مَدَنی مُنّوں کے لیے بنیادی اسلامی معلومات پر مُشتمل منفرد کتاب

مَدَنْی نِصاب

بَرائے

نَاظِرہ

پیش کش :

مَجْلِس مَدْرَسۃُ الْمَدِیْنَۃ

مَجْلِس اَلْمَدِیْنَۃُ الْعِلْمِیَۃ

(شُعبہ اِصلاحی کُتُب)

دَعوتِ اسلامی

 

ناشِر

مَکْتَبۃُ الْمَدینہ بابُ المدینہ کَرَاچی

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                             وَعَلٰی اٰلِكَ وَ اَصْحٰبِكَ یَا حَبِیْبَ اللہ

        نام کتاب :       مَدَنی نصاب برائے ناظِرہ

        پیش کش :      مجلس مَدْرَسَۃُ الْمَدِیْنَہ ، مجلس اَلْمَدِیْنَۃُ الْعِلْمِیَہ

        طباعت اَوّل:    جمادی الاخریٰ ۱۴۳۳ ھ بمطابق اپریل 2012ء

        تعداد:           80,000   اسی ہزار

 

 

صدیق نامہ

تار یخ :۶جمادی الاخریٰ۱۴۳۳ھ                                  حوالہ نمبر: ۱۶۸

اَلْحَمْدُ لِلّٰہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی سَیِّدِ الْمُرْسَلِیْن وَعَلٰی اٰلِہٖ وَاَصْحَابِہٖ اَجْمَعِیْن

تصدیق کی جاتی ہے کہ کتاب

’’مَدَنی نصاب برائے ناظرہ‘‘

(مطبوعہ: مَکْتَبَۃُ الْمَدِینہ) پر مجلس تفتیش کتب و رسائل کی جانب سے نظر ثانی کی کوشش کی گئی ہے۔ مجلس نے اسے مطالب و مفاہیم کے اعتبار سے مقدور بھر ملاحظہ کر لیا ہے، البتہ کمپوزنگ یا کتابت کی غلطیوں کا ذمہ مجلس پر نہیں ۔

                                                مجلس تفتیش کتب و رسائل ( دعوتِ اسلامی)

                                                        28-04-2012

 

E.mail :Ilmia@dawateislami.net

مَدَنی التجا : کسی اور کویہ کتاب چھاپنے کی اجازت نہیں ۔

ضمنی فہرست

مَدَنی نِصاب برائے ناظرہ

نام طالب علم ……………………ولدیت ………………………………………………

مدرسہ ……………………………………………………………………………………………………

درجہ ………………………………………………………………………………………………………

پتہ………………………………………………………………………………………………………………………

فون نمبر گھر …………………موبائل نمبر …………………………

جنت کی بشارت

حضر تِ سیِّدُناابو الدرداء رَضِیَ اللّٰہُ تَعَالٰی عَنْہ فرماتے ہیں کہ میں نے عرض کی: یا رسولَ اللہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم! مجھے کوئی ایسا عمل ارشاد فرمائیے جو مجھے جنَّت میں داخِل کر دے؟ سرکارِ مدینہ، قرارِ قلب وسینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا: غُصّہ نہ کرو، تو تمہارے لئے جنَّت ہے۔ (مجمع الزوائد،ج۸،ص۱۳۴حدیث ۱۲٭٭۰ دارالفکر بیروت)

 

اَلْحَمْدُ لِلّٰہِ  رَبِّ الْعٰلَمِیْنَ وَ الصَّلٰوۃُ وَالسَّلَامُ علٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

المد ینۃ العلمیۃ

از: شیخِ طریقت، امیرِ اہلسنّت ،بانیٔ دعوتِ اسلامی حضرت علّامہ

مولانا ابوبلال محمد الیاس عطارؔ قادری رضوی ضیائی

اَ لْحَمْدُ لِلّٰہِ عَلٰی اِحْسَا نِہٖ وَ بِفَضْلِ رَسُوْلِہٖ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم تبلیغ قرآن وسنّت کی عالمگیر غیر سیاسی تحریک ’’دعوتِ اسلامی‘‘ نیکی کی دعوت، اِحیائے سنّت اور اشاعتِ علمِ شریعت کو دنیا بھر میں عام کرنے کا عزمِ مُصمّم رکھتی ہے، اِن تمام اُمور کو بحسنِ خوبی سر انجام دینے کے لئے مُتَعَدَّد مجالس کا قیام عمل میں لایا گیا ہے جن میں سے ایک مجلس ’’المدینۃ العلمیۃ‘‘ بھی ہے جو دعوتِ اسلامی کے عُلما و مُفتیانِ کرام کَثَّرھُمُ اللّٰہُ تَعَالٰی پر مشتمل ہے، جس نے خالص علمی، تحقیقی او راشاعتی کام کا بیڑا اٹھایا ہے۔

اس کے مندرجہ ذیل چھ شعبے ہیں :

(۱)شعبۂ کتُبِ اعلیٰ حضرت عَلَیْہِ رَحمَۃُ رَبِّ الْعِزَّت         (۲)شعبۂ درسی کُتُب 

(۳)شعبۂ اصلاحی کُتُب                            (۴)شعبۂ تراجمِ کتب

(۵)شعبۂ تفتیشِ کُتُب                            (۶)شعبۂ تخریج

        ’’المدینۃ العلمیۃ‘‘ کی اوّلین ترجیح سرکارِ اعلیٰ حضرت اِمامِ اَہلسنّت،عظیم البَرَکت، عظیم المرتبت، پروانۂ شمعِ رِسالت، مُجَدِّدِ دین و مِلَّت، حامیٔ سنّت، ماحیٔ بِدعت، عالِمِ شَرِیْعَت، پیرِ طریقت،

 

باعثِ خَیْر و بَرَکت، حضرتِ علاّمہ مولیٰنا الحاج الحافِظ القاری شاہ امام اَحمد رَضا خان عَلَیْہِ رَحمَۃُ الرَّحْمٰن کی گِراں مایہ تصانیف کو عصرِ حاضر کے تقاضوں کے مطابق حتَّی الْوَسْعْ سَہْل اُسلُوب میں پیش کرنا ہے۔ تمام اسلامی بھائی اور اسلامی بہنیں اِس عِلمی، تحقیقی اور اِشاعتی مدنی کام میں ہر ممکن تعاون فرمائیں اور مجلس کی طرف سے شائع ہونے والی کُتُب کا خود بھی مطالَعہ فرمائیں اور دوسروں کو بھی اِس کی ترغیب دلائیں ۔

       اللہ عَزَّ وَجَلَّ ’’دعوتِ اسلامی‘‘ کی تمام مجالس بَشُمُول ’’المدینۃ العلمیۃ‘‘ کو دن گیارہویں اور رات بارہویں ترقّی عطا فرمائے اور ہمارے ہر عملِ خیر کو زیورِ اخلاص سے آراستہ فرما کر دونوں جہاں کی بھلائی کا سبب بنائے۔ ہمیں زیرِ گنبدِ خضرا شہادت، جنّت البقیع میں مدفن اور جنّت الفردوس میں جگہ نصیب فرمائے۔

اٰمِیْن بِجَاہِ النَّبِیِّ الْاَمِیْن صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم

                                                                                               

                                                                             رمضان المبارک ۱۴۲۵ھ              

تعریف اور  سعادت

            حضرت  سیِّدنا امام عبد اللہ بن عمر بیضاوی عَلَیْہِ رَحْمَۃُ اللہِ القَوِی (متوفی ۶۸۵ھ) ارشاد فرماتے ہیں : ’’ جو شخص اللہ  عَزَّوَجَلَّ اور اس  کے رسول صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی فرما نبرداری کرتا ہے دُنیا میں اس کی تعریفیں ہوتی  ہیں اور آخرت  میں  سعادت مندی سے سر فراز ہو گا۔‘‘)تفسیر البیضاوی،پ۲۲،الاحزاب،تحت الایۃ:۷۱،ج۴،ص۳۸۸)

 

پہلے اسے پڑھ لیجئے

قرآنِ مجید اللہ عَزَّ وَجَلَّ کی آخری کتاب ہے، اس کو پڑھنے اور اس پر عمل کرنے والا دونوں جہاں میں کامیاب و کامران ہوتا ہے۔ اَلْحَمْدُ لِلّٰہ عَزَّ وَجَلَّ تبلیغ قرآن و سنّت کی عالمگیر غیر سیاسی تحریک دعوتِ اسلامی کے تحت اندرون و بیرون ملک حفظ و ناظرہ کے لاتعداد مدارس بنام مدرسۃ المدینہ قائم ہیں ۔ صرف پاکستان میں تادِم تحریر کم وبیش 75ہزار مدَنی مُنّے اور مَدَنی مُنّیوں کو حفظ و ناظرہ کی مفت تعلیم دی جا رہی ہے۔ ان مدارس میں قرآنِ کریم کے ساتھ ساتھ دینی معلومات اور تربیت پر بھی خصوصی توجہ دی جاتی ہے تاکہ مدرسۃ المدینہ سے فارغ ہونے والا طالب علم تعلیمِ قرآن کے ساتھ ساتھ دین اسلام کی تعلیمات سے بھی روشناس ہو اور اس میں علم و عمل دونوں رنگ نظر آئیں ، وہ حسنِ اخلاق کا پیکر ہو، اچھائی اور برائی کی پہچان رکھتا ہو، بُر ی عادتوں سے پاک اور اچھے اوصاف کا مالک ہو اور بڑا ہو کر معاشرے کا ایسا باکردار مسلمان بنے کہ عمر بھر اپنی اور ساری دنیا کے لوگوں کی اصلاح کی کوشش میں مصروف رہے۔

          شعبۂ ناظرہ میں کم عمر مدنی منّے زیر تعلیم ہوتے ہیں چنانچہ ان کی ذہنی سطح کے مطابق ایسا نصاب پیش کیا جا رہا ہے جس میں ابتدائی دینی معلومات تعوذ، تسمیہ، ثنا، مختصر آسان دعائیں ، بنیادی عقائد، دیگر ضروری مسائل، معلوماتِ عامہ میں آسمانی کتابیں ، انبیائے کرام عَلَیْہِمُ السَّلَام اور صحابہ و اولیائے کرام عَلَیْہِمُ الرِّضْوَان کے متعلق ابتدائی معلومات موجود ہیں ۔

       ’’نصابِ ناظرہ‘‘ کی پیشکش کا سہرہ مجلس مدرسۃ المدینہ اور مجلس المدینۃ العلمیہ کے سر ہے جبکہ دارالافتاء اہلسنت سے اس کی شرعی تفتیش کروائی گئی ہے۔

یہی ہے آرزو تعلیمِ قرآں عام ہوجائے

ہر اک پرچم سے اُونچا پرچمِ اسلام ہوجائے

مَجْلِس مَدْرَسَۃُ الْمَدِینہ  

                                                                                                                                                                                                                                                                                                مَجْلِس اَلْمَدِیْنَۃُ الْعِلْمِیہ                                   

 

عمل کا ہو جذبہ عطا یا الٰہی⁽[1]⁾

عمل کا ہو جذبہ عطا یا الٰہی

گُناہوں سے مجھ کو بچا یا الٰہی

                     میں پانچوں نَمازیں پڑھوں باجماعت

                     ہو توفیق ایسی عطا یا الٰہی

پڑھوں سنَّتِ قبلیہ وقْت ہی پر

ہوں سارے نوافِل ادا یا الٰہی

                     دے شوقِ تلاوت دے ذَوقِ عبادت

                     رہوں باوُضو میں سدا یا الٰہی

 

ہمیشہ نگاہوں کو اپنی جھکا کر

کروں خاشِعانہ دُعا یا الٰہی

                           ہو اَخلاق اچّھا ہو کردار سُتھرا

                           مُجھے مُتَّقی تُو بنا یا الٰہی

غُصِیلے مِزاج اور تَمَسْخُر کی خَصلت

سے مُجھ کو بچا لے بچا یا الٰہی

                           نہ ’’نیکی کی دعوت‘‘ میں سستی ہو مُجھ سے

                           بنا شائقِ قافِلہ یا الٰہی

سعادت ملے درسِ ’’فیضانِ سُنّت‘‘

کی روزانہ دو مرتبہ یا الٰہی

                           میں مِٹّی کے سادہ سے برتن میں کھاؤ ں

                           چٹائی کا ہو بِسْتَرا یا الٰہی

ہے عالِم کی خدمت یقیناً سعادت

ہو توفیق اِس کی عطا یا الٰہی

                           ’’صدائے مدینہ‘‘ دوں روزانہ صدقہ

                           ابوبکر و فاروق کا یا الٰہی

 

میں نیچی نگاہیں رکھوں کاش اکثر

عطا کر دے شرم و حیا یا الٰہی

                     ہمیشہ کروں کاش پردے میں پردہ

                     تُو پیکر حیا کا بنا یا الٰہی

لباس سُنّتوں سے مُزَیَّن رہے اور

عِمامہ ہو سر پر سجا یا الٰہی

                     سبھی مُشت داڑھی و گَیسو سجائیں

                     بنیں عاشقِ مصطَفٰے یا الٰہی

ہر اِک ’’مَدَنی اِنْعام‘‘ عطارؔ پائے

کرم کر پئے مصطفے یا الٰہی

٭… ٭… ٭

دن کا اعلان

       حضرتِ سیِّدُنا امام بیہقی عَلَیْہِ رَحمَۃُ اللّٰہِ الْقَوِی شُعَبُ الایمان میں نقل کرتے ہیں : سرکارِ نامدار، مدینے کے تاجدار صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا فرمانِ عبرت نشان ہے: روزانہ صبح جب سورج طلوع ہوتا ہے تو اُس وقت دن یہ اعلان کرتا ہے: اگر آج کوئی اچّھا کام کرنا ہے تو کرلو کہ آج کے بعد میں کبھی پلٹ کر نہیں آؤں گا۔(شعب الایمان، الحدیث: ۳۸۴۰، ج۳ ،ص۳۸۶ )

 

نعتِ مصطفی⁽[2]⁾

سچی بات سکھاتے یہ ہیں                    سیدھی راہ چلاتے یہ ہیں

اِنَّاۤ اَعْطَیْنٰكَ الْكَوْثَرَ                                                                   ساری کثرت پاتے یہ ہیں

ٹھنڈا ٹھنڈا میٹھا میٹھا                         پیتے ہم ہیں پلاتے یہ ہیں

رنگے بے رنگوں کا پردہ                     دامن ڈھک کے چھپاتے یہ ہیں

ماں جب اکلوتے کو چھوڑے                آ آ کہہ کے بلاتے یہ ہیں

باپ جہاں بیٹے سے بھاگے                   لطف وہاں فرماتے یہ ہیں

لاکھ بلائیں کروڑوں دشمن                  کون بچائے بچاتے یہ ہیں

اپنی بنی ہم آپ بگاڑیں                      کون بنائے؟ بناتے یہ ہیں

                     کہہ دو رَضا سے خوش ہو خوش رہ

                     مژدہ رِضا کا سناتے یہ ہیں

٭… ٭… ٭

 

 

اَذکار

(نماز     )

سُورۃ الفاتحہ:

بِسْمِ اللّٰهِ الرَّحْمٰنِ الرَّحِیْمِ

اللہ کے نام سے شروع جو نہایت مہربان رحم والا

اَلْحَمْدُ لِلّٰهِ رَبِّ الْعٰلَمِیْنَۙ(۱)الرَّحْمٰنِ الرَّحِیْمِۙ(۲)مٰلِكِ یَوْمِ الدِّیْنِؕ(۳)اِیَّاكَ نَعْبُدُ وَ اِیَّاكَ َسْتَعِیْنُؕ(۴)اِهْدِنَا الصِّرَاطَ الْمُسْتَقِیْمَۙ(۵)صِرَاطَ الَّذِیْنَ اَنْعَمْتَ عَلَیْهِمْ ﴰغَیْرِ الْمَغْضُوْبِ عَلَیْهِمْ وَ لَا الضَّآلِّیْنَ۠(۷)

تر جمہ ٔ کنز الایمان: سب خوبیاں ﷲ کوجومالک سارے جہان والوں کا۔ بَہُت مِہربان رَحمت والا، روزِجزا کا مالِک۔ہم تُجھی کوپوجیں اورتُجھی سے مددچاہیں ۔ ہم کو سیدھاراستہ چلا، راستہ اُن کاجن پر تُونے اِحسان کیا، نہ اُن کا جِن پرغَضَب ہوااورنہ بہکے ہوؤں کا۔

سُورۃ الاخلاص:

بِسْمِ اللّٰهِ الرَّحْمٰنِ الرَّحِیْمِ

اللہ کے نام سے شروع جو نہایت مہربان رحم والا

 

قُلْ هُوَ اللّٰهُ اَحَدٌۚ(۱)اَللّٰهُ الصَّمَدُۚ(۲)لَمْ یَلِدْ ﳔ وَ لَمْ یُوْلَدْۙ(۳)وَ لَمْ یَكُنْ لَّهٗ كُفُوًا اَحَدٌ۠(۴)

تر جمہ ٔ کنز الایمان: تم فرماؤ وہ ﷲ ہے وہ ایک ہے۔ ﷲ بےنیاز ہے۔ نہ اُس کی کوئی اولاد اور نہ وہ کسی سے پیدا ہوا، اور نہ اُس کے جوڑ کا کوئی۔

رکوع کی تَسْبِیْح :                 

سُبْحٰنَ رَبِّیَ الْعَظِیْمِ ^ط

تر جمہ : پاک ہے میرا عظمت والا پروردگار۔

تَسْمِیْع (رُکُوع سے اُٹھتے ہوئے):

سَمِـعَ اللّٰہُ لِمَنْ حَمِدَہٗ

تر جمہ : ﷲ عَزَّ وَجَلَّ  نے اُس کی سن لی جس نے اُس کی تعریف کی۔

تَحْمِیْد:

اَللّٰھُمَّ رَبَّنَا وَلَكَ الْحَمْد

تر جمہ :  اے ﷲ! اے ہمارے مالک! سب خوبیاں تیرے ہی لیے ہیں ۔

سجدے کی تَسْبِیْح :

سُبْحٰنَ رَبِّیَ الْاَعْلٰی

تر جمہ : پاک ہے میرا پروردگار سب سے بُلند۔

 

تَشَھُّد:

اَلتَّحِیَّاتُ لِلّٰہِ وَالصَّلَوٰتُ وَالطَّیِّبٰتُط اَلسَّلَامُ عَلَیْكَ اَیُّھَا النَّبِیُّ وَ رَحْمَۃُ اللّٰہِ وَبَرَكَاتُہٗ ط  اَلسَّلَامُ عَلَیْنَا وَعَلٰی عِبَادِ اللّٰہِ الصّٰلِحِیْنَO اَشْہَدُ اَنْ لَّاۤ اِلٰـہَ اِلَّا اللّٰہُ وَاَشْہَدُ اَنَّ مُحَمَّدًا عَبْدُہٗ وَرَسُوْلُہٗO

تر جمہ : تمام قَولی،فعلی اورمالی عبادتیں اللہ عَزَّ وَجَلَّ ہی کے لئے ہیں ۔ سلام ہوآپ پر اے نبی (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) ! اور اللہ عَزَّ وَجَلَّ کی رَحمتیں اور بَرَکتیں ۔ سلام ہوہم پر اور اللہ عَزَّ وَجَلَّ کے نیک بندوں پر۔ میں گواہی دیتاہوں کہ اللہ عَزَّ وَجَلَّ کے سوا کوئی معبود نہیں اور میں گواہی دیتا ہوں کہ محمد (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   ) اس کے بندے اور رسول ہیں ۔

دُرُودِ اِبْرَاھِیْمِی :

اَللّٰہُمَّ صَلِّ عَلٰی مُحَمَّدٍ وَّ عَلٰۤی اٰلِ مُحَمَّدٍ کَمَا صَلَّیْتَ عَلٰۤی اِبْرٰھِیْمَ وَعَلٰۤی اٰلِ اِبْرٰھِیْمَ اِنَّكَ حَمِیْدٌ مَّجِیْدٌO

 

اَللّٰہُمَّ بَارِكْ عَلٰی مُحَمَّدٍ وَّ عَلٰۤی اٰلِ مُحَمَّدٍ كَمَا بَارَكْتَ عَلٰۤی اِبْرٰھِیْمَ وَ عَلٰۤی اٰلِ اِبْرٰھِیْمَ اِنَّكَ حَمِیْدٌ مَّجِیْدٌO

تر جمہ : اے اللہ عَزَّ وَجَلَّ ! دُرُود بھیج (ہمارے سردار) محمد صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم    پر اور ان کی آل پر۔ جس طرح تو نے دُرُود بھیجا (سیِّدُنا) ابراہیم عَلَیْہِ السَّلَام پر اور ان کی آل پر، بیشک توسَراہا ہوا بُزُرگ ہے۔ اے اللہ عَزَّ وَجَلَّ ! بَرَکت نازِل کر (ہمارے سردار) محمد صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   پر اور اُن کی آل پر جس طرح تُو نے بَرَکت نازِل کی (سیِّدُنا) ابراہیم عَلَیْہِ السَّلَام اور ان کی آل پر بیشک تو سَراہا ہوا بُزُرگ ہے۔

 دُعائے ماثُورہ

اَللّٰہُمَّ رَبَّنَاۤ  اٰتِنَا فِی الدُّنْیَا حَسَنَۃً وَّ فِی الْاٰخِرَۃِ حَسَنَۃً وَّ قِنَا عَذَابَ النَّارِ

تر جمہ : اے اللہ عَزَّ وَجَلَّ  ! اے ہمارے ربّ! ہمیں دنیا میں بھلائی دے اور ہمیں آخرت میں بھلائی دے اور ہمیں عذابِ دوزخ سے بچا۔

خُرُوج بِصُنْعِہٖ:

ا َلسَّلَامُ عَلَیْکُمْ وَرَحْمَۃُ اللّٰہِ ^([3])

تر جمہ : تم پر سلامتی ہو اور اللہ عَزَّ وَجَلَّ  کی رحمت۔

 

چوتھا کَلِمہ تَوْحِیْد

لَاۤاِلٰہَ اِلَّا اللّٰہُ وَحْدَہٗ لَا شَرِیْكَ لَہٗطلَہُ الْمُلْكُ وَلَہُ الْحَمْدُط یُحْیٖ وَیُمِیْتُ وَھُوَ حَیٌّ لَّا یَمُوْتُ اَبَدًا اَبَدًاط ذُوالْجَلَالِ وَالْاِكْرَامِ ط بِیَدِہِ الْخَیْرُ ط وَھُوَ عَلٰی كُلِّ شَیْءٍ قَدِیْرٌ ط

تر جمہ : اللہ عَزَّ وَجَلَّ کے سوا کوئی معبود نہیں وہ اکیلا ہے اس کا کوئی شریک نہیں اُسی کے لئے ہے بادشاہی اور اُسی کے لئے حمد ہے وُہی زندہ کرتا اور مارتا ہے اور وہ زندہ ہے اُس کو ہر گز کبھی موت نہیں آئے گی، بڑے جلال اور بُزُرگی والا ہے، اسی کے ہاتھ میں بھلائی ہے اور وہ ہر چیز پر قادر ہے۔

پانچواں کَلِمہ اِسْتِغْفَارْ

اَسْتَغْفِرُ اللّٰہَ رَبِّیْ مِنْ كُلِّ ذَنْبٍ اَذْنَبْتُہٗ عَمَدًا اَوْ خَطَأً،سِرًّا اَوْ عَلَانِیْۃً وَّاَتُوْبُ اِلَیْہِ مِنَ الذَّنْبِ الَّذِیْ  اَعْلَمُ وَمِنَ الذَّنْبِ الَّذِیْ لَاۤ  اَعْلَمُ اِنَّكَ اَنْتَ عَلَّامُ الْغُیُوْبِ وَسَتَّارُ العُیُوْبِ وَغَفَّارُ الذُّنُوْبِ وَلَاحَوْلَ وَلَا قُوَّۃَ اِلَّابِاللّٰہِ الْعَلِیِّ الْعَظِیْمِ

تر جمہ : میں اللہ سے معافی مانگتاہوں جو میراپروردگارہے ہر گناہ سے جو میں نے جان بوجھ کر

 

 کیا یا بھول کر، چھپ کر کیا یا ظاہر ہو کر، اور میں اس کی بارگاہ میں توبہ کرتاہوں اُس گناہ سے جس کو میں جانتاہوں اور اُس گناہ سے جس کو میں نہیں جانتا (اے اللہ عَزَّ وَجَلَّ !) بے شک تو غیبوں کا جاننے والا اور عیبوں کا چھپانے والا اور گناہوں کا بخشنے والاہے اور گناہ سے بچنے کی طاقت اور نیکی کرنے کی قوت نہیں مگر اللہ  کی مدد سے جو بہت بلند عظمت والا ہے۔

چھٹا کَلِمہ رَدِّ کُفْر

اَللّٰہُمَّ اِنِّیْ اَعُوْذُبِكَ مِنْ اَنْ اُشْرِكَ بِكَ شَیْـًٔا وَّاَنَا اَعْلَمُ بِہٖ وَاَسْتَغْفِرُكَ لِمَا لَاۤ اَعْلَمُ بِہٖ تُبْتُ عَنْہُ وَتَبَرَّأْتُ مِنَ الْكُفْرِ وَالشِّرْكِ وَالْكِذْبِ وَ الْغِیْبَۃِ وَ الْبِدْعَۃِ وَ النَّمِیْمَۃِ  وَ الْفَوَاحِشِ وَ الْبُھْتَانِ وَ الْمَعَاصِیْ كُلِّھَا وَ اَسْلَمْتُ وَ اَقُوْلُ لَاۤ اِلٰـہَ اِلَّا اللّٰہُ مُحَمَّدٌ رَّسُوْلُ اللّٰہِ

تر جمہ : اے اللہ عَزَّ وَجَلَّ ! میں تیری پناہ مانگتا ہوں اس بات سے کہ میں کسی شے کو تیرا شریک بناؤں جان بوجھ کر اور بخشش مانگتا ہوں تجھ سے ہر اس (شرک) کی جس کو میں نہیں جانتا اور میں نے اس سے توبہ کی اور میں بیزار ہوا کفر سے اور شرک سے اور جھوٹ سے اور غیبت سے اور بدعت سے اور چغلی سے اور بے حیائیوں سے اور بہتان سے اورتمام گناہوں سے اور میں اسلام لایا اور میں کہتا ہوں اللہ کے سوا کوئی عبادت کے لائق نہیں محمد (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  ) اللہ کے رسول ہیں ۔

٭… ٭… ٭

 

دُعا ئیں

علم میں اضافے کی دُعا:

اَللّٰھُمَّ رَبِّ زِدْنِیْ عِلْمًا ط

تر جمہ : اے اللہ عَزَّ وَجَلَّ ! اے میرے ربّ! میرے علم میں اضافہ فرما۔

دُودھ پینے کی دُعا:

اَللّٰھُمَّ بَارِكْ لَنَا فِیْہِ وَزِدْ نَا مِنْہُط ^([4])

تر جمہ :اے اللہ عَزَّ وَجَلَّ ! ہمارے لئے اس میں برکت دے اور ہمیں اس سے زیادہ عنایت فرما۔

بَیتُ الخلا میں جانے سے پہلے کی دُعا:

اَللّٰھُمَّ اِنِّیْ اَعُوْذُ بِكَ مِنَ الْخُبُثِ وَالْخَبَآئِثط ^(([5])

تر جمہ : اے اللہ عَزَّ وَجَلَّ ! میں ناپاک جنوں اور جننیوں سے تیری پناہ مانگتا ہوں ۔

بَیتُ الخلا سے باہَر نکلنے کے بعد کی دُعا:

اَلْحَمْدُلِلّٰہِ الَّذِیْۤ اَذْھَبَ عَنِّی الْاَذٰی وَعَافَانِیْ ط^([6])

تر جمہ : اللہ عَزَّ وَجَلَّ کا شکر ہے جس نے مجھ سے اذیت دور کی اور مجھے عافیت دی۔

 

آ ئینہ دیکھتے وقت کی دُعا:

اَللّٰھُمَّ اَنْتَ حَسَّنْتَ خَلْقِیْ فَحَسِّنْ خُلُقِیْ ط  ^([7])

تر جمہ :  اے اللہ عَزَّ وَجَلَّ  ! تو نے میری صورت تو اچھی بنائی ہے میری سیرت بھی اچھی کر دے۔

سرمہ لگا تے وقت کی دُعا:

اَللّٰھُمَّ مَتِّعْنِیْ بِالسَّمْعِ وَالْبَصَرط

تر جمہ :  اے اللہ عَزَّ وَجَلَّ ! مجھے سننے اور دیکھنے سے بہرہ مند فرما۔

کسی مسلمان کو مسکراتا دیکھ کر پڑھنے کی دعا:

اَضْحَكَ اللّٰہُ سِنَّكَ ط ^([8])

تر جمہ :  اللہ عَزَّ وَجَلَّ آپ کو ہمیشہ مسکراتا رکھے۔

تیل اور عِطْر لگا تے وقت کی دُ عا:

بِسْمِ اللّٰهِ الرَّحْمٰنِ الرَّحِیْمِ  ^([9])

تر جمہ :  اللہ کے نام سے شُروع جوبَہُت مہربان رَحْمت والا۔

 

مسجد میں داخل ہو نے کی دُعا:

اَللّٰھُمَّ افْتَحْ لِیْ اَبْوَابَ رَحْمَتِكَ ^{ط  ([10])}

تر جمہ :  اے اللہ عَزَّ وَجَلَّ ! میرے لئے اپنی رحمت کے دروازے کھول دے۔

مسجد سے نکلتے وقت کی دُعا:

اَللّٰھُمَ اِنِّی اَسْئَلُكَ مِنْ فَضْلِكَ ^{ط ([11])}

تر جمہ : اے اللہ عَزَّ وَجَلَّ ! میں تجھ سے تیرا فضل مانگتا ہوں ۔

چھینک آنے پر پڑھنے کی دعا:

اَلْحَمْدُ لِلّٰہِ عَلٰی کُلِّ حَالٍ ^{ط  ([12])}

تر جمہ : اللہ عَزَّ وَجَلَّ کا ہر حال میں شکر ہے۔

چھینکنے والے کا جواب دینے کی دعا:

یَرْحَمُكَ اللّٰہُ ^{ط ([13])}

تر جمہ : اللہ عَزَّ وَجَلَّ تجھ پر رحم کرے۔

 

گھرسے نکلتے وقت کی دعا:

بِسْمِ اللّٰہِ تَوَکَّلْتُ عَلَی اللّٰہِ لَا حَوْلَ وَلَا قُوَّۃَ اِلَّا بِاللّٰہِ ^ط([14])

تر جمہ :  اللہ عَزَّ وَجَلَّ کے نام سے (میں نکلتا ہوں اور) میں نے اللہ عَزَّ وَجَلَّ پر بھروسا کیا، گناہ سے بچنے کی قوت اور نیکی کرنے کی طاقت اللہ عَزَّ وَجَلَّ ہی کی طرف سے ہے۔

گھرمیں داخل ہوتے وقت کی دعا:

اَللّٰھُمَّ اِنِّیْ اَسْئَلُكَ خَیْرَالْمَوْلَجِ وَخَیْرَالْمَخْرَجِ ^([15])

تر جمہ :  اے اللہ عَزَّ وَجَلَّ ! میں تجھ سے داخل ہونے اور نکلنے کی جگہوں کی بھلائی طلب کرتا ہوں ۔

٭… ٭… ٭

 

ایمانیات  و  عقائد

اللہ عَزَّ وَجَلَّ

سوال:       کیااللہ عَزَّ وَجَلَّ کا کوئی شریک ہے؟

جواب: جی نہیں ! اللہ عَزَّ وَجَلَّ  اکیلا ہے، اس کا کوئی   شریک نہیں ۔

سوال:اللہ عَزَّ وَجَلَّ کب سے ہے اور کب تک رہے گا؟

جواب:اللہ عَزَّ وَجَلَّ ہمیشہ سے ہے اور ہمیشہ رہے گا۔

سوال:تمام جہان والوں کو کس نے بنایا؟

جواب:اللہ عَزَّ وَجَلَّ نے تمام جہان والوں کو بنایا۔

سوال:سب کو پالنے والا کون ہے؟

جواب:اللہ عَزَّ وَجَلَّ سب کو پالنے والاہے۔

سوال:سب کو رِزق کون دیتا ہے؟

جواب:اللہ عَزَّ وَجَلَّ سب کو رزق دیتا ہے۔

سوال:کیا اللہ عَزَّ وَجَلَّ کی کوئی صفت بُری ہو سکتی ہے؟

جواب:ہر گز نہیں ! بری صفت عیب ہے اور اللہ عَزَّ وَجَلَّ  ہر عیب سے پاک ہے۔

٭… ٭… ٭

 

ہمارے پیارے نبی  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  

سوال:کیا ہمارے پیارے نبی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   کے بعد کوئی نبی آئے گا؟

جواب: جی نہیں ! حضرت محمد مصطفےٰ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے بعد کوئی نبی نہیں آئے گا کیونکہ آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم    خَاتَمُ النَّبِیِّین ہیں ۔

سوال:خَاتَمُ النَّبِیِّیْن کا کیا مطلب ہے؟

جواب:اس کا مطلب ہے: تمام نبیوں میں سب سے آخری نبی۔

سوال:حضور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   نے کس عمر میں اعلانِ نبوت فرمایا؟

جواب:حضور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   نے چالیس سال کی عمر میں اعلانِ نبوت فرمایا۔

سوال:اللہ عَزَّ وَجَلَّ نے سب سے زیادہ علم و اختیار کس نبی کو عطا فرمایا؟

جواب:ہمارے پیارے نبی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   کو۔

سوال:حضور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   کا نامِ مبارک سنتے ہی ہمیں کیا کرنا چاہیے؟

جواب:درود شریف پڑھنا چاہیے۔

سوال:کیا ہمارے پیارے نبی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم    کا سایہ تھا؟

جواب:جی نہیں ! ہمارے پیارے نبی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   کا سایہ نہیں تھا۔

٭… ٭… ٭

 

ا ر کا نِ اِسلام

سوال:اللہ عَزَّ وَجَلَّ نے قرآنِ پاک میں نماز کا کتنی بار حکم فرمایا ہے؟

جواب:اللہ عَزَّ وَجَلَّ نے قرآنِ پاک میں نماز کا 700 سے زائد مرتبہ حکم فرمایا ہے۔

سوال:جو شخص نماز کی فرضیت کا انکار کرے اس کے بارے میں کیا حکم ہے؟

جواب:جوشخص نماز کی فرضیت کا انکار کرے وہ کافر ہے۔

سوال:ہمارے پیارے آقا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم    نے کس چیز کو اپنی آنکھوں کی ٹھنڈک فرمایا ہے؟

جواب:ہمارے پیارے آقا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   نے نماز کو اپنی آنکھوں کی ٹھنڈک فرمایا ہے۔

سوال:نماز پڑھنے کے چند فضائل بتائیں ؟

جواب:  نماز پڑھنے کے چند فضائل یہ ہیں :

٭ نماز دین کا ستون ہے۔                          ٭  نماز مومن کی معراج ہے۔

٭ نماز اللہ عَزَّ وَجَلَّ کی  خوشنودی کا سبب ہے۔                 ٭ نماز سے رحمت نازل ہوتی ہے۔

٭ نماز سے گناہ معاف ہوتے ہیں ۔                   ٭  نماز بیماریوں سے بچاتی ہے۔

٭ نماز دعاؤں کی قبولیت کا سبب ہے۔                        ٭ نماز سے روزی میں برکت ہوتی ہے۔

٭ نماز اندھیری قبر کا چراغ ہے۔                     ٭ نماز قبر اور جہنم کے عذاب سے بچاتی ہے۔

٭ نماز جنت کی کنجی ہے۔                           ٭ نماز پل صراط کے لئے آسانی ہے۔

٭ نماز میٹھے میٹھے آقا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   کی آنکھوں کی ٹھنڈک ہے۔

٭ نمازی کو بروزِ قیامت سرکار صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   کی شفاعت نصیب ہو گی۔

٭ نمازی کو قیامت کے دن دائیں ہاتھ میں اعمال نامہ دیا جائے گا۔

٭ نمازی کے لئے سب سے بڑی نعمت یہ ہے کہ بروزِ قیامت اسے اللہ عَزَّ وَجَلَّ کا دیدار نصیب ہو گا۔

 

سوال:نماز نہ پڑھنے کے کیا نقصانات ہیں ؟

جواب:     نماز نہ پڑھنے کے نقصانات یہ ہیں :

٭ بے نمازی سے اللہ عَزَّ وَجَلَّ ناراض ہوتا ہے۔

٭ بے نمازی کی قبر میں آگ بھڑکا دی جائے گی۔

٭ بے نمازی پر ایک گنجاسانپ مسلط کردیا جائے گا۔

٭ بے نمازی سے بروزِ قیامت سختی سے حساب لیا جائے گا۔

٭ جو جان بوجھ کر ایک نماز بھی چھوڑتا ہے اس کا نام جہنم کے دروازے پر لکھ دیا جاتا ہے۔

٭ نماز میں سستی کرنے والے کو قبر اس طرح دبائے گی کہ اس کی پسلیاں ٹوٹ پھوٹ کر ایک دوسرے میں پیوست ہوجائیں گی۔

سوال:کیا بھول کر کھانے پینے سے روزہ ٹوٹ جاتاہے؟

جواب:جی نہیں ! بھول کر کھانے پینے سے روزہ نہیں ٹوٹتا۔

سوال:روزہ کب فرض ہوا؟

جواب:روزہ 10 شعبان المعظم 2ہجری کو فرض ہوا۔

سوال:کیا روزہ رکھنے سے آدمی بیمار ہوجاتاہے؟

جواب:جی نہیں ! بلکہ حدیث ِ پاک میں ہے کہ ’’روزہ رکھو صحت یاب ہو جاؤ گے۔‘‘  ^([16])

سوال:روزہ رکھنے کی کوئی فضیلت بیان کریں ؟

جواب: حدیث ِ پاک میں ہے جس نے ماہِ رمضان کا ایک روزہ بھی خاموشی اور سکون سے رکھا اس کے لئے جنت میں ایک گھر سرخ یاقوت یا سبز زبرجد کا بنایاجائے گا۔ ^([17])

 

فَرِشْتے

سوال:چار مشہور فرشتے کون سے ہیں اور یہ کیا کام کرتے ہیں ؟

جواب: چار مشہور فرشتے یہ ہیں :

(1)… حضرت جبرائیل  عَلَیْہِ السَّلَام             (3)… حضرت اسرافیل عَلَیْہِ السَّلَام

(2)… حضرت میکائیل  عَلَیْہِ السَّلَام             (4)… حضرت عزرائیل عَلَیْہِ السَّلَام

       اور ان کے کام یہ ہیں :

٭…  حضرت جبرائیل عَلَیْہِ السَّلَام کے ذِمّہ اللہ عَزَّ وَجَلَّ کی وحی کو انبیائے کرام عَلَیْہِمُ السَّلَام   تک پہنچانا ہے۔

٭…  حضرت میکائیل عَلَیْہِ السَّلَام کے ذِمّہ رزق پہنچانا ہے۔

٭…  حضرت اسرافیل عَلَیْہِ السَّلَام کے ذِمّہ قیامت کے دن صُور پھونکنا ہے۔

٭…  حضرت عزرائیل عَلَیْہِ السَّلَام کے ذِمّہ رُوح قبض کرنا ہے۔

سوال:انسان کے ساتھ ہر وقت دو فرشتے ہوتے ہیں ان کوکیا کہتے  ہیں ؟

جواب:کراماً کاتبین۔

سوال:کراماً کاتبین کے ذِمّہ کیا کام ہے؟

جواب:لوگوں کی اچھا ئیوں اور برائیوں کو لکھنا۔

٭… ٭… ٭

 

اَ نْبِیائے کِرَامعَلَیْہِمُ الصَّلٰوۃُ وَالسَّلَام

سوال:       نبی کسے کہتے  ہیں ؟

جواب: نبی اس انسان کو کہتے  ہیں جسے اللہ عَزَّ وَجَلَّ نے مخلوق کی ہدایت کے لئے وحی بھیجی      ہو خواہ فرشتے کے ذریعے یا فرشتے کے بغیر۔

سوال:       رسول کسے کہتے  ہیں ؟

جواب:رسول کے لئے انسان ہونا ضروری نہیں بلکہ رسول فرشتوں میں بھی ہوتے ہیں اور       انسانوں میں بھی اور بعض علما یہ فرماتے ہیں کہ جو نبی نئی شریعت لائے اسے رسول کہتے  ہیں ۔

سوال:انبیائے کرام  عَلَیْہِمُ السَّلَام کی تعداد بتائیے؟

جواب:اللہ عَزَّ وَجَلَّ نے بے شمار انبیائے کرام عَلَیْہِمُ السَّلَام بھیجے اور وہی ان کی صحیح تعداد      جانتا ہے۔

سوال:ابو البشر کس نبی کو کہا جاتا ہے؟

جواب:حضرت سیدنا آدم عَلَیْہِ السَّلَام  کو ابو البشر کہا جاتا ہے۔

سوال:کس نبی کے زمانے میں طوفان سے پوری دنیا غرق ہوئی؟

جواب:حضرت سیدنا نوح کے زمانے میں ۔

٭… ٭… ٭

 

مُعجزاتِ  اَ نبیا ئے کِرام عَلَیْہِمُ الصَّلٰوۃُ وَالسَّلَام

سوال:کس نبی عَلَیْہِ السَّلَام   نے چاند کے دو ٹکڑے کیے؟

جواب:    ہمارے پیارے نبی حضرت محمد مصطفےٰ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   نے۔

سوال:وہ کونسی آیت ہے جس میں چاند کے دو ٹکڑے ہونے کا ذکر ہے؟

جواب: اِقْتَرَبَتِ السَّاعَةُ وَ انْشَقَّ الْقَمَرُ(۱) (پ۲۷، القمر:۱)

تر جمہ ٔ   کنز الایمان: الایمان: پاس آئی قیامت اور شق ہو گیا چاند۔

سوال:وہ کونسے نبی ہیں جن کے زمین پر ایڑیاں رگڑنے سے ”زم زم“ کا چشمہ پھوٹ پڑا؟ 

جواب: حضرت سیدنا اسماعیل  عَلَیْہِ السَّلَام  کے زمین پر ایڑیاں رگڑنے سے زم زم کا چشمہ پھوٹ پڑا۔

سوال:وہ کونسے نبی عَلَیْہِ السَّلَام   ہیں جنہوں نے پتھر پر عصا مار اتو بارہ چشمے پھوٹ پڑے؟

جواب:حضرت موسیٰ عَلَیْہِ السَّلَام  نے پتھر پر عصا مار اتو بارہ چشمے پھوٹ پڑے۔

 

سوال:وہ کونسے نبی عَلَیْہِ السَّلَام   ہیں جن کی مبارک انگلیوں سے پانی کے چشمے جاری ہوئے؟

جواب: وہ نبی ہمارے آقا سرورِ دو عالم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم ہیں ۔

سوال:وہ کونسے نبی عَلَیْہِ السَّلَام   ہیں جنہیں کافروں نے آگ میں ڈالا تو وہ ان پر ٹھنڈی ہو گئی؟

جواب:حضرت ابراہیم عَلَیْہِ السَّلَام   کو کافروں نے آگ میں ڈالا تو وہ ان پر ٹھنڈی ہو گئی۔

سوال:وہ آیت مع تر جمہ  سنائیں جس میں حضرت ابراہیم عَلَیْہِ السَّلَام   پر آگ ٹھنڈی ہونے کا ذکر ہے؟

جواب: قُلْنَا یٰنَارُ كُوْنِیْ بَرْدًا وَّ سَلٰمًا عَلٰۤى اِبْرٰهِیْمَۙ(۶۹) (پ۱۷،الانبياء:۶۹)

                        تر جمہ ٔ   کنز الایمان:  ہم نے فرمایا اے آ گ ہو جا ٹھنڈی اور سلامتی ابراہیم پر ۔

٭… ٭… ٭

پانچ کو پانچ سے پہلے

پیارے مدنی منو! یقیناً زندَگی بے حد مختصر ہے، جو وقت مل گیا سو مل گیا، آئندہ وقت ملنے کی اُمّید دھوکہ ہے۔ کیا معلوم آئندہ لمحے ہم موت سے ہم آغوش ہوچکے ہوں۔ رحمتِ عالم، نورِ مجسَّم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم ارشاد فرماتے ہیں: پانچ چیزوں کو پانچ چیزوں سے پہلے غنیمت جانو: (۱) جوانی کو بڑھاپے سے پہلے (۲) صحت کو بیماری سے پہلے (۳) مالداری کوتنگدستی سے پہلے (۴) فرصت کومشغولیت سے پہلے اور (۵) زندَگی کوموت سے پہلے۔ (المستدرک،  الحدیث: ۷۹۱۶ ، ج۵،  ص۴۳۵ )

 

 

 

آسمانی کتابیں

سوال:سب سے پہلے کونسی آسمانی کتاب نازل ہوئی؟

جواب :سب سے پہلے توریت نازل ہوئی۔

سوال:توریت کس رسول پر نازل ہوئی؟

جواب :توریت حضرت سَیِّدُنا موسیٰ  عَلَیْہِ السَّلَام  پر نازل ہوئی۔

سوال:توریت کے بعد کونسی کتاب نازل ہوئی؟

جواب :توریت کے بعد زبور نازل ہوئی۔

سوال:زبور کس رسول پر نازل ہوئی؟

جواب :زبور حضرت سَیِّدُنا داؤ د  عَلَیْہِ السَّلَام  پر نازل ہوئی۔

سوال:زبور کے بعد کونسی کتاب نازل ہوئی؟

جواب :زبور کے بعد انجیل نازل ہوئی۔

سوال:انجیل کس رسول پر نازل ہوئی؟

جواب :انجیل حضرت سَیِّدُنا عیسیٰ  عَلَیْہِ السَّلَام  پر نازل ہوئی۔

سوال:سب سے آخر میں کونسی آسمانی کتاب نازل ہوئی؟

جواب :سب سے آخر میں قرآنِ مجید نازل ہوا۔

سوال:قرآنِ مجید کس رسول پر نازل ہوا؟

جواب :قرآنِ مجید ہمارے پیارے نبی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   پر نازل ہوا۔

 ٭… ٭… ٭

 

قرآنِ مجید

سوال:قرآنِ مجید کی سب سے پہلی آیت کہاں نازل ہوئی؟

جواب :قرآنِ مجید کی سب سے پہلی آیت غارِ حرا میں نازل ہوئی۔

سوال:قرآنِ مجید کس زبان میں ہے؟

جواب :قرآنِ مجید عربی زبان میں ہے۔

سوال:قرآنِ مجید کا سب سے پہلا نا زل ہونے والا لفظ کونسا ہے؟

جواب : اِقْرَاۡ  ، جس کے معنٰی ہیں ’’پڑھو‘‘۔

سوال:قرآنِ مجید کتنے عرصے میں نا زل ہوا؟

جواب :قرآنِ مجید تقریباََ (23) سال میں نا زل ہوا۔^([18])

سوال:قرآنِ مجید  کے کل کتنے پارے ہیں ؟

جواب :قرآنِ مجید کے کل (30) پارے ہیں ۔

سوال:قرآنِ مجید میں کل کتنی سورتیں ہیں ؟   

جواب :قرآنِ مجید میں کل (114) سورتیں ہیں ۔

٭… ٭… ٭

 

تِلاوتِ قرآن مجیدکے آداب

سوال: قرآنِ پاک کی تلاوت کرتے وقت کس رُخ  پر بیٹھنا چاہیے؟

جواب: قرآنِ پاک کی تلاوت کرتے وقت قبلہ رُخ ہونا چاہیے کہ یہ مستحب ہے۔

سوال:تکیہ یا ٹیک لگا کر قرآنِ پاک پڑھنا کیسا ہے؟

جواب:   تکیہ یا ٹیک لگا کر قرآنِ پاک نہیں پڑھنا چاہیے بلکہ سیدھا بیٹھ کر خشوع وخضوع کے     ساتھ تلاوت کرنی چاہیے۔

سوال:کیا قرآنِ مجید لیٹ کر پڑھ سکتے ہیں ؟

جواب: جی ہاں ! قرآنِ مجید لیٹ کر بھی پڑھ سکتے ہیں جبکہ پاؤ ں سمٹے ہوئے ہوں ۔

سوال:قرآنِ مجید کی تلاوت شروع کرنے سے پہلے کیا پڑھنا چاہیے؟

جواب:     قرآنِ مجید کی تلاوت شروع کرنے سے پہلے تَعَوُّذ (یعنی اَعُوذُ بِاللّٰہ شریف) اور تسمیہ     (یعنی بِسمِ اللّٰہ شریف) پڑھنا چاہیے۔

سوال:وہ کونسی جگہیں ہیں جہاں  قرآن شریف پڑھنا ناجائز ہے؟

جواب:غسل خانہ اور نجاست کی جگہ (مثلاً بیت الخلا) میں قرآن شریف پڑھنا ناجائز ہے۔

سوال:قرآنِ مجید کی طرف پیٹھ یا پاؤ ں کرنا کیسا ہے؟

جواب:     قرآنِ مجید کی طرف پیٹھ یا پاؤ ں کرنا اَدب کے خلاف ہے، ایسا نہیں کرنا چاہیے۔

 

سوال:قرآن شریف کی تلاوت کے دوران جماہی آ جائے تو کیا کرنا چاہیے؟

جواب:   قرآن شریف کی تلاوت کے دوران جماہی آجائے تو تلاوت موقوف (یعنی بند) کر دیں کیونکہ جماہی شیطانی اثر ہے۔

سوال: قرآن شریف کی تلاوت کے دوران اگر پیر صاب،عالم دین،استاذ صاحب یا والدین       میں    سے کوئی آجائے تو کیا ان کی تعظیم کے لئے کھڑے ہوسکتے ہیں ؟

جواب: جی ہاں ! تلاوت موقوف کر کے ان کی تعظیم کے لئے کھڑے ہو سکتے ہیں ۔

سوال:بعض لوگ کہتے  ہیں کہ اگر قرآنِ پاک کھلا ہوتو اسے شیطان پڑھتا ہے اس کی کیا حقیقت ہے؟

جواب:یہ بات غلط ہے اور اس کی کوئی اَصل نہیں ۔

سوال:قرآنِ پاک کو جُزدان یا غلاف میں رکھنے کا کیا حکم ہے؟

جواب: قرآنِ پاک کو جُزدان یا غلاف میں رکھنا جائز ہے۔ صحابۂ کرام رِضْوَانُ اللّٰہِ تَعَالٰی عَلَیْہِمْ اَجْمَعِیْن     کے دورِ مبارک سے مسلمانوں کا اس پر عمل ہے۔

سوال:قرآنِ مجید کو بلند آواز سے پڑھنا کیسا ہے؟

جواب:     قرآنِ مجید کو بلند آواز سے پڑھنا افضل ہے کہ جہاں تک آواز پہنچے گی وہ اشیا پڑھنے    والے کے ایمان کی بروزِ قیامت گواہ ہوں گی۔ البتہ اس بات کا خیال رکھا جائے کہ       کسی    نمازی، بیمار اور سونے والے کو تکلیف نہ پہنچے۔

 

سوال:     قرآن شریف کی تلاوت سننے کے بجائے باتیں کرنا یا اِدھر اُدھر دیکھنا کیسا ہے؟

جواب: قرآن شریف کی تلاوت خاموشی اور توجہ سے سننا چاہیے اس دوران گفتگو کرنا       گناہے۔

سوال:بہت سے اسلامی بھائیوں کا قرآن خوانی وغیرہ میں بلند آواز سے قرآن شریف پڑھنا کیسا ہے؟

جواب:    اجتماعی طور پر بلند آواز سے قرآن پڑھنا منع ہے، ایسے موقع پر سب کو آہستہ آواسوال: میں قرآن شریف پڑھنا چاہیے ۔

سوال:مدرسہ میں طلبہ بلند آواز سے قرآن شریف پڑھیں تو اس کا کیا حکم ہے؟

جواب: مدرسہ میں طلبہ کا بلند آواز سے قرآن شریف پڑھنا جائز ہے۔

٭… ٭… ٭

علم سے بہتر کوئی شے نہیں

اللہ عَزَّوَجَلَّ کے پیارے حبیب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم ایک صحابی سے محوِ گفتگو تھے کہ وحی نازل ہوئی: اس صحابی کی زندگی کی ایک ساعت (یعنی گھنٹہ بھر) باقی رہ گئی ہے۔ یہ وقت ِ عصر تھا۔ رحمتِ عالم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے جب یہ بات اس صحابی کو بتائی تو انہوں نے مضطرب ہو کر التجا کی: ’’یا رسولَ اللہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم !مجھے ایسے عمل کے بارے میں بتائیے جو اس وقت میرے لئے سب سے بہتر ہو۔‘‘ تو آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا: ’’علم سیکھنے میں مشغول ہو جاؤ۔‘‘ چنانچہ وہ صحابی علم سیکھنے میں مشغول ہوگئے اور مغرب سے پہلے ہی ان کا انتقال ہوگیا۔ راوی فرماتے ہیں کہ اگر علم سے بہتر کوئی شے ہوتی تو سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم اسی کا حکم ارشاد فرماتے (تفسیر کبیر، سورة البقره، ج۱، ص۴۱۰)

 

صحابۂ کرام عَلَیْہِمُ الرِّضْوَان

سوال:      عشرۂ مبشرہ سے کیا  مراد ہے ؟

جواب: عشرۂ مبشرہ سے مراد وہ دس(۱۰) صحابۂ کرام عَلَیْہِمُ الرِّضْوَان ہیں جنہیں ہمارے پیارے آقا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   نے دنیا میں ہی جنت کی بشارت دی۔

سوال:عشرۂ مبشرہ میں کون کون سے صحابۂ کرام عَلَیْہِمُ الرِّضْوَانشامل  ہیں ؟

جواب:عشرۂ مبشرہ ^([19])میں جو صحابۂ کرام عَلَیْہِمُ الرِّضْوَان شامل ہیں ان کے اسمائے گرامی یہ ہیں :

 (1)  سَیِّدُنا ابوبکر صدیق  رَضِیَ اللّٰہُ تَعَالٰی عَنْہ     (6)  سَیِّدُنا زبیر بن عوام رَضِیَ اللّٰہُ تَعَالٰی عَنْہ  

(2)   سَیِّدُنا عمر فاروقِ اعظم رَضِیَ اللّٰہُ تَعَالٰی عَنْہ  (7)  سَیِّدُنا عبدالرحمن بن عو ف  رَضِیَ اللّٰہُ تَعَالٰی عَنْہ

(3)   سَیِّدُنا عثمان غنی رَضِیَ اللّٰہُ تَعَالٰی عَنْہ          (8)  سَیِّدُنا سعد بن ابی وقا ص رَضِیَ اللّٰہُ تَعَالٰی عَنْہ 

(4)   سَیِّدُنا علی المرتضیٰ  رَضِیَ اللّٰہُ تَعَالٰی عَنْہ       (9)  سَیِّدُنا سعید بن زید رَضِیَ اللّٰہُ تَعَالٰی عَنْہ  

(5)   سَیِّدُنا طلحہ بن عبید اللہ رَضِیَ اللّٰہُ تَعَالٰی عَنْہ           (10)  سَیِّدُنا ابوعبیدہ بن جرا ح رَضِیَ اللّٰہُ تَعَالٰی عَنْہ 

سوال:      مؤذنِ رسول کس صحابی کو کہتے  ہیں ؟

جواب :مؤذنِ رسول حضرت سَیِّدُنا بلال رَضِیَ اللّٰہُ تَعَالٰی عَنْہ کو کہتے  ہیں ۔

 

سوال:سَیْفُ اللّٰہ (اللہ  کی تلوار) کس صحابی کا لقب ہے؟

جواب :سَیْفُ اللّٰہ حضرت سَیِّدُنا خالد بن ولید رَضِیَ اللّٰہُ تَعَالٰی عَنْہ کو کہتے  ہیں ۔

سوال:اَسَدُ اللّٰہ (اللہ  کا شیر) کس صحابی کو کہتے  ہیں ؟

جواب :اَسَدُ اللّٰہ حضرت سَیِّدُنا علی المرتضیٰ کَرَّمَ اللّٰہُ تَعَالٰی وَجْہَہُ الْکَرِیْم کو کہتے  ہیں ۔

سوال:سَیِّدُ الشُّہَدَاء کس صحابی کو کہتے  ہیں ؟

جواب:سَیِّدُ الشُّہَدَاء ہمارے پیارے آقا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   کے چچا حضرت سَیِّدُنا حمزہ رَضِیَ اللّٰہُ تَعَالٰی عَنْہ کو کہتے  ہیں ۔

سوال:کیا قرآنِ مجید میں کسی صحابی کا نام آیا ہے؟

جواب:جی ہاں ! قرآنِ مجید میں ایک صحابی کا نام آیا ہے۔

سوال:قرآنِ مجید میں کس صحابی کا نام آیا ہے؟

جواب:حضرت سَیِّدُنا زید بن حارثہ رَضِیَ اللّٰہُ تَعَالٰی عَنْہ کا نام قرآن مجید کے 22ویں پارے میں سورۂ احزاب کی 37ویں آیت میں آیا ہے۔

سوال:سب سے زیادہ احادیث کس صحابی سے مروی ہیں ؟

جواب:حضرت سَیِّدُنا ابو ہریرہ رَضِیَ اللّٰہُ تَعَالٰی عَنْہ سے مروی ہیں ۔

سوال:بارگاہِ رسالت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   کے نعت گو شاعر صحابی کا نام بتائیں ؟

جواب:حضرت سَیِّدُنا حسان بن ثابت رَضِیَ اللّٰہُ تَعَالٰی عَنْہ ۔

جس مسلماں نے دیکھا اُنہیں اِک نظر

اُس نظر کی بصارت پہ لاکھوں سلام

 

اَوْلِیَائے کِرَام رَحِمَہُمُ اللّٰہُ السَّلَام

سوال:ولیوں کے سردار کون ہیں ؟

جواب:تاجدارِ بغداد حضور غوثِ پاک سید عبد القادر جیلانی قُدِّسَ  سِرُّہُ النّوْرَانِی ۔

سوال:چند اولیائے کرام رَحِمَہُمُ اللّٰہُ السَّلَام کے نام بتایئے اور یہ بھی بتائیے کہ ان کے مزاراتِ مبارکہ کہاں ہیں ؟

جواب:   جنت کے آٹھ دروازوں کی نسبت سے آٹھ اولیائے کرام کے نام اور مزارات یہ ہیں :

(1)… حضرتِ سیِّدُنا خواجہ نظام الدین اولیا دہلوی عَلَیْہِ رَحمَۃُ اللّٰہِ الْقَوِی ۔

٭…  ان کا مزارِ مقدس ہندکے شہر ’’دہلی ‘‘میں ہے۔

 

(2)… قطبِ مدینہ حضرتِ سیِّدُنا ضیاء الدین احمدمدنی عَلَیْہِ رَحمَۃُ اللّٰہِ الْغَنِی۔

٭…  ان کا مزارِ مبارک جنت البقیع میں ہے۔

(3)…  حضرتِ سیِّدُناشمس العارفین خواجہ شمس الدین سیالوی  عَلَیْہِ رَحمَۃُ اللّٰہِ الْقَوِی ۔

٭…  ان کا مزار شریف پاکستان کے شہر ’’سیال شریف‘‘ میں ہے۔

(4)… حضرت پیرسید مہر علی شاہ گولڑوی  حنفیعَلَیْہِ رَحمَۃُ اللّٰہِ الْقَوِی ۔

٭…  ان کا مزار شریف پاکستان کے شہر ’’گولڑہ شریف‘‘ میں ہے۔

(5)…حضرتِ سیِّدُنا شاہ عبداللطیف بھٹائی عَلَیْہِ رَحمَۃُ اللّٰہِ الْقَوِی ۔

٭…ان کا مزار شریف پاکستان کے صوبہ باب الاسلام (سندھ) کے شہر ’’بھٹ‘‘ میں ہے۔

(6)… حضرتِ   مولانا حسن رضاخان حسنؔ رَحْمَۃُ اللّٰہِ تَعَالٰی عَلَیْہ ۔

٭…  ان کا مزار شریف ہندکے شہر ’’بریلی شریف‘‘ میں ہے۔

(7)…  حضرتِ سیِّدُنا امام بری عَلَیْہِ رَحمَۃُ اللّٰہِ الْقَوِی ۔

٭……  ان کا مزار شریف پاکستان کے دار الحکومت ’’اسلام آباد‘‘ میں ہے۔

(8)…  حضرتِ سیِّدُنا عبد اللہ شاہ غازی عَلَیْہِ رَحمَۃُ اللّٰہِ الْقَوِی ۔

٭……  ان کا مزار شریف پاکستان کے شہر ’’باب المدینہ (کراچی) ‘‘ میں ہے۔

سوال:کیا موجودہ دور میں بھی کوئی یادگارِ اسلاف شخصیت ہے؟

جواب: جی ہاں !… امیرِ اہل سنت حضرت علامہ مولانا محمد الیاس عطار قادری رضوی دَامَتْ بَرکَاتُہُمُ الْعَالِیَہ  موجودہ دور کی یادگارِ اسلاف شخصیت ہیں ۔

٭… ٭… ٭

 

کراماتِ صحا بہ و اَولیائے کرام رِضْوَانُ اللّٰہِ تَعَالٰی عَلَیہِمْ اَجْمَعِین

سوال:کرامت کسے کہتے  ہیں ؟

جواب:اللہ عَزَّ وَجَلَّ کے کسی ولی سے خلافِ عادت ظاہر ہونے والی بات کو کرامت کہتے  ہیں ۔

سوال:کرامت کی کتنی قسمیں ہیں ؟

جواب:علامہ تاج الدین سبکی رَحْمَۃُ اللّٰہِ تَعَالٰی عَلَیہ نے اپنی کتاب ’’طَبَقَاتُ الشَّافِعِیَّۃِ الْکُبْریٰ‘‘ میں اولیائے کرام کی کرامات سے متعلق ایک سو (۱۰۰) سے زائد اقسام تحریر فرمائی ہیں ۔ ان میں سے چند اقسام یہ ہیں :

٭…مردوں کو زندہ کرنا            ٭… مردوں سے کلام کرنا

٭…دریاؤں پر تصرف             ٭… زمین کو سمیٹ دینا

٭…نباتات سے گفتگو              ٭… شفائے امراض

٭…مقبولیتِ دعا                  ٭… زمانہ مختصر و طویل ہو جانا

٭… جانوروں کا فرماں بردارہونا     ٭… غیب کی خبریں دینا

٭… دلوں کو اپنی طرف کھینچنا        ٭… کھائے پئے  بغیر زندہ رہنا وغیرہ

سوال: چند اولیائے کرام رَحِمَہُمُ اللّٰہُ السَّلَام کی کرامات بیان کیجئے؟

 

جواب:(1)… حضور غوثِ اعظم عَلَیْہِ رَحمَۃُ اللّٰہِ الْاَکْرَم کاپکی ہوئی مرغی کی ہڈیوں کو جمع کرکے اللہ   کے حکم سے زندہ کردینا۔^([20])

(2)… حضرت شیخ احمد بن نصر خزاعی رَحْمَۃُ اللّٰہِ تَعَالٰی عَلَیْہ کا بعد شہادت سولی پر تلاوتِ قرآنِ کریم    کرنا۔ ^([21])

(3)… شیخ ابو اسحاق شیرازی رَحْمَۃُ اللّٰہِ تَعَالٰی عَلَیْہ کا بغداد میں بیٹھ کر کعبہ معظمہ کو دیکھ لینا۔^([22])

سوال:    کیا صحابۂ کرام عَلَیْہِمُ الرِّضْوَان بھی اللہ عَزَّ وَجَلَّ کے ولی ہیں اور ان سے بھی کرامات کا ظہور ہوا ہے؟

جواب:جی ہاں … صحابۂ کرام عَلَیْہِمُ الرِّضْوَان افضل الاولیا ہیں اور ان سے بھی کرامات کا ظہور ہوا ہے۔

سوال:صحابۂ کرام عَلَیْہِمُ الرِّضْوَان کی چند کرامات بیان کیجئے؟

جواب:(1)… امیر المومنین حضرت سیّدُنا ابو بکر صدیق رَضِیَ اللّٰہُ تَعَالٰی عَنْہ کے روانہ کیے گئے اسلامی لشکر کی کلمہ طیبہ کی صدا سے قلعہ میں زلزلہ آنا۔^([23])

٭آپ رَضِیَ اللّٰہُ تَعَالٰی عَنْہ کا جنازہ لے کر سلام کرنے سے روضۂ رسول کا دروازہ کھل جانا۔^([24])

(2)… امیر المومنین حضرت سیّدُنا عمر فاروق رَضِیَ اللّٰہُ تَعَالٰی عَنْہ کا قبر والے سے گفتگو کرنا۔ ^([25])

 

٭آپ رَضِیَ اللّٰہُ تَعَالٰی عَنْہ کا مدینہ منورہ عَلٰی صَاحِبِھَاالصَّلٰوۃُوَالسَّلَام سے سینکڑوں میل دور نہاوند (ایران) کے مقام پر حضرت سیّدُنا ساریہ رَضِیَ اللّٰہُ تَعَالٰی عَنْہ تک آواز پہنچانا۔ ^([26])

٭آپ رَضِیَ اللّٰہُ تَعَالٰی عَنْہ کا رُکے ہوئے دریائے نیل کے نام خط لکھ کر اسے جاری کرنا۔^([27])

٭آپ رَضِیَ اللّٰہُ تَعَالٰی عَنْہ کی دعاؤں کا مقبولِ بارگاہِ الٰہی ہونا۔ ^([28])

(3)… امیر المومنین حضرت سیّدُنا عثمان غنی رَضِیَ اللّٰہُ تَعَالٰی عَنْہ کے ہاتھ سے عصا مبارک لے کر توڑنے والے کے ہاتھ میں کینسر ہو جانا۔ ^([29])

٭آپ رَضِیَ اللّٰہُ تَعَالٰی عَنْہ کا اپنے مدفن کی خبر دینا۔ ^([30])

٭آپ رَضِیَ اللّٰہُ تَعَالٰی عَنْہ کی شہادت کے بعد غیبی آواز کا آنا۔ ^([31])

٭آپ رَضِیَ اللّٰہُ تَعَالٰی عَنْہ کی تدفین کے وقت فرشتوں کا ہجوم ہونا۔^([32])

(4)… امیر المومنین حضرت سیّدُنا علی المرتضیٰ کَرَّمَ اللّٰہُ تَعَالٰی وَجْہَہُ الْکَرِیْم کا قبروالوں سے سوال جواب کرنا۔ ^([33])

 

٭آپ رَضِیَ اللّٰہُ تَعَالٰی عَنْہ کو جھوٹا کہنے والے کا اندھا ہوجانا۔^([34])

٭کون کہاں مرے گا، کہاں دفن ہوگا کی خبر دینا۔ ^([35])

٭آپ رَضِیَ اللّٰہُ تَعَالٰی عَنْہ کے گھر میں فرشتوں کا چکی چلانا ۔ ^([36])

٭اپنی وفات کی خبر دینا۔ ^([37])

٭گھوڑے پر سوار ہوتے ہوئے قرآن ختم کرلینا۔ ^([38])

٭… ٭… ٭

حیاایمان سے ہے

اللہ عَزَّ وَجَلَّکے محبوب، دانائے غُیوب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا فرمانِ عالیشان ہے: حیا ایمان سے ہے۔ (مسند ابی یعلی، الحدیث: ۷۴۶۳، ج۶ ص۲۹۱ ) یعنی جس طرح ایمان، مومِن کو کُفر کے اِرتکِاب سے روکتا ہے اِسی طرح حیا باحیا کو نافرمانیوں سے بچاتی ہے۔ اس کی مزید وضَاحت و تائید حضرتِ سیِّدُنا ابنِ عمر رَضِیَ اللّٰہُ تَعَالٰی عَنْہُمَا سے مروی اِس روایت سے ہوتی ہے: بے شک حیا اور ایمان دونوں آپس میں ملے ہوئے ہیں، جب ایک اُٹھ جائے تو دوسرا بھی اٹھا لیا جاتا ہے۔(اَلْمُسْتَدْرَک لِلْحاکِم، الحدیث: ۶۶ ، ج۱، ص۱۷۶)

 

عِبادات

وُضو

وضو کا طریقہ :

٭… پیارے مدنی منو! وضو کرنے کے لئے اونچی جگہ قبلہ رُو بیٹھنا مستحب ہے ۔

٭… وضو کرنے سے قبل اس طرح نیت کیجئے ’’حکم الٰہی بجا لانے اورحصولِ ثواب کی نیت سے وضوکرتاہوں ۔

٭… وضو کرنے سے پہلے بِسْمِ اللّٰہ پڑھنا سنت ہے۔

٭… ہوسکے تو بِسْمِ اللّٰہِ وَالحَمدُلِلّٰہ کہہ لیجئے کہ جب تک وضو باقی رہے گا آپ کے نامۂ اعمال میں نیکیاں لکھی جاتی رہیں گی۔

٭… اب تین تین بار دونوں ہاتھوں کو گٹوں تک دھوئیں ، انگلیوں کا خلال بھی کیجئے۔

٭… سنت کے مطابق مسواک شریف کیجئے۔

٭… پھر تین بار کلیاں کیجئے ،روزہ نہ ہوتو غرغرہ کیجئے۔

٭… پھر تین بار ناک میں پانی چڑھائیے روزہ نہ ہوتو ناک کی جڑ تک پانی پہنچائیے اور الٹے ہاتھ کی چھوٹی انگلی سے ناک بھی صاف کیجئے۔

٭… پھر تین بار چہرے کو اس طرح دھوئیے کہ پیشانی کی جڑ سے ٹھوڑی تک اور ایک کان کی لو سے دوسرے کان کی لو تک پانی بہہ جائے۔

٭… پھر تین بار کہنیوں سمیت دونوں ہاتھ اس طرح دھویئے کہ کہنیوں سے ناخن تک کوئی جگہ

 

دھلنے سے نہ رہے۔

٭… پھر دونوں ہاتھ تر کرکے ایک مرتبہ پورے سر کا مسح کیجئے۔

٭… پھر شہادت کی انگلی سے کانوں کے اندرونی حصے کا اور انگوٹھوں سے بیرونی حصے کا اور ہاتھوں کی پشت سے گردن کا مسح کیجئے۔

٭… پھر دونوں پیر ٹخنوں سمیت دھویئے، پہلے دائیں پیر کو پھر بائیں پیر کو دھویئے، دونوں پیر کی انگلیوں کے درمیان بائیں ہاتھ کی چھوٹی انگلی سے خلال کیجئے ۔

٭… دائیں پیر کی چھوٹی انگلی سے خلال شروع کر کے بائیں پیر کی چھوٹی انگلی پر ختم کیجئے ۔

نوٹ: مدنی منوں کو وضو خانے پر وضو کی عملی تربیت دیجئے اور پانی کے استعمال میں اِسراف سے بچنے کی تلقین کیجئے۔

       حجۃ الاسلام امام محمد غزالی عَلَیْہِ رَحمَۃُ اللّٰہِ الْوَالی فرماتے ہیں : ’’ہر ہر عضو دھوتے وقت یہ امید کرتا رہے کہ میرے اس عضو کے گناہ دھل رہے ہیں ۔‘‘^([39])

٭… وضو کے بعد یہ دعا بھی پڑھ لیجئے(اول و آخر درود شریف)

اَللّٰھُمَّ اجْعَلْنِیْ مِنَ التَّوَّابِیْنَ وَاجْعَلْنِیْ مِنَ  الْمُتَطَھِّرِیْنَ ^([40])

تر جمہ :اے اللہ عَزَّ وَجَلَّ ! مجھے کثرت سے توبہ کرنے والوں میں بنا دے اور مجھے پاکیزہ رہنے والوں میں شامل کر دے۔

 

جنت کے آٹھوں دروازے کھل جاتے ہیں :

حدیث ِ پاک میں ہے: ’’جس نے اچھی طرح وضو کیا، پھر آسمان کی طرف نگاہ اٹھائی اور کلمۂ شہادت پڑھا اس کے لئے جنت کے آٹھوں دروازے کھول دئیے جاتے ہیں جس سے چاہے اندر داخل ہو۔‘‘^([41])

وضو کے بعد سورۂ قدر پڑھنے کے فضائل:

حدیث ِ مبارکہ میں ہے: ’’جو وضو کرنے کے بعد ایک مرتبہ سورہ ٔ قدر پڑھے تو وہ صدیقین میں سے ہے اور جو دو مرتبہ پڑھے تو شہدا میں شمار کیا جائے اور جو تین مرتبہ پڑھے گا تو اللہ عَزَّ وَجَلَّ میدانِ محشر میں اسے انبیائے کرام عَلَیْہِمُ الصَّلٰوۃُ وَالسَّلَام  کے ساتھ رکھے گا۔‘‘^([42])

نظر کبھی کمزور نہ ہو:

جو وضو کے بعد آسمان کی طرف دیکھ کر سورۂ قدر پڑھ لیا کرے اِنْ شَآءَ اللہ عَزَّ وَجَلَّ اس کی نظر کبھی کمزور نہ ہو گی۔^([43])

دھونے کی تعریف:

کسی عضو کو دھونے کے یہ معنٰی ہیں کہ اس عضو کے ہرحصہ پر کم از کم دوقطرے پانی بہہ جائے۔ صرف بھیگ جانے یا پانی کو تیل کی طرح چُپڑ لینے یا ایک قطرہ بہہ جانے کو دھونا نہیں کہیں گے نہ اس طرح وضو ہو گا اور نہ ہی غسل۔

 

اَذان

سوال: اَذان کسے کہتے  ہیں ؟

جواب:مسلمانوں کو نماز کی طرف بُلانے کے لئے ایك خاص اِعلان کو ’’اَذان ‘‘ کہتے  ہیں ۔

سوال:کیا اَذان فرض ہے؟

جواب:  جی نہیں ! بلکہ پانچ وقت کی فرض نماز جو جماعت کے ساتھ

        مسجد میں اَدا کی جائے اُس کے لئے اَذان سُنّتِ مؤکدہ ہے۔

سوال: کیا اَذان سے پہلے دُرود شریف پڑھ سکتے ہیں ؟

جواب:جی ہاں ! اَذان سے پہلے دُرود شریف پڑھنا ثواب کا کام ہے۔

سوال:جب اَذان ہو تو کیا کرنا چاہیے؟

جواب:اَذان کے احترام میں گفتگو اور تمام کام روک کر اَذان کا جواب دینا چاہیے۔

سوال:اَذان کے الفاظ کیا ہیں ؟                           جواب: اَذان کے الفاظ یہ ہیں :

اَللہُ اَکْبَرُ اَللہُ اَکْبَرُ

اَللہُ اَکْبَرُ اَللہُ اَکْبَرُ

اَشْھَدُ اَنْ لَّاۤ  اِلٰہَ اِلَّا اللہُ                                                                                                                               اَشْھَدُ اَنْ لَّاۤ  اِلٰہَ اِلَّا اللہُ

اَشْھَدُ اَنَّ مُحَمَّدًا رَّسُوْلُ اللہِ                                                                                                                                        اَشْھَدُ اَنَّ مُحَمَّدًا رَّسُوْلُ اللہِ

حَیَّ عَلَی  الصَّلٰوۃِ                                                              حَیَّ عَلَی  الصَّلٰوۃِ

حَیَّ عَلَی الْفَلَاحِ                                                                    حَیَّ عَلَی الْفَلَاحِ

اَللہُ اَکْبَرُ اَللہُ اَکْبَرُ

لَاۤ  اِلٰہَ اِلَّا اللہُ

 

نمازکی شرائط

سوال:نماز کی کتنی شرائط ہیں ؟

جواب: نماز کی چھ شرائط ہیں :

(۱)  طہارت   (۲)  ستر عورت (۳)  اِستقبالِ قبلہ 

(۴)  وقت  (۵)  نیت  (۶)  تکبیر تحریمہ

سوال:طہارت سے کیا مراد ہے؟

جواب:    طہارت سے مراد ہے کہ نمازی کا بدن، لباس اور جس جگہ نمازپڑھ رہا ہے وہ جگہ ہر قسم کی نجاست سے پاک ہو۔

سوال:ستر عورت کا کیا مطلب ہے؟

جواب: ستر عورت کا مطلب یہ ہے کہ مرد کے لئے ناف کے نیچے سے لے کر گھٹنوں سمیت بدن کا سارا حصہ چھپا ہونا ضروری ہے۔ جبکہ اسلامی بہنوں کے لئے ان پانچ اعضا یعنی منہ کی ٹکلی،دونوں ہتھیلیوں اور دونوں پاؤں کے تلووں کے علاوہ ساراجسم چھپانا لازمی ہے۔

سوال:استقبالِ قبلہ کسے کہتے  ہیں ؟

جواب: نماز میں قبلہ یعنی کعبہ کی طرف منہ کرنے کو استقبالِ قبلہ  کہتے  ہیں ۔

سوال:        وقت سے کیا مراد ہے؟

جواب: اس سے مراد یہ ہے کہ جو نماز پڑھنی ہے اس کا وقت ہونا ضروری ہے۔

 

سوال:نیت کا کیا مطلب ہے؟

جواب:  نیت دل کے پکے ارادے کا نام ہے زبان سے نیت کرنا ضروری نہیں ہے البتہ دل میں نیت حاضر ہوتے ہوئے زبان سے کہہ لینا بہتر ہے۔

سوال:تکبیر تحریمہ سے کیا مراد ہے؟

جواب:  نماز شروع کرنے کے لئے تکبیر یعنی اَللّٰہُ اَ  کبَر کہنے کو تکبیر تحریمہ کہتے  ہیں ۔

٭… ٭… ٭

نمازکے فرائض

سوال: نماز کے کتنے فرائض ہیں ؟

جواب:  نماز کے سات فرائض ہیں :

(۱)  تکبیرِ تحریمہ (۲) قیام  (۳) قراء ت (۴) رکوع 

(۵) سجدہ  (۶) قعدۂ اخیرہ (۷) خُرُوج بِصُنعِہ

سوال:تکبیر اُولیٰ سے کیا مراد ہے؟

جواب: تکبیر تحریمہ کو تکبیر اُولیٰ بھی کہتے  ہیں یہ نماز کی شرائط میں آخری شرط اور فرائض میں پہلا فرض ہے اور اس سے مراد نماز شروع کرنے کے لئے تکبیر یعنی اَللّٰہُ اَ  کبَر کہنا ہے۔

سوال:قیام کسے کہتے  ہیں ؟

جواب:  تکبیر تحریمہ کے بعد سیدھا کھڑا ہونے کو قیام کہتے  ہیں ، قیام اتنی دیر تک ہے جتنی دیر تک قراء ت ہے۔

 

سوال:قراء ت کا کیا مطلب ہے؟

جواب:  قراء ت کا مطلب ہے کہ تمام حروف مخارج سے ادا کیے جائیں آہستہ پڑھنے میں یہ بھی ضروری ہے کہ خود سن لے۔

سوال:رُکوع سے کیا مراد ہے؟

جواب:  قراء ت کے بعد اتنا جھکنا کہ ہاتھ بڑھائے تو گھٹنوں تک پہنچ جائیں رُکوع کہلاتا ہے اور یہ رُکوع کا اَدنیٰ درجہ ہے اور مرد کے لئے مکمل پیٹھ سیدھی کرنا رکوع کا کامل درجہ ہے۔

سوال:سجدہ سے کیا مراد ہے؟

جواب:رکوع کے بعد سات ہڈیوں یعنی دونوں ہاتھ، دونوں پاؤں ، دونوں گھٹنوں اور ناک کی ہڈی کو زمین پر لگانا سجدہ کہلاتا ہے۔ سجدے میں پیشانی اس طرح جمائیں کہ زمین کی سختی محسوس ہو۔ہر رکعت میں دو بار سجدہ فرض ہے۔

سوال:قعدۂ اخیرہ سے کیا مراد ہے؟

جواب:  نماز کی رکعتیں پوری کرنے کے بعد اتنی دیر بیٹھنا کہ پوری تَشَہُّد (یعنی پوری التحیات) عَبدُہٗ وَ رَسُولُہٗ تک پڑھ لی جائے قعدۂ اخیرہ کہلاتا ہے اور یہ بھی فرض ہے۔

سوال:خُرُوج بِصُنعِہ کیا ہے؟

جواب:قعدۂ اخیرہ کے بعد سلام پھیر کر نماز ختم کرنا۔

٭… ٭… ٭

 

نمازکا طریقہ

نماز کا طریقہ:

٭… باوضو قبلہ رو کھڑے ہوں دونوں ہاتھ کانوں تک لے جائیے۔

٭… جب ہاتھ اٹھائیں تو انگلیاں نہ ملی ہوں نہ خوب کھلی ہوں اور ہتھیلیاں قبلہ کی طرف ہوں ۔

٭… پھر جو نماز پڑھ رہے ہیں اس کی نیت کیجئے زبان سے دُہرانا بہتر ہے۔

٭… پھر تکبیر اُولیٰ یعنی اَللّٰہُ اَ  کبَر کہتے  ہوئے ہاتھ ناف کے نیچے باندھ لیجئے۔

٭… اب ثنا پڑھئے یعنی:

سُبْحٰنَكَ اللّٰہُمَّ وَبِحَمْدِكَ وَتَبَارَكَ اسْمُكَ وَتَعَالٰی جَدُّكَ وَلَاۤ اِلٰہَ غَیْرُكَ

٭… پھر تَعَوُّذْ  یعنی  اَعُوْذُ بِاللّٰہِ مِنَ الشَّیْطٰنِ الرَّجِیْمِ پڑھئے ۔

٭… پھر تَسمِیہ  یعنی  بِسْمِ اللہِ الرَّحْمٰنِ الرَّحِیۡمِ  پڑھئے ۔

٭… مکمل سورۂ فاتحہ پڑھئے یعنی :

اَلْحَمْدُ لِلّٰهِ رَبِّ الْعٰلَمِیْنَۙ(۱)الرَّحْمٰنِ الرَّحِیْمِۙ(۲)مٰلِكِ یَوْمِ الدِّیْنِؕ(۳)اِیَّاكَ نَعْبُدُ وَ اِیَّاكَ نَسْتَعِیْنُؕ(۴)اِهْدِنَا الصِّرَاطَ الْمُسْتَقِیْمَۙ(۵)صِرَاطَ الَّذِیْنَ اَنْعَمْتَ

 

عَلَیْهِمْ ﴰغَیْرِ الْمَغْضُوْبِ عَلَیْهِمْ وَ لَا الضَّآلِّیْنَ۠(۷)

 ٭… سورۂ فاتحہ پڑھنے کے بعد آہستہ آمین کہئے اس کے بعد تین چھوٹی یا کوئی بھی ایک بڑی آیت جو تین آیات کے برابر ہو یا کوئی بھی سورت پڑھئے مثلاً سورۂ اخلاص یعنی :

قُلْ هُوَ اللّٰهُ اَحَدٌۚ(۱)اَللّٰهُ الصَّمَدُۚ(۲)لَمْ یَلِدْ ﳔ وَ لَمْ یُوْلَدْۙ(۳)وَ لَمْ یَكُنْ لَّهٗ كُفُوًا اَحَدٌ۠(۴)

 ٭… اب اَللّٰہُ اَ  کبَر کہتے  ہوئے رکوع کیجئے اور رکوع کی تسبیح یعنی سُبْحَانَ رَبِّیَ الْعَظِیْمِ  تین یا پانچ بار پڑھئے۔

٭… پھر تسمیع یعنی  سَمِـعَ اللّٰہُ لِمَنْ حَمِدَہٗ کہتے  ہوئے بالکل سیدھے کھڑے ہو جایئے، اس کھڑے ہونے کو قومہ کہتے  ہیں ۔

٭… اگر اکیلے نماز پڑھ رہے ہیں تو اَللّٰہُمَّ رَبَّنَا وَلَكَ الْحَمْدُ بھی پڑھئے۔

٭… پھر اَللّٰہُ اَ  کبَر کہتے  ہوئے سجدے میں جایئے اور پاؤں کی دسوں انگلیوں کا رخ جانب ِ قبلہ رہے، پھر سجدے کی تسبیح یعنی سُبْحَانَ رَبِّی َ الْاَعْلٰی تین یا پانچ بار  پڑھئے۔

٭… دونوں سجدوں کے درمیان بیٹھنے کو ’’جلسہ‘‘ کہتے  ہیں ، اس دوران ایک مرتبہ سُبحَانَ اللّٰہِ کہنے کی مقدار ٹھہرئیے پھر اَللّٰہُ اَ  کبَر کہتے  ہوئے دوسرا سجدہ کیجئے۔

 

یہ ایک رکعت پوری ہوئی اسی طرح دوسری رکعت بھی ادا کیجئے۔

٭… دورکعت کے بعد التحیات پڑھنے کے لئے بیٹھنے کو قعدہ کہتے  ہیں ۔

٭… قعدہ میں اب تَشَہُّد پڑھئے یعنی

اَلتَّحِیَّاتُ لِلّٰہِ وَالصَّلَوٰتُ وَالطَّیِّبٰتُ  اَلسَّلَامُ عَلَیْكَ اَیُّھَا النَّبِیُّ وَرَحَمْۃُ اللّٰہِ وَبَرَكَاتُہٗ  اَلسَّلَامُ عَلَیْنَا وَعَلٰی عِبَادِ اللّٰہِ الصّٰلِحِینَ اَشْھَدُ اَنْ لَّاۤ اِلٰہَ اِلَّا اللّٰہُ وَ اَشْھَدُ اَنَّ مُحَمَّدًا عَبْدُہٗ وَرَسُوْلُہ

٭… جب تَشَہُّد میں لفظِ ’’لا‘‘ کے قریب پہنچیں تو سیدھے ہاتھ کی بیچ کی انگلی اور انگوٹھے کا حلقہ بنا لیجئے اور چھوٹی انگلی اور اس کے برابر والی انگلی کو ہتھیلی سے ملا دیجئے۔

٭… پھر لفظِ ’’لا‘‘ کہتے  ہوئے کلمہ کی انگلی اٹھائیے اور لفظِ ’’اِلّا‘‘ پر گرا کر تمام انگلیاں سیدھی کر لیجئے۔

٭… اگرزیادہ رکعتیں پڑھ رہے ہیں تو اَللّٰہُ اَ  کْبَر کہہ کر دوبارہ کھڑے ہوجائیے۔

٭… اگر فرض نماز پڑھ رہے ہیں تو تیسری اور چوتھی رکعت کے قیام میں بِسمِ اللّٰہ اور اَلحَمد شریف بھی پڑھئے مگر سورت نہ ملائیے۔

٭… تمام رکعتیں پوری کرکے بیٹھنے کو قعدۂ اخیرہ کہتے  ہیں ۔

٭… قعدۂ اخیرہ میں التحیات کے بعد دُرُودِ ابراہیمی پڑھئے۔ یعنی

 

اَللّٰہُمَّ صَلِّ عَلٰی مُحَمَّدٍ وَّ عَلٰۤی اٰلِ مُحَمَّدٍ کَمَا صَلَّیْتَ عَلٰۤی اِبْرٰھِیْمَ وَعَلٰۤی اٰلِ اِبْرٰھِیْمَ اِنَّكَ حَمِیْدٌ مَّجِیْدٌO اَللّٰہُمَّ بَارِكْ عَلٰی مُحَمَّدٍ وَّ عَلٰۤی اٰلِ مُحَمَّدٍ كَمَا بَارَكْتَ عَلٰۤی اِبْرٰھِیْمَ وَ عَلٰۤی اٰلِ اِبْرٰھِیْمَ اِنَّكَ حَمِیْدٌ مَّجِیْدٌO

٭… پھر کوئی دعائے ماثورہ پڑھئے۔ مثلاً …

٭اَللّٰہُمَّ رَبِّ اجْعَلْنِیْ مُقِیْمَ الصَّلٰوۃِ  وَمِنْ ذُرِّیَّتِیْ٭ۖ  رَبَّنَا وَتَقَبَّلْ دُعَآءِ O رَبَّنَا اغْفِرْ لِیْ وَلِوَالِدَیَّ وَلِلْمُؤْمِنِیْنَ یَوْمَ یَقُوْمُ الْحِسَابُ O

٭رَبَّنَاۤ  اٰتِنَا فِی الدُّنْیَا حَسَنَۃً وَّ فِی الْاٰخِرَۃِ حَسَنَۃً وَّقِنَا عَذَابَ النَّارِ O

٭… اس کے بعد نماز ختم کرنے کے لئے دائیں کندھے کی طرف منہ کرکے اَلسَّلَامُ عَلَیْکُم وَرَحْمَۃُ اللّٰہِ  کہئے، پھر بائیں کندھے کی طرف بھی منہ کر کے اَلسَّلَامُ عَلَیْکُم وَرَحْمَۃُ اللّٰہِ کہتے  ہوئے سلام پھیرئیے۔

٭… ٭… ٭

 

نعت شریف

            مدنی مدینے والے⁽[44]⁾

 

مجھے در پہ پھر بلانا مدنی مدینے والے                 مئے عشق بھی پلانا مدنی مدینے والے

مری آنکھ میں سمانا مدنی مدینے والے                 بنے دل ترا ٹھکانہ مدنی مدینے والے

تری جبکہ دید ہوگی جبھی میری عید ہوگی             مرے خواب میں تو آنا مدنی مدینے والے

مجھے غم ستا رہے ہیں مری جان کھا رہے ہیں           تمہیں حوصلہ بڑھانا مدنی مدینے والے

میں اگرچہ ہوں کمینہ ترا ہوں شہ مدینہ              مجھے قدموں سے لگانا مدنی مدینے والے

ترا تجھ سے ہوں سوالی شہا پھیرنا نہ خالی                مجھے اپنا تو بنانا مدنی مدینے والے

یہ مریض مر رہا ہے ترے ہاتھ میں شفا ہے          اے طبیب! جلد آنا مدنی مدینے والے

تو ہی انبیا کا سرور تو ہی دو جہاں کا یاوَر                 تو ہی رہبرِ زمانہ مدنی مدینے والے

تو خدا کے بعد بہتر ہے سبھی سے میرے               سروَرترا ہاشمی گھرانہ مدنی مدینے والے

تری فرش پر حکومت تری عرش پر حکومت          تو شہنشہِ زمانہ مدنی مدینے والے

یہ کرم بڑا کرم ہے ترے ہاتھ میں بھرم ہے          سر حشر بخشوانا مدنی مدینے والے

شہا! ایسا جذبہ پاؤں کہ میں خوب سیکھ جاؤں           تری سنتیں سکھانا مدنی مدینے والے

مرے غوث کا وسیلہ رہے شاد سب قبیلہ            انہیں خُلد میں بسانا مدنی مدینے والے

ترے غم میں کاش! عطّار رہے ہر گھڑی گرفتار       غم مال سے بچانا مدنی مدینے والے

 

٭… مدنی پھول …٭

٭… ہاتھ ملانے کے مدنی پھول …٭

٭… دومسلمانوں کابوقت ِملاقات سلام کرکے دونوں ہاتھوں سے مُصافَحَہ کرنا یعنی دونوں ہاتھ ملانا سنّت ہے۔^([45])

٭… رخصت ہوتے وَقت بھی سلام کیجئے اورہاتھ بھی ملا

              سکتے ہیں ۔

٭… اللہ  عَزَّ وَجَلَّ کی خاطر آپس میں محبت رکھنے والے جب آپس میں ملتے ہیں اور مُصافَحَہ کرتے ہیں اور نبیٔ کریم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم پر دُرُود پاک پڑھتے ہیں تو

          ان دونوں کے جدا ہونے سے پہلے پہلے دونوں کے    اگلے پچھلے گناہ بخش دیئے جاتے ہیں ۔^([46])

٭… ہاتھ ملاتے وقت درود شریف پڑھ کر ہو سکے تو یہ دعا بھی پڑھ لیجئے:

یَغفِرُ اللّٰہُ لَنَا وَ لَکُم

(یعنی اللہ عَزَّ وَجَلَّ ہماری اور تمہاری مغفِرت فرمائے)

٭… دو مسلمان ہاتھ ملانے کے دَوران جو دعا مانگیں گے اِنْ شَآءَ اللہ عَزَّ وَجَلَّ قَبول ہو گی اور ہاتھ جدا ہونے سے پہلے پہلے دونوں کی مغفرت ہو جائے گی۔

٭… آپس میں ہاتھ ملانے سے دُشمنی دُور ہوتی ہے۔^([47])

 

 

٭… فرمانِ  مُصطَفٰے صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   ہے: جو مسلمان اپنے بھائی سے مُصافَحہ کرے اورکسی کے دل میں دوسرے سے عداوت نہ ہو تو ہاتھ جدا ہونے سے پہلے اللہ عَزَّوَجَلَّ دونوں کے گزَشتہ گناہوں کو بخش دے گا اور جو کوئی اپنے مسلمان بھائی کی طرف مَحَبَّت بھری نظر سے دیکھے اور اُس کے دل یا سینے میں عداوت نہ ہو تو نگاہ لوٹنے سے پہلے دونوں کے پچھلے گناہ بخش دیئے جائیں گے۔^([48])

٭… جتنی بار ملاقات ہو ہر بار ہاتھ ملانا مستحب ہے۔^([49])

٭… دونوں طرف سے ایک ایک ہاتھ ملانا سنّت نہیں مصافحہ دو ہاتھ سے کرنا سنّت ہے ۔^([50])

٭… بعض لوگ صِرف اُنگلیاں ہی آپس میں ٹکڑا دیتے ہیں یہ بھی سنت نہیں ۔ ^([51])

٭… ہاتھ ملانے کے بعد خود اپنا ہی ہاتھ چوم لینا مکروہ ہے۔^([52])

٭… مُصافَحَہ کرتے (یعنی ہاتھ ملاتے) وقت سنّت یہ ہے کہ ہاتھ میں کوئی چیز مثلاًرومال وغیرہ حائل نہ ہو، دونوں ہتھیلیاں خالی ہوں اور ہتھیلی سے ہتھیلی ملنی چاہیے۔^([53])

٭… ٭… ٭

 

٭… ناخُن کاٹنے کے مدنی پھول …٭

٭… جُمُعہ کے دن ناخن کاٹنا مُستَحَب ہے۔ اگر زیادہ بڑھ گئے ہوں تو جُمُعہ کا اِنتظار نہ کیجئے۔ ^([54])

٭… صدرُ الشَّریعہ، بدرُ الطَّریقہ مولانا امجد علی اعظمی عَلَیْہِ رَحمَۃُ اللّٰہِ الْقَوِی فرماتے ہیں کہ منقول ہے: جو جُمُعہ کے روز ناخُن تَرَشوائے (کاٹے) اللہ عَزَّ وَجَلَّ اُس کو دوسرے جُمعے تک بلاؤں سے محفوظ رکھے گا اور تین دن زائد یعنی دس دن تک۔ ایک روایت میں یہ بھی ہے کہ جو جُمُعہ کے دن ناخُن تَرَشوائے (کاٹے) تو رَحمت آئے گی اور گُناہ جائیں گے۔^([55])

٭… ہاتھوں کے ناخُن کاٹنے کا طریقہ یہ ہے کہ پہلے سیدھے ہاتھ کی شہادت کی انگلی سے شُروع کر کے ترتیب وار چھنگلیا (یعنی چھوٹی انگلی) سَمیت ناخن کاٹے جائیں مگر انگوٹھا چھوڑ دیجئے۔ اب اُلٹے ہاتھ کی چھنگلیا (یعنی چھوٹی انگلی) سے شروع کر کے ترتیب وار انگوٹھے سَمیت ناخن کاٹ لیجئے۔ اب آخِر میں سیدھے ہاتھ کے انگوٹھے کا ناخن کاٹا جائے۔

٭… پاؤ ں کے ناخُن کاٹنے کی کوئی ترتیب منقول نہیں ، بہتر یہ ہے کہ سیدھے پاؤ ں کی چھنگلیا (یعنی چھوٹی انگلی) سے شُروع کر کے ترتیب وار انگو ٹھے سَمیت ناخُن کاٹ لیجئے پھر اُلٹے پاؤ ں کے انگو ٹھے سے شُروع کر کے چھنگلیا سَمیت ناخن کاٹ لیجئے۔^([56])

 

٭… دانت سے ناخن کاٹنا مکروہ ہے اور اس سے برص یعنی کوڑھ کے مرض کا اندیشہ ہے۔^([57])

٭… ناخُن کاٹنے کے بعد ان کو دَفن کر دیجئے اور اگر ان کو پھینک دیں تو بھی حَرَج نہیں ۔

٭… ناخن کا تَراشہ (یعنی کٹے ہوئے ناخن) بیتُ الْخَلا یا غسل خانے میں ڈال دینا مکروہ ہے کہ اس سے بیماری پیدا ہوتی ہے ۔^([58])

٭… بدھ کے دن ناخن نہیں کاٹنے چاہئیں کہ برص یعنی کوڑھ ہوجانے کا اندیشہ ہے البتہ اگر اُنتالیس (39) دن سے نہیں کاٹے تھے، آج بد ھ کو چالیسواں دن ہے اگر آج نہیں کاٹتا توچالیس دن سے زائد ہوجائیں گے تو اس پر واجِب ہوگا کہ آج ہی کے دن کاٹے اس لیے کہ چالیس دن سے زائد ناخن رکھنا ناجائز و مکروہِ تحریمی ہے۔^([59])

٭… ٭… ٭

صبر و تحمل کی اعلٰی مثال

حُجَّۃُ الْاِسلام حضرت سیِّدُنا امام محمد غزالی عَلَیْہِ رَحمَۃُ اللّٰہِ الْوَالِی نقل فرماتے ہیں: کسی شخص نے امیرالمومنین سیِّدُنا عمر بن عبدالعزیز عَلَیْہِ رَحمَۃُ اللّٰہِ الْعَزِیز سے سخت کلامی کی۔ آپ نے سر جھکا لیا اور فرمایا: کیاتم یہ چاہتے ہوکہ مجھے غُصّہ آجائے اور شیطان مجھے تکبراور حکومت کے غُرور میں مبتَلا کرے اور میں تم کو ظلم کا نشانہ بناؤں اوربَروزِ قِیامت تم مجھ سے اِس کا بدلہ لو مجھ سے یہ ہر گز نہیں ہوگا۔ یہ فرما کر خاموش ہوگئے۔   (کیمیائے سعادت ج۲ص۵۹۷انتشارات گنجینہ تہران)

 

٭… گھر میں آنے جانے کے مدنی پھول …٭

٭… گھر میں داخل ہونے سے پہلے یہ دعا پڑھئے:

بِسْمِ اللّٰہِ وَلَجْنَا بِسْمِ اللّٰہِ خَرَجْنَا وَعَلٰی رَبِّنَا تَوَ کَّلْنَا^([60])

تر جمہ :  اللہ عَزَّ وَجَلَّ کے نام سے ہم (گھر میں ) داخل ہوئے اور اللہ عَزَّ وَجَلَّ کے نام سے ہی باہر نکلے اور ہم نے اپنے ربّ پر ہی بھروسہ کیا۔

٭…  نگاہیں نیچی کر کے گھر میں داخل ہوں ۔

٭…  پہلے دایاں پاؤ ں رکھئے۔

٭… گھرمیں داخل ہوں تو پہلے سلام کیجئے ۔

٭… گھر سے باہر جائیں تو بھی سلام کیجئے۔

٭… گھر سے نکلتے وقت پہلے بایاں پاؤ ں باہر نکالئے۔

٭… جب گھر سے باہر نکلیں تو یہ دعا پڑھئے۔

بِسْمِ اللّٰہِ تَوَکَّلْتُ عَلَی اللّٰہِ لَا حَوْلَ وَلَا قُوَّۃَ اِلَّا بِا للّٰہِ^([61])

تر جمہ :  اللہ عَزَّ وَجَلَّ کے نام سے ،میں نے اللہ عَزَّ وَجَلَّ پر بھروسہ کیا۔ اللہ عَزَّ وَجَلَّ کے بغیر نہ طاقت ہے نہ قوَّت۔

٭… ٭… ٭

 

٭… جوتے پہننے کے مدنی پھول …٭

٭… جوتا پہننے سے پہلے جھاڑ لیجئے۔

٭… پھر بِسْمِ اللّٰهِ الرَّحْمٰنِ الرَّحِیْمِ پڑھ کر پہنئے۔

٭… پہلے دائیں پاؤ ں میں پھر بائیں پاؤ ں میں جوتا پہنئے۔

٭…  جو تے کو پہلے بائیں پاؤ ں سے پھر دائیں پاؤ ں سے اتاریئے۔

٭… ایک جو تا پہن کر نہ چلئے ۔دونوں پہن لیجئے یا دونوں اتار دیجئے۔

٭… بیٹھیں تو جوتے اتار لیجئے۔

٭… ٭… ٭

٭… لباس پہننے کے مدنی پھول …٭

٭… سفید لباس ہر لباس سے بہتر ہے۔

٭… پاجا مہ ٹخنوں سے اُوپر رکھئے۔

٭… کپڑے پہنتے وقت دائیں طرف سے شروع کیجئے۔

٭… پہلے کُر تے کی دائیں آستین میں ہا تھ داخل کیجئے پھر بائیں آستین میں ۔

٭… اسی طرح پہلے پاجامے کے دائیں پائنچے میں دایاں پاؤ ں داخل کیجئے پھر بائیں پائنچے میں بایاں ۔

٭… کپڑوں کو اتار تے وقت بائیں طرف سے شروع کیجئے ۔

٭… ٭… ٭

 

٭…  سُرمہ لگانے کے مدنی پھول …٭

’’اِثمد‘‘ کے چار حُرُوف کی نسبت سے سُرمہ لگانے کے 4 مَدَنی پھول

٭… تمام سُرموں میں بہتر سُرمہ ’’اِثمد‘‘ (اِث۔مِد) ہے کہ یہ نگاہ کو روشن کرتا اور پلکیں اُگاتا ہے۔^([62])

٭… پتھّر کا سُرمہ استعمال کرنے میں حرج نہیں اور سیاہ سُرمہ یا کاجل بقصدِ زینت (یعنی زینت کی نیّت سے) مرد کو لگانا مکروہ ہے اور زینت مقصود نہ ہو تو کراہت نہیں ۔ ^([63])

٭… سُرمہ سو تے وقت استِعمال کرنا سنت ہے ۔^([64])

٭… سُرمہ استعمال کرنے کے تین منقول طریقوں کاخلاصہ پیش خدمت ہے:

(۱)کبھی دونوں آنکھوں میں تین تین سَلائیاں ۔

(۲) کبھی دائیں آنکھ میں تین اور بائیں میں دو ۔

(۳)تو کبھی دونوں آنکھوں میں دو دو اور پھر آخِر میں ایک سَلائی باری باری دونوں آنکھوں میں لگایئے ۔ ^([65])

٭… ٭… ٭

٭…   تیل ڈالنے کے مدنی پھول …٭

٭… سر میں تیل ڈالنے سے پہلے بِسْمِ اللّٰهِ الرَّحْمٰنِ الرَّحِیْمِ پڑھیں ۔

٭… شیشی دائیں ہاتھ سے پکڑ کر بائیں ہاتھ میں تیل ڈالئے۔

٭… دائیں ہاتھ کی انگلی سے دائیں اور پھر بائیں طرف کے ابرو پر تیل لگائیے ۔

٭… اس کے بعد دائیں اور پھر بائیں پلک پر۔

٭… پھر بِسْمِ اللّٰهِ الرَّحْمٰنِ الرَّحِیْمِ پڑھ کر سر میں تیل ڈالئے۔

٭… ٭… ٭

٭… کنگھا کرنے کے مدنی پھول …٭

٭… پہلے بِسْمِ اللّٰهِ الرَّحْمٰنِ الرَّحِیْمِ پڑھئے۔

٭… دائیں طرف سے کنگھا کر نا سنت ہے۔^([66])

٭… پہلے دائیں اَبرو پر کنگھا کیجئے پھر بائیں اَبرو پر۔

٭… پھر سر میں دائیں طرف کنگھا کیجئے پھر بائیں طرف۔

٭… ٭… ٭

 

 

٭… بیت الخلا میں آنے جانے کے مدنی پھول …٭

٭…   بیت الخلا میں پہلے اُلٹا پاؤں رکھئے۔ ^([67])

٭… جب تک بیٹھنے کے قریب نہ ہوں کپڑابدن سے نہ ہٹایئے اور نہ ضرورت سے زیادہ کھولئے۔ ^([68])

٭… کھڑے کھڑے پیشاب نہ کیجئے کہ ایسا کرنا مکروہ ہے۔ ^([69])

٭… جس جگہ وضواورغسل کیا جاتا ہے وہاں پیشاب کرنا مکروہ ہے اور اس سے وسوسے بھی آتے ہیں ۔ ^([70])

٭… دودھ پیتے منے یامنی کا پیشاب بھی ایسا ہی ناپاک ہے جیسا کہ بڑوں کا ناپاک ہوتا ہے۔ ^([71])

٭… سیدھے ہاتھ سے استنجا کرنا مکروہ ہے۔ ^([72])

٭… کاغذ سے استنجا کرنا منع ہے اگرچہ اس پرکچھ بھی نہ لکھاہو۔  ^([73])

٭… ٭… ٭

 

مسجد کے آداب

        پیارے مدنی منو! مسجد اللہ عَزَّ وَجَلَّ  کا گھر ہے، اس کی تعظیم بجا لانا سب پر لازم ہے۔

٭… جب بھی مسجد میں داخل ہوں تو لباس، منہ اور بدن پاک و صاف اور خوشبو دار ہو۔

٭… مسجد میں بدبودار لباس، بدن یا منہ یا کسی قسم کی بدبودار چیز لے جانا حرام ہے کیونکہ بدبودار چیزوں سے فرشتوں کو تکلیف ہوتی ہے۔

٭… جب بھی مسجد میں داخل ہوں اعتکاف کی نیت فرما لیجئے۔ جب تک مسجد میں رہیں گے کچھ پڑھیں یانہ پڑھیں ثواب ملتا رہے گا۔

٭… مسجد میں اعتکاف کی نیت کے بغیر کھانا پینا سونا سحری وافطار کرنا منع ہے۔

٭… مسجد میں ہنسنا قبر میں اندھیرا لاتا ہے۔^([74])ضرورتاً مسکرانے میں حرج نہیں ۔

٭… مسجد میں مباح بات کرنا مکروہ اور نیکیوں کو کھا جاتا ہے۔^([75])

٭… مسجد میں کوڑا کرکٹ ہرگز نہ پھینکیں ، مسجد میں اگر معمولی تنکا یا ذرہ پھینکا جائے تو اس سے مسجد کو اس قدر تکلیف ہوتی ہے جس قدر انسان کو آنکھ میں معمولی ذرّہ پڑنے سے ہوتی ہے۔

٭… جوتے اتار کر مسجدمیں لے جانا چاہیں تو گردوغیرہ اچھی طرح جھاڑ لیں اسی طرح پاؤں میں مٹی لگی ہوتو رومال سے صاف کر لیجئے۔^([76])

٭… مسجدمیں دوڑنا یا اتنے زور سے قدم رکھنا جس سے دھمک پیدا ہو منع ہے۔^([77])

 

       پیارے مدنی منو! آدابِ مسجد کا خیال رکھتے ہوئے فضول گفتگو اور مذاق مسخری سے بچئے اور اپنی نیکیوں کو بھی برباد ہونے سے بچائیے کہ دنیا کی جائز بات بھی نیکیوں کو کھا جاتی ہے۔

٭… ٭… ٭

مرشِد کے آداب

فتاویٰ رضویہ شریف سے ( آدابِ مرشد کامل)

کے بارہ حروف کی نسبت سے 12آداب^([78])

٭… مرشد کے حقوق والد کے حقوق سے زائد ہیں ۔

٭… والد جسمانی باپ ہے اور پیر روحانی باپ ہے۔

٭… پیر کی مرضی کے خلاف کوئی بھی کام کرنا مرید کو جائز نہیں ۔

٭… ان کے سامنے ہنسنا منع ہے۔

٭… ان کی اجازت کے بغیر بات کرنا منع ہے۔

٭… جب ان کی مجلس میں حاضر ہوں تو دوسری طرف متوجہ ہونا منع ہے۔

٭… ان کی غیر حاضری میں ان کے بیٹھنے کی جگہ بیٹھنا منع ہے۔

٭… ان کی اولاد کی تعظیم فرض ہے۔

٭… ان کے بچھونے کی تعظیم فرض ہے۔

٭… ان کی چوکھٹ کی تعظیم فرض ہے۔

٭… اپنے جان و مال کو انہیں کا سمجھے۔

٭… ان سے اپنا کوئی حال چھپانے کی اجازت نہیں ۔

٭… ٭… ٭

 

والدین کا ادب  و  احترام

سوال:     اللہ عَزَّ وَجَلَّ نے والدین کے ساتھ کس طرح کے سلوک کا حکم فرمایا ہے؟

جواب:   اللہ عَزَّ وَجَلَّ نے والدین کے ساتھ بھلائی کا حکم فرمایا ہے۔ چنانچہ،

        سورۃُ العنکبوت میں ارشاد فرماتا ہے:

وَ وَصَّیْنَا الْاِنْسَانَ بِوَالِدَیْهِ حُسْنًاؕ       (پ۲۰، العنکبوت:۸)

تر جمہ ٔ کنز الایمان: اور ہم نے آدمی کو تاکید کی اپنے ماں باپ کے ساتھ بھلائی کی۔

سوال:     حدیث ِ پاک کی روشنی میں والدین کے ادب واحترام کی فضیلت بتائیے؟

جواب:    سرکارِ دوعالم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا: ’’جو نیک اولاد اپنے ماں باپ کی طرف محبت بھری نظر سے دیکھتی ہے اس کے لئے اللہ عَزَّ وَجَلَّ ہر نظر کے بدلے میں ایک مقبول حج کا ثواب تحریر فرما دیتا ہے۔^([79])

سوال:     ماں باپ کے لئے کون سی دعا کرتے رہنا چاہیے؟

جواب:    ماں باپ کے لئے یہ دعا کرتے رہنا چاہیے:

رَّبِّ ارْحَمْهُمَا كَمَا رَبَّیٰنِیْ صَغِیْرًاؕ(۲۴) (پ۱۵، بنی اسرائيل:۲۴)

تر جمہ ٔ کنز الایمان: اے میرے ربّ تو ان دونوں پر رحم کر جیسا کہ ان دونوں نے مجھے چھٹپن میں پالا۔

سوال:        ماں باپ سے کس طرح گفتگو کرنی چاہیے؟

جواب:     ماں باپ سے گفتگو کرتے وقت آواز دھیمی اورنظریں نیچی رکھنی چاہئیں ان کی موجودگی میں

 

 اُونچی آواز سے گفتگو نہیں کرنی چاہیے۔

سوال:        ہمیں ماں باپ کا کس طرح خیال رکھنا چاہیے؟

جواب:     ماں باپ بلائیں تو فوراً جواب دینا چاہیے، ان کی بات توجہ سے سننی چاہیے، جس بات کا حکم دیں اس پر عمل کرنا چاہیے اور جس چیز سے منع کریں اس سے رک جانا چاہیے۔

سوال:     ماں باپ کے ہم پر کیا احسانا ت ہیں ؟

جواب:     ماں باپ کے ہم پر بے شمار احسانات ہیں ۔ وہ ہمارے کھانے، پینے، لباس، تعلیم، صحت اور دوسری ضرورتوں کا خیال رکھتے ہیں ، لہٰذا ہمیں بھی ان کا خوب احترام کرناچاہیے۔

٭… ٭… ٭

استاد کا ادب و احترام

        طالب علم کا استاد کے ساتھ انتہائی مقدس رشتہ ہوتاہے لہٰذا طالب علم کو چاہیے کہ استاد کو اپنے حق میں حقیقی باپ سے بڑھ کر خاص جانے کیونکہ والدین اُسے دنیا کی آگ اور مصائب سے بچاتے ہیں جب کہ استاد اُسے نارِ دوزخ اور مصائب ِ آخرت سے بچاتا ہے۔

٭… اگرچہ کسی استاد سے ایک ہی حرف پڑھا ہو اس کی بھی تعظیم بجا لایئے کہ حدیث ِ پاک میں ہے سید عالم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   نے ارشاد فرمایا:’’جس نے کسی آدمی کو قرآن کریم کی ایک آیت پڑھائی وہ اس کا آقا ہے۔‘‘^([80])

٭… استاد کی غیر موجودگی میں بھی ان کا ادب کیجئے، ان کی جگہ پر نہ بیٹھے۔

 

٭… چلتے وقت ان سے آگے نہ بڑھئے۔

٭… استاد سے جھوٹ بولنا باعثِ محرومی ہے لہٰذا استاد سے ہمیشہ سچ بولئے۔

٭… ان سے نگاہ نہ ملائیے بلکہ نگاہ نیچی رکھئے۔

٭… اسی طرح ہر نماز کے بعد اپنے اساتذہ اور والدین کے لئے ہمیشہ دعاکرتے رہئے۔

٭… آپ جہاں پڑھتے ہیں اس مدرسہ کے دیگر اساتذہ جو آپ کو اگرچہ نہیں پڑھاتے ان کا ادب بھی لازم جانئے۔

٭… استاد کی ناشکری سے بچئے کیونکہ یہ ایک خوفناک بلا اور تباہ کن بیماری ہے اور علم کی برکتوں کو ختم کر دیتی ہے۔ چنانچہ حدیثِ پاک میں ہمارے پیارے آقا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   نے ارشاد فرمایا: ’’جس نے لوگوں کا شکریہ ادا نہیں کیا اس نے اللہ عَزَّ وَجَلَّ کا شکر ادا نہیں کیا۔‘‘^([81])

٭… درجے سے باہر آتے جاتے استاد صاحب سے اجازت ضرور لیجئے۔

٭… استاد صاحب آپ کو جو بھی جدول بنا کر دیں اس پر مدرسے اور گھر میں عمل کرکے وقت پر اپنے اسباق سنا کر استاد صاحب کے دل سے دعائیں لیجئے۔

٭… استاد کی سختی کو اپنے لئے باعث ِ رحمت جانئے۔ قولِ مشہور ہے کہ’’جو استاد کی سختیا ں نہیں جھیل سکتا اسے زمانے کی سختیاں جھیلنی پڑتی ہیں ۔‘‘

٭… ٭… ٭

 

اچھے اور برے کام جھوٹ کا بیان

جھوٹ کی تعریف:

       خلافِ واقعہ بات کرنے کو ’’جھوٹ‘‘کہتے ہیں ۔ ^([82])

       ہمارے معاشرے میں جھوٹ اتنا عام ہوچکا ہے کہ اب اسے مَعَاذَ اللہ برائی ہی تصور نہیں کیا جاتا۔ ایسے حالات میں بچوں کا اس سے بچنا بہت دشوار ہے۔ ہمیں چاہیے کہ اپنے بچوں کے ذہن میں بچپن ہی سے جھوٹ کے خلاف نفرت بٹھا دیں تاکہ وہ بڑے ہونے کے بعد بھی سچ بولنے کی عادت کو ہر حال میں اپناکررکھیں ۔

جھوٹ کی سزا:

       اللہ عَزَّ وَجَلَّ کے پیارے حبیب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   نے ارشاد فرمایا: جب بندہ جھوٹ بولتا ہے تو فرشتہ اس کی بدبو سے ایک میل دور ہو جاتا ہے۔ ^([83])

       پیارے مدنی منو! دیکھا آپ نے کہ جھوٹ کی نحوست کتنی برُی ہے اسی طرح جھوٹ کے نقصانات بھی بہت ہیں ۔ چنانچہ،

       مروی ہے کہ حضرت سیدنا عیسیٰ عَلَیْہِ السَّلَام ایک سفر پر جا رہے تھے کہ راستے میں ایک شخص ملا جس نے آپ عَلَیْہِ السَّلَام سے عرض کی: اے اللہ کے نبی! میں آپ کی صحبت میں رہ کر آپ عَلَیْہِ السَّلَام کی

 

 خدمت کرنا اور علم شریعت حاصل کرنا چاہتا ہوں ۔ مجھے بھی اپنے ساتھ سفر کی اجازت عطا فرما دیجئے۔ پس آپ عَلَیْہِ السَّلَام نے اسے اجازت عطا فرما دی اور یوں یہ دونوں ایک ساتھ سفر کرنے لگے۔ چلتے چلتے راستے میں ایک نہر کے کنارے پہنچے تو آپ عَلَیْہِ السَّلَام  نے فرمایا: ’’آؤ کھانا کھا لیں ۔‘‘ دونوں کھانا کھانے لگے، آپ عَلَیْہِ السَّلَام  کے پاس تین روٹیاں تھیں جب دونوں ایک ایک روٹی کھا چکے تو آپ عَلَیْہِ السَّلَام  نہر سے پانی نوش فرمانے لگے۔ پیچھے سے اس شخص نے تیسری روٹی چھپا لی۔ جب آپ عَلَیْہِ السَّلَام پانی پی کر واپس تشریف لائے تو دیکھا کہ تیسری روٹی غائب ہے، آپ عَلَیْہِ السَّلَام  نے اس شخص سے پوچھا: تیسری روٹی کہاں گئی؟ اس نے جھوٹ بولتے ہوئے کہا: مجھے معلوم نہیں ۔ آپ عَلَیْہِ السَّلَام خاموش ہو رہے، پھر تھوڑی دیر بعد آپ عَلَیْہِ السَّلَام  نے فرمایا: آؤ! آگے چلیں ۔

        دورانِ سفر آپ عَلَیْہِ السَّلَام  نے راستے میں ایک ہرنی کو اپنے دو خوبصورت بچوں کے ساتھ کھڑے دیکھا تو ہرنی کے ایک بچے کو اپنی طرف بلایا، وہ آپ عَلَیْہِ السَّلَام  کا حکم پاتے ہی فوراً حاضرِ خدمت ہو گیا۔ آپ عَلَیْہِ السَّلَام  نے اسے ذبح کیا، بھونا اور دونوں نے مل کر اس کا گوشت کھایا۔ گوشت کھانے کے بعد آپ عَلَیْہِ السَّلَام  نے اس کی ہڈیاں ایک جگہ جمع کیں اور فرمایا: قُمْ بِاِذْنِ اللہ۔ یعنی اللہ عَزَّ وَجَلَّ کے حکم سے کھڑا ہو جا۔ تو یکایک ہرنی کا وہ بچہ زندہ ہو گیا اور پھر اپنی ماں کے پاس چلا گیا۔ اس کے بعد آپ عَلَیْہِ السَّلَام  نے اس شخص سے فرمایا: تجھے اس اللہ عَزَّ وَجَلَّ کی قسم جس نے مجھے یہ معجزہ دکھانے کی قدرت عطا کی! سچ سچ بتا وہ تیسری روٹی کہاں گئی؟ وہ بولا: مجھے نہیں معلوم۔ تو آپ عَلَیْہِ السَّلَام  نے فرمایا: چلو آؤ! آگے چلیں ۔

 

       چلتے چلتے ایک دریا پر پہنچے تو آپ عَلَیْہِ السَّلَام  نے اس شخص کا ہاتھ پکڑا اور پانی کے اوپر چلتے ہوئے دریا کے دوسرے کنارے پہنچ گئے۔ اب پھر آپ عَلَیْہِ السَّلَام  نے اس شخص سے فرمایا: تجھے اس اللہ عَزَّ وَجَلَّ کی قسم جس نے مجھے یہ معجزہ دکھانے کی قدرت عطا کی! سچ سچ بتا وہ تیسری روٹی کہاں گئی؟ اس بار بھی اس نے یہی جواب دیا کہ مجھے نہیں معلوم۔ تو آپ عَلَیْہِ السَّلَام  نے فرمایا: آؤ! آگے چلیں ۔

        چلتے چلتے ایک ریگستان میں پہنچ گئے جہاں ہر طرف ریت ریت ہی تھی۔ آپ عَلَیْہِ السَّلَام  نے کچھ ریت جمع کی اور فرمایا: اے ریت! اللہ عَزَّ وَجَلَّ کے حکم سے سونا بن جا۔ تو وہ ریت فوراً سونا بن گئی۔ آپ عَلَیْہِ السَّلَام  نے اس کے تین حصے کیے اور فرمایا: ایک حصہ میرا، دوسرا تیرا اور تیسرا اس کا جس نے وہ روٹی لی۔ یہ سنتے ہی وہ شخص جھٹ بول اُٹھا: وہ روٹی میں نے ہی لی تھی۔یہ معلوم ہونے کے بعد حضرت سیدنا عیسیٰ عَلَیْہِ السَّلَام  نے اس شخص سے فرمایا: یہ سارا سونا تم ہی لے لو۔ بس میرا اور تیرا اتنا ہی ساتھ تھا۔

        اتنا کہنے کے بعد آپ عَلَیْہِ السَّلَام  اس شخص کو وہیں چھوڑ کر آگے روانہ ہو گئے۔ وہ اتنا زیادہ سونا مل جانے پر بہت خوش تھا، جب سارا سونا ایک چادر میں لپیٹ کر واپس گھر کو لوٹنے لگا تو راستے میں اسے دو شخص ملے جنہوں نے اس کے پاس اتنا سونا دیکھ کر اسے قتل کرکے سارا سونا چھین لینے کا ارادہ کر لیا۔ چنانچہ جب وہ اسے قتل کرنے کے ارادے سے آگے بڑھے تو وہ شخص جان بچانے کی خاطر بولا: تم مجھے کیوں قتل کرنا چاہتے ہو؟ اگر سونا لینا چاہتے ہو تو ہم اس کے تین حصے کر لیتے ہیں اور ایک ایک حصہ آپس میں بانٹ لیتے ہیں ۔ وہ دونوں اس پر راضی ہو گئے۔ پھر وہ شخص بولاکہ بہتر یہ ہے کہ ہم میں سے ایک آدمی تھوڑا سا سونا لے کر قریب کے شہر میں جائے اور کھانا خرید لائے تا کہ کھا پی کر سونا تقسیم کریں ۔

 

       پس ان میں سے ایک آدمی شہر پہنچا، کھانا خرید کر واپس ہونے لگا تو اس نے سوچا: بہتر یہ ہے کہ کھانے میں زہر ملا دوں تا کہ وہ دونوں کھا کر مر جائیں اور سارا سونا میں ہی لے لوں ۔ یہ سوچ کر اس نے زہر خرید کر کھانے میں ملا دیا۔ ادھر ان دونوں نے یہ سازش کی کہ جیسے ہی وہ کھانا لے کر آئے گا ہم دونوں مل کر اس کو مار ڈالیں گے اور پھر سارا سونا آدھا آدھا بانٹ لیں گے۔ چنانچہ جب وہ شخص کھانا لیکر آیا تو دونوں اس پر پل پڑے اور اس کو قتل کر دیا۔ اس کے بعد خوشی خوشی کھانا کھانے کے لئے بیٹھے تو زہر نے اپنا کام کر دکھایا اور یہ دونوں بھی تڑپ تڑپ کر ٹھنڈے ہو گئے اور سونا جوں کا توں پڑا رہا۔

        کچھ عرصے کے بعد حضرت سیدنا عیسیٰ عَلَیْہِ السَّلَام  کا واپسی میں وہاں سے گزر ہوا تو کیا دیکھتے ہیں کہ سونا وہیں موجود ہے اور ساتھ میں تین لاشیں بھی پڑی ہیں تو یہ دیکھ کر آپ عَلَیْہِ السَّلَام  نے اپنے ساتھ موجود لوگوں سے فرمایا: ’’دیکھ لو ! دنیا کا یہ حال ہے، پس تم پر لازم ہے کہ اس سے بچتے رہو۔‘‘ ^([84])

        پیارے مدنی منو! دیکھا آپ نے کہ اس شخص کو جھوٹ اور مالِ دنیا کی محبت نے برباد کر دیا اور نہ اسے دولت ملی اور نہ ہی جھوٹ سے کوئی فائدہ ہوا بلکہ جان سے ہاتھ دھونے کے ساتھ ساتھ دنیا و آخرت کا نقصان بھی اٹھانا پڑا۔

نہ مجھ کو آزما دنیا کا مال و زر عطا کر کے

عطا کر اپنا غم اور چشم گریاں یا رسول اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

٭… ٭… ٭

 

 

جھوٹ کے مزید نقصانات ملاحظہ کیجئے:

       حضرت سیدنا بکر بن عبد اللہ رَحْمَۃُ اللّٰہِ تَعَالٰی عَلَیْہ سے مروی ہے کہ ایک شخص کی عادت تھی کہ وہ بادشاہوں کے درباروں میں جاتا اور ان کے سامنے اچھی اچھی باتیں کرتا، بادشاہ خوش ہوکر اسے انعام واکرام سے نوازتے اور اس کی خوب حوصلہ افزائی کرتے۔

        ایک مرتبہ وہ ایک بادشاہ کے دربار میں گیا اور اس سے اجازت چاہی کہ میں کچھ باتیں عرض کرنا چاہتا ہوں ۔ بادشاہ نے اجازت دی اور اسے اپنے سامنے کرسی پر بٹھا دیا اور کہا اب جو کہنا چاہتے ہو کہو۔ اس شخص نے کہاـ: ’’احسان کرنے والے کے ساتھ احسان کر اور جو برائی کرے اس کی برائی کا بدلہ اسے خود ہی مل جائے گا۔‘‘ بادشاہ اس کی یہ بات سن کر بہت خوش ہوا اور اسے انعام و اکرام سے نوازا۔ یہ دیکھ کر بادشاہ کے ایک درباری کو اس شخص سے حسد ہو گیا اور دل ہی دل میں کڑھنے لگا کہ اس عام سے شخص کو بادشاہ کے دربار میں اتنی عزت اور اتنا مقام کیوں حاصل ہو گیا۔ بالآخر وہ حسد کی بیماری سے مجبور ہوکر بادشاہ کے پاس گیا اور بڑے خوشامدانہ انداز میں جھوٹ بولتے ہوئے کہا: ’’بادشاہ سلامت ! ابھی جو شخص آپ کے سامنے گفتگو کر کے گیا ہے اگرچہ اس کی باتیں اچھی ہیں لیکن وہ آپ سے نفرت کرتا ہے اور کہتا ہے کہ بادشاہ کو گندہ دَہنی (یعنی منہ سے بدبو آنے) کا مرض لاحق ہے۔‘‘ بادشاہ نے یہ سن کر پوچھا: تمہارے پاس کیا ثبوت ہے کہ وہ میرے بارے میں ایسا گمان رکھتا ہے؟ وہ حاسد بولا: حضور! اگر آپ کو میری بات پر یقین نہیں آتا تو آپ آزما کر دیکھ لیں اسے اپنے پاس بلائیں جب وہ آپ کے قریب آئے گا تو اپنی ناک پر ہاتھ رکھ لے گا تا کہ اسے آپ کے منہ کی بدبو نہ آئے۔ یہ سن کر بادشاہ نے کہا: تم جاؤ جب تک میں اس معاملہ کی خود تحقیق نہ کر لوں اس کے بارے میں کوئی فیصلہ نہیں کروں گا۔

 

       پس وہ حاسد دربارِ شاہی سے چلا آیا اور اس شخص کے پاس پہنچا اور اسے کھانے کی دعوت دی۔ اُس نے قبول کر لی اور اس کے ساتھ چل دیا۔ حاسد نے اسے جو کھانا کھلایا اس میں بہت زیادہ لہسن ڈال دیا۔ اب اس شخص کے منہ سے لہسن کی بدبو آنے لگی۔ بہرحال وہ دعوت سے فارغ ہوکر اپنے گھر آ گیا۔ ابھی تھوڑی دیر ہی گزری تھی کہ بادشاہ کا قاصد آیا اور اس نے کہا کہ بادشاہ نے آپ کو ابھی دربار میں بلایا ہے۔ وہ قاصد کے ساتھ دربار میں پہنچا۔ بادشاہ نے اسے اپنے سامنے بٹھایا اور کہا ہمیں وہی کلمات سناؤ جو تم سنایا کرتے ہو۔ اس نے کہا: ’’احسان کرنے والے کے ساتھ احسان کر اور جو برائی کرے اس کی برائی کا بدلہ اسے خود ہی مل جائے گا۔‘‘جب اس نے اپنی بات مکمل کر لی تو بادشاہ نے کہا میرے قریب آؤ۔ وہ بادشاہ کے قریب گیا تو اس نے فوراً اپنے منہ پر ہاتھ رکھ لیاتاکہ لہسن کی بدبو سے بادشاہ کو تکلیف نہ ہو۔ جب بادشاہ نے یہ صورتحال دیکھی تو اپنے دل میں کہا کہ اس شخص نے ٹھیک ہی کہا تھا کہ میرے بارے میں یہ شخص گمان رکھتا ہے کہ مجھے گندہ دہنی کی بیماری ہے۔بادشاہ اس شخص کے بارے میں بدگمانی کا شکار ہوگیا اور بلاتحقیق فیصلہ کرلیا کہ اس شخص کو سخت سزا ملنی چاہیے۔ چنانچہ اس نے اپنے گورنر کے نام اس طرح خط لکھا: اے گورنر! جیسے ہی یہ شخص تمہارے پاس میرا خط لے کر پہنچے اسے ذبح کردینا اور اس کی کھال میں بھوسا بھرکے میرے پاس بجھوادینا۔ پھر بادشاہ نے خط پر مہر لگائی اور اس شخص کو دیتے ہوئے کہا یہ خط لے کر فلاں علاقے کے گورنر کے پاس جاؤ۔

        اس بادشاہ کی یہ عادت تھی کہ جب بھی وہ کسی کو کوئی بڑا انعام دینا چاہتا تو کسی گورنر کے نام خط لکھتااور اس شخص کو گورنر کے پاس بھیج دیتا وہاں اسے خوب انعام واکرام سے نوازا جاتا۔ کبھی بھی بادشاہ نے سزا کے لئے کسی کو خط نہیں لکھا تھا۔ آج پہلی بار بادشاہ نے کسی کو سزا دینے کے لئے یہ طریقہ اختیار کیا۔

 

 بہرحال وہ شخص خط لے کر دربار سے نکلا تو وہ حاسد راہ میں منتظر تھا کہ دیکھو کیا ہوتاہے جب اسے آتا دیکھا تو پوچھا کہ کیاہوا ؟ کہاں کا ارادہ ہے ؟ اس نے کہا میں نے بادشاہ کو اپنا کلام سنایا تو اس نے مجھے ایک خط مہر لگاکر دیا اور کہا کہ فلاں گورنر کے پاس یہ خط لے جاؤ اب میں اسی گورنر کے پاس جا رہا ہوں ۔ حاسد کہنے لگا: بھائی! یہ خط مجھے دے دو میں اسے گورنر تک پہنچا دوں گا۔ چنانچہ، اس شریف آدمی نے وہ خط حاسد کے حوالہ کر دیا۔ حاسد خط لے کر خوشی خوشی گورنر کے دربار کی طرف چل پڑا اور راستے میں سوچتا جارہا تھا کہ میری قسمت کتنی اچھی ہے کہ میں نے اس شخص کو بے وقوف بنا کر انعام والاخط لے لیا اب مجھے ہی انعام واکرام سے نوازا جائے گااور میں مالامال ہوجاؤں گا۔انہی سوچوں میں گم حاسد جھومتاجھومتا آگے بڑھ رہا تھا لیکن وہ نہیں جانتاتھا کہ وہ اپنے عبرت ناک انجام کی طرف بڑھ رہاہے۔

        جب وہ گورنر کے پاس پہنچا اور بڑے مؤدبانہ انداز میں بادشاہ کا خط گورنر کو دیا اور گورنر نے جیسے ہی خط پڑھا تو پوچھا: اے شخص! کیا تجھے معلوم ہے کہ اس خط میں بادشاہ نے کیا لکھا ہے؟ اس نے کہا: جناب! یہی لکھا ہوگا کہ مجھے انعام واکرام سے نوازا جائے۔ گورنر نے کہا: اے نادان شخص! اس خط میں مجھے حکم دیا گیا ہے کہ جیسے ہی تم پہنچو میں تمہیں ذبح کر کے تمہاری کھال میں بھوسا بھر کر تمہاری لاش بادشاہ کی طرف روانہ کر دوں ۔ یہ سن کر حاسد کے ہوش اڑ گئے اور وہ کہنے لگا: خدا کی قسم! یہ خط میرے بارے میں نہیں لکھا گیا بلکہ یہ تو فلاں شخص کے متعلق ہے، بے شک آپ بادشاہ کے پاس کسی قاصد کو بھیج کر معلوم کر لیں ۔ گورنر نے اس کی ایک نہ سنی اور کہا: ہمیں کوئی حاجت نہیں کہ ہم بادشاہ سے اس معاملہ کی تصدیق کریں ، بادشاہ کی مہر اس خط پر موجود ہے، لہٰذا ہمیں بادشاہ کے حکم پر عمل کرنا ہی ہو گا۔ اتنا کہنے کے بعد اس نے جلاد کو حکم دیا کہ اس (حاسد) کو ذبح کرکے اس کی کھال اتار لو اور اس میں بھوسا بھردو۔

 

پھر اس کی لاش کو بادشاہ کے پاس بھجوادیا گیا۔

        اِدھر دوسرے دن وہ نیک شخص حسبِ معمول دربار میں گیا اور بادشاہ کے سامنے کھڑے ہو کر وہی کلمات دہرائے کہ ’’احسان کرنے والے کے ساتھ احسان کر اور جو برائی کرے اس کی برائی کا بدلہ اسے خود ہی مل جائے گا۔‘‘ جب بادشاہ نے اسے صحیح و سالم دیکھا تو پوچھا: میں نے تجھے جوخط دیا تھا اس کا کیا ہوا؟ اس نے جواب دیا: میں آپ کا خط لے کر گورنر کے پاس جارہا تھا کہ راستے میں مجھے فلاں شخص ملا اور اس نے مجھ سے کہا کہ یہ خط مجھے دے دو۔ میں نے اسے وہ خط دے دیا اور وہ لے کر گورنر کے پاس چلا گیا۔ بادشاہ نے کہا: اس شخص نے مجھے تمہارے بارے میں بتایا تھا کہ تم میرے متعلق یہ گمان رکھتے ہو کہ میرے منہ سے بدبو آتی ہے، کیا واقعی ایسا ہے؟  اس شخص نے کہا: بادشاہ سلامت! میں نے کبھی بھی آپ کے بارے میں ایسا نہیں سوچا۔ تو بادشاہ نے پوچھا: جب میں نے تجھے اپنے قریب بلایا تھا تو تونے اپنے منہ پر ہاتھ کیوں رکھ لیا تھا؟ اس نے جواب دیا: بادشاہ سلامت! آپ کے دربار میں آنے سے کچھ دیر پہلے اس شخص نے میری دعوت کی تھی اور کھانے میں مجھے بہت زیادہ لہسن کھلا دیا تھا جس کی وجہ سے میرا منہ بدبو دار ہو گیا جب آپ نے مجھے اپنے قریب بلایا تو میں نے یہ گوارا نہ کیا کہ میرے منہ کی بدبو سے بادشاہ سلامت کو تکلیف پہنچے، اسی لئے میں نے منہ پر اپنا ہاتھ رکھ لیا تھا۔

        جب بادشاہ نے یہ سنا تو کہا: اے خوش نصیب! تو نے بالکل ٹھیک کہا تیری یہ بات بالکل سچی ہے کہ جو کسی کے ساتھ برائی کرتاہے اسے عنقریب اسکی برائی کا بدلہ مل جائے گا۔ اس شخص نے تیرے ساتھ برائی کا ارادہ کیا اور جھوٹ بولا اور تجھے سزا دلوانا چاہی لیکن اسے اپنے جھوٹ بولنے کا صلہ خود ہی مل گیا۔ سچ ہے کہ جو کسی کے لئے گڑھا کھودتاہے وہ خود ہی اس میں جا

 

 گرتاہے۔ اے نیک شخص! میرے سامنے بیٹھ اور اپنی اس بات کو دہرا۔ چنانچہ وہ شخص بادشاہ کے سامنے بیٹھا اور کہنے لگا: ’’احسان کرنے والے کے ساتھ احسان کر اور جو برائی کرے اس کی برائی کا بدلہ اسے خود ہی مل جائے گا۔‘‘

        پیارے مدنی مُنّو!

٭…  جو کسی پر احسان کرتا ہے اس پر بھی احسان کیا جاتا ہے اور جو کسی کے لئے بر ُا چاہتا ہے اس کے ساتھ بر ُا ہی معاملہ ہوتا ہے۔

        ٭…  جو جھوٹ بول کردوسروں کی تباہی وبربادی چاہتاہے وہ خود تباہ وبرباد ہو جاتا ہے۔

        ٭…  اچھے کام کااچھا نتیجہ اور بر ُے کام کا برا نتیجہ۔

        ٭…  جیسی کرنی ویسی بھرنی۔

اللہ عَزَّ وَجَلَّ ہمیں جھوٹ جیسی بیماری سے محفوظ فرمائے!

آمین بجاہ النبی الامین صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم     

دیکھے ہیں یہ دن اپنی ہی غفلت کی بدولت

سچ ہے کہ برُے کام کا انجام برا ہے

        اللہ عَزَّ وَجَلَّ کا ارشادِ گرامی ہے:

بَلْ نَقْذِفُ بِالْحَقِّ عَلَى الْبَاطِلِ فَیَدْمَغُهٗ (پ۱۷، الانبياء: ۱۸)

تر جمہ ٔ کنز الایمان:  بلکہ ہم حق کو باطل پر پھینک مارتے ہیں تو وہ اس کا بھیجہ  نکال دیتا ہے۔

٭… ٭… ٭

 

سچ کی برکت

                پیارے مدنی منو! ایک کم سن لڑکے نے اپنی ماں کی خدمت میں حاضرہو کر عرض کی: ’’اے میری پیاری امی جان! مجھے رِضائے ربُّ الانام کے لئے راہِ خدامیں وقف کر دیجئے اور مجھے بغداد شریف جا کر علم ِ دین حاصل کرنے اور اللہ عَزَّ وَجَلَّ  کے نیک بندوں کی خدمت میں حاضر ہو کر ان کا فیضان حاصل کرنے کی اجازت عطا فرمایئے۔‘‘ تو اس کم سن لڑکے کی والدہ ماجدہ نے اللہ عَزَّ وَجَلَّ  کی مشیت و رضا پر لبیک کہا اور راہِ خدا کے اس ننھے مسافر کے لئے زادِ راہ تیار کرنا شروع کر دیا اور چالیس دینار اپنے لخت ِ جگر کی قمیص کے اندر سی دیئے۔ پھر سفر پر روانہ ہونے سے پہلے اپنے لخت ِ جگر سے وعدہ لیا کہ ہمیشہ اور ہر حال میں سچ بولنا، پھر اس عظیم ماں نے رضائےالہی کے حصول کی خاطر اپنے بیٹے کو یہ کہتے  ہوئے الوداع کہا: ’’جاؤ! میں نے تمہیں راہِ خدا میں ہمیشہ کے لئے  وقف کر دیا، اب میں یہ چہرہ قیامت سے پہلے نہ دیکھوں گی۔‘‘

        پس راہِ خدا کا یہ ننھا مسافر علم ِ دین حاصل کرنے کے جذبے سے سرشار اور اولیائے کرام رَحِمَہُمُ اللّٰہُ السَّلَام کی محبت کو سینے سے لگائےایک قافلے کے ہمراہ سوئے بغداد چل پڑا، راستے میں ساٹھ ڈاکو قافلہ کا راستہ روک کر لوٹ مار کرنے لگے، انہوں نے کسی کو بھی نہ چھوڑا اور ہر ایک سے اس کا مال واسباب چھین لیا مگر اس کم سن لڑکے کو کم عمر جانتے ہوئے کسی نے کچھ بھی نہ کہا، پھر ایک ڈاکو نے پاس سے گزرتے ہوئے ویسے ہی پوچھا: اے کم سن لڑکے! کیا تمہارے پاس بھی کچھ ہے؟ کم سن لڑکے نے بے دھڑک جواب دیا: جی ہاں ! میرے پاس چالیس دینار ہیں ۔ ڈاکو نے مذاق سمجھا اور آگے چل دیا۔ اسی طرح ایک اور ڈاکونے

 

 بھی اس کم سن لڑکے کے پاس سے گزرتے ہوئے پوچھا تو اسے بھی کم سن لڑکے نے یہی جواب دیا کہ میرے پاس چالیس دینار ہیں۔ جب یہ دونوں ڈاکو اپنے سردار کے پاس گئے تو اسے بتایا کہ قافلہ میں ایک ایسا نڈر کم سن لڑکا ہے جو اس حال میں بھی مذاق کر رہا ہے۔

        سردار نے کم سن لڑکے کو بلانے کا کہا، وہ آیا تو اس نے پوچھنے پر اب بھی وہی جواب دیا جو پہلے دیا تھا۔ سردار نے تلاشی لی تو واقعی چالیس دینار مل گئے۔ کم سن لڑکے کے اس سچ بولنے پر سب حیران ہوئے اور اس سے سچ بولنے کا سبب پوچھا تو کم سن لڑکے نے جواب دیا کہ میری ماں نے گھر سے نکلتے ہوئے وعدہ لیا تھا کہ ہمیشہ اور ہر حال میں سچ بولنا، کبھی جھوٹ نہ بولنا اور میں اپنی ماں سے کئے ہوئے وعدے کو نہیں توڑ سکتا۔ ڈاکوؤں کا سردار کم سن لڑکے کی یہ بات سن کر رونے لگا اور کہنے لگا: ہائے افسوس! صد افسوس! یہ کم سن لڑکا اپنی ماں سے کیا ہوا وعدہ اس طرح پورا کر رہا ہے اور ایک میں ہوں کہ کئی سالوں سے اپنے ربّ عَزَّ وَجَلَّ  سے کئے گئے وعدے کی خلاف ورزی کر رہا ہوں ۔پس اس سردار نے روتے ہوئے راہِ خدا کے اس ننھے مسافر کے ہاتھ پر توبہ کر لی اور اس کے باقی ساتھی بھی یہ کہتے  ہوئے تائب ہو گئے کہ اے سردار! جب برائی کی راہ پر تو ہمارا سردار تھا تو اب نیکی کی راہ پر بھی تو ہی ہمارا رہنما ہو گا۔ ^([85])

                        پیارے مدنی منو! کیا آپ جانتے ہیں کہ راہِ خدا کا یہ ننھا مسافر کون تھا؟ یہ کوئی اور نہیں بلکہ ہمارے پیارے پیارے مرشد، حضور غوثِ پاک، شیخ سید عبد القادر جیلانی قُدِّسَ سِرُّہُ النّوْرَانِی تھے۔ جنہوں نے ابھی راہِ خدا میں سفر کا آغاز ہی کیا تھا کہ اس ننھی سی عمر میں

 

 صرف ماں سے کئے ہوئے وعدے کی لاج نبھانے کی برکت سے ساٹھ ڈاکوؤں نے آپ کے ہاتھ پر توبہ کر لی ۔ تو ذرا سوچئے: اگر بندہ اپنے ربّ عَزَّ وَجَلَّ سے کئے ہوئے وعدے کی پاسداری کرنے لگے تو کس مرتبہ پر فائز ہو گا۔ پس یہی وجہ ہے کہ ماں سے جو وعدہ کر کے آئے تھے کہ ہمیشہ سچ بولیں گے اور سچ ہی کا بول بالا کریں گے اس سچ کی برکت سے جب آپ کا شہرہ عام ہوا تو ہزاروں نہیں بلکہ لاکھوں راہِ حق سے بھٹکے ہوئے لوگ راہِ راست پر آ گئے اور ہر چھوٹے بڑے نے نہ صرف آپ کی ولایت کا اعتراف کیا بلکہ آپ کو اپنے سر کا تاج بھی سمجھا۔

وہاں سر جھکاتے ہیں سب اونچے اونچے

جہاں ہے ترا نقشِ پا غوثِ اعظم

٭… ٭… ٭

جھوٹ اور خدا کی ناراضی:

       پیارے مدنی منو! جھوٹ کے بے شمار نقصانات میں سے ایک نقصان یہ بھی ہے کہ جھوٹ بولنے سے اللہ عَزَّ وَجَلَّ  ناراض ہو جاتا ہے۔ جیسا کہ فرمانِ باری تعالیٰ ہے:

              لَّعْنَتَ اللّٰهِ عَلَى الْكٰذِبِیْنَ(۶۱) (پ۳، ال عمران:۶۱)

تر جمہ : جھوٹوں پر اللہ  کی لعنت ۔

       ایک بزرگ نے حضرت سیدنا حسن بصری عَلَیْہِ رَحمَۃُ اللّٰہِ الْقَوِی سے ارشاد فرمایا: اے ابو سعید! میں نے رحیم وکریم پروردگار کی نافرمانی کی تو اس نے مجھے بیماری میں مبتلا کر دیا۔ میں نے شفا طلب کی تو اس

 

 نے شفا عطا فرمائی۔ میں نے پھر نافرمانی کی تو دوبارہ بیماری میں مبتلا ہو گیا۔ پھر گناہوں کی معافی طلب کی اور صحت یابی کی دعا مانگی۔ اس پاک پروردگار نے مجھے شفا عطا فرما دی۔ میں اسی طرح گناہ کرتا رہا اور وہ معاف کرتا رہا۔ پانچویں مرتبہ بیمار ہوا تو میں نے اس مرتبہ پھر اللہ عَزَّ وَجَلَّ سے گناہوں کی معافی طلب کی اور صحت یابی کے لئے عرض کی تو اپنے گھر کے کونے سے یہ غیبی آواز سنی: ’’تیری دعا ومناجات قبول نہیں ہم نے تجھے کئی مرتبہ آزمایا مگر ہر بار تجھے جھوٹا پایا۔‘‘^([86])

جھوٹ نفاق کی علامت ہے:

        نور کے پیکر، تمام نبیوں کے سرور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   کا فرمانِ عبرت نشان ہے:

         منافق کی تین علامتیں ہیں :

                (1)… جب بات کرے تو جھوٹ بولے۔

                (2)… جب وعدہ کرے تو پورا نہ کرے۔

                (3)… جب اس کے پاس امانت رکھی جائے تو خیانت کرے۔

        اگرچہ وہ نماز پڑھتاہو، روزے رکھتاہو اور اپنے آپ کو مسلمان سمجھتا ہو۔^([87])

                                                مُفَسِّرِ شَہِیر، حکیم الامت مفتی احمد یار خان عَلَیْہِ رَحْمَۃُ الْحَنَّان  ایک جگہ فرماتے ہیں کہ ’’جھوٹ تمام گناہوں کی جڑ ہے۔‘‘ ^([88])

٭… ٭… ٭

 

گالی دینے کی سزا

                                                اللہ عَزَّ وَجَلَّ قرآنِ مجید میں ارشاد فرماتاہے :

قَدْ اَفْلَحَ الْمُؤْمِنُوْنَۙ(۱) الَّذِیْنَ هُمْ فِیْ صَلَاتِهِمْ خٰشِعُوْنَ وَ الَّذِیْنَ هُمْ عَنِ اللَّغْوِ مُعْرِضُوْنَۙ(۳) (پ۱۸، المومنون:۱ تا ۳)

تر جمہ ٔ کنز الایمان: بے شک مراد کو پہنچے ایمان والے جو اپنی نماز میں گڑگڑاتے ہیں اور وہ جو کسی بے ہودہ بات کی طرف التفات نہیں کرتے ۔

        پیارے مدنی منو! دیکھاآپ نے ! اللہ عَزَّ وَجَلَّ اچھی باتیں کرنے والوں کو پسند فرماتا ہے اور بری باتیں کرنے والوں کو پسند نہیں فرماتا، مگر بد قسمتی سے آج کل گالی گلوچ اور گندی باتیں بہت زیادہ عام ہو چکی ہیں ، بچہ ہو یا بڑا، مرد ہو یا عورت اس بری عادت میں مبتلا نظر آتا ہے۔ بلکہ اب تو گالیاں دینا لوگوں کا تکیہ کلام بن گیا ہے کہ بات بات پر گالی دی جاتی ہے اور آہ! اب تو لوگوں کے ضمیر اس قدر مردہ ہوچکے ہیں کہ وہ ایک دوسرے کو گندی گندی گالیاں دیتے ہوئے ہنستے ہیں اور اسی طرح غصہ کے وقت بھی گالی گلوچ کرنا عام ہو گیا ہے۔ یعنی اب تو وہ دَور آگیا کہ ہنسی مذاق میں بھی گالیاں بکی جاتی ہیں اور غصہ کے وقت بھی۔

        پیارے مدنی منو! گالی دینا بہت بری بات ہے کیا آپ میں سے کوئی یہ جراءت کرے گا کہ اپنے پیر ، استاد  یا والد یا کسی معزز شخص کے سامنے گالی بکے، ہرگز نہیں ! تو ذرا سوچئے کہ ہمارا معزز ترین پروردگار عَزَّ وَجَلَّ  ہمیں ہر آن دیکھ رہا ہے اور ہماری باتیں بھی سن رہا ہے بلکہ وہ تو ہم سے ہماری شہ رگ سے بھی زیادہ قریب ہے تو پھر گالیاں بکنے اور گندی باتیں کرتے وقت ہمیں یہ احساس کیوں نہیں رہتا۔ چنانچہ،

 

       حضرت سیدنا بشر حافی عَلَیْہِ رَحمَۃُ اللّٰہِ الْکَافِی  نہایت کم گفتگو کرتے اور اپنے دوستوں کو فرماتے: تم غور کرو کہ اپنے اعمال ناموں میں کیا لکھوا رہے ہو؟ کیونکہ وہ تمہارے ربّ عَزَّ وَجَلَّ  کے سامنے پیش ہوں گے تو جو شخص بری باتیں کرتاہے اس پر افسوس ہے۔ اگر اپنے دوست کو کچھ لکھواتے ہوئے کبھی اس میں برے الفاظ لکھواؤ تو یہ اس کے ساتھ تمہاری بے حیائی تصور ہوگی پھر اللہ عَزَّ وَجَلَّ کے ساتھ تمہارا کیا برتاؤ ہے؟

        پیارے مدنی منو! گالیاں دیتے وقت ہمیں اس بات کا احساس نہیں ہوتا کہ اللہ عَزَّ وَجَلَّ کے معصوم فرشتے ہماری ہر بات لکھ رہے ہیں تو جب ہماری زبان سے نکلی ہوئی گالیاں اور بے شرمی و بے حیائی کی باتیں انہیں لکھنا پڑتی ہوں گی تو انہیں کس قدر تکلیف ہوتی ہو گی جیسا کہ حضرت سیدنا امام حسن بصری عَلَیْہِ رَحمَۃُ اللّٰہِ الْقَوِی فرماتے ہیں کہ انسان پر تعجب ہے کہ کراماً کاتبین اس کے پاس ہیں اور اس کی زبان ان کا قلم اور اس کا لعاب ان کی سیاہی ہے، پھر بھی بے ہودہ کلام کرتا ہے۔^([89])

        پیارے مدنی منو! اللہ عَزَّ وَجَلَّ کے قہر وغضب سے ہردم پناہ مانگتے رہئے اور ایسی باتوں سے مکمل پرہیز کیجئے جن سے اللہ عَزَّ وَجَلَّ ناراض ہوتا ہے۔ ہمیشہ اچھی اچھی باتیں کیجئے کیونکہ مدینے کے تاجدار، شافع ِ روزِ شمار، نبیوں کے سردار صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   کا ارشادِ خوشبو دار ہے: ’’بلاشبہ بندہ کبھی اللہ عَزَّ وَجَلَّ  کی پسند کا کوئی ایسا کلمہ کہہ دیتا ہے کہ جس کی طرف اس کا دھیان بھی نہیں ہوتا اور اس کی وجہ سے اللہ عَزَّ وَجَلَّ  اس کے بہت سے درجات بلند فرما دیتا ہے اور بلا شبہ بندہ کبھی اللہ عَزَّ وَجَلَّ کی نافرمانی کا کوئی ایسا کلمہ کہہ گزرتا ہے کہ اس کی طرف اس کو دھیان بھی نہیں ہوتا اور اس کی وجہ سے دوزخ میں گرتا چلا جاتاہے۔‘‘ ^([90])

        پیارے مدنی منو! ہمیں اپنی زبان کو قابو میں رکھنا چاہیے، گالی گلوچ، بے حیائی وبے

 

شرمی کی باتوں سے گریز کرنا چاہیے تاکہ آخرت میں ہم نجات پا جائیں ۔ جیسا کہ حضرت سیدنا عقبہ بن عامر رَضِیَ اللّٰہُ تَعَالٰی عَنْہ سے روایت ہے، فرماتے ہیں : میں بارگاہِ رسالت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   میں حاضر ہوا اور عرض کی کہ نجات کیا ہے؟ ارشاد فرمایا: اپنی زبان پر قابو رکھو اور تمہارا گھر تمہارے لئے گنجائش رکھے (یعنی بے کار ادھر ادھر نہ جاؤ) اور اپنی خطا پر رویا کرو۔ ^([91])

پیارے مدنی منو! آئیے اب گالی دینے کی شرعی حیثیت کے متعلق کچھ جانتے ہیں :

سوال:     اللہ عَزَّ وَجَلَّ  کے نزدیک گالیاں دینے والے کی کیا حیثیت ہے؟

جواب:     اللہ عَزَّ وَجَلَّ  گالیاں دینے والے کو ناپسند فرماتاہے اور اپنا دشمن جانتاہے ۔

سوال:   سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   نے گالی دینے والے کے بارے میں کیا ارشاد فرمایاہے؟

جواب:     سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   نے ارشاد فرمایا: ’’فحش گوئی (یعنی گالی گلوچ و بے ہودہ باتیں ) کرنے والے پر جنت حرام ہے۔‘‘^([92])

سوال:   بزرگانِ دین کو جب کوئی گالی دیتا تو وہ اس کے ساتھ کیا سلوک کرتے تھے؟

جواب:      بزرگانِ دین کو جب کوئی گالیاں دیتا تو وہ غصہ نہ کرتے بلکہ اس کے لئے دعائے خیر فرماتے اور حسن اخلاق کا مظاہرہ کرتے۔

        پیارے مدنی منو! بد قسمتی سے آج کل ہمارا معاملہ بالکل الٹ نظرآتاہے آج اگر ہمیں کوئی برا بھلا کہہ دے تو ہم غصے سے لال پیلے ہو جاتے ہیں اور خوب اَول فول بکتے ہیں بلکہ بسا اوقات نوبت لڑائی جھگڑے تک جا پہنچتی ہے۔ اے کاش! ان بزرگانِ دین کے طفیل ہم سراپا اخلاق

 

بن جائیں اپنی ذات کے لئے غصہ کرنے اور گالیاں دینے کی عادت ختم ہوجائے اور ہمیشہ نرمی سے کام لیں کیوں کہ   ؎

ہے فلاح و کامرانی نرمی و آسانی میں

ہر بنا کام بگڑ جاتاہے نادانی میں

سوال:     گالی دینے کا شرعی حکم کیا ہے؟

جواب:      گالی دینا ناجائز وگناہ ہے ۔

سوال:     لڑائی جھگڑے میں گالیاں دینا کیساہے؟

جواب:     لڑائی جھگڑے میں گالیاں دینا منافق کی علامت ہے ۔

سوال:     بعض بچے جب آپس میں لڑپڑیں تو ایک دوسرے پر لعنت بھیجتے ہیں اس کے متعلق کیا حکم ہے؟

جواب:     اوّل تو لڑنا جھگڑنا بہت بری بات ہے اور پھر کسی مسلمان پر لعنت بھیجنا ناجائز وگناہ ہے حدیث پاک میں ہے کہ مومن پر لعنت بھیجنا، اسے قتل کرنے کی طرح ہے۔^([93])

سوال:     کیا گالیاں دینے، بے حیائی وبے شرمی کی باتیں کرنے سے دل سخت ہوجاتاہے؟

جواب:      جی ہاں ! گالیاں بکنے، بے حیائی و بے شرمی کی باتیں کرنے سے دل سخت ہوجاتاہے اور بدن سست رہتاہے، نیز رزق میں تنگی ہوتی ہے۔

سوال:     بعض لوگ زمانے کو برابھلا کہتے  ہیں اس کے بارے میں کیا حکم ہے؟

جواب:      زمانے کو برا کہنا ایسا ہے جیسے اللہ عَزَّ وَجَلَّ  کو برا کہنا۔ لہٰذا زمانے کو برا نہیں کہنا چاہیے۔

٭… ٭… ٭

نعت شریف

قسمت میری چمکائیے

قسمت میری چمکائیے چمکائیے آقا         مجھ کو بھی درِ پاک پہ بلوائیے آقا

سینے میں ہو کعبہ تو بسے دل میں مدینہ             آنکھوں میں میری آپ سما جائیے آقا

بے تاب ہوں بے چین ہوں دیدار کی خاطر          تڑپائیں نہ اب خواب میں آجائیے آقا

ہر سمت سے آفات و بلیات نے گھیرا         مجبور کی امداد کو اب آئیے آقا

سکرات کا عالَم ہے شہا دم ہے لبوں پر            تشریف سرہانے مرے اب لائیے آقا

وحشت ہے اندھیرا ہے میری قبر کے اندر       آکر ذرا روشن اسے فرمائیے آقا

مجرم کو لیے جاتے ہیں اب سوئے جہنم           لِلّٰہ ! شفاعت مری فرمائیے آقا

عطّارؔ پر ہو بہرِ رضا اتنی عنایت

ویرانۂ دل آکے بسا جائیے آقا

٭… ٭… ٭

 

مَدَنی ماہ

مبارک اسلامی مہینے

(1)… محرمُ الحرام :

                                                محرم الحرام اسلامی سال کا پہلا مہینہ ہے اور اس ماہِ مبارک کو بہت سی نسبتیں حاصل ہیں اس ماہ کی دس تاریخ کو یوم عاشورہ کہتے  ہیں ۔ یہ دن نواسۂ رسول، مظلومِ کربلا، امام عالی مقام سیدنا امام حسین رَضِیَ اللّٰہُ تَعَالٰی عَنْہ  کا یوم شہادت ہے۔ آپ رَضِیَ اللّٰہُ تَعَالٰی عَنْہ  کو 10محرم الحرام  61ھ؁ کو میدانِ کربلا میں آپ کے رفقا سمیت شہید کر دیا گیا۔ دنیا بھر میں عاشقانِ رسول شبِ عاشورہ کو آپ رَضِیَ اللّٰہُ تَعَالٰی عَنْہ  کے ایصالِ ثواب کے لئے اجتماعِ ذکرونعت کا انعقاد کرتے ہیں اور نیاز وغیرہ کا بھی اہتمام کرتے ہیں ۔

٭… ٭… ٭

(2)… صفر المظفر:

        25 صفر المظفر کو عاشقانِ رسول دنیا بھر میں عقیدت و احترام سے سرکارِ اعلیٰ حضرت، امام اہلسنّت، مجدّدِ دین و ملت، امام احمد رضا خان عَلَیْہِ رَحمَۃُ الرَّحْمٰن کا عرس مناتے ہیں ۔اور 28 تاریخ کو حضرت سیدنا مجدد الف ثانی قُدِّسَ  سِرُّہُ النّوْرَانِی کا عرس منایا جاتا ہے۔

٭… ٭… ٭

(3)… رَبیع الاوّل (ربیع النور):

                                                اَلْحَمْدُ لِلّٰہ عَزَّ وَجَلَّ 12ربیع الاوّل کو سرکارِ مدینہ، قرارِ قلب و سینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   اس دنیا میں جلوہ گر ہوئے، دنیا بھرمیں عاشقانِ

 

رسول اس دن مدنی جلوس میں شرکت کرتے ہیں اور بارہویں شب اجتماعِ میلاد میں شرکت کر کے صبح صادق کے وقت صبح بہاراں کا اشکبار آنکھوں سے استقبال کرتے ہیں ۔

٭… ٭… ٭

(4)… رَبیع الثانی (رَبیع الغوث) :

                                                اس مبارک مہینے کو سرکارِ بغداد، حضور غوثِ پاک سیدنا عبدالقادر جیلانی رَضِیَ اللّٰہُ تَعَالٰی عَنْہ سے نسبت حاصل ہے۔ 11ویں شب کو عاشقانِ رسول سیدنا غوثِ پاک رَضِیَ اللّٰہُ تَعَالٰی عَنْہ کے ایصالِ ثواب اور لنگر غوثیہ کا اہتمام فرماتے ہیں ۔ سرکارِ بغداد رَضِیَ اللّٰہُ تَعَالٰی عَنْہ کا مزارِ مبارک بغدادِ معلّی (عراق) میں واقع ہے۔

٭… ٭… ٭

(5)… جمادی الاولٰی:

                                                7جمادی الاولیٰ کو عاشقانِ رسول حضرت سیدنا شاہ رکن عالم عَلَیْہِ رَحمَۃُ اللّٰہِ الْاَکْرَم  کا اور 17کو شہزادۂ اعلیٰ حضرت حضرت سیدنا حامد رضا خان عَلَیْہِ رَحمَۃُ اللّٰہِ الْحَنَّان کا عرس مبارک انتہائی عقیدت و احترام سے مناتے ہیں ۔  

٭… ٭… ٭

(6)… جمادی الاخریٰ:

                                                22جمادی الاخریٰ کو عاشق اکبر امیر المومنین حضرت سیدنا صدیق اکبر رَضِیَ اللّٰہُ تَعَالٰی عَنْہ نے اس جہانِ فانی سے کوچ فرمایا، اس دن عاشقانِ رسول آپ رَضِیَ اللّٰہُ تَعَالٰی عَنْہ کی یاد میں ایصالِ ثواب کا خوب اہتمام فرماتے ہیں ۔

 

(7)… رَجب المرجب:

                                                رجب المرجب کی 27ویں شب کو ہمارے پیارے آقا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم    آسمانوں کی سیر کو تشریف لے گئے اور اپنے ربّ عَزَّ وَجَلَّ کا بھی سر کی آنکھوں سے دیدار کیا۔ اس شب کو شب معراج کہتے  ہیں اور یہ انتہائی مقدس رات ہے۔

٭… ٭… ٭

(8)… شعبان المعظم :

                                                شعبان المعظم کے بارے میں مکی مدنی سرکار صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا کہ یہ میرا مہینہ ہے اس مبارک ماہ کی 15 ویں شب کو شب براءت کہتے  ہیں ۔ اللہ عَزَّ وَجَلَّ  اس شب میں تجلی فرماتاہے اور جو توبہ کرتے ہیں ان کو بخش دیتا ہے اور جو رحمت طلب کرتے ہیں ان پر رحم فرماتا ہے لہٰذا اس شب آتش بازی و دیگر حرام کاموں سے بچنا چاہئے اور خوب عبادت کر کے اپنے ربّ کو راضی کرنا چاہئے۔

(9)… رمضان المبارک :

                                                رمضان المبارک کو اللہ کا مہینہ کہا جاتا ہے اور اس میں روزے رکھے جاتے ہیں ۔ ماہِ رمضان کے فیضان کے کیا کہنے! اس کی تو ہر گھڑی رحمت بھری ہے۔ اس مہینے میں اجر و ثواب بہت ہی بڑھ جاتا ہے ۔ نفل کا ثواب فرض کے برابر اور فرض کا ثواب 70 گنا کر دیا جاتا ہے بلکہ اس مہینے میں تو روزہ دار کا سونا بھی عبادت میں شمار کیا جاتا ہے۔

 

(10)… شوالُ المکرم:

                        یکم شوال المکرم کو دنیا بھر میں عاشقانِ رسول عیدالفطر مناتے ہیں۔ اس دن کے بہت سے فضائل ہیں ، لہٰذا اس دن کو غفلت میں گزارنے کے بجائے عبادت میں گزارنا چاہیے۔

٭… ٭… ٭

(11)… ذو القعدۃ الحرام :

                        ذو القعدۃ الحرام کی 20 تا ریخ کو عاشقانِ رسول باب المدینہ کراچی میں حضرت سیدنا عبد  اللہ   شاہ غازی رَحْمَۃُ اللّٰہِ تَعَالٰی عَلَیْہ کا عرس مبارک بڑے اہتمام سے مناتے ہیں ۔ اور 29 تاریخ کو اعلیٰ حضرت کے والد ماجد حضرت سیدنا مولانا نقی علی خان عَلَیْہِ رَحمَۃُ الرَّحْمٰن کے عرس مبارک کی تقریبات دنیا بھر میں منعقد کی جاتی ہیں ۔   

٭… ٭… ٭

(12)… ذُو الحجۃ الحرام:

       10 ذوالحجۃ الحرام کو عید الاضحی مذہبی جو ش و جذبے سے منائی جاتی ہے، اس موقع پر عاشقانِ رسول قربانی کا اہتمام بھی کرتے ہیں نیز حج جیسا اہم فریضہ بھی اسی ماہِ مبارک میں ادا کیا جاتا ہے۔

٭… ٭… ٭

 

دعوتِ اسلامی

بانیٔ دعوتِ اسلامی امیرِ اہلسنت دَامَتْ بَرَکَاتُہُمُ الْعَالِیَہ 

       اس پرفتن دور (یعنی پندرھویں صدی ہجری) میں کہ جب دنیا بھر میں گناہوں کی یلغار مسلمانوں کی اکثریت کو بے عمل بنا چکی تھی، مسجدیں ویران اور گناہوں کے اڈے آباد ہوئے چلے جا رہے تھے ان نازک حالات میں اللہ عَزَّ وَجَلَّ  نے اپنے ایک ولی ٔ کامل کو پیارے آقا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی دکھیاری اُمت کی اصلاح کے لئے منتخب فرمایا جنہیں دنیا امیر اہل سنّت دَامَتْ بَرَکَاتُہُمُ الْعَالِیَہ  کے نام سے پکارتی ہے۔

آپ کی حیاتِ مبارکہ کی چند جھلکیاں

سوال: شیخ ِ طریقت، امیر ِ اہل سنّت دَامَتْ بَرَکَاتُہُمُ الْعَالِیَہ  کا نام مبارک کیا ہے؟

جواب:آپ کا نام مبارک ’’محمد‘‘ اور عرفی نام ’’الیاس‘‘ ہے آپ کی کنیت ’’ابوبلال‘‘ اور تخلص ’’عطّار‘‘ ہے چنانچہ مکمل نام اس طرح ہے: ’’ابو بلال محمد الیاس عطّار‘‘ قادری رضوی ضیائی  دَامَتْ بَرَکَاتُہُمُ الْعَالِیَہ۔

سوال:   شیخ ِ طریقت، امیر ِ اہل سنّت دَامَتْ بَرَکَاتُہُمُ الْعَالِیَہ  کی ولادتِ باسعادت کب ،کہاں اور کس دن ہوئی؟

جواب: 26ر مضان المبارک  1369ھ بمطابق 12 جولائی  1950ء بروز بدھ ،پاکستا ن كے

 

 مشہورشہرباب المدینہ کراچی میں نمازِ مغرب سے کچھ دیر قبل ہوئی۔

سوال: شیخ ِ طریقت، امیر ِ اہل سنّت دَامَتْ بَرَکَاتُہُمُ الْعَالِیَہ  کے والد صاحب کا نام کیا ہے؟جواب: شیخِ طریقت، امیرِ اہل سنّت دَامَتْ بَرَکَاتُہُمُ الْعَالِیَہ  کے والد بزرگوار کا مبارک نام حاجی عبدالرحمن قادری عَلَیْہِ رَحمَۃُ اللّٰہِ الْقَوِی ہے جو کہ ایک بہت پرہیز گار انسان تھے۔

سوال:شیخِ طریقت، امیرِ اہل سنّت دَامَتْ بَرَکَاتُہُمُ الْعَالِیَہ  کی والدہ ماجدہ کا نام کیا ہے؟

جواب:شیخِ طریقت، امیرِ اہل سنّت دَامَتْ بَرَکَاتُہُمُ الْعَالِیَہ  کی والدہ ماجدہ کا نام امینہ رَحْمَۃُ اللّٰہِ تَعَالٰی عَلَیْہَا ہے جو ایک نیک اور پرہیزگار خاتون تھیں ۔

سوال:شیخِ طریقت، امیرِ اہل سنّت دَامَتْ بَرَکَاتُہُمُ الْعَالِیَہ  نے اصلاحِ اُمّت کے جذبے کے تحت کس عظیم الشان مدنی تحریک کی بنیاد رکھی؟

جواب: آپ دَامَتْ بَرَکَاتُہُمُ الْعَالِیَہ  نے تبلیغ قرآن وسنت کی عالمگیر غیر سیاسی تحریک ’’دعوتِ اسلامی‘‘ کی بنیاد رکھی اور اسے اپنی شب وروز کی محنت اور خونِ جگر سے پروان چڑھایا۔

سوال:شیخِ طریقت، امیرِ اہل سنّت دَامَتْ بَرَکَاتُہُمُ الْعَالِیَہ  نے ہمیں کیا مدنی مقصد عطا فرمایا؟

جواب:آپ دَامَتْ بَرَکَاتُہُمُ الْعَالِیَہ  نے ہمیں یہ مدنی مقصد عطافرمایا: ’’مجھے اپنی اور ساری دنیا کے لوگوں کی اصلاح کی کوشش کرنے ہے‘‘ اِنْ شَآءَ اللہ عَزَّ وَجَلَّ

٭… ٭… ٭

 

منقبتِ عطّار

سنت کو پھیلایا ہے امیرِ اہلسنّت نے

بدعت کو مٹایا ہے امیر اہلسنّت نے

ہزاروں گم رہوں کو وعظ اور تحریر سے اپنی

رہِ جنت دکھایا ہے امیر اہلسنّت نے

کرا کر بہت سے کُفّار و فُجّار سے توبہ

جہنم سے بچایا ہے امیر اہلسنّت نے

ہزاروں عاشقانِ لندن و پیرس کو دیوانہ

مدینے کا بنایا ہے امیر اہلسنّت نے

لاکھوں فیشنی چہروں کو داڑھی اور سروں کو بھی

عمامہ سے سجایا ہے امیر اہلسنّت نے

وہ فیضانِ مدینہ رات دن تقسیم کرتا ہے

جسے مرکز بنایا ہے امیر اہلسنّت نے

بہت محنت لگن سے اپنے پیارے دین کا ڈنکا

دنیا میں بجایا ہے امیر اہلسنّت نے

الٰہی پھولتا پھلتا رہے روزِ حشر تک یہ

گلستاں جو لگایا ہے امیر اہلسنّت نے

اس ناکارہ  عائذؔ کو خلوص اپنے کی شمع کا

پروانہ بنایا ہے امیر اہلسنّت نے

٭… ٭… ٭

 

اوراد  و  وظائف

(1)…یَاقَادِرُ:          جو وضو کے دوران ہرعضودھوتے ہوئے پڑھنے کامعمول بنا لے اِنْ شَآءَ اللہ عَزَّ وَجَلَّ د شمن  اس کواغوانہیں کرسکے گا۔

(2)… یَامُحْیِیْ،        یَامُمِیْتُ:7 بارروزانہ پڑھ کراپنے اوپردم کرلیاکیجئے اِنْ شَآءَ اللہ عَزَّ وَجَسوال: جادُو اثر نہیں کرے گا۔

(3)…یَامَاجِدُ:   10 بارپڑھ کرشربت وغیرہ پردم کرکے جوپی لیاکرے اِنْ شَآءَ اللہ عَزَّ وَجَسوال: بیما ر نہ ہوگا۔

(4)…یَاوَاجِدُ :  جوکوئی کھاناکھاتے وقت ہرنوالہ پرپڑھاکرے گا  اِنْ شَآءَ اللہ عَزَّ وَجَلَّ وہ   کھانا اُس کے پیٹ میں نورہوگااوربیماری دورہوگی۔

٭… ٭… ٭

دُرُود رَضَویہ شریف

صَلَّی اللّٰہُ عَلَی النَّبِیِّ الْاُمِّیِّ وَاٰلِہٖ صَلَّی اللّٰہُ عَلَیْہِ وَسَلَّمْ

صَلٰوۃً وَّسَلَامًا عَلَیْكَ یَارَسُوْلَ اللّٰہِ^([94])

        یہ دُرُود شریف ہر نماز کے بعد خصوصاً بعد نمازِ جمعہ مدینہ منورہ کی جانب منہ کر کے سو مرتبہ پڑھنے سے بے شمار فضائل و بر کات حاصل ہوتے ہیں ۔

(پاک و ہند میں کعبہ شریف کی طرف رخ کرنے سے مدینہ منورہ کی طرف بھی منہ ہوجاتاہے)

 

منقبت غوثِ اعظم

یا غوث ! بلاؤ مجھے بغداد بلاؤ

بغداد بلا کر مجھے جلوہ بھی دکھاؤ

                           دنیا کی محبت سے مری جان چھڑاؤ

                           دیوانہ مجھے شاہِ مدینہ کا بناؤ

چمکا دو ستارہ مری تقدیر کا مُرشِد

مدفن کو مدینے میں جگہ مجھ کو دلاؤ

                           نیّا مری منجدھار میں سرکار پھنسی ہے

                           امداد کو آؤ مری امداد کو آؤ

 

ہوں بہر علی مشکلیں آسان ہماری

آفات و بلّیات سے یاغوث! بچاؤ

                           یا پیر ! میں عصیاں کے سمندر میں ہوں غلطاں

                                                                                                للّٰہ گناہوں کی تباہی سے بچاؤ

اچھوں کے خریدار تو ہر جا پہ ہیں مُرشِد

بدکار کہاں جائیں جو تم بھی نہ نبھاؤ

                           احکام شریعت رہیں ملحوظ ہمیشہ

                           مُرشِد مجھے سنت کا بھی پابند بناؤ

عطّارؔ کو ہر ایک نے دھتکار دیا ہے

یا غوث ! اسے دامن رحمت میں چھپاؤ

٭… ٭… ٭

بندگی کی حقیقت

بندگی تین چیزوں کا نام ہے: ۱اَحکامِ شریعت کی پابندی کرنا (۲)اللہ عزوجل کی طرف سے مقرر کردہ قضا و قدر اور تقسیم پر راضی رہنا۔(۳)اللہ  عزوجل کی رضا کے لیے اپنے نفس کی خواہشات کو قربان کردینا۔ بیٹے کو وصیت، ص ۳۷

 

 

 

 

 

 

یا ربّ محمد میری تقدیر جگا دے ⁽[95]⁾

یا ربّ محمد ! میری تقدیر جگا دے

صحرائے مدینہ مجھے آنکھوں سے دکھا دے

پیچھا مرا دنیا کی محبت سے چھڑا دے

یا ربّ ! مجھے دیوانہ مدینے کا بنا دے

روتا ہوا جس دم میں درِ یار پہ پہنچوں

اس وقت مجھے جلوۂ محبوب دکھا دے

دل عشقِ محمد میں تڑپتا رہے ہر دم

سینے کو مدینہ میرے اللہ  بنا دے

 

بہتی رہے ہر وقت جو سرکار کے غم میں

روتی ہوئی وہ آنکھ مجھے میرے خدا دے

ایمان پہ دے موت مدینے کی گلی میں

مدفن مرا محبوب کے قدموں میں بنا دے

ہو بہرِ ضیا نظر کرم سوئے گناہگار

جنت میں پڑوسی مجھے آقا کا بنا دے

دیتا ہوں تجھے واسطہ میں پیارے نبی کا

اُمت کو خدایا رہِ سنت پہ چلا دے

عطار سے محبوب کی سنت کی لے خدمت

ڈنکا یہ ترے دین کا دنیا میں بجا دے

 اللہ    ملے حج کی اسی سال سعادت

عطّارؔ کو پھر روضۂ محبوب دکھا دے

٭… ٭… ٭

اپنے علم پر عمل  کی برکت

شہنشاہِ مدینہ، قرارِ قلب و سینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا فرمانِ خُوشبُودار ہے: مَنْ عَمِلَ بِمَا عَلِمَ وَرَثَہُ اللہُ عِلْمَ مَا لَمْ یَعْلَمْ جس نے اپنے علم پر عمل کیا اللہ عزوجل اسے ایسا علم عطا فرمائے گا جو وہ پہلے نہ جانتا تھا۔(حلیۃ الاولیاء، الرقم ۴۵۵احمد بن ابی الحواری، الحدیث ۱۴۳۲۰، ج ۱۰، ص۱۳)

صلٰوۃ وسلام ⁽[96]⁾

تاجدارِ حرم اے شہنشاہِ دین          تم پہ ہردم کروڑوں درود و سلام

ہو نگاہِ کرم مجھ پہ سلطانِ دین        تم پہ ہردم کروڑوں درود و سلام

دور رہ کر نہ دم ٹوٹ جائے کہیں            کاش طیبہ میں اے میرے ماہِ مبیں

دفن ہونے کو مل جائے دو گز زمیں          تم پہ ہر دم کروڑوں درود و سلام

کوئی حسنِ عمل پاس میرے نہیں            پھنس نہ جاؤں قیامت میں مولیٰ کہیں

اے شفیعِ امم! لاج رکھنا تمہیں              تم پہ ہر دم کروڑوں درود و سلام

دونوں عالم میں کوئی تم سا نہیں              سب حسینوں سے بڑھ کر تم ہو حسیں

قاسم رزق ربُّ العلیٰ ہو تمہیں              تم پہ ہر دم کروڑوں درود و سلام

فکر اُمت میں راتوں کو روتے رہے            عاصیوں کے گناہوں کو دھوتے رہے

 

تم پہ قربان جاؤں مرے مہ جبیں            تم پہ ہر دم کروڑوں درود و سلام

پھول رحمت کے ہر دم لٹاتے رہے          یاں غریبوں کی بگڑی بناتے رہے

حوضِ کوثر پہ نہ بھول جانا کہیں               تم پہ ہر دم کروڑوں درود و سلام

ظلم کفار کے ہنس کے سہتے رہے             پھر بھی ہر آن حق بات کہتے  رہے

کتنی محنت سے کی تم نے تبلیغِ دیں             تم پہ ہر دم کروڑوں درود و سلام

موت کے وقت کر دو نگاہِ کرم       کاش! اس شان سے یہ نکل جائے دم

سنگِ در پر تمہارے ہو میری جبیں           تم پہ ہر دم کروڑوں درود و سلام

اب مدینے میں ہم کو بلا لیجئے                اور سینہ مدینہ بنا دیجئے

از پئے غوثِ اعظم امامِ مبیں                 تم پہ ہر دم کروڑوں درود و سلام

عشق سے تیرے معمور سینہ رہے          لب پہ ہر دم مدینہ مدینہ رہے

بس میں دیوانہ بن جاؤں سلطانِ دیں        تم پہ ہر دم کروڑوں درود و سلام

دور ہو جائیں دنیا کے رنج و اَلم        ہو عطا اپنا غم دیجئے چشمِ نم

مال و دولت کی کوئی تمنا نہیں                تم پہ ہر دم کروڑوں درود و سلام

اب بلا لو مدینے میں عطَّارؔ کو                اپنے قدموں میں رکھ لو گناہگار کو

کوئی اس کے سوا آرزو ہی نہیں                تم پہ ہر دم کروڑوں درود و سلام

٭… ٭… ٭

 

دُعا کے مدنی پھول

      پیارے مدنی منو! دعا مانگنا بہت بڑی سعادت ہے۔ قرآن واحادیثِ مبارکہ میں جگہ جگہ دعا مانگنے کی ترغیب دلائی گئی ہے۔ ایک حدیث پاک میں ہے: ’’کیا تمہیں وہ چیز نہ بتاؤ ں جو تمہیں تمہارے دشمن سے نجات دے اور تمہارا رِزق وسیع کردے، رات دن اللہ عَزَّ وَجَلَّ سے دعا مانگتے رہو کہ دعا مومن کا ہتھیار ہے۔‘‘ ^([97])

       محبوبِ ربُّ العزت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم   کا فرمانِ عظمت نشان ہے کہ اللہ عَزَّ وَجَلَّ کے نزدیک دعا سے بڑھ کر کوئی شے نہیں ۔ ^([98])

٭… ٭… ٭

 

ماخذ و مراجع