتے ہیں اِس میں رِزق کی فراخی(یعنی زیادتی) بھی ہوتی ہے کہ غریب بھی نعمتیں کھالیتے ہیں ، اِسی لئے اِس کا نام ماہِ وسعت رِزق بھی ہے۔‘‘ ( تفسیرِ نعیمی ج۲ص۲۰۸)

ماہِ رمضان المبارک کے تیرہ حروف کی نسبت سے13 مَدَنی پھول

(یہ تمام مَدَنی پھول تفسیرنعیمی جلد2سے لئے گئے ہیں )

{۱}کعبۂ مُعَظّمہ مسلمانوں کو بلا کر دیتا ہے اور یہ آکر رَحمتیں بانٹتا ہے۔ گویا وہ(یعنی کعبہ) کنواں ہے اور یہ (یعنی رَمضان شریف) دریا ،یاوہ (یعنی کعبہ) دریا ہے اور یہ (یعنی رَمضان ) بارِش۔

{۲} ہر مہینے میں خاص تاریخیں اور تاریخوں میں بھی خاص وَقت میں عبادت ہوتی ہے، مَثَلاً بقر عید کی چند (مخصوص) تاریخوں میں حج ،محرم کی دسویں تاریخ اَفضل ،مگر ماہِ رَمضان میں ہر دن اور ہَر َوقت عبادت ہوتی ہے۔ روزہ عبادت، اِفطار عبادت، اِفطارکے بعد تراویح کا اِنتِظار عبادت، تراویح پڑھ کر سحری کے اِنتِظار میں سونا عبادت،

 

پھر سحری کھانا بھی عبادت، اَلْغَرَض ہر آن میں خدا(عَزّوَجَلَّ)کی شان نظر آتی ہے۔

{۳} رَمضان ایک بھٹی ہے جیسے کہ بھٹی گند ے لوہے کو صاف اور صاف لَوہے کو مشین کا پرزہ بنا کر قیمتی کردیتی ہے اور سونے کو زیور بنا کر اِستعمال کے لائق کردیتی ہے، ایسے ہی ماہِ رَمضان گنہگاروں کو پاک کرتااور نیک لوگوں کے دَرَجے بڑھا تا ہے۔

{۴} رَمضان میں نفل کا ثواب فرض کے برابر ا ور فرض کا ثواب70  گنا ملتا ہے۔

{۵} بعض عُلَما فرماتے ہیں کہ جو رَمضان میں مرجائے اُس سے سُوالاتِ  قَبْر بھی نہیں ہوتے۔

{۶} اِس مہینے میں شبِ قدر ہے،گزشتہ آیت(یعنی پارہ2 سورۃ البقرۃ آیت 185) سے معلوم ہوا کہ قراٰن رَمضان میں آیا اور دُوسری جگہ فرمایا:

اِنَّاۤ اَنْزَلْنٰهُ فِیْ لَیْلَةِ الْقَدْرِۚۖ(۱) (پ۳۰، القدر:۱)  تَرجَمَۂ کَنْزُ الْاِیْمَان:بے شک ہم نے اِسے شبِ قَدْر میں اُتارا۔

        دونوں آیتوں کے ملانے سے معلوم ہوا کہ شبِ قدر رَمضان میں ہی ہے اور وہ غالباً ستائیسویں شب ہے، کیونکہ لَیلۃُ الْقَدْر میں نو حروف ہیں اور یہ لفظ سورئہ  قَدر میں تین بار آیا ۔جس سے ستائیس حاصل ہوئے معلوم ہو ا کہ وہ ستائیسویں شَب ہے۔ 

{۷} رَمضان میں دَوزخ کے دروازے بند ہو جاتے ہیں جنت آراستہ کی جاتی ہے، اس کے دروازے کھول دیئے جاتے ہیں ۔ اِسی لئے اِن دنوں میں نیکیوں کی زیادَتی اورگناہوں کی کمی ہوتی ہے جو لوگ گناہ کرتے بھی ہیں وہ نفسِ اَمارہ یا اپنے ساتھی شیطان (  ہمزاد) کے بہکانے سے کرتے ہیں ۔

{۸} رَمضان کے کھانے پینے کا حساب نہیں ۔( یعنی سحروافطار کے کھانے پینے کا)

{۹} قیامت میں رَمضان و قرآن روزہ دار کی شفاعت کریں گے کہ رَمضان تو کہے گا: مولیٰ( عَزّوَجَلَّ)! میں نے اِسے

 

 دن میں کھانے پینے سے روکا تھا اور قراٰن عَرض کرے گا کہ یا ربّ(عَزّوَجَلَّ)! میں نے اِسے رات میں تلاوت و تراویح کے ذَرِیعے سونے سے روکا ۔

{۱۰} حضور(صَلَّی اللہُ تَعَالٰی عَلَیْہِ وَاٰلِہٖ وَسَلَّمَ)رَمَضانُ الْمبارَک میں ہر قیدی کو چھوڑدیتے تھے اور ہر سائل کو عطا فرماتے تھے، ربّ عَزّوَجَلَّ بھی رَمضان میں جہنمیوں کو چھوڑتا ہے،لہٰذا چاہئے کہ رَمضان میں نیک کام کئے جائیں اور گناہوں سے بچا جائے۔

{۱۱} قراٰن کریم میں صرف رَمضان شریف ہی کانام لیا گیا اور اسی کے فضائل بیان ہوئے ، کسی دُوسرے مہینے کا نہ صراحتاً نام ہے نہ ایسے فضائل ۔ مہینوں میں صِرف ماہِ رَمضان کا نام قرآن شریف میں لیا گیا۔ عورتوں میں صرف بی بی مریم رَضِیَ اللہُ تَعَالٰی عَنْہَاکا نام قراٰن میں آیا ۔ صحابہ میں صرف حضرت( سَیِدُنا) زید ابنِ حارِثہ (رَضِیَ اللہُ تَعَالٰی عَنْہُ)کا نام قراٰن میں لیا گیا جس سے ان تینوں کی عظمت معلوم ہوئی۔

{۱۲} رَمضان شریف میں اِفطار اور سحری کے وقت دُعا قبول ہوتی ہے یعنی اِفطار کرتے وَقت اور سحری کھا کر ۔یہ مرتبہ کسی اور مہینے کو حاصل نہیں ۔

{۱۳} رَمضان میں پانچ حروف ہیں ر،م،ض،ا،ن۔رسے مراد رَحمتِ الٰہی، میمسے مراد مَحبّتِ الٰہی ، ضسے مراد ضمانِ الٰہی، اَلِف سے امانِ اِلٰہی،ن سے نورِ الٰہی۔اور رَمضان میں پانچ عبادات خصوصی ہوتی ہیں : روزہ، تراویح، تلاوتِ قراٰن، اِعتکا ف ، شبِ قَدر میں عبادات ۔تو جو کوئی صِدْقِ دِل سے یہ پانچ عبادات کرے وہ اُن پانچ اِنعاموں کا مستحق ہے۔ (تفسیر نعیمی ج۲ص۲۰۸)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

 

جنت سجائی جاتی ہے:

       حضرت سَیِدُنا عبدُاللہ ابنِ عمر رَضِیَ اللہُ تَعَالٰی عَنْہُمَاسے روایت ہے کہ تاجدارِ مدینہ،سرورِ قلب وسینہ ،فیض گنجینہ ، صاحب معطر پسینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ باقرینہ ہے: بے شک جنت سال کے شروع سے اگلے سال تک رَمَضانُ الْمبارَک کے لئے سجائی جاتی ہے۔ اور فرمایا: رَمضان شریف کے پہلے دِن جنت کے دَرَختوں کے پتّوں سے بڑی بڑی آنکھوں والی حوروں پر ہَوا چلتی ہے اور وہ عرض کرتی ہیں : ’’اے پروَردگار عَزّوَجَلَّ!اپنے بندوں میں سے ایسے بندوں کو ہمارا شوہر بنا جن کو دیکھ کر ہماری آنکھیں ٹھنڈی ہوں اور جب وہ ہمیں دیکھیں تو اُن کی آنکھیں بھی ٹھنڈی ہوں ۔‘‘                        (شُعَبُ الایمان ج۳ص۳۱۲حدیث۳۶۳۳)

جنت کون سجاتا ہے؟:

مُفَسِّرشہیر حکیمُ الْاُمَّت حضر  تِ مفتی احمد یار خان عَلَیْہِ رَحْمَۃُ الحَنّانحدیث پاک کے اِس حصّے: ’’بے شک جنت سال کے شروع سے اگلے سال تک رمضان کیلئے سجائی جاتی ہے ‘‘ کے تحت مراٰۃ جلد3صفحہ142تا143پر فرماتے ہیں :یعنی عیدالفطر کا چاند نظر آتے ہی ، اگلے رَمضان کے لیے جنت کی آراستگی (یعنی سجاوٹ )شروع ہوجاتی ہے اور سال بھر تک فرشتے اسے سجاتے رہتے ہیں جنت خود سجی سجائی پھر اور بھی زیادہ سجائی جائے، پھر سجانے والے فرشتے ہوں ، تو کیسی سجائی جاتی ہوگی ، اس کی سجاوٹ ہمارے وہم و گمان سے وَرا ہے، بعض مسلمان رَمضان میں مسجدیں سجاتے ہیں ، وہاں قلعی چونا کرتے ہیں ، جھنڈیاں لگاتے ، روشنی کرتے ہیں ان کی اصل یہ ہی حدیث ہے۔

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

        اَلْحَمْدُ للہِ عَزَّوَجَلَّ! جنت کی عظمت کی تو کیا ہی بات ہے! کاش! ہمیں بے حساب بخش دیا جائے اور جنت الفردوس میں مدینے والے آقا ،مکی مَدَنی مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا پڑوس نصیب ہو جائے۔ اَلْحَمْدُ للہِ عَزَّوَجَلَّ تبلیغِ قراٰن وسنت کی عالمگیر غیر سیاسی تحریک ،دعوتِ اسلامی اہلِ حق کی مَدَنی تحریک ہے،اس سے ہر دم وابستہ رہئے،

 

 دعوتِ اسلامی والوں پر کیسی کیسی کرم نوازیاں ہوتی ہیں اس کی ایک’’ مَدَنی بہار‘‘ملاحظہ فرمایئے:

جنت میں آقا صَلَّی اللہ تعالٰی علیہ واٰلہٖ وسلَّم کے پڑوس کی بشارت:

اسلامی بھائیوں اور اسلامی بہنوں کو مفت درسِ نظامی کروانے کیلئے اَلْحَمْدُ للہِ عَزَّوَجَلَّ دعوتِ اسلامی کے زیر اہتمام مُتَعَدِّد جامعات بنام جامِعۃُ الْمدینہ قائم ہیں ۔ اَلْحَمْدُ للہِ عَزَّوَجَلَّ ۱۴۲۷؁ ھ میں دعوتِ اسلامی کے ان جامعات المدینہ ( بابُ المدینہ کراچی) کے تقریباً160 طَلَبۂ کرام نے ہاتھوں ہاتھ12 ماہ کیلئے  راہِ خدا عَزَّوَجَلَّ میں سفر اختیار کیا۔ ابتِداء ً  مَدَنی قافلہ کورس کروانے کی ترکیب بنی، اِس دَوران طلبہ کے جذبۂ خدمتِ اسلام کو مزید مدینے کے 12 چاند لگ گئے اور ان میں سے تقریباً 77  طَلَبۂ کرام نے عمر بھر کیلئے اپنے آپ کو مَدَنی قافلوں   کے لئے پیش کر دیا! اس عظیم قربانی پر حوصلہ اَفزائی کی بڑی زبردست صورت بنی اور وہ یہ کہ خواب میں سرکارِ نامدار، مدینے کے تاجدار، بِاِذنِ پرَوَردگار دو عالم کے مالِک ومختار، شَہنشاہِ اَبرار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے دیدار سے ایک عاشقِ رسول کی آنکھیں ٹھنڈی ہوئیں ، لبہائے مبارکہ کوجنبش ہوئی، رَحمت کے پھول جھڑنے لگے اور الفاظ کچھ یوں ترتیب پائے: ’’ جس جس نے اپنے آپ کو عمر بھر کیلئے پیش کر دیا ہے میں ان کو جنت کے اندر اپنے ساتھ رکھوں گا۔‘‘ خواب دیکھنے والے عاشقِ رسول کے دل میں حسرت ہوئی کہ کاش ! صد کروڑ کاش! مجھے بھی ان خوش نصیبوں میں شامل کر لیا جاتا۔اللہ عَزّوَجَلَّکے مَحبوب ،دانائے غُیُوب، مُنَزَّہٌ عَنِ الْعُیُوب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے میرے دل کی بات جان لی اور فرمایا: ’’ اگر تم بھی ان میں شامل ہو نا چاہتے ہو تو اپنے آپ کو عمر بھر کیلئے پیش کر دو۔‘‘

سر عرش پر ہے تری گزر، دل فرش پر ہے تری نظر

ملکوت و مُلک میں کوئی شے ،نہیں وہ جو تجھ پہ عیاں نہیں  (حدائقِ بخشش ص۱۰۹)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

 

 خوش نصیب عاشقان رسول کو بشارتِ عظمٰی مبارک ہو! اللہ ربُّ العزّ ت  عَزّوَجَلَّ کی رَحمت پر نظر رکھتے ہوئے قوی امید ہے کہ جن بختوروں کیلئے یہ مَدَنی خواب دیکھا گیا ہے اِنْ شَآءَاللہ عَزَّوَجَلَّاُن کا خاتمہ ایمان پر ہو گا اور وہ مَدَنی آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے طفیل جنتُ الفردوس میں آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا پڑوس پائیں گے ۔ تاہم یہ یاد رہے! کہ غیر نبی جو خواب دیکھے وہ شرعاً حُجَّت (یعنی دلیل )نہیں ہوتا، خواب کی بشارت کی بنیاد پر کسی کو یقینی طور پر جنتی نہیں کہا جاسکتا۔

اِذن سے تیرے سر حشر کہیں کاش! حضور

ساتھ عطاّرؔ کو جنت میں رکھوں گا یارب (وسائلِ بخشش ص۸۶)

ہر شب ساٹھ ہزار کی بخشش:

حضرتِ سَیِدُنا عبدُ اللہ ابنِ مسعود رَضِیَ اللہُ تَعَالٰی عَنْہُ سے روایت ہے کہ شہنشاہ ِذیشان، مکی مَدَنی سلطان،رحمت عالمیان، محبوبِ رحمٰن صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ رَحمت نشان ہے: ’’رَمضان شریف کی ہرشب آسمانوں میں صبح صادِق تک ایک منادِی (یعنی اعلان کرنے والافرشتہ)یہ ندا (اعلان) کرتا ہے:اے بھلائی طلب کرنے والے!  ارادہ پختہ کر لے اور خوش ہوجا، اور اے برائی کا ارادہ رکھنے والے !برائی سے باز آجا۔ ہے کوئی مغفرت کا طلب گار! کہ اُس کی طلب پوری کی جائے ۔ ہے کوئی توبہ کرنے والا!کہ اُس کی توبہ قبول کی جائے ۔ ہے کوئی دُعامانگنے والا!کہ اُس کی دُعا قبول کی جائے۔ہے کوئی سائل! کہ اُس کا سوال پورا کیا جائے۔ اللہ تَعَالٰی رَمَضانُ الْمبارَک کی ہرشب میں اِفطار کے وَقت ساٹھ ہزار گناہ گاروں کو دوزخ سے آزاد فرمادیتا ہے اور عید کے دِن سارے مہینے کے برابر گناہ گاروں کی بخشش کی جاتی ہے۔‘‘ (شُعَبُ الْاِیمان،  ج۳،ص۳۰۴،حدیث۳۶۰۶)

         مدینے کے دیوانو!رَمَضانُ الْمبارَک کی جلوہ گری تو کیا ہوتی ہے ، ہم غریبوں کے وارے نیارے ہوجاتے ہیں ۔ اللہ تَعَالٰی کے فضل و کرم سے رَحمت کے دروازے کھول دئیے جاتے ہیں اورخوب مغفرت کے پَروانے تقسیم ہوتے ہیں ۔‘‘کاش ! ہم گنہگاروں کو بطفیل ماہِ رَمضان،سرورِ کون ومکان،مکی مَدَنی سُلطان،رَحمتِ عالمیان ،محبوبِ رحمٰن

 

صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے رَحمت بھرے ہاتھوں جہنم سے رِہائی کا پروانہ مل جائے ۔امامِ اہلِ سنّت

رَحْمَۃُ اللہِ تَعَالٰی عَلَیْہِبارگاہِ رِسَالت صَلَّی اللہُ تَعَالٰی عَلَیْہِ وَاٰلِہٖ وَسَلَّمَ میں عرض کرتے ہیں :

تمنا   ہے   فرمائیے   روزِ   محشر

یہ تیری رِہائی کی چٹھی ملی ہے  (حدائقِ بخشش ص۱۸۸)

 روزانہ دس لاکھ کی دوزخ سے رہائی:

       سرکارِنامدار، مدینے کے تاجدار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا : ’’جب رَمضان کی پہلی رات ہوتی ہے تَو اللہ تَعَالٰی اپنی مخلوق کی طرف نظر فرماتا ہے اور جباللہ عَزّوَجَلَّکسی بندے کی طرف نظر فرمائے تو اُسے کبھی عذاب نہ دے گا اور ہر رَوز دس لاکھ  کو جہنم سے آزاد فرماتا ہے اور جب اُنتیسویں رات ہوتی ہے تو مہینے بھر میں جتنے آزاد کیے اُن کے مجموعے کے برابر اُس ایک رات میں آزاد فرماتا ہے ۔ پھر جب عید الفطرکی رات آتی ہے، ملائکہ خوشی کرتے ہیں اور اللہ عَزّوَجَلَّاپنے نور کی خاص تجلی فرماتا ہے اور فرشتوں سے فرماتا ہے: ’’اے گروہِ ملائکہ ! اُس مزدورکا کیا بدلہ ہے جس نے کام پورا کرلیا؟‘‘فرشتے عرض کرتے ہیں : ’’اُس کو پورا پورا اَجر دیا جائے۔‘‘ اللہ تَعَالٰی فرماتاہے: ’’میں تمہیں گواہ کرتا ہوں کہ میں نے ان سب کو بخش دیا۔‘‘

 (جَمْعُ الْجَوامِع ج۱ص۳۴۵حدیث۲۵۳۶)

جمعہ کی ہر ہر گھڑی میں د س لاکھ کی مغفرت:

حضرتِ سَیِدُنا عبدُاللہ ابنِ عباس رَضِیَ اللہُ تَعَالٰی عَنْہُمَا سے روایت ہے کہ مَحْبُوبِ ربُّ العٰلمین ، سیِّدُ الْاَنْبِیاءِ وَ الْمُرسَلین صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ دلنشین ہے: ’’ اللہ عَزّوَجَلَّ ماہِ رَمضان میں روزانہ اِفطار کے وَقت دس لاکھ ایسے گنہگاروں کو جہنم سے آزاد فرماتا ہے جن پر گناہوں کی وجہ سے جہنم واجب ہوچکا تھا، نیز شب جُمُعہاور روزِ جُمُعہ(یعنی جُمعرات کو غروب آفتاب سے لے کر جُمُعہ کو غروب آفتاب تک )کی ہر ہر گھڑی میں ایسے دس دس لاکھ گنہگاروں کوجہنم سے آزاد کیا جاتا ہے جو عذاب کے حقدار قرار دئیے جاچکے ہوتے ہیں ۔‘‘

(اَلْفِردَوس بمأثور الْخِطاب ج ۳ ص ۳۲۰ حدیث ۴۹۶۰)

 

عاشقانِ رَمضان!بیان کردہ احادیثِ مبارَکہ میں ربُّ الْاَنام عَزّوَجَلَّکے کس قدر عظیم الشان اِنعام واِکرام کا ذِکر ہے۔ اے کاش !  اللہ تَعَالٰی ہم گنہگاروں کو بھی مغفرت یافتگان میں شامل کرلے ۔ اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم

عصیاں سے کبھی ہم نے کنارہ نہ کیا                ہم نے تَو جہنَّم کی بہت کی تجویز

پر تونے دِل آزُردہ ہمارا نہ کِیا             لیکن تری رَحمت نے گوارا نہ کیا

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

خرچ میں کشادگی کرو:

حضرتِ سَیِّدُناضمرہ رَضِیَ اللہُ تَعَالٰی عَنْہُ سے مروی ہے کہ رَحمتِ عالمیان ، سردارِ دو جہان، محبوبِ رحمن صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ برکت نشان ہے: ’’ماہِ رَمضان میں ( گھر والوں کے) خرچ میں کشادَگی کرو کیونکہ ماہِ رَمضان میں خرچ کرنا اللہ تَعَالٰیکی راہ میں خرچ کرنے کی طرح ہے۔‘‘ (فضائل شہر رمضان مع موسوعۃ ابن اَبِی الدُّنْیا  ج۱ص۳۶۸حدیث۲۴)

بھلائی ہی بھلائی:

امیرُ الْمُؤمِنِینحضرتِ سیِّدُنا عمر فاروقِ اعظم رَضِیَ اللہُ تَعَالٰی عَنْہُ فرمایا کرتے: ’’اُس مہینے کو خوش آمدید جو ہمیں پاک کرنے والا ہے۔پورا رَمضان خیر ہی خیر (یعنی بھلائی ہی بھلائی )ہے دِن کا روزہ ہویا رات کا قیام،اِس مہینے میں خرچ کرنا جہاد میں خرچ کرنے کا دَرَجہ رکھتا ہے۔ ‘‘(تَنْبِیہُ الْغافِلین ص ۱۷۷ )

بڑی بڑی آنکھوں والی حوریں :

حضرت سَیِّدُنا عبدُاللہ ابن عباسرَضِیَ اللہُ تَعَالٰی عَنْہُمَاسے مروی ہے کہ رحمت عالم ، نُورِ مُجَسَّم ، شاہِ آدم وبنی آدم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ معظم ہے : ’’جب رَمضان شریف کی پہلی رات آتی ہے تو عرش عظیم کے نیچے سے مَثِیْرہ( مَ۔ثی۔رَہ) نامی ہوا چلتی ہے جو جنت کے درختوں کے پتو ں کو ہلاتی ہے، اِس ہوا کے چلنے سے ایسی دِلکش آواز بلند ہوتی ہے کہ اِس سے بہتر آواز آج تک

 

 کسی نے نہیں سنی۔اِس آواز کوسن کربڑی بڑی آنکھوں والی حوریں ظاہر ہوتی ہیں یہاں تک کہ جنت کے بلند محلات پر کھڑی ہوجاتی ہیں اور کہتی ہیں :’’ہے کوئی جو ہم کو اللہ تَعَالٰی سے مانگ لے کہ ہمارا نکاح اُس سے ہو؟‘‘ پھر وہ حوریں داروغۂ جنت (حضرت)رِ ضوان (عَلَیْہِ الصَّلَاۃُ وَالسَّلَام) سے پوچھتی ہیں : ’’آج یہ کیسی رات ہے؟‘‘ (حضرت) رِ ضوان     (عَلَیْہِ الصَّلَاۃُ وَالسَّلَام) جواباً تَلْبِیَہ(یعنی لبَّیْک) کہتے ہیں ، پھر کہتے ہیں :’’یہ ماہِ رَمضان کی پہلی رات ہے، جنت کے دروازےاُمّتِ مُحمّد عَلٰی صَاحِبِہَا الصَّلٰوۃُ وَالسَّلَامکے روزے داروں کیلئے کھول دئیے گئے ہیں ۔ ‘‘  (اَلتَّرغیب والتَّرہیب ج ۲ ص ۶۰ حدیث ۲۳)

دو اندھیرے دُور:

منقول ہے کہ اللہ تَعَالٰی نے حضرت سَیِّدُنا موسیٰ کَلیمُ اللہ عَلٰی نَبِیِّناوَعَلَیْہِ الصَّلٰوۃُ وَالسَّلامسے فرمایا : میں نے اُمّتِ مُحَمّد(عَلٰی صَاحِبِہَا الصَّلٰوۃُ وَالسَّلَام)کودو نور عطا کئے ہیں تاکہ وہ دو اندھیروں کے ضرر(یعنی نقصان) سے محفوظ رہیں ۔حضرت سَیِّدُنا مُوسیٰ کَلیمُ اللّٰہعَلٰی نَبِیِّناوَعَلَیْہِ الصَّلٰوۃُ وَالسَّلامنے عرض کی: اللہ عَزّوَجَلَّ!وہ دو نور  کون کون سے ہیں ؟ اِرشاد ہوا: ’’نورِ رَمضان اور نورِ قراٰن۔‘‘حضرت سَیِّدُنامُوسیٰ کَلیمُ اللہ عَلٰی نَبِیِّناوَعَلَیْہِ الصَّلٰوۃُ وَالسَّلامنے عرض کی :دو اندھیرے کون کون سے ہیں ؟ فرمایا: ’’ایک قَبْرکا اور دُوسرا قِیامت کا۔ ‘‘       (دُرَّۃُ النَّاصِحِین ص۹)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

 رَمضان و قراٰن شفاعت کریں گے:

مدینے کے سلطان، سردارِدوجہان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ عالی شان  ہے : روزہ اور قراٰن بندے کیلئے قیامت کے دن شفاعت کریں گے۔روزہ عرض کرے گا:’’ اے ربِّ کریمعَزّوَجَلَّ ! میں نے کھانے اور خواہشوں سے دن میں اِسے روک دیا، میری شفاعت اِس کے حق میں قبول فرما۔‘‘ قراٰن کہے گا:’’میں نے اِسے رات میں سونے سے باز رکھا،میری شفاعت اِس کے لئے قبول کر ۔‘‘ پس دونوں کی شفاعتیں قبول ہوں گی۔

(مُسند امام احمد  ج۲ص۵۸۶حدیث۶۶۳۷)

 

لاکھ رمضان کا ثواب:

حضرت سَیِّدُناعبدُاللہ ابن عباس رَضِیَ اللہُ تَعَالٰی عَنْہُمَا سے روایت ہے کہ سرکارِ نامدار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کافرمانِ خوش گوار ہے: ’’ جس نے مکّۂ مکرمہ میں ماہِ رَمضان  پایا اور رَوزہ رکھا اور رات میں جتنا میسر آیا قیام کیا تو اللہ عَزّوَجَلَّاُس کے لئے اور جگہ کے ایک لاکھ رَمضان کا ثواب لکھے گا اور ہردن ایک غلام آزاد کرنے کا ثواب اور ہر رات ایک غلام آزادکرنے کا ثواب اور ہر روز جہاد میں گھوڑے پر سوار کردینے کا ثواب اور ہر دن میں نیکی اور ہر رات میں نیکی لکھے گا۔‘‘        (ابنِ ماجہ ج۳ص۵۲۳حدیث۳۱۱۷)

کاش! عید مدینے میں ہو!:

میٹھے میٹھے اسلامی بھائیو!اللہ عَزّوَجَلَّکے حبیب ، حبیبِ لبیب،ہم گناہوں کے مریضوں کے طبیب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا دِیارِ وِلادَت مکّۂ مُکرَّمہ زَادَھَا اللہُ شَرَفاً وَّ تَعْظِیْماًہے۔ اللہ تَعَالٰی نے اپنے حبیبِ مکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے صَدقے میں غلامانِ مصطَفٰے پر کس قَدَرلطف و کرم فرمایا ہے! اے کاش !ہمیں بھی مکّۂ مُکرّمہزَادَھَا اللہُ شَرَفاً وَّ تَعْظِیْماًمیں ماہِ رَمضان گزارنے کی عظیم سعادت نصیب ہوجائے اور اُس میں خوب عبادت کی بھی توفیق ملے اور پھر ماہِ رَمضان گزار کر فوراً ہی عید منانے کیلئے اپنے میٹھے میٹھے آقا، مکی مَدَنی مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے رَوضَۂ ضیا بار پر حاضر ہوجائیں اور وہاں پر روروکر’’عیدی‘‘ کی بھیک مانگیں اور سبزسبز گنبد کے مَکِین، رَحمۃٌ لِلْعٰلَمِین صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی رَحمت جو ش پر آجائے اور اے کاش! سرکار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے دربارِ گہر بار سے ہم گنہگار بطورِ ’’عیدی ‘‘ بے حساب مغفرت کی بشارت پانے کی سعادت پا لیں ۔

یا نبی! عطّارؔ کو جنت میں دے اپنا جوار

واسطہ صدیق کا جو تیرا یارِ غار ہے   (وسائل بخشش ص ۴۸۰)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

 

آقاصَلَّی اللہ تعالٰی علیہ واٰلہٖ وسلَّم عبادت پر کمربستہ ہوجاتے:

اُمّ الْمُؤمِنِین حضرتِ سَیِّدَتُنا عائِشہ صدیقہ رَضِیَ اللہُ تَعَالٰی عَنْہَافرماتی ہیں : جب ماہِ رَمضان آتا تو شہنشاہِ نبوت ،تاجدارِ رسالت صَلَّی اللہُ تَعَالٰی عَلَیْہِ وَاٰلِہٖ وَسَلَّمَ بیس دن نماز اور نیند کو ملاتے تھے پس جب آخری عشرہ ہوتاتواللہ عَزّوَجَلَّکی عبادت کیلئے کمربستہ ہو جاتے۔ (مسند امام احمد  ج۹ص۳۳۸حدیث۲۴۴۴۴)

آقا صَلَّی اللہ تعالٰی علیہ واٰلہٖ وسلَّمرَمضان میں خوب دعائیں مانگتے تھے:

ایک اور روایت میں فرماتی ہیں : جب ماہِ رَمضان تشریف لاتا توحضورِ اکرم، نُورِ مُجَسَّم،شاہِ آدم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا رنگ مبارَک مُتَغَیَّر (یعنی تبدیل)ہوجاتا اورنماز کی کثرت فرماتے اور خوب دُعا ئیں مانگتے ۔ (شُعَبُ الْایمان ج۳ص۳۱۰حدیث ۳۶۲۵ )

آقا صَلَّی اللہ تعالٰی علیہ واٰلہٖ وسلَّم رمضان میں خوب خیرات کرتے:

حضرت سَیِّدُنا عبدُاللہ ابنِ عبّاس رَضِیَ اللہُ تَعَالٰی عَنْہُمَا فرماتے ہیں : ’’جب ماہِ رَمضان آتا تو سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ہر قیدی کو رِہا کردیتے اور ہر سائل کو عطا فرماتے۔‘‘

(شُعَبُ الْایمان ج۳ص۳۱۱حدیث۳۶۲۹ )

کیاآقا کی حیاتِ ظاہری کے دورمیں قیدی ہوتے تھے؟:

مُفَسِّرشہیر حکیمُ الْاُمَّتحضر  تِ مفتی احمد یار خان عَلَیْہِ رَحْمَۃُ الحَنّانبیان کردہ حدیث پاک کے حصے: ’’ہر قیدی کو رہا کر دیتے ‘‘ کے تحت مراٰۃ جلد3صفحہ142پر فرماتے ہیں :حق یہ ہے کہ یہاں قیدی سے مراد وہ شخص ہے جو حقُّ اللہ یا حقُّ الْعَبد(یعنی بندے کے حق) میں گرفتار ہو اور آزاد فرمانے سے اس کے حق ادا کردینا یا کرادینا مراد ہے۔

 

سب سے بڑھ کر سخی:

حضرت سَیِّدُناعبدُاللہ ابنِ عبّاس رَضِیَ اللہُ تَعَالٰی عَنْہُمَا فرماتے ہیں :’’رسول اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَلوگوں میں سب سے بڑھ کر سخی تھے اور رَمضان شریف میں آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ (خصوصاً)بہت زیادہ سخاوت فرماتے تھے ۔  جبر ئیل ا مین عَلَیْہِ الصَّلَاۃُ وَالسَّلَامرَمَضانُ المبارَک کی  ہر رات میں ملاقات کیلئے حاضِر ہوتے اور رسولِ کریم،رء ُوفٌ رَّحیم عَلَيْهِ أَفْضَلُ الصَّلاةِ وَالتَّسْلِيْمان کے ساتھ قرآن عظیم کا دَور فرماتے ۔ جب بھی حضرت جبرئیل امینعَلَیْہِ الصَّلَاۃُ وَالسَّلَامآپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَکی خدمت میں آتے تو آپصَلَّی اللہُ تَعَالٰی عَلَیْہِ وَاٰلِہٖ وَسَلَّمَتیز چلنے والی ہوا سے بھی زیادہ خیر (یعنی بھلائی) کے معاملے میں سخاوت فرماتے۔‘‘        ( بُخاری ج ۱ ص ۹ حدیث ۶)

ہاتھ اٹھا کر ایک ٹکڑا اے کریم!

ہیں سخی کے مال میں حقدار ہم   (حدائق بخشش شریف ص۸۳)

صَلُّو ا عَلَی الْحَبِیْب !                                                   صَلَّی اللہُ تَعَالٰی عَلٰی مُحَمَّد

 ہزار گنا ثواب:

حضرت سیِّدُنا ابراہیم نَخْعِی عَلَیْہِ رَحمَۃُ اللہ الْقَوِی  فرماتے ہیں : ’’ماہِ رَمضان میں ایک دن کا روزہ رکھنا ایک ہزار دن کے روزوں سے افضل ہے اور ماہِ رَمضان میں ایک مرتبہ تسبیح کرنا(سُبحٰن اللہ  عَزَّ وَجَلَّکہنا) اس ماہ کے علاوہ ایک ہزار مرتبہ تسبیح کرنے(سُبحٰن اللہ  عَزَّ وَجَلَّکہنے) سے افضل ہے اور ماہِ رَمضان میں ایک رکعت پڑھنا غیر رَمضان کی ایک ہزار رَکعتو ں سے افضل ہے۔‘‘       (تفسیرِدُرِّ مَنْثُورج۱ص۴۵۴)

رَمضان میں ذکر کی فضیلت:

امیرُالْمُؤمِنِینحضرتِ سیِّدُنا عمر فاروقِ اعظم رَضِیَ اللہُ تَعَالٰی عَنْہُسے روایت ہے کہ رسولِ انور، مدینے کے تاجورصَلَّی اللہُ تَعَالٰی عَلَیْہِ وَاٰلِہٖ وَسَلَّمَکا فرمانِ روح پرور ہے: رَمضان میں ذکرُ اللہ عَزَّ وَجَلَّکرنے والے کو بخش دیا جاتاہے

 

اور اِس مہینے میں اللہ تَعَالٰی سے مانگنے والا محروم نہیں رہتا۔  (شُعَبُ الْایمان ج۳ص ۳۱۱ حدیث ۳۶۲۷)

سنتوں بھرا اجتماع اور ذکرُاللّٰہ:

میٹھے میٹھے اسلامی بھائیو!وہ لوگ کتنے خوش نصیب ہیں جو اِس ماہِ مبارَک میں خصو صیت کے ساتھ سنتوں بھرے اجتماعات میں شرکت کی سعادت حاصِل کرتے اور اللّٰہعَزَّ وَجَلَّسے اپنی دُنیا وآخرت کی بھلائی کا سُوال کرتے ہیں ۔ اَلْحَمْدُ للہ عَزَّوَجَلَّتبلیغِ قراٰن وسنت کی عالمگیر غیر سیاسی تحریک، دعوتِ اسلامی  کا سنتوں بھرا اجتماع ازابتدا تا انتہا ذِکرُ اللہ  عَزَّوَجَلَّہی پر مشتمل ہوتا ہے کیوں کہ تِلاوت ، نعت شریف، سنتوں بھرا بیان، دُعا اور صلوٰۃ و سلام وغیرہ سبذِکرُ اللہ عَزَّوَجَلَّمیں داخل ہیں ۔دعوتِ اسلامی کے اجتماع کی برکات کی ایک’’مدنی بہار‘‘ ملاحظہ ہو، چنانچہ

چھ بیٹیوں کے بعد اولادِ نرینہ:

مرکزالاولیا( لاہور) کے ایک اسلامی بھائی کی مدنی بہارعرض کرتا ہوں : غالباً 2003؁ء کی بات ہے، ایک اسلامی بھائی نے انہیں تبلیغِ قراٰن و سنت کی عالمگیر غیر سیاسی تحریک، دعوتِ اسلامی کے تین روزہ بین الاقوامی سنتوں بھرے اجتماع(صحرائے مدینہ ،مدینۃ الاولیا ملتان) میں شرکت کی دعوت عنایت فرمائی۔ انہوں نے عرض کی: میں چھ بیٹیوں کا باپ ہوں ،میرے گھر میں پھر ولادت مُتَوَقَّع ہے، دعا فرمایئے کہ اب کی بارنرینہ اولاد ہو۔ اُس اسلامی بھائی نے انفرادی کوشش کرتے ہوئے فرمایا: حج کے بعد تعداد کے لحاظ سے عاشقانِ رسول کے سب سے بڑے اجتماع (ملتان شریف) میں آ کر دعا مانگئے نہ جانے کس کے صدقے میں بیڑا پار ہو جائے ۔ اُس کی بات ان کے دل کو لگ گئی اور وہ سنتوں بھرے اجتماع ( ملتان شریف) میں حاضر ہوگئے۔ وہاں کے روح پرور مناظر کا بیان کرنے کیلئے ان کے پاس اَلفاظ نہیں تھے، انہیں زندگی میں پہلی بار ایک زبردست روحانی سکون نصیب ہوا۔ اَلْحَمْدُ للہ عَزَّوَجَلَّاجتماع کے چند ہی روز کے بعداللہ عَزَّوَجَلَّنے انہیں چاند سا مَدَنی منا عطا فرمایا، گھر والوں کی خوشی بیان سے باہَر تھی۔ 

 

اَلْحَمْدُ للہ عَزَّوَجَلَّوہ دعوتِ اسلامی کے مَدَنی ماحول سے وابستہ ہو گئے۔ اللہ عَزَّوَجَلَّنے نے انہیں مزید ایک اور مَدَنی منے سے بھی نواز دیا۔ اَلْحَمْدُ للہ عَزَّوَجَلَّانہیں دعوتِ اسلامی کے مَدَنی ماحول میں قافلہ ذمہ دار کی حیثیت سے خدمت کی سعادت بھی ملی ۔

40نیک مسلمانوں کے مجمع میں ایک ولی ہوتا ہے:

میٹھے میٹھے اسلامی بھائیو! دعوتِ اسلامی کے مَدَنی ماحول اور سنتوں بھرے اجتماعات میں رَحمتیں کیوں نازِل نہ ہو ں گی کہ ان عاشقانِ رسول میں نہ جانے کتنے اولیائِ کرام رَحِمَہُمُ اللہُ تَعَالٰیہوتے ہوں گے۔میرے آقا اعلٰی حضرت رَحْمَۃُ اللہِ تَعَالٰی عَلَیْہِفرماتے ہیں : ’’جماعت میں بَرَکت ہے اور دعائے مَجمعِ مُسلِمین اَقْرب بَقَبُول۔( یعنی مسلمانوں کے مجمع میں دعا مانگنا قبولیت کے قریب تر ہے) علما فرماتے ہیں : جہاں چالیس مسلمان صالح(یعنی نیک مسلمان )  جمع ہوتے ہیں اُن میں ایک ولی اللہ ضرور ہوتاہے ۔‘‘

                                                (فتاوٰی رضویہ  ج۲۴ص۱۸۴، فیضُ القدیر  ج۱ص۴۹۷زیرِ حدیث۷۱۴)

 بیٹا ملے، بیٹی ملے، کچھ نہ ملے ، ہر حال میں شکر کیجئے:

بالفرض دُعا کی قبولیت کا اَثر ظاہر نہ ہو تب بھی حرفِ شکایت زبان پر نہیں لانا چاہئے۔ ہماری بھلائی کس بات میں ہے اِ س کویقینااللہ عَزَّوَجَلَّہم سے زیادہ بہتر جانتا ہے۔ ہمیں ہر حال میں پاک پروردگارعَزَّوَجَلَّکا شکر گزار بندہ بن کر رَہنا چاہئے۔ وہ بیٹا دے تب بھی اُس کا شکر ، بیٹی دے تب بھی شکر، دونوں دے تب بھی شکر اور نہ دے تب بھی شکر، ہر حال میں شکر شکر اور شکرہی ادا کرنا چاہئے۔پارہ 25 سُوْرَۃُ الشُّورٰی کی آیت نمبر49اور 50 میں ارشادِ باری تعالیٰ ہے:

 

لِلّٰهِ مُلْكُ السَّمٰوٰتِ وَ الْاَرْضِؕ-یَخْلُقُ مَا یَشَآءُؕ-یَهَبُ لِمَنْ یَّشَآءُ اِنَاثًا وَّ یَهَبُ لِمَنْ یَّشَآءُ الذُّكُوْرَۙ(۴۹) اَوْ یُزَوِّجُهُمْ ذُكْرَانًا وَّ اِنَاثًاۚ-وَ یَجْعَلُ مَنْ یَّشَآءُ عَقِیْمًاؕ-اِنَّهٗ عَلِیْمٌ قَدِیْرٌ(۵۰)

ترجَمۂ کنزالایمان:         اللہ ہی کیلئے ہے آسمانوں اور زمین کی سلطنت، پیدا کرتا ہے جو چاہے، جسے چاہے بیٹیاں عطا فرمائے اور جسے چاہے بیٹے دے یا دونوں ملا دے بیٹے اور بیٹیاں اور جسے چاہے بانجھ کر دے بے شک وہ علم و قدرت والا ہے ۔

        ’’ خزائنُ الْعِرفان‘‘میں آیت نمبر50کے اِس  حصے(جسے چاہے بانجھ کر دے )  کے تحت ہے: (یعنی)’’ کہ اُس کے اولاد ہی نہ ہو ، وہ (یعنی اللہ تَعَالٰی) مالک ہے ، اپنی نعمت کو جس طرح چاہے تقسیم کرے ، جسے جو چاہے دے۔ انبیا عَلَیْہِمُ السَّلام میں بھی یہ سب صورَتیں پائی جاتی ہیں ، حضرتِ لوط و حضرتِ شعیب عَلَیْہِم السَّلام  کے صرف بیٹیاں تھیں ، کوئی بیٹا نہ تھا اور حضرتِ ابراہیم عَلَيْهِ  الصَّلٰوۃُ وَالسَّلام کے صرف فرزند(یعنی بیٹے) تھے ،کوئی دُختر (یعنی بیٹی ) ہوئی ہی نہیں اور سیِّدِ انبیاء حبیب خدا محمد مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَکو اللہ تَعَالٰی نے چار فرزند عطا فرمائے اور چار صاحِب زادیاں ۔‘‘  (خزائن العرفان ص۸۹۸)

   حضور صَلَّی اللہ تعالٰی علیہ واٰلہٖ وسلَّم کی مقدّس اولاد کی تعداد

دعوتِ اسلامی کے اِشاعتی اِدارے مکتبۃُ المدینہ کے مطبوعہ 48 صَفحات پر مشتمل رسالے ، ’’زندہ بیٹی کنویں میں پھینک دی‘‘ صَفْحَہ 7تا 8 پر ہے: سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَکے چار فرزند ہونے کااگر چہ’’خزائن العرفان ‘‘ میں ذِکر ہے مگر اِس میں اختلاف ہے ، تین شہزادوں کابھی قول ہے اور دو کا بھی ۔ چنانچہ ’’ تذکرۃ الانبیاء‘‘ صَفْحَہ 827پر ہے:آپصَلَّی اللہُ تَعَالٰی عَلَیْہِ وَاٰلِہٖ وَسَلَّمَ) کے تین بیٹے تھے : قاسم ، ابراہیم ، عبدُ اللّٰہ۔ خیال رہے کہ طیب،مطیب،طاہر اورمطہر اِنہیں (یعنی حضرتِ عبدُ اللہ رَضِیَ اللہُ تَعَالٰی عَنْہُ)کے اَلقاب تھے ،یہ کوئی علیٰحدہ بیٹے نہیں تھے۔ (تذکرۃ الانبیاء ص۸۲۷) حضرتِ علامہ عبد المصطَفٰے اعظمی عَلَیْہِ رَحمَۃُ اللہ الْقَوِی  ’سیرتِ مصطَفٰے ‘‘ صَفْحَہ 687پر لکھتے ہیں : اس بات پر تمام مؤرخین (مُ۔اَرْ۔رِخین)کا اِتفاق ہے کہ حضورِ اقدس صَلَّی اللہُ تَعَالٰی عَلَیْہِ وَاٰلِہٖ وَسَلَّمَکی اولاد ِکرام کی تعداد چھ (تو یقینا)ہے۔ دو فرزند حضرتِ

قاسموحضرتِابراہیم(رَضِیَ اللہُ تَعَالٰی عَنْہَما) اور چار صاحبزادیاں حضرتِ زینب و حضرتِ رُقیہ و حضرتِ اُمِّ کلثوم و حضرتِ فاطمہ (رَضِیَ اللہُ تَعَالٰی عَنْہُنَّ) لیکن بعض مؤرخین نے یہ بیان فرمایا ہے کہ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَکے ایک صاحبزادے عبدُاللّٰہ(رَضِیَ اللہُ تَعَالٰی عَنْہُ) بھی ہیں جن کا لقب طیب و طاہر ہے۔ اس قول کی بنا پر حضور صَلَّی اللہُ تَعَالٰی عَلَیْہِ وَاٰلِہٖ وَسَلَّمَکی مقدس اولاد کی تعداد سات ہے یعنی تین صاحبزادگان اورچار صاحبزادیاں ۔   (سیرتِ مصطفی ص۶۸۷)

 رَمضان کا دیوانہ:

مُحمَّدنامی ایک آدمی سارا سال نَما زنہ پڑھتا تھا۔ جب رمضان شریف کا مُتَبَرّکمہینا آتا تو وہ پاک صاف کپڑے پہنتا اورپانچوں وَقت پابندی کے ساتھ نَماز پڑھتا اور سالِ گزشتہ کی قضا نمازیں بھی ادا کرتا۔ لوگوں نے اُس سے پوچھا: تو ایسا کیوں کرتا ہے؟اُس نے جواب دیا: یہ مہینارحمت، برکت ، توبہ اورمغفرت کا ہے،شاید اللہ تَعَالٰی مجھے میرے اِسی عمل کے سبب بخش دے۔ جب اُس کا انتقال ہوگیا تو کسی نے اُسے خواب میں دیکھ کر پوچھا: مَا فَعَلَ اللہ بِکَ؟یعنیاللہ تَعَالٰی نے تیرے ساتھ کیا معاملہ کیا؟اُس نے جواب دیا: ’’میرے  اللہ عَزَّوَجَلَّنے مجھے اِحترامِ رَمضان شریف بجا لانے کے سبب بخش دیا۔                                                           (دُرَّۃُ النَّاصِحِین ص۸)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

اللہ بے نیاز ہے:

میٹھے میٹھے اسلامی بھائیو! دیکھا آپ نے ؟خدا ئے رَحمٰنعَزَّوَجَلَّماہِ رَمضان  کے قدر دان پر کس دَرَجہ مہربان ہے کہ سال کے باقی مہینے چھوڑ کر صرف ماہِ رَمضان میں عبادت کرنے والے کی مغفرت فرمادی۔اِس حکایت سے کہیں کوئی یہ نہ سمجھ بیٹھے کہ اب تو (مَعَاذَ اللہ عَزَّوَجَلَّ) ساراسال نمازوں کی چھٹی ہوگئی !! صرف رَمَضَانُ المُبارَکمیں روزہ نَماز کرلیا کریں گے اور سیدھے جنت میں چلے جائیں گے۔ پیارے اسلامی بھائیو! دراصل بخشنا یا عذاب کرنایہ سب کچھ اللہ تَعَالٰی کی مَشِیَّت پر موقوف ہے ،
وہ بے نیاز ہے،اگر چاہے تو کسی مسلمان کو بظاہر چھوٹے سے نیک عمل پر ہی اپنے فضل سے بخش دے اور اگر چاہے تو بڑی بڑی نیکیوں کے باوجود کسی کو محض ایک چھوٹے سے گُناہ پر اپنے عدل سے پکڑلے۔پارہ3 سُوْرَۃُ الْبَقْرَہکی آیت نمبر284 میں ارشاد ِ ربِّ بے نیاز ہے:

فَیَغْفِرُ لِمَنْ یَّشَآءُ وَ یُعَذِّبُ مَنْ یَّشَآءُؕ-(پ۳،البقرۃ:۲۸۴)

ترجَمۂ کنزالایمان: تو جسے چاہے گا (اپنے فضل سے اہلِ ایمان کو) بخشے گا اور جسے چاہے گا ( اپنے عدل سے) سزا دے گا۔

تو بے حساب بخش کہ ہیں بے شمار جرم

دیتا ہوں واسطہ تجھے شاہِ حجاز کا

تین کے اندر تین پوشیدہ:

میٹھے میٹھے اسلامی بھائیو!کوئی نیکی چھوڑنی نہیں چاہئے ،نہ جانے اللہ عَزَّوَجَلَّکو کونسی نیکی پسند آجائے اور کوئی چھوٹے سے چھوٹا گناہ کرنا نہیں چاہئے کہ نہ جانے کس گناہ پر اللہ تَعَالٰی ناراض ہوجائے اور اُس کا درد ناک عذاب گھیرلے۔ خلیفۂ اعلٰی حضرت ،فقیہ اَعظم سیدنا ابو یوسف محمد شریف  محدث کوٹلوی عَلَیْہِ رَحمَۃُ اللہ الْقَوِی  نقل فرماتے ہیں :’’ اللہ عَزَّوَجَلَّنے تین چیزوں کو تین چیزوں میں مَخْفی(یعنی پوشیدہ ) رکھا ہے،{۱}اپنی رِضا کو اپنی اِطاعت میں اور {۲}اپنی ناراضی کو اپنی نافرمانی میں اور {۳}اپنے اولیا کواپنے بَندوں میں ۔‘‘(تَنبِیہُ الْمُغتَرِّیْن  ص۵۱) یہ قول نقل کرنے کے بعد فقیہ اعظم عَلَیْہِ رَحْمَۃُ اللہِ الْاَکْرَم فرماتے ہیں :’’ لہٰذا ہر طاعت اور ہر نیکی کو عمل میں لانا چاہئے کہ معلوم نہیں کس نیکی پر وہ راضی ہوجائے اور ہر بدی سے بچنا چاہئے کیونکہ معلوم نہیں کس بدی پر وہ ناراض ہوجائے ۔خواہ وہ بدی کیسی ہی صغیر (یعنی چھوٹی) ہو۔مَثَلًا      (بلا اجازت)کسی کے تنکے کا خلال کرنا بظاہرایک معمولی سی بات ہے یا کسی ہمسایہ کی مٹی سے اُس کی اجازت کے بغیرہاتھ دھونا گویا ایک چھوٹی سی بات ہے مگر ممکن ہے کہ اس بُرائی میں ہی حق تعالیٰ کی ناراضی مَخفی (یعنی چھپی ہوئی ) ہو تو ایسی چھوٹی چھوٹی باتوں سے بھی بچنا چاہئے۔‘‘ (اَخلاق ُ الصّٰلِحِین ص۶۰)

کتے کو پانی پلانے والی بخشی گئی:

رَحمت کے طلب گارو!جب اللہ عَزَّوَجَلَّ بخشنے پر آتا ہے تو بظاہر نیکی کتنی ہی چھوٹی ہو وہ اِسی کے سبب کرم فرمادیتا ہے۔جیسا کہ   ایک عورت کو صِرْف اِس لئے بخش دیا گیا کہ اُس نے ایک پیاسے کتے کو پانی پلایا تھا۔(بُخاری ج۲ص ۰۹ ۴حدیث۳۳۲۱)ایک حدیث میں سرکارِ مدینہ، سلطانِ باقرینہ ، قرارِ قلب وسینہ ، فیض گنجینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَکا یہ فرمانِ عالی شان بھی ملتا ہے کہ:’’ ایک شخص نے راستے میں سے ایک دَرَخت کو اِس لئے ہٹا دیا تاکہ لوگوں کو اِس سے اِیذا نہ پہنچے ۔ اللہ تَعَالٰی نے خوش ہوکر اُس کی مغفرت فرمادی۔‘‘ (مُسلم ص۱۴۱۰حدیث۱۹۱۴)ایک صحیح حدیث میں تقاضے  (یعنی قرض کے مُطالبے) میں نرمی کرنے والے ایک شخص کی نجات ہوجانے کا واقعہ بھی آیا ہے۔( بُخاری ج ۲ ص ۱۲ حدیث ۲۰۷۸)

اللہ عَزَّوَجَلَّ کی رَحمت کے واقعات جمع کرنے جائیں تو اتنے ہیں کہ جمع کرنا مشکل ہو جائے ۔

مژدہ باد اے عاصیو! شافع شہِ اَبرار ہے

تہنیت اے مجر مو! ذاتِ خدا غفار ہے(حدائق بخشش ص۱۷۶)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

تُوبُوااِلیَ اللہ!                                اَسْتَغْفِرُاللہ

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

 عذاب سے چھٹکارے کے اسباب:

میٹھے میٹھے اسلامی بھائیو!جب اللہ عَزَّوَجَلَّرَحمت کرنے پر آتا ہے تو یوں بھی سبب بنا تا ہے کہ کسی ایک عمل کواپنی بارگاہ میں شرف قبولیت عطا فرما دیتا ہے اور پھر اسی کے باعِث اُس پررَحمتوں کی بارِش کردیتا ہے ۔ لہٰذا اب ایک حدیثِ مبارَک پیش کی جاتی ہے جس میں مُتَعَدِّد ایسے لوگوں کا بیان کیا گیا ہے کہ وہ کسی نہ کسی نیکی کے سبب

 

اللہ تَعَالٰی کی گرفت سے بچ گئے اور رَحمتِ خداوندی عَزَّوَجَلَّنے انہیں اپنی آغوش میں لے لیا۔چنانچہ حضرت سَیِّدُنا عبدالرحمن بن سمرہ رَضِیَ اللہُ تَعَالٰی عَنْہُ سے روایت ہے: ایک بار حضورِ اکرم، نُورِ مُجَسَّم، شاہِ آدم و بنی آدم صَلَّی اللہُ تَعَالٰی عَلَیْہِ وَاٰلِہٖ وَسَلَّمَتشریف لائے اور ارشاد فرمایا: ’’آج رات میں نے ایک عجیب خواب دیکھا کہ

{۱} ایک شخص کی رُوح قبض کرنے کیلئے مَلکُ الموت(عَلَيْهِ  الصَّلٰوۃُ وَالسَّلام)  تشریف لائے لیکن اُس کاماں باپ کی اِطاعتکرناسامنے آگیا اور وہ بچ گیا۔

{۲} ایک شخص پر عذابِ قَبْر چھاگیا لیکن اُس کے وُضو(کی نیکی)نے اُسے بچالیا۔

{۳} ایک شخص کو شیاطین نے گھیر لیا لیکن ذِکرُاللہ عَزَّوَجَلَّ (کرنے کی نیکی ) نے اُسے بچالیا۔

{۴} ایک شخص کو عذاب کے فرشتوں نے گھیر لیا لیکن اُسے (اُس کی)نَماز  نے بچالیا۔

{۵} ایک شخص کو دیکھا کہ پیاس کی شدّت سے زَبان نکالے ہوئے تھا اور ایک حوض پر پانی پینے جاتا تھا مگر لوٹادیا جاتا تھا کہ اتنے میں اُس کے روزے آگئے (اور اِس نیکی نے)اُس کو سیراب کردیا۔

{۶} ایک شخص کو دیکھا کہ جہاں انبیاءَ کرام (عَلَيْهِمُ الصَّلٰوۃُ وَالسَّلام) حلقے بنائے ہوئے تشریف فرما تھے، وہاں ان کے پاس جانا چاہتا تھا لیکن دھتکار دیا جاتا تھا کہ اتنے میں اُس کاغسل جنابت(کرنا) آیا او ر( اُس نیکی نے)اُس کومیرے پاس بٹھادیا۔

{۷} ایک شخص کو دیکھا کہ اُس کے آگے پیچھے، دائیں بائیں ، اوپر نیچے اندھیرا ہی اندھیرا ہے اور وہ اس اندھیرے میں حیران وپریشان ہے تو اُس کے حج وعمرہ آگئے اور (ان نیکیوں نے )اُس کو اندھیرے سے نکال کر روشنی میں پہنچا دیا۔

{۸} ایک شخص کو دیکھا کہ وہ مُسلمانوں سے گفتگو کرنا چاہتا ہے لیکن کوئی اُس کو منہ نہیں لگاتا توصلۂِ رِحمی (یعنی رشتے داروں سے حسن سلوک کرنے کی نیکی) نے مؤمنین سے کہا کہ تم اِس سے بات چیت کرو۔تو مسلمانوں نے اُس سے

بات کرنا شروع کی۔

{۹} ایکشخص کے جسم اور چِہرے کی طرف آگ بڑھ رہی ہے اور وہ اپنے ہاتھ سے بچا رہا ہے تواُس کاصدقہ آگیا اور اُس کے آگے ڈھال بن گیااور اُس کے سرپر سایہ   فگن ہوگیا۔

{۱۰} ایک شخص کو زَبانیہ (یعنی عذاب کے مَخصوص فرشتوں )نے چاروں طرف سے گھیر لیا لیکن اُس کا  اَمْرٌبِا لْمَعْرُوفِ وَنَہْیٌ عَنِ الْمُنْکَرآیا (یعنی نیکی کا حکم کرنے اور بُرائی سے منع کرنے کی نیکی آئی ) ا ور اُ س نے اُسے بچالیا اور رَحمت کے فرشتوں کے حوالے کردیا۔

{۱۱}  ایکشخص کو دیکھا جو گھٹنوں کے بل بیٹھا ہے لیکن اُس کے اور اللہ تَعَالٰی کے درمیان حجاب(ـیعنی پردہ)ہے مگر اُس کا حسنِ اَخلاق آیااِس (نیکی) نے اُس کو بچالیا اور اللہ تَعَالٰی سے مِلادیا۔

{۱۲} ایک شخص کو اُس کا اَعمال نامہ اُلٹے ہاتھ میں دیا جانے لگا تو اُس کا خوفِ خدا عَزَّوَجَلَّ آگیا اور(اِس عظیم نیکی کی بَرَکت سے) اُس کا نامۂ اَعمال سیدھے ہاتھ میں دے دیا گیا۔

{۱۳} ایک شخص کی نیکیوں کا وَزن ہلکا رہا مگر اُس کی سخاوت آگئی اور نیکیوں کا وَزن بڑھ گیا۔

{۱۴} ایکشخص جہنم کے کَنارے پر کھڑا تھامگر اُس کا  خوفِ خدا عَزَّوَجَلَّ آگیا اور وہ بچ گیا۔

{۱۵} ایک شخص جہنم میں گر گیا لیکن اُس کے خوفِ خدا عَزَّوَجَلَّ میں بہائے ہوئے آنسو آگئے اور (اِن آنسوؤں کی بَرَکت سے) وہ بچ گیا۔

{۱۶} ایک شخص پل صراط پر کھڑا تھا اور ٹہنی کی طرح لرزرہا تھا لیکن اُس کا اللہ عَزَّوَجَلَّ کے ساتھ حسن ظن (یعنی اللہ عَزَّوَجَلَّ سے اچھا گمان )آیا (اور اِس نیکی) نے اُسے بچالیا اور وہ پل صراط سے گزرگیا۔

{۱۷} ایک  شخص پل صراط پر گھسٹ گھسٹ کر چل رہا تھا کہ اُس کامجھ پر دُرُودِ پاک پڑھنا آگیا اور( اس نیکی نے) اُس

 

کو کھڑا کرکے پل صراط پار کروا دیا۔

{۱۸} میری اُمت کاایک شخص جنت کے دروازوں کے پاس پہنچا تو وہ سب اس پر بند تھے کہ اس کا لَا اِلٰہَ اِلَّا اللہُ کی گواہی دینا آیا اور اُس کے لئے جنتی دروازے کھل گئے اور وہ جنت میں داخِل ہوگیا۔

چُغلی کا درد ناک عذاب

{۱۹} کچھ لوگوں کے ہونٹ کاٹے جارہے تھے میں نے جبرئیل(عَلَيْهِ الصَّلٰوۃُ وَالسَّلام) سے دریافت کیا ، یہ کون ہیں ؟تو انہوں نے بتایاکہ یہ لوگوں کے درمیان چغل خوری کرنے والے ہیں ۔

الزامِ گناہ کی خوفناک سزا

{۲۰} کچھ لوگوں کو زَبانوں سے لٹکا دیا گیا تھا۔میں نے جبرئیل(عَلَيْهِ الصَّلٰوۃُ وَالسَّلام)سے اُن کے بارے میں پوچھا تو اُنہوں نے بتایا کہ یہ لوگوں پر جھوٹی تہمت لگانے والے ہیں ۔‘‘  (شرحُ الصُّدر ص۱۸۲ تا ۱۸۴، مُلَخّصاً)

 میٹھے میٹھے اسلامی بھائیو!آپ نے ملاحظہ فرمایا ! اِطاعتِ والِدین ، وُضو، نما ز ، روزہ ،ذِکْرُ اللہ عَزَّوَجَلَّ ،حج وعمرہ،صِلۂِ رِحمی ، اَمْرٌ بِالْمَعْرُوفِ وَنَہْیٌ عَنِ الْمُنْکَر، صَدَقہ ،حسن اَخلاق،سخاوت ،خوف ِخدا عَزَّوَجَلَّ میں رونا،نیز اللہ عَزَّوَجَلَّ کے ساتھ حسنِ ظن وغیرہ وغیرہ نیکیوں کے سَبَب اللہ عَزَّوَجَلَّ نے اپنے بندوں پر کرم فرمادیا اور اُنہیں عتاب و عذاب سے رِہائی مل گئی ۔بہرحال یہ اُس کے فضل وکرم کے معاملات ہیں ، وہ مالِک ومختار عَزَّوَجَلَّ ہے، جسے چاہے بخش دے، جسے چاہے عذاب کرے،یہ سب اُس کا عدل ہی عدل ہے۔جہاں وہ کسی نیکی سے خوش ہو کر اپنی رَحمت سے بخش دیتا ہے وَہیں کسی گناہ پر جب وہ ناراض ہوجاتا ہے تو اُس کا قہر و غضب جوش پر آجاتا ہے اور پھر اُس کی گرفت نہایت ہی سخت ہوتی ہے ۔ جیسا کہ ابھی گزشتہ طویل حدیث کے آخر میں چغل خوروں اور دوسروں پر گناہ کی تہمت باندھنے والوں کا

 

 اَنجام گزرا۔پس عقل مند وہی ہے کہ بظاہر کوئی چھوٹی سی بھی نیکی ہو اُسے ترک نہ کرے کہ ہوسکتا ہے یہی نیکی نجات کا ذَرِیعہ بن جائے اور بظاہر گناہ کتنا ہی معمولی نظر آتا ہو ہر گز ہر گز نہ کرے۔

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

’’قَہَّار‘‘ کے چار حروف کی نسبت سے گناہ گاروں کی4 حکایات

(۱) قبر آگ سے بھر گئی !:

بے چین دلوں کے چین،رحمت دارینصَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا: اللہ کے بندوں میں سے ایک بندے کو قبر میں  سو کوڑے  مار نے کا حکم دیا گیا،وہ اللہ سے دُعا کرتا رہا یہاں تک کہ ایک کوڑا رہ گیاجب ایک کوڑا مارا گیا تو اس کی قبر آگ سے بھر گئی جب آگ ختم ہوئی اور اس بندے کو افاقہ ہوا تو اس نے( فرشتوں سے) پوچھا: آخر مجھے یہ کوڑا کیوں مارا گیا؟تو اُنہوں نے جواب دیا:ایک روزتو نے بغیر طہارت(یعنی بے وضو) نماز پڑ ھ لی تھی اور ایک مظلوم کے پاس سے تیرا گزر ہوا تھامگر تُو نے اس کی مدد نہ کی۔

                                       (شَرحُ  مَشْکِلِ الآثار لِلطّحاوِی ج۸ص۲۱۲حدیث۳۱۸۵، اَلزّواجر ج۲ص۲۳۶)

   (۲)ماپنے میں بے اِحتیاطی کے سبب عتاب:

حضرت سَیِّدُنا حارِث مُحاسِبِی عَلَیْہِ رَحمَۃُ اللہ الْقَوِی  فر ما تے ہیں کہ ایک کیال ـ(یعنی غلہ ماپنے والے)نے یہ کام چھوڑدیا اور عبادتِ الٰہی عَزَّوَجَلَّ میں مشغول ہوا۔ جب وہ مر گیا تو اُس کے بعض اَحباب نے اُس کو خواب میں دیکھا تو پوچھا: ما فَعَلَ اللہ بِکَ یعنی اللہ عَزَّوَجَلَّ نے تیرے ساتھ کیا معاملہ کیا؟ اُس نے کہا: ’’میرا وہ پیمانہ جس میں غلہ وغیرہ ماپاکرتا تھا،اُس میں میری بے اِحتیاطی کی وجہ سے کچھ مٹی سی بیٹھ گئی تھی ،میں نے اُسے صاف کرنے میں غفلت برتی تو ہر مرتبہ ماپنے کے وَقت بقدر

 

 اُس مٹی کے کم ہوجاتا تھا ۔میں اُس قصور کے سَبَب عتاب میں گرفتار ہوں ۔‘‘     (تَنبِیہُ الْمُغتَرِّیْن ص۵۱)

(۳) قبر سے چلانے کی آواز:

اِسی طرح ایک اور شخص بھی اپنی ترازُو سے مٹی وغیرہ صاف نہیں کرتا تھااور اِسی طرح چیز تول دیتا تھا۔ جب وہ مرگیا تو اُس کو قَبر میں عذاب شروع ہو گیا ، یہاں تک کہ لوگوں نے اُس کی قَبْر سے چیخنے چلانے کی آواز سنی ۔ بعضصالِحِین رَحمَہُمُ اللہُ الْمُبِین (یعنی نیک لوگوں ) کو قَبْر سے چلانے کی آواز سن کر رَحم آگیا اور اُنہوں نے اُس کیلے دُعائے مغفرت کی تو اِس کی برکت سے اللہ عَزَّوَجَلَّنے اُس کا عذاب کادَفع کیا۔                                  (اَیضاً)

حرام کی کمائی کہاں جاتی ہے؟:

مذکورہ دونوں لرزہ خیز حکایات سے وہ لو گ ضرور دَرسِ عبرت حاصِل کریں جو ڈَنڈی مارتے او ر کم ماپ تول کرتے ہیں ۔مسلمانو!ڈنڈی مار کر کم ماپ کر بعض اَوقات بظاہر مال میں کچھ زیادَتی نظر آبھی جاتی ہے مگر ایسی آمَدَنی کس کام کی! بسا اوقات دُنیا میں بھی اِس قسم کا مال وَبال بن جاتا ہے۔ ہوسکتا ہے کہ ڈاکٹروں کی فیسوں ،بیماریوں کی دواؤں ،جیب کتروں ،چوروں یا رِشوت خورَوں کے ہاتھوں میں یہ مال چلا جائے اور پھرساتھ ہی ساتھ مَعَاذَ اللہ عَزَّوَجَلَّ آخرت کا عذابِ شدید بھی بھگتنا پڑ جائے۔

کر لے توبہ رب کی رَحمت ہے بڑی

قبر میں ورنہ سزا ہوگی کڑی  (وسائلِ بخشش ص۷۱۲)

آگ کے دو پہاڑ:

روح البیانمیں ہے: ’’جو شخص ناپ تول میں خیانت کرتا ہے ، قیامت کے روز اُسے دوزخ کی گہرائیوں میں ڈالا جائے گا اور آگ کے دو پہاڑ و ں کے درمیان بٹھا کر حُکم دیا جائے گا :یہ دونوں پہاڑ ناپو اور تولو! جب تولنے لگے گا تو آگ اُسے جلا ڈالے گی۔‘‘ (تفسیر روحُ البیان ج۱۰ص۳۶۴)

 

میٹھے میٹھے اسلامی بھائیو!خوب غور فرمایئے! مختصر سی زندگی میں چند فانی سکے حاصل کرنے کیلئے اگر ڈنڈی مارلی تَو کس قَدَر شدید عذاب کی وَعید ہے۔آج معمولی گرمی برداشت نہیں ہوتی تو جہنم میں آگ کے پہاڑوں کی تپش کس طرح سہی جا سکے گی! خدارا!اپنے حال پر رَحم کرتے ہوئے مال کی ہوس سے دُور رہئے،ورنہ مالِ غیر حلال دونوں جہانوں میں وَبال ہی وَبال ثابت ہوگا۔

(۴)تنکے کا بوجھ:

مشہور تابعی بزرگ حضرتِ سیِّدُنا وہب بن مُنَبِّہ( مُ ۔ نَب۔بِہْ) رَحْمَۃُ اللہِ تَعَالٰی عَلَیْہِفرماتے ہیں : ’’بنی اسرائیل کے ایک نوجوان نے گناہوں سے توبہ کی،پھر70سال مسلسل عبادت کرتا رہا،رات جاگتا اوردِن میں روزہ رکھتا، نہ کسی سائے کے نیچے آرام کرتا اور نہ کوئی عمدہ غذا کھاتا۔ جب اُس کا اِنتقال ہوگیا تو اُس کے بعض دوستوں نے اُسے خواب میں دیکھ کر پوچھا: مَافَعَلَ اللہ بِکَ؟یعنی اللہ عَزَّوَجَلَّنے تیرے سا تھ کیا معاملہ کیا؟اُس نے بتایا: اللہ عَزَّوَجَلَّنے میرا حساب لیا،پھر سارے گناہ بخش دیئے مگر ایک لکڑی جس سے میں نے اس کے مالک کی اجازت کے بغیر دانتوں میں خلال کرلیا تھا (اور یہ معاملہ حقوق العباد کا تھا)اوروہ معاف کروانا رہ گیا تھا اس کی وجہ سے میں اب تک جنت سے روک دیا گیاہوں ۔‘‘     (تَنبِیہُ الْمُغتَرِّیْن ص۵۱)

گناہ آخر گناہ ہے:

میٹھے میٹھے اسلامی بھائیو! لرز جاؤ ! تھرا اُٹھو !!کہ ایک عابدوزاہد اور نیک بندہ صرف اور صِرف اِس وجہ سے جنت سے روک دیا گیا کہ اُس نے ایک  تنکا اُس کے مالک کی اِجازت کے بغیر لے کر اُس سے دانتوں میں خلال کرلیا اور پھر بے معاف کروائے اِنتقال کرگیا ۔ ذرا سوچئے! غور کیجئے!!اب ایک تنکے کی کہاں بات ہے! آج کل تو لوگ بڑی بڑی قیمتی اَمانتیں ہڑپ کرجاتے اور ڈَکار تک نہیں لیتے!

تُوبُوااِلیَ اللہ!                                                                                  اَسْتَغْفِرُاللہ

 

ادائے قرض میں بلا مہلت لیے تاخیر گناہ ہے:

مسلمانو!ڈرجاؤ!!حُقُوقُ الْعِباد (یعنی بندوں کے حقوق ) کامعاملہ نہایت سخت ہے اگر کسی بندے کا مال دَبا لیا،یا اُس کو گالی دے دی ، آنکھیں دکھا کر ڈرایا، دھمکایا ، ڈانٹ ڈپٹ کی جس سے اُس کا دِل دُکھا۔اَلْغَرَض کسی طرح بھی بے اجازتِ شرعی اُس کی دِل آزاری کی یا قرضہ دبا لیا بلکہ بلا اجازتِ قرضخواہ یا بغیرصحیح مجبوری کے قَرض کی ادائیگی میں تاخیر ہی کی،یہ سب بندوں کی حق تلفیاں ہیں ۔قرض کی بات چلی ہے تو یہ بھی  بتاتا چلوں کہ حُجَّۃُ الْاِسلامحضرت سیِّدُنا امام محمدبن محمدبن محمد غزالی عَلَیْہِ رَحْمَۃُ اللہِ الوالی’’کیمیائے سعادت‘‘ میں نقل کرتے ہیں : ’’جو شخص قرض لیتا ہے اور یہ نیت کرتا ہے کہ میں اچھی طرح ادا کردوں گا تواللہ عَزَّوَجَلَّاس کی حفاظت کیلئے چند فرشتے مقرر فرما دیتا ہے اور وہ دعا کرتے ہیں کہ اس کا قرض ادا ہوجائے۔‘‘ (انظر:اِتحافُ السّادَۃج۶ص۴۰۹)  اور اگر قرض دار قرض ادا کرسکتا ہو تو قرض خواہ کی مرضی کے بغیر اگر ایک گھڑی بھر بھی تاخیر کریگا تو گنہگار ہوگا اور ظالم قرار پائے گا۔ خواہ روزے کی حالت میں ہو یا سورہا ہواور اس پر اللہ عَزَّوَجَلَّکی لعنت اترتی ہے۔یہ گناہ تو ایسا ہے کہ نیند کی حالت میں بھی اس کے ساتھ رہتا ہے۔ اگر اپنا سامان بیچ کر قرض ادا کرسکتا ہے تب بھی کرنا پڑ ے گا ، اگر ایسا نہیں کرے گا تو گناہ گارہے۔ اس کا یہ فعل کبیرہ گناہوں میں سے ہے مگر لوگ اسے معمولی خیال کرتے ہیں ۔ (کیمیائے سعادت ج۱ ص۳۳۶)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

تین پیسے کا وبال:

میرے آقا اعلٰی حضرت،اِمامِ اَہلِ سنّت، مولانا شاہ امام اَحمد رَضا خان عَلَیْہِ رَحْمَۃُ الرَّحْمٰن سے قرضے کی ادائیگی میں سُستی اور جھوٹے حیل (حِ۔یَ۔ل) و حُجّت کرنیوالے شخص زَیدکے بارے میں اِستفسار ہوا تو آپرَحْمَۃُ اللہِ تَعَالٰی عَلَیْہِ نے ارشاد فرمایا:’’زَید فاسق وفاجر ،مُرتَکِبِ کبائر ،ظالم، کذاب، مستحق عذاب ہے اس سے زِیادہ اور کیا اَلقاب اپنے لئے چاہتا ہے! اگراِس

حالت میں مر گیا اوردَین (قرض) لوگوں کا اِس پر باقی رہا ،اِس کی نیکیاں اُن (قرض خواہوں )کے مطا لبے میں دی جائیں گی اورکیونکر دی جائیں گی(یعنی کس طرح دی جائیں گی یہ بھی سن لیجئے) تقریباََ تین پیسہ دَین (قرض) کے عوض(یعنی بدلے) سات سو نمازیں باجماعت(دینی پڑیں گی) ۔ جب اِس(قرضہ دبا لینے والے) کے پاس نیکیاں نہ رہیں گی اُن (قرض خواہوں ) کے گناہ اِس(مقروض) کے سر پر رکھے جائیں گے اورآگ میں پھینک دیا جائے گا ۔ ‘‘ (فتاوٰی رضویہ ج۲۵ص۶۹ مُلخصاً)

مت دبا قرضہ کسی کا نابَکار

روئے گا دوزخ میں ورنہ زار زار

تُوبُوااِلیَ اللہ!                                اَسْتَغْفِرُاللہ

        میٹھے میٹھے اسلامی بھائیو! دُنیا میں کسی پر ذرہ برابر ظلم کرنے والابھی جب تک مظلوم کو راضی نہیں کرلے گا اُس وقت تک اُس کی خلاصی (یعنی چھٹکار ا) ناممکن ہے۔ ہاں ،اللہ عَزَّوَجَلَّاگر چاہے گا تو اپنے فضل وکرم سے قیامت کے روز ظالم و مظلوم میں صلح کروادے گا، بصورتِ دِیگر اُس مظلوم کو ظالم کی نیکیاں دے دی جائیں گی،اگر اس سے بھی مظلوم یا مظلومین کے حقوق ادا نہ ہوئے تو مظلومین کے گناہ ظالم کے سر پر ڈال دئیے جائیں گے اور وہ جہنم رسید کردیا جائے گا۔ وَالْعِیاذُ بِاللہ تعالٰی ۔

قیامت میں مفلس کون ؟:

تاجدارِ مدینۂ منوّرہ، سلطانِ مکّۂ مکرّمہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے صحابۂ کرام عَلَیْہِمُ الرِّضْوَان سے اِستفسار فرمایا: ’’کیا تم جانتے ہو کہ مفلس کون ہے؟‘‘ صحابۂ کرامعَلَیْہِمُ الرِّضْوَاننے عرض کی: یَارَسُولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ!ہم میں سے مفلس تو وہ ہے جس کے پاس دِرہم و دُنیاوی سازوسامان نہ ہو۔ تو آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے اِرشاد فرمایا:’’ میری اُمت کا مفلس ترین شخص وہ ہے جو قیامت کے دن نماز، روزہ، زکوٰۃ تو لے کر آئے گا مگر ساتھ ہی کسی کو گالی بھی دی ہوگی،کسی کوتہمت لگائی ہوگی، اُس کا مالِ ناحق کھایا ہوگا،اس کا خون بہایا ہوگا،اس کو مارا ہوگا، پس ان سب گناہوں

 

 کے بدلے میں اس کی نیکیاں لی جائیں گی، پس اگر اس کی نیکیاں ختم ہوجائیں اور مزید حق دار باقی ہو ں تو بدلے میں اُن(یعنی مظلوموں ) کے گناہ لے کر اِس (یعنی ظالم) پرڈالے جائیں گے پھر اس (ظالم) شخص کو جہنم میں ڈال دیا جائے گا۔‘‘ (مسلم  ص۱۳۹۴حدیث۲۵۸۱)

ظالم سے مراد کون ہے؟:

یاد رہے!یہاں ظالم سے مراد صرف قاتِل، ڈاکو یا مار دھاڑ کرنے والا ہی نہیں بلکہ جس نے بظاہِر کسی کی تھوڑی سی بھی حق تلفی کی مَثَلاً کسی کاایک آدھ روپیہ ہی دبا لیا ہو، مذاق اُڑا کر یا بلا اجازتِ شرعی ڈانٹ ڈَپٹ کر کے یا غصے میں گھور کر دل دُکھایا ہو وہ بھی ظالم ہے۔ اب یہ جدا بات ہے کہ جس پر اِس طرح کے ظلم ہوئے اِس ’’مظلوم‘‘ نے بھی ’’اُس ظالم ‘‘ کی بعض حق تلفیاں کی ہوں ، اِس صورت ِ حال میں دونوں ایک دوسرے کے حق میں جدا جدا  مُعاملات میں ’’ظالم‘‘ بھی ہیں اور ’’مظلوم‘‘ بھی۔  

حضرت سَیِّدُنا عبدُ اللہ اُنیس رَحْمَۃُ اللہِ تَعَالٰی عَلَیْہِ فرماتے ہیں :اللہ عَزَّوَجَلَّقیامت کے دن ارشاد فرمائے گا: ’’کوئی دوزخی دوزخ میں اور کوئی جنتی جنت میں داخل نہ ہو،جب تک وہحُقُوقُ الْعِبادکا بدلہ نہ ادا کرے۔‘‘یعنی جس کسی کا حق جس کسی نے دَبایا ہو اُس کا فیصلہ ہونے تک دوزخ یا جنت میں داخل نہ ہوگا۔ (تَنبِیہُ الْمُغتَرِّیْن ص۵۱) حُقُوقُ الْعِباد کی تفصیلی معلومات کیلئے مکتبۃُ المدینہ کا مطبوعہ تحریری بیان ظلم کا انجام ضرور ملاحظہ فرمایئے۔

   یااللہ عَزَّوَجَلَّ! ہم سب مسلمانوں کو ایک دُوسرے کی حق تلفی سے بچا اوراس سلسلے میں جو کچھ کوتاہیاں ہوچکی ہیں ان سے سچی توبہ کرنے اور اِنہیں آپس میں مُعاف کروالینے کی توفیق مرحمت فرما۔ اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

 

 ماہِ رَمضان میں فوت ہونے کی فضیلت:

حضرتِ سَیِّدُنا عبد اللہ ابنِ مسعود رَضِیَ اللہُ تَعَالٰی عَنْہُ سے روایت ہے: نبیوں کے سلطان ،رحمت ِ عالمیان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ جنت نشان ہے: ’’جس کو رَمضان کے وَقت موت آئی وہ جنت میں داخل ہوگا اور جس کی موت  یوم عرفہ (یعنی9ذُوالحِجّۃِ الْحرام )کے وَقت آئی وہ بھی جنت میں داخِل ہوگااور جس کی موت صدقہ دینے کی حالت میں آئی وہ بھی داخل جنت ہوگا۔‘‘ (حِلْیۃُ ا لْاولیَاء ج۵ص۲۶حدیث۶۱۸۷) حضرتِ سَیِّدُنا انس بن مالک رَضِیَ اللہُ تَعَالٰی عَنْہُ سے روایت ہے کہ ماہِ رَمضان میں مردوں سے عذابِ قبر اٹھا لیا جاتا ہے۔    (شَرحُ الصُّدُور ص۱۸۷)

قیامت تک کے روزوں کا ثواب:

اُمُّ الْمُؤ منین سَیِّدَتنا عائِشہ صدیقہرَضِیَ اللہُ تَعَالٰی عَنْہا سے روایت ہے: انبیا کے سرتاج، صاحبِ معراج صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا ارشادِ بشارت بنیاد ہے: ’’ روزے کی حالت میں جس کا اِنتقال ہوا،اللہ عَزَّوَجَلَّاُس کوقیامت تک کے روزوں کا ثواب عطا فرماتا ہے۔‘‘   (اَلْفِردَوس بمأثور الْخِطاب ج۳ص۵۰۴حدیث۵۵۵۷)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

رَمضان میں مغفرت نہ ہوئی تو پھر کب ہو گی!:

حضرتِسیِّدُنااَنس بن مالک رَضِیَ اللہُ تَعَالٰی عَنْہُ فرماتے ہیں کہ میں نے رسولِ اکرم،  نُورِ مُجَسَّم ، شاہِ آدم و بنی آدم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو فرماتے ہوئے سنا :’’یہ رمضا ن تمہارے پاس آگیا ہے ،اس میں جنّت کے دروازے کھول دیئے جا تے ہیں اور جہنم کے دروازے بندکردیئے جاتے ہیں اور شیاطین کو قید کر دیا جاتا ہے۔محروم ہے وہ شخص جس نے رَمضا ن کو پایا اور اس کی مغفرت نہ ہوئی کہ جب اس کی رَمضا ن میں مغفرت نہ ہوئی تو پھر کب ہوگی! ‘‘     (مُعجَم اَوسَط ج۵ص۳۶۶حدیث۷۶۲۷)

 

جنت کے دروازے کھل جاتے ہیں:

حضرتِ سَیِّدُنا ابوہریرہ رَضِیَ اللہُ تَعَالٰی عَنْہُ فرماتے ہیں کہ رسولِ اکرم، رحمتِ عالم ، رسولِ مُحتَشَم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا: ’’رَمضان آگیا برکت والا مہینا ہے،اللّٰہتَعَالٰی نے اِس کے روزے تم پر فرض کئے،اِس میں آسمان کے دروازے کھولے جاتے اور جہنمکے دروازے بندکئے جاتے ہیں ،اور اس میں مردود شیاطین قید کر دیئے جاتے ہیں ،اِس میں ایک رات ہے ، ہزار مہینوں سے بہتر، جو اس کی بھلائی سے محروم رہاوہ بالکل ہی محروم رہا۔‘‘(نَسائی ص۳۵۵حدیث۲۱۰۳)

شیاطین زنجیروں میں جکڑدیئے جاتے ہیں :

حضرتِ سَیِّدُنا ابوہریرہ رَضِیَ اللہُ تَعَالٰی عَنْہُ فرماتے ہیں :سلطانِ دو جہان ، رحمتِ عالمیان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ عالیشان ہے : جب رَمضان آتا ہے توآسمان کے دروازے کھول دیئے جاتے ہیں ۔ (بُخاری  ج ۱ ص ۶۲۶ حدیث ۱۸۹۹ ) اور ایک روایت میں ہے کہ جنت کے دروازے کھول دیئے جاتے ہیں اور دوزخ کے دروازے بند کر دیئے جاتے ہیں ،شیاطین زَنجیروں میں جکڑ دیئے جاتے ہیں ۔(اَیضاً ص ۳۹۹ حدیث ۳۲۷۷) ایک روایت میں ہے کہ رَحمت کے دروازے کھولے جاتے ہیں ۔  ( مسلم ص ۵۴۳ حدیث  ۱۰۷۹)

گناہوں میں کمی تو آہی جاتی ہے:

میٹھے میٹھے اسلامی بھائیو!بہرکیف عام مشاہدہ یہی ہے کہ رَمَضانُ الْمبارَک میں ہماری مساجد غیر رَمضان کے مقابلے میں زِیادہ آباد ہوجاتی ہیں ، نیکیاں کرنے میں آسانیاں رہتی ہیں اور اتناضرور ہے کہ ماہِ رَمضان میں گناہوں کا سلسلہ کچھ نہ کچھ کم ہوجاتا ہے۔

جوں ہی سرکش شیاطین آزاد ہوتے ہیں !:

رَمَضانُ الْمبارَک کے رُخصت ہوتے ہی، سرکش شیاطین آزاد ہو جاتے ہیں اور افسوس! گناہوں کا زور بڑھ جاتاہے۔خصوصاًعید کے دِن گناہوں کی نہایت کثرت ہو جاتی ہے ، گویا ایک مہینے کی قید کے

 

 سَبَب سرکش شیاطین بے حد بپھر چکے ہیں اور ماہِ رَمَضانُ المبارَک کی ساری کسروہ عید کے روز ہی نکال دینا چاہتے ہیں ، تفریح گاہیں بے پردہ عورَتوں اور مردوں سے بھر جاتی ہیں ، عید کے لئے نئی نئی فلمیں اور جدید ڈرامے لگادئیے جاتے ہیں ، آہ!  شیطٰن کے ہاتھوں بے شمار مسلمان کھلونا بن کر رہ جاتے ہیں ، مگر ایسے خوش نصیب بھی ہوتے ہیں جواللہ ربُّ العزّت عَزَّوَجَلَّ کی یاد سے غفلت نہیں کرتے اور  شیطٰنکے بہکانے سے محفوظ رہتے ہیں ۔

آتش پرست نے ماہِ رمضان کا احترام کیا تو۔۔۔ (حکایت):

بخارامیں ایک مجوسی (آتَش پرست ) رہتا تھا ایک مرتبہ رَمضان شریف  میں وہ اپنے بیٹے کے ساتھ مسلمانوں کے بازار سے گزر رہا تھا ،اُس کے بیٹے نے علی الاعلان کوئی چیز کھانی شروع کر دی ، مجوسی نے یہ دیکھتے ہی اپنے بیٹے کو ایک طمانچہ رَسید کردیا او رڈانٹتے ہوئے کہا: تجھے رَمَضانُ الْمبارَک کے مہینے میں مسلمانوں کے بازار میں کھاتے ہوئے شرم نہیں آتی!لڑکے نے کہا: ابا جان !آپ بھی تو رَمضان شریف میں کھاتے ہیں ۔ والد نے کہا: میں مسلمانوں کے سامنے نہیں اپنے گھر کے اندرچھپ کر کھاتا ہوں ،اِس ماہِ مبارَک کی بے حرمتی نہیں کرتا۔کچھ عرصے بعد اُس شخص کا اِنتقال ہوگیا۔ کسی نے خواب میں اُس کو جنت میں ٹہلتے ہوئے دیکھا توحیرت سے پوچھا: توتو مجوسی(یعنی آگ کا پجاری) تھا،جنت میں کیسے آگیا؟کہنے لگا: ’’واقعی میں مجوسی تھا، لیکن جب موت کا وَقت قریب آیا تواللہ عَزَّوَجَلَّنے اِحترامِ رَمضان کی برکت سے مجھے ایمان کی دولت سے اور مرنے کے بعد جنت سے مشرف فرمایا۔‘‘ (نُزھَۃُ الْمجَالِس ج۱ص۲۱۷)

  رَمضان میں علی الاعلان کھانے کی دُنیوی سزا:

میٹھے میٹھے اسلامی بھائیو! دیکھا آپ نے ؟ رَمَضانُ المبارَک کی تعظیم کے سَبَب ایک آتش پرست کواللہ عَزَّوَجَلَّنے دَولت اِیمان سے نواز کر جنت کی لازَوال نعمتوں سے مالا مال فرمادیا ۔اِس حکایت سے خصوصاً اُن غافلوں کو دَرسِ عبرت حاصل کرنا چاہئے جو مسلمان ہونے کے باوجود رَمَضانُ المُبارَک میں

 اَوَّل تو وہ روزہ نہیں رکھتے، پھر چوری اور سینہ زَوری یوں کہ روزہ داروں کے سامنے ہی سگریٹ کے کش لگاتے، پان چباتے، حتی کہ بعض تو اتنے بے باک و بے مروت کہ سر عام پانی پیتے بلکہ کھانا کھاتے بھی نہیں شرماتے۔ایسے لوگوں کیلئے فقہی کتابوں میں سخت سزا کا حکم ہے۔

 کیا آپ کو مرنا نہیں ؟:

میٹھے میٹھے اسلامی بھائیو!غور کیجئے! خوب سوچئے!!جب دنیا میں روزہ خوروں کی سخت سزا تجویز کی گئی ہے (یہ سزا صرف حاکمِ اسلام ہی دے سکتا ہے) تو آخرت   کی سزا کس قدر ہولناک ہوگی!مسلمانو!ہوش میں آیئے!کب تک اِس دُنیا میں گلچھر ے اُڑائیں گے ؟ کیاآپ کو مرنا نہیں ؟ کیا اِس دُنیا میں ہمیشہ اِسی طرح دَندناتے پِھریں گے؟یاد رکھئے!ایک نہ ایک دِن موت ضرور آئے گی اور آپ کا رِشتۂ حیات منقطع کرکے (یعنی کاٹ کر) نرم وآرام دِہ گدیلوں سے اُٹھا کر فرش خاک پر سلادے گی، ہر طرح کے سامانِ طرب سے آراستہ و پیراستہ کمروں سے نکال کر اندھیری قبروں میں پہنچادے گی، پھر پچھتانے سے کچھ ہاتھ نہ آئے گا،ابھی موقع ہے،گناہوں سے سچی توبہ کرلیجئے اورروزہ ونماز کی پابندی اِختیار کیجئے۔

کرلے توبہ رب کی رحمت ہے بڑی

قبر میں ورنہ سزا ہوگی کڑی (وسائل بخشش ص۷۱۲)

سنتوں بھرے بیانات کی برکات:

میٹھے میٹھے اسلامی بھائیو!  گناہوں بھری زندَگی سے چھٹکارا پانے کیلئے تبلیغِ قراٰن وسنّت کی عالمگیر غیر سیاسی تحریک ، دعوتِ اسلامی کے مَدَنی ماحول سے ہر دم وابَستہ رہئے۔ اِنْ شَآءَ اللہ عَزَّ  وَجَلَّدنیا و آخِرت دونوں میں سُرخ رُوئی نصیب ہوگی۔ آپ کی ترغیب کیلئے ایک خوشگوار وخوشبودار مَدَنی بہار آپ کے گوش گزار کی جاتی ہے، چنانچہ پاکستان کے ایک اسلامی بھائی 1987ء تا 1990ء ایک سیاسی پارٹی سے وابستہ رہے۔ آئے دن کے فسادات سے بیزار ہو کر گھر والوں نے انہیں بیرونِ پاکستان بھیجنے کی ٹھانی۔ چنانچہ 3.11.90 کو وہ سلطنت عمان کے
دارالامارات مسقط  کی ایک گارمنٹ فیکٹری میں ملازِم ہوگئے۔ 1992 ء میں دعوتِ اسلامی کے مَدَنی ماحول سے وابَستہ ایک اسلامی بھائی کام کے سلسلے میں ان کی فیکٹری میں بھرتی ہوئے۔ ان کی انفرادی کوشش سے اَلْحَمْدُ للہ عَزَّوَجَلَّوہ نَمازی بنے۔ فیکٹری کا ماحول بَہُت ہی خراب تھا، صرف ان کے شُعبے ہی کو لے لیجئے اُس میں آٹھ یا نو ٹیپ ریکارڈر تھے جن کے ذَرِیعے مختلف زَبانوں ، مَثَلاً اردو، پنجابی،پشتو، ہندی اور بنگالی وغیرہ میں اونچی آواز کے ساتھ گانے چلانے کا سلسلہ رَہتا۔ دعوتِ اسلامی والے عاشقِ رسول کی صحبت کی برکت سے اَلْحَمْدُ للہ عَزَّوَجَلَّوہ گانے باجوں سے مُتنَفِّر ہو گئے۔ باہمی مشورے سے انہوں نے مکتبۃُ المدینہ سے جاری ہونے والی سنتوں بھرے بیانات کی کیسٹیں چلانی شروع کر دیں ۔ ابتِداءًبعض لوگوں نے مخالفت بھی کی مگر انہوں نے ہمت نہیں ہاری۔اَلْحَمْدُللہ عَزَّوَجَلَّسنتوں بھرے بیانات چلانے کی برکات کا خود ان پر بھی ظہور ہونے لگا۔ بالخصوص ، قبر کی پہلی رات، نیرنگیٔ دنیا، بدنصیب دولہا، قبر کی پکار اور تین قبریں نامی بیانات نے انہیں ہلا کر رکھ دیا،آخرت کی تیاری کیمَدَنی سوچ ملی اور ان کادل گناہوں سے نفرت کرنے لگا۔ اِس دَوران چند اور افراد بھی سنتوں بھرے بیانات سے مُتأَثِّر ہو کر قریب آ گئے۔ جنہوں نے ان کو نیکی کے کاموں میں لگایا تھا وہ عاشقِ رسول ملازَمت چھوڑ کر پاکستان لوٹ گئے۔ انہوں نے پاکستان سے سنتوں بھرے بیانات کی 90 کیسٹیں منگوالیں ۔ پہلے ان کی فیکٹری میں صرف50یا60 نمازی تھے بیانات سن سن کرنمازِیوں کی تعداد بڑھتے بڑھتےاَلْحَمْدُ للہ عَزَّوَجَلَّ200سے250 ہوگئی۔  انہوں نے مل کر400 واٹ کا قیمتی اسپیکر خرید کراپنی منزِل کی دیوار پر نصب کر لیااور دھوم دھام سے کیسٹیں چلانے لگے روزانہ تِلاوتِ کلامِ پاک، نعت شریف اور سنتوں بھرے بیان کی کیسٹ چلانے کا معمول بنا لیا۔ رفتہ رفتہ ان کے پاس 500 کیسٹیں جمع ہو گئیں ۔ ان کا کہنا ہے کہ مجھ سمیت پانچ اسلامی بھائیوں نے اپنے آپ کو دعوتِ اسلامی کے مَدَنی رنگ میں رنگ لیا۔ اَلْحَمْدُ للہ عَزَّوَجَلَّمسجد درس کا آغاز ہوگیا۔ پھر کچھ عرصے بعد رفتہ رفتہ ان کی فیکٹری میں ہفتہ وار سنتوں بھرا اجتماع شروع ہو گیا ، اجتماع میں کم و بیش 250 اسلامی بھائی شرکت کرتے تھے، مدرَسۃُ المدینہ (برائے بالِغان) بھی قائم ہو گیا۔ سنّتوں کی بہاریں آ نے

 

 لگیں ، مُتَعَدِّد اسلامی بھائیوں نے اپنے چہرے پر مَدَنی آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کیمَحَبَّتکی نشانی مبارک داڑھی سجا لی، 20 سے 25اسلامی بھائیوں کے سروں پر عمامے کے تاج جگمگانے لگے۔ ان کی فیکٹری کے منیجر ابتِدائً کیسٹیں چلانے وغیرہ سے منع کرتے رہے مگر بیانات کی کیسٹوں کی آواز ان کے کانوں میں بھی رس گھولتی رہی اور اَلْحَمْدُ للہ عَزَّوَجَلَِّالآخر وہ بھی مُتأَثِّر ہو ہی گئے نہ صرف مُتأَثِّر ہو ئے بلکہ نمازی بھی بن گئے اور ایک مٹھی داڑھی بھی سجا لی۔

        وہ اسلامی بھائی واپس پاکستان آچکے ہیں اور انہیں باب المدینہ کراچی کے ایک ڈویثرن کی مُشاوَرت کی حیثیت سے سنتوں کی خدمت کی سعادت بھی ملی۔ اَلْحَمْدُ للہ عَزَّوَجَلّمکتبۃُ المدینہ سے جاری ہونے والے سنتوں بھرے بیانات کی کیسٹوں کے ذریعے اصلاح کا سامان ہوا۔ ہر اسلامی بھائی اور اسلامی بہن کو چاہئے کہ وہ سنتوں بھرے بیان یا مَدَنی مذاکرے کی کم از کم ایک کیسٹ روزانہ سننے کا معمول بنا لے، اِنْ شَآءَ اللہ عَزَّ  وَجَلَّایسی برکتیں ملیں گی کہ دونوں جہاں میں بیڑا پار ہو جا ئے گا ۔^([3])

غفلت سے نیکی کی دعوت سننا کفارکی صفت ہے:

میٹھے میٹھے اسلامی بھائیو! دیکھا آپ نے! مکتبۃُ المدینہ سے جاری کردہ بیانات کی کیسٹیں سننے کی بھی کیسی برکات ہیں !^([4]) یہ سب مقدر والوں کے سودے ہیں ، ورنہ بے شمار افراد ایسے بھی دیکھے جاتے ہیں کہ وہ بر سہا برس سے سنتوں بھرے اجتماع میں حاضر ہوتے ہیں مگر اُن پر مَدَنی رنگ نہیں چڑھ پاتا۔ شاید اِس کی ایک وجہ یہ بھی ہو سکتی ہے کہ وہ بیٹھ کر توجُّہ کے ساتھ بیان نہ سنتے ہوں ،بے پروائی کے ساتھ اِدھر اُدھر دیکھتے ہو ئے یاموبائل فون پر باتیں وغیرہ کرتے ہوئے سننے سے بیانات کی برکات کہاں سے ملیں گی!یاد رہے!غفلت کے ساتھ نصیحت سننا کفار کی صفت ہے مسلمانوں کو اس حرکت سے بچنا ضروری ہے چنانچہ پارہ17 سُوْرَۃُ  الْاَنْبِیَآءَکی

 آیت نمبر2 اور 3 میں ارشادِ ربُّ العزتجَلَّ جَلاَ لُہٗ ہے:

مَا یَاْتِیْهِمْ مِّنْ ذِكْرٍ مِّنْ رَّبِّهِمْ مُّحْدَثٍ اِلَّا اسْتَمَعُوْهُ وَ هُمْ یَلْعَبُوْنَۙ(۲) لَاهِیَةً قُلُوْبُهُمْؕ                          

ترجَمۂ کنزالایمان: جب ان کے ربّ کے پاس سے انہیں کوئی نئی نصیحت آ تی ہے تو اسے نہیں سنتے مگر کھیلتے ہوئے، ان کے دل کھیل میں پڑے ہیں ۔

سال بھر کی نیکیاں برباد:

حضرتِ سیدنا عبدُاللہ ابن عباسرَضِیَ اللہُ تَعَالٰی عَنْہُمَا سے مروی ہے کہ نبیوں کے سلطان، رحمت عالمیان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ عالیشان ہے: ’’بے شک جنت ماہِ رَمضان کیلئے ایک سال سے دوسرے سال تک سجائی جاتی ہے،پس جب ماہِ رَمضان آتا ہے تو جنت کہتی ہے: ’’ اے اللہ عَزَّوَجَلَّ! مجھے اِس مہینے میں اپنے بندوں میں سے (میرے اندر ) رہنے والے عطا فرمادے۔‘‘اور حورعین کہتی ہیں : ’’اے اللہ عَزَّوَجَلَّ! اِس مہینے میں ہمیں اپنے بندوں میں سے شوہر عطا فرما ۔ ‘‘پھر سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا: ’’جس نے اِس ماہ میں اپنے نفس کی حِفاظت کی کہ نہ تو کوئی نشہ آور شَے پی اور نہ ہی کسی مؤمن پر بہتان لگایا اور نہ ہی اِس ماہ میں کوئی گناہ کیا تو اللہ عَزَّوَجَلَّ ہررات کے بدلے اُس کا سو حوروں سے نکاح فرمائے گااور ا س کے لئے جنت میں سونے،چاندی،یاقوت اور زَبرجد کا ایسا محل بنائے گا کہ اگر ساری دُنیا جمع ہوجائے اور اِس محل میں آجائے تو اس مَحل کی اُتنی ہی جگہ گھیرے گی جتنا بکریوں کا ایک باڑہ دُنیا کی جگہ گھیرتا ہے،اور جس نے اِس ماہ میں کوئی نشہ آور شے پی یا کسی مؤمن پر بہتان باندھا یا اِس ماہ میں کوئی گناہ کیا تو اللہ عَزَّوَجَلَّ اس کے ایک سال کے اَعمال برباد فرما دے۔ پس تم ماہِ رَمضان (کے حق) میں کو تاہی کرنے سے ڈرو کیونکہ یہ اللہ عَزَّوَجَلَّ کا مہیناہے۔اللہ تعالیٰ نے تمہارے لئے گیارہ مہینے کردئیے کہ ان میں نِعمتوں سے لُطف اندوز ہو اور تَلَذُّذ (لذ ت) حاصِل کرو اور اپنے لئے ایک مہینا خاص کرلیا ہے۔ پس تم ماہِ رَمضان کے مُعاملے میں ڈرو۔‘‘ (مُعجَم اَوسَط ج۲ص۴۱۴حدیث۳۶۸۸)

       میٹھے میٹھے اسلامی بھائیو! معلوم ہوا جہاں ماہِ رَمَضانُ الْمُبارَک کی تعظیم کرنے والوں کیلئے اُ خروی اِنعامات واِکرامات کی

 

 بشارَات ہیں وہاں اِس مبارَک مہینے کی ناقدری کرتے ہوئے اِس میں گناہ کرنے والوں کیلئے وَعید ات بھی ہیں ۔ اِس حدیثِ پاک میں نشہ آور چیز پینے اور مؤمن پر بہتان باندھنے کا خصوصیت کے ساتھ تذکرہ ہے یاد رکھئے ! شراب اُمُّ الْخَبائِث(یعنی برائیوں کی ماں ) ہے اِس کا پینا حرام اور جہنم میں لے جانے والا کام ہے۔ حضرت سَیِّدُنا جابر رَضِیَ اللہُ تَعَالٰی عَنْہُ سے رِوایت ہے: سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا: ’’جو چیز زیادہ مقدار میں نشہ لائے تو اُس کی تھوڑی سی مقدار بھی حرام ہے۔‘‘ (ابوداؤد ج۳ص۴۵۹حدیث۳۶۸۱)

دوزخیوں کا خون اورپیپ:

مُؤمِن پر بہتان باندھنا بھی حرام اورجہنم میں لے جانے والا کام ہے، حدیثِ پاک میں ہے: ’’جو کسی مُؤمن کے بارے میں ایسی چیز کہے جواس میں نہ ہو تو اللہ عَزَّوَجَلَّ اُس (بہتان تراش)کو اُس وقت تک رَدْغَۃُ الخَبال میں رکھے گا یہاں تک کہ وہ اپنی کہی ہوئی بات سے نکل جائے۔ (ابوداؤد ج۳ص۴۲۷حدیث۳۵۹۷) رَدْغَۃُ الخَبال جہنم میں وہ مقام ہے جہاں دوزخیوں کا خون اورپیپ جمع ہوتا ہے۔ (مِراۃُ الْمَناجیح ج۵ص۳۱۳) مُحَقِّق عَلَی الْاِطْلاق حضرت شاہ عبدالحق محدث دِہلوی عَلَیْہِ رَحْمَۃُ اللہِ القَوِی حدیثِ پاک کے اِس حصے :’’یہاں تک کہ وہ اپنی کہی ہوئی بات سے نکل جائے‘‘ کے تحت فرماتے ہیں : ’’اس سے مراد یہ ہے کہ جس عذاب کا وہ مستحق ہوچکا ہے اُسے بھگتنے کے بعد پاک ہوجائے۔‘‘ (اَشِعَّۃُ اللَّمَعاتج۳ص۲۹۰مُلَخَّصاً)

رمضان میں گناہ کرنے والا:

سَیِّدَتُنا اُمِّ ھانی رَضِیَ اللہُ تَعَالٰی عَنْہا سے روایت ہے: دو جہاں کے سلطان ، شہنشاہِ کون و مکان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ عِبرت نشان ہے: ’’میری اُمت ذلیل و رُسوا نہ ہوگی جب تک وہ ماہِ رَمضان کا حق ادا کرتی رہے گی۔‘‘عرض کی گئی: یَارَسُولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ رَمضان کے حق کو ضائع کرنے میں ان کا ذلیل و رسوا ہونا کیا ہے؟ فرمایا: ’’اِس ماہ میں ان کا حرا م کاموں کا کرنا۔‘‘ پھر فرمایا: ’’جس نے اِس ماہ میں زِنا کیا یا شراب پی تو اگلے رَمضان تک اللہ عَزَّوَجَلَّاور جتنے آسمانی فرشتے ہیں سب اُس پر لعنت کرتے رہیں گے پس اگر یہ شخص اگلاماہ ِ رَمضان پانے سے پہلے ہی مرگیا تو اس کے

 

پاس کوئی ایسی نیکی نہ ہوگی جو اسے جہنم کی آگ سے بچاسکے۔ پس تم ماہِ رَمضان کے معاملے میں ڈرو کیونکہ جس طرح اِس ماہ میں اور مہینوں کے مقابلے میں نیکیاں بڑھا دی جاتی ہیں اِسی طرح گناہوں کا بھی مُعامَلہ ہے۔‘‘ (مُعجَم صغیر ج۱ص۲۴۸)

تُوبُوااِلیَ اللہ!                                اَسْتَغْفِرُاللہ

دل کا سیاہ نقطہ:

میٹھے میٹھے اسلامی بھائیو!لرز اٹھئے ! ماہِ رَمضان کی ناقدری سے بچنے کا خصوصیت کے ساتھ سامان کیجئے۔ اس ماہِ مبارَک میں دوسرے مہینوں کے مقابلے میں جس طرح نیکیاں بڑھادی جاتی ہیں اِسی طرح دیگر مہینوں کے مقابَلے میں گناہوں کی ہلا کت خیزیاں بھی بڑھ جاتی ہیں ۔رمضان شریف کے علاوہ بھی گناہوں سے بچنا ہی چاہئے۔حضرتِ سیِّدُنا ابوہریرہرَضِیَ اللہُ تَعَالٰی عَنْہُ بیان کرتے ہیں کہ رَسُولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ عالیشان ہے:جب بندہ کوئی گناہ کرتا ہے تو اس کے دل میں ایک سیاہ نقطہ پیدا ہوتا ہے، جب اس گناہ سے باز آجاتا ہے اور توبہ واستغفا ر کرلیتا ہے تو ا س کادل صاف ہوجاتا ہے اور اگر پھر گناہ کرتا ہے تو وہ نقطہ بڑھتا ہے یہاں تک کہ پورا دل سیاہ ہوجاتا ہے۔ اور یہی وہ زَنگ ہے  جس کا ذِکر اللّٰہتَعَالٰی نے اس طرح فرمایاہے :

كَلَّا بَلْٚ- رَانَ عَلٰى قُلُوْبِهِمْ مَّا كَانُوْا یَكْسِبُوْنَ(۱۴)  (پ۳۰،المطففین:۱۴)

ترجَمۂ کنزالایمان:کوئی نہیں بلکہ ان کے دلوں پر زنگ چڑھا دیا ہے ان کی کمائیوں نے ۔ (تِرمذی ج۵ ص۲۲۰ حدیث۳۳۴۵)

دل کی سیاہی کا علاج:

اِس سیاہ قلبی کا علاج ضروری ہے اور اِس کے علاج کا ایک مُؤَثِّر ذریعہ کسی جامع شرائط پیر صاحب سے نسبت بھی ہے ،لہٰذا کسی اَیسے مرشد کا مرید بن جائے جو پرہیز گار اورمتبع سنت ہو، جس کی زِیارت خدا ومصطَفٰے عَزَّوَجَلَّ و صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی یاد دِلائے، جس کی گفتگو صَلٰوۃ وسنت کا شوق اُبھارے، جس کی صحبت قبر و آخرت کی تیاری کا جذبہ بڑھائے ۔ اگر خوش قسمتی سے ایسا

 

 پیر کامل مُیَسَّر آگیا تو اِنْ شَآءَ اللہ عَزَّ  وَجَلَّسچی توبہ کی سعادت نصیب ہو گی اور اللہ ربُّ العزّت عَزَّوَجَلَّ کی رحمت سے دل کی سیاہی کا عِلاج ہوجائے گا۔

گناہ کی معافی کیلئے 8اعمال:

دعوتِ اسلامی کے اِشاعتی اِدارے مکتبۃُ المدینہ کی مطبوعہ911 صَفحات پر مشتمل کتاب ، ’’احیاء العلوم مترجم  جلد4‘‘ صَفْحَہ141پر ہے: روایات سے معلوم ہوتا ہے گناہ کے بعد جب آٹھ اعمالِ صالحہ(یعنی نیک عمل) کیے جائیں تو اُس(گناہ) کی بخشش (یعنی معافی )کی امّید ہوتی ہے۔ چار اعمال کا تعلق دل سے ہے: {۱}توبہ یا توبہ کا عزم {۲}گناہ سے باز رہنے کی چاہت {۳}عذاب ہونے کا خوف {۴}مغفرت کی اُمید۔ چار اعمال کا تعلق اعضا سے ہے: {۱}دو رکعت نمازِ (توبہ) ادا کرنا {۲}70مرتبہ استغفار کرنا اور 100مرتبہ سُبْحَانَ اللہِ الْعَظِیْمِ وَبِحَمْدِہٖ پڑھنا{۳} صَدَقہ کرنا {۴}روزہ رکھنا۔

مجھے سچی توبہ کی توفیق دیدے

پئے تاجدارِ حرم یاالٰہی         (وسائلِ بخشش ص ۱۱۰)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

قبر کا بھیانک منظر!:

منقول ہے: امیرُالْمُؤمِنِینحضرتِ مولائے کائنات، علیُّ المُرتَضٰی شیر خدا کَرَّمَ اللہُ تَعَالٰی وَجْہَہُ الْکَرِیْمایک بار زِیارتِ قبور کے لئے کوفے  کے قبر ستان تشریف لے گئے،وہاں ایک تازہ قَبرپر نظر پڑی،تو دل میں اُس کے حالات معلوم کرنے کی خواہش ہوئی، چنانچہ بارگاہِ خداوندیعَزَّوَجَلَّمیں عرض گزار ہوئے: ’’ یااللہ عَزَّوَجَلَّ!اِس میت کے حالات مجھ پر مُنْکَشِف (یعنی ظاہر )  فرما۔‘‘ اللہ عَزَّوَجَلَّکی بارگاہ میں آپ کی اِلتجا فوراً مسموع ہوئی (یعنی سنی گئی )اور دیکھتے ہی دیکھتے آپ کے اور اُس مردے

 

 کے درمیان جتنے پردَے حائل تھے تمام اٹھادئیے گئے!اب ایک قبر کا بھیانک منظر آپ کے سامنے تھا!کیا دیکھتے ہیں کہ مردہ آگ کی لپیٹ میں ہے اور رو رو کر آپ کَرَّمَ اللہُ تَعَالٰی وَجْہَہُ الْکَرِیْمسے اِس طرح فریاد کررہا ہے:

یَاعَلِیُّ! اَنَا غَرِیْقٌ فِی النَّارِ وَحَرِیْقٌ فِی النَّار۔

         یعنی یاعلی ! میں آگ میں ڈوبا ہوا ہوں اور آگ میں جل رہا ہوں ۔ قَبْرکے دَہشتناک منظر اور مردے کی درد نا ک پکارنے حیدرِ کرار کَرَّمَ اللہُ تَعَالٰی وَجْہَہُ الْکَرِیْمکو بے قرار کردیا۔ آپ کَرَّمَ اللہُ تَعَالٰی وَجْہَہُ الْکَرِیْمنے اپنے رَحمت والے پروَردگارعَزَّوَجَلَّکے دربار میں ہاتھ اُٹھادئیے اور نہایت عاجِزی کے ساتھ اُس مَیِّت کی بخشِش کیلئے درخواست پیش کی ۔ غیب سے آواز آئی: ’’ اے علی(کَرَّمَ اللہُ تَعَالٰی وَجْہَہُ الْکَرِیْم)!  اِس کی سِفارش مت کرو۔کیوں کہ یہ شخص رَمَضانُ الْمبارَک کی بے حرمتی کرتا،رَمَضانُ الْمبارَک میں بھی گناہوں سے بازنہ آتا تھا،دن کو روزے تو رکھ لیتا مگر راتوں کو گناہوں میں مبتلارہتا تھا۔‘‘مولائے کائنا ت علیُّ المُرتَضٰی شیر خداکَرَّمَ اللہُ تَعَالٰی وَجْہَہُ الْکَرِیْمیہ سن کر اور بھی رنجیدہ ہوگئے اور سجدے میں گر کر رو رو کر عرض کرنے لگے: یااللہ عَزَّوَجَلَّ!میری لاج تیرے ہاتھ میں ہے،اِس بندے نے بڑی اُمید کے ساتھ مجھے پکارا ہے ، میرے مالک عَزَّوَجَلَّ! تُو مجھے اِس کے آگے رُسوا نہ فرما، اِ س کی بے بسی پر رَحم فرمادے اور اِس بے چارے کو بخش دے ۔حضرت علیکَرَّمَ اللہُ تَعَالٰی وَجْہَہُ الْکَرِیْمرو رو کر مناجات کررہے تھے۔ اللہ عَزَّوَجَلَّکی رَحمت کا دریا جوش میں آگیا اور ندا آئی:’’ اے علی !( کَرَّمَ اللہُ تَعَالٰی وَجْہَہُ الْکَرِیْم) ہم نے تمہاری شکستہ دِلی کے سبب اِسے بخش دیا ۔ ‘‘ چنانچہ اُس مردے پر سے عذاب اُٹھا لیا گیا۔       (انیسُ الْواعِظین ص۲۵،۲۶)

کیوں نہ مشکل کشا کہوں تم کو!

تم نے بگڑی مری بنائی ہے

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

 

مردوں سے گفتگو:

میٹھے میٹھے اسلامی بھائیو! امیرُالْمُؤمِنِین حضرتِ مولائے کائنات، علیُّ المُرتَضٰی شیر خدا کَرَّمَ اللہُ تَعَالٰی وَجْہَہُ الْکَرِیْم کی عظمت و شان کے کیا کہنے ! اللہ عَزَّوَجَلَّکی عطا سے آپ رَضِیَ اللہُ تَعَالٰی عَنْہُ اہلِ قبور سے گفتگو فرمالیا کرتے تھے ۔ ایک اور حکایت پیش خدمت ہے: چنانچہمشہور تابعی بزرگ حضر تِ سَیِّدُنا سعید بن مسیب رَضِیَ اللہُ تَعَالٰی عَنْہُ فرما تے ہیں : ایک بار ہم امیرُالْمُؤمِنِین حضرتِ مولائے کائنات، علیُّ المُرتَضٰی شیر خدا کَرَّمَ اللہُ تَعَالٰی وَجْہَہُ الْکَرِیْم کے ہمراہ مدینۂ منورہ کے قبرستان گئے ۔ حضرتِ مولیٰ علی کَرَّمَ اللہُ تَعَالٰی وَجْہَہُ الْکَرِیْم نے قبر والوں کوسلام کیا اور فرمایا: اے قبر والو!تم اپنی خبر بتاؤ گے یا ہم تمہیں بتائیں ؟ سَیِّدُناسعید بن مُسیَّب رَضِیَ اللہُ تَعَالٰی عَنْہُ فرماتے ہیں کہ ہم نے قبر سے ’’وَ عَلَیْکَ السَّلَامُ وَرَحمَۃُ اللہ وَبَرَکٰتُہٗ ‘‘ کی آواز سنی اور کوئی کہنے والا کہہ رہاتھا:  یا امیرَالْمُؤمِنِین!آپ ہی خبر دیجئے کہ ہمارے مرنے کے بعد کیا ہوا؟ حضرتِ مولیٰ علی کَرَّمَ اللہُ تَعَالٰی وَجْہَہُ الْکَرِیْم نے فرمایا :سن لو! تمہا رے مال تقسیم ہو گئے، تمہاری بیویوں نے دوسر ے نکاح کر لئے، تمہاری اَولاد یتیموں میں شامل ہوگئی ، جس مکان کو تم نے بہت مضبوط بنایا تھا اُس میں تمہارے دشمن آباد ہو گئے۔ اب تم اپنا حال سناؤ۔ یہ سن کر ایک قَبْر سے آواز آنے لگی:یا امیرَالْمُؤمِنِین! ہمارے کفن پھٹ کرتارتار ہوگئے ، ہمارے بال جھڑ کر مُنْتَشِر ہوگئے، ہماری کھالیں ٹکڑے ٹکڑ ے ہوگئیں ہماری آنکھیں بہ کر رُخساروں پر آ گئیں اور ہما ر ے نتھنوں سے پِیپ بہ رہی ہے اور ہم نے جو کچھ آگے بھیجا(یعنی جیسے عمل کئے) اُسی کو پایا ، جو کچھ پیچھے چھو ڑا اُس میں نقصان ہوا۔    (شَرْحُ الصُّدُورص۲۰۹، ابن عَساکِرج۲۷ص۳۹۵ )

 رَمضان کی راتوں میں کھیل کود:

میٹھے میٹھے اسلامی بھائیو ! گزشتہ دونوں حکایات میں ہمارے لئے عبرت کے بے شمار مَدَنی پھول ہیں ۔ زندہ انسان خوب پھدکتا ہے مگر جب موت کا شکار ہوکر قبر میں اتار دیا جاتا ہے ، اُس وقت آنکھیں بند ہونے کے بجائے حقیقت میں کھل چکی ہوتی ہیں ۔ اچھے اعمال اور راہِ خدا ئے ذُوالجلال عَزَّوَجَلَّ  میں دیا ہوا مال تو کام آتا ہے مگر جو کچھ دَھن دولت

پیچھے چھوڑ آتا ہے اُس میں بھلائی کا اِمکان نہ ہونے کے برابر ہوتا ہے ، وُرثا سے یہ اُمید کم ہی ہوتی ہے کہ وہ اپنے مرحوم عزیزکی آخرت کی بہتری کیلئے مالِ کثیر خرچ کریں ،بلکہ مرنے والا اگر حرام وناجائز مال مَثَلاً گناہوں کے اَسباب جیسا کہ آلاتِ موسیقی ،وِڈیو گیمز کی دُکان ، میوزک سینٹر،سینما گھر،شراب خانہ ، جواکا اڈا،ملاوٹ والے مال کا دھوکے بھرا کاروبار وغیرہ پیچھے چھوڑ ے تو اُس مرنے والے کیلئے مرنے کے بعد سخت ترین اور ناقابلِ تصور نقصان ہے۔ قبر کا بھیانک منظر نامی حکایت میں رَمَضانُ الْمبارَک کی بے حرمتی کرنے والے کا خوفناک انجام پیش کیا گیا ہے اس سے دَرسِ عبرت حاصل کیجئے۔آہ! صد آہ! رَمَضانُ الْمبارَک کی پاکیزہ راتوں میں کئی نوجوان محلے میں کرکٹ ،فٹ بال وغیرہ کھیل کھیلتے، خوب شورمچاتے ہیں اور اِس طرح یہ بد نصیب خود تو عبادت سے محروم رَہتے ہی ہیں ، دوسروں کیلئے بھی مصیبت کا باعث بنتے ہیں ،نہ تو خود عبادت کرتے ہیں نہ دوسروں کو کرنے دیتے ہیں ۔ اِس قسم کے کھیل اللہ عَزَّوَجَلَّکی یاد سے غافل کرنے والے ہیں ۔نیک لوگ تو اِن کھیلوں سے سَدا دُور ہی رہتے ہیں ، خود کھیلنا تَو دَر کنار ایسے کھیل تماشے دیکھتے بھی نہیں بلکہ اِس قسم کے کھیلوں کا آنکھوں دیکھا حال (Commentary) بھی نہیں سنتے۔

روزے میں وقت ’’پاس‘‘ کرنے کے لیے۔۔۔:

بعض نادان ایسے بھی ہوتے ہیں جو روزہ تو رکھ لیتے ہیں مگر ان بے چاروں کا وَقت ’’پاس‘‘ نہیں ہوتا ! لہٰذا وہ بھی اِحترامِ رَمضان شریف کو ایک طرف رکھ کرناجائز کاموں کا سہارا لے کر وَقت ’’پاس‘‘ کرتے ہیں اور یوں رَمضان شریف میں شطرنج، تاش ، لڈو، گانے باجے اور سوشل میڈیا کے ذریعے تباہ کار پرگراموں وغیرہ میں مشغول ہو جاتے ہیں ۔یادرکھئے! شطرنج اور تاش وغیرہ پر کسی قسم کی بازی یا شرط نہ بھی لگائی جائے تب بھی یہ کھیل ناجائز ہیں ۔ بلکہ تاش میں چونکہ جانداروں کی تصویروں کی تعظیم بھی ہوتی ہے اِس لئے میرے آقا  اعلٰی حضرت رَحْمَۃُ اللہِ تَعَالٰی عَلَیْہِ نے تاش کھیلنے کو مُطلقاََحرام لکھا ہے۔ چنانچہ فرماتے ہیں : گنجِفہ( پتوں کے ذَرِیعے کھیلے جانے

 

والے ایک کھیل کانام اور) تاش حرامِ مطلق ہیں کہ ان میں علاوہ لہو و لعب کے تصویروں کی تعظیم ہے۔ (فتاویٰ رضویہ ج ۲۴ص۱۴۱)

افضل عبادت کون سی ہے؟:

اے جنت کے طلب گار روزہ دار اِسلامی بھائیو! رَمَضانُ الْمبارَک  کے مقدس لمحات کو فضولیات وخرافات میں برباد ہونے سے بچایئے! زندگی بے حد مختصَر ہے اِس کو غنیمت جانئے، تاش کی گڈیوں اور فِلمی گانوں کے ذرِیعے وَقت ’’پاس‘‘ (بلکہ برباد)کرنے کے بجائے تلاوتِ قرآن اور ذِکر و درود میں وَقت گزارنے کی کوشش فرمایئے۔ بھوک پیاس کی شدت جس قدر زیادہ محسوس ہوگی  صَبْر کرنے پراِنْ شَآءَ اللہ عَزَّ  وَجَلَّثواب بھی اُسی قدر زائد ملے گا ۔ جیسا کہ منقول ہے : ’’اَفْضَلُ الْعِبَادَۃِ اَحْمَزُھَا۔ یعنی افضل عبادت وہ ہے جس میں مشقت زِیادہ ہے۔‘‘ (شرح الطیبی علی مشکاۃ المصابیح ج ۵ ص۱۷۲۹ تحتَ الحدیث۲۲۶۷) امام شرف الدین نووِی( نَ۔وَ۔وِی) عَلَیْہِ رَحْمَۃُ اللہِ القَوِیفرماتے ہیں : ’’عبادات میں مشقت اور خرچ زیادہ ہونے سے ثواب اورفضیلت زیادہ ہوجاتی ہے۔‘‘.2 (شرح مسلم لِلنّوَوی ج۴ ص۱۵۲) حضرتِ سیدُنا ابراہیم بن اَدہم  رَحْمَۃُ اللہِ تَعَالٰی عَلَیْہِ کا فرمانِ معظم ہے: ’’دُنیا میں جونیک عمل جتنا دشوار ہوگا قیامت کے روز نیکیوں کے پلڑے میں اُتنا ہی وَزن دار ہو گا۔‘‘ ( تذکرۃ الاولیاء ص ۹۵ )

روزے میں زیادہ سونا:

حُجَّۃُ الْاِسلام حضرت سیِّدُنا امام محمدبن محمدبن محمد غزالی عَلَیْہِ رَحْمَۃُ اللہِ الوالی’’کیمیائے سعادَت ‘‘میں فرماتے ہیں : ’’روزہ دار کے لئے سنت یہ ہے کہ دِن کے وَقت زیادہ دیر نہ سوئے بلکہ جاگتا رہے تاکہ بھوک اور ضعف (یعنی کمزوری ) کا اَثر محسوس ہو۔‘‘ (کیمیائے سعادت ج۱ص۲۱۶) (اگر چہ افضل کم سونا ہی ہے پھر بھی اگر کسی کی حق تلفی نہ ہوتی ہو اور کوئی مانع شرعی نہ ہو تو ضروری عبادات کے علاوہ کوئی شخص سارا وقت سویا رہے تو گناہ گار نہ ہو گا)

       میٹھے میٹھے اسلامی بھائیو!صاف ظاہر ہے کہ جو دِن بھر روزہ میں سوکر وَقت گزاردے اُس کو روزہ کا پتا ہی کیا

 

 چلے گا؟ذرا سوچو تو سہی ! حُجَّۃُ الْاِسلام حضرت سیِّدُنا اِمام مُحَمّد غزالی عَلَیْہِ رَحْمَۃُ اللہِ الوالی تو زیادہ سونے سے بھی منع فرماتے ہیں کہ اِس طرح بھی وَقت فالتو ’’پاس‘‘ ہوجائے گا ۔ تو جو لوگ کھیل تماشوں اور حرام کاموں میں وَقت برباد کرتے ہیں وہ کس قدر محروم و بد نصیب ہیں ۔ اِ س مبارَک مہینے کی قَدر کیجئے،اِ س کا اِحترام بجالائیے،اِس میں خوش دِلی کے ساتھ روزے رکھئے اوراللہ عَزَّوَجَلَّکی رِضا حاصل کیجئے۔

         اے ہمارے پیارے پیارےاللہ عَزَّوَجَلَّفیضانِ رَمضان سے ہر مسلمان کو مالا مال فرما۔ اس ماہِ مبارک کی ہمیں قدر ومَنزِلت نصیب کر اور اس کی بے ادبی سے بچا۔     اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم

 روزانہ فکر مدینہ کرنے کا انعام:

میٹھے میٹھے اسلامی بھائیو ! احتِرامِ ماہِ رَمَضانُ المبارَک کا دل میں جذبہ بڑھانے ، اس کی خوب برکتیں پانے، ڈھیروں ڈھیر نیکیاں کمانے اور خود کو گناہوں سے بچانے کیلئے تبلیغ قراٰن وسنت کی عالمگیر غیر سیاسی تحریک ، دعوتِ اسلامی کے مَدَنی ماحول کو اپنانے اور عاشقان رسول کے ساتھ سنتوں کی تربیت کے مَدَنی قافلوں کے ساتھ سنتوں بھرا سفر فرمانے کی سعادت حاصِل کیجئے۔ پر اِنْ شَآءَ اللہ عَزَّ  وَجَلَّوہ فوائد حاصِل ہوں گے کہ آپ کی عقل حیران رَہ جائے گی۔ ایک عاشقِ رسول کی روح پرور ’’مدنی بہار‘‘ سنئے اور جھومئے: چُنانچِہ ایک اسلامی بھائی کو مَدَنی اِنعامات سے پیار تھا اور روزانہ فکر مدینہ کرنے کاان کا معمول بھی تھا ۔ ایک باروہ تبلیغِ قراٰن وسنت کی عالمگیر غیر سیاسی تحریک ، دعوتِ اسلامی کے سنتوں کی تربیت کے مَدَنی قافلے میں عاشقانِ رسول کے ساتھ صوبۂ بلوچستان ( پاکستان ) کے سفر پر تھے۔ اِسی دَوران ان پر بابِ کرم کھل گیا! ہوا یوں کہ رات جب سوئے تو قسمت انگڑائی لیکر جاگ اُٹھی،جناب رسالت مآب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ خواب میں تشریف لے آئے،ابھی جلووں میں گم تھے کہ لب ہائے مبارَکہ کو جنبش ہوئی اور رَحمت کے پھول جھڑنے لگے، الفاظ کچھ یوں ترتیب پائے:’’ جو مَدَنی قافلے میں روزانہ فکرمدینہ کرتے ہیں میں انہیں اپنے ساتھ جنت میں لے جاؤں گا ۔‘‘
شکریہ کیوں کر ادا ہو آپ کا یامصطفیٰ                                      ہے پڑوسی خلد میں اپنا بنایا شکریہ (وسائلِ بخشش ص۳۷۳)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

فکر مدینہ کیا ہے؟:

میٹھے میٹھے اسلامی بھائیو! مسلمانوں کی دنیا و آخرت بہتر بنانے کیلئے سوال نامے کی صورت میں ا سلامی بھائیوں کیلئے 72 ، اسلامی بہنوں کیلئے 63، دینی طلبہ کیلئے 92 اور دینی طالبات کیلئے 83 جبکہ مَدَنی منوں کیلئے40 نیز خصوصی اسلامی بھائیوں یعنی گونگے بہروں کیلئے 25 مَدَنی انعامات پیش کئے گئے ہیں ۔ مَدَنی انعامات کا رسالہ مکتبۃُ المدینہسے ہدِیّۃً مل سکتا ہے۔ روزانہ  فکرِ مدینہ کے ذَرِیعے اُس میں دیئے ہوئے خانے پر کر کے ہر مَدَنی ماہ کی پہلی تاریخ کو اپنے یہاں کے دعوتِ اسلامی کے ذِمے دار کو جمع کروا یئے۔اپنے گناہوں کا اِحتساب کرنے، قَبْر وحَشر کے بارے میں غور وفکر کرنے اور اپنے اچھے برے کاموں کا جائزہ لیتے ہوئے مَدَنی اِنعامات کا رسالہ پر کرنے کو دعوتِ اسلامی کے مَدَنی ماحول میں فکرِ مدینہ کرنا کہتے ہیں ۔ آپ بھی رسالہ حاصل کرلیجئے ،اگر فی الحال پر نہیں کرنا چاہتے تو نہ سہی ،اتنا تو کیجئے کہ ولی ٔ کامل ، عاشقِ رسول، اعلٰی حضرت  امام احمد رضا خان عَلَیْہِ رَحْمَۃُ الرَّحْمٰنکی پچیسویں شریف کی نسبت سے روزانہ کم از کم25 سیکنڈ کیلئے اُس کی وَرق گردانی کر لیجئے۔اِنْ شَآءَ اللہ عَزَّ  وَجَلَّدیکھنے سے پڑھنے اور پڑھتے رہنے سے فکرِ مدینہ کرنے اور اِس رسالے کے خانے بھرنے کا ذِہن بنے گا اور اگر بھرنے کا معمول بن گیا تو اِنْ شَآءَ اللہ عَزَّ  وَجَلَّاس کی بَرَکتیں آپ خود ہی دیکھ لیں گے ۔

مَدَنی انعامات پر کرتا ہے جو کوئی عمل

مغفرت کر بے حساب اس کی خدائے لم یزل

اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

 

اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللہ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

احکامِ روزہ⁽[5]⁾

دُ رُود شریف کی فضیلت:

حضرت سَیِّدُنا شیخ اَحمد بن منصور عَلَیْہِ رَحمَۃُ اللہ الْغَفُور جب فوت ہوئے تواہل شیراز میں سے کسی نے خواب میں دیکھا کہ سر پر موتیوں والا تاج سجائے، بہترین حلہ (یعنی جنتی جوڑا) زیبِ تن کئے وہ شیراز کی جامع مسجد کی محراب میں کھڑے ہیں ۔ خواب دیکھنے والے نے حال دریافت کیا تو فرمایا: ’’ اللّٰہتَعَالٰی نے مجھے بخشا، کرم فرمایا اور تاج پہنا کر جنت میں داخل کیا ۔ ‘‘ پوچھا: کس سبب سے؟فرمایا: ’’میں تاجدارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ پر کثرت سے دُرُوْدِ پاک پڑھا کر تا تھا یہی عمل کام آگیا۔‘‘ (القولُ الْبَدِیْع ص۲۵۴)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

             اللہ تَبارَکَ وَ تَعَالٰی  کا کتنا بڑا کرم ہے کہ اُس نے ہم پر ماہِ رَمَضانُ المبارَک کے روزے فرض کرکے ہمارے لئے سامانِ تقویٰ فراہم کیا۔ اللہ عَزَّوَجَلَّپارہ2 سُوْرَۃُ الْبَقْرَہکی آیت نمبر183تا 184 میں ارشاد فرماتا ہے:

 

 

یٰۤاَیُّهَا الَّذِیْنَ اٰمَنُوْا كُتِبَ عَلَیْكُمُ الصِّیَامُ كَمَا كُتِبَ عَلَى الَّذِیْنَ مِنْ قَبْلِكُمْ لَعَلَّكُمْ تَتَّقُوْنَۙ(۱۸۳) اَیَّامًا مَّعْدُوْدٰتٍؕ-فَمَنْ كَانَ مِنْكُمْ مَّرِیْضًا اَوْ عَلٰى سَفَرٍ فَعِدَّةٌ مِّنْ اَیَّامٍ اُخَرَؕ-وَ عَلَى الَّذِیْنَ یُطِیْقُوْنَهٗ فِدْیَةٌ طَعَامُ مِسْكِیْنٍؕ-فَمَنْ تَطَوَّعَ خَیْرًا فَهُوَ خَیْرٌ لَّهٗؕ-وَ اَنْ تَصُوْمُوْا خَیْرٌ لَّكُمْ اِنْ كُنْتُمْ تَعْلَمُوْنَ(۱۸۴)

ترجَمَۂ کنزالایمان: اے ایمان والو! تم پر ر وزے فَرض کئے گئے جیسے اگلوں پر فرض ہوئے تھے کہ کہیں تمہیں پرہیز گاری ملے، گنتی کے دن ہیں تو تم میں جوکوئی بیمار یا سفر میں ہو تو اتنے روزے اور دِنوں میں اور جنہیں اِس کی طاقت نہ ہو وہ بدلے میں ایک مسکین کا کھاناپھر جو اپنی طرف سے نیکی زیادہ کرے تو وہ اُس کے لئے بہتر ہے اور روزہ رکھنا تمہارے لئے زیادہ بَھلا ہے اگر تم جانو۔

روزہ بڑی پرانی عبادت ہے:

آیت کریمہ کے ابتدائی حصّے کے تحت ’’تَفْسِیرِ خازِن‘‘ میں ہے: تم سے پہلے لوگوں سے مراد یہ ہے: حضرت سَیِّدُنا آدَم صَفِیُّ اللہ عَلٰی نَبِیِّناوَعَلَیْہِ الصَّلٰوۃُ وَالسَّلامسے حضرت سیِّدُنا عیسیٰ رُوحُ اللہ عَلٰی نَبِیِّناوَعَلَیْہِ الصَّلٰوۃُ وَالسَّلامتک جتنے انبیائے کرام عَلَيْهمُِ  الصَّلٰوۃُ وَالسَّلام تشریف لائے اور ان کی اُمتیں آئیں ان پر روزے فرض ہوتے چلے آئے ہیں (مگر اُس کی صورت ہمارے روزوں سے مختلف تھی)۔ مطلب یہ ہے کہ روزہ بڑی پرانی عبادت ہے اور گزشتہ اُمتوں میں کوئی اُمت ایسی نہیں گزری جس پر اللہ عَزَّوَجَلَّ نے تمہاری طرح روزے فرض نہ کیے ہوں ۔(تفسیرِ خازن ج۱ص۱۱۹ مُلَخَّصاً) اور’’ تفسیر عزیزی‘‘ میں ہے : حضرت سَیِّدُنا آدَم صَفِیُّ اللہ عَلٰی نَبِیِّناوَعَلَیْہِ الصَّلٰوۃُ وَالسَّلامپر ہر مہینے کے ایامِ بِیْض( یعنی چاند کی13، 14،15تاریخ ) کے تین روزے فرض تھے۔اور یہود(یعنی حضرت سَیِّدُنا موسیٰ کلیمُ اللہ عَلٰی نَبِیِّناوَعَلَیْہِ الصَّلٰوۃُ وَالسَّلامکی قوم )پر یومِ عاشورا( یعنی 10 محرَّمُ الْحرام کے دن) اور ہر ہفتے میں ہفتے کے دن(Saturday) کا اورکچھ اور دنوں کے روزے فرض تھے اور نصاریٰ پر ماہِ رمضان کے روزے فرض تھے۔  (تفسیرِ عزیزی ج۱ص۷۷۱)

روزے کا مقصد:

مکتبۃُ المدینہ کی مطبوعہ’’ تفسیرِ صِراطُ الْجِنان‘‘  جلد 1 صفحہ 290 پرہے :’’آیت کے آخر میں بتایا گیا کہ روزے کا مقصد تقویٰ و پرہیزگاری کا حصول ہے۔ روزے میں چونکہ نفس پر سختی کی جاتی ہے اور کھانے پینے کی حلال چیزوں سے بھی روک دیا جاتا ہے تو اس سے اپنی خواہشات پر قابو پانے کی مشق(Practice) ہوتی ہے جس سے ضبط نفس(نفس پر قابو) اور حرام سے بچنے پر قوت حاصل ہوتی ہے اور یہی ضبط نفس اور خواہشات پر قابو وہ بنیادی چیز ہے جس کے ذَرِیعے آدَمی گناہوں سے رکتا ہے۔‘‘

روزہ کس پر فرض ہے:

توحیدو رِسالت کا اِقرارکرنے اور تمام ضروریاتِ دِین پر ایمان لانے کے بعدجس طرح ہر مسلمان پر نماز فرض قراردی گئی ہے اسی طرح رَمضان شریف کے روزے بھی ہر مسلمان (مرد وعورت ) عاقل وبالغ پر فرض ہیں۔’’دُرِّمُخْتار‘‘میں ہے:ر وزے10شعبانُ الْمُعَظَّم     2   ؁ ھ کو فرض ہوئے۔(دُرِّمُخْتار و رَدُّالْمُحْتار ج۳ص۳۸۳)

روزہ فرض ہونے کی وجہ:

اِسلام میں اکثر اَعمال کسی نہ کسی رُوح پرور واقعے کی یاد تازہ کرنے کے لئے مقرر کئے گئے ہیں ۔ مثلاً صفا و مروَہ کے درمیان حاجیوں کی سعی حضرت سَیِّدَتناہاجرہرَضِیَ اللہُ تَعَالٰی عَنْہا کی یاد گار ہے۔آپ رَضِیَ اللہُ تَعَالٰی عَنْہا اپنے لخت جگر حضرت سَیِّدُنا اِسماعیل ذَبِیحُ اللہ   عَلٰی نَبِیِّناوَعَلَیْہِ الصَّلٰوۃُ وَالسَّلامکیلئے پانی تلاش کرنے کیلئے

اِ ن دونوں پہاڑوں کے درمیان سات بار چلی اور دَوڑی تھیں ۔ اللہ عَزَّوَجَلَّ کو حضرت سیِّدَتُنا ہاجرہ رَضِیَ اللہُ تَعَالٰی عَنْہا کی یہ ادا پسند آگئی ، لہٰذا اِسی ادائے ہاجرہ رَضِیَ اللہُ تَعَالٰی عَنْہا کو اللہ عَزَّوَجَلَّ نے باقی رکھتے ہوئے حاجیوں اور عمرہ کرنے والوں کے لئے صفا و مروہ کی سعی واجب فرمادی۔اِسی طرح ماہِ رَمَضانُ المبارَک میں سے کچھ دن ہمارے پیارے سرکار ، مکے مدینے کے تاجدار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے غارِ حرا میں گزار ے تھے، اِس دَوران آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ دن کو کھانے سے پرہیز کرتے اور رات کو ذِکرُاللہ عَزَّوَجَلَّ میں مشغول رہتے تھے تو اللہ عَزَّوَجَلَّ

نے اُن دِنوں کی یا د تازہ کرنے کیلئے روزے فرض کئے تاکہ اُس کے محبوب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی سنت قائم رہے ۔

’’نبی ‘‘ کے تین حروف کی نسبت سے  انبیائے کرام  کے عَلَیْہِم السَّلَام

روزوں کے متعلق 3 فرامین مصطفٰے صلَّی اللہ تَعالٰی علیہ واٰلہٖ وسلَّم

        {۱} (حضرت) آدَم صَفِیُّ اللّٰہ(عَلٰی نَبِیِّناوَعَلَیْہِ الصَّلٰوۃُ وَالسَّلام)نے (چاند کی) 13، 14،15 تاریخ کے روزے رکھے۔ (کنزالعُمّال ج۸ص۲۵۸حدیث۲۴۱۸۸) {۲} صَامَ نُوْحٌ الدَّہْرَ اِلَّا یَوْمَ الْفِطْرِ وَیَوْمَ الْاَضْحٰی۔ یعنی(حضرتِ)  نوح نَجِیُّ اللہ (عَلٰی نَبِیِّناوَعَلَیْہِ الصَّلٰوۃُ وَالسَّلام) عیدالفطر اور عیدالاضحی کے علاوہ ہمیشہ روزہ رکھتے تھے۔ (ابن ماجہ ج۲ ص ۳۳۳ حدیث ۱۷۱۴ ) {۳} (حضرتِ) داو‘د(عَلٰی نَبِیِّناوَعَلَیْہِ الصَّلٰوۃُ وَالسَّلام)  ایک دن چھوڑ کرایک دن روزہ رکھتے تھے۔ (مسلم ص ۵۸۴ حدیث ۱۱۵۹ )  اور (حضرتِ)سلیمان(عَلٰی نَبِیِّناوَعَلَیْہِ الصَّلٰوۃُ وَالسَّلام)تین دن مہینے کے شروع میں ،تین دن درمیان میں اور تین دن آخر میں (یعنی اس ترتیب سے مہینے میں 9دن) روزہ رکھا کرتے تھے۔ اور حضرت  عیسیٰ روحُ اللّٰہعَلٰی نَبِیِّناوَعَلَیْہِ الصَّلٰوۃُ وَالسَّلامہمیشہ روزہ رکھتے تھے کبھی نہ چھوڑتے تھے۔ (ابنِ عَساکِر ج۲۴ص۴۸)

روزہ دار کا ایمان کتنا پختہ ہے!:

میٹھے میٹھے اسلامی بھائیو! سخت گرمی ہے،پیاس سے حلق سوکھ رہا ہے ،ہونٹ خشک ہورہے ہیں،پانی موجود ہے مگر روزہ دار اُس کی طرف دیکھتا تک نہیں ، کھانا موجود ہے بھوک کی شدت سے حالت دِگر گوں ہے مگر وہ کھانے کی طرف ہاتھ تک نہیں بڑھاتا۔ آپ اندازہ فرمائیے! اِس مسلمان کاخدائے رحمن عَزَّوَجَلَّ پر کتنا پختہ ایمان ہے کیونکہ وہ جانتا ہے کہ اِس کی حرکت ساری دُنیا سے تو چھپ سکتی ہے مگر اللہ عَزَّوَجَلَّ سے پوشیدہ نہیں رَہ سکتی۔ اللہ عَزَّوَجَلَّ پراِس کا یہ یقین کامل روزے کا عملی نتیجہ ہے، کیونکہ دُوسری عبادتیں کسی نہ کسی ظاہری حرکت سے ادا کی جاتی ہیں مگر روزے کا تعلق باطن سے ہے، اِس کاحال

 

اللہ عَزَّوَجَلَّ کے سوا کوئی نہیں جانتا اگر وہ چھپ کر کھاپی لے تب بھی لوگ تو یہی سمجھتے رہیں گے کہ یہ روزہ دار ہے، مگر محض خوفِ خدا عَزَّوَجَلَّ کے باعث وہ کھانے پینے سے اپنے آپ کو بچا رہا ہے۔

بچے کو کب روزہ رکھوایا جائے؟:

میرے آقااعلٰی حضرت امامِ اہلِ سنت مجددِ دین وملّت مولانا شاہ امام احمد رضاخان عَلَیْہِ رَحْمَۃُ الرَّحْمٰنفرماتے ہیں : ’’بچہ جیسے ہی آٹھویں سال میں قدم رکھے (اس کے) ولی ( یعنی سرپرست )پر لازِم ہے کہ اسے نماز روزے کا حکم دے اور جب گیارھواں سال شروع ہو توولی  ( یعنی سرپرست )پر واجب ہے کہ صوم وصلوٰۃ (نماز نہ پڑھنے اور روزہ نہ رکھنے )پر مارے بشرطیکہ روزے کی طاقت ہو اور روزہ ضرر (یعنی نقصان)نہ کرے۔‘‘(فتاویٰ رضویہ ج۱۰ص۳۴۵ )) فقہائے کرام رَحِمَہُمُ اللہُ تَعَالٰیفرماتے ہیں : بچہ کی عمر دس سا ل کی ہو جائے اور (گیارھویں میں قدم رکھ دے اور)اُس میں روزہ رکھنے کی طاقت ہو تو اُس سے رَمَضانُ الْمبارَک میں روزہ رکھوایا جائے ۔ اگر پوری طاقت ہونے کے باوجود نہ رکھے تو مار کر رکھوائیے اگر رکھ کر توڑ دیا تو قضا کا حُکم نہ دیں گے اور نماز توڑدے تو پھر پڑھوائیے۔ (رَدُّالْمُحْتار ج۳ ص۴۴۲)

اعلٰی حضرت کو والد صاحب نے خواب میں فرمایا: (حکایت)

’’ملفوظات اعلٰی حضرت‘‘صفحہ206 پر میرے آقا اعلٰی حضرت رَحْمَۃُ اللہِ تَعَالٰی عَلَیْہِ اپنا خواب ارشاد فرماتے ہیں : ابھی چند سال ہوئے ماہِ رجب میں حضرت والد ماجد رَحْمَۃُ اللہِ تَعَالٰی عَلَیْہِ خواب میں تشریف لائے او ر مجھ سے فرمایا: ’’اب کی رمضان میں مرض شدید ہوگا روزہ نہ چھوڑنا ۔‘‘ ویسا ہی ہوا اور ہر چند طبیب وغیرہ نے کہا( مگر)میں نے بِحَمْدِ اللہ تعالٰی روزہ نہ چھوڑا اور اسی کی بر کت نے بِفَضْلِہٖ تَعالٰی شفا دی کہ حدیث میں ارشاد ہوا ہے: صُوْمُوْا  تَصِحُّوْا یعنی روزہ رکھو  تندرست ہوجاؤگے۔(مُعجَم اَوسط ج۶ ص۱۴۷ حدیث ۸۳۱۲)

روزے سے صحت ملتی ہے:

امیرُالْمُؤمِنِینحضرتِ مولائے کائنات، علیُّ الْمُرتَضٰی شیر خدا کَرَّمَ اللہُ تَعَالٰی وَجْہَہُ الْکَرِیْمسے مروی ہے ، اللہ عَزَّوَجَلَّ کے پیارے رسول، رسولِ مقبول، سیِّدہ آمنہ رَضِیَ اللہُ تَعَالٰی عَنْہا کے گلشن کے مہکتے پھول صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ صحت نشان ہے: ’’بے شک اللہ عَزَّوَجَلَّ نے بنی اسرائیل کے ایک نبی عَلَیْہِ السَّلَامکی طرف وَحی فرمائی کہ آپ اپنی قوم کو خبر دیجئے کہ جو بھی بندہ میری رِضا کیلئے ایک دن کا روزہ رکھتا ہے تو میں اُس کے جسم کو صحت بھی عنایت فرماتا ہوں اور اس کو عظیم اَجر بھی دو ں گا۔‘‘(شُعَبُ الایمان ج۳ ص۴۱۲حدیث۳۹۲۳)

معدے کا ورم:

میٹھے میٹھے اسلامی بھائیو! اَلْحَمْدُ لِلّٰہِ عَزَّوَجَلَّ ّاحادیث مبارکہ سے مستفاد (مُسْ۔ تَ ۔ فاد) ہوا کہ روزہ اجر و ثواب کے ساتھ ساتھ حصولِ صحت کا بھی ذَرِیعہ ہے۔اب تو سائنسدان بھی اپنی تحقیقات میں اس حقیقت کو تسلیم کرنے لگے ہیں ۔ جیسا کہ آکسفورڈ یونیورسٹی کا پروفیسرمورپالڈ (MOORE PALID) کہتا ہے : ’’میں اسلامی علوم پڑھ رہا تھا جب روزوں کے بارے میں پڑھا تو اُچھل پڑا کہ اسلام نے اپنے ماننے والوں کوکیسا عظیم الشان نسخہ دیا ہے! مجھے بھی شوق ہوا، لہٰذا میں نے مسلمانوں کی طرز پر روزے رکھنے شروع کردئیے ۔ عرصۂ دراز سے میرے معدے پرورم تھا، کچھ ہی دِنوں کے بعد مجھے تکلیف میں کمی محسوس ہوئی میں روزے رکھتا رہا یہاں تک کہ ایک مہینے میں میرا مرض بالکل ختم ہوگیا!‘‘

حیرت انگیز انکشافات:

ہالینڈکاپادری ایلف گال(ALF GAAL) کہتا ہے: میں نے شوگر، دل اور معدے کے مریضوں کو مسلسل 30 دن روزے رکھوائے، نَتیجتاً شوگر والوں کی شوگر کنڑول ہوگئی ، دِل کے مریضوں کی گھبرا ہٹ اور سانس کا پھولنا کم ہو ا اور معدے کے مریضوں کو سب سے زیادہ فائدہ ہوا۔ایک انگریز ماہر نفسیات سگمنڈ فرائیڈ (Sigmund Freud) کا بیان ہے،

 

 روزے سے جسمانی کھچاؤ،ذِ ہنی ڈِپریشن اورنفسیاتی امراض کا خاتمہ ہوتا ہے۔

ڈاکٹروں کی تحقیقاتی ٹیم:

ایک اخباری رپورٹ کے مطابق جرمنی،اِنگلینڈ اور امریکہ کے ماہر ڈاکٹروں کی تحقیقاتی ٹیم رَمَضانُ الْمبارَک میں پاکستان آئی اور اُنہوں نے بابُ المدینہ کراچی ، مرکز الاولیا  لاہور اور دِیارِ محدثِ اعظم  عَلَیْہِ رَحْمَۃُ اللہِ الْاَکْرَم سردار آباد(فیصل آباد پنجاب پاکستان)کا انتخاب کیا ۔ جائزہ (Survey) کے بعد اُنہوں نے یہ رپورٹ پیش کی: چونکہ مسلمان نماز پڑھتے اور رَمَضانُ الْمبارَک میں   اس کی زیادہ پابندی کرتے ہیں اس لیے وُضو کرنے سے ناک،کان اور گلے کے اَمراض میں کمی واقِع ہوجاتی ہے،نیز مسلمان روزے کے باعث کم کھاتے ہیں لہٰذا معدے، جگر، دل اور اَعصاب (یعنی پٹھوں ) کے اَمراض میں کم مبتلا ہوتے ہیں ۔

خوب ڈٹ کر کھانے سے بیماریاں پیدا ہوتی ہیں :

 میٹھے میٹھے اسلامی بھائیو!فِیْ نَفْسِہٖ روزے سے کوئی بیمار نہیں ہوتا بلکہ سحری و اِفطاری میں بے اِحتیاطیوں اور بدپرہیزیوں کے سبب نیزدونوں وَقت خوب مُرَغّن(یعنی تیل ،گھی والی ) اور تلی ہوئی غذاؤں کے اِستعمال اور رات بھر وقتاً فوقتاً کھاتے پیتے رہنے سے روزہ دار بیمار ہوجاتا ہے، لہٰذا سحری اور اِفطار کے وَقت کھانے پینے میں اِحتیاط برتنی چاہئے، رات کے دَوران پیٹ میں غذا کا اتنا زیادہ بھی ذخیرہ نہ کرلیا جائے کہ دن بھر ڈَکاریں آتی رہیں اور روزے میں بھوک پیاس کا اِحساس ہی نہ رہے، اگر بھوک پیاس کا اِحساس ہی نہ رہا تو پھر روزے کا لطف ہی کیا ہے! دیکھا جائے تو ایک طرح سے روزے کا مزا ہی اِس بات میں ہے کہ سخت گرمی ہو ، شدتِ پیاس سے لب سوکھ گئے ہوں اور بھوک سے خوب نڈھال ہوچکے ہوں ایسے میں کاش!مدینۂ منوَّرہ زَادَھَا اللہُ شَرَفاً وَّ تَعْظِیْماًکی میٹھی میٹھی گرمی اور ٹھنڈی ٹھنڈی دُھوپ کی یاد تازہ ہو اور اے کاش! کربلا کے تپتے ہوئے صحرا اور گلستانِ نبوت کے مہکتے ہوئے نوشگفتہ

 

پھولوں ، تین دن کی بھوک پیاس سے تڑپتے بلکتے ’’حقیقی وسینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے بھوکے پیاسے مظلوم شہزادوں کی یاد تڑپانے لگے ،اور جس وَقت بھوک پیاس کچھ زیادہ ہی ستائے اُس وَقت تسلیم ورِضا کے پیکر ، مدینے کے تاجور، نبیوں کے سروَر، محبوبِ داور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے شکم اَطہر پر بندھے ہوئے بامقدر پتھر بھی یا د آجائیں تو کیا کہنے! لہٰذا میٹھے میٹھے اسلامی بھائیو! واقِعی روزے تو ایسے ہونے چاہئیں کہ ہم اپنے آقاؤں اور سرکاروں کی حسین یادوں میں گم ہو جائیں ۔

کیسے آقاؤں کا ہوں بندہ رضاؔ

بول بالے مری سرکاروں کے          (حدائقِ بخشش شریف ص۳۶۰)

بغیر آپریشن کے ولادت ہوگئی:

میٹھے میٹھے اسلامی بھائیو!روزے کی نورانیت اور روحانیت پانے اور مَدَنی ذِہن بنانے کیلئے تبلیغِ قراٰن وسنت کی عالمگیر غیر سیاسی تحریک دعوت اسلامی کے مَدَنی ماحول سے وابستہ ہو جایئے اور سنتوں کی تربیت کے مَدَنی قافلوں میں عاشقانِ رسول کے ساتھ سنتوں بھرے سفر کی سعادت حاصل کیجئے۔ سُبحٰن اللہ عَزَّوَجَلَّ!دعوتِ اسلامی کے مَدَنی ماحول ، سنّتوں بھرے اجتماعات اور مَدَنی قافلوں کی بھی کیا خوب مَدَنی بہاریں اور برکتیں ہیں !غالباً 1998؁ء کا واقعہ ہے، حیدر آباد ( بابُ الاسلام سندھ پاکستان) کے ایک اسلامی بھائی کی اہلیہ امید سے تھیں ، دن بھی ’’پورے‘‘ ہو گئے تھے، ڈاکٹر کا کہنا تھا کہ شاید آپریشن کرنا پڑ ے گا۔تبلیغِ قراٰن وسنت کی عالمگیر غیر سیاسی تحریک،  دعوت اسلامی کا بین الاقوامی تین روزہ سنتوں بھرا اجتماع (صحرائے مدینہ، ملتان)  کا وقت قریب تھا ۔ اجتماع کے بعد سنتوں کی تربیت کے ایک ماہ کے مَدَنی قافلے میں عاشقانِ رسول کے ہمراہ سفر کی اُن اسلامی بھائی کی نیت تھی۔ اجتماع میں حاضری کیلئے روانگی کے وقت، سامانِ قافلہ ساتھ لے کراَسپتال پہنچے، چونکہ خاندان کے دیگر افراد تعاون کیلئے موجود تھے، اہلیۂ محترمہ نے اشک بار آنکھوں سے انہیں سنتوں

 

 بھرے اجتماع ( ملتان) کیلئے الوداع کیا۔ ان کا ذِہن یہ بنا ہوا تھا کہ اب تو بین الاقوامی سنتوں بھرے اجتماع اور پھر وہاں سے ایک ماہ کے مَدَنی قافلے میں ضرور سفر کرنا ہے کہ کاش! اس کی بَرَکت سے عافیت کے ساتھ وِلادت ہو جائے۔بے چارے غریب تھے ، ان کے پاس تو آپریشن کے اَخراجات بھی نہیں تھے! بہر حال وہ مدینۃ الاولیا ملتان شریف حاضر ہو گئے۔ سنتوں بھرے اجتماع میں خوب دعائیں مانگیں ۔ اجتماع کی اِختتامی رِقت انگیز دُعا کے بعد انہوں نے گھر پرفون کیا تو ان کی امی جان نے فرمایا:  مبارک ہو! گزشتہ رات رب کائنات عَزَّوَجَلَّنے بغیر آپریشن کے تمہیں چاند سی مَدَنی منی عطا فرمائی ہے۔  انہوں نے خوشی سے جھومتے ہوئے عرض کی: امی جان ! میرے لئے کیا حکم ہے؟ آجاؤں یا ایک ماہ کیلئے مَدَنی قافلے کا مسافر بنوں ؟ امی جان نے فرمایا: ’’بیٹا !بے فکر ہو کر مَدَنی قافلے میں سفر کرو۔‘‘ اپنی مَدَنی منیکی زیارت کی حسرت دل میں دبائے اَلْحَمْدُ لِلّٰہِ عَزَّوَجَلَّ وہ ایک ماہ کے مَدَنی قافلے میں عاشقانِ رسول  کے ساتھ روانہ ہوگئے۔ اَلْحَمْدُ لِلّٰہِ عَزَّوَجَلَّ مَدَنی قافلے میں سفر کی نیت کی بَرَکت سے ان کی مشکل آسان ہو گئی تھی۔ مَدَنی قافلوں کی مَدَنی بہاروں کی بَرَکت کے سبب گھر والوں کا بہت زبردست مَدَنی ذِہن بن گیا، اُن اسلامی بھائی کا بیان ہے کہ میرے بچوں کی امی کا کہنا ہے: جب آپ مَدَنی قافلے کے مسافر ہوتے ہیں میں بچوں سمیت اپنے آپ کو محفوظ تصور کرتی ہوں ۔

زچہ کی خیر ہو، بچہ بالخیر ہو               اُٹھئے ہمّت کریں ، قافِلے میں چلو

بیوی بچے سبھی،خوب پائیں خوشی                 خیریت سے رہیں ، قافِلے میں چلو

                                                                                                             (وسائل بخشش ص۶۷۴،۶۷۵)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

روزے کی جزا:

حضرت سَیِّدُنا ابوہریرہ  رَضِیَ اللہُ تَعَالٰی عَنْہُ سے رِوایت ہے کہ سلطانِ دوجہان، شہنشاہِ کون ومکان، رحمت عالمیان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ فرماتے ہیں : ’’آدَمی کے ہر

 

نیک کام کا بدلہ دس سے سات سو گنا تک دیا جاتا ہے،اللہ عَزَّوَجَلَّ نے فرمایا: اِلَّا الصَّوْمَ فَاِنَّہٗ لِیْ وَاَنَا اَجْزِیْ بِہٖ۔ یعنی سوائے روزے کے کہ روزہ میرے لئے ہے اور اِس کی جَزا میں خود دوں گا۔ اللہ عَزَّوَجَلَّ کا مزید ارشاد ہے: بندہ اپنی خواہش اور کھانے کو صرف میری وَجہ سے تَرک کرتا ہے۔ روزہ دار کیلئے دو خوشیاں ہیں ، ایک اِفطار کے وَقت اور ایک اپنے ربّ عَزَّوَجَلَّ سے ملاقات کے وَقت، روزہ دار کے منہ کی بو اللہ عَزَّوَجَلَّ کے نزدیک مشک سے زیادہ پاکیزہ ہے۔‘‘  (مسلِم ص۵۸۰حدیث۱۱۵۱)

        مزید ارشاد ہے: روزہ  سپر (یعنی ڈھال) ہے اور جب کسی کے روزہ کا دِن ہو تو نہ بے ہودہ بکے اور نہ ہی چیخے، پھر اگر کوئی اورشخص اِس سے گالم گلوچ کرے یا لڑنے پر آمادہ ہو تو کہہ دے : ’’میں روزہ دا رہوں ۔‘‘  

                                                         ( بُخاری ج۱ص۶۲۴حدیث۱۸۹۴)

روزہ کا خصوصی اِنعام:

میٹھے میٹھے اسلامی بھائیو! بیان کردہ اَحادیث مبارکہ میں روزے کی کئی خصوصیات ارشاد فرمائی گئی ہیں ۔ کتنی پیاری بشارت ہے اُس روزہ دار کے لئے جس نے اِس طرح روزہ رکھا جس طرح روزہ رکھنے کا حق ہے۔یعنی کھانے پینے اور جماع سے بچنے کے ساتھ ساتھ اپنے تمام اَعضاء کو بھی گناہوں سے باز رکھا تو وہ روزہ اللہ عَزَّوَجَلَّ کے فضل وکرم سے اُس کیلئے تمام پچھلے گناہوں کا کفارہ ہو گیا۔اور حدیث مبارک کا یہ فرمانِ عالیشان تو خاص طور پر قابل توجہ ہے جیسا کہ سرکارِنامدار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ اپنے پروردگار عَزَّوَجَلَّ کا فرمانِ خوشگوار سناتے ہیں : ’’فَاِنَّہٗ لِیْ وَاَنَا اَجْزِیْبِہٖ۔‘‘ یعنی روزہ میرے لئے ہے اور اِس کی جزا میں  خود ہی دُوں گا ۔ حدیث قدسی کے اِس ارشادِ پاک کو بعض علمائے کرامرَحِمَہُمُ اللہُ السَّلامْنے ، ’’اَنَا اُجْزٰی بِہٖ‘‘ بھی پڑھا ہے جیسا کہ مِراٰۃُ المناجیح  وغیرہ میں ہے تو پھر معنٰی یہ ہوں گے:’’ روزے کی جَزا میں خود ہی ہوں ۔‘‘ سُبحٰن اللہ عَزَّوَجَلَّ ! یعنی روزہ رکھ کر روزہ دار بذاتِ خود اللہ تَبارَکَ وَ تَعَالٰی ہی کو پالیتا ہے۔

 

نیک اعمال کی جزا جنت ہے:

میٹھے میٹھے اسلامی بھائیو! قراٰنِ کریم میں مختلف مقامات پر بیان ہوا ہے کہ جو اچھے اَعمال کرے گا اُسے جنت ملے گی۔ چنانچہ اللہ تَبارَکَ وَ تَعَالٰی پارہ 30 سُوْرَۃُ الْبَیِّنَہ کی آیت نمبر 7 اور8 میں ارشاد فرماتا ہے:

اِنَّ الَّذِیْنَ اٰمَنُوْا وَ عَمِلُوا الصّٰلِحٰتِۙ-اُولٰٓىٕكَ هُمْ خَیْرُ الْبَرِیَّةِؕ(۷) جَزَآؤُهُمْ عِنْدَ رَبِّهِمْ جَنّٰتُ عَدْنٍ تَجْرِیْ مِنْ تَحْتِهَا الْاَنْهٰرُ خٰلِدِیْنَ فِیْهَاۤ اَبَدًاؕ-رَضِیَ اللّٰهُ عَنْهُمْ وَ رَضُوْا عَنْهُؕ-ذٰلِكَ لِمَنْ خَشِیَ رَبَّهٗ۠(۸)

ترجَمۂ کنزالایمان:بے شک جو ایما ن لائے اور اچھے کام کئے وہی تمام مخلوق میں بہتر ہیں ۔اُن کا صِلہ اُن کے ربّ کے پاس بسنے کے باغ ہیں ،جن کے نیچے نہریں بہیں ،اُن میں ہمیشہ ہمیشہ رہیں ۔ اللہ اُن سے راضی اور وہ اُس سے راضی۔ یہ اُس کے لئے ہے جو اپنے رب سے ڈرے۔

غیر صحابی کے لیے’’رضی اللہ تعالٰی عنہ‘‘ کہنا کیسا؟:

میٹھے میٹھے اسلامی بھائیو ! یہ بات بالکل غلط ہے کہ ’’ رَضِیَ اللہُ تَعَالٰی عَنْہُ ‘‘کہنا لکھنا صرف صحابی کے نام کیساتھ مخصوص ہے۔پیش کردہ آیات کے اِس آخری حصے رَضِیَ اللّٰهُ عَنْهُمْ وَ رَضُوْا عَنْهُؕ-ذٰلِكَ لِمَنْ خَشِیَ رَبَّهٗ۠(۸)(ترجَمۂ کنزالایمان: اللہ (عَزَّوَجَلَّ)اُن سے راضی اور وہ اُس سے راضی، یہ اُس کیلئے ہے جو اپنے ربّ (عَزَّوَجَلَّ)سے ڈرے)نے اِس عوامی غلط فہمی کو جڑ سے اُکھاڑ دیا! خوفِ خدا عَزَّوَجَلَّ رکھنے والے ہر مومن خواہ وہ صحابی ہو یا غیر صحابی سب کیلئے یہ بشارتِ عظمی ارشاد فرمائی گئی ہے کہ جو بھی اللہ عَزَّوَجَلَّ سے ڈرنے والا ہے وہ رَضِیَ اللّٰهُ عَنْهُمْ وَ رَضُوْا عَنْهُؕکے زُمرے میں داخل ہے، بے شک ہر صحابی اور وَلی کے لئے رَضِیَ اللہُ تَعَالٰی عَنْہُ لکھنا اور بولنا بالکل دُرُست و جائز ہے۔ جس نے ایمان کے ساتھ سرکار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی حیاتِ ظاہری میں سرکار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی ایک لمحہ بھر بھی صحبت پائی یا دیکھا اوراس کا ایمان پر خاتمہ ہوا وہ صحابی ہے ۔ بڑے سے بڑا ولی، صحابی کے مرتبے کو نہیں پاسکتا، ہر صحابی عادِل اور جنتی ہے۔

 

مجھے موتیوں والا چاہیے:

اَلْحَمْدُ لِلّٰہِ عَزَّوَجَلَّ’’رَضِیَ اللہ تَعَالٰی عَنہ‘‘ کی بات بھی ضمْناً زیر بحث آگئی، اب اصل موضوع پر آتے ہیں : نماز،حج ،زکوٰۃ ، غربا کی اِمداد ، بیماروں کی عِیادت، مساکین کی خبر گیری وغیرہ تمام اَعمالِ خیر سے جنت ملتی ہے، مگر روزہ وہ عبادت ہے جس سے جنت والا یعنی خود مالک حقیقی عَزَّوَجَلَّ ہی مِل جاتا ہے۔کہتے ہیں : ایک مرتبہ محمود غزنویعَلَیْہِ رَحْمَۃُ اللہِ القَوِی کے کچھ قیمتی موتی اپنے افسران کےسامنے بکھر گئے فرمایا: ’’چن لیجئے!‘‘ اور خود آگے چل دئیے۔تھوڑی دُور جانے کے بعد مڑکر دیکھا تو اَیاز گھوڑے پر سُوار پیچھے چلاآرہا ہے۔پوچھا: اَیاز !کیا تجھے مَوتی نہیں چاہئیں ؟ ایاز نے عرض کی: ’’عالی جاہ!جو موتیوں کے طالب تھے وہ موتی چن رہے ہیں ،مجھے تو موتی نہیں بلکہ موتیوں والا چاہیے۔‘‘ (بوستانِ سعدی ص۱۱۰ مُلَخّصاً)

ہم رسولُ اللہ (صلَّی اللہ تَعالٰی علیہ واٰلہٖ وسلَّم) کے

جنت رسولُ اللہ (صلَّی اللہ تَعالٰی علیہ واٰلہٖ وسلَّم) کی

       اِس سلسلے میں ایک حدیث مبارَک بھی مُلاحظہ فرمائیے:حضرتِ سَیِّدُنا رَبِیعہ بن کعب اَسْلَمی رَضِیَ اللہ تَعَالٰی عَنہ فرماتے ہیں : میں رات حضور، سراپا نور،فیض گَنجور، شاہِ غیور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی خدمت میں گزارتا تھاتو میں آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے پاس وُضوکا پانی اور آپ کی ضرورت کی چیزیں (جیسے مسواک) لے کر حاضر ہوا تو رَحمۃٌ لِّلْعٰلَمِین صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا: سَلْ! یعنی مانگ کیا مانگتا ہے؟ میں نے عرض کی:  اَسْئَلُکَ مُرَافَقَتَکَ فِی الْجَنَّۃ، یعنی سرکار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ جنَّت میں آپ کی رَفاقت (یعنی پڑوس) چاہئے۔ (گویا عَرض کررہے ہیں :)

تجھ سے تجھی کو مانگ لوں توسب کچھ مل جائے

سو سوالوں سے یہی ایک سوال اچھا ہے

 

 

(دریائے رَحمت مزیدجوش میں آیا) اور فرمایا: ’’اَوَ غَیْرَ ذٰلِکَ؟ یعنی کچھ اور مانگنا ہے؟‘‘ میں نے عرض کی: ’’بس صرف یہی۔‘‘    ؎

تجھ سے تجھی کو مانگ کر مانگ لی ساری کائنات

مجھ سا کوئی گدا نہیں ،تجھ سا کوئی سخی نہیں

  (جب حضرتِ سَیِّدُنا رَبِیعہ بِن کعب اَسلمی رَضِیَ اللہ تَعَالٰی عَنہ جنت کی رَفاقت (پڑوس) طلب کرچکے اور مزید کسی حاجت کے طلب کرنے سے اِنکار کر دیا) تو اِس پر سرکارِ نامدار، بِاِذنِپروَردگار دوعالم کے مالِک ومختار، شہنشاہِ اَبرار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا: ’’فَاَعِنِّیْ عَلٰی نَفْسِکَ بِکَثْرَۃِ السُّجُوْد‘‘ یعنی ا پنے نفس پر کثرتِ سُجُود( یعنی زِیادہ نوافل) سے میری مدد کر۔( مسلم ص۲۵۳ حدیث ۴۸۹)

صَلُّو ا عَلَی الْحَبِیْب !                                                   صَلَّی اللہُ تَعَالٰی عَلٰی مُحَمَّد

جو چاہو مانگ لو!

سُبْحٰنَ اللہِ! سُبْحٰنَ اللہِ! سُبْحٰنَ اللہِ! اِس حدیثِ مبارَک نے تو ایمان ہی تازہ کردیا ۔ حضرت سَیِّدُنا شیخ عبد الحق محدث دِہلوی عَلَیْہِ رَحْمَۃُ اللہِ القَوِی فرماتے ہیں : سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا بلاکسی تَقْیِیْد وتَخْصِیص مُطْلَقاً فرمانا:  سَلْ؟ یعنی مانگ کیا مانگتا ہے؟اِس بات کو ظاہِر کرتا ہے کہ سارے ہی مُعاملات سرورِ کائنات، شاہِ موجودات صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے مبارَک ہاتھ میں ہیں ،جو چاہیں جس کو چاہیں اپنے ربّ عَزَّوَجَلَّ کے حکم سے عطا کردیں ۔علامہ بوصیری  رَحْمَۃُ اللہِ تَعَالٰی عَلَیْہِ قصیدۂ بردہ شریف میں فرماتے ہیں :   ؎

فَاِنَّ مِنْ جُوْدِکَ الدُّنْیَا وَضَرَّتَھَا                                                                               وَمِنْ عُلُوْمِکَ عَلْمَ اللَّوْح ِوَالْقَلَمِ

یعنی یَارَسُولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ! دُنیااور آخرت آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ہی کے جود وسخاوت کا حصہ ہے اورلوح وقلم کا علم تو آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے علومِ مبارَکہ کا ایک حصہ ہے۔    ؎

اگر خیریت دُنیا و عقبی آرزو داری

بَدرگاہش بیادِ ہر چِہ من خواہی تمنا کن

 

یعنی دُنیا وآخرت کی خیر چاہتے ہو تو اِس آستانِ عرش نشان پر آؤ اور جو چاہو مانگ لو!        (اَشِعَّۃُ اللَّمعات ج ۱ ص ۴۲۴ ،۴۲۵ وغیرہ )

خالِقِ کل نے آپ کو مالک کل بنا دیا

دونوں جہان دے دئیے قبضہ و اِختیار میں

 ’’رَمَضَانُ الْکَرِیْم‘‘ کے گیارہ حروف کی نسبت سے روزے کے فضائل سے متعلق11فرامین مصطفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

 جنتی دروازہ:

{۱}بے شک جنت میں ایک دروازہ ہے جس کو رَیَّان کہا جاتا ہے ،اس سے قیامت کے دن روزہ دار داخل ہوں گے ان کے علاوہ کوئی اور داخل نہ ہوگا۔کہا جائے گا: روزے دار کہاں ہیں ؟پس یہ لوگ کھڑے ہوں گے ان کے علاوہ کوئی اور اِس دروازے سے داخِل نہ ہوگا۔ جب یہ داخل ہوجائیں گے تو دروازہ بند کردیا جائے گا پس پھر کوئی اس دروازے سے داخل نہ ہوگا۔     (بُخاری ج۱ص۶۲۵حدیث۱۸۹۶)

سابقہ گناہوں کا کفارہ:

{۲}جس نے رَمضان کا روزہ رکھا اور اُس کی حدود کو پہچانا اور جس چیز سے بچنا چاہیے اُس سے بچا تو جو(کچھ گناہ) پہلے کرچکا ہے اُس کاکفارہ ہو گیا ۔  (الاحسان بترتیب صحیح ابنِ حَبّان ج۵ ص۱۸۳حدیث۳۴۲۴)

جہنم سے 70سال کی مسافت دُور:

{۳}جس نے اللہ عَزَّوَجَلَّ کی راہ میں ایک دن کا روزہ رکھا  اللہ عَزَّوَجَلَّ اس کے چہرے کو جہنم سے ستر سال کی مسافت دور کردے گا۔ ( بُخاری ج۲ص۲۶۵حدیث۲۸۴۰)

 

ایک روزے کی فضیلت:

        {۴}جس نے ایک دن کا روز ہ اللہ عَزَّوَجَلَّ کی رِضا حاصِل کرنے کیلئے رکھا ، اللہ عَزَّوَجَلَّ اُسے جہنَّم سے اتنا دُور کردے گا جتنا کہ ایک کوّا جو اپنے بچپن سے اُڑنا شروع کرے یہاں تک کہ بوڑھا ہوکر مَرجائے۔ ( ابو یعلٰی ج۱ ص۳۸۳حدیث۹۱۷)

سرخ یاقوت کا مکان:

{۵}جس نے ماہِ رَمضان کاایک روزہ بھی خاموشی اور سکون سے رکھا اس کے لئے جنت میں ایک گھرسبز زَبرجد یا سرخ یا قوت کا بنایا جائے گا۔ (مُعجَم اَوسَط ج ۱ ص ۳۷۹ حدیث ۱۷۶۸)

 جسم کی زکٰوۃ:

{۶}ہر شے کیلئے زکوٰۃ ہے اور جسم کی زکوٰۃ روزہ ہے اور روزہ آدھا صَبْرہے۔   ( ابنِ ماجہ  ج ۲ ص۳۴۷حدیث۱۷۴۵)

 سونا بھی عبادت ہے:

{۷}روزہ دار کا سونا عبادت اور ا س کی خاموشی تسبیح کرنا اور اس کی دعا قبول او را س کا عمل مقبول ہوتا ہے ۔(شُعَبُ الْایمان ج۳ ص۴۱۵حدیث۳۹۳۸)

اَعضا کا تسبیح کرنا:

{۸}جو بندہ روزے کی حالت میں صبح کرتا ہے، اُس کے لئے آسمان کے دروازے کھول دئیے جاتے ہیں اور اسکے اَعضا  تسبیح کرتے ہیں اور آسمانِ دُنیا پر رَہنے والے (فرشتے) اس کے لئے سورج ڈوبنے تک مغفرت کی دُعا کرتے رہتے ہیں ۔اگر وہ ایک یادورَکْعتیں پڑھتا ہے تویہ آسمانوں میں اس کے لئے نوربن جاتی ہیں اور حورِعین (یعنی بڑی آنکھوں والی حوروں )میں سے اُس کی بیویاں کہتی ہیں : اےاللہ عَزَّوَجَلَّ!تو اس کو ہمارے پاس بھیج دے ہم اس کے دیدار کی بہت زِیادہ مشتاق ہیں ۔اور اگر وہ لَااِلٰہَ اِلاَّ اللہُ یا  سُبْحَا نَ اللہِ یا اَللہُ اَکْبَرُ پڑھتا ہے تو ستر ہزار فرشتے اُ س کا ثواب سورج ڈوبنے تک لکھتے رہتے ہیں ۔ (ایضاً ص۲۹۹حدیث۳۵۹۱ )

 جنتی پھل:

{۹}جس کو روزے نے کھانے یا پینے سے روک دیا کہ جس کی اسے خواہش تھی تو اللہ تَعَالٰی اسے جنتی پھلوں میں سے کھلائے گا اور جنتی شراب سے سیراب کرے گا۔ (ایضاً ص۴۱۰حدیث۳۹۱۷ )

 

سونے کا دستر خوان:

{۱۰}قیامت والے دن روزہ داروں کیلئے ایک سونے کا دستر خوان رکھا جائے گا ، جس سے وہ کھائیں گے حالانکہ لوگ (حساب کتا ب کے) مُنتظِر ہوں گے۔ (کَنْزُ الْعُمّال ج۸ص۲۱۴حدیث۲۳۶۴۰)

 سات قسم کے اعمال:

{۱۱} ’’ اللہ عَزَّوَجَلَّکے نزدیک اعمال سات قسم پر ہیں ، دو عمل واجب کرنے والے ،دو عملوں کی جزا ان کی مثل ،ایک عمل کی جزا اپنے سے دس  گنا ، ایک عمل کی سات سوگنا تک اور ایک عمل ایسا ہے کہ اس کا ثواب اللہ تَعَالٰی کے علاوہ کوئی نہیں جانتا۔پس جو دو واجب کرنے والے ہیں {۱}وہ شخص جو اللہ عَزَّوَجَلَّسے اِس حال میں ملا کہ اللہ عَزَّوَجَلَّکی عِبادت اِخْلاص کے ساتھ اس طرح کی کہ کسی کو اس کا شریک نہ ٹھہرایا تو اس کیلئے جنت واجب ہوگئی {۲}اور جو اللہ عَزَّوَجَلَّسے اس حال میں ملا کہ اس کے ساتھ کسی کو شریک ٹھہرایا تو اس کیلئے دوزخ واجب ہوگئی۔اور جس نے ایک گناہ کیا تو اس کی مثل (یعنی ایک ہی گناہ کی ) جزا پائے گا اورجس نے صرف نیکی کا ارادہ کیا تو ایک نیکی کی جزا پائے گا۔اور جس نے نیکی کرلی تووہ دس  ( نیکیوں کا اجر) پائے گا اور جس نے اللہ عَزَّوَجَلَّکی راہ میں اپنا مال خرچ کیاتو اس کے خرچ کئے ہوئے ایک دِرہم کو سات سو دِرہم اور ایک دینار کو سات سو دینار میں بڑھا دیا جائے گا اور روزہ اللہ تَعَالٰی کیلئے ہے اس کے رکھنے والے کا ثواب اللہ عَزَّوَجَلَّکے علاوہ کوئی نہیں جانتا۔ ‘‘ (شُعَبُ الایمان ج۳ص۲۹۸حدیث۳۵۸۹ )

        میٹھے میٹھے اسلامی بھائیو! جس کا ایمان پر خاتمہ ہوگا وہ یا تواللہ عَزَّوَجَلَّکی رَحمت سے بے حساب یا مَعَاذَ اللہ عَزَّوَجَلَّ گناہوں کا عذاب ہواتب بھی بالآخر یقینا داخل جنت ہوگا ۔ اور جس کا (مَعَاذَ اللہ عَزَّوَجَلَّ)خاتمہ کفر پر ہوا وہ ہمیشہ ہمیشہ دوزخ میں رہے گا۔جس نے ایک گناہ کیا اُس کو ایک ہی گناہ کا بدلہ ملے گا۔ اللہ عَزَّوَجَلَّکی رَحمت کے قربان! صرف نیکی کی نیت کرنے پر ایک نیکی کا ثواب اوراگر نیکی کرلی تو ثواب دس گنا،راہِ خدا عَزَّوَجَلَّ میں خرچ کرنے والے کو سات سو گنا اور روزہ دار کی بھی کتنی زبردست عظمت ہے کہ اس کے ثواب کواللہ عَزَّوَجَلَّکے سوا کوئی نہیں جانتا۔

 

بے حساب اجر:                   

حضرت سَیِّدُنا کعب الاحبار رَضِیَ اللہ تَعَالٰی عَنہ فرماتے ہیں : ’’بروزِقیامت ایک منادی اس طرح ندا کر ے گا ،ہر بونے والے ( یعنی عمل کرنے والے)کو اس کی کھیتی (یعنی عمل) کے برابر اَجر دیا جائے گا سوائے قراٰن والوں ( یعنی عالم قراٰن) اور روزہ داروں کے کہ انہیں بے حد و  بے حساب اَجر دیا جا ئے گا ۔ ‘‘ (شُعَبُ الایمان ج۳ص۴۱۳حدیث۳۹۲۸)

یرقان سے صحت مل گئی:

  روزوں کی برکتوں کو دو بالا کرنے اور اپنے باطِن میں علمِ دین سے اُجالا کرنے کیلئے تبلیغ قراٰن وسنّت کی عالمگیر غیر سیاسی تحریک، دعوتِ اسلامی کے مَدَنی ماحول کو اپنا لیجئے۔ اپنی اِصلاح کی خاطرمکتبۃُ المدینہ سے مَدَنی انعامات کا رسالہ لے کر پر کر کے ہر مَدَنی ماہ کی پہلی تاریخ کو اپنے یہاں کے دعوت اسلامی کے ذمے دار کو جمع کروا یئے اور سنتوں کی تربیت کے مَدَنی قافلوں میں عاشقانِ رسول کے ساتھ سنتوں بھرا سفر کرنا اپنا معمول بنایئے ،مَدَنی قافلے کی بھی کیا خوب مَدَنی بہاریں ہیں ! 1994؁ء کی بات ہے، زم زم نگر (حیدر آباد،  بابُ الاسلام سندھ، پاکستان) کے ایک اسلامی بھائی کے بچوں کی امی کایرقان کافی بڑھ چکا تھا اور وہ بابُ المدینہ کراچی کے اندر اپنے میکے میں زیر علاج تھیں ۔  اُن اسلامی بھائی نے 63دن کیلئے مَدَنی قافلے میں سفر اختیار کیا اور اس ضمن میں با بُ المدینہ کراچی تشریف لائے، فون پر گھر پر رابطہ کیا، طبیعت کافی تشویشناک تھی، بلوربن (Bilirubin)تشویشناک حد تک بڑھ چکا تھا تقریباً 25گلوکوز کی ڈرِپیں لگانے کے باوجود خاطر خواہ فائدہ نہ ہوا تھا۔ انہوں نے اُن کو تسلی دیتے ہوئے کہا: اَلْحَمْدُ لِلّٰہِ عَزَّوَجَلَّ میں مَدَنی قافلے کا مسافر ہوں ، عاشِقانِ رسول کیصُحبتیں میسر ہیں ، اِنْ شَآءَاللہ عَزَّوَجَلَّمَدَنی قافلے کی برکت سے سب بہتر ہو جائے گا۔ اس کے بعد بھی انہوں نے برابر رابطہ رکھا ، اَلْحَمْدُ لِلّٰہِ عَزَّوَجَلَّ روز بروز صحت بہتر ہوتی جارہی تھی۔ پانچویں دن باب المدینہ سے آگے سفر درپیش تھا، انہوں نے جب فون کیا توانہیں یہ خبر فرحت اثر سننے کو ملی: اَلْحَمْدُ لِلّٰہِ عَزَّوَجَلَّ بلوربن کی رپورٹ

 

 نارمل آگئی ہے اور ڈاکٹر نے اطمینان کا اظہار کیا ہے۔ اللہ عَزَّوَجَلَّکا شکر ادا کرتے ہوئے وہ خوشی خوشی عاشقانِ رسول کے ہمر اہ مَدَنی قافلے میں مزید آگے سفر پر روانہ ہوگئے۔

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

    میٹھے میٹھے اسلامی بھائیو! جہاں روزہ رکھنے کے بے شمار فضائل ہیں وَہیں بغیر کسی صحیح مجبوری کے رَمَضانُ الْمبارَک کا روزہ ترک کرنے پر سخت وَعیدیں بھی ہیں ۔رَمضان شریف کاایک بھی روزہ جو بلا کسی عذرِ شرعی جان بوجھ کر ضائِع کردے تواب عمر بھر بھی اگر روزے رکھتا رہے تب بھی اُس چھوڑے ہوئے ایک روزے کی فضیلت نہیں پاسکتا۔ چنانچہ

ایک روزہ چھوڑنے کا نقصان:

حضرتسیِّدُنا ابوہریرہ رَضِیَ اللہ تَعَالٰی عَنہ سے روایت ہے ،سرکارِ والا تبار، بِاِذْنِپروردگار دو جہاں کے مالک ومختار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمان  ہے: ’’جس نے رَمضان کے ایک دن کا روزہ بغیر رُخصت وبغیر مرض اِفطار کیا (یعنی نہ رکھا)توزمانے بھر کا روزہ بھی اُس کی قضا نہیں ہوسکتا اگرچہ بعد میں رکھ بھی لے ۔‘‘ (تِرمذی ج۲ص۱۷۵حدیث۷۲۳) یعنی وہ فضیلت جو رَمَضانُ الْمبارَکمیں روزہ رکھنے کی تھی اب کسی طرح نہیں پاسکتا۔                                                    (بہارِ شریعت ج۱ص۹۸۵ مُلَخّصاً)

اُلٹے لٹکے ہوئے لوگ:

جو لوگ روزہ رکھ کر بغیر کسی صحیح مجبوری کے توڑ ڈالتے ہیں وہ اللہ عَزَّوَجَلَّکے قہرو غضب سے خوب ڈریں ۔ چنانچہ حضرتِ سَیِّدُنا اَبوامامہ باہلی رَضِیَ اللہ تَعَالٰی عَنہ فرماتے ہیں ، میں نے سرکارِ مدینہ، صاحب معطر پسینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو یہ فرماتے سنا : ’’ میں سویا ہواتھا تو خواب میں دو شخص میرے پاس آئے اور مجھے ایک دُشوار گزار پہاڑ پر لے گئے، جب میں پہاڑ کے درمیانی حصے پر پہنچا تو وہاں بڑی سخت آوازیں آرہی تھیں ، میں نے کہا: ’’یہ کیسی آوازیں ہیں ؟‘‘ تو مجھے بتایا گیا کہ یہ جہنمیوں کی آوازیں ہیں ۔پھر مجھے اور آگے لے جایا گیا تو میں کچھ ایسے لوگوں کے پاس سے گزرا کہ اُن کو اُن کے ٹخنوں کی رَگوں میں باندھ کر (اُلٹا)

لٹکایا گیا تھا اور اُن لوگوں کے جبڑے پھاڑ دئیے گئے تھے جن سے خون بہ رہا تھا، تو میں نے پوچھا: ’’ یہ کون لوگ ہیں ؟‘‘تو مجھے بتایا گیا کہ ’’یہ لوگ روزہ اِفطار کرتے تھے قبل اِس کے کہ روزہ اِفطار کرنا حلال ہو۔ ‘‘

(الاحسان بترتیب صحیح ابن حبان  ج۹ص۲۸۶حدیث۷۴۴۸)  

 

میٹھے میٹھے اسلامی بھائیو! رَمضان کا روزہ بلا اجازتِ شرعی توڑ دینا بہت بڑا گناہ ہے۔وَقت سے پہلے اِفطار کرنے سے مراد یہ ہے کہ روزہ تو رکھ لیا مگر سورج غروب ہونے سے پہلے پہلے جان بوجھ کر کسی صحیح مجبوری کے بغیر توڑ ڈالا ۔اس حدیثِ پاک میں جو عذاب بیان کیا گیا ہے وہ روزہ رکھ کر توڑ دینے والے کیلئے ہے اور جو بِلا عذرِ شرعی روزۂ رَمضان ترک کر دیتا ہے وہ بھی سخت گنہگار اورعذابِ نار کا حقدار ہے۔ اللہ عَزَّوَجَلَّاپنے پیارے حبیب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے طفیل ہمیں اپنے قہرو غضب سے بچائے۔              اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم

تین بدبخت:

حضرتسَیِّدُنا جابر بن عبد اللہ رَضِیَ اللہ تَعَالٰی عَنہُما سے مروی ہے ،تاجدارِ مدینۂ منوّرہ، سلطانِ مکۂ مکرمہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ باقرینہ ہے: ’’جس نے ماہِ رَمضان کو پایا اورا س کے روزے نہ رکھے وہ شخص شقی (یعنی بد بخت) ہے، جس نے اپنے والدین یا کسی ایک کو پایا اور ان کے ساتھ اچھا سلوک نہ کیا وہ بھی شقی (یعنی بدبخت )ہے اور جس کے پاس میرا ذِکر ہوا اور اُس نے مجھ پر دُرُود نہ پڑھا وہ بھی شقی (یعنی بد بخت) ہے۔‘‘

(مُعجَم اَوسَط ج۲ص۶۲حدیث۳۸۷۱)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

ناک مٹی میں مل جائے:

حضرت سَیِّدُنا ابو ہریرہ رَضِیَ اللہ تَعَالٰی عَنہ سے مروی ہے ، رَسُولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَنے فرمایا: ’’اُس شخص کی ناک مٹی میں مل جائے کہ جس کے پاس میرا ذِکر کیاگیا تو اُس نے میرے اوپر دُرُود نہیں پڑھااوراُس شخص کی ناک مٹی میں مل جائے جس پر رَمضان کا مہینا داخل ہوا پھر اُس کی مغفرت ہونے

سے قبل گزر گیا اور اس آدمی کی ناک مٹی میں مل جائے کہ جس کے پاس اس کے والدین نے بڑھاپے کو پالیا اور اس کے والدین نے اس کو جنت میں داخل نہیں کیا۔‘‘ (یعنی بوڑھے ماں باپ کی خدمت کرکے جنت حاصل نہ کر سکا) (مسنداحمد ج۳ص۶۱حدیث۷۴۵۵)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

  روزے کے تین دَرَجے:

میٹھے میٹھے اسلامی بھائیو! روزے کی اگرچہ ظاہری شرط یہی ہے کہ روزہ دار قصداً کھانے پینے اورجماع سے باز رہے ۔تاہم روزے کے کچھ باطنی آداب بھی ہیں جن کا جاننا ضروری ہے تاکہ حقیقی معنوں میں ہم روزہ کی برکتیں حاصِل کرسکیں ۔ چنانچہ روزے کے تین دَرَجے ہیں :

        (۱) عوام کا روزہ (۲)خَواص کا روزہ (۳) اَخَصُّ الْخَواص کا روزہ

(۱) عوام کا روزہ:

روزے کے لغوی معنٰی ہیں :’’رُکنا‘‘لہٰذا شریعت کی اِصطلاح میں صبح صادِق سے لے کر غروب آفتاب تک قصداً کھانے پینے اور جماع سے ’’رُکے رہنے‘‘کو روزہ کہتے ہیں اور یہی عوام یعنی عام لوگوں کا روزہ ہے۔

(۲)خَواص کا روزہ:

کھانے پینے اور جماع سے رُکے رہنے کے ساتھ ساتھ جسم کے تمام اَعضا کو برائیوں سے ’’روکنا‘‘خَوَاص یعنی خاص لوگوں کا روزہ ہے۔

(۳) اَخَصُّ الْخَواص کا روزہ:

اپنے آپ کو تمام تر اُمور سے ’’روک‘‘ کر صرف اور صرف اللہ  عَزَّوَجَلَّکی طرف مُتَوَجِّہ ہونا، یہ اَخَصُّ الْخوَاص یعنی خاص الخاص لوگوں کا روزہ ہے۔   (بہار شریعت ج۱ص۹۶۶ مُلَخَّصاً)

          میٹھے میٹھے اسلامی بھائیو! ضرورت اِس اَمرکی ہے کہ کھانے پینے وغیرہ سے ’’رُکے رہنے ‘‘کے ساتھ ساتھ اپنے تمام تر اَعضائے بدن کو بھی روزے کا پابند بنایا جائے۔

 

داتا صاحب رَحْمَۃُ اللہِ تَعَالٰی عَلَیْہِ کا اِرشاد:

حضرت سَیِّدُنا داتا گنج بخش علی ہجویری عَلَیْہِ رَحمَۃُ اللہ الْقَوِی  فرماتے ہیں : ’’روزے کی حقیقت رُکنا‘‘ہے اور رُکے رہنے کی بہت سی شرائط ہیں مَثَلاً معدے کو کھانے پینے سے رَوکے رکھنا، آنکھ کو بد نگاہی سے روکے رکھنا، کان کو غیبت سننے، زَبان کو فضول اور فتنہ انگیز باتیں کرنے اور جسم کو حکم الٰہی عَزَّوَجَلَّکی مخالفت سے روکے رکھناروزہ ہے۔ جب بندہ اِن تمام شرائط کی پیروی کرے گاتب وہ حقیقتاً روزہ دار ہوگا۔‘‘ (کَشْفُ الْمَحْجُوب ص۳۵۴،۳۵۳)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

روزہ رکھ کر بھی گناہ توبہ! توبہ!:

میٹھے میٹھے اسلامی بھائیو! خدا را! اپنے حالِ زار پر ترس کھایئے اور غور فرمایئے! کہ روزہ دار ماہِ رَمَضانُ المُبارَک میں دن کے وَقت کھانا پینا چھوڑدیتا ہے حالانکہ یہ کھانا پینا اِس سے پہلے دِن میں بھی بِالکل جائز تھا، اب خود ہی سوچ لیجئے کہ جو چیزیں رَمضان شریف سے پہلے حلال تھیں وہ بھی جب اِس مبارَک مہینے کے مقدس دِنوں میں منع کردی گئیں تو جو چیزیں رَمَضانُ المبارَک سے پہلے بھی حرام تھیں ، مَثَلاً جھوٹ، غیبت، چغلی، بد گمانی، گالم گلوچ، فلمیں ڈرامے، گانے باجے، بد نگاہی، داڑھی منڈانا یا ایک مٹھی سے گھٹانا، والدین کو ستانا، لوگوں کا دل دُکھانا وغیرہ وہ رَمَضانُ المبارَک میں کیوں نہ اور بھی زیادہ حرام ہوجائیں گی! روزہ دار جب رَمَضانُ المبارَک میں حلال وطیب کھانا پینا چھوڑدیتا ہے،حرام کام کیوں نہ چھوڑے؟ اب فرمائیے ! جو شخص پاک اور حلال کھانا پینا تو چھوڑ دے لیکن حرام اور جہنم میں لے جانے والے کام بدستور جاری رکھے وہ کس قسم کا روزہ دار ہے؟

اللہ عَزَّوَجَلَّ کو کچھ حاجت نہیں :

یاد رکھئے! نبیوں کے سلطان، سرورِ ذیشان، محبوبِ رَحْمٰن صَلَّی اللہُ تَعَالٰی عَلَیْہِ وَاٰلِہٖ وَسَلَّمَکا فرمانِ عبرت نشان ہے: ’’جو بری بات کہنا اور اُ س پر عمل کرنا نہ چھوڑے تواللہ  عَزَّوَجَلَّکو اس کی کچھ حاجت نہیں کہ اس نے کھانا پینا چھوڑ دیا ہے۔‘‘ (بُخاری ج۱ص۶۲۸حدیث۱۹۰۳)

       حضرت عَلَّامہ علی قاری عَلَیْہِ رَحْمَۃُ اللہِ البَارِیاس حدیثِ پاک کے تحت فرماتے ہیں :بُری بات سے مُرادہر ناجائز گفتگو ہے جیسے جھوٹ، بہتان، غیبت، تہمت، گالی، لعن طعن وغیرہ جن سے بچنا ضروری ہے ۔(مِرقاۃ المفاتیح ج ۴ص۴۹۱) ایک اور مقام پر فرمانِ مصطفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ہے: ’’صِرف کھانے اور پینے سے باز رہنے کا نام روزہ نہیں بلکہ روزہ تو یہ ہے کہ لَغْو اور بے ہُودہ باتوں ( یعنی وہ بات جس کے کرنے میں مَعاصی ( یعنی نافرمانی) ہے اُس) سے بچا جائے ۔‘‘(المُستَدرَک ج ۲ ص ۶۷ حدیث ۱۶۱۱ )

میں روزہ دار ہوں :

حضور سراپا نور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ عالیشان ہے: تم سے اگر کوئی لڑائی کرے، گالی دے تو تم اُس سے کہہ دو کہ میں روزے سے ہوں ۔   (اَلتَّرغِیب وَالتَّرہِیب ج۱ص۸۷حدیث۱)

اعضا کے روزوں کی تعریف:

اَعضا کا روزہ یعنی’’ جسم کے تمام حصوں کو گناہوں سے بچانا۔‘‘یہ صرف روزوں ہی کیلئے مخصوص نہیں ، بلکہ پوری زندگی اِن اَعضا کو گناہوں سے بچانا ضروری ہے اور یہ جبھی ممکن ہے کہ ہمارے دِلوں میں خوب  خوفِ خدا عَزَّوَجَلَّ پیدا ہوجائے۔آہ! قیامت کے اُس ہوشربا منظر کو یاد کیجئے جب ہر طرف ’’نفسی نفسی ‘‘ کا عالم ہوگا، سورج آگ برسا رہا ہوگا، زَبانیں شدتِ پیاس کے سبب منہ سے باہر نکل پڑی ہوں گی، بیوی شوہر سے، ماں اپنے لخت جگر سے اور باپ اپنے نورِ نظرسے نظربچا رہا ہوگا، مجرموں کو پکڑ پکڑ کر لایا جارہا ہوگا، اُن کے منہ پرمہر ماردی جائے گی اور اُن کے اَعضا اُن کے گناہوں کی داستان سنارہے ہوں گے جس کا ’’ سُوْرَۃُ یٰسٓ ‘‘ کی آیت نمبر 65 میں یوں تذکرہ کیاگیا ہے:

اَلْیَوْمَ نَخْتِمُ عَلٰۤى اَفْوَاهِهِمْ وَ تُكَلِّمُنَاۤ اَیْدِیْهِمْ وَ تَشْهَدُ اَرْجُلُهُمْ بِمَا كَانُوْا یَكْسِبُوْنَ(۶۵)

ترجَمۂ کنزالایمان:آج ہم اِن کے مونہوں پر مہر کردیں گے اور  ن کے ہاتھ ہم سے بات کریں گے اور ان کے پاؤں ان کے کئے کی گواہی دیں گے۔

آہ !اے کمزور وناتواں اسلامی بھائیو!قیامت کے اُس کڑے وَقت سے اپنے دِل کو ڈرایئے اور ہر وَقت

 

اپنے اَعضائے بَدَن کومعصیت (یعنی نافرمانی ) سے باز رکھئے۔ اب اَعضا کے روزے کی تفصیلات پیش کی جاتی ہیں :

آنکھ کا روزہ:

میٹھے میٹھے اسلامی بھائیو! آنکھ کا روزہ اِس طرح رکھنا چاہئے کہ آنکھ جب بھی اُٹھے تو صرف اورصرف جائز اُمور ہی کی طرف اُٹھے۔آنکھ سے مسجِد دیکھئے، قراٰنِ کریم دیکھئے ،مزاراتِ اَولیا رَحِمَہُمُ اللہُ تَعَالٰی کی زیارت کیجئے ،علمائے کرام،مشائخِ عظام اور اللہ  تَبارَکَ وَ تَعَالٰی کے نیک بندوں کا دیدار کیجئے ،اللہ عَزَّوَجَلَّدِکھائے تو کعبۂ مُعَظَّمہ کے اَنوار دیکھئے ، مکّۂ مُکرّمہ زَادَھَا اللہُ شَرَفاً وَّ تَعْظِیْماًکی مہکی مہکی گلیاں اور وہاں کے وادی و کہسار دیکھئے، مدینۂ منوَّرہ زَادَھَا اللہُ شَرَفاً وَّ تَعْظِیْماًکے دَرودیوار دیکھئے، سبز سبز گنبدومینار دیکھئے ، میٹھے میٹھے مدینے کے صحرا و گلزار دیکھئے ، سنہری جالیوں کے اَنوار دیکھئے ، جنت کی پیاری پیاری کیاری کی بہار دیکھئے۔ تاجدارِ اہل سنت حضور مفتی ٔاَعظم ہند سَیِّدُنا محمد مصطَفٰے رضا خان عَلَیْہِ رَحْمَۃُ الرَّحْمٰنخدائے حنان و منانعَزَّوَجَلَّکی بارگاہِ بے کس پناہ میں عرض کرتے ہیں :    ؎

کچھ ایسا کر دے مِرے کرد گار آنکھوں میں         ہمیشہ نقش رہے رُو ئے یار آنکھوں میں

انہیں نہ دیکھا تو کس کام کی ہیں یہ آنکھیں کہ دیکھنے کی ہے ساری بہار آنکھوں میں

( سامانِ بخشش شریف)

        پیارے روزہ دارو! آنکھ کا روزہ رکھئے اور ضرور رکھئے بلکہ آنکھ کا روزہ تو ڈبل بارہ گھنٹے ،تیسوں دِن اور بارہ مہینے ہونا چائیے۔ اللہ عَزَّوَجَلَّکی عطا کردہ آنکھوں سے ہرگز ہرگز فلمیں نہ دیکھئے ،ڈرامے نہ دیکھئے ،نامحرم عورَتوں کو نہ دیکھئے، شہوت کے ساتھ اَمردوں کو نہ دیکھئے ،کِسی کا کھلا ہوا ستر نہ دیکھئے ، بلکہ بہتر یہ ہے کہ بلا ضرورت اپنا کھلا ہوا  ستربھی مت دیکھئے ،اللہ عَزَّوَجَلَّکی یاد سے غافل کرنے والے کھیل تماشے مَثَلاً ریچھ اور بند ر کا ناچ وغیرہ نہ دیکھئے ( ان کو نچانا اور ان کا ناچ دیکھنا دونوں کام ناجائز ہیں ) کرکٹ ،کبڈی ،فٹ بال ،ہاکی ، تاش ، شطرنج ،وِڈیوگیمز ،ٹیبل فٹ بال وغیرہ

 

وغیرہ کھیل نہ دیکھئے ۔(جب دیکھنے کی اِجازت نہیں تو کھیلنے کی اِجازت کس طرح ہوسکتی ہے؟اور اِن میں بعض کھیل تَو ایسے ہیں جو نیکر یا چڈی پہن کر کھیلے جاتے ہیں جس کی وجہ سے گھٹنے بلکہ مَعَاذَ اللہ عَزَّوَجَلَّرانیں تک کھلی رہتی ہیں اور اِس طرح دُوسروں کے آگے رانیں یا گھٹنے کھولے رہنا گناہ ہے اور دُوسروں کو اِس طرف نظر کرنا بھی گناہ) کسی کے گھر میں بے اِجازت نہ جھانکئے ،کسی کا خط یا چٹھی یا ڈائری کی تحریرشرعی اجازت کے بغیر نہ دیکھئے ،یاد رکھئے ! فرمانِ مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ہے: ’’جو اپنے بھائی کا خط  بغیر اجازت دیکھتا ہے گویا وہ آگ میں دیکھتا ہے۔‘‘                                (المُسْتَدْرَک ج۵ص۳۸۴حدیث۷۷۷۹)

اٹھے نہ آ نکھ کبھی بھی گناہ کی جانب         عطا کر م سے ہوایسی ہمیں حیا یارب!

کسی کی خامیاں دیکھیں نہ میری آ نکھیں اور         سنیں نہ کان بھی عیبوں کا تذکرہ یا رب

دکھا دے ایک جھلک سبز سبز گنبد کی     بس ان کے جلووں میں آجائے پھر قضا یا رب       (وسائل بخشش ص۸۳،۸۷ )

کان کا روزہ:

کانوں کا روزہ یہ ہے کہ صرف و صرف جائز باتیں سنیں ۔ مَثَلاً کانوں سے تلاوت و  نعت سنئے، سنتوں بھرے بیانات سُنئے، اچھی بات، اَذان و اِقامت سنئے، سن کر جواب دیجئے،ہرگز ہرگز گانے باجے اور موسیقی نہ سُنئے، جھوٹے چٹکلے نہ سنئے ،کسی کی غیبت نہ سنئے ،کسی کی چغلی نہ سنئے ،کسی کے عیب نہ سنئے اور جب دو آدمی چھپ کر بات کریں تو کان لگا کر نہ سنئے۔فرمانِ مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ہے: جو شخص کسی قوم کی باتیں کان لگا کر سنے حالانکہ وہ اس بات کو ناپسند کرتے ہوں یا اس بات کو چھپانا چاہتے ہوں تو قیامت کے دن اس کے کانوں میں پگھلا ہوا سیسہ ڈالا جائے گا۔ ( بُخاری ج۴ ص ۴۲۳حدیث ۷۰۴۲)

سنوں نہ فحش کلامی نہ غیبت و چغلی       تری پسند کی باتیں فقط سنا یا رب          (وسائل بخشش ص۸۷ )

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

زبان کا روزہ:

زَبان کا روزہ یہ ہے کہ زَبان صرف و صرف نیک وجائز باتوں کیلئے ہی حرکت میں آئے۔ مَثَلاً زَبان سے تلاوتِ قراٰن کیجئے، ذِکر و دُرُود کا وِرْد کیجئے۔ نعت شریف پڑھئے، درس دیجئے،سنتوں بھرا بیان کیجئے ،نیکی کی دعوت دیجئے، اچھی اور پیاری پیاری دینداری والی باتیں کیجئے۔ فضول ’’بک بک‘‘ سے بچتے رہئے۔ خبردار! گالی گلوچ، جھوٹ، غیبت ، چغلی وغیرہ سے زَبان ناپاک نہ ہونے پائے کہ ’’چمچہ اگر نجاست سے آلودہ ہوگیا تو دو ایک گلاس پانی سے پاک ہوجائے گا مگر زَبان بے حَیائی کی باتوں سے ناپاک ہوگئی تواِسے سات سمندر بھی نہیں دھوسکیں گے۔‘‘

زَبان کی بے احتیاطی کی تباہ کاریاں :

حضرتِ سَیِّدُنا اَنس رَضِیَ اللہ تَعَالٰی عَنہ سے رِوایت ہے، سلطانِ دوجہان، شہنشاہِ کون ومکان، رحمتِ عالمیان صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے صحابۂ کرام عَلَیْہِمُ الرِّضْوَانکوایک دِن روزہ رکھنے کا حکم دیا اور ارشاد فرمایا: ’’جب تک میں اِجازت نہ دوں ،تم میں سے کوئی بھی اِفطار نہ کرے۔‘‘ لوگوں نے روزہ رکھا۔ جب شام ہوئی تو تمام صحابۂ کرام عَلَیْہِمُ الرِّضْوَانایک ایک کرکے حاضر خدمت بابرکت ہوکر عرض کرتے رہے: یارَسُولَ اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ! میں روزے سے رہا ، اِجازت دیجئے تاکہ روزہ کھول دُوں ۔ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ اُسے اِجازت مرحمت فرما دیتے۔ ایک صحابی رَضِیَ اللہ تَعَالٰی عَنہ نے حاضر ہوکرعرض کی: آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ!  دوعورَتوں نے روزہ رکھا اور وہ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی خدمت بابرکت میں آنے سے حیا محسوس کرتی ہیں ، اُنہیں اجازت دیجئے تاکہ وہ بھی روزہ کھول لیں ۔ اللہ کے مَحبوب، دانائے غُیُوب، مُنَزَّہٌ عَنِ الْعُیُوب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے اُن سے رُخِ انور پھیر لیا ، اُنہوں نے پھرعرض کی، آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے پھر چہرئہ انور پھیرلیا، اُنہوں نے پھر یہی بات دُہرا ئی آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے پھر چہرئہ انور پھیرلیا وہ پھر یہی با ت دُہرانے لگے آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے پھر رُخِ انورپھیرلیا، پھر

 

رَسُولَ اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَنے(غیب کی خبر دیتے ہوئے)  ارشاد فرمایا: ’’اُن دونوں نے روزہ نہیں رکھا وہ کیسی روزہ دار ہیں ؟ وہ تو سارا دن لوگوں کا گوشت کھاتی رہیں !جاؤ ،ان دونوں کو حکم دو کہ وہ اگر روزہ دار ہیں تو قے کردیں ۔ ‘‘ وہ صحابی  رَضِیَ اللہ تَعَالٰی عَنہ اُن کے پاس تشریف لائے اور انہیں فرمان شاہی  سنایا۔اُن دونوں نے قے کی، تو قے سے جما ہوا خون نکلا۔ اُن صحابی رَضِیَ اللہ تَعَالٰی عَنہ نے آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی خدمتِ بابرکت میں واپس حاضر ہو کر صورتِ حال عرض کی۔ مَدَنی آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا: اُس ذات کی قسم ! جس کے قبضۂ قدرت میں میری جان ہے، اگر یہ اُن کے پیٹوں میں باقی رہتا ، تو اُن دونوں کو آگ کھاتی۔(کیوں کہ انہوں نے غیبت کی تھی)   (ذَمُّ الْغِیبَۃلِابْنِ اَبِی الدُّنْیا ص۷۲ رقم۳۱)

        ایک اور رِوایت میں ہے کہ جب سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَنے ان صحابی رَضِیَ اللہ تَعَالٰی عَنہ سے منہ پھیرا تو وہ سامنے آئے اورعرض کی: یارَسُولَ اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ! وہ دونوں پیاس کی شدت سے مرنے کے قریب ہیں ۔ سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے حکم فرمایا: ’’اُن دونوں کو میرے پاس لاؤ۔‘‘ وہ دونوں حاضر ہوئیں ۔ سرکارِ عالی وقار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ایک پیالہ منگوایا اور اُن میں سے ایک کوحکم فرمایا: ’’اِس میں قے کرو!‘‘ اُس نے خون، پیپ اور گوشت کی قے کی، حتی کہ آدھاپیالہ بھر گیا۔پھر آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے دُوسری کو حکم دیا کہ تم بھی اِس میں قے کرو!اُس نے بھی اِسی طرح کی قے کی،یہاں تک کہ پیالہ بھر گیا اللہ عَزَّوَجَلَّکے پیارے رسول، رسولِ مقبول، سیِّدہ آمنہ  رَضِیَ اللہ تَعَالٰی عَنہا کے گلشن کے مہکتے پھول صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا:اِن دونوں نےاللہ عَزَّوَجَلَّکی حلال کردہ چیزوں (یعنی کھانے ،پینے وغیرہ) سے تو روزہ رکھا مگر جن چیزوں کواللہ عَزَّوَجَلَّنے (عِلاوہ روزے کے بھی)حرام رکھا ہے اُن (حرام چیزوں )سے روزہ اِفطار کر ڈالا!ہوا یوں کہ ایک لڑکی دُوسری لڑکی کے پاس بیٹھ گئی اور دونوں مل کر لوگوں کا گوشت کھانے(یعنی غیبت کرنے) لگیں ۔^([6]) (مُسندِ اِمام احمد ج۹ص۱۶۵حدیث۲۳۷۱۴)

علم غیب مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ:

میٹھے میٹھے اسلامی بھائیو!اِس حکایت سے روزِ روشن کی طرح واضح ہوا کہاللہ عَزَّوَجَلَّکی عطا سے ہمارے میٹھے میٹھے آقا، مکی مَدَنی مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو علم غیب حاصل ہے اور آپ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو اپنے غلاموں کے تمام معاملات معلوم ہوجاتے ہیں ۔جبھی تو اُن لڑکیوں کے بارے میں مسجد شریف میں بیٹھے بیٹھے غیب کی خبر ارشاد فرما دی۔ بہرحال روزہ ہویا نہ ہو، زَبان  کا قفلِ مدینہ ہی بھلا ورنہ یہ ایسے گل کھلاتی ہے کہ توبہ! اگر ان تین اُصولوں کو پیش نظر رکھ لیا جائے تو اِن شَآءَاللہ عَزَّ وَجَلَّ بڑا نفع ہوگا: {۱} بری بات کہنا ہر حال میں برا ہے {۲}فضول بات سے خاموشی اَفضل ہے {۳}اچھی بات کرنا خاموشی سے بہتر ہے۔

مر ی زبان پہ قفلِ مدینہ لگ جائے       فضول گوئی سے بچتا رہوں سدا یا رب!

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

ہاتھوں کا روزہ:

ہاتھوں کا روزہ یہ ہے کہ جب بھی ہاتھ اُٹھیں ، صرف نیک کاموں کے لئے اُٹھیں ۔ مَثَلاً باطہارت قراٰنِ کریم کو ہاتھ لگائیے،نیک لوگوں سے مصافحہ کیجئے۔فرمانِ مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ: ’’  اللہ عَزَّوَجَلَّکی خاطر آپس میں مَحَبَّت رکھنے والے جب باہم ملیں اور مصافحہ کریں اور نبی(صَلَّی اللہُ تَعَالٰی عَلَیْہِ وَاٰلِہٖ وَسَلَّمَ) پر دُرُود پاک بھیجیں تو ان کے جدا ہونے سے پہلے دونوں کے اگلے پچھلے گناہ بخش دیئے جاتے ہیں ۔‘‘ (ابو یعلیٰ ج ۳ ص۹۵حدیث ۲۹۵۱) ہوسکے تو کسی یتیم کے سر پر شفقت سے ہاتھ پھیر یئے کہ ہاتھ کے نیچے جتنے بال آئیں گے ہر بال کے عوض ایک ایک نیکی مِلے گی۔(بچہ یا بچی اُس وَقت تک ہی یتیم ہیں جب تک نا بالغ ہیں جوں ہی بالغ ہوئے یتیم نہ رہے۔لڑکا 12اور 15 سال کے درمیان بالغ اور لڑکی 9 اور 15 سال کے درمیان بالغہ ہو تی ہے)خبردار ! کسی پر ظلماً ہاتھ نہ اُٹھیں ،رِشوت لینے دینے کے لئے نہ اُٹھیں ، نہ کسی کامال چرائیں ،نہ تاش کھیلیں نہ پتنگ اُڑائیں ، نہ کسی نامحرم عورت سے مصافحہ کریں ۔ (بلکہ شہوت کا اندیشہ ہو تو اَمرد سے بھی ہاتھ نہ ملائیں )

 

ہمیشہ ہاتھ بھلائی کے واسطے اٹھیں        بچانا ظلم و ستم سے مجھے سدا یا رب!       (وسائل بخشش ص۷۷)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

پاؤں کا روزہ:

پاؤں کا روزہ یہ ہے کہ پاؤں اُٹھیں تَو صرف و صرف نیک کاموں کیلئے اُٹھیں ۔ مَثَلاً پاؤں چلیں تومساجد کی طرف چلیں ،مزاراتِ اولیا رَحِمَہُمُ اللہُ تَعَالٰیکی طرف چلیں ، علما و صلحا کی زیارت کے لئے چلیں ،سنتوں بھرے اِجتماع کی طرف چلیں ، نیکی کی دعوت دینے کیلئے چلیں ،سنتوں کی تربیت کے مَدَنی قافلوں میں سفرکیلئے چلیں ،نیک صُحبتوں کی طرف چلیں ، کسی کی مدد کیلئے چلیں ،کاش! مکّۂ مکرّمہ زَادَھَا اللہُ شَرَفاً وَّ تَعْظِیْماًومدینۂ منوَّرہ زَادَھَا اللہُ شَرَفاً وَّ تَعْظِیْماًکی طرف چلیں ،سوئے منیٰ و عرفات ومزدَلفہ چلیں ،طواف وسعی میں چلیں ۔ہر گز ہرگز سینما گھر کی طرف نہ چلیں ،ڈرامہ گاہ کی طرف نہ چلیں ، برے دوستوں کی مجلسوں کی طرف نہ چلیں ، شطرنج، لڈو ، تاش، کرکٹ، فٹ بال، وِڈیوگیمز، ٹیبل فٹ بال وغیرہ وغیرہ کھیل کھیلنے یا دیکھنے کی طرف نہ چلیں ، کاش!پاؤں کبھی تو ایسے بھی چلیں کہ بس مدینہ ہی مدینہ لب پر ہواورسفر بھی مدینے کا ہو۔    ؎

رہیں بھلائی کی راہوں میں گامزن ہر دم            کریں نہ رُخ مرے پاؤں گناہ کا یا رب!

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

          میٹھے میٹھے اسلامی بھائیو! حقیقی معنوں میں روزے کی برکتیں تواُسی وَقت نصیب ہوں گی،جب ہم تمام اَعضا کا بھی روزہ رکھیں گے، ورنہ بھوک اور پیاس کے سوا کچھ حاصل نہ ہو گا جیسا کہ حضرت سیّدُِنا ابوہریرہ رَضِیَ اللہ تَعَالٰی عَنہ سے مروی ہے کہ سرکارِ عالی وَقار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا ارشاد ہے: ’’بہت سے روزہ دار ایسے ہیں کہ اُن کو ان کے روزے سے بھوک اور پیاس کے سوا کچھ حاصل نہیں ہوتا، اور بہت سے قیام کرنے والے ایسے ہیں کہ اُن کو اُن کے قیام سے سوائے جاگنے کے کچھ حاصل نہیں ہوتا۔‘‘   ( ابنِ ماجہ ج۲ص۳۲۰حدیث۱۶۹۰)

 

K الیکٹرک میں نوکری مل گئی:

       میٹھے میٹھے اسلامی بھائیو!روزے کی نورانیت اور روحانیت پانے اور مَدَنی ذِہن بنانے کیلئے تبلیغِ قراٰن وسنت کی عالمگیر غیر سیاسی تحریک  دعوتِ اسلامی کے مَدَنی ماحول سے وابستہ ہو جایئے اور سنتوں کی تربیت کے مَدَنی قافلوں میں عاشقانِ رسول کے ساتھ سنتوں بھرے سفر کی سعادت حاصِل کیجئے۔ سُبحٰنَ اللہ!دعوتِ اسلامی کے مَدَنی ماحول، سنتوں بھرے اجتماعات اور مَدَنی قافلوں کی بھی کیا خوب مدنی بہاریں اور برکتیں ہیں۔ چنانچہ 19.6.2003 کو اورنگی ٹاؤن( بابُ المدینہ کراچی) کے ایک اسلامی بھائی کا مبلغ دعوتِ اسلامی کے دعوت دینے پر دعوتِ اسلامی کے ہفتہ وار سنتوں بھرے اجتماع کی طرف رُخ ہوا مگر پابندی نہیں تھی۔ بے روزگاری کے سبب پریشانی تھی، انہوں نے ایک اسلامی بھائی کی ’’انفرادی کوشش‘‘ کے نتیجے میں 41روزہ مَدَنی اِنعامات و مَدَنی قافلہ کورس کیلئے دعوتِ اسلامی کے عالمی مَدَنی مرکز فیضانِ مدینہ میں داخلہ لے لیا۔  اَلْحَمْدُلِلّٰہِ عَزَّ وَجَلَّ عاشقانِ رسول کی صحبتوں اور برکتوں نے ان پر مدنی رنگ چڑھا دیا، اور جینے کا ڈھنگ سکھا دیا۔ مَدَنی قافلہ کورس پورا کرنے کے دوسرے یا تیسرے دن ان کے بعض دوستوں نے بتایا : K الیکڑک( K-Electric )کو ملازِموں کی ضرورت ہے ، ہم نے بھی درخواستیں جمع کروا دی ہیں آپ بھی کرو ا دیجئے۔ انہوں نے کہا: آج کل صِرف درخواستوں پر کہاں ! سفارِشوں (بلکہ رشوتوں ) پر نوکریوں کی ترکیب بنتی ہے! اپنے پاس تو کچھ بھی نہیں ۔بالآخر اُن کے اصرار پرانہوں نے ’’ درخواست ‘‘ جمع کروا دی۔ ابتِدائً تحریری ٹیسٹ ہوئے پھر انٹرویو کے بعد میڈیکل ٹیسٹ کی صورَت بنی ۔ بے شمار اثرو رُسوخ والی درخواستوں کے باوجود وہ واحِد ایسے تھے کہ ہر جگہ کامیاب رہے! فائنل انٹر ویو میں ان کے گھر والوں نے زور دیا کہ پینٹ شرٹ پہن کر جاؤ،مگر وہ تو عا شِقانِ رسول کی صحبت کی برکت سے انگریزی لباس ترک کرچکے تھے لہٰذا سفید شلوار قمیص میں ہی پہنچ گئے ۔افسر نے ان کا مذہبی حلیہ دیکھ کر بعض اسلامی معلومات کے سوالات کئے۔ جن کے انہوں نے جوابات دے دیئے کیوں کہ اَلْحَمْدُلِلّٰہِ عَزَّ وَجَلَّ انہوں نے یہ سب ’’مَدَنی انعامات و مَدَنی قافلہ کورس ‘‘کے اندر سیکھے ہوئے تھے۔  اَلْحَمْدُلِلّٰہِ عَزَّ وَجَلَّ بغیر کسی سفارش و رشوت کے انہیں ملازَمت مل گئی۔ ان کے

 

 گھر والے دعوتِ اسلامی کے ’’مَدَنی قافلہ کورس‘‘ اور مَدَنی ماحول کی برکت دیکھ کر دنگ رہ گئے اور اَلْحَمْدُلِلّٰہِ عَزَّ وَجَلَّ دعوتِ اسلامی کے محب بن گئے ۔ اَلْحَمْدُلِلّٰہِ عَزَّ وَجَلَّ انہیں دعوتِ اسلامی کی علاقائی مشاوَرَت کے ذِمے دار کی  حیثیت سے اپنے علاقے میں سنتوں کے ڈنکے بجا نے اور مَدَنی اِنعامات و مَدَنی قافلوں کی دھومیں مچا  نے کی سعادت بھی ملی ۔

نوکَری چاہئے، آئیے آ ئیے                قافِلے میں چلیں ، قافِلے میں چلو

تنگدستی مٹے، دور آفت ہٹے             لینے کو بَرَکتیں ، قافِلے میں چلو (وسائل بخشش ص۶۷۵،۶۷۲)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

روزے کی نیت:

 میٹھے میٹھے اسلامی بھائیو! روزے کیلئےنیت شرط ہے ۔ لہٰذا ’’بے نیت روزہ اگر کوئی اِسلامی بھائی یا اسلامی بہن صبحِ صادِق کے بعد سے لے کر غروبِ آفتاب تک بالکل نہ کھائے پئے تب بھی اُس کا روزہ نہ ہوگا ‘‘ (ماخوذ از رَدُّالْمُحتَار ج۳ ص۳۹۳)رَمضان شریف کا روزہ ہو یا نفل یا نذر معین کا روزہ( یعنی اللہ عَزَّوَجَلَّ کیلئے کسی مخصوص دِن کے روزے کی منت مانی ہو مَثَلاً خود سن سکے اتنی آواز سے یوں کہا ہو کہ ’’مجھ پر اللہ عَزَّوَجَلَّ کیلئے اِس سال رَبِیْعُ الاول شریف کی ہر پیرشریف کا روزہ ہے۔‘‘تَو یہ نذرمعین ہے اور اِس منت کا پورا کرنا واجب ہوگیا۔)اِن تینوں قسم کے روزوں کے لئے غروبِ آفتاب کے بعد سے لے کر’’نصف النہارِشرعی ‘‘(اِسے ضَحوَۂ کُبریٰ بھی کہتے ہیں ) سے پہلے پہلے تک جب بھی نیت کرلیں روزہ ہوجائے گا۔ (دُرِّمُختار ورَدُّالْمُحتَار ج۳ص۳۹۳)

 نصف النہار شرعی کا وقت معلوم کرنے کا طریقہ:

جس دِن کا نصف النہار شرعی معلوم کرنا ہو اُس دِن کے صبحِ صادِق سے لے کر غروبِ آفتاب تک کا وَقت شمار کرلیجئے اور اُس سارے وَقت کے دوحِصّے کرلیجئے پہلا آدھا حصہ ختم ہوتے ہی ’’نصف النہارِ شرعی ‘‘ کا وَقت شروع ہو گیا ۔ مَثَلاً آج صبحِ صادِق ٹھیک پانچ بجے ہے اور غروبِ آفتاب ٹھیک چھ بجے ۔تو دونوں کے درمیان کا وَقت کل تیرہ گھنٹے ہوا،اِن کے

 

دوحصے کریں تو دونوں میں کا ہر ایک حصہ ساڑھے چھ گھنٹے کاہوا۔اب صبحِ صادِق کے پانچ بجے کے بعد والے ابتدائی ساڑھے چھ گھنٹے ساتھ ملا لیجئے ،تو اِس طرح دِن کے ساڑھے گیارہ بجے کے فوراً بعد ’’نصف النہارِ شرعی‘‘کا وَقت شروع ہوگیا تو اب ان تین طرح کے روزوں کی نیت نہیں ہو سکتی۔    (رَدُّالْمُحتَار ج۳ص۳۹۳ مُلَخّصاً)

بیان کردہ تین قسم کے روزوں کے علاوہ دیگر جتنی بھی اَقسامِ روزہ ہیں اُن سب کیلئے یہ لازِمی ہے کہ راتوں رات یعنی غروبِ آفتاب کے بعد سے لیکر صبحِ صادِق تک  نیت کرلیجئے،اگر صبح صادِق ہوگئی تَو اب نیت نہیں ہوسکے گی۔مَثَلاً قضائے روزئہ رَمضان ،کفارے کے روزے ،قضائے روزئہ نفل (روزئہ نفل شروع کرنے سے واجب ہوجاتا ہے،اب بے عذرِ شرعی توڑنا گناہ ہے ۔اگر کسی طرح سے بھی ٹوٹ گیا خواہ عذر سے ہویا بلا عذر،اِس کی قضا بہر حال واجب ہے) ’’روزئہ نذرِ غیر معین ‘‘ (یعنی اللہ عَزَّوَجَلَّ کیلئے روزہ کی منت تَو مانی ہو مگر دِن مخصوص نہ کیا ہو اِس منت کا بھی پورا کرنا واجب ہے اور اللہ عَزَّوَجَلَّ کیلئے مانی ہوئی ہر شرعی منت کا پورا کرنا واجب ہے جب کہ زَبان سے اِس طرح کے اَلفاظ اتنی آواز سے کہے ہوں کہ خود سن سکے،مثلاً اِس طرح کہا :’’مجھ پر اللہ عَزَّوَجَلَّ َّکیلئے ایک روزہ ہے‘‘اب چونکہ اِس میں دِن مخصوص نہیں کیا کہ کون سا روزہ رکھوں گا لہٰذا زِندگی میں جب بھی منت کی نیت سے روزہ رکھ لیں گے منت ادا ہوجائے گی۔ منت کیلئے زَبان سے کہنا شرط ہے اور یہ بھی شرط ہے کہ کم از کم اتنی آوازسے کہیں کہ خود سن لیں ، منت کے اَلفاظ اتنی آواز سے ادا تو کئے کہ خودسن لیتا مگر بہراپن یا کسی قسم کے شور وغل وغیرہ کی وجہ سے سن نہ پایا جب بھی منت ہوگئی اِس کا پورا کرنا واجب ہے)وغیرہ وغیرہ ان سب روزوں کی نیت رات میں ہی کرلینی ضروری ہے۔ ( ایضاً)

’’مجھے ماہِ رمضان سے پیار ہے ‘‘ کے بیس حروف

کی نسبت سے روزے کی نیت کے 20 مَدَنی پھول

{۱} ادائے روزئہ رَمضان اور نذر معین (یعنی مقرر کردہ منت)اور نفل کے روزوں کیلئے نیت کا وَقت غروبِ آفتاب کے

 

 بعد سے ضَحوَۂ کُبْریٰ یعنی نصف النہارِ شرعی سے پہلے پہلے تک ہے اِس پورے وَقت کے دَوران آپ جب بھی نیت کرلیں گے یہ روزے ہوجائیں گے۔ (دُرِّمُختار و رَدُّالْمحتار ج۳ص۳۹۳)

{۲} نیت دِل کے اِرادے کا نام ہے زَبان سے کہنا شرط نہیں ،مگر زَبان سے کہہ لینا مستحب ہے اگر رات میں روزئہ رَمضان کی نیت کریں تو یوں کہیں : نَوَیتُ اَنْ اَصُوْ مَ غَدًا لِلّٰہِ تَعَالیٰ مِنْ فَرْضِ رَمَضان۔

        ترجمہ :میں نے نیت کی کہ اللہ عَزَّوَجَلَّ کے لئے کل اِس رَمضان کا فرض روزہ رکھوں گا ۔

{۳} اگر دن میں نیت کریں تو یوں کہیں : نَوَیتُ اَنْ اَصُوْ مَ ھٰذاالْیومَ لِلّٰہِ تَعَالیٰ مِنْ فَرضِ رَمَضان۔

          ترجمہ :میں نے نیت کی کہ اللہ عَزَّوَجَلَّ کے لئے آج اِس رَمضان کا فرض روزہ رکھوں گا۔           (جَوْہَرہ ج۱ص۱۷۵)

{۴}  عربی میں نیت کے کلمات ادا کرنے اُسی وَقتنیت شمار کئے جائیں گے جبکہ اُن کے معنیٰ بھی آتے ہوں ، اور یہ بھی یاد رہے کہ زَبان سے نیت کرنا خواہ کسی بھی زَبان میں ہواُسی وَقت کار آمد ہوگا جبکہ اُس وقت دِل میں بھی نیت موجود ہو۔ (اَیضاً)

{۵}  نیت اپنی مادَری زَبان میں بھی کی جاسکتی ہے، عربی میں کریں خواہ کسی اور زَبان میں ،  نیت کرتے وَقت دِل میں اِرادہ موجود ہونا شرط ہے، وَرنہ بے خیالی میں صِرف زَبان سے رَٹے رَٹائے جملے ادا کرلینے سے نیت نہ ہو گی۔ ہاں زَبان سے رَٹی ہوئی نیت کہہ لی مگر بعد میں نیت کیلئے مقررہ وَقت کے اندر دِل میں بھی نیت کرلی تواب نیت صحیح ہے۔ (رَدُّالْمحتار ج۳ص۳۳۲)

{۶} اگر دِن میں نیت کریں تو ضروری ہے کہ یہ  نیت کریں کہ میں صبح صادق سے روزہ دار ہوں ۔اگر اِس طرح نیت کی کہ اب سے روزہ دار ہوں صبح سے نہیں ،تو روزہ نہ ہوا۔ (جَوْہَرہ ج۱ص۱۷۵ و رَدُّالْمحتار ج۳ص۳۹۴)

{۷} دِن میں وہ نیت کام کی ہے کہ صبح صادِق سے نیت کرتے وَقت تک روزے کے خلاف کوئی امر(یعنی معاملہ) نہ پایا گیا

 

 ہو۔ البتہ صبح صادِق کے بعدبھول کر کھاپی لیا یا جماع کرلیا تب بھی نیت صحیح ہوجائے گی۔ (مُلَخَّص از  رَدُّالْمحتارج۳ص۳۶۷)

{۸} آپ نے اگر یوں نیت کی کہ ’’کل کہیں دعوت ہوئی تَو روزہ نہیں اور نہ ہوئی تو روزہ ہے‘‘۔یہ نیت صحیح نہیں ، آپ روزہ دار نہ ہوئے۔ (عَالمگِیری ج۱ص۱۹۵)

{۹} ماہِ رَمضان کے دِن میں نہ روزے کی نیت کی نہ یہ کہ ’’روزہ نہیں ‘‘ اگرچہ معلوم ہے کہ یہ رَمَضانُ الْمبارَک کا مہینا ہے تو روزہ نہ ہوگا۔    (عَالمگِیری ج۱ص۱۹۵)

{۱۰} غروبِ آفتاب کے بعد سے لے کر رات کے کسی وَقت میں بھینیت  کی پھر اِس کے بعد رات ہی میں کھایاپیا تو نیت نہ ٹوٹی ،وہ پہلی ہی کافی ہے پھر سے نیت کرنا ضروری نہیں ۔ ( جَوْہَرہ  ج۱ ص۱۷۵)

{۱۱}  آپ نے اگر رات میں روزے کینیت تو کی مگر پھر راتوں رات پکا اِرادہ کر لیا کہ ’’روزہ نہیں رکھوں گا‘‘تو اب وہ آپ کی ،کی ہوئی نیت جاتی رہی ۔اگر نئینیت نہ کی اور دِن بھر روزہ دار وں کی طرح بھوکے پیاسے رہے تو روزہ نہ ہوا۔      (دُرِّمُختار ج۳ص۳۹۸)

{۱۲} دَورانِ نماز کلام (بات چیت) کی نیت تو کی مگر بات نہیں کی تو نماز فاسد نہ ہوگی۔اِسی طرح روزے کے دَوران توڑنے کی صرف نیت  کر لینے سے روزہ نہیں ٹوٹے گا جب تک توڑنے والی کوئی چیز نہ کرے ۔  (جَوْہَرہ ج۱ ص ۱۷۵)

{۱۳} سحری کھانا بھینیت ہی ہے خواہ ماہِ رَمضان کے روزے کیلئے ہو یا کسی اور روزے کیلئے مگر جب سحری کھاتے وَقت یہ اِرادہ ہے کہ صبح کو روزہ  نہ رکھوں گا تو یہ سحری کھانانیتنہیں ۔ ( اَیضاً ص۱۷۶)

{۱۴} رَمَضانُ الْمبارَک کے ہر روزے کے لئے نئینیت ضروری ہے ۔ پہلی تاریخ یا کسی بھی اور تاریخ میں اگر پورے ماہِ رَمضان کے روزے کینیت کر بھی لی تو یہنیت صرف اُسی ایک دن کے حق میں ہے ،باقی دِنوں کیلئے نہیں ۔        ( اَیضاً )

 

 

{۱۵} ادائے رَمضان اور نذرِ معین اور نفل کے علاوہ باقی روزے مَثَلاً قضائے رَمضان اور نذر غیرمعین اور نفل کی قضا اور نذر معین کی قضا اور کفارے کا روزہ اور تَمَتُّع^([7])کا روزہ اِن سب میں عین صبح چمکتے (یعنی ٹھیک صبح صادق کے) وَقت یا رات میں نیت کرنا ضروری ہے اور یہ بھی ضروری ہے کہ جو روزہ رکھنا ہے خاص اُسی مخصوص روزے کی نیت کریں ۔ اگر اِن روزوں کینیت دِن میں (یعنی صبحِ صادِق سے لیکر ضَحوۂ کُبریٰ سے پہلے پہلے)کی تو نفل ہوئے پھر بھی اِن کا پورا کرنا ضروری ہے ،توڑیں گے تو قضا واجب ہوگی، اگر چہ یہ بات آپ کے علم میں ہو کہ میں جو روزہ رکھنا چاہتا تھا یہ وہ روزہ نہیں ہے بلکہ نفل ہی ہے۔ (دُرِّمُختَار ج۳ص۳۹۳)

{۱۶} آپ نے یہ گمان کرکے روزہ رکھا کہ میرے ذِمے روزے کی قضا ہے،اب رکھنے کے بعد معلوم ہوا کہ گمان غلط تھا۔اگر فوراًتوڑدیں تو کوئی حرج نہیں ،البتہ بہتریہی ہے کہ پورا کر لیں ۔ اگر معلوم ہونے کے فوراً بعد نہ توڑا تو اب لازِم ہوگیااسے نہیں توڑسکتے اگر توڑیں گے تو قضا واجب ہے۔ (رَدُّالْمُحتَارج۳ص۳۹۹)

{۱۷} رات میں آپ نے قَضا روزے کی نِیَّت کی، اگر اب صبح شروع ہو جانے کے بعدا ِسے نَفْل کرنا چاہتے ہیں تو نہیں کرسکتے ۔ (ایضاً ص۳۹۸)ہاں راتوں رات نیت تبدیل کی جا سکتی تھی۔

{۱۸} دَورانِ نماز بھی اگر روزے کی نیت کی تو یہ نیت صحیح ہے۔ (دُرِّمُختَارو رَدُّالْمُحتَار ج۳ص۳۹۸)

{۱۹}کئی روزے قضا ہوں تو نیت میں یہ ہونا چاہیے کہ اُس رَمضان کے پہلے روزے کی قضا،دوسرے کی قضا اور

اگر کچھ اِس سال کے قضا ہوگئے کچھ پچھلے سال کے باقی ہیں تو یہ نیت ہونی چاہئے کہ اِس رَمضان کی قضا اور اُس رَمضان کی قضا اور اگر دِن اور سال کو معین(یعنیFix) نہ کیا، جب بھی ہوجائیں گے۔ (عالَمگیری ج۱ص۱۹۶)

{۲۰} مَعَاذَ اللہ عَزَّوَجَلَّ آپ نے رَمضان کا روزہ رکھ لینے کے بعدقصداً (یعنی جان بُوجھ کر ) توڑ ڈالا تھا توآپ پر اِس روزے کی قضا بھی ہے اور (اگر کفارے کی شرائط پائی گئیں تو)  ساٹھ روزے کفارے کے بھی ۔اب آپ نے اِکسٹھ روزے رکھ لئے قضا کا دِن  معین (fix )  نہ کیا تو اِس میں قَضا اور کفَّارہ دونوں ادا ہوگئے۔(ایضاً)

داڑھی والی بچی!:

روزہ اور دیگر اعمال کی نیتیں سیکھنے کا جذبہ بیدار کرنے کیلئے تبلیغِ قراٰن وسنّت کی عالمگیر غیر سیاسی تحریک،  دعوت اسلامی کے سنتوں کی تربیت کے مَدَنی قافلوں میں عاشقانِ رسول کے ساتھ سنتوں بھرا سفر کیجئے اور دونوں جہانوں کی برکتیں حاصل کیجئے۔ آپ کی ترغیب کیلئے مَدَنی قافِلے کی ایک خوشگوار وخوشبو دار ’’مَدَنی بہار‘‘ آپ کے گوش گزارکرتا ہوں چنانچہ رنچھوڑ لائن ( بابُ المدینہ کراچی) کے ایک اسلامی بھائی کے بیان کاخلا صہ ہے کہ ایک بار عاشقانِ رسول کے تین دن کے مَدَنی قافلے میں ایک تقریباً 26 سالہ اسلامی بھائی بھی شریکِ سفر تھے،وہ دُعا میں بہت گریہ وزاری کرتے تھے۔ اِستفسار (یعنی پوچھنے )پر بتایا کہ میری ایک ہی مَدَنی منی ہے اور اُس کے چہرے پر داڑھی کے بال اُگنے شروع ہو گئے ہیں ! اِس کی وجہ سے مجھے سخت تشویش ہے، ایکسرے اور ٹیسٹ وغیرہ سے سبب سامنے نہیں آ رہا اور کوئی بھی علاج کار گر نہیں ہو پا رہا ۔ان کی درخواست پر شرکائے مَدَنی قافلہ نے ان کی مَدَنی منی کیلئے دعا کی ۔ سفر مکمل ہو جانے کے بعد جب دوسرے دن اُس دُکھیارے اسلامی بھائی سے ملاقات ہوئی تو اُنہوں نے مسرت سے جھومتے ہوئے یہ خوشخبری سنائی کہ بچی کی امی نے بتایا کہ آپ کے مَدَنی قافلے میں سفر پر روانہ ہونے کے دوسرے ہی دن اَلْحَمْدُلِلّٰہِ عَزَّ وَجَلَّ حیرت انگیز طور پر مَدَنی منی کے چہرے سے بال ایسے غائب ہوئے ہیں جیسے کبھی تھے ہی نہیں !

 

سحری کرنا سنت ہے:

اللہ ربُّ العزّت عَزَّوَجَلَّ کے کروڑہا کروڑ اِحسان کہ اُس نے ہمیں روزے جیسی عظیم الشان نعمت عنایت عطا فرمائی اور ساتھ ہی قوت کیلئے  سحری کی نہ صرف اِجازت مرحمت فرمائی،بلکہ اِس میں ہمارے لئے ڈھیروں ثوابِ آخِرت بھی رکھ دیا۔

    بعض لوگوں کو دیکھا گیا ہے کہ کبھی سحری کرنے سے رہ جاتے ہیں تَوفخریہ یوں کہتے سنائی دیتے ہیں :’’ہم نے توآج بغیر سحری کے روزہ رکھا ہے!‘‘مکی مَدَنی آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے دِیوانو !  یہ فخرکا موقع ہرگز نہیں ، سحری کی سُنَّت چھوٹنے پرتو افسوس ہوناچاہیے کہ افسوس ! تاجدار رِسالت صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی ایک عظیم سنت چھوٹ گئی ۔

ہزار سال کی عبادت سے بہتر:

حضرت سَیِّدُنا شیخ  شرف الدین اَلْمَعروف بابا بلبل شاہ رَحْمَۃُ اللہِ تَعَالٰی عَلَیْہِفرماتے ہیں : ’’ اللہ ربُّ العزّت عَزَّوَجَلَّ نے مجھے اپنی رَحمت سے اِتنی طاقت بخشی ہے کہ میں بغیر کھائے پئے اور بغیر سازو سامان کے بھی اپنی زندَگی گزار سکتا ہوں ۔ مگر چونکہ یہ اُمور حضور پر نور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی سنت نہیں ہیں ، اِس لئے میں اِن سے بچتا ہوں ، میرے نزدیک سنت کی پیروی ہزار سال کی(نفل) عبادت سے بہتر ہے۔‘‘  بہر حال تمام تر اَعمال کا حسن و جمال اِتباعِ سنت محبوبِ رَبِّ ذوالجلال صَلَّی اللہُ تَعَالٰی عَلَیْہِ وَاٰلِہٖ وَسَلَّمَ میں پنہاں ہے۔

سونے کے بعد سحری کی اجازت نہ تھی:

ابتداء ً روزہ رکھنے والے کو غروبِ آفتاب کے بعد صِرف اُس وَقت تک کھانے پینے کی اِجازت تھی جب تک وہ سونہ جائے ،اگر سوگیا تو اب بیدار ہوکر کھانا پینا ممنوع تھا۔مگر ربِّ کریم عَزَّوَجَلَّنے اپنے پیارے بندوں پر اِحسانِ عظیم فرماتے ہوئے سحری کی اجازت مرحمت فرمادی ، اِس کا سبب بیان کرتے ہوئے خَزائنُ الْعرفان میں صدرُ الافاضل حضرتِ علامہ مولانا سیِّد محمد نعیم الدین مراد آبادی عَلَیْہِ رَحْمَۃُ اللہِ الْھَادِینقل کرتے ہیں :

سحری کی اجازت کی حکایت:

حضرت سَیِّدُنا صر مہ بن قیس رَضِیَ اللہ تَعَالٰی عَنہ مِحنَتیشخص تھے۔ ایک دن بحالت روزہ اپنی زمین میں دِن بھر کام کرکے شام کو گھرآئے۔ اپنی زوجۂ محترمہ رَضِیَ اللہ تَعَالٰی عَنہا سے کھانا طلب کیا، وہ پکانے میں مصروف ہوئیں ۔آپ رَضِیَ اللہ تَعَالٰی عَنہ تھکے ہوئے تھے، آنکھ لگ گئی ۔ کھانا تیار کرکے جب آپ رَضِیَ اللہ تَعَالٰی عَنہ کو جگایا گیا تو آپ  رَضِیَ اللہ تَعَالٰی عَنہ نے کھانے سے اِنکار کر دیا۔ کیوں کہ اُن دِنوں (غروبِ آفتاب کے بعد)سوجانے والے کیلئے کھانا پینا ممنوع ہوجا تا تھا۔ چنانچہ کھائے پئے بغیر آپ رَضِیَ اللہ تَعَالٰی عَنہ نے دوسرے دِن بھی روزہ رکھ لیا۔ آپ رَضِیَ اللہ تَعَالٰی عَنہ کمزوری کے سبب بے ہوش ہوگئے۔ (تفسیرِ خازن ج۱ص۱۲۶) تو ان کے حق میں یہ آیت ِمُقَدَّسہ نازِل ہوئی:

وَ كُلُوْا وَ اشْرَبُوْا حَتّٰى یَتَبَیَّنَ لَكُمُ الْخَیْطُ الْاَبْیَضُ مِنَ الْخَیْطِ الْاَسْوَدِ مِنَ الْفَجْرِ۪-ثُمَّ اَتِمُّوا الصِّیَامَ اِلَى الَّیْلِۚ- (پ۲،البقرۃ:۱۸۷)

ترجَمَۂ کنزالایمان: اور کھاؤ اور پیو یہاں تک کہ تمہارے لئے ظاہِر ہوجائے سَفَیْدی کا ڈَورا سِیاہی کے ڈَورے سے پَوپھٹ کر۔ پھر رات آنے تک روزے پُورے کرو۔

       اِس آیت ِمُقَدَّسہ میں رات کو سیاہ ڈور ے سے اور صبح صادِق کو سفید ڈورے سے تشبیہ(تَش۔بِیْہ) دی گئی۔ معنٰی یہ ہیں کہ تمہارے لئے رَمَضانُ الْمبارَک کی راتوں میں کھانا پینا مباح (یعنی جائز)قرار دے دیا گیا ہے۔(خزائن العرفان ص ۶۲  بتصرف)

         میٹھے میٹھے اسلامی بھائیو!اِس سے یہ بھی معلوم ہوا کہ روزے کا اذانِ فجرسے کوئی تَعلُّق نہیں یعنی فجرکی اَذان کے دَوران کھانے پینے کا کوئی جَواز ہی نہیں ۔اَذان ہویا نہ ہو،آپ تک آواز پہنچے یا نہ پہنچے صُبحِ صادِق سے پہلے پہلے آپ کو کھانا پینا بند کرنا ہوگا۔

’’سُنّت‘‘ کے تین حروف کی نسبت سے سحری کے

 متعلق 3 فرامین مصطَفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

{۱} روزہ رکھنے کیلئے سحری کھا کر قوت حاصل کرو اوردن (یعنی دوپہر ) کے وَقت آرام (یعنی قیلولہ ) کرکے رات کی عبادت کیلئے طاقت حاصل کرو۔ ( ابنِ مَاجَہ ج۲ص۳۲۱حدیث۱۶۹۳)

{۲}تین آدمی جتنا بھی کھالیں اُن سے کوئی حساب نہ ہوگابشرطیکہ کھانا حلال ہو(۱) روزہ دار اِفطار کے وَقت (۲) سحری  کھانے والا (۳)مجاہدجو اللہ عَزَّوَجَلَّ کے راستے میں سر حد اسلام کی حفاظت کرے۔(مُعجَم کبیر ج۱۱ ص ۲۸۵ حدیث ۱۲۰۱۲)

{۳} سحری پوری کی پوری بَرَکت ہے پس تم نہ چھوڑو چاہے یِہی ہو کہ تم پانی کا ایک گھونٹ پی لو۔ بے شک اللہ عَزَّوَجَلَّ اور اس کے فرشتے رَحمت بھیجتے ہیں سحری کرنے والوں پر ۔ (مُسند امام احمد ج۴ ص۸۸ حدیث۱۱۳۹۶)

کیا روزے کے لیے سحری شرط ہے؟:                        

سحری روزے کیلئے شرط نہیں ، سحری کے بِغیر بھی روزہ ہوسکتا ہے مگر جان بوجھ کر سحری نہ کرنا مناسب نہیں کہ ایک عظیم سنت سے محرومی ہے او رسحری میں خوب ڈٹ کر کھانا ہی ضَروری نہیں ، چند کَھجوریں اور پانی ہی اگر بہ نیت سحری استعمال کر لیں جب بھی کافی ہے ۔

کھجوراورپانی سے سحری :

حضرت سَیِّدُنا اَنس بن مالک رَضِیَ اللہ تَعَالٰی عَنہ فرماتے ہیں کہ تاجدارِ مدینہ، سرورِ قلب وسینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے سحری کے وَقت مجھ سے فرمایا: ’’میرا روزہ رکھنے کا ارادہ ہے مجھے کچھ کھلاؤ۔‘‘ تو میں نے کچھ کَھجُوریں اور ایک برتن میں پانی پیش کیا۔ ‘‘(السُّنَنُ الکُبریٰ لِلنَّسائی ج۲ص۸۰حدیث۲۴۷۷)

 

کھجور سے سحری کرنا سنت ہے:

میٹھے میٹھے اسلامی بھائیو ! اَلْحَمْدُلِلّٰہِ عَزَّ وَجَلَّ روزہ دار کیلئے ایک تو سحری کرنا بذاتِ خود سُنَّت اور کھجور سے سحری کرنا دوسری سُنَّت، کیوں کہ اللہ تَعَالٰی کے حبیب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے کھجور سے سحری کرنے کی ترغیب دی ہے۔چنانچِہ سَیِّدُنا سائب بن یزید رَضِیَ اللہ تَعَالٰی عَنہ سے مر وی ہے، اللہ کے پیارے حبیب ، حبیب لبیب صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا : ’’نِعْمَ السَّحُوْرُ التَّمْرُ۔ یعنی کھجور بہترین سحری ہے۔‘‘ (مُعجَم کبیر  ج۷ ص۱۵۹حدیث ۶۶۸۹)

        ایک اور مقام پر ارشاد فرمایا: ’’نِعْمَ سَحُوْرُالْمُؤْمِنِ التَّمْرُ۔یعنی  کھجور مومن کی کیا ہی اچّھی سحری ہے۔‘‘( ابوداوٗد ج  ۲ ص۴۴۳حدیث۲۳۴۵)

سحری کا وقت کب ہوتا ہے؟

حنفیوں کے بہت بڑے عالم حضرتِ علامہ مولانا علی قاری عَلَیْہِ رَحْمَۃُ اللہِ البَارِیفرماتے ہیں : ’’بعضوں کے نزدیک سحری کا وَقت آدھی رات سے شروع ہوجاتا ہے۔‘‘(مِرقاۃُالمفاتیح  ج۴ ص۴۷۷)

        سحری میں تاخیر اَفضل ہے جیسا کہ حضرتِ سَیِّدُنا یعلی بن مرہ رَضِیَ اللہ تَعَالٰی عَنہ سے رِوایت ہے کہ پیارے سرکار ، مدینے کے تاجدار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا:’’تین چیزوں کو اللہ عَزَّوَجَلَّ محبوب رکھتا ہے(ا)اِفطار میں جلدی اور (۲)سحری میں تاخیر اور (۳)نماز (کے قیام ) میں ہاتھ پر ہاتھ رکھنا۔‘‘     

 (مُعجَم اَوسَط ج۵ ص ۳۲۰ حدیث۷۴۷۰)

سحر ی میں تاخیر سے کون سا وقت مراد ہے؟

        میٹھے میٹھے اسلامی بھائیو!  سحری میں تاخِیر کرنا مُسْتَحَب ہے مگر اتنی تاخیر بھی نہ کی جائے کہ صبحِ صادق کا شبہ ہونے لگے!یہاں ذِہن میں یہ سوال پیدا ہوتا ہے کہ ’’تاخیر ‘‘ سے مراد کون سا وَقت ہے ؟ مُفَسّرِشہیرحکیمُ الْاُمَّت حضرتِ مفتی احمد یار خان عَلَیْہِ رَحْمَۃُ الحَنّان ’’ تفسیرنعیمی ‘‘میں فرماتے ہیں : ’’اِس سے مراد رات کا چھٹا حصہ ہے ۔‘‘پھر سوال ذِہن میں اُبھرا کہ رات کا

چھٹا حصہ کیسے معلوم کیا جائے ؟اِس کا جواب یہ ہے کہ غروبِ آفتاب سے لے کر صبح صادِق تک رات کہلاتی ہے ۔ مَثَلاً کسی دِن سات بجے شام کو سورج غروب ہوا اورپھر چار بجے صبح صادِق ہوئی۔اِس طرح غروبِ آفتاب سے لے کر صبحِ صادِق تک جو نو گھنٹے کا وَقفہ گزرا وہ رات کہلایا۔اب رات کے اِ ن نو گھنٹوں کے برابر برابر چھ حصے کر دیجئے ۔ہر حصہ ڈیڑھ گھنٹے کا ہوا ،اب رات کے آخر ی ڈیڑھ گھنٹے (یعنی اڑھائی بجے تا چار بجے ) کے دوران صبحِ صادِق سے پہلے پہلے   سحری کرنا تاخیر سے کرنا ہوا۔ سحری واِفطَار کا وَقت روزانہ بدلتا رہتا ہے۔ بیان کئے ہوئے طریقے کے مطابق جب چاہیں رات کا چھٹا حصہ نکال سکتے ہیں ۔اگر رات  سحری کر لی اور روزے کی نیت بھی کرلی ۔تب بھی بقیہ رات کے دوران کھاپی سکتے ہیں ، نئی نیت کی حاجت نہیں ۔

اَذانِ فجر نماز کے لیے ہے نہ کہ روزہ بند کرنے کے لیے!:

بعض لوگ صبح صادِق کے بعد فجر کی اذان کے دوران کھاتے پیتے رہتے ہیں ، اور بعض کان لگا کر سنتے ہیں کہ ابھی فلاں مسجِد کی اذان ختم نہیں ہوئی یا کہتے ہیں : وہ سنو! دُور سے اذان کی آواز آرہی ہے! اور یوں کچھ نہ کچھ کھا لیتے ہیں ۔ اگر کھاتے نہیں تو پانی پی کر اپنی اِصطلاح میں ’’روزہ بند ‘‘ کرتے ہیں ۔ آہ ! اِس طرح ’’روزہ بند‘ ‘ تو کیاکریں گے روزے کو بالکل ہی ’’کھلا‘‘ چھوڑ دیتے ہیں اور یوں صبح صادق کے بعد کھایا پی لینے کے سبب ان کا روزہ ہوتا ہی نہیں ،اور سارادن بھوک پیاس کے سوا کچھ ان کے ہاتھ آتا ہی نہیں ۔’’ روزہ بند ‘‘کرنے کا تعلق اَذانِ فجر سے نہیں صبح صادِق سے پہلے پہلے کھانا پینا بند کرنا ضروری ہے، جیسا کہ آیت مقدسہ کے تحت گزرا۔ اللہ عَزَّوَجَلَّ ہر مسلمان کو عقلِ سلیم عطا فرمائے اور صحیح اَوقات کی معلومات کرکے روزہ نماز وغیرہ عبادات دُرست بجالانے کی توفیق مرحمت فرمائے۔اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم

کھانا پینا بند کردیجئے:

علم دین سے دُوری کے سبب آج کل کافی لوگ اَذان یا سائرن ہی پر سحری و اِفطار کا دارو مَدار رکھتے ہیں بلکہ بعض تو اَذانِ فجر کے دَوران ہی ’’روزہ بند ‘‘

 

کرتے ہیں ۔اِس عام غلطی کو دُور کرنے کیلئے کیا ہی اچھا ہوکہ رَمَضان الْمُبارَک میں روزانہ صبحِ صادِق سے تین منٹ پہلے ہرمسجد میں بلندآواز سے صَلُّو ا عَلَی الْحَبِیْب !                           صَلَّی اللہُ تَعَالٰی عَلٰی مُحَمَّد کہنے کے بعد اِس طرح تین بار اِعلان کردیا جائے: ’’عاشقانِ رسول متوجہ ہوں ، آج سحری کا آخری وَقت (مَثَلاً)چار بج کر بارہ منٹ ہے، وَقت ختم ہورہا ہے، فوراًکھانا پینا بند کر دیجئے ، اذان کا ہرگز انتظار نہ فرمائیے ، اذان سحری کاوقت ختم ہو جانے کے بعدنمازِ فجر کے لئے دی جاتی ہے۔‘‘

         ہر ایک کو یہ بات ذِہن نشین کرنی ضروری ہے کہ اَذانِ فجر  صبح صادِق کے بعد ہی دینی ہوتی ہے اور وہ ’’روزہ بند‘‘ کرنے کیلئے نہیں بلکہ صرف نمازِ فجر کیلئے دی جاتی ہے۔

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

مَدَنی قافلے کی نیت کرتے ہی مشکل آسان ہوگئی!:

میٹھے میٹھے اسلامی بھائیو! تبلیغقراٰن وسنت کی عالمگیر غیر سیاسی تحریک ، دعوت اسلامی کے سنتوں کی تربیت کے مَدَنی قافلوں میں عاشقانِ رسول کے ساتھ سنتوں بھرا سفر فرماتے رہئے اِنْ شَآءَ اللہ عَزَّ  وَجَلَّدنیا و آخرت کی بے شمار بھلائیاں ہاتھ آئیں گی ۔ آپ کی ذَوق افزائی کیلئے مَدَنی قافلے کی ایک’’ مَدَنی بہار‘‘ گوش گزار کرتا ہوں ، چنانچِہ لانڈھی (بابُ المدینہ کراچی) کے ایک اسلامی بھائی کے بڑے بھائی کی شادی کے دن قریب آ رہے تھے، اَخراجات کا انتظام نہیں تھا، انہیں سخت تشویش تھی، قرض لینے کا ذہن بھی نہیں بن رہا تھا کہ ادا کرنے میں تاخیر کی صورَت میں جان سے پیاری مَدَنی تحریک ، ’’دعوت اسلامی‘‘ کے نام پر بٹا لگ سکتا ہے ۔ ایک دن اِنتہائی پریشانی کے عالم میں انہوں نے نَمازِ ظہر ادا کی اور دل ہی دل میں نیت کی کہ اگر رقم کا انتظام ہو گیا تو مَدَنی قافلے میں سفر کی سعادت حاصِل کروں گا۔ نماز سے فراغت کے بعد ابھی نمازیوں سے ملاقات اور اِنفرادی کوشش میں مصروف تھے کہ امام صاحب جو رِشتے میں ان کے تایا جان

 

تھے اور ان کی پریشانی سے واقف بھی۔ اُنہوں نے انہیں بُلایا اور اَلْحَمْدُلِلّٰہِ عَزَّ وَجَلَّ بغیر سوال کے خود ہی رقم دینے کا وعدہ فرما لیا۔ وہ اسلامی بھائی دوسرے ہی دن مَدَنی قافلے کے مسافر بن گئے۔ اَلْحَمْدُلِلّٰہِ عَزَّوَجَلَّ مَدَنی قافلے میں سفر کی نیت کی برکت سے ان کی اُلجھن دُور ہو گئی۔ تاریخ طے ہوتے وَقت بارِ قرض تلے دبے ہوئے تھے، اَلْحَمْدُلِلّٰہِ عَزَّ وَجَلَّ بڑے بھائی جان کی شادی بھی ہو گئی اور قرض بھی اُتر گیا ۔   ؎

قلب بھی شاد ہو، گھر بھی آباد ہو          شادیاں بھی رچیں ، قافِلے میں چلو

          قرض اتر جائے گا، خوب رزق آئے گا              سب بلائیں ٹلیں ، قافِلے میں چلو        (وسائل بخشش ص۶۷۵)

صَلُّو ا عَلَی الْحَبِیْب !                                                                                              صَلَّی اللہُ تَعَالٰی عَلٰی مُحَمَّد

       میٹھے میٹھے اسلامی بھائیو! دیکھا آپ نے! چھوٹے بھائی کی مَدَنی قافلے میں سفر کی نیت کی برکت سے ادائے قرض کا انتظام، رقم کا اہتمام اور بڑے بھائی کی شادی والا کام ہو گیا۔

قرض سے نجات کاعمل:

ہر نماز کے بعد سات بار سُوْرَۃُ قُرَیْش ( اول آخر ایک بار درود شریف ) پڑھ کر دعا مانگئے۔ پہاڑ جتنا قرض ہوگا تب بھی اِنْ شَآءَ اللہ عَزَّ  وَجَلَّادا ہو جائے گا ۔ عمل تا حصولِ مراد جاری رکھئے۔