یاد داشت
دورانِ مطالعہ ضرورتاً انڈر لائن کیجیے!اشارات لکھ کر صفحہ نمبر  نوٹ فرما لیجئے، اِنْ شَآءَاللہ عَزَّ وَجَلَّ علم میں ترقی ہو گی۔

عنوان

صفحہ

عنوان

صفحہ

عنوان

صفحہ

عنوان

صفحہ

رسولِ اَکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمکی مبارک زندگی کے حالات و واقعات پر مشتمل مدنی گلدستہ

سیرتِ رسولِ عربی

مصنف:  حضرت علامہ محمد نور بخش توکلی رَحْمَۃُ اللّٰہِ تَعَالٰی عَلَیْہ

پیش کش: مجلس المدینۃ العلمیۃ

نا شر

مکتبۃ المدینہ فیضانِ مدینہ

باب ا لمدینہ کراچی

ا لصلٰوۃ والسلام علیک یارسول اللّٰہ   وعلی اٰلک واصحا بک یا حبیب اللّٰہ

نام کتاب : سیرتِ رسولِ عربی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم

    مصنف : حضرت علامہ محمد نور بخش توکلی رَحْمَۃُ اللّٰہِ تَعَالٰی عَلَیْہ

پیش کش : مجلس المدینۃ العلمیۃ (شعبہ تخریج)

سن اِشاعت : محرم الحرام۱۴۳۶ھ ،نومبر2014ء

            تعداد           :        5000 (پانچ ہزار)

 ناشر           :          مکتبۃ المد ینۃفیضانِ مدینہ محلہ سوداگران پرانی سبزی منڈی باب المدینہ،کراچی

مکتبۃُ الْمد    ینہ کی شاخیں

٭…کراچی : شہید مسجد، کھارا در                                                                    فون: 32203311-021

٭… لا ہو  ر : داتا دربار مارکیٹ، گنج بخش روڈ                                                            فون: 37311679-042

٭… سردار آباد : (فیصل آباد)امین پور بازار                                                                فون: 2632625-041

٭… کشمیر : چوک شہیداں ، میر پور                                                            فون: 37212-058274

٭… حیدر آباد : فیضانِ مدینہ،آفندی ٹاؤن                                                     فون: 2620122-022

٭… ملتان : نزد پیپل والی مسجد، اندرون بوہڑ گیٹ                                                 فون: 4511192-061

٭… اوکا  ڑہ : کالج روڈبالمقابل غوثیہ مسجد،      نزد تحصیل کونسل ہال                                               فون: 2550767-044

٭… راولپنڈی : فضل داد پلازہ، کمیٹی چوک، اقبال روڈ                                        فون: 5553765-051

٭… خان پور : دُرانی چوک،   نہر کنارہ                                                                           فون: 5571686-068

٭… نواب شاہ : چکرا بازار،   نزد     MCB فون: 4362145-0244

٭… سکھر : فیضانِ مدینہ، بیراج روڈ                                                                              فون: 5619195-071

٭… گوجرانوالہ : فیضانِ مدینہ،شیخوپورہ موڑ،گوجرانوالہ                                     فون: 4225653-055

٭… پشاور : فیضانِ مدینہ،   گلبرگ نمبر1،النور اسٹریٹ،    صدر

E.mail: ilmia@dawateislami.net

www.dawateislami.net

مدنی التجائ:کسی اورکویہ (تخریج شدہ)کتاب چھاپنے کی اجازت نہیں

فہرس

عنوان	صفحہ	عنوان	صفحہ
اس کتاب کو پڑھنے کی نیتیں	8	شام کا دوسرا سفر	66
پیش لفظ	10	حضرتِ خدیجہ رَضِیَ اللّٰہُ تَعَالٰی عَنْہَا  سے نکاح	67
دِیباچہ اَز مصنف رَحْمَۃُ اللّٰہِ تَعَالٰی عَلَیْہ	28	تعمیر کعبہ	68
پہلا مقدمہ : مُلک عرب کا جغرافیہ	31	تیسراباب	71
دوسرا مقدمہ: عرب کی تاریخ قدیم پر طائرانہ نظر	35	حالات بعثت شریف تا ہجرت	71
پہلاباب	41	دنیا کی حالت	71
برکاتِ نورِ محمدی	41	اِبتدائِ وَحی	80
دوسراباب	46	آغازِ دعوت	82
حالاتِ نسب و وِلادت شریف تا بعثت شریف	46	تبلیغ علی الاعلان	83
خاندانی شرافت و سیادت	46	۵   ؁ نبوت	90
حضرتِ عبداللّٰہ رَضِیَ اللّٰہُ تَعَالٰی عَنْہ کی وفات	55	۶   ؁ نبوت	91
واقعۂ اَصحابِ فیل	55	۷   ؁ نبوت	93
تولد شریف	57	۱۰   ؁ نبوت	95
تولد شریف کی خوشی کا ثمرہ	58	۱۱ تا ۱۳ ؁  نبوت	97
تولد شریف کے وقت خوارِق، رَضاعت	59	چوتھاباب	101
تعددِ شق صدر	62	حالات ہجرت تا وَفات شریف	101
حضرتِ آمنہ رَضِیَ اللّٰہُ تَعَالٰی عَنْہَا  کی وَفات	62	خبر دارُ الندوَہ	101
عبدالمطلب و ابو طالب کی کفالت	62	قصۂ ہجرت	102
طفولیت میں حضرت کی دُعا سے نزولِ باراں	63	ہجرت کا پہلا سال	111
شام کا پہلا سفر	64	تعمیر مسجد قباء	111
حرب فجار میں شرکت	65	مَدینہ میں نزولِ رحمت	112
حلف الفضول میں شرکت	66	تعمیر مسجد نبوی	114

عنوان	صفحہ	عنوان	صفحہ
اَصحابِ صفہ	115	غزوَہ ذِی قرد	211
اَزواجِ مطہرات رَضِیَ اللّٰہُ عَنْہُنَّ کے حجروں کی تعمیر	116	غزوَہ خیبر	212
مہاجرین کے مکانات کی تعمیر	118	غزوَہ وادی القریٰ	215
مسجد نبوی میں چراغ کی اِبتداء	119	ہجرت کا آٹھواں سال	217
مواخات	119	غزوَہ موتہ	217
آذان کی اِبتداء	123	غزوَہ فتح مکہ	218
یہود سے معاہدہ	123	غزوَہ حنین	229
ہجرت کا دوسرا سال	125	جنگ اَوطاس	232
تحویل قبلہ	125	محاصرۂ طائف	233
غزوات و سرایا کا آغاز	127	ہجرت کا نواں سال	237
غزوَہ بدر کبریٰ	129	غزوَہ تبوک	238
غزوَہ بنی قینقاع	156	مسجد ضرار	240
غزوَہ سویق	157	ہجرت کادسواں سال	241
ہجرت کا تیسرا سال	158	ہجرت کاگیارھواں سال	241
غزوَہ اُحد	158	پانچواں باب	242
ہجرت کا چوتھا سال	184	وَفات شریف اور حلیہ مبارک کا بیان	242
غزوَہ بنی نضیر	184	حلیہ شریف	247
ہجرت کا پانچواں سال	185	رُوئے مبارک	249
غزوَہ دومۃ الجندل، غزوَہ اَحزاب	185	چشم مبارک	251
غزوَہ بنی قریظہ	186	اَبروئے مبارک	253
ہجرت کا چھٹا سال	187	بینی مبارک	253
بیعت رِضوان اور صلح حدیبیہ	187	پیشانی مبارک	254
ہجرت کا ساتواں سال	195	گوش مبارک	254
والیانِ ملک کو دعوتِ اسلام	195	دَہان مبارک	255

عنوان	صفحہ	عنوان	صفحہ
لعابِ دَہن مبارک	256	کافروں پر رَحمت	316
زَبان مبارک	259	عورتوں پر شفقت و رَحمت	318
آواز مبارک	260	حسن معاشرت کی تاکید	320
خندہ و گریہ مبارک	261	عورتوں کے حقوق	322
سر مبارک	261	یتامی و مساکین و بیوگان پر شفقت و رَحمت	323
گردن مبارک	262	بچوں پر شفقت و رَحمت	325
دَست مبارک	262	غلاموں پر شفقت و رَحمت	330
سینہ مبارک و قلب شریف	274	چوپایوں پر شفقت و رَحمت	332
شکم مبارک	275	پرندوں اور حشرات الارض پر شفقت و رَحمت	335
پشت مبارک	275	نباتات و جمادات پر رَحمت	336
پائے مبارک	276	تواضع و حسن معاشرت	337
قد مبارک	277	سخاوت و ایثار	346
رَنگ مبارک	278	شجاعت و قوت، عزم و اِستقلال	354
جلد مبارک و بوئے خوش	278	زُہد	357
موئے مبارک	281	خوف و عبادت	362
لباس	282	عدل و اِنصاف	364
درود شریف	284	صدق	368
حیاتُ النبی	285	حسن عہد و وَفا	370
چھٹاباب	291	عفت و حیا	371
آنحضرت صَلَّی اللّٰہُ عَلَیْہِ وَسَلَّم کے خلق عظیم کا بیان	291	تقسیم اَوقات	372
صبر و حلم و عفو	293	ساتواں باب	375
شفقت و رَحمت	310	آنحضرت صَلَّی اللّٰہُ عَلَیْہِ وَسَلَّم کے معجزوں کا بیان	375
اُمت پر شفقت و رَحمت	311	فصل اَ  وَّل	375

عنوان	صفحہ	عنوان	صفحہ
اعجاز القرآن کا بیان	375	حیوانات کی طاعت اور کلام	495
اعجاز القرآن کی پہلی وجہ	377	اُونٹ کی شکایت اور سجدہ	495
فصاحت و بلاغت	377	بکری کی اطاعت اور سجدہ	496
اعجاز القرآن کی دوسری وجہ	391	بھیڑیے کی شہادت اور طاعت	497
نظم قرآن کا اُسلوبِ بدیع	391	شیر کی طاعت	499
اعجاز القرآن کی تیسری وجہ	397	نباتات کا کلام و طاعت اور سلام و شہادت	499
غیب کی خبریں	397	جمادات کی طاعت اور تسبیح و سلام	501
اعجاز القرآن کی چوتھی وجہ	447	مُغَیِّبات پر مطلع ہونا	507
علوم القرآن	447	حضرتِ اِمام مہدی رَضِیَ اللّٰہُ عَنْہْ	526
قرآنِ کریم کی فصاحت و بلاغت کی مثالیں	456	دَجال لعین	527
فصل دوم	466	حضرت عیسیٰ عَلٰی نَبِیِّنَاوَعَلَیْہِ الصَّلٰوۃُ وَالسَّلام	529
دِیگر معجزات کا بیان	466	یاجوج و ماجوج	530
اَسراء و معراج شریف	466	دُخان (دُھواں )	532
شق القمر	468	آفتاب کا مغرب سے نکلنا	532
رَد الشّمس	471	دا  بَّۃُ الارض	533
مردوں کو زندہ کرنا	472	خانہ کعبہ کا گرایا جانا	533
اِنقلابِ اَعیان	474	ایک بڑی آگ	534
بچوں کی شہادت (گواہی)	477	نفخ صور	534
بیماروں کو شفا دینا	478	حجاز کی آگ	535
طعامِ قلیل کو کثیر بنا دینا	479	تاتاریوں کا فتنہ اور حادثۂ بغداد	538
اِجابت دُعا	485	کعبہ شریف کی حجابت	543
نجران کے نصاریٰ کے ساتھ مباہلہ	491	محاسن ظاہری و باطنی	543
اُنگلیوں سے چشموں کی طرح پانی جاری ہونا	494	نصاریٰ کا اعتراض	544

عنوان	صفحہ	عنوان	صفحہ
جواب	545	حضرتِ فاطمہ زَہراء رَضِیَ اللّٰہُ تَعَالٰی عَنْہَا	624
آٹھواں باب	550	حضرتِ عبد   ا للّٰہ رَضِیَ اللّٰہُ تَعَالٰی عَنْہ	627
آنحضرت صَلَّی اللّٰہُ عَلَیْہِ وَسَلَّم کے فضائل و خصائص کا بیان	550	حضرتِ اِبراہیم  رَضِیَ اللّٰہُ تَعَالٰی عَنْہ	627
خصائص سید المرسلینصَلَّی اللّٰہُ تَعَالٰی عَلَیْہِ وَسَلَّم	559	دسواں باب	633
نواں باب	597	اُمت پر آنحضرت صَلَّی اللّٰہُ عَلَیْہِ وَسَلَّم کے حقوق کا بیان	633
آنحضرت صَلَّی اللّٰہُ عَلَیْہِ وَسَلَّم کی ازواجِ مطہرات اور اولاد کرام رَضِیَ اللّٰہُ تَعَالٰی عَنْہُم اَجْمَعِیْنکا بیان	597	اِیمان و اِتباع	633
حضرتِ خدیجہ بنت خویلد رَضِیَ اللّٰہُ تَعَالٰی عَنْہَا	597	محبت و عشق	637
حضرتِ سودہ بنت زَمعہرَضِیَ اللّٰہُ تَعَالٰی عَنْہَا	603	علاماتِ حب صادق	642
حضرتِ عائشہ بنت ابی بکر صدیق رَضِیَ اللّٰہُ تَعَالٰی عَنْہُمَا	604	تعظیم و توقیر	649
حضرتِ حفصہ بنت عمر فاروق رَضِیَ اللّٰہُ تَعَالٰی عَنْہُمَا	605	آنحضرت صَلَّی اللّٰہُ عَلَیْہِ وَسَلَّم کی تعظیم و توقیر اور اَدَب کے طریقے	653
حضرتِ اُم سلمہ بنت ابی اُمیہ رَضِیَ اللّٰہُ تَعَالٰی عَنْہَا	608	آنحضرت صَلَّی اللّٰہُ عَلَیْہِ وَسَلَّم کی حدیث شریف کا اَدب	672
حضرتِ اُم حبیبہرَضِیَ اللّٰہُ تَعَالٰی عَنْہَا	609	آنحضرت صَلَّی اللّٰہُ عَلَیْہِ وَسَلَّم کے آثار شریفہ کی تعظیم	673
حضرتِ زینب بنت جحش اَسدیہ رَضِیَ اللّٰہُ تَعَالٰی عَنْہَا	611	دُرُود شریف و زیارتِ قبر شریف	692
حضرتِ زینب بنت خزیمہ ہلالیہرَضِیَ اللّٰہُ تَعَالٰی عَنْہَا	611	حدیث ‘’ لَا تُشَّدُ الرِّحَال’‘ کی بحث	700
حضرتِ میمونہ بنت حارِث ہلالیہرَضِیَ اللّٰہُ تَعَالٰی عَنْہَا	616	خاتمہ دَر بحث اِستغاثہ و توسل	704
حضرتِ جویریہ خزاعیہ مصطلقیہرَضِیَ اللّٰہُ تَعَالٰی عَنْہَا	616	ولادت شریف سے پہلے توسل	705
حضرتِ صفیہ اِسرائیلیہرَضِیَ اللّٰہُ تَعَالٰی عَنْہَا	617	حیات شریف میں توسل	706
آنحضرت صَلَّی اللّٰہُ عَلَیْہِ وَسَلَّم کی اولاد کرام	618	وفات شریف کے بعد توسل	709
حضرتِ قاسم رَضِیَ اللّٰہُ تَعَالٰی عَنْہ	619	حدیث توسل بالعباس کی بحث	743
حضرتِ زَینب رَضِیَ اللّٰہُ تَعَالٰی عَنْہَا	619	عرصاتِ قیامت میں شفاعت و توسل	751
حضرتِ رُقیہرَضِیَ اللّٰہُ تَعَالٰی عَنْہَا	619	ماخذ و مرا جع	754
حضرتِ اُم کلثوم رَضِیَ اللّٰہُ تَعَالٰی عَنْہَا	623

اَلْحَمْدُ لِلّٰہِ  رَبِّ الْعٰلَمِیْنَ وَ الصَّلٰوۃُ وَالسَّلَامُ علٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہِ الرَّحْمٰنِ الرَّ حِیْم ^ط

’’سب سے اَولٰی و اَعلٰی ہمارا نبی       ‘‘  کے اکیس حُروف کی نسبت سے اس کتاب کو پڑھنے کی ’’21 نیّتیں ‘‘

فرمانِ مصطفی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم:’’ اچھی نیّت بندے کو جنَّت میں داخِل کر دیتی ہے۔‘‘(الجامع الصغیر،الحدیث:۹۳۲۶،ص۵۵۷، دارالکتب العلمیۃ بیروت)

دو مَدَنی پھول:

{1}بغیر اچھی نیّت کے کسی بھی عملِ خیر کا ثواب نہیں ملتا۔

{2}جتنی اچھی نیّتیں زِیادہ، اُتنا ثواب بھی زِیادہ۔

{1}ہربارحَمدو{2}صلوٰۃ اور{3}تعوُّذو{4}تَسمِیہ سے آغاز کروں گا (اسی صَفْحہ پر اُوپر دی ہوئی دو عَرَبی عبارات پڑھ لینے سے چاروں نیّتوں پر عمل ہوجائے گا) {5} اللّٰہ عَزَّوَجَلَّ کی رضا کیلئے اس کتاب کا اوّل تا آخِر مطالَعہ کروں گا {6} حتَّی الوسع اِس کا باوُضُو اور {7}قِبلہ رُو مُطالَعَہ کروں گا{8} قرآنی آیات اور {9}اَحادیثِ مبارَکہ کی زِیارت کروں گا {10}جہاں جہاں ‘’ اللّٰہ ‘‘ کا نام ِپاک آئے گا وہاں عَزَّوَجَلَّ اور{11} جہاں جہاں ’’سرکار‘‘کا اِسْمِ مبارَک آئے گا وہاں صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم پڑھوں گا{12})اپنے ذاتی نسخے پر( یادداشت والے صفحہ پر ضروری نکات لکھوں گا{13} )اپنے ذاتی نسخے پر( عندالضرورت (یعنی ضرورتاً) خاص خاص مقامات اَنڈر لائن کروں گا {14}کتاب مکمَّل پڑھنے کے لیے بہ نیّت ِحُصولِ علم ِدین روزانہ کم از کم چار صفحات پڑھ کر علم ِدین حاصل کرنے کے ثواب کا حقدار بنوں گا {15} دوسروں کویہ کتاب پڑھنے کی ترغیب دلاؤں گا {16}اس روایت ‘’عِنْدَ ذِکْرِالصَّالِحِیْنَ تَنَزَّلُ الرَّحْمَۃُ ‘‘(حلیۃ الاولیاء،الحدیث:۱۰۷۵،ج۷،ص۳۳۵،دارالکتب العملیۃ) یعنی نیک لوگوں کے ذکر کے وقت رحمت نازل ہوتی ہے، پر عمل کرتے ہوئے اس کتاب میں دیئے گئے بزرگانِ دین کے واقعات دوسروں کو سنا کر ذکر صالحین کی برکتیں لوٹوں گا{17} اس حدیثِ پاک ‘’ تَھَادَوْا تَحَا  بُّوْا ‘‘ ایک دوسرے کو تحفہ دو آپس میں محبت بڑھے گی (مؤطا امام مالک،ج۲،ص۴۰۷، رقم :۱۷۳۱،دارالمعرفۃ بیروت) ( پرعمل کی نیت سے )ایک یا حسبِ توفیق تعداد میں ( یہ کتاب خرید کر دوسروں کو تحفۃً دوں گا {18}جن کو دوں گا حتی الامکان انہیں یہ ہدف بھی دوں گا کہ آپ اتنے (مثلاً63)دن کے اندر اندر مکمل کرلیں {19}ہر سال ایک بار یہ کتاب پوری پڑھوں گا{20}اس کتاب کے مطالَعے کا ساری اُمّت کو ایصالِ ثواب کروں گا {21} کتابت وغیرہ میں شَرعی غلَطی ملی تو ناشرین کو تحریری طور پر مُطَّلع کروں گا (ناشِرین ومصنّف وغیرہ کو کتا بوں کی اَغلاط صِرف زبانی بتانا خاص مفید نہیں ہوتا)۔

المد ینۃ العلمیۃ

از:شیخ طریقت، امیر اہلسنّت ،بانیِ دعوتِ اسلامی حضرت علامہ مولانا ابوبلال محمد الیاس عطاؔر قادری رضوی ضیائی دَامَتْ بَرکَا تُہمُ العَالِیَہ

اَلْحَمْدُ لِلّٰہِ علٰی اِحْسَا نِہٖ وَ بِفَضْلِ رَسُوْلِہ صلَّی اللّٰہُ تَعَالٰی عَلَیْہِ وَاٰلِہٖ وَسَلَّمتبلیغ قرآن و سنّت کی عالمگیر غیر سیاسی تحریک ’’دعوتِ اسلامی‘‘نیکی کی دعوت، اِحیائے سنت اور اشاعت علم شریعت کو دنیا بھر میں عام کرنے کا عزمِ مُصمّم رکھتی ہے، اِن تمام اُمور کو بحسن خوبی سر انجام دینے کے لئے متعدد مجالس کا قیام عمل میں لایا گیا ہے جن میں سے ایک مجلس’’المدینۃ العلمیۃ’‘بھی ہے جودعوتِ اسلامی کے علماء و مفتیانِ کرام کَثَّرَ ھُمُ اللّٰہُ تعا لٰی پر مشتمل ہے، جس نے خالص علمی، تحقیقی او راشاعتی کام کا بیڑا اٹھایا ہے۔ اس کے مندرجہ ذیل چھ شعبے ہیں :

{۱}شعبہ کتب اعلیٰ حضرت {۲}شعبہ تراجم کتب {۳}شعبہ درسی کتب

{۴}شعبہ اصلاحی کتب {۵}شعبہ تفتیش کتب {۶}شعبہ تخریج

‘’المدینۃ العلمیۃ’‘کی اوّلین ترجیح سرکارِ اعلیٰ حضرت اِمامِ اَہلسنّت، عظیم البرکت،عظیم المرتبت، پروانۂ شمعِ رِسالت، مُجَدِّدِ دین و مِلَّت، حامی سنّت ، ماحی بدعت، عالِمِ شَرِیْعَت، پیرِ طریقت،باعث خَیْر و بَرَکت، حضرتِ علاّمہ مولانا الحاج الحافِظ القاری شاہ امام اَحمد رَضا خان عَلَیْہِ رَحْمَۃُ الرَّحْمٰن کی گراں مایہ تصانیف کو عصرِ حاضر کے تقاضوں کے مطابق حتَّی الْوَسع سَہْل اُسلوب میں پیش کرنا ہے۔ تمام اسلامی بھائی اور اسلامی بہنیں اِس علمی ،تحقیقی اور اشاعتی مَدَنی کام میں ہر ممکن تعاون فرمائیں اورمجلس کی طرف سے شائع ہونے والی کتب کا خود بھی مطالَعہ فرمائیں اور دوسروں کو بھی اِ س کی ترغیب دلائیں ۔

اللّٰہ عَزَّوَجَلَّ ’’دعوتِ اسلامی‘‘ کی تمام مجالس بَشُمُول’’المدینۃ العلمیۃ’‘ کو دن گیارہویں اور رات بارہویں ترقّی عطا فرمائے اور ہمارے ہر عمل خیر کو زیورِ اِخلاص سے آراستہ فرماکر دونو ں جہاں کی بھلائی کا سبب بنائے۔ہمیں زیر گنبد خضرا شہادت،جنت البقیع میں مدفن اور جنت الفردوس میں جگہ نصیب فرمائے ۔ اٰمِیْن بِجَاہِ النَّبِیّ الاَمِیْنصلَّی اللّٰہ تعالٰی علیہ واٰلہٖ وسلَّم

     رمضان المبارک۱۴۲۵ھ

پیش لفظ

         تمام تعریفیں اللّٰہ عَزَّوجَلَّ کے لیے جو     وَحْدَ  ہٗ لَا      شَرِ  یْک ہے اور بے شمار درود و سلام ہوں ہمارے آقا و مولیٰ پر جنہیں اللّٰہ عَزَّوجَلنے تمام عالم کے لیے رحمت و ہدایت بنا کر بھیجا، جنہیں سب سے افضل اور ہر طرح سے کامل و اکمل بنایا، تمام خصائل اور کمالات جن کی ذاتِ اقدس میں جمع فرمائے اور ان کی اطاعت اور پیروی کا یوں حکم ارشاد فرمایا:

لَقَدْ كَانَ لَكُمْ فِیْ رَسُوْلِ اللّٰهِ اُسْوَةٌ حَسَنَةٌ (پ۲۱،الاحزاب:۲۱)

ترجمۂ کنزالایمان: بیشک تمہیں رسول اللّٰہ کی پیروی بہتر ہے۔

مفتی احمدیار خان نعیمی عَلَیْہِ رَحْمَۃُ اللّٰہِ الْغَنِی فرماتے ہیں :’’اتباع (پیروی)کے معنی ہیں کسی کے نقش قدم پر چلنا جو اسے کرتے ہوئے دیکھنا وہ کرنا۔’‘ (مرآۃ المناجیح،کتاب الامارۃ و القضاء،۵/۳۳۸)

ایک مقام پر ارشاد فرمایا:

وَ مَاۤ اٰتٰىكُمُ الرَّسُوْلُ فَخُذُوْهُۗ-وَ مَا نَهٰىكُمْ عَنْهُ فَانْتَهُوْا     (پ۲۸،الحشر:۷)

ترجمۂ کنزالایمان:اور جو کچھ تمہیں رسول عطا فرمائیں وہ لو اور جس سے منع فرمائیں باز رہو ۔

اس آیت مبارکہ کے تحت خزائن العرفان میں ہے : ‘’رسولِ کریم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم تمہیں جو حکم دیں اس کا اتباع کرو کیونکہ نبی کریم  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  کی اطاعت ہر امر میں واجب ہے ۔’‘

 اور جو اپنی زندگی آپ  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  کی اطاعت و پیروی میں گزارے اس کے لیے فرمایا:

یُحْبِبْكُمُ اللّٰهُ وَ یَغْفِرْ لَكُمْ ذُنُوْبَكُمْؕ-وَ اللّٰهُ غَفُوْرٌ رَّحِیْمٌ (پ۳،اٰل عمران:۳۱)

ترجمۂ کنزالایمان:اللّٰہ تمہیں دوست رکھے گا اور تمہارے گناہ بخش دے گا اور اللّٰہ بخشنے والا مہربان ہے۔

مزید فرمایا:

وَ مَنْ یُّطِعِ اللّٰهَ وَ رَسُوْلَهٗ فَقَدْ فَازَ فَوْزًا عَظِیْمًا(۷۱) (پ۲۲،الاحزاب:۷۱)

ترجمۂ کنزالایمان:اور جو اللّٰہ اور اسکے رسول کی فرمانبرداری کرے اس نے بڑی کامیابی پائی۔

اس آیت مبارکہ کے تحت صاحب تفسیر خازن حضرت سیدنا امام علاء الدین علی بن محمد رَحْمَۃُ اللّٰہِ تَعَالٰی عَلَیْہ فرماتے ہیں : بڑی کامیابی پانے سے مراد یہ ہے کہ وہ شخص اللّٰہ عَزَّوَجَلَّ اور رسول  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  کی فرمانبرداری کے

 سبب عظیم بھلائی کو پانے میں کامیاب ہو گیا ۔(تفسیرالخازن،ج۳،ص۵۱۴)اور حضرت سیدناامام بیضاوی رَحْمَۃُ اللّٰہِ تَعَالٰی عَلَیْہ فرماتے ہیں : جو شخص اللّٰہ عَزَّوَجَلَّ اور اس کے رسول  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  کی فرمانبرداری کرتا ہے دنیا میں اس کی تعریفیں ہوتی ہیں اور آخرت میں سعادت مندی سے سرفراز ہوگا۔(تفسیر البیضاوی،ج۴،ص۳۸۸)

میٹھے میٹھے اسلامی بھائیو! ہم میں سے ہرایک دنیا و آخرت میں بھلائی اور کامیابی کا متمنی ہے اور مندرجہ بالا آیات و اقوال سے یہ بات بالکل واضح ہے کہ دونوں جہاں کی بھلائی اور کامیابی مکی مدنی آقا  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  کی اطاعت اور آپ کی سنتوں پر عمل ہی میں ہے لہٰذا ہر ایک کو چاہئے کہ سنتوں پر عمل کرتے ہوئے زندگی بسر کرے۔

 سنتیں سیکھنے کے لیے پیارے آقا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی سیرت مبارکہ اور حیات طیبہ کا بغور مطالعہ کیجئے اورآپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے اخلاقِ عظیمہ، آپ کے چلنے پھڑنے، اٹھنے بیٹھنے ، سونے جاگنے،کھانے پینے، گفتگو فرمانے وغیرہ کے مبارک انداز سیکھ کر انہیں اپنے آپ پر نافذ کرنے کی کوشش کیجئے۔اس سلسلے میں دیگر کتب کے ساتھ ساتھ زیر نظر کتاب ‘’ سیرت رسول عربی ‘‘ کا مطالعہ کافی ممد و معاون ہے،مولف نے بڑے دلکش انداز میں میٹھے میٹھے آقا  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  کی مبارک زندگی کے حالات قلمبند فرمائے ہیں اور آج تقریباًپون صدی گزرنے کے بعد بھی اس کتاب کی اہمیت اپنی جگہ مسلم ہے ۔مزید سنتوں پر عمل کا جذبہ بڑھانے اور اس پر استقامت پانے کے لیے دعوتِ اسلامی کے سنتوں بھرے مَدنی ماحول سے وابستہ ہو جائیے ،مدنی قافلوں میں سفر اور روزانہ اپنا محاسبہ (فکر مدینہ) کرنے کو اپنا معمول بنا لیجئے ! ان شاء اللّٰہ عَزَّوَجَلَّدونوں جہاں میں اس کی برکتیں نصیب ہوں گی۔ اللّٰہ عَزَّوَجَلَّ ہمیں سنتیں سیکھنے اور ان پر عمل پیرا ہونے کی توفیق عطا فرمائے نیز انہیں عام کرنے کا جذبہ مرحمت فرمائے ! اٰمِیْن بِجَاہِ النَّبِیِّ الْاَمِیْن صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم۔

سیرت کے معنی

لفظ  ‘’ سِیْرَۃ ‘‘ دراصل  سَارَ  یَسِیْرُ  سَیْرًا  وَ مَسِیْرًا سے نکلا ہے جس کے لغوی معنی ہیں : طریقہ، چلنا، نیز قصے اور واقعات بیان کرنے کو بھی سیرت کہتے ہیں ۔ (اردو دائرۂ معارف اسلامیہ،ج۱۱ ،ص۵۰۵) سیرت کے اَولین اِصطلاحی معنی حضور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے مغازی (غزوات کے حالات) اور سوانح حیات ہیں ۔ (اردو دائرۂ معارف اسلامیہ، ج۱۱، ص۵۰۶)

قدیم محدثین وفقہاء ’’مغازی وسیر‘‘کے عنوان کے تحت فقط غزوات اوراس کے متعلقات کو بیان کرتے تھے مگر سیرتِ نبویہ کے مصنفین نے اس عنوان کو اس قدرو ُسعت دے دی کہ حضور رحمت عالم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی ولادت باسعادت سے وفاتِ اَقدس تک کے تمام مراحل حیات ،آپ کی ذات وصفات، آپ کے دن رات اور تمام وہ چیزیں جن کو آپ کی ذات والا صفات سے تعلقات ہوں خواہ وہ انسانی زندگی کے معاملات ہوں یا نبو ت کے معجزات ہوں ان سب کو’’کتابِ سیرت ‘‘ ہی کے ابواب وفصول اورمسائل شمار کرنے لگے۔اسی طرح خلفاء راشدین ہوں یا دوسرے صحابۂ کرام ، اَزواجِ مطہرات ہوں یا آپ کی اولادِ عظام، ان سب کی کتاب زندگی کے اَوراق پر سیرتِ نبوت کے نقش ونگار پھولوں کی طرح مہکتے ، موتیوں کی طرح چمکتے اورستاروں کی طرح جگمگاتے ہیں ۔ اور یہ تمام مضامین سیرتِ نبویہ کے ’’شجرۃ الخلد ‘‘ہی کی شاخیں ، پتیاں ، پھول اورپھل ہیں ۔(سیرتِ مصطفیصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم،ص۳۹)

دورِ تابعین اورسیرت نگاری

امیر المؤمنین حضرت سیدنا عمر بن عبدالعزیز رضی اللّٰہ تعالٰی عنہ کے دور ِخلافت میں جب اَحادیث نبویہ کی کتابت کا عام طور پر چرچا ہوا تو دورِ تابعین میں ’’محدثین ‘‘کے ساتھ ساتھ سیرت نبویہ کے مصنفین کابھی ایک طبقہ پیداہوگیا۔اب تک مغازی و سیر کی طرف توجہ نہیں کی گئی تھی حضرت سیدنا عمر بن عبدالعزیز رضی اللّٰہ تعالٰی عنہ نے اس فن کی طرف خاص توجہ دی اور حکم ارشاد فرمایا کہ غزواتِ نبوی کا خاص حلقہ درس قائم کیا جائے چنانچہ حضرت عاصم بن عمر بن قتادہ انصاری رضی اللّٰہ تعالٰی عنہکو جو اس فن میں خاص کمال رکھتے تھے ،حکم دیا گیا کہ جامع مسجد دمشق میں لوگوں کو مغازی کا درس دیں ۔ اسی زمانے میں مشہور تابعی بزرگ امام زہری رضی اللّٰہ تعالٰی عنہ بھی تھے جوحدیث و فقہ میں کمال مہارت رکھتے تھے ان کا شمار امام بخاری کے شیوخ میں ہوتا ہے ،انہوں نے حضرت عمر بن عبدالعزیز رضی اللّٰہ تعالٰی عنہ کی ہدایت پر کتاب المغازی لکھی ،جس کی وجہ سے سیرت و مغازی کا عام ذوق پیدا ہوا۔ ان کے تلامذہ بھی سیرت نگاری کی طرف مائل ہوئے اورسیرت نگاری کا سلسلہ شروع ہوا ۔اس طرح اس فن کی بدولت حضور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے اخلاق وعادات جو حدیث کی کتب میں موتیوں کی طرح بکھرے ہوئے تھے اور ان میں کوئی تاریخی ترتیب نہیں تھی وہ ایک خاص ترتیب کے تحت ایک جگہ جمع ہوگئے ۔ (ماخوذ از:اردو دائرۂ معارف اسلامیہ،ج۱۱ ،ص۵۰۶)

گیارھویں صدی ہجری تک کے چند سیرت نگار

وہ عاشقانِ رسول جو سیرت نویسی کی بدولت آسمانِ عزت وعظمت میں ستاروں کی طرح چمکتے اورچمنستان شہرت میں پھولوں کی طرح مہکتے ہیں ان خوش نصیب عالموں کی فہرست اتنی طویل ہے کہ ان کا حصروشمار ہماری طاقت واقتدار سے باہر ہے۔ جن محدثین، مؤرخین اور مفسرین نے کثیر تعداد میں سیرت کی کتب پر کام کیا ہے ان سب کو تو یہاں ذِکر نہیں کیا جاسکتا مگر پھر بھی چند سیر کی کتب کے مصنفین کا ذکر ‘’ذِکْرُ الصَّالِحِیْنَ کَفَّارَۃٌ ‘‘ (نیکوں کا ذکر گناہوں کا کفارہ ہے) کی نیت سے کیا جاتا ہے۔ دورِ تابعین سے گیارہویں صدی تک چند مقتدر محدثین ومصنفین سیرت کے اَسمائے گرامی ملاحظہ فرمائیے۔ گیارہویں صدی کے بعد والے مصنفین کے ناموں اور ان کی کتب کو ہم نے اس فہرست میں ا س لئے جگہ نہیں دی کہ یہ لوگ درحقیقت اگلے مصنفین ہی کے خوشہ چین وفیض یافتہ ہیں :

٭…حضرت عُروَہ بن زُبیر تابِعی (مُتَوفّٰی  ۹۲ھ؁ )

٭…حضرت عامِر بن شَراحِیْل امام شَعْبی (مُتَوفّٰی ۱۰۴ھ؁)

٭…حضرت اَبان بن امیر المؤمنین حضرت عُثمان (مُتَوفّٰی  ۱۰۵  ؁ ھ)

٭…حضرت وَہَب بن مُنَــبِّہ یََمَنی(مُتَوفّٰی ۱۱۰ھ؁)

٭…حضر ت عاصِم بن عُمَر بن قَتادہ (مُتَوفّٰی ۱۲۰ھ؁)

٭…حضرت شُرَحْبِیْل بن سَعْد(مُتَوفّٰی ۱۲۳ھ؁)

٭…حضرت محمد بن شِہاب زُہری(مُتَوفّٰی ۱۲۴ھ؁)

٭…حضرت اسمٰعیل بن عبدالرحمن سُدِّی (مُتَوفّٰی ۱۲۷ھ؁)

٭…حضرت عبداللّٰہ بن ابوبکر بن حَزْم(مُتَوفّٰی  ۱۳۵  ؁ھ)

٭…حضرت موسیٰ بن عُقْبَہ(صاحب المَغازی)(مُتَوفّٰی ۱۴۱ھ؁)

٭…حضرت مَعْمَر بن راشِد(مُتَوفّٰی ۱۵۰ھ؁)

٭…حضرت محمد بن اسحاق (صاحب المَغازی)(مُتَوفّٰی۱۵۰ھ؁)

٭…حضرت زِیاد بَــکائی (مُتَوفّٰی ۱۸۳  ؁ ھ)

٭…حضرت محمد بن عُمَر وَاقِدی (صاحب المَغازی)(مُتَوفّٰی ۲۰۷ھ؁)

٭…حضرت محمد بن سَعْد(صاحب الطَبَقات)(مُتَوفّٰی ۲۳۰ھ؁)

٭…حضرت ابوعبداللّٰہ محمد بن اسمٰعیل بُخاری (مصنف بخاری شریف)(مُتَوفّٰی ۲۵۶  ؁ ھ)

٭…حضرت مُسْلِم بن حَجَّاج قُشَیْرِی (مصنف مسلم شریف)(مُتَوفّٰی  ۲۶۱  ؁ ھ)

٭…حضرت ابو محمد عبد اللّٰہ بن مسلم بن قُتَیْبَہ (مُتَوفّٰی  ۲۶۷؁ ھ)

٭…حضرت ابو داود سُلَیْمان بن اَشْعَث سَجِسْتَانی صاحِبُ السُّنَن(مُتَوفّٰی   ۲۷۵؁ ھ)

٭…حضرت ابو عیسیٰ محمد بن عیسیٰ تِرْمِذی(مصنف جامع ترمذی) (مُتَوفّٰی   ۲۷۹؁ ھ)

٭…حضرت ابو عبد اللّٰہ  محمد یَزِیْد بن ما    جہ قَزْوِیْنِی(صاحب السنن)(مُتَوفّٰی ۲۷۳؁ ھ)

٭…حضرت ابو عبدالرحمن احمد بن شُعَیْب نَسائی(مصنف سُنَن نَسائی) (مُتَوفّٰی  ۳۰۳؁ ھ)

٭…حضرت محمد بن جَرِیر طَبَری (صاحب التاریخ)(مُتَوفّٰی ۳۱۰  ؁ ھ)

٭…حضرت حافظ عبدالغَنِی بن سعید امام النَسَب (مُتَوفّٰی ۳۳۲؁ ھ)

٭…حضرت ابو نُعَیم احمد بن عبداللّٰہ (صاحب الحِلْیَہ)(مُتَوفّٰی  ۴۳۰؁ ھ)

٭…حضرت ابوبکر احمد بن حُسَین بَیْہَقِی (مُتَوفّٰی  ۴۵۸ ؁ ھ)

٭…حضرت شیخ الاسلام ابو عمر حافظ ابن عبدالبَر (مُتَوفّٰی ۴۶۳؁ ھ)

٭…حضرت علامہ قاضی عِیاض (صاحب الشفائ)(مُتَوفّٰی  ۵۴۴؁ ھ)

٭…حضرت عبدالرحمن بن عبداللّٰہ سُہَیلی(صاحِبُ الرَّوْضُ الْاُ ُنف)(مُتَوفّٰی ۵۸۱؁ ھ)

٭…حضرت علامہ عبدالرحمن ابن الجَوزی(صاحب شرف المصطفٰی)(مُتَوفّٰی ۵۹۷؁ ھ)

٭…حضرت امام شَرْفُ الدِّیْن عبدالمؤمن دِمْیَاطِی(صاحب سیرت دمیاطی)(مُتَوفّٰی ۷۰۵؁ ھ)

٭…حضرت ابن س ید الناس بصری(صاحب عُیُون الاَثَر)(مُتَوفّٰی ۷۳۴؁ ھ)

٭…حضرت حافظ علاء الدین مغلطائی(صاحب الاشارۃ الی سیرۃ المصطفیٰ )(مُتَوفّٰی ۷۶۲؁ ھ)

٭…حضرت علامہ ابن حَجَر عَسْقَلانی (شارح بخاری)(مُتَوفّٰی ۸۵۲؁ ھ)

٭…حضرت علامہ بَدْرُالدِّیْن محمود عَیْنی (شارح بخاری)(مُتَوفّٰی ۸۵۵؁ ھ)

٭…حضرت ابو الحَسَن علی بن عبداللّٰہ بن احمد سَمْہُودی(صاحب وَفائُ الوَفاء)(مُتَوفّٰی ۹۱۱ھ؁)

٭…حضرت محمد بن یوسف صالحی(صاحب السیرۃ الشامیہ)(مُتَوفّٰی   ۹۴۲؁ ھ)

٭…حضرت علی بن بُرہان الدین(صاحب السیرۃ الحَلْبِیَہ)(مُتَوفّٰی ۱۰۴۴؁ ھ)

٭…حضرت احمد بن محمد بن ابوبکر قَسْطَلانی(صاحب مَواہِب لَدُنیہ)(مُتَوفّٰی  ۹۲۳؁ ھ)

٭…حضرت شیخ عبدالحق محدث دہلوی(صاحب مدارج النبوت)(مُتَوفّٰی ۱۰۵۲؁ ھ) (سیرتِ مصطفٰی صَلَّی اللّٰہُ تَعَالٰی عَلَیْہِ وَسَلَّم ،ص۳۶)

سیرتِ رسول عربی

جس طرح ہر دور میں عاشقانِ رسول نے اپنی علمی بساط اور ماحول کی ضروریات کے لحاظ سے سیرتِ نبویہ کے دلکش، رُوح پرور اور ایمان افروز عنوان پر مفصل اور مختصر کتابیں تحریر فرمائیں اسی طرح حضرت علامہ نور بخش توکلی رَحْمَۃُ اللّٰہ تَعَالٰیعَلَیْہ نے بھی اپنے دور کی ضرورت کے مطابق ایک مختصر کتاب ’’ سیرت رسول عربی  ‘‘تحریر فرمائی جس میں مستند اور معتبر روایات بحوالہ نقل کی گئی ہیں ۔ اس کی ایک مختصر جھلک پیش کی جاتی ہے ۔

کتاب کی ترتیب یوں ہے : ابتدامیں دو مقدمے،پھر دس ابواب اور آخر میں ایک خاتمہ۔

پہلا مقدمہ: ملک عرب کا جغرافیہ

دوسرا مقدمہ: عرب کی تاریخ قدیم پر طائرانہ نظر

پہلا باب: برکاتِ نورِ محمدی

دوسرا باب: حالاتِ نسب و وِلادت شریف تا بعثت شریف

تیسراباب: حالاتِ بعثت شریف تا ہجرت

چوتھاباب: حالاتِ ہجرت تا وَفات شریف

پانچواں باب: وَفات شریف اور حلیہ مبارک کا بیان

چھٹاباب: آنحضرت صَلَّی اللّٰہُ عَلَیْہِ وَسَلَّم کے خلق عظیم کا بیان

ساتواں باب: آنحضرت صَلَّی اللّٰہُ عَلَیْہِ وَسَلَّم کے معجزوں کا بیان

آٹھواں باب: آنحضرت صَلَّی اللّٰہُ عَلَیْہِ وَسَلَّم کے فضائل و خصائص کا بیان

نواں باب: آنحضرت صَلَّی اللّٰہُ عَلَیْہِ وَسَلَّم کی ازواجِ مطہرات اور اولاد ِکرام رَضِیَ اللّٰہُ تَعَالٰی عَنْہُم اَجْمَعِیْنکا بیان

          دسواں باب: اُمت پر آنحضرت صَلَّی اللّٰہُ عَلَیْہِ وَسَلَّم کے حقوق کا بیان

خاتمہ:          بحث اِستغاثہ و توسل

پہلے مقدمے میں مُلک عرب کا جغرافیہ اور دوسرے میں عرب کی قدیم تاریخ انتہائی اختصار کے ساتھ پیش کی گئی ہے ۔پہلے باب سے پانچویں باب تک حضور صَلَّی اللّٰہُ عَلَیْہِ وَسَلَّم کی ولادتِ مبارکہ سے آپ کے وصالِ ظاہری تک کے حالات کا بیان ہے۔چھٹے باب میں آپ صَلَّی اللّٰہُ عَلَیْہِ وَسَلَّم کے اخلاقِ کریمہ کی ایک جھلک  پیش کی گئی ہے۔ساتویں باب کو دو فصلوں میں تقسیم کیا گیا ہے پہلی فصل میں آپ کے عظیم ترین معجزہ قرآنِ پاک پر بطورِ معجزہ چار وُجوہ یعنی فصاحت و بلاغت، نظم قرآن کا اُسلوبِ بدیع،غیب کی خبریں اور قرآن کے علوم کے تحت مفصل کلام کیا ہے اورقرآنِ پاک کی چالیس پیش گوئیاں ذکرکی گئی ہیں ۔ دوسری فصل میں دیگر معجزات بیان کیے گئے ہیں ۔ آٹھویں باب میں حضور صَلَّی اللّٰہُ عَلَیْہِ وَسَلَّم کے فضائل و خصائص بیان کئے گئے ہیں اور مثالوں کے ذریعے یہ ثابت کیا ہے کہ انبیائے سابقین کو جو جو معجزے عطا ہوئے وہ سارے بلکہ اس سے بڑھ کر آپ کو عطا کیے گئے نیزآپ کی ایک سو پچیس خصوصیات ذکر کی گئی ہیں ۔پھر کفار نے اپنے تئیں آپ پر جو اعتراض کیے اور ان کا اللّٰہ عَزَّوَجَلَّ نے جوجواب ارشادفرمایا اس کا بھی ذکرکیا اور اس ضمن میں پندرہ آیات مبارکہ بطور مثال پیش کی ہیں ۔ نویں باب میں آپ صَلَّی اللّٰہُ عَلَیْہِ وَسَلَّم کی مقدس ازواج اور اولاد کرام رَضِیَ اللّٰہُ تَعَالٰی عَنْہُمْ اَجْمَعِیْن کا فرداً فرداً تذکرہ کیا گیا ہے۔ دسویں باب میں امت پر آپ صَلَّی اللّٰہُ عَلَیْہِ وَسَلَّم کے کیا کیا حقوق ہیں ان کا بیان نیز حضور سے محبت و عشق ،آ پ کی اور آپ سے نسبت رکھنے والی چیزوں کی تعظیم و توقیر اور ادب کے طریقے، درود شریف،روضہ انور کی زیارت و آداب اور آخر میں حدیث ‘’ لَا تُشَّدُ الرِّحَال’‘ کی بحث کی گئی ہے ۔اور خاتمہ میں استغاثہ اور توسل کے متعلق بحث ہے جس کے تحت حضور انور صَلَّی اللّٰہُ عَلَیْہِ وَسَلَّم کی ذات مبارکہ کو وسیلہ بنانے اور آپ سے استعانت کے جواز پر دلائل دئیے گئے ہیں ۔

وَجہ تالیف

مصنف سیرت رسول عربی حضرت علامہ نور بخش توکلی رَحْمَۃُ اللّٰہ تَعَالٰی عَلَیْہ حرفِ آغاز میں فرماتے ہیں :

      ’’ اس پر آشوب زمانہ میں ملک ہند میں کئی فتنے برپا ہیں جو سب کے سب صراطِ مستقیم یعنی مسلک اہل سنت و جماعت

 سے منحرف ہیں ۔ اردو میں سیرت پر جو چند کتابیں شائع ہوئی ہیں ان میں سے شاید ہی کوئی بہمہ وجوہ اہل سنت و جماعت کے معیار پر پوری اترے۔ فقیر نے بتوفیق الٰہی اس کتاب میں مسلک اہل سنت کی پابندی کا پورا التزام رکھا ہے۔‘‘

مقبولیت

سیرتِ رسول عربی کا پہلا ایڈیشن تقریباً پون صدی قبل ۱۳۵۷ھ مطابق ۱۹۳۸ء میں لدھیانہ (مشرقی پنجاب) سے شائع ہوا تھا اور آج تک اس کی اشاعت کا سلسلہ جاری ہے ۔اس کی مقبولیت کے بارے میں خود مصنف رَحْمَۃُ اللّٰہ تَعَالٰیعَلَیْہ دوسرے ایڈیشن کے دیباچہ میں فرماتے ہیں : ‘’اس کتاب کے پہلے ایڈیشن کو علماء ومشائخ وعامۂ مسلمین نے باوجود عالمگیر جنگ وقحط کے جس قدر دانی کی نگاہ سے دیکھا وہ نہایت حوصلہ افزا ہے۔حالاتِ موجودہ میں کمپنی مذکورہ کا اس کی طبع کی اجازت طلب کرنامزید ثبوت اس کی مقبولیت کا ہے۔ کیوں نہ ہو ،اللّٰہ تعالٰی کے پیارے نبی بابی ہو و امی کے پیارے پیارے حالات ہیں ۔’‘

 مختلف علماء نے اسے سراہا، جن میں شرفِ ملت حضرت علامہ عبدالحکیم شرف قادری رَحْمَۃُ اللّٰہ تَعَالٰیعَلَیْہ فرماتے ہیں :

’’ ضرورت تھی کہ ایسی کتاب لکھی جائے جو مستند معلومات پر مشتمل ہو، مسلک اہل سنت کی صحیح ترجمانی کرے اور اندازِ بیان سادہ اور عام فہم ہو، حضرت مولانا محمد نور بخش توکلی قدس سرہ نے سیرت رسول عربی لکھ کر اس ضرورت کو پورا کردیا۔‘‘

کچھ مصنف کے بارے میں

پیدائش

فخر اہلسنت،پیر طریقت حضرتِ علامہ نور بخش توکلی رَحْمَۃُ اللّٰہ تَعَالٰی عَلَیْہ کی ولادت باسعادت ضلع لدھیانہ (مشرقی پنجاب،ہند) کے موضع چک قاضیاں میں        ۱۳۰۵؁ ھ میں ہوئی۔آپ کا تعلق ایک دینی گھرانے سے تھا لہٰذا بچپن ہی سے بزرگانِ دین رَحِمَہُمُ اللّٰہ الْمُبِیْنکی صحبت و قربت نصیب ہوئی ۔

تعلیم و      تربیت

ابتدائی تعلیم مقامی مدارس سے حاصل کی ۔ بچپن ہی سے ذہانت اور خدا داد صلاحیتوں کی بنا پر اپنے ساتھیوں میں

ممتازومافوق رہے۔ایم۔ اے۔ عربی کا امتحان ہند کی مشہور درس گاہ مسلم یونیورسٹی علیگڑھ سے امتیازی حیثیت کے ساتھ پاس کیا ۔ آپ کو دینی علوم سیکھنے کا بھی بہت شوق تھا اور یہ عالم تھا کہ میونسپل بورڈ کالج میں پروفیسر ہونے کے باوجود معروف عالم دین مولانا غلام رسول قاسمی کشمیری امرتسری کے پاس حاضر ہوتے اور طلباء کے ساتھ چٹائی پر بیٹھ کر تفسیر، حدیث اور فقہ کا درس لیتے۔آپ رَحْمَۃُ اللّٰہِ تَعَالٰی عَلَیْہکی تصانیف آپ کے کثیر مطالعے اور وسعت نظری کی نشاندھی کرتی ہیں ۔

بیعت و خلافت

 جن دنوں آپ رَحْمَۃُ اللّٰہ تَعَالٰی عَلَیْہ اَنبالہ کے ایک اسکول میں بطور ِہیڈ ماسڑتعینات تھے ان دنوں اَنبالہ میں روحانی پیشوا حضرت خواجہ توکل شاہ رَحْمَۃُ اللّٰہ تَعَالٰی عَلَیْہ کا بڑا شہرہ تھا۔ آپ ان کے دست اَقدس پر سلسلۂ عالیہ نقشبندیہ میں بیعت ہوئے اور اجازت و خلافت سے سرفراز ہوئے۔ اسی نسبت سے اپنے نام کے ساتھ ’’ توکلی ‘‘ لکھا کرتے تھے۔ حضرت خواجہ توکل شاہ رَحْمَۃُ اللّٰہ تَعَالٰی عَلَیْہ کے وصال فرمانے کے بعد آپ نے بلند پایہ عالم دین حضرت مشتاق احمد انبیٹھوی ثمہ لدھیانوی رَحْمَۃُ اللّٰہ تَعَالٰی عَلَیْہ سے سلسلۂ صابریہ میں اِکتساب فیض کیا۔حضرت نے بھی آپ کو خرقۂ خلافت سے نوازا۔

دینی و ملی خدمات

آپ اَنبالہ کے اِسکول میں بطور ِہیڈ ماسڑ اورمیونسپل بورڈ کالج امرتسر میں بطورِ پروفیسر خدمات سرانجام دیتے رہے۔بعد از اں مرکز الاولیاء لاہور تشریف لائے اور ایک عرصہ تک دار العلوم نعمانیہ لاہور کے ناظم تعلیم اور انجمن نعمانیہ کے ماہوار رسالہ کے ایڈیٹر رہے۔انہی ایام میں پنجاب کی مشہور درس گاہ گورنمنٹ کالج مرکز الاولیاء لاہور میں عربی کے پروفیسر مقرر ہوئے۔اس عرصہ میں آپ نے نوجوان نسل کی تعلیم و تربیت پر زور دیا، ان میں اَسلافِ کرام سے تعلق قائم رکھنے کی ضرورت اور اہمیت کو اجاگر کیا اور تقریر و تحریر کے ذریعے مسلک اہلسنت کی گرانقدر خدمات انجام دیں ۔

گورنمنٹ کالج سے ریٹائر منٹ کے بعد آپ نے چک قاضیاں  ضلع لدھیانہ (مشرقی پنجاب،ہند) میں ایک مدرسہ قائم فرمایا اور اپنے پیر و مرشد کی نسبت سے اس کا نام ’’  مَد رسہ اِسلامیہ توکلیہ      ‘‘رکھا ۔کثیر طلبہ اس مدرسے سے

مستفید ہوئے۔آپ کا ایک شاندار و تاریخی کارنامہ یہ ہے کہ آپ نے گورنمنٹ کے گزٹ میں 12 ربیع النور شریف کے لیے عید میلاد النبی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا نام منظور کر وایااور اس دن کی عام تعطیل پاس کروائی۔بِحَمْدِہٖ تَعَالٰی آج یہی نام بچے بچے کی زبان پر ہے اوریہ دن بڑے احترام اور شایانِ شان طریقے سے منایا جاتا ہے۔

آپ ایک بلند پایہ مدرس ہونے کے ساتھ ساتھ ایک اَدِیب بھی تھے ،تصنیف و تالیف کی ضرورت، اہمیت اور افادیت کو بخوبی سمجھتے تھے، آپ کو وسیع معلومات تھیں ،قوتِ استدلال اور عام فہم اندازِ تحریر کا مَلکہ بھی حاصل تھا ۔انجمن نعمانیہ کے ماہوار رسالہ میں اکثر و بیشتر آپ کے پر مغز مضامین اور فتاویٰ شائع ہوتے تھے۔آپ کی جملہ تصانیف سے نہ صرف یہ کہ سید عالم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمسے والہانہ محبت کا پتا چلتا ہے بلکہ پڑھنے والے کا ایمان بھی تازہ ہوتا ہے۔

تصانیف

آپ کی کچھ تصانیف یہ ہیں :

{1}سیرت ِ رسولِ عربیصَلَّی اللّٰہُ عَلَیْہِ وَسَلَّم {2}اعجاز القرآن

{3}عقائد اہل سنت                                                 {4}عید میلاد النبیصَلَّی اللّٰہُ عَلَیْہِ وَسَلَّم

{5}معجزات النبی صَلَّی اللّٰہُ عَلَیْہِ وَسَلَّم {6}غزوات النبیصَلَّی اللّٰہُ عَلَیْہِ وَسَلَّم

{7}حلیۃ النبی صَلَّی اللّٰہُ عَلَیْہِ وَسَلَّم {8}سیرتِ غوثِ اعظم  رَحْمَۃُ اللّٰہِ تَعَالٰی عَلَیْہ

{9}تذکرہ مشائخ نقشبند                                              {10}شرح قصیدہ بردہ عربی ،اردو

{11}تحفۂ شیعہ                                                   {12}کتاب البرزخ

{13}مقدمہ تفسیر القرآن                                          {14}تفسیر سورۂ فاتحہ و سورۂ بقرہ

{15}رسالہ نور                                                   {16}حاشیۃ التحفۃ الابراہیمیۃ فی اعفاء اللحیۃ

{17}مولود برزنجی کی اردو شرح                                     {18}امام بخاری شافعی رَحْمَۃُ اللّٰہِ تَعَالٰی عَلَیْہ

{19}ترجمہ تحقیق المرام فی منع القراء ۃ خلف الامام                 {20}الاقوال ا لصحیحۃ فی جواب الجرح علی ابی حنیفۃ

و فات

آپ رَحْمَۃُ اللّٰہِ تَعَالٰی عَلَیْہاپنے مکان کی سیڑھی سے گرنے کی وجہ سے کچھ عرصہ بیمار رہے اور ۱۳جمادی الاولیٰ ۱۳۶۷ھ/۲۴ مارچ ۱۹۴۸ء کو وصال فرماگئے۔ سردار آباد (فیصل آباد )کے جنرل بس اسٹینڈ کے قریب حضرت نور شاہ ولی قُدِّسَ سَرُّہٗ کے مزار کے پاس آپ کو دفن کیا گیا۔

سیرتِ رسول عربی کی وجہ سے مصنف پر کرم

اللّٰہ عَزَّوَجَلَّکی بارگاہِ بے نیاز میں کون سا عمل مقبول ہو کر اُخروی کامیابی کا سبب بن جائے یہ کوئی نہیں جانتا۔ کچھ ایسا ہی موصوف مولانا نور بخش توکلی رَحْمَۃُ اللّٰہِ تَعَالٰی عَلَیْہکے ساتھ بھی ہوا، چنانچہ آپ کی کتاب سیرتِ رسولِ عربی مقبول ہو کر آپ کے لیے اللّٰہ عَزَّوَجَلَّ کے انعام و اِکرام کا سبب بن گئی۔ہوا یوں کہ آپ کے وصال کے بعد محترم مفتی عبد الحمید نقشبندی مجددی لدھیانوی نے آپ کو ایک خوبصورت معطر باغ میں ایک سنہری تخت پر جلوہ افروزدیکھ کردریافت کیا کہ مولیٰنا صاحب! یہ سرفرازی کیسے نصیب ہوئی؟ فرمانے لگے کہ مفتی صاحب! یہ انعام سیرتِ رسولِ عربی کی وجہ سے نصیب ہواہے۔ ^([1]) اللّٰہ عَزَّوَجَلَّکی ان پر رحمت ہو اور ان کے صدقے ہماری مغفرت ہو! آمین بجاہ النَّبِیِّ الْاَمِیْن صَلَّی اللّٰہُ عَلَیْہِ وَسَلَّم۔

سیرتِ رسولِ عربی پڑھنے کا طریقہ

اس کتاب کا مطالعہ اس طرح نہ کیجئے جس طرح عام طور پر لوگ ناولوں یا قصہ کہانیوں یا تاریخی کتابوں کو نہایت ہی لاپروائی کے ساتھ پاکی ناپاکی ہر حالت میں پڑھتے رہتے ہیں اورنہایت ہی بے توجہی کے ساتھ پڑھ کر ادھر ادھر ڈال دیا کرتے ہیں بلکہ اس جذبۂ عقیدت اوروالہانہ جوش محبت کے ساتھ اس کتاب کا مطالعہ کریں کہ یہ شہنشا ہِ دارین اورمحبوب رب المشرقین والمغربین کی حیات طیبہ اوران کی سیرت مقدسہ کا ذکر جمیل ہے جو ہماری ایمانی عقیدتوں کا مرکز

 اورہماری اسلامی زندگی کا محور ہے ۔ یہ محبوب خدا صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی ان قابل احترام اداؤں کا بیان ہے جن پر کائنات عالم کی تمام عظمتیں قربان ہیں ، لہٰذا اس کے مطالعہ کے وقت آپ کو ادب واحترام کا پیکر بن کر اورتعظیم وتوقیر کے جذبات صادقہ سے اپنے قلب ودماغ کو منور کر کے اس تصور کے ساتھ اس کی ایک ایک سطر کو پڑھنا چاہیے کہ اس کا ایک ایک لفظ میرے لئے حسنات وبرکات کا خزانہ ہے اورگویا میں حضور رحمۃ للعالمین صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے مقدس دربار میں حاضر ہوں اورآپ کی ان پیاری پیاری اداؤں کو دیکھ رہا ہوں اورآپ کے فیض صحبت سے انوار حاصل کر رہا ہوں ۔ حضرت ابو ابراہیم تُجِیبی رَحْمَۃُ اللّٰہِ تَعَالٰی عَلَیْہ نے ارشاد فرمایا ہے کہ

’’ہر مومن پر واجب ہے کہ جب وہ رحمت عالم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا ذکر کرے یا اسکے سامنے آپ کا ذکر کیا جائے تو وہ پر سکون ہوکر نیاز مندی وعاجزی کا اظہار کرے، اوراپنے قلب میں آپ کی عظمت اورہیبت وجلال کاایسا ہی تاثر پیدا کرے جیسا کہ آپ کے روبرو حاضر ہونے کی صورت میں آپ کے جلال وہیبت سے متاثر ہوتا۔‘‘(الشفا بتعریف حقوق المصطفی،الباب الثالث فی تعظیم امرہ،فصل واعلم ان حرمۃ النبی۔۔۔الخ ،ج۲،ص۴۰)

اورحضرت علامہ قاضی عیاض رَحْمَۃُ اللّٰہِ تَعَالٰی عَلَیْہنے فرمایا کہ حضور انور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی وفات اقدس کے بعد بھی ہرامتی پر آپ کی اتنی ہی تعظیم وتوقیر لازم ہے جتنی کہ آپ کی ظاہری حیات میں تھی ۔ چنانچہ خلیفہ بغداد ابو جعفر منصور عباسی جب مسجد نبوی میں آکر زور زور سے بولنے لگاتو حضرت امام مالک رَحْمَۃُ اللّٰہِ تَعَالٰی عَلَیْہ نے ا سکو یہ کہہ کر ڈانٹ دیا کہ اے امیر المومنین! یہاں بلند آواز سے گفتگونہ کیجئے کیونکہ اللّٰہ تعالٰی نے قرآن میں اپنے حبیبصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  کے دربار کا یہ ادب سکھایا کہ

لَا تَرْفَعُوْۤا اَصْوَاتَكُمْ فَوْقَ صَوْتِ النَّبِیِّ (پ۲۶، الحجرات:۲)

ترجمہ کنزالایمان:اپنی آوازیں اونچی نہ کرو اس غیب بتانے والے(نبی)کی آواز سے۔

‘’وَ اِنَّ حُرْمَتَہٗ مَیِّتًا کَحُرْمَتِہٖ حَیًّا ‘‘ اورآپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی وفات اقدس کے بعد بھی ہر امتی پر آپ کی اتنی ہی تعظیم واجب ہے جتنی کہ آپ کی ظاہری حیات میں تھی ۔ یہ سن کر خلیفہ لرزہ براندام ہوکر نرم پڑگیا۔(الشفا بتعریف حقوق المصطفی،الباب الثالث فی تعظیم امرہ،فصل واعلم ان حرمۃ النبی۔۔۔الخ ،ج۲،ص۴۱)

بہرحال سیرتِ مقدسہ کی کتابوں کو پڑھتے وقت ادب واحترام لازم ہے اور بہتر یہ ہے کہ جب پڑھنا شروع کرے تو درود شریف پڑھ کر کتاب شروع کرے اور جب تک دلجمعی باقی رہے پڑھتا رہے اورجب ذرا بھی اکتاہٹ محسوس کرے تو پڑھنا بند کردے اور بے توجہی کے ساتھ ہرگز نہ پڑھے ۔

واللّٰہ تعالٰی ھو الموفق والمعین وصلی اللّٰہ تعالی علیہ وعلی الہ وصحبہ اجمعین ۔ (سیرتِ مصطفیصَلَّی اللّٰہُ تَعَالٰی عَلَیْہِ وَسَلَّم ،ص۴۵)

’’ اَ        لْمَدِ     یْنَۃُ ا   لْعِلْمِیَّۃ ‘‘ اور ’’  سیرت ِرَسول عربی    ‘‘

مسلمانوں کویہ اعزاز و شرف حاصل ہے کہ انہوں نے اپنے پیارے نبی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے حالات وواقعات کو اس استقصا کے ساتھ محفوظ رکھا کہ کسی شخص کے حالات آج تک اس جامعیت اور احتیاط کے ساتھ قلم بند نہیں ہو سکے اور نہ آئندہ کیے جا سکتے ہیں ۔ اس سے زیادہ کیا عجیب بات ہوسکتی ہے کہ حضورصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے افعال واقوال کی تحقیق کی غرض سے آپ کے دیکھنے والوں اور ملنے والوں میں سے تقریبا تیرہ ہزار اشخاص کے نام اور حالات قلمبند کئے گئے۔ ایک اسکالر (شپرنگر)کی رائے یہ ہے کہ دنیا میں نہ کوئی ایسی قوم گزری نہ آج موجود ہے جس نے مسلمانوں کی طرح اسماء الرجال کا سا عظیم الشان فن ایجاد کیا ہو جس کی بدولت آج پانچ لاکھ اشخاص کا حال معلوم ہو سکتا ہے۔ یہ ساری کاوشیں اس لئے ہوئیں کہ رسول پاک صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے صحیح ترین اور مستند ترین حالات اور اقوال و افعال کی تدوین ہوسکے اور ایک ایسے زمانے میں جب فراہمی معلومات کے وسائل کم سے کم اور مشکلات زیادہ سے زیادہ تھیں حدیث اور سیرت کے مواد کی فراہمی اور ان کی تنقید ،دنیا بھر میں تاریخ کے فن کا محیر العقول اور عقیدت اور محبت کا ناقابل یقین کارنامہ ہے۔(اردو دائرۂ معارف اسلامیہ،ج۱۱ ،ص۵۰۹)

تبلیغ قرآن و سنت کی عالمگیر غیر سیاسی تحریک دعوتِ اسلامی کے ادارے المدینۃ العلمیۃ کے شعبہ تخریج کے لیے یقینا یہ بہت بڑی سعادت ہے کہ سیرتِ رسول عربی پر کام ان کے حصے میں آیا اور اس سلسلے میں شعبہ کے مدنی اسلامی بھائیوں نے بھی اپنی دلچسپی اور شوق کا اظہار کیا۔ان کا مطمح نظر یہ تھا کہ اس علمی ذخیرے کو مفید سے مفید تر بنانے

 کے لیے عصرحاضر کے تقاضوں سے ہم آہنگ کر کے منظر عام پر لایا جائے اور ایک ایسا نسخہ دستیاب ہو جائے جس میں اغلاط نہ ہونے کے برابر ہوں لہٰذا مدنی علما نے تخریج و تسہیل وغیرہ کا اہتمام کرتے ہوئے کام کا آغاز کیا اور اب تکمیل کے بعد یہ خوبصورت کتاب آپ کے ہاتھوں میں ہے ۔ مدنی علما کے کام کی کچھ تفصیل درج ذیل ہے:

مختلف نسخے اور تقابل:

تقابل ایک انتہائی اہم مرحلہ ہے جس میں کمپیوٹر سے کمپوز کیے ہوئے مواد کو اصل کے مطابق کیا جاتا ہے ۔اس سلسلے میں سیرتِ رسول عربی کے چند قدیم نسخے حاصل کیے گئے اسی دوران  المدینۃ العلمیۃ کے ایک شعبہ ذمہ دار اسلامی بھائی نے کم و بیش نصف صدی قبل شائع ہونے والا ایک قدیم نسخہ بغرضِ معاونت پیش کردیا جس سے کافی استفادہ کیا گیا اللّٰہ عزوجل انہیں جزائے جزیل عطا فرمائے۔تقابل کے دوران نسخوں میں جو اختلافات سامنے آئے اصل حوالہ کی طرف مراجعت کرتے ہوئے ان کی تصحیح کی گئی ہے اور حاشیہ میں ان کی و ضاحت کردی گئی ہے۔

تخریج کا اہتمام

المدینۃ العلمیۃ کے انداز کے مطابق روایات و واقعات کی تخریج کااہتمام کیا گیا ہے اور کوشش کی گئی ہے کہ مصنف نے جس کتاب کا حوالہ دیا ہے اسی کا حوالہ بالتفصیل یعنی کتاب، باب ، فصل،رقم،جلداور صفحہ نمبرکے ساتھ دیا جائے(مثلاً مصنف نے حوالہ میں لکھا:صحیح بخاری، باب قتل حمزہ۔علمیہ کی طرف سے بالتفصیل حوالہ یوں پیش کیا گیا: ( صحیح البخاری، کتاب المغازی، باب قتل حمزۃ رضی اللّٰہ تعالٰی عنہ، الحدیث:۴۰۷۲، ج۳،ص۴۱ ) البتہ بعض مقامات پر دیگر کتب کے بھی حوالے دیئے گئے ہیں ۔

 مصنف نے حوالہ جات حاشیہ میں لکھنے کا اہتمام فرمایا ہے البتہ آخری ابواب میں کہیں کہیں متن میں بھی حوالہ  جات لکھے ہیں نیز بعض حاشیے بھی متن میں بین القوسین تحریر فرمائے ہیں ۔ ہم نے اسی انداز کو برقرار رکھا ہے اور وضاحت کے لیے متن میں بین القوسین عبارت کو تھوڑا سا چھوٹا کر کے لکھا ہے (یعنی ان کا فونٹ سائز کم کردیا ہے) ۔

مصنف اور علمیہ کے حوالہ جات میں تفریق کے لیے علمیہ کی تخاریج کے آخر میں علمیہ لکھا ہے نیز مصنف کے حواشی کے آخر میں ‘’ ۱۲مِنْہ ‘‘ اورعلمیہ کے حواشی کے آخر میں علمیہ لکھا ہے۔

جہاں مصنف اور علمیہ دونوں کے حوالے اکٹھے ہو گئے ہیں وہاں پہلے مصنف کا حوالہ اور کچھ فاصلہ دے کر بین القوسین علمیہ کی تخریج لکھی گئی ہے اور تفریق کے لیے دونوں کے رسم الخط (FontStyle)جدا جدا رکھے ہیں ۔

حتی المقدور کوشش کی گئی ہے کہ تمام روایات و واقعا ت کے حوالہ جات ذکر کر دئیے جائیں تاہم جہاں تخریج  نہیں دی گئی وہاں یا تو متعلقہ کتاب میسر نہ آسکی یا پھر وہ روایت ہمیں دیگر کتب میں نہ مل سکی ۔ایسے چند مقامات پر مصنف کی ذکر کردہ کتاب کا فقط نام لکھ دیا گیا ہے تاکہ آیندہ کتاب میسر آجانے کی صورت میں تفصیل لکھ دی جائے اور متن و حواشی کی دوبارہ فارمیشن نہ کرنا پڑے۔

جن کتب سے تخریج کی گئی ہے آخر میں ان تمام کی فہرست ‘’مآخذ و مراجع ‘‘کے نام سے بنائی گئی ہے اور اس فہرست میں مصنفین و مؤلفین کے نام مع سنِ وَفات ، مطابِع اور سن طباعت بھی ذکر کر دئیے گئے ہیں ۔

مشکل الفاظ کے معانی اور اعراب کا اہتمام

مشکل اور غیرمعروف الفاظ کے معانی اور جہاں ضروت محسوس ہوئی وہاں تسہیل کا التزام کیا گیا ہے اور جابجا الفاظ پر اعراب بھی لگائے گئے ہیں ۔ یہ انتہائی محنت اور وقت طلب کام تھے جن کے لیے عربی ، اردو اورفارسی لغات سے استفادہ کیا گیا ہے اور اَعلام یعنی احادیث و واقعات کے راویوں ،کتابوں کے مصنفین اور مقامات وغیرہ کے ناموں پر اعراب کے لیے لغات کے علاوہ سیرت و تاریخ کی کتب کی طرف مراجعت کی گئی ہے۔

قرآنی آیات اور ترجمہ

آیات میں قرانی رسم الخط( خط عثمانی) بر قرار رکھنے کے لیے تمام آیات ایک مخصوص قرانی سافٹ وئیر سے Corel Draw کے ذریعے پیسٹ کی گئی ہیں ۔

 آیاتِ قرآنیہ اور ترجمہ بطورِ سابق آمنے سامنے لکھا گیاہے۔

متن میں مصنف رَحْمَۃُ اللّٰہ تَعَالٰی عَلَیْہ کا ترجمہ برقرار رکھتے ہوئے کنز الایمان کا ذوق رکھنے والوں کیلئے حاشیہ میں ترجمہ کنز الایمان بھی پیش کیاگیا ہے۔

جہاں مصنف رَحْمَۃُ اللّٰہ تَعَالٰی عَلَیْہ نے قران کی کسی آیت کی طرف ایک دو لفظ لکھ کر اشارہ کیا ہے ضرورتاً حاشیہ

میں وہ آیت اور ترجمہ کنز الایمان دونوں لکھے گئے ہیں ۔

 مصنف رَحْمَۃُ اللّٰہ تَعَالٰیعَلَیْہ نے حاشیہ میں جوآیات تحریر فرمائیں یا آیات متن میں پیش کیں اور حوالہ حاشیہ میں دیا تو علمیہ کی طرف سے اسی کے آگے بین القوسین ترجمہ کنزالایمان کا اہتمام کیا گیاہے اور آخر میں علمیہ لکھا گیا ہے۔

جن آیات کا ترجمہ مصنف رَحْمَۃُ اللّٰہ تَعَالٰی عَلَیْہ نے نہیں لکھا حاشیہ میں ان کا ترجمۂ کنز الایمان سے لکھ دیا گیا ہے۔

آیات اور تراجم کا تقابل کنزالایمان( مطبو عہ مکتبۃ المدینہ)سے دو مرتبہ کیا گیا ہے۔

تطبیق و تحقیق

مصنف رَحْمَۃُ اللّٰہ تَعَالٰی عَلَیْہ نے بیشتر مقامات پر عربی اور فارسی عبارات نقل فرمائی ہیں نیزکئی مقامات پر عربی اور فارسی میں اشعار بھی ذکر کیے ہیں ان تمام کی تطبیق کے لیے حتی المقدور اصل کتب کی طرف مراجعت کی گئی ہے ۔

دورانِ تخریج بعض مقامات پر اَعلام اور روایات کے الفاظ میں واضح اختلاف و تفاوت سامنے آیا جس کی تصحیح کے لیے مخرجین (تخریج کرنے والے) اسلامی بھائیوں نے کافی محنت کی ۔ایک ایک مقام کو متعدد کتب میں دیکھ کر کہیں تصحیح اور کہیں توضیح فرمائی اورحواشی میں ان کی وضاحت بھی کر دی ہے ۔بعض حواشی ملاحظہ فرمائیے! مثلاً

جہاں راوی کے ناموں میں اختلاف تھاوہاں تصحیح کرکے حاشیہ میں یوں وضاحت کی گئی:

سیرتِ رسولِ عربی کے نسخوں میں اس حدیث کے راوی کانام حضرت ’’ابو بکر صدیق ‘‘لکھا ہے یقینایہ کتابت کی غلطی ہے کیونکہ ‘’مشکاۃ المصابیح’‘ (جس کا مصنف نے حوالہ دیا ہے )’’ابوداود’‘اوردیگر کتب میں یہ حدیث حضرت ’’ابو بکرہ ‘‘ سے مروی ہے لہٰذاہم نے یہاں حضرت ’’ابو بکر صدیق ‘‘ (رَضِیَ اللّٰہُ تَعَالٰی عَنْہُ )کے بجائے حضرت ’’ابو بکرہ  ‘‘ (رَضِیَ اللّٰہُ تَعَالٰی عَنْہُ )لکھا ہے۔  واللّٰہ تعالٰی اعلم بالصواب۔ علمیہ

 سیرتِ رسولِ عربی کے نسخوں میں یہاں اس طرح لکھا ہے :  عبید بن جریح رَضِیَ اللّٰہُ تَعَالٰی عَنْہُ سے روایت ہے کہ اس نے حضرت  عمر رَضِیَ اللّٰہُ تَعَالٰی عَنْہُ سے کہا۔۔۔۔۔۔۔۔الخ، جبکہ ‘’شمائل ترمذی ‘‘ میں ہے: ‘’ عن عبید بن جریج انہ قال لابن عمر رأیتک تلبس النعال ۔ ۔ ۔ ۔ ۔ ۔الخ ‘‘ اس کے علاوہ بخاری ، مسلم، دلائل النبوۃ للبیہقی ، سبل الہدی و الرشاد اور حدیث و سیرت کی دیگر کتب میں بھی(الفاظِ مختلفہ کے ساتھ اس روایت میں ) ‘’عبید بن جریج ‘‘ اور’’ ابن عمر’‘ کا ذکر ہے لہٰذا کتابت کی غلطی پر محمول کرتے ہوئے ہم نے یہاں ‘’عبید بن جریح ‘‘ اور ‘’ عمر ‘‘کے بجائے ‘’ عُبید بن جُریج ‘‘اور ‘’ ابن عُمَر’‘ لکھا ہے ۔و اللّٰہ تعالی اعلم بالصواب۔ علمیہ

شخص کے نام میں تصحیح کے بعد حاشیہ کی یوں ترکیب کی گئی:

سیرتِ رسولِ عربی کے نسخوں میں یہاں ‘’ زید بن مثنہ ‘‘ لکھا ہے یہ ہمیں نہیں ملا البتہ’’ السیرۃ النبویۃ لابن ہشام، اسد الغابۃ ، المستدرک علی الصحیحن للحاکم’‘اور حدیث و سیرت کی دیگرکتب میں ‘’ زَید بن دَثِنَّہ ‘‘ہے لہٰذا کتابت کی غلطی پر محمول کرتے ہوئے ہم نے یہاں ‘’ زَید بن مثنہ ‘‘کے بجائے  ‘’ زَید بن دَثِنَّہ ‘‘ لکھا ہے ۔و اللّٰہ تعالٰی اعلم بالصواب ۔علمیہ

کتب و رسائل کے ناموں میں تصحیح کے بعد یوں حاشیہ دیا گیا:

سیرتِ رسولِ عربی کے نسخوں میں اس رسالے کا نام ’’ نہایت الاعجاز فی درایت الاعجاز ‘ ‘لکھا ہے جو کہ کتابت کی غلطی معلوم ہوتی ہے کیونکہ ہمارے پیش نظر دارِ صادر بیروت (الطبعۃ الاولی،۱۴۲۴ھ -۲۰۰۴م) کا نسخہ ہے جس پر ‘’نہایۃ الایجاز فی درایۃ الاعجاز’‘ لکھا ہے لہٰذا ہم نے اسی کے مطابق تصحیح کی ہے ، واللّٰہ تعالٰی اعلم۔ علمیہ

سن اور تعداد میں اختلاف کی وضاحت اس طرح کی گئی:

سیرتِ رسولِ عربی کے نسخوں میں یہاں ’’۵۸۵ھ؁ ‘‘ لکھا ہے یقینایہ کتابت کی غلطی ہے کیونکہ ’’۵۸۵ھ؁ ‘‘ میں تو علامہ قَسْطَلانی رَحْمَۃُ اللّٰہِ تَعَالٰی عَلَیْہ کی ولادت بھی نہیں ہوئی تھی،آپ کا سن ولادت ’’ ۸۵۱ ھ؁ ‘‘ہے ،مواہب لدنیہ اور حجۃ اللّٰہ علی العالمین میں لکھا ہے کہ یہ واقعہ ’’۸۸۵ھ؁ ‘‘ میں پیش آیالہٰذا ہم نے یہی سن لکھا ہے۔علمیہ

الطبقات الکبریٰ لابن سعد میں ہے کہ ‘’و ہم تسعمائۃ ‘‘ یعنی وہ نو سو تھے جبکہ تاریخ مدینہ دمشق اور دیگر میں سات سو ہی لکھا ہے، ہو سکتا ہے مصنف کے پاس  الطبقات الکبریٰ لابن سعدکا جو نسخہ ہو اس میں ‘’و ہم سبعمائۃ ‘‘ ہی ہو۔ و اللّٰہ تعالٰی اعلم۔ علمیہ

کم و بیش پچھلی پون صدی سے سیرتِ رسول عربی کی طباعت کا سلسلہ جاری ہے اس طویل ترین عرصہ میں مرورِ زمانہ کے ساتھ طباعت و اشاعت کے انداز بھی بدلتے رہے لہٰذا اس طرح کی اغلاط کا ہونا خارج از امکان نہیں ، بہر حال علمیہ کے مَدَنی علما نے ان اَغلاط کو دور کرنے کی کوشش کی ہے ۔

مزید کچھ کام یہ بھی ہیں :

جہاں نبی اَکرم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے نام نامی یا آپ کے ذکر کے ساتھ درودِ پاک لکھنے سے رہ گیا تھا وہاں درودِ پاک لکھنے کا اہتمام کیا گیا ہے نیز صحابہ کرام اور دیگر بزرگانِ دین کے ناموں کے ساتھ بھی ترضیہ (رَضِیَ اللّٰہُ تَعَالٰی عَنْہ) اور ترحم  (رَحْمَۃُ اللّٰہِ تَعَالٰی عَلَیْہ) لکھنے کی ترکیب کی گئی ہے۔

علاماتِ ترقیم (Punctuation Marks)یعنی کاما، فل اسٹاپ، کالن، انورٹڈ کاماز) (Inverted Commas وغیرہ کا ضرورتاً اہتمام کیا گیا ہے۔

کتاب کو خوبصورت بنانے کے لیے ہیڈنگز(Headings) ،قرآنی آیات، بعض عبارات ،نمبرنگ اور بارڈروغیرہ کی ترکیب ڈیزائنگ سافٹ ویئر Corel Draw کے ذریعے کی گئی ہے۔

دو مرتبہ پوری کتاب کی پروف ریڈنگ کی گئی ہے ۔

آخری عرض

اَ لْحَمْدُ لِلّٰہ عَزَّوَجَلَّ اس کتاب پر شعبہ تخریج ( المدینۃ العلمیۃ) کے6 اِسلامی بھائیوں نے کام کرنے کی سعادت حاصل کی بالخصوص ابن داود محمد عرفان عطاری مَدَنی، ابن حنیف محمد سعید عطاری مَدَنی اور ابوعتیق محمد نوید رضا عطاری مَدَنی نے خوب کوشش کی،  اللّٰہ عَزَّوَجَلَّ ان کی سعی قبول فرما کر ذریعہ نجات بنائے ۔سچ تو یہ ہے کہ یہ تمام کام اللّٰہ عَزَّوَجَلَّ کی عطا کردہ توفیق ہی سے ممکن ہوا، اگر توفیق الٰہی شامل حال نہ ہوتی تو یہ کام نہ ہوپاتا، اسی نے اس کام کے اَوصاف اور محاسن سُجھائے اور اپنے حبیب کے صدقے میں انہیں دل میں ڈالا لہٰذا اس کام کی تمام خوبیاں اللّٰہ عَزَّوَجَلَّ کی عطا اور اس کے پیارے حبیب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی عنایت سے ہیں نیز علمائے کرام رَحِمَہُمَ اللّٰہُ السَّلَام بالخصوص شیخ طریقت امیر اہلسنّت بانی دعوتِ اسلامی حضرت علامہ مولانا ابو بلال محمد الیاس عطارؔ قادری ضیائی مدظلہ العالِی  کے فیضان کا صدقہ ہے کہ اس انداز میں یہ کام ہو پایا۔ اور باوجود احتیاط کے جو خامیاں رہ گئیں انہیں ہماری طرف سے نا دانستہ کوتاہی پر محمول کیا جائے۔ قارئین خصوصاً علماء کرام دَامَتْ فُیُوْضُہُم سے گزارش ہے اگر کوئی خامی آپ محسوس فرمائیں یا اپنی قیمتی آراء اور تجاویز دینا چاہیں توہمیں تحریری طور پر مطلع فرمائیے۔ اللّٰہ عَزَّوَجَلَّ ہمیں اپنی رضا کے لیے کام کرنے کی توفیق عطا فرمائے اور دعوت ِاسلامی کی مجلس ‘’المدینۃ العلمیۃ ‘‘ اور دیگر مجالس کو دن گیارھویں رات بارھویں ترقی عطافرمائے۔ اٰمین بجاہ النبی الامین صلی اللّٰہ تعالی علیہ وسلم

                  شعبہ تخریج  المدینۃ العلمیۃ

بِسْمِ اللّٰهِ الرَّحْمٰنِ الرَّحِیْمِ

الحمد للّٰہ ذی الجلال والاکرام والصلوۃ والسلام علٰی سیدنا ومولٰـــنا ووسیلتنا فی

 الدارین محمد خیر الانام وعلٰی اٰلہ واصحابہ وازواجہ وذریتہ وأتباعہ الٰی یوم البعث والقیام ۔

امّابعد:گورنمنٹ کالج لاہور کی پروفیسری سے سبکدوش ہونے کے کچھ عرصہ بعد فقیر توکلی نے حضرات خواجگانِ نقشبندیہ قَدَّسَ اللّٰہُ تَعَالٰی اَسْرَارَہُمْ کے حالات لکھنے شروع کیے۔ پہلے یہ ارادہ تھا کہ ان کے شروع میں چند صفحے وقف حالاتِ مبارک حضور امام الاولیاء محمد مصطفی صَلَّی اللّٰہُ عَلَیْہِ وَسَلَّمکردیئے جائیں گے مگر جب وہ کتاب اِختتام کے قریب پہنچی تو یہ شوق پیدا ہوا کہ حضور عَلَیْہِ الصَّلٰوۃُ وَالسَّلَامکے سوانح اَقدس میں ایک مستقل کتاب لکھوں چنانچہ سیرت کا ایک نہایت مختصر سا خاکہ ذہن نشین کرکے طبع آزمائی کرنے لگا۔ عنایت الٰہی اور حضور تاجدارِ مدینہ صَلَّی اللّٰہُ عَلَیْہِ وَسَلَّم کی روحانی مدد شامل حال ہوئی، پھر کیا بیان کروں ! حالات تھے پیارے پیارے، جذبہ شوق میرے قلم کو کشاں کشاں کہیں سے کہیں لے گیا اور غایت اِختصار کے باوجود یہ کتاب تیار ہوگئی جو قارئین کرام کے سامنے ہے۔

حضورِ اَقدس صَلَّی اللّٰہُ عَلَیْہِ وَسَلَّم کی سیرت سے واقف ہونا ہر ایک مسلمان پر فرض ہے کیونکہ حضور عَلَیْہِ الصَّلٰوۃُ وَالسَّلَام حسبِ ارشادِ الہٰی مسلمانوں کے لیے واجب التقلید نمونہ ہیں ، اسی واسطے حضور کے اَقوال و اَفعال ، اَخلاق و عادات، حرکات و سکنات، وَضع و قطع، رَفتار و گفتار اور طریق معاشرت وغیرہ سب کے سب بطریق اسناد نہایت صحت کے ساتھ محفوظ ہیں تاکہ وہ قیامت تک آپ کے نام لیواؤں کے لیے دَستورالعمل بنیں ۔

اسی دستور العمل میں رضائے مولیٰ کریم جَلَّ شَانُہ اور مسلمانوں کی ترقی کا راز مضمر ہے۔ مسلمان اگر اَغیار کی غلامی سے آزادی چاہتے ہیں تو وہ حضو رِ اَنور صَلَّی اللّٰہُ عَلَیْہِ وَسَلَّم کی غلامی اِختیار کریں اور جمیع اُمور میں آپکے ارشادات کی تعمیل ، آپ کے طرز ِ عمل کا اِتباع، آپ کے قوانین کی پابندی، آپ کے اطوار و عادات کی پیروی اور آپ کی ذات مَنْبَع البرکات کی انتہائی محبت اور تعظیم و توقیر ملحوظ رکھیں ۔ حضوربِاَبِیْ ھُوَ وَاُمِّیْ تو یہاں تک فرمارہے ہیں کہ ’’ تم میں سے کوئی مومن نہیں بن سکتا ، جب تک کہ میں اس کی نظر میں اس کی جان سے بھی زیادہ محبوب نہ بن جاؤں ۔‘‘ کامل و حقیقی ایمان اسی کا نام ہے، ایسے ہی مومنوں کے لیے اللّٰہ تعالٰی نے وَاَنْتُم الْاَعْلَون کا مژدہ سنایا ہے، عرب کو دیکھئے پہلے ان کی مذہبی، اخلاقی،

سیاسی اور تمدنی حالت کیسی گری ہوئی اور ناگفتہ بہ تھی مگر جب وہ درس گاہِ محمدی سے اس حقیقت کی سند لے کر نکلے، تو کیاکیا بن گئے، معارفِ ربانی کے عارِف اور اَسرارِ فرقانی کے ماہربن گئے ، شب بیدار عابد بن گئے، فاتح عالم بن گئے، مبلغ اسلام بن گئے، معلم اَخلاق بن گئے ، علوم و فنون کے موجد بن گئے، غرض حضور عَلَیْہِ الصَّلٰوۃُ وَالسَّلَام کی تعلیم و صحبت نے ان کی کایا ہی پلٹ دی، دنیا ان کی اس بے نظیر ترقی پر حیران تھی اور ہے۔ چنانچہ جب حضرت عمر فاروق رَضِیَ اللّٰہُ تَعَالٰی عَنْہ نے حضرت سعد بن ابی وقاص رَضِیَ اللّٰہُ تَعَالٰی عَنْہ کو فارس میں اِعلائے کلمۃ اللّٰہ کے لیے بھیجا تو یزدگرد شاہِ فارس نے اپنے سپہ سالار رُ ستم بن ہر مز کو مقابلہ کے لیے روانہ کیا۔ رُستم مذکور نے حضرت سعد رَضِیَ اللّٰہُ تَعَالٰی عَنْہ کو ایک تہدید آمیز نامہ میں یوں لکھا:

ز شِیر شتر خوردن و سو سمسار            عرب را بجائے رسید است کار

                کہ تاجِ کیاں را کند آرزو تفو بر تو اے چرخ گرداں تفو  (شاہنامہ فردوسی )

حضرت سعد رَضِیَ اللّٰہُ تَعَالٰی عَنْہ نے جواب میں رُستم کو دعوتِ اسلام دی مگر وہ رُوبراہ نہ ہوا ۔ مقابلہ میں حضرت سعد رَضِیَ اللّٰہُ تَعَالٰی عَنْہ ہی کے ہاتھ سے مارا گیا۔ کاش! زمانۂ موجودہ کے مسلمان بھی اُسوۂ حسنۂ رسول اللّٰہ صَلَّی اللّٰہُ عَلَیْہِ وَسَلَّم کے پورے عامل بن کر قرونِ اولیٰ کی برکات کا مشاہدہ کریں ۔

اس پُر آشوب زمانہ میں مُلکِ ہند میں کئی فتنے برپا ہیں جو سب کے سب صراطِ مستقیم یعنی مسلک اہل سنت و جماعت سے منحرف ہیں ، اردو میں سیرت پر جو چند کتابیں شائع ہوئی ہیں ان میں سے شاید ہی کوئی بہمہ وجوہ اہل سنت وجماعت کے معیار پر پوری اترے،فقیر نے بتوفیقِ الہٰی اس کتاب میں مَسلک ِ اہلِ سنت کی پابندی کا پورا التزام رکھا ہے اور مستند اور معتبر روایات مع حوالہ درج کی ہیں ۔ آیات و احادیث وغیرہ کا ترجمہ بالعموم لفظ بلفظ دیا گیا ہے اور عبارت آرائی کا چنداں لحاظ نہیں رکھا گیا۔ قارئین کرام اَثنائے مطالعہ میں جہاں کسی صحابی یا اور بزرگ کا نام پائیں ، رَضِیَ اللّٰہُ عَنْہ یا اور مناسب فقرہ استعمال کریں ۔

جب اس کتاب کا مسودہ تیار ہوچکا تو اس کی طبع و اشاعت کا مرحلہ پیش آیا، مَیں نے اپنے برادر عزیز عالی جناب فیض مآب چودھری محمد سلیمان ایڈووکیٹ ہائی کورٹ پنجاب سے تذکرہ کیا ۔انہوں نے میری صدا پر خوشی سے لبیک کہا، مجھے امید واثق ہے کہ یہ کارنامہ جناب چودھری صاحب موصوف کے اعمالِ حسنہ میں امتیازی حیثیت رکھے گا۔ اللّٰہ تعالٰی ان کو دنیا و آخرت میں آبرو سے رکھے اوران کے صاحبزادوں کو طویل العمر کرے۔ بجاہ حبیبہٖ صَلَّی اللّٰہُ عَلَیْہِ وَسَلَّم ۔

آغازِ کتاب سے پہلے یہ مناسب سمجھا گیا کہ ملک عرب کا جغرافیہ اور تاریخ قدیم پیش کی جائے۔ جن سے ایک حد تک مضامین سیرت کا بھی تعلق ہے۔سفر آخرت درپیش ہے اگر مہلت مل گئی تو دوسرے ایڈیشن میں نقشۂ عرب اور بعض دیگر مضامین کے اضافہ کا ارادہ ہے۔واللّٰہ ھو الموفّق والمعین ۔

۲۱ محرم الحرام ۱۳۵۷؁ ھ محمد نور بخش توکلی

مطابق۲۴ مارچ     ۱۹۳۸؁ء بانی مدرسہ توکلیہ، چک قاضیاں ، ضلع لدھیانہ

لدھیانہ ، نور منزل

دیباچہ طبع دوم

نقشہ عرب اور دیگر مضامین سے متعلق دوسرے ایڈیشن کے دیباچہ میں مصنف رَحْمَۃُ اللّٰہِ تَعَالٰی عَلَیْہ فرماتے ہیں :

’’دیباچۂ سیرت کے اَخیر میں دوسرے ایڈیشن میں نقشہ عرب اور بعض دیگر مضامین کے اضافہ کا ارادہ ظاہر کیا گیا تھا، بنا بریں نظر ثانی میں تولد شریف کی خوشی کا ثمرہ، حیات النبی، آثارِ کبریٰ، حدیث لا تُشَدُّ الرِّحَال کی بحث، حدیث توسل بالعباس کی بحث، عرصاتِ قیامت میں شفاعت و توسل وغیرہ مضامین کا اضافہ کر دیا گیا ہے اور بعض دیگر مقامات پر بھی قدرے تقدیم و تا خیر اور رد و بدل عمل میں آیا ہے جو مطالعہ سے معلوم ہوگا،رہا نقشہ عرب ، سو اس کے لیے وقت درکار ہے اور فقیر اس وقت مراکز علم و تہذیب سے دور اپنے گاؤں میں بیٹھا ہے لہٰذا فی الحال بجائے نقشہ کے مکہ معظمہ و روضہ منورہ کا فوٹو شروع میں منضم کردیا گیا ہے۔‘‘ مزید آخر میں فرماتے ہیں :

اس کتاب کی تکمیل کے لیے ابھی کئی اور اُمور کے اضافہ کی ضرورت ہے جن پر بشرطِ زندگی تیسرے ایڈیشن میں غور کیا جائے گا اب تو بڑے امتحان کی فکرد امنگیر ہے اپنی بے بضاعتی و بے اعتدالیاں پیش نظر ہیں    ؎

بجائے کہ دہشت خورند انبیاء   تو عذرِ گنہ را چہ داری بیا

مگر جب خیال آتا ہے کہ معاملہ تو آخر خدا و رسول سے ہے اور وہ دونوں کریم ہیں تو ڈھارس بندھ جاتی ہے

اور زبان یوں گویا ہو جاتی ہے۔      ؎

یارب تو کریمی و رسولِ تو کریم             صد شکر کہ ہستیم میانِ دو کریم

جمعۃ الوداع ،۲۹رمضان المبارک۱۳۶۴؁ ھ

مطابق ۷ستمبر        ۱۹۴۵؁ء محمد نور بخش توکلی عفی عنہ

پہلا مقدمہ

مُلکِ عرب کا جغرافیہ

مُلکِ عرب بَرِّ اعظم ایشیاکے جنوب مغرب میں واقع ہے چونکہ اس کو تین طرف سے تو سَمُنْدَر نے اور چوتھی طرف سے دریائے فُرَات نے جزیرے کی طرح گھیرا ہوا ہے اس لئے اسے جزیرۂ عرب کہتے ہیں ۔اس کے شِمال میں بلاد ِشام و عِراق ہیں ۔ مغرب میں بحر ِاَحمر یعنی بُحَیْرَۂ قُلْزُم، جنوب میں بحر ِ ہنداور مشرق میں خلیجِ عُمَان اور خلیج ِفارِس ہیں ۔اس کا طول شِمَالاً جنوباً پندرہ سو میل کے قریب اور اوسط عرض شر قاً غرباً آٹھ سو میل ہے۔اس کا رقبہ ایک لا کھ بیس ہزار مربع میل یعنی بَرِّ اعظم یورپ کی ایک تہائی کے قریب ہے۔

علمائے جغرافیہ نے بَر بِنائے طبیعت ِارضی^([2]) اس ملک کو آٹھ حصوں میں تقسیم کیاہے جن کا بیان بطریق ِاِختِصار نیچے لکھا جاتا ہے:

{۱} اِقلیم حجاز

جو مغرب میں بحر ِاَحمر کے ساحل کے قریب واقع ہے۔حجاز سے ملحق ساحلِ بحر کو جو نشیب ہے ’’ تِہامَہ‘‘ یا ’’غَوْر‘‘  کہتے ہیں اور حجاز سے مشرق کو جو حصہ ٔ ملک ہے وہ نجد (زمین مرتَفَع ) کہلا تا ہے۔حجاز چونکہ نجدوتِہامَہ کے درمیان حاجِز و حائل ہے اس لئے اسی نام سے موسوم ہے۔حجاز کے مشہور شہروں میں مکہ مشرَّفہ ہے جو مشرق میں جبل اَبو قُبیس اور مغرب میں جبل قُعَیْقِعَان کے درمیان واقع ہے۔اس شہر مبارک میں نو شیرواں کی تخت نشینی کے بیالیسویں سال ’’سالِ فیل‘‘ میں رَبیع الاوَّل کی بارہو یں تاریخ کو سیدنا ومولانا محمد مصطفی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمپیدا ہوئے۔خانہ کعبہ (بیت اللّٰہشریف ) اسی شہر میں ہے۔ مناسک حج کے مشہور مقامات میں سے صَفااور مَروَہ تو بیت اللّٰہ شریف کے عین قریب ہی ہیں ، مِنیٰ تین میل مشرق کو ہے، مِنیٰ سے اسی قدر فاصلے پر مشرق کی طرف مُزْدَلِفہ اور مُزْدَلِفہ سے مشرق کو اتنے ہی مسافت پر عَرَفات ہے۔

مکہ مُشرّ فہ سے شِمال کی طرف قریباً دو سو میل کے فاصلہ پر مدینہ منورہ ہے جہاں حضور سرورِ کائنات عَلَیْہِ التَّحِیَّۃُ وَالصَّلٰوۃ کا مزارِمقدس واقع ہے۔مدینہ منورہ سے قریباً تین میل شِمال کو جبل اُحُد ہے جہاں حضرت امیر حمزہ رَضِیَ اللّٰہُ تَعَالٰی عَنْہ کا مزار مبارک ہے۔

مکہ مُشَرَّفہ کا بندر گاہ جَدَّہ ہے جو ۳۴میل کے فاصلے پر بُحَیْرَۂ قُلْزُم کے ساحل پر واقع ہے۔مدینہ منورہ کا بندر گاہ یَنْبوع ہے جو مدینہ سے ۷۳ میل کے فاصلے پر بُحَیْرَۂ قُلْزُم کے ساحل پر ہے۔ حجاز ریلو ے لائن ۱۹۰۸؁ء میں دِمَشْق سے مدینہ منورہ تک تیار ہو گئی تھی، مدینہ منورہ سے مکہ مُشَرَّفہ تک اس وقت تک تیار نہیں ہو ئی۔

 اس اِقلیم میں حرمین شریفین کے علاوہ بَدْر، اُحُد، خیبر، فِدَک، حنین، طائف، تبوک اور غَدِیر ِخُم اسلامی تاریخ میں بہت مشہور ہیں ۔حضرت شُعَیب عَلَیْہِ السَّلَام کاشہر مَدْین تبوک کے محاذ میں ساحلِ بحر ِاحمر پر واقع ہے۔ حَجرمیں ، جو وادی القُرٰی میں ہے آثارِ ثَمود اب تک پائے جاتے ہیں ۔طائف اہل مکہ مُشَرَّفہ کا مَصِیْف ہے^([3])  یہاں کے میوے مشہور ہیں ۔

{۲} اِقلیم یَمَن

جو حجاز کے جنوب میں بحرِاَحمر اور بحر ِ ہند کے ساحل سے متصل واقع ہے۔ اس کی یُمْنْ وبرَ کت یا کعبۃ اللّٰہسے جانب یَمِین ہو نے کے سبب سے اس نام سے موسوم ہے۔

اس اِقلیم میں نجران، صَنْعَاء اور سَباء و مارِب مشہور تاریخی مقامات ہیں ۔ مخا ، حَدِیْدَہ اور زُبَیْد تجارتی حیثیت رکھتے ہیں ۔

صَنْعَاء دار السلطنت ہے جو عَدَن سے ۶۸میل ہے۔ کَنیسہ قَلِیس اسی شہر میں تھا ۔اس کا بندر گاہ حَدِیْدَہ ہے جہاں سے بن^([4]) اور چمڑ ے بیر ونی ممالک کو جاتے ہیں ۔صَنْعَاء سے چاردن کی مسافت پر سبا و ما رِب کے آثار پائے جاتے ہیں جن کا ذکر قرآن کریم میں آیا ہے۔

نَجران ایک بڑاشہرتھاجس کے متعلق ستّر گاؤں تھے، یہ شہر ملک عرب میں عیسائیت کا مر کز تھا یہاں ایک بڑا گِرجا تھا جسے بنو عبد ا لمَدَ ان بن ا لدَّیَّان حارِثی نے کعبۃ اللّٰہکے مقابلہ میں بنایا تھا۔وہ کعبۃ اللّٰہ کی طرح اس کی تعظیم

کرتے تھے اور اسے کعبہء نجران کہا کر تے تھے اسی گر جاکے بڑے بڑے پادری ہجرت کے بارہویں سال حضور سید المرسلین صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی خدمت اَقدس میں حاضر ہوئے تھے اور حضور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے ان کو مُبَاہَلہ^([5]) کی دعوت دی تھی۔َنجران ہی کے ایک گاؤں میں قصۂ اَصحابِ اُخْدُود وُقوع میں آیا تھا جس کا تذ کرہ اللّٰہ تعالٰی کے کلام پاک میں پا یا جاتا ہے۔

{۳} اِقلیم حَضْرمَوت

جو یَمَن کے مشرق میں بحر ِ ہندکے ساحل سے متصل واقع ہے اس کے مشہور شہر تَرِ یم اور شِبام ہیں اور شِبام دار السلطنت ہے ان کے علاوہ مِرْباط، ظَفَار، شِحْر اور مُکِلَّا ساحل پر واقع ہیں ۔ مُکِلَّا سے لوبان بیر ونی ممالک کو جاتا ہے۔

{۴} اِقلیم مَہْرَہ

 جو حَضْرمَوت کے مشرق میں واقع ہے یہاں کے اونٹ مشہور ہیں جنہیں قبیلہ مَہْرَہ کی طرف نسبت کر کے اِبِل مَہْرَیہ بو لتے ہیں یہاں کے باشند وں کی غذا عموماً مچھلی ہے۔

{۵} اِقلیم عُمَان

جو مَہْرَہ سے متصل بحر ِ ہند وبحر ِ عُمَان کے ساحل سے ملحق ہے۔اس کے مشہور شہروں میں سے مَسْقَط اور صُحار ہیں یہاں کے باشند ے عموماً خوار جِ اُباضیہ ہیں ۔^([6])

{۶} اِقلیم الا َ حْساء

جسے بَحرَ ین بھی کہتے ہیں کیونکہ یہ بحر ِ فارِس وبحر ِ عُمَان کے ساحل پر واقع ہے۔ اس طرف کے جزائر میں موتیوں کے مَغاص^([7])  ہیں اس کے مشہور شہروں میں سے قَطِیْف، ہُفُوف اور ہَجر ہیں یہاں کے باشندے عموماًر افضی تبرائی ہیں ۔

{۷} اِقلیم نَجْد

جو حجاز کے مشرق اور صحرائے شام کے جنوب میں ہے۔اسی اِقلیم کی نسبت حدیث شریف میں آیاہے کہ یہاں سے شیطان کا سینگ نکلے گا،^([8]) یہ پیشن گوئی محمد بن عبدالوہاب اور فرقہ وَہابیہ کے ظہور سے پوری ہو گئی۔اسی اِقلیم کے شِمالی حصے میں حربِ داحس اور حربِ بسوس وقوع میں آئیں جن میں سے ہر ایک چالیس سال تک جاری رہی۔وہابیہ کا دار السلطنت ریاض ہے۔

{۸} اِقلیم الا َحقاف

جو عُمَان واَ حْساء ونَجْد و حَضْرمَوت و مَہْرَہ کے درمیان میں ایک وسیع بے آباد صحراہے، اس کا حال معلوم نہیں ۔ حضرت ہُود عَلَیْہِ السَّلَام کی قبر مبارک حَضْرمَوت کے متصل اَ حقاف ہی میں ہے۔

پیداوار

یَمَن وغیرہ میں بن^([9])  کے پیڑاور صَمْغِ عربی^([10])   کے درخت (اَقَاقِیا) ^([11])  ہو تے ہیں حَضْرمَوت میں نباتات ِعطریہ اور مَشْمومَات^([12]) اور عُودِ قاقلی^([13])  ہو تا ہے۔کھجور، کپاس، مکئی اور چاول یَمَن میں خصوصیت سے ہوتے ہیں ۔سَنَا^([14])  جنوبی حِجاز اور تِہامَہ میں ہو تی ہے۔ بَلَسان مکہ مُشَرَّفہ کے قریب اور حنا^([15]) مغربی ساحل پر پائی جاتی ہے۔نَجْد کے گھوڑے اور مَہْرَہ کے اونٹ مشہور ہیں ۔گدھے، دُنبے، بکریاں اور مویشی کثرت سے ہیں ۔ عرب میں وُحوش میں سے شترمرغ، چیتا، پَلَنْگ ^([16]) ،  سیاہ گوش ^([17]) اور کفتار ^([18]) ہیں ۔

دوسرا مقدمہ

عرب کی تاریخ ِقدیم پر طائر انہ نظر

زمانہ قدیم میں طوفانِ نوح کے بعد جزیر ۂ عرب میں سام بن نوح کی نسل کے لوگ آباد تھے۔چنانچہ بنویعرب بن قحطان بن عامر بن شالخ بن اَ رْفَخْشَدبن سام یمن میں بستے تھے۔بنو جرہم بن قحطان اور بنو عِمْلِیْق بن لَوذ بن سام حجاز میں رہتے تھے۔ بنوطَسَم بن لُوذ اور بنو جَدِیس بن عامر بن اِرَم بن سام یمامہ میں بحر ین تک پھیلے ہوئے تھے۔قوم عادبن عَوَض بن اِرَم شِحْر وعُمَان و حَضْرمَوت کے مابین اَحقاف میں آباد تھی اس قوم کی طرف اللّٰہ تعالٰی نے حضرت ہو د عَلَیْہِ السَّلَامکو بھیجاتھا۔قوم ثمودبن جاثَربن اِرَم حجاز وشام کے درمیان حجر میں آباد تھی۔ ان کی طرف حضرت صالح عَلَیْہِ السَّلَام بھیجے گئے تھے۔

ایک زمانہ گزرنے پر عاد وثمود وجَدِیس وعَمالِیق و جرہم فنا ہو گئے۔اس واسطے ان کو عرب بائِدہ^([19])بو لتے ہیں ان میں سے جو باقی رہے وہ حضرت اسمٰعیل عَلَیْہِ السَّلَام کی اولاد میں مل جل گئے۔حضرت اسمٰعیل عَلَیْہِ السَّلَام کی شادی قبیلہ جرہم میں ہوئی تھی اس واسطے ان کی اولاد کو عرب مُستَعرِبہ کہتے ہیں ^([20]) اور بنو قحطان کو عرب عارِبہ یعنی اصلی عرب بولتے ہیں ۔ القصَّہ مَذکورہ بالا تباہی و اِختلاط کے بعد عرب میں دو بڑے قبیلے رہ گئے۔ بنوقَحطان اور بنو عدنان (بنواسمٰعیل) ان دونوں کی بہت سی شاخیں تھیں ۔ اب عرب کا بڑا حصہ خاندانِ اسمٰعیل سے ہے اور خود حضور سید المر سلین صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم بھی اسی خاند ان سے ہیں ۔

 قدیم الا یَّام سے عربوں کی تجارت مصروشام کے ساتھ تھی۔چنانچہ جب بھائیوں نے حضرت یوسف عَلَیْہِ السَّلَام کو کنوئیں میں گر ادیا تو انہوں نے دیکھا کہ گِلْعاد سے اسماعیلیوں کا قافلہ آرہا ہے۔جن کے اُونٹوں پر اَدْوِیَ^([21])وبَلَسان^([22]) ومُر^([23]) لد ے ہوئے ہیں اور وہ مصر کو جارہے ہیں ۔^([24]) یہ چیز یں لاشوں کے معطربنا نے میں مصریوں کے کام

آیا کر تی تھیں ۔اس کے مدتوں بعد وہ اَہالی صُوَر^([25]) کے ساتھ مویشیوں اور اَدْوِیَہ اور بیش بہا پتھر وں اور سونے کی تجارت کرتے دیکھے جاتے ہیں ۔^([26])

قرونِ ماضیہ^([27]) میں عربوں پر بہت سے بیر ونی حملے ہوئے مگر وہ کسی کے ماتحت نہ رہے، چنانچہ مصری فاتح شیشک ان کو زیر نہ کر سکا۔قیر وش فارِسی (.4مُتَوَ فّٰی.4 ۵۲۹؁قبل مسیح) نے عرب کے شِمالی حصے کے بعض عربوں کو مغلوب کیا مگر مؤرخ ہِیرُودَوتَس^([28]) (.4مُتَوَفّٰی ۴۲۴؁قبل مسیح) ہمیں یقین دلا تا ہے کہ دار ا ہشتاسپ (جس نے سلطنت ِفارِس کی تو سیع کی تھی) کے عہد میں عرب خراج سے بری تھے۔ بخت نَصَّربابلی نے ان پر حملہ کیا اور ان کے بہت سے شہر فتح کیے مگر غنیمت لے کر اپنے وطن کو چلا آیا۔^([29])سکند رِاعظم کا جانشین اَنْطِیغَونَس^([30]) (.4مُتَوَ .4فّٰی ۳۰۱؁قبل مسیح ) ان پر حملہ آور ہوا، مگر اسے ان کے ساتھ ان ہی کی شرائط پر صلح کر نی پڑ ی۔رومی فاتح پومپے (مولود ۱۰۶؁ قبل مسیح) نے ملک عرب کے ایک حصے کو تاخت وتاراج ^([31])کیامگر اس کی فوج پسپا ہوئی تو عربوں نے شدت سے تعاقب کیا اور وہ کچھ عرصے تک شام میں رومیوں کو تنگ کر تے رہے ، ولادتِ مسیح سے تقریباً ۲۳ سال پہلے رومی سپہ سالار الیوس گا لس بُحَیْرَۂ قُلْزُم تک آیا۔اس نے چاہاکہ عرب کو فتح کر لے مگر ناکام رہا۔ طراجان رومی نے ۱۲۰ء؁ کے قریب ان پر حملہ کیا اور شہر حجر کا محاصرہ کر لیا مگر رَعْدوژالہ و گِردباد ^([32])اور مکھیوں کے جُھنڈ کے سبب سے اس کا لشکر کامیاب نہ ہوا۔جب وہ حملہ کر تے تو یہی آفتیں پیش آتیں ۔ ۲۰۰ء؁ کے قریب سیو اروس رومی نے لشکر کثیر اور سامان ِحرب کے ساتھ شہر حجر کا دوبارہ محاصرہ کیا مگر لشکر وشاہ کے درمیان ایک بے وجہ تنا زُع نے شاہ کو محاصرہ اٹھا لینے پر مجبور کر دیا۔^([33])

 شاہِ فارِس شاپور ذوالاکتاف نے عرب پر حملہ کیا تو بحرین وہجر ویمامہ میں کشْت وخون کر تا ہوا مدینہ تک پہنچ گیا۔ سردار ان ِعرب جو گر فتار ہو کر آتے تھے وہ انکے مونڈھے نکال دیتا تھا اس لئے اسے ذوالاکتاف کہتے تھے۔^([34]) مگر اسی

 بادشاہ نے ۳۶۰ء؁ کے قریب تکریت پر جو خود مختار عربوں کا ایک مضبوط قلعہ تھا حملہ کیا تو ناکام رہا۔^([35])

دسویں صدی قبل مسیح میں یمن میں ملوکِ حمیر بن سبامیں سے ایک فاسق خبیث بادشاہ مالک نام تھا وہ باکر ہ عورتوں کو بلا کر ان کی آبر و ریزی کر تا تھا چنانچہ اس نے اپنی چچا زاد بہن بِلقیس سے بھی یہی ارادہ ظاہر کیا۔ بِلقیس نے کہاکہ میرے محل میں آجانا اور اس کے قتل کر نے کے لئے اپنے اقرباء میں سے دوآدمی مقرر کیے۔جب وہ محل میں داخل ہوا تو ان آدمیوں نے اسے قتل کر ڈالا۔اہل یَمَن نے اسی سبب سے بِلقیس کو اپنا حکمر ان بنا یا ورنہ وہ عورت کی حکومت کو پسند نہ کر تے تھے۔یہ وہی بِلقیس ہے جس کا قصہ قرآن مجید میں مذکورہے۔^([36])

 بِلقیس کے بعد خاندان حِمیرکے بہت سے بادشاہ یکے بعد دیگرے تخت ِیَمَن پر متمکن ہو ئے۔جب اہل یَمَن نے خدا تعالٰی کی نافرمانی کی تو ان پر سَیْلِ عَرِم^([37]) بھیجا گیا جس سے ان کے باغات وغیرہ بر باد ہوگئے۔ جیسا کہ قرآن مجید میں وارِدہے وہ رزق ومعاش کی تلا ش میں مختلف اَطر اف کو ہجرت کر کے چلے گئے چنانچہ بنو لخم بن عَدِی کی ایک جماعت خراسان کی طرف نکلی انہوں نے دریائے فرات کے قریب شہر حیرہ کی بنا ڈالی جو بعد میں اسی خاندان کا دَارُ السلطنت رہا۔ مُلُوک بنولَخْمیہ و مَنا ذِرَہ ۶۳۴ء؁ تک اَکاسِرہ^([38])کی طرف سے عراق پر گو رنر ہوتے رہے اس کے بعد اسلام کا تَسلُّط ہو گیا۔

بنو لخم کی طرح بنو قحطان کی ایک جماعت ہجرت کر کے دِمَشْق کے متصل ایک چشمہ پر جسے غَسَّان کہتے تھے جا اُتری۔ وہ آخرکا ر شام کے حکمر ان بن گئے۔ ملوکِ غَسَّان جنہیں مؤر خینِ عرب، عربِ مُتَنَصِّرَہ ^([39])سے تعبیر کر تے ہیں قیاصر ہ روم^([40])کی طرف سے قریباً ۲۰۰ء؁ سے ۲۳۶ء؁ تک ملک شام میں حکمر انی کر تے رہے۔اس خاندان کا آخری بادشاہ جبلہ بن اَیہم تھا جو بھاگ کر قیصرکے ہاں چلا گیا تھا اس کے بعد یہ ملک حضرت عمر فاروق رَضِیَ اللّٰہُ تَعَالٰی عَنْہُ کے عہد میں مسلمانوں کے قبضے میں آگیا۔

بنو قحطان میں سے قبیلہ اَزْدکے دوبھائی اَوس وخَزرَج مدینہ میں آبسے۔ انصار ان ہی کی اولا د میں سے ہیں ۔

قحطان یوں میں سے بعضے اندرون جزیرہ عرب میں چلے گئے۔ چنانچہ مُلُوکِ کندَہ نے نجد میں اپنی سلطنت قائم کی ان کے علاوہ عرب میں اور متفرق ملوک تھے جن کے ذکر کی یہاں چند اں ضرورت نہیں ۔

 سَیْلِ عَرِم^([41])کے بعد جو لوگ یَمَن میں رہ گئے ان پر بنو قحطان بدستور حکمر انی کرتے رہے ان بادشاہوں میں سے ایک کانام شمربن اَفریقیس بن اَبْرَہَہ تھا۔ کہتے ہیں کہ شمر مذکوربڑاعالی ہمت تھا اس نے عراق پر لشکر کشی کی اور اسے فتح کر کے چین کی طرف روانہ ہوا راستے میں جب وہ صغد میں پہنچا تو اس نواح کے باشند ے ایک مقام میں پناہ گزین ہوگئے۔شمر نے چاروں طرف سے محاصرہ کر کے ان کو قتل کیا اور اس مقام کو کھدواکر ویران کر دیااس واسطے اس مقام کو شمر کند کہنے لگے، جسے عرب معرب کر کے سمر قند بو لتے تھے۔ شمروہاں سے چین کی طرف بڑھامگر وہ اور اس کی فوج پیاس سے ہلاک ہو گئی۔^([42])

تَبَابِع ^([43])یمن^([44])میں سے تُبّان اسعد ابو کرب تھا۔وہ بلا دِ مشرق کو فتح کر کے واپس آتا ہوامد ینہ میں اترا، جہاں وہ جاتا ہوا اپنے بیٹے کو چھوڑ گیا تھا مگر اس کو کسی نے ناگہاں قتل کر دیا تھا اس لئے تبَّع مذکورہ نے مدینہ اور اہل مدینہ کو تباہ کر نا چاہا مگر یہودِ بنی قُرَیْظَہ سے دوعالموں نے تبَّع کو منع کیا۔اس نے وجہ دریافت کی تو عالموں نے کہا کہ ٓاخرزمانہ میں قریش میں سے ایک پیغمبر پیدا ہوگا جس کی ہجرت اسی شہر مدینہ کی طرف ہوگی۔ وہ یہ سن کے باز آیا اور اس نے مذہب ِیہوداِختیار کر لیا۔

تبَّع مذکورہ مدینہ سے اپنے وطن یَمَن کی طرف روانہ ہو ا، را ستے میں اس نے مکہ میں چھ دن قیام کیا اور طواف کر کے کعبہ پر بُردِ یَمانی چڑھائی۔ یہ تبَّع پہلا شخص ہے جس نے سب سے پہلے کعبۃ اللّٰہ پر پر دہ چڑھایا۔مکہ سے وہ یَمَن میں آیا دونوں عالم اس کے ساتھ تھے ا س نے اپنی قوم یعنی حِمیر کو یہودیت کی دعوت دی۔ حِمیر اس وقت تک بت پرست تھے انہوں نے تبَّع کی دعوت سے آخر کارمذ ہب یہوداختیار کر لیا۔

                  تُبّان اسعد کے بعد اس کے بیٹے حسان کو عَمْرْو  ^([45]) بن تبان اسعد نے ملک کے لالچ میں قتل کر دیا۔عَمرو مَذکور بھی جلدی ہلاک ہو گیا اور حِمیر کی سلطنت کا شیر ازہ پر اگندہ ہوگیا۔ لخنیعہ ینوف ذُوشَناتر جو شاہی خاندان میں سے نہ تھاان کا بادشاہ بن بیٹھا۔وہ فاسق خبیث تھا۔ اَبنائے مُلوک^([46])سے لواطت کیا کر تا تھا تا کہ وہ بادشاہ نہ بن جائیں کیونکہ اس زمانے میں عرب

 کی عادت تھی کہ ایسے شہزادے کو بادشاہ نہ بنا تے تھے۔زُرْعہ بن تُبَّان اسعداپنے بھائی حسان کے قتل کے وقت بچہ ہی تھا وہ بہت خوبصورت تھا اس کے سر کے بال پیٹھ تک پہنچتے تھے اس واسطے اس کا لقب ذُونواس تھا خوبصورتی کے سبب سے لوگ اسے یوسف کہا کر تے تھے۔ذوشناتر نے اسے بلا بھیجا۔ ذُونواس سمجھ گیا اور ایک تیز چھری جو تے میں پاؤں تلے چھپا کر لے گیاجب وہ خلوت میں پہنچا تو اسی چھری سے ذوشنا تر کا کام تمام کر دیا، یہ شجاعت دیکھ کر حِمیر نے ذُونواس ہی کو اپنا بادشاہ تسلیم کر لیا۔اہل نجر ان اس وقت عیسا ئی تھے ذُونواس لشکر سمیت نَجران میں گیا اور اس نے اہل نَجران کو یہودیت کی دعوت دی۔ ذُونواس نے ایک خندق ُکھد واکر آگ سے بھردی، جو لوگ یہودی ہو نے سے انکار کر تے وہ ان کو آگ میں گر ادیتا تھا۔ قرآنِ کریم میں اسی ذُونواس اور اس کے اصحاب کو سو رۂ بروج میں اَصحابُ الا ُخْدُود کہا گیا ہے۔ نَجران کے عیسائیوں میں سے ایک شخص دَوْس ذُوْثَعْلَبان قیصر روم جستینین (.4مُتَوَفّٰی ۵۶۵ء؁) کے پاس پہنچااور اسے سب ماجر اکہہ سنا یا۔ قیصر نے جواب دیا کہ تمہارا ملک ہم سے بہت دور ہے ہم شاہِ حبشہ نجاشی کو جو عیسائی ہے تمہاری مدد کے لئے لکھ دیتے ہیں ، چنانچہ دَوس قیصر کا نامہ نجاشی کے پاس لایا۔نجاشی نے اپنے ایک امیراَرْیاط کو لشکر جرار دے کر دوس کے ساتھ روانہ کیا۔اس لشکر میں اَبْرَہَہ اَشْرَم بھی تھا۔ذُونواس کو شکست ہوئی وہ بد یں خیال کہ مبادا دشمن کے ہاتھ گر فتارہو جائے ۵۲۸ء؁ میں سمند ر میں ڈوب کر مر گیا۔ اَرْیاط ۵۲۹ء؁ سے ۵۴۹ء؁ تک یَمَن میں حکمران رہا، وہ کمزوروں پر تَعَدِّی^([47])کیا کر تا تھا، اس لئے بہت سی رعیت اس کے خلاف اَبْرَہَہ سے مل گئی۔اَبْرَہَہ نے اَرْیاط سے کہا کہ ہم دونوں سمجھ لیں چنانچہ دونوں لڑ نے لگے۔اَبْرَہَہ نے پس پشت ایک غلام کو مقرر کیا تھا۔جب اَرْیاط نے حربہ مارا تو اَبْرَہَہ کی پیشانی پر پڑا اور اس کی آنکھ، ناک اور ہونٹ کاٹ دیئے۔ اسی سبب سے اس کو اَبْرَہَہ اَشْرَم کہتے ہیں ۔یہ دیکھ کر اس غلام نے اَبْرَہَہ کی پشت کی طرف سے نکل کر اَرْیاط کو قتل کر ڈالا۔اس طرح حبشہ اور یَمَن نے اَبْرَہَہ کو بادشاہ تسلیم کر لیا۔نجاشی یہ حال سن کر اَبْرَہَہ پر ناراض ہو امگر اَبْرَہَہ نے معافی مانگ کر اس کورا ضی کر لیا۔اسی اَبْرَہَہ نے صَنْعَاء میں ایک گر جابنا یا تھا، تاکہ عرب بجائے کعبۃ اللّٰہکے اس کا طواف کیا کریں ، مگر بنو کنانہ میں سے ایک شخص نے اس میں بول وبر از^([48])کر دیا۔اس پر اَبْرَہَہ ہاتھی لے کر خانہ کعبہ کو ڈھا نے آیا مگر وہ اور اس کی فوج تباہ ہو گئی۔یہ قصۂ اصحابِ فیل قرآن مجید میں مذکور ہے۔حضور ختم المر سلین صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا تولد شریف اس واقعہ کے پچپن دن بعد ہوا۔

 اَبْرَہَہ کے بعد اس کا بیٹا یکسوم تخت ِیَمَن پر بیٹھامگر جلد ہی ہلاک ہو گیا۔پھر یکسوم کا بھائی مسروق تخت نشین ہوا۔ اہل یَمَن اَجنبیوں کی حکومت سے تنگ آئے ہوئے تھے۔اس لئے سیف بن ذِی یزن حمیر ی قیصرروم کے پاس گیا اور اپنے ملک کو غیر وں کی غلامی سے آزاد کر نے کے لئے اس سے مدد مانگی۔قیصر نے مدد دینے سے انکار کردیا اس لئے وہ کسریٰ نوشیرواں کے دربار میں حاضر ہوا اور عرض کیا کہ ہمارے ملک پر اَجنبیوں کی حکومت ہے اگر آپ مددکریں تو ہمارا ملک آپ کے زیر فرمان ہو جائے گا۔ کسریٰ کے ایک مَرزبان نے یہ مشورہ دیاکہ بادشاہ کے قید خانہ میں آٹھ سو آدمی واجب القتل موجود ہیں ان کو بھیج دیا جائے۔اگر وہ ہلا ک ہو گئے فَہُوَا لْمُرَاد اور اگر فتحیاب ہوگئے تو علاقہ مفتوحہ آپ کے قبضے میں آجائے گا، چنانچہ قید یوں میں سے ایک شخص وَہْرِز کی سر کردگی میں وہ سب مہم یَمَن پر بھیج دیئے گئے۔ اہل فارِس کو فتح نصیب ہوئی اور مسروق مار اگیا۔اس طرح حبشہ کا تصرف یَمَن پر بہتّر سال (۵۲۹ء؁ سے ۶۰۱ء؁ تک) رہا۔

 وَہْرِز کے بعد کسریٰ کی طرف مَر زُبان بن وَہْرِز پھر تینُجَانبن مَر زبان نائب السلطنت مقرر ہوا۔ تینُجَان کے بعد اس کابیٹا جانشین ہوا مگر کسریٰ نے اسے معزول کر کے باذان کو اپنا نائب مقرر کیا۔ جب حضور سید المر سلین صَلَّی اللّٰہُ تَعَالٰی عَلَیْہِ وَاٰلِہٖ وَسَلَّممبعوث ہوئے تو اس وقت یہی باذان حاکم ِیمن تھا۔ جب کسریٰ (خسروپر ویز ) کو حضورِ اقدس صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکی بعثت کی خبر پہنچی تو اس نے باذان کو لکھا کہ تم اس مُدَّعی نبوت کے پاس جاؤاور اسے کہہ دو کہ اپنے دعوے سے بازآجائے ورنہ اس کا سر قلم کر کے ہمارے پاس بھیج دو۔ باذان نے وہ خط رسولِ کریم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی خدمت اَقدس میں بھیج دیا۔ حضور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے باذان کو جواب میں لکھا کہ کسریٰ فلاں مہینے کی فلاں تاریخ کو قتل ہوجائے گا۔جب یہ نامہ باذان کو مِلا تو کہنے لگا کہ اگر وہ نبی ہیں تو ایساہی ہو گا۔چنانچہ کسریٰ کو اس کے بیٹے شیر وزنے اسی مہینے اور اسی تاریخ کو قتل کر دیاجیسا کہ رسول کریم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے پیشگوئی فرمائی تھی۔یہ دیکھ کر باذان اور دیگر اہل فارِس جو یمن میں تھے مشرف باسلام ہوئے۔^([49])

 حروبِ عرب کی، جنہیں ا یامِ عرب سے تعبیرکیا جاتا ہے اس مختصر مقدمہ میں گنجائش نہیں ، عرب کی جاہلیت کی دینی و اَخلاقی حالت کا بیان آگے آ ئے گا ان شآء اللّٰہ تعالٰی۔

پہلا باب

برکاتِ نورِ محمدی

اللّٰہ تعالٰی نے سب سے پہلے بلاو اسطہ اپنے حبیب محمد صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا نور پیدا کیا، پھر اسی نور کو خلق ِعالم کا واسطہ ٹھہرایا۔^([50])اور عالم ِ اَرواح ہی میں اس رُوح سراپا نور کو وَصف نبوت سے سر فراز فرمایا، چنانچہ ایک روز صحابہ کرام رَضِیَ اللّٰہُ تَعَالٰی عَنْہُمنے حضورِ انور عَلَیْہِ الصَّلٰوۃُ وَالسَّلَام سے پو چھا کہ آپ کی نبوت کب ثابت ہوئی آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے فرمایا : وَ آدَمُ بَیْنَ الرُّوْحِ وَ الْجَسَدِ^([51]) یعنی میں اس وقت نبی تھا جب کہ آدم (عَلَیْہِ السَّلَام) کی روح نے جسم سے تعلق نہ پکڑا تھا۔ بعد ازاں اسی عالم میں اللّٰہ تعالٰی نے دیگر انبیائے کرام عَلَیْہِمُ الصَّلٰوۃُ وَ السَّلَام کی روحوں سے وہ عہد لیا جو وَ اِذْ اَخَذَ اللّٰهُ مِیْثَاقَ النَّبِیّٖنَ الآیہ^([52]) میں مذکور ہے۔ جس وقت ان پیغمبروں عَلَیْہِمُ الصَّلٰوۃُ وَالسَّلَام کی رُوحوں نے عہد ِمذکور کے مطابق حضور عَلَیْہِ الصَّلٰوۃُ وَ السَّلَام کی نبوت وامداد کا اقرار کر لیا تو نورِ محمد ی کے فیضان سے ان رُوحوں میں وہ قابلیتیں پیدا ہو گئیں کہ دنیا میں اپنے اپنے وقت میں ان کو منصب نبوت عطا ہو ااور ان سے معجزات ظہور میں آئے امام بو صیری رَحْمَۃُ اللّٰہِ تَعَالٰی عَلَیْہِ نے خوب فرمایا ہے :

وَکُلُّ اٰ یٍ اَتَی الرُّ سُلُ الْکِرَامُ بِھَا فَاِنَّمَا اتَّصَلَتْ مِنْ نُّوْرِہٖ بِھِمٖ

فَاِنَّہٗ شَمْسُ فَضْلٍ ھُمْ کَوَاکِبُھَا یُظْھِرْنَ اَنْوَارَھَا لِلنَّاسِ فِی الظُّلَمٖ^([53])

ترجمہ منظوم:

معجزے جتنے کہ لائے تھے رسولانِ کرام                لڑ اُسی کے نور سے جاملتی ہے سب کی بہم

آفتابِ فضل ہے وہ سب کو اکب اس کے تھے            ظلمتوں میں نور پھیلا یا جنہوں نے بیش وکم

اسی عہد کے سبب سے حضراتِ اَنبیائے سابقین عَلَیْہِمُ السَّلَام اپنی اپنی امتوں کو حضور نبی آخرالزمان عَلَیْہِ الصَّلٰوۃُ وَالسَّلَام کی آمد وبشارت اور ان کے اتباع وامد اد کی تاکید فرماتے رہے ہیں ۔اگر حضور نبی اُمی بِاَبِیْ ہُوَ وَاُمِّی^([54]) کی نبوت دنیا میں ظاہر نہ ہوتی تو تمام انبیائے سابقین عَلٰی نَبِیِّنَاوَعَلَیْہِ الصَّلٰوۃُ وَالسَّلَام کی نبوتیں باطل ہو جاتیں اور وہ تمام بشارتیں ناتمام رہ جاتیں ۔پس دنیامیں حضورِ اقدس صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی تشریف آوری نے تمام انبیائے سابقین عَلَیْہِمُ السَّلَام کی نبو توں کی تصدیق فرمادی۔

بَلْ جَآءَ بِالْحَقِّ وَ صَدَّقَ الْمُرْسَلِیْنَ(۳۷)^([55])

جس طرح رسولِ کریم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا نورِ اَز ہرمَنْبعِ اَنو ار الا نبیاء تھا اسی طرح آپ کے جسمِ اَطہر کا مادہ بھی لطیف ترین اَشیاء تھا چنانچہ حضرت کعب اَحبار رَضِیَ اللّٰہُ تَعَالٰی عَنْہُ سے منقول ہے^([56]) کہ جب اللّٰہ تعالٰی نے حضرت محمد صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو پیدا کر نا چاہا تو جبرئیل عَلَیْہِ السَّلَام کو حکم دیا کہ سفید مٹی لاؤ۔پس جبرئیل عَلَیْہِ السَّلَام بہشت کے فرشتوں کے ساتھ اتر ے اور حضرت کی قبرشریف کی جگہ سے ُمٹھی بھر خاکِ سفید چمکتی دمکتی اٹھا لا ئے پھر وہ مشتِ خاکِ سفید بہشت کے چشمۂ تسنیم کے پانی سے گو ند ھی گئی یہاں تک کہ سفید موتی کی مانندہوگئی جس کی بڑی شعاع تھی

 بعد از اں فرشتے اسے لے کر عرش وکرسی کے گر داور آسمانوں اور زمین میں پھر ے یہاں تک کہ تمام فرشتوں نے آپ (روحِ انور ومادۂ اطہر) کو آدم عَلَیْہِ السَّلَام کی پیدائش سے پہلے پہچان لیا۔

جب اللّٰہ تعالٰی نے حضرت آدم عَلٰی نَبِیِّنَاوَعَلَیْہِ الصَّلٰوۃُ وَالسَّلَام کو پیدا کیا تو اپنے حبیب پاک صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے نور کو ان کی پشت ِمبارک میں بطورِ وَدِ یْعَت^([57]) رکھا۔اس نور کے اَنوار اُن کی پیشانی میں یوں نمایاں تھے جیسے آفتاب آسمان میں اور چانداندھیری رات میں اور ان سے عہد لیاگیا کہ یہ نورِ انور پاک پشتوں سے پاک رحموں میں منتقل ہوا کرے۔ اسی واسطے جب وہ حضرت حواء عَلَیْہَاالسَّلَام سے مُقَارَبت کا ارادہ کر تے تو انہیں پاک وپاکیزہ ہونے کی تاکید فرماتے یہاں تک کہ وہ نورحضرتِ حواء عَلَیْہَاالسَّلَام کے رِحم پاک میں منتقل ہوگیا اس وقت وہ انوار جو حضرت آدم عَلَیْہِ السَّلَامکی پیشانی میں تھے حضرت حواء عَلَیْہَاالسَّلَام کی پیشانی میں نُمودار ہوئے۔ایام ِحمل میں حضرت آدم عَلَیْہِ السَّلَام نے بپاسِ اَدَب وتعظیم حضرت حواء عَلَیْہَاالسَّلَامسے مُقارَبَت ترک کر دی یہاں تک کہ حضرت شیث عَلَیْہِ السَّلَام پیدا ہوئے تو وہ نور اِن کی پشت میں منتقل ہو گیا۔یہ حضور عَلَیْہِ الصَّلٰوۃُ وَالسَّلَام کا معجزہ تھا کہ حضرت شیث عَلَیْہِ السَّلَام اکیلے پیدا ہوئے۔ آپ کے بعد ایک بطن میں جوڑا (لڑکا لڑکی) پیدا ہوتا رہا اس طرح یہ نورِ پاک، پاک پشتوں سے پاک رحموں میں منتقل ہوتا ہوا حضور عَلَیْہِ الصَّلٰوۃُ وَالسَّلَام کے والد ماجد حضرت عبداللّٰہ رَضِیَ اللّٰہُ تَعَالٰی عَنْہُ تک پہنچااور ان سے بِنابَر قولِ اَصَح ایامِ تشریق میں جمعہ کی رات کو آپ کی والدہ ماجد ہ حضرت آمنہ رَضِیَ اللّٰہُ تَعَالٰی عَنْہَا کے رِحم ِپاک میں منتقل ہوا۔

اسی نور کے پاک وصاف رکھنے کے لئے اللّٰہ تعالٰی نے حضرت کے تمام آباء واُمَّہَات کو شرک وکفر کی نجاست اور زِناکی آلود گی سے پاک رکھا ہے۔ اسی نور کے ذریعہ سے حضرت کے تمام آباء واَجداد نہایت حسین و مر جع خلائق تھے۔ اسی نور کی برکت سے حضرت آدم عَلٰی نَبِیِّنَاوَعَلَیْہِ الصَّلٰوۃُ وَالسَّلَام ملائک کے مسجود بنے اوراسی نور کے وسیلہ سے ان کی تو بہ قبول ہوئی،اسی کی برکت سے حضرت نوح عَلٰی نَبِیِّنَاوَعَلَیْہِ الصَّلٰوۃُ وَالسَّلَامکی کشتی طو فان میں غرق ہونے سے بچی۔اسی نور کی برکت سے حضرت ابر اہیم عَلٰی نَبِیِّنَاوَعَلَیْہِ الصَّلٰوۃُ وَالسَّلَامپر آتَشِ نَمر ود گلزار ہو گئی اور اسی نور کے طفیل سے حضرات انبیا ئے سابقین عَلٰی نَبِیِّنَاوَعَلَیْہِمُ الصَّلَوَاتُ وَالتَّسْلِیْمَات پر اللّٰہ تعالٰی کی عنایات بے غایت ^([58])ہوئیں ۔

          جب آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم غزوۂ تبوک سے واپس تشریف لائے تو حضرت عباس رَضِیَ اللّٰہُ تَعَالٰی عَنْہُنے حضور عَلَیْہِ الصَّلٰوۃُ وَالسَّلَام کی اجازت سے آپ کی مدح میں چند اشعار عرض کیے۔^([59])جن میں مذکور ہے کہ کشتی ِنوح کا طوفان سے بچنا اور حضرت ابر اہیم عَلَیْہِ السَّلَام پر آتَشِ نَمر ودکا گلزار ہو جانا حضور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے نورہی کی برکت سے تھا۔

حضرت امام الا ئمہ ابوحَنِیفہ نعمان بن ثابت تا بعی کوفی رَضِیَ اللّٰہُ تَعَالٰی عَنْہُحضور رسولِ اکرم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی مَدْح میں یوں فرماتے ہیں : ^([60])

اَنْتَ الَّذِیْ لَوْلَاکَ مَا خُلِقَ امْرُئٌ کَلاَّ  وَلَا خُلِقَ الْوَریٰ لَوْ لَاکَا

اَنْتَ الَّذِیْ مِنْ نُّوْرِکَ لِلْبَدْرِ السَّنَا وَ الشَّمْسُ مُشْرِقَۃٌ بِنُوْرِ بَھَاکَا

اَنْتَ الَّذِیْ لَمَّا تَوَسَّلَ اٰدَمُ مِنْ زَلَّۃٍ بِکَ فَازَ وَ ہُوَ اَبَاکَا

وَبِکَ الْخَلِیْلُ دَعَا فَعَادَتْ نَارُہٗ بَرْدًا وَّ قَدْ خَمِدَتْ بِنُوْرِ سَنَاکَا

وَ دَعَاکَ اَیُّوْبُ لِضُرٍّ مَّسَّہٗ فَاُزِیْلَ عَنْہُ الضُّرُّ حِیْنَ دَعَاکَا

وَ بِکَ الْمَسِیْحُ اَتٰی بَشِیْرًا مُّخْبِرًا بِصِفَاتِ حُسْنِکَ مَادِحًا لِعُـلَاکَا

کَذٰلِکَ مُوْسٰی لَمْ یَزَلْ مُتَوَسِّلًا بِکَ فِی الْقِیٰمَۃِ مُحْتَمًا بِحِمَاکَا

وَالْاَنْبِیَآئُ وَ کُلُّ خَلْقٍ فِی الْوَرٰی وَالرُّسُلُ وَالْاَمْلَاکُ تَحْتَ لِوَاکَا^([61])

آپ کی وہ مقدس ذات ہے کہ اگر آپ نہ ہوتے تو ہر گز کوئی آدمی پیدا نہ ہوتا اور نہ کوئی مخلوق پیدا ہوتی اگر آپ نہ ہوتے۔آپ وہ ہیں کہ آپ کے نور سے چاند کورو شنی ہے اور سورج آپ ہی کے نورِ زَیبا سے چمک رہا ہے۔ آپ وہ

 ہیں کہ جب آدم نے لغزش کے سبب سے آپ کا وسیلہ پکڑ اتو وہ کامیاب ہوگئے حالانکہ وہ آپ کے باپ ہیں ۔ آپ ہی کے وسیلہ سے خلیل نے دعا ما نگی ،تو آپ کے روشن نور سے آگ ان پر ٹھنڈی ہو گئی اور بجھ گئی اور ایو ب نے اپنی مصیبت میں آپ ہی کو پکارا تو اس پکا ر نے پر ان کی مصیبت دور ہو گئی اور مسیح آپ ہی کی بشارت اور آپ ہی کی صفات حسنہ کی خبر دیتے اور آپ کی مدح کر تے ہوئے آئے۔ اسی طرح موسیٰ آپ کا وسیلہ پکڑنے والے اورقیامت میں آپ کے سبزہ زار میں پناہ لینے والے رہے اور انبیاء اور مخلوقات میں سے ہر مخلوق اورپیغمبر اور فرشتے آپ کے جھنڈے تلے ہوں گے۔

مولیٰنا جامی رَحْمَۃُ اللّٰہِ تَعَالٰی عَلَیْہِ یوں فرماتے ہیں :

و  صلی  اللّٰہ  علیٰ  نور  کز و شد  نورہا  پیدا                      زمین از حبِ اُو ساکن فلک در عشقِ اُو شیدا

محمد احمد و محمود وے را خالِقَش بِستود                    کزو شد بود ہر موجود زو شد دیدہا بینا

اگر نامِ محمد را نیاوردے شفیع آدم                       نہ آدم یافتے توبہ نہ نوح از غرق نجّینا

نہ ایوب از بلا راحت نہ یوسف حشمت و جاہت                   نہ عیسیٰ آں مسیحا دم نہ موسیٰ آں یدِبیضا

نورانی پھول

آپصَلَّی اللّٰہُ تَعَالٰی عَلَیْہ ِوَسَلَّم کے قد مبارک کا سایہ نہ تھا۔ حکیم ترمذی (متوفی ۲۵۵ھ؁)نے اپنی کتاب ''نوادر الاصول'' میں حضرت ذکوان تابعی رَحْمَۃُاللّٰہِ تَعَالٰی عَلَیْہ سے یہ حدیث نقل کی ہے کہ سورج کی دھوپ اور چاند کی چاندنی میں رسول اللّٰہصَلَّی اللّٰہُ تَعَالٰی عَلَیْہ ِوَسَلَّم کا سایہ نہیں پڑتا تھا۔  امام ابن سبع رَحْمَۃُاللّٰہِ تَعَالٰی عَلَیْہ کا قول ہے کہ یہ آپ صَلَّی اللّٰہُ تَعَالٰی عَلَیْہ ِوَسَلَّمکے خصائص میں سے ہے کہ آپ کا سایہ زمین پر نہیں پڑتا تھا اور آپ نور تھے اس لئے جب آپ دھوپ یا چاندنی میں چلتے تو آپ کا سایہ نظر نہ آتا تھا اور بعض کا قول ہے کہ اس کی شاہد وہ حدیث ہے جس میں آپ کی اس دعا کا ذکر ہے کہ آپ نے یہ دعا مانگی:{اللَّہُمَّ اجْعَلْ فِی قَلْبِی نُورًا وَفِی سَمْعِی نُورًا وَفِی بَصَرِی نُورًا وَعَنْ یَمِینِی نُورًا وَعَنْ یَسَارِی نُورًا وَأَمَامِی نُورًا وَخَلْفِی نُورًا وَفَوْقِی نُورًا وَتَحْتِی نُورًا وَاجْعَلْنِی نُورًا.مسلم کتاب صلاۃ المسافرین وقصرہ،باب الدعاء فی صلاۃ اللیل وقیامہ} کہ خداوندا!تو میرے تمام اعضاء (اورمیرے تمام اطراف)کو نور بنا دے اور آپصَلَّی اللّٰہُ تَعَالٰی عَلَیْہ ِوَسَلَّم نے اپنی اس دعا کو اس قول پر ختم فرمایا کہ '' وَاجْعَلْنِی نُورًا'' یعنی یااللّٰہ!تو مجھ کو سراپا نور بنا دے۔ ظاہر ہے کہ جب آپ سراپا نور تھے تو پھر آپ کا سایہ کہاں سے پڑتا !

اسی طرح عبداﷲبن مبارک اور ابن الجوزی رَحْمَۃُاللّٰہِ تَعَالٰیعَلَیْہمانے بھی حضرت عبداﷲبن عباس رَضِیَاللّٰہُ تَعَالٰیعَنْہما سے روایت کی ہے کہ حضور صَلَّی اللّٰہُ تَعَالٰی عَلَیْہ ِوَسَلَّم کا سایہ نہیں تھا۔ (المواہب اللدنیۃ مع شرح الزرقانی،الفصل الاول فی کمال خلقتہ...الخ، ۵/۵۲۴،۵۲۵)

دوسراباب

حالاتِ نسب و ولادت شریف تا بعثت شریف

حضور  عَلَیْہِ الصَّلٰوۃُ وَالسَّلَام کا سلسلۂ نسب یہ ہے: سیدنا محمد بن عبد اللّٰہ بن عبدالمُطَّلِب بن ہاشم بن عبد مَناف بن قُصٰی بن کلاب بن مُرَّہ بن کعب بن لُو ِء           ْی بن غالب بن فِہرْ بن مالک بن نَضْر بن کنانہ بن خزیمہ بن مُدْرِکہ بن الیاس بن مُضَر بن نزار بن معدبن عدنان۔^([62])اور عدنان حضرت اِسمٰعیل بن اِبراہیم خلیل اللّٰہ عَلٰی نَبِیِّنَا وَعَلَیْہِمَا السَّلَام کی اولاد سے ہیں ۔

خاندانی شرافت وسیادت

رسول اللّٰہ   صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا خاندان عرب میں ہمیشہ سے ممتاز و معزز چلا آتا تھا۔ نَضْر (یا فِہرْ) کا لقب قریش تھااس وجہ سے اس کی اولاد کو قریشی اور خاندان کو قریش کہنے لگے اور اس سے اوپر والے کنانی کہلائے۔ قریش کی وجہ تسمیہ میں بہت سے مختلف اَ

قوال ہیں جن کے اِیر اد کی اس مختصر میں گنجائش نہیں ^([63])۔صحیح بخاری میں ہے کہ رسول اللّٰہصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمنے فرمایا کہ میں بنی آدم کے بہتر ین طبقات سے بھیجا گیا، ایک قرن بعد دوسرے قرن کے، یہاں تک کہ میں اس قرن سے ہوا، جس سے کہ ہوا۔^([64])

حدیث ِمسلم میں ہے کہ اللّٰہ تعالٰی نے حضرت اسماعیل عَلَیْہِ السَّلَام کی اولاد میں سے کِنانہ کو بر گز ید ہ بنا یا اور کِنانہ میں سے قریش کو اور قریش میں سے بنی ہاشم کو بنی ہاشم میں سے مجھ کو برگزید ہ بنا یا۔^([65]) اسی طرح ترمذی شریف میں بہ سند ِحسن آیا ہے کہ اللّٰہ تعالٰی نے خَلْقَت کو پیدا کیا تو مجھ کو ان کے سب سے اچھے گروہ میں بنا یا پھر قبیلوں کو چنا تو مجھ کو سب سے اچھے قبیلہ میں بنا یا۔پھرگھروں کو چنا تو مجھے ان کے سب سے اچھے گھر میں بنایا، پس میں روح وذات اور اصل

 کے لحاظ سے ان سب سے اچھا ہوں ۔^([66])  کسی نے کیا اچھا کہا ہے:

لَمْ یَخْلُقِ  الرَّحْمٰنُ  مِثْلَ  مُحَمَّدٍ                                                             اَبَدًا   وَّ  عِلْمِیْ   اَنَّہٗ   لاَ   یَخْلُقٗ ^([67])

خدا نے حضرت محمد (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) کا مثل کبھی پیدا نہیں کیا اور مجھے علم ہے کہ وہ آپ کا مثل پیدا نہ کرے گا۔

نَضْر کے بعد فِہر اپنے وقت میں رئیس عرب تھا، اس کا ہم عصر حسان بن عبدکلال حمیری چاہتا تھا کہ کعبہ کے پتھر اٹھا کر یمن میں لے جائے تا کہ حج کے لئے وہیں کعبہ بنا دیا جائے، جب وہ اس اراد ے سے حمیرو غیرہ کو ساتھ لے کر یمن سے آیا اور مکہ سے ایک منزل پر مقامِ نخلہ میں اترا تو فِہر نے قبائل عرب کو جمع کر کے اس کا مقابلہ کیا۔ حمیر کو شکست ہوئی، حسان گر فتار ہو ااور تین برس کے بعد فدیہ دے کر رہا ہوا۔ اس واقعہ سے فِہر کی ہیبت و عظمت کا سکہ عرب کے دلوں پر جم گیا۔

فِہر کے بعد قُصٰی^([68]) بن کلاب نے نہایت عزت و اِقتدار حاصل کیا۔قُصٰی مذکور آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے جد خامس ہیں ان کا اصلی نام زید تھا۔ کلاب کی وفات کے بعد ان کی والدہ فاطمہ نے بنو عذرہ میں سے ایک شخص ربیعہ بن حزام سے شادی کر لی تھی، وہ فاطمہ کو اپنی ولایت یعنی ملک شام کو لے گیا۔فاطمہ اپنے ساتھ زید کو بھی لے گئی چونکہ زید ابھی بچہ ہی تھے اور اپنے وطن مالوف^([69])سے دور جارہے تھے اس لئے ان کو قُصٰی (تصغیر ِاقصیٰ بمعنی بعید) کہنے لگے۔جب قُصٰی جوان ہو گئے تو پھر مکہ میں اپنی قوم میں آگئے اور وہیں حُلَیْل خزاعی کی بیٹی حبی سے شادی کرلی۔ حُلَیْل اس وقت کعبہ کا متولی تھا، اس کے مرنے پر تولیت قُصٰی کے ہاتھ آئی، اس نے خُزاعہ کو بیت المال سے نکال دیا اور قریش کو گھاٹیوں پہاڑ یوں اور وادیوں سے جمع کر کے مکہ کے اندر اور باہر آباد کیااس وجہ سے قُصٰی کو مجتمع بھی کہتے ہیں ۔^([70])

قُصٰی نے کئی کا رہا ئے نمایاں کیے چنانچہ ایک کمیٹی گھر قائم کیا جسے دار ا لندوہ کہتے ہیں ۔ مُہِمَّاتِ اُمور ^([71])میں مشورے یہیں کر تے۔لڑ ائی کے لئے جھنڈا یہیں تیار ہوتا۔ نکاح اور دیگر تقریبا ت کی مَراسِم^([72]) یہیں ادا کرتے۔حرم کی رِفادَت و سقایت^([73]) کا منصب بھی قُصٰی ہی نے قائم کیا۔چنانچہ مو سم حج میں قریش کو جمع کرکے یہ تقریر کی:’’تم خدا کے پڑوسی اور خدا کے گھر کے متولی ہو اور حجاج خدا کے مہمان اور خدا کے گھرکے زائرین ہیں وہ اور مہمانوں کی نسبت تمہاری میزبانی کے زیادہ مستحق ہیں اس لئے ایام حج میں ان کے کھانے پینے کے لئے کچھ مقررکرو۔‘‘ اس پر قریش نے سالا نہ رقم مقرر کی جس سے ہر سال ایام منیٰ میں غریب حاجیوں کو کھانا کھلا یا جاتا تھا۔سقایت کے لئے قُصٰی نے چرمی ^([74]) حوض بنائے جو ایام حج میں کعبہ کے صحن میں رکھے جاتے تھے۔ ان حو ضوں کے بھرنے کے لئے مکہ کے کوؤں ^([75])کا پانی مَشکوں میں اونٹوں پر لایا جاتا تھا۔ان مناصب^([76])کے علاوہ قریش کے باقی شَرَف بھی یعنی حِجابَت ( کعبہ کی کلید برداری وتولیت ) اور لِواء ( عَلم بندی) اور قِیادت ( اِما رتِ لشکر ) قُصٰی کے ہاتھ میں تھے اور قُصٰی ہی پہلے شخص ہیں جنہوں نے مُزدلِفہ پر روشنی کی تا کہ لوگوں کو عرفات سے نظرآجائے۔^([77])

قُصٰی کے چار لڑکے (عبدا لدَّار، عبدمَناف ، عبد ا لعُزّٰی،عبد) اور دو لڑکیاں (تَخْمرُ، بَرَّہ) تھیں ۔^([78]) عبدالداراگرچہ عمر میں سب سے بڑا تھا مگر شرافت ووجاہت میں اپنے بھائیوں کے ہم پایہ نہ تھااور عبدمَناف تو سب سے اَشرف تھے یہ آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے جدِّ رابع تھے ان کا اصلی نام مُغِیرہ تھا۔رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے نور کی جھلک ان کی پیشانی میں ایسی تھی کہ ان کو قمر البطحا (وادیٔ مکہ کا چاند)کہا کرتے تھے۔ جب قُصٰی بہت بوڑھے ہوگئے تو انہوں نے عبدا لدَّار سے کہا کہ میں تجھے تیرے بھائیوں کے برابر کرتا ہوں یہ کہہ کر حرم شریف کے تمام مناصب اس کے سپرد کردیئے۔ قُصٰی کی ہیبت کے سبب سے اس وقت کسی نے اعتراض نہ کیا،مگر قُصٰی کے بعد جب عبدالدَّار اور

 عبدمَناف کا بھی انتقال ہوچکا تو عبدمَناف کے بیٹوں (ہاشم ،عبد شمس، مُطَّلِب ،نوفَل)نے اپنا استحقاق ظاہر کیا اور چاہا کہ حرم شریف کے وظائف عبدالدار کی اولادسے چھین لیں ۔اس پر قریش میں اختلاف پیدا ہو گیا بنو اسدبن عزی اور بنو زَہرہ بن کلاب اور بنو تَیم بن مُرَّہ اور بنو حارث بن فِہر یہ سب بنو عبد مَناف کی طرف اور بنو مخزوم اور بنو سَہْم اور بنو جمح اور بنو عَدِی بن کعب دوسری طرف ہوگئے۔ بنو عبد مَناف اور ان کے اَحلاف نے قسمیں کھا کر معاہدہ کیا کہ ہم ایک دوسرے کا ساتھ نہ چھوڑیں گے اور یک جہتی کے اظہار کے لئے ایک پیالہ خوشبوسے بھر کر حرم شریف میں رکھا اور سب نے اس میں اپنی انگلیاں ڈبوئیں اس لئے ان پانچ قبائل کو مُطیَّبین کہتے ہیں ۔اسی طرح دوسرے فریق نے باہم معاہدہ کیا اور ایک پیالہ خون سے بھر کر اس میں اپنی انگلیاں ڈُبو کر چاٹ لیں اس لئے ان پانچ قبائل کو لَعَقَۃُ الدم (خون کے چاٹنے والے ) کہتے ہیں ۔ غرض ہر دو فریق لڑائی کے لئے تیار ہو گئے مگر اس بات پر صلح ہو گئی کہ سقایت ورِفادت وقیادت بنو عبد مَناف کو دی جائے اور حِجابت و لواء وندوہ بد ستور بنو عبدالدارکے پاس رہے چنانچہ ہاشم کوجو بھائیوں میں سب سے بڑے تھے سقایت ورِفادت ملی۔ہاشم کے بعد مُطَّلِب کو اورمُطَّلِب کے بعدعبدالمُطَّلِب اور عبد المُطَّلِب کے بعد ابو طالب کو ملی اور ابو طالب نے اپنے بھائی عباس کے حوالہ کردی، قیادت عبدشمس کو دی گئی عبدشمس کے بعد اس کے بیٹے امیہ کو پھر امیہ کے بیٹے حرب کو پھر حرب کے بیٹے ابو سفیان کو عطا ہوئی اس لئے جنگ اُحُداور اَحزاب میں ابو سفیان ہی قائد تھا۔جنگ بدر کے وقت وہ قافلۂ قریش کے ساتھ تھا اس لئے عتبہ بن ربیعہ بن عبد شمس امیر الجیش تھا۔دار الندوہ عبدالدار کی اولاد میں رہا یہاں تک کہ عکرمہ بن عامر بن ہاشم بن عبدمَناف بن عبدالدار نے حضرت معاویہ رَضِیَ اللّٰہُ تَعَالٰی عَنْہُ کے ہاتھ فروخت کر دیا۔انہوں نے اسے دار الامارت بنا لیا اور آخر کار حرم میں شامل ہو گیا۔^([79])    حِجابت آج تک عبدالدار کی اولاد میں ہے اور وہ بنو شَیْبَہ بن عثمان بن ابی طلحہ بن عبدالعزی بن عثمان بن عبدالدارہیں ۔ لواء بھی اسی کی اولاد میں رہا چنانچہ جنگ اُحُد میں جھنڈا ان ہی کے ہاتھ میں تھا۔ جب ایک قتل ہو جاتا تو دوسرا اس کی جگہ لیتا اس طرح ان کی ایک جماعت قتل ہو گئی۔

ہاشم^([80])نے منصب رِفادت وسقایت کو نہایت خوبی سے انجام دیا ذی الحجہ کی پہلی تاریخ کو صبح کے وقت کعبہ سے پشت لگا کر یوں خطاب کر تے تھے: ’’اے قریش کے گروہ تم خدا کے گھر کے پڑ وسی ہو خدا نے بنی اسمٰعیل میں سے تم کو اس

کی تولیت کا شرَف بخشا ہے اور تم کو اس کے پڑوس کے لئے خاص کیا ہے۔ خد اکے زائرین تمہارے پاس آرہے ہیں جو اس کے گھر کی تعظیم کر تے ہیں ، پس وہ خدا کے مہمان ہیں اور خدا کے مہمانوں کی میزبانی کا حق سب سے زیادہ تم پر ہے اس لئے تم خدا کے مہمانوں اور اس کے گھر کے زائرین کا اکرام کروجو، ہر ایک شہر سے تیروں جیسی لاغر اور سَبُک اَندام^([81])اونٹنیوں پر ژُولِیدَہ مُو^([82])اور غبار آلود ہ آرہے ہیں ۔اس گھر کے ربّ کی قسم! اگر میرے پاس اس کام کے لئے کا فی سر مایہ ہوتا تو میں تمہیں تکلیف نہ دیتا میں اپنے کسب حلال کی کمائی میں سے دے رہا ہوں ۔تم میں سے بھی جو چاہے ایسا کرے۔ میں اس گھر کی حرمت کا واسطہ دے کر گزارش کر تا ہوں کہ جو شخص بیت اللّٰہ کے زائرین کو اپنے مال سے دے، وہ بجز حلال کی کمائی کے نہ ہو۔‘‘ اس تقریر پر قریش اپنے حلال مالوں میں سے دیا کر تے اور دار الندوہ میں جمع کردیتے۔

ہاشم کا اصلی نام عمرو تھا علو رتبہ^([83])کے سبب عمروالعلا کہلا تے تھے۔نہایت مہمان نواز تھے ، ان کا دستر خوان ہر وقت بچھا ر ہتا تھا۔ایک سال قریش میں سخت قحط پڑا۔یہ ملک ِشام سے خشک روٹیاں خرید کر ایامِ حج میں مکہ میں پہنچے اور روٹیوں کا چورہ کر کے اونٹوں کے گوشت کے شوربے میں ڈال کر ثرید بنا یا اور لوگوں کو پیٹ بھر کر کھلایا۔اس دن سے ان کو ہاشم (روٹیوں کا چورہ کر نے والا ) کہنے لگے۔^([84])

 عبد ِمَناف کے صاحبزادوں نے قریش کی تجارت کو بہت تر قی دی اور دُوُلِ خارجہ ^([85])کے ساتھ تعلقات پیدا کر کے ان سے کاروانِ قریش کے لئے فرامینِ حفظ واَمن حاصل کیے۔چنانچہ ہاشم نے قیصر ِروم اور مَلِکِ غَسَّان سے اور عبد شمس نے حبشہ کے بادشاہ نجاشی سے اور نوفل نے اَکاسرہِ عراق سے اور مُطَّلِب نے یمن کے شاہ حمیر سے اسی قسم کے فرمان لکھوالئے۔اس کے بعدہاشم نے قریش کے لئے سال میں دو تجارتی سفر مقرر کیے اس لئے قریش موسم سرما میں یمن و حبشہ اور گرمامیں عراق وشام میں جاتے اور ایشیائے کو چک کے مشہور شہر انقرہ (انگورہ ) تک پہنچ جاتے۔

ہاشم کی پیشانی میں نورِ محمد ی چمک رہا تھا۔اَحبار میں سے جو آپ کو دیکھتا آپ کے ہاتھ کو بوسہ دیتا۔قبائل عرب واَحبار میں سے آپ کو شادی کے پیام آتے مگر آپ انکار کر دیتے۔ایک دفعہ بغر ضِ تجارت آپ ملک شام کو گئے۔راستے

میں مد ینہ میں بنو عَدِی بن نجَّار میں سے ایک شخص عمرو بن زید بن لبید خزرجی کے ہاں ٹھہر ے۔ اس کی صاحبزادی سلمیٰ حسن وصورت وشرافت میں اپنی قوم کی تمام عورتوں میں ممتاز تھی۔آپ نے اس سے شادی کر لی۔مگر عمرو نے ہاشم سے یہ عہد لیا کہ سلمیٰ^([86])جو اولاد جنے گی وہ اپنے میکے میں جنے گی۔شادی کے بعد ہاشم شام کو چلے گئے۔جب واپس آئے تو سلمیٰ کو اپنے ساتھ مکہ میں لے آئے۔حمل کے آثار بخوبی محسوس ہوئے تو سلمیٰ کو مدینہ میں چھوڑ کر آپ شام کو چلے گئے اور وہیں غزّ ہ^([87])

میں پچیس سال کی عمر میں انتقال کیا اور غزّہ ہی میں دفن ہوئے ۔سلمیٰ کے ہاں ایک لڑ کا پیدا ہوا جس کے سر میں کچھ سفید بال تھے اس لئے اس کا نام شیبہ رکھا گیا اور شیبۃ الحمد بھی کہتے تھے۔حمد کی نسبت اس کی طرف اس امید پر کی گئی کہ اس سے افعالِ نیک سر زدہوں گے جس کے سبب سے لوگ اس کی تعریف کیا کریں گے۔شیبہ سات یا آٹھ سال مدینہ ہی میں رہے پھر مُطَّلِب کو خبر لگی تو بھتیجے کو لینے کے لئے مدینہ میں پہنچے۔ جب مدینہ سے واپس آئے تو شیبہ کو اپنے پیچھے اونٹ پر سوار کر لیا۔ شیبہ کے کپڑے پھٹے پرانے تھے۔جب چاشت کے وقت مکہ میں داخل ہوئے تو لوگوں نے مُطَّلِب سے پوچھا کہ یہ کون ہیں ؟ مُطَّلِب نے کہا:یہ میرا عبد (غلام ) ہے اس وجہ سے شیبہ کو عبد المُطَّلِب کہنے لگے۔وجہ تسمیہ میں بعضوں نے اَور قول بھی نقل کیے ہیں ۔^([88])

مُطَّلِب کے بعد اہل مکہ کی ریاست عبد المُطَّلِب^([89]) کو ملی اور رِفادت وسقایت ان کے حوالہ ہوئی، رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکا نور اُن کی پیشانی میں چمک رہا تھااُن سے کستور ی کی سی خوشبو آتی تھی جب قریش کو کوئی حادثہ پیش آتا تو عبدالمُطَّلِب کو کوہ شیبہ پر لے جاتے اور ان کے وسیلہ سے بار گاہ رب العزت میں دعا مانگتے اور ایامِ قحط میں ان کے واسطہ سے طلب باراں کرتے اور وہ دعا قبول ہو تی۔ عبدالمُطَّلِب پہلے شخص ہیں جو تحنث کیا کرتے تھے یعنی ہرسال ماہ

رمضان میں کو ہِ حِراء میں جاکر خدا کے گِیان دِھیان میں گو شہ نشین رہا کر تے۔وہ موحد^([90]) تھے شراب وز نا کو حرام جانتے تھے، نکاحِ محارم سے اور بحالت ِبر ہنگی طواف کعبہ سے منع کر تے، لڑکیوں کے قتل سے روکتے، چور کا ہاتھ کاٹ دیتے، بڑے مجاب الدعوات^([91])اور فیاض تھے،اپنے دسترخوان سے پہاڑیوں کی چوٹیوں پر پر ند چر ند کو کھلا یا کر تے تھے۔اس لئے انہیں مُطْعِمُ ا لطَّیر (پر ندوں کو کھلانے والے ) کہتے تھے۔^([92])یہ سب کچھ نور محمد ی کی برکت سے تھا۔

عبد المُطَّلِب نے چاہِ زمز م کو نئے سرے سے کھد واکر درست کیا۔اس کا قصہ یوں ہے کہ حضرت اسماعیل عَلٰی نَبِیِّنَا وَعَلَیْہِ الصَّلٰوۃُوَالسَّلَام کے بعد کعبہ کی تولیت نابت بن اسماعیل کے سپردہو ئی نابت کے بعد نا بت کا نانا مضاض بن عَمْروجُرہُمِی متولی ہوا۔جب بنو جُرْہُم حرم شریف کی بے حرمتی کر نے اور کعبہ کے مال اپنے خرچ میں لانے لگے تو بنو بکر بن عبد مَناف بن کِنانہ اور غَبْشَان خزاعی نے ان کو مکہ سے یمن کی طرف نکال دیا۔اس وقت سے خُزاعہ متولی ہوئے۔ خُزاعہ میں سے اخیر متولی حُلَیْل بن حَبْشِیَّہ تھا جس کے بعد تَوَ لِّیَت قُصٰی کے ہاتھ آئی جیسا کہ پہلے مذکور ہوا۔ عَمرْوبن حارِث بن مَضَّاض جُرْہُمی نے جاتے وقت کعبہ کے ہر دوغزالِ طلائی^([93])اور حجر رکن کو زمز م میں ڈال کر اسے ایسا بند کر دیا تھا کہ مدت گزرنے پر کسی کو اس کا نشان تک معلوم نہ رہا۔آخرکار عبد المُطَّلِب کو خواب میں اسکے کھودنے کا اشارہ ہوا۔عبد المُطَّلِب کے ہاں اس وقت صرف ایک صاحبزادہ حارث تھااسی کو ساتھ لے کر کھود نے لگے۔جب کوئیں کا بالائی حصہ نظر آیا تو خوشی میں تکبیر کہی۔کھودتے کھودتے ہر دوغزال^([94])اور کچھ تلوار یں اور زِرْہیں بر آمد ہوئیں ۔یہ دیکھ کر قریش نے کہا کہ اس میں ہمارا بھی حق ہے۔عبد المُطَّلِب نے بجائے مقابلہ کے اس معاملہ کو قرعہ اندازی پر چھوڑا چنانچہ ہر دوغزال کا قرعہ کعبہ پر، تلوار وں اور زِرْہوں کا قرعہ عبدالمُطَّلِب پر پڑا اور قریش کے نام کچھ نہ نکلا۔ اس طرح عبدالمُطَّلِب نے زمز م کو کھود کر درست کیا۔اس وقت سے زم زم ہی کا پانی حاجیوں کے کام آنے لگا اور مکہ کے کوؤں ^([95]) کے پانی کی ضرورت نہ رہی۔^([96])

زمز م کے کھود نے میں عبد المُطَّلِب نے اپنے معاوِنین کی قِلَّت محسوس کر کے یہ منت مانی تھی کہ اگر میں اپنے سامنے دس بیٹوں کو جوان دیکھ لوں تو ان میں سے ایک کو خدا کی راہ میں قربان کر وں گا۔جب مرادبر آئی تو اِیفائے نذر کے لئے ^([97]) دسوں بیٹوں کولے کر کعبہ میں آئے اور پُجاری سے اپنی نذر کا حال بیان کیا اور کہا کہ ان دسوں پر قرعہ ڈالو، دیکھو کس کا نام نکلتا ہے۔چنانچہ ہر ایک نے اپنے اپنے نام کا قرعہ دیا۔ایک طرف پجاری قرعہ نکال رہا تھا دوسری طرف عبد المُطَّلِب یوں دعا کر رہے تھے :’’یااللّٰہ! میں نے ان میں سے ایک کی قربانی کی منت مانی تھی اب میں ان پر قرعہ اندازی کر تا ہوں ، تو جسے چاہتا ہے اس کا نام نکال۔‘‘اتفاق سے عبد اللّٰہ کانام نکلا جو رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے والد اور عبد المُطَّلِب کو سب بیٹوں میں پیارے تھے۔عبد المُطَّلِب چُھری ہاتھ میں لے کر ان کو قربان گاہ کی طرف لے چلے مگر قریش اور عبد اللّٰہکے بھائی مانع ہو ئے، آخر کا ر عبد اللّٰہ اور دس اونٹوں پر قرعہ ڈالا گیا اتفاق یہ کہ عبد اللّٰہہی کے نام پر قرعہ نکلا پھر عبد اللّٰہ اور بیس اونٹوں پر قرعہ ڈالا گیا مگر نتیجہ وہی نکلا۔بڑھاتے بڑھاتے سو اونٹوں پر نوبت پہنچی توقرعہ اونٹوں پر نکلا، چنانچہ عبدالمُطَّلِب نے سواونٹ قربانی کیے اور عبد اللّٰہ بچ گئے اسی واسطے آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے فرمایا ہے: اَنَا ابْنُ الذَّبِیْحَیْن یعنی میں دوذَبیح ( اسماعیل وعبداللّٰہ ) کابیٹا ہوں ۔ ^([98])

جب عبد المُطَّلِب اونٹوں کی قربانی سے فارغ ہو ئے تو عبد اللّٰہ رَضِیَ اللّٰہُ تَعَالٰی عَنْہُکی شادی کی فکر ہوئی۔ عبد اللّٰہ نور محمد ی کے سبب کمال حسن وجمال رکھتے تھے۔ قَضیۂ ذبح  ^([99])  سے اور مشہور ہوگئے قریش کی عورتیں ان کی طرف مائل تھیں ،مگر اللّٰہ تعالٰی نے ان کو پر دۂ عفت و عصمت میں محفوظ رکھا۔عبدالمُطَّلِب ان کے لئے ایسی عورت کی تلاش میں تھے جو شرَف، نَسَب وحَسَب و عفت میں ممتاز ہو۔اس لئے وہ ان کو بنو زُہر ہ کے سر دار وَہْب بن عبد مَناف بن زُہرہ بن کلاب بن مُرَّہ  کے ہاں لے گئے وہب کی بیٹی آمنہ زُہْریہ قَرَشِیَّہ نَسَب و شرَف میں قریش کی تمام عورتوں سے افضل تھیں ، عبد المُطَّلِب نے وَہْب کو عبد اللّٰہ کی شادی کا پیغام دیا اور وہیں عقْدہو گیا۔ بعضے ^([100])  کہتے ہیں کہ آمنہ اپنے چچا وُہَیْب کے پاس رہتی تھیں عبد المُطَّلِب نے وُہَیْب کو پیغام دیا اور نکاح ہو گیا اور اسی مجلس میں خود عبدالمُطَّلِب نے وُہَیْب کی صاحبزادی ہالہ

 سے شادی کی۔^([101])

 عبدالمُطَّلِب کے ہاں بقول ابن ہشام پانچ بیویوں سے دس لڑکے اور چھ لڑکیاں پیدا ہو ئیں جن کی تفصیل یوں ہے :

زوجہ کانام	اَولاد
سَمْرَاء بنت جُنْدَب ہَوازِنیہ	حارِث^([102]^)
لُبْنٰی بنت ہَاجِر خُزَاعِیَّہ	ابولَہَب ( اصلی نام عبدُ العُزّٰی )
فَاطِمَہ بنت عَمْرْومَخْزُوْمِیَہ	اَ بُوطَالِب (اصلی نام عبدِ مَناف )، زُبَیْر، عبدُ اللّٰہ (والد رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم)، بَیْضَاء ، عَاتِکَہ ، بَرَّہ ، اُمَیْمَہ ، اَرْوٰی
ہَالَہ بنت وُہَیْب زُہْرِیَہ	حَمْزَہ ، مُقَوَّم، حَجْل ، صَفِیَّہ
نُتَیْلَہ بنت خَبَّاب خَزْرَجِیَّہ	عَبَّاس ، ضِرَار^([103]^)

جب نور محمد ی حضرت آمنہ رَضِیَ اللّٰہُ تَعَالٰی عَنْہَا کے رِحم مبارک میں منتقل ہو گیا تو کئی عجائبات ظہور میں آئے۔ اس سال قریش میں سخت قحط سالی تھی، اس نور کی برکت سے زمین پر جابجا رُوئید گی ^([104])کی مخملی چادر نظر آنے لگی۔ درختوں نے اپنے پھل جھکا دیئے اور مکہ میں اس قدَر فراخ سالی ہو ئی کہ اس سال کو’’سَنَۃُ الْفَتْحِ وَالْاِبْتِہَاجِ‘‘^([105])کہنے لگے۔قریش کا ہر ایک چار پایہ فصیح عربی زبان میں حضرت آمنہ رَضِیَ اللّٰہُ تَعَالٰی عَنْہَا کے حمل کی خبر دینے لگا، بادشاہوں کے تخت اور بت اوند ھے گرپڑے،مشرق ومغرب کے وحشی چرند پرند اور دریائی جانوروں نے ایک دوسرے کو خوشخبری دی۔ جِن پکار اُٹھے کہ حضرت کا زمانہ قریب آگیا، کہانت کی آبروجاتی رہی اور رُہبانیت پر خوف طاری ہوا۔حضرت کی والدہ ماجدہ نے

خواب میں سنا کہ کوئی کہہ رہا ہے: ’’ تیرے پیٹ میں جہان کا سر دار ہے، جب وہ پیدا ہوں تو ان کا نام محمد رکھنا۔‘‘^([106])

حضرت عبد اللّٰہ رَضِیَ اللّٰہُ تَعَالٰی عَنْہُ کی وفات

جب قولِ مشہور کے مُوافق حمل شریف کو دومہینے پورے ہوگئے تو حضرت کے دادا عبد المُطَّلِب نے آپ کے والد حضرت عبداللّٰہرَضِیَ اللّٰہُ تَعَالٰی عَنْہُ کو مدینہ میں کھجور یں لانے کے لئے بھیجا۔حضرت عبد اللّٰہ رَضِیَ اللّٰہُ تَعَالٰی عَنْہُ وہاں اپنے والد کے ننہال بنو عَدِی بن نجَّار میں ایک ماہ بیماررہ کر انتقال فرماگئے اور وہیں دارِ نابِغَہ میں دفن ہوئے۔ بعضے کہتے ہیں کہ عبد المُطَّلِب نے حضرت عبد اللّٰہ رَضِیَ اللّٰہُ تَعَالٰی عَنْہُ کو تجارت کے لئے ملکِ شام بھیجا تھا وہ واپس آتے ہوئے مدینہ میں بنو عَدِی میں ٹھہرے اور بیمارہو کر یہیں رہ گئے۔ حضرت عبد اللّٰہ رَضِیَ اللّٰہُ تَعَالٰی عَنْہُ کا ترکہ ایک لو نڈی اُمِّ اَیْمَن بَرَ َکہ حَبشیہ اور پانچ اُونٹ اور کچھ بکریاں تھیں ۔^([107])

واقعۂ اصحابِ فیل

تَوَ لُّد شریف سے 55دن پہلے ایک واقعہ پیش آیا جو اَصحاب فیل کا واقعہ کرکے مشہور ہے۔اس واقعہ کی کیفیت بطریق اختصار یوں ہے کہ اس وقت شاہ حبشہ کی طرف سے اَبْرَہَہ یمن کا گور نر تھا اس نے شہر صنعاء میں ایک کلیسابنا یا اور شاہ حبشہ کو لکھا کہ میں نے آپ کے لئے ایک بے نظیر کلیسابنو ایا ہے۔میں کوشش کررہاہوں کہ عرب کے لوگ آئندہ خانہ کعبہ کو چھوڑ کر یہیں حج وطواف کیاکریں ۔جب یہ خبر عرب میں مشہور ہو گئی تو بنی کِنانہ میں سے ایک شخص نے غصہ میں آکر اس کلیسامیں بول وبر از کر دیا۔یہ دیکھ کر اَبْرَہَہ آگ بگولہ ہو گیا اور اس نے قسم کھائی کہ کعبہ کی اینٹ سے اینٹ نہ بجادوں  تو میرانام اَبْرَہَہ نہیں ۔اسی وقت فوج وہا تھی لے کر کعبہ پر چڑھا ئی کی یہاں تک کہ مقام مُغَمس میں جو مکہ مشرفہ سے دومیل ہے جااترا اور ایک سردار کو حکم دیا کہ اہل مکہ سے چھیڑ چھاڑ شروع کر ے۔چنانچہ وہ سردار، قریش کے اونٹ اور بھیڑ بکریاں ہانک لایا جن میں دوسو اونٹ عبد المُطَّلِب بن ہاشم کے بھی تھے۔بعد ازاں اَبْرَہَہ کی طرف سے حناطہ حمیری گیااور عبدالمُطَّلِب کو اَبْرَہَہ کے پاس لے آیا۔اَبْرَہَہ نے عبدالمُطَّلِب کا بڑااِکرام کیا اور دونوں میں بذریعہ ترجمان یہ گفتگوہوئی:

اَبْرَہَہ : تم کیا چاہتے ہو ؟

 عبدالمُطَّلِب: میرے اونٹ واپس کردو۔

 اَبْرَہَہ : (متعجب ہو کر) تمہیں او نٹوں کا تو خیال ہے مگر خانہ کعبہ جو تمہارا اور تمہارے آباؤ اَجد ادکادین ہے جسے میں ڈھانے آیاہوں اس کا نام تک نہیں لیتے۔

عبد المُطَّلِب: میں اونٹوں کا مالک ہوں ،خانہ کعبہ کا مالک اور ہے وہ اپنے گھر کو بچائے گا۔

اَبْرَہَہ : خانہ کعبہ مجھ سے بچ نہیں سکتا۔

عبدالمُطَّلِب: پھر تم جانواور وہ۔

اس گفتگو کے بعد عبدالمُطَّلِب اپنے اونٹ لے کر مکہ میں واپس آگیا اور قریش سے کہنے لگا کہ شہر مکہ سے نکل جاؤ اور پہاڑ یوں کے دَرَّوں میں پنا ہ لو۔یہ کہہ کر خود چند آدمیوں کو ساتھ لے کر خانہ کعبہ میں گیا اور درواز ے کا حلقہ پکڑ کر یوں دعاکی:

لَا ہُمَّ اِنَّ الْعَبْدَ یَمْنَعُ رَحْلَہُ فَامْنَعْ حِلَالَک

لَا یَغْلِبَنَّ صَلِیْبُہُمْ وَمِحَالُہُمْ غَدْوًا مِحَالَکْ

اِنْ کُنْتَ تَارِکَہُمْ وَقِبْلَتَنَا فَائَمْرٌ مَّا بَدَا لَک

ترجمہ اَشعار: اے اللّٰہ! بندہ اپنے گھر کو بچایا کر تا ہے تو بھی اپنا گھر بچا، ایسا نہ ہو کہ کل کو ان کی صلیب اور ان کی تدبیر تیری تدبیر پر غالب آجائے،اگر تو ہمارے قبلہ کوان پر چھوڑنے لگا ہے تو حکم کر جو چاہتاہے۔

اِدھر عبدالمُطَّلِب یہ دعا کر کے اپنے ساتھیوں سمیت پہاڑوں کے دَرِّے ^([108]) میں پناہ گزیں ہوا، اُدھر صبح کو اَبْرَہَہ خانہ کعبہ کو ڈھا نے کے لئے فوج اور ہاتھی لے کر تیار ہوا۔ جب اس نے ہاتھی کا منہ مکہ کی طرف کیا تو وہ بیٹھ گیا، بُہتیرے آنکسمارے مگر نہ اٹھا، آخرمکہ کی طرف سے اس کامنہ موڑ کر اٹھایا تو اٹھا اور تیزبھاگنے لگا، غرض جب مکہ کی طرف اس کا منہ کرتے تو بیٹھ جاتا اور کسی دوسری طرف کرتے تو اٹھ کر بھاگتا، اسی حال میں اللّٰہ تعالٰی نے سمُندر کی طرف سے اَبابیلوں

 کے غول کے غول بھیجے، جن کے پاس کنکریاں تھیں ، ایک ایک چونچ میں اور دودوپنجوں میں انہوں نے کنکروں کا مینہ برسانا شروع کیا، جس پرکنکر گرتی ہلا ک ہو جاتا۔ یہ دیکھ کر اَبْرَہَہ کا لشکر بھاگ نکلا۔اس طرح اللّٰہ تعالٰی نے اپنا گھر دشمن سے بچا لیا، قرآن مجید سورۂ فیل میں اسی واقعہ کی طرف اشارہ ہے۔^([109])

قصہ ٔ  اَصحاب فیل میں دو طرح سے حضرت کی کر امت ظاہر ہے، ایک تو یہ کہ اگر اصحاب فیل غالب آتے تو وہ حضرت (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم ) کی قوم کو قید کر لیتے اور غلام بنا لیتے، اس لئے اللّٰہ تعالٰی نے اَصحابِ فیل کو ہلاک کر دیاتاکہ اس کے حبیبِ پاک صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم پر حمل و طُفُوْلِیَّت کی حالت میں اَسیر ی وغلامی کا دھبہ نہ لگے۔ دوسرے یہ کہ اصحاب فیل نصاریٰ اہل کتاب تھے جن کا دین قریش کے دین سے جو بت پر ست تھے یقینا بہتر تھا مگر یہ کہ حضرت (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم ) کے وُجود ِباجودکی برکت تھی کہ اللّٰہ تعالٰی نے بیت اللّٰہ شریف کی حرمت قائم رکھنے کے لئے قریش کو باوجودبت پر ست ہو نے کے اہل کتاب پر فتح دی۔یہ واقعہ حضرت (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم)کی نبوت کا پیش خیمہ تھا کیونکہ آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے دین میں اسی بیت اللّٰہ کی تعظیم اسی کے حج اور اسی کی طرف نماز کا حکم ہوا۔

تَوَ لُّد شریف

جب حمل شریف کو چاند کے حساب سے پورے نو مہینے ہوگئے تو حضور اقدس صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  بارہ ربیع الاوّل کو دو شنبہ کے دن فجر کے وقت کہ ابھی بعض ستارے آسمان پر نظر آرہے تھے پیدا ہوئے۔دونوں ہاتھ زمین پر رکھے ہوئے، سر آسمان کی طرف اٹھا ئے ہوئے(جس سے آپ اپنے علو مرتبہ کی طرف اشارہ فرمارہے تھے )، بدن بالکل پاکیزہ اور تیزبو کستور ی کی طرح خوشبودار، ختنہ کیے ہو ئے، ناف بُرِیدہ^([110])، چہر ہ چودہویں رات کے چاند کی طرح نورانی، آنکھیں قدر ت الٰہی سے سرمگیں ، دونوں شانوں کے درمیان مہر نبوت دَرَخشاں ^([111])،  آپ کی والد ہ نے آپ کے دادا عبدالمُطَّلِب کو جواس وقت خانہ کعبہ کا طواف کر رہے تھے بُلا بھیجا۔وہ حضرت کو دیکھ کر بہت خوش ہوئے اور بیت اللّٰہ شریف میں لے جاکر آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے لئے صدقِ دل سے دعا کی اور اللّٰہ تعالٰیکی اس نعمت عظمیٰ کا شکریہ ادا کیا۔

 آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکے چچا ابو لَہَب کی لونڈی ثُوَیْبَہ نے ابو لَہَب کو تو لد شریف کی خبر دی تو اُس نے اس خوشی میں ثُوَیْبَہ کو آزاد کر دیا۔

حضرت (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم)جس مہینے میں پیدا ہو ئے اس کانام تو ربیع تھا ہی مگر وہ موسم بھی ربیع (بہار ) کا تھا۔کسی نے کیا خوب کہاہے    ؎

رَبِیْعٌ    فِیْ    رَبِیْعٍ    فِیْ    رَبِیْعٍ وَ  نُوْرٌ   فَوْقَ   نُوْرٍ   فَوْقَ   نُوْرٍ

تَوَلُّد شریف کی خوشی کا ثمرہ

ابو لَہَب کی موت کے ایک سال بعد حضرت عباس رَضِیَ اللّٰہُ تَعَالٰی عَنْہُ نے خواب میں ابو لہب کو برے حال میں دیکھا، پوچھا :تجھے کیا ملا ؟ ابو لہب نے جواب دیا:’’لَمْ اَلْقَ بَعْدَکُمْ غَیْرَ اَ نِّی سُقِیْتُ فِی ہٰذِہِ بِعَتَاقَتِی ثُوَیْبَۃَ ۔^([112]) ‘‘ تمہارے بعد مجھے کچھ آرام نہیں ملا سوائے اس کے کہ ثُوَیْبَہ کو آزاد کر نے کے سبب سے بمقدار اس مُغَاک (میانِ اِبْہَام وسبابہ) ^([113])کے پانی مل جاتا ہے جسے میں پی لیتا ہوں ۔

 اس حدیث^([114])  عروہ بن زبیر کا مطلب یہ ہے کہ ابو لہب بتا رہا ہے کہ میرے تمام اعمال رائگا ں گئے سوائے ایک کے اور وہ یہ کہ میں نے حضرت (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) کی ولا دت کی خوشی میں اپنی لو نڈی ثُوَ         ْ  َیبہ کو آزاد کر دیا تھا، اس ایک عمل کا فائد ہ باقی رہ گیا اور وہ یوں ہے کہ اسکے بدلے ہر دوشنبہ کو ابہام و سبابہ کے درمیانی مغاک کی مقدار مجھے پانی مل جاتا ہے جسے میں انگلیوں سے چو س لیتا ہوں اور عذاب میں تخفیف ہو جاتی ہے۔یہ حضور رسول اکرم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی خصوصیات سے ہے، ورنہ کا فر کا کوئی عمل فائدہ نہ دے گا۔

فقیر توکُّلی ^([115])گزارش کرتا ہے کہ جب حضور عَلَیْہِ الصَّلٰوۃُ وَالسَّلَام کے تو لد شریف پر خوشی منانے سے ایک کا فر کو یہ فائدہ پہنچا تو قیاس کیجئے کہ ایک مسلمان جو ہر سال مو لود شریف کراتا اور حضور احمد مختار صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکے تولد شریف پرخوشیاں مناتا اس دارِ فانی سے رخصت ہوجائے تواسے کس قدر فائدہ پہنچے گا۔

تَوَلُّد شریف کے وقت خوارِق

تو لد شریف کے وقت غیب سے عجیب وغریب اور خارِقِ عادت ^([116])اُمور ظاہر ہوئے تاکہ آپ کی نبوت کی بنیاد پڑ جائے اور لوگوں کو معلوم ہو جائے کہ آپ اللّٰہ تعالٰی کے بر گزیدہ وپسند یدہ ہیں ۔ چنانچہ ستارے تعظیم کے لئے جھک کر آپ کے قریب آگئے اور انکے نور سے حرم شریف کی پست زمین اور ٹیلے روشن ہوگئے۔آپکے ساتھ ایسا نور نکلا کہ مکہ مشرفہ کے رہنے والوں کو ملک شام کے قیصری محل نظر آگئے۔شیاطین پہلے آسمانوں پر چلے جاتے اور کاہنوں کو بعض مُغیبات کی خبر دے دیتے تھے اور وہ لوگوں کو کچھ اپنی طرف سے ملا کر بتا دیا کر تے تھے۔ اب آسمانوں میں ان کا آنا جانا بند کر دیا گیا اور آسمانوں کی حفاظت شہاب ثاقب سے کر دی گئی۔اس طرح وحی وغیروحی میں خَلْط مَلْط ہو جانے کا اندیشہ جاتا رہا۔شہر مدائن میں محل کِسریٰ پھٹ گیا اور اسکے چودہ کنگر ے گر پڑے۔ اس میں اشارہ تھا کہ چودہ حکمرانوں کے بعد ملک فارِس خادمانِ اسلام کے قبضہ میں آجائے گا۔ ^([117])فارِس کے آتش کدے ایسے سر دپڑگئے کہ ہر چندان میں آگ جلانے کی کوشش کی جاتی تھی مگر نہ جلتی تھی۔ بُحَیْرَۂ ساوَہ جو ہمدان وقُم کے درمیان چھ میل لمبااور اتنا ہی چوڑا تھا اور جس کے کناروں پر شرک وبت پر ستی ہو اکرتی تھی یکایک بالکل خشک ہو گیا۔وادی ساوَہ (شام وکوفہ کے درمیان ) کی ندی جو بالکل خشک پڑی تھی لبالب بہنے لگی۔

رَضاعت

آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو آپ کی والد ہ ماجدہ نے کئی دن دودھ پلایا پھر ابو لَہَب کی آزادکی ہوئی

لونڈی ثُوَیْبَہ نے چند روزایسا ہی کیا، بعد ازاں حلیمہ سعدیہ رَضِیَ اللّٰہُ تَعَالٰی عَنْہَا نے یہ خدمت اپنے ذمہ لی۔

قریش میں دستور تھا کہ شہر کے لوگ اپنے شیر خوار بچوں کو بدوی آبادی ^([118])میں بھیج دیا کر تے تھے تاکہ بچے بدوؤں میں^([119])پل کر فصاحت اور عرب کی خالص خصوصیات حاصل کریں اور مدتِ رضاعت کے ختم ہونے پر عوضانہ دے کر واپس لے آتے تھے۔ اس لئے نواحِ مکہ کے قبائل کی بدوی عورتیں سال میں دود فعہ ربیع وخریف میں بچو ں کی تلاش میں شہر مکہ میں آیا کرتی تھیں ۔چنانچہ اس دفعہ قحط سالی میں حلیمہ سَعْدِیہ رَضِیَ اللّٰہُ تَعَالٰی عَنْہَا اپنے قبیلہ کی دس عورتوں کے ساتھ اسی غرض سے شہر میں آئی۔حلیمہ کے ساتھ اس کا شیر خوار بچہ عبد اللّٰہ نام، اس کا شوہر حارِث بن عبدالعزی سَعْدِی ، ایک دراز گوش اور ایک او نٹنی تھی۔ بھوک کے مارے نہ اونٹنی دودھ کا ایک قطرہ دیتی تھی اور نہ حلیمہ کی چھاتیوں میں کافی دودھ تھا، اس لئے بچہ بے چین رہتا تھا اور رات کو اس کے رونے کے سبب سے میاں بیوی سوبھی نہ سکتے تھے، اب قسمت جاگی تو حلیمہ کو جو شرَف وکمال میں مشہور تھی ایسا مبارک رَضِیْع^([120])مل گیا کہ ساری زحمت کا فور ہو گئی۔دیکھتے ہی دائیں چھا تی سے لگا لیا۔ دودھ نے جوش مارا حضرت نے پیااور بائیں چھا تی چھوڑدی جس سے حلیمہ کے بچے نے پیا، اس کے بعد بھی ایسا ہی ہوتا رہا، یہ عدلِ جبلی^([121]) کا نتیجہ تھا۔ڈیرے پر پہنچی تو پھر دونوں بچوں نے سیر ہو کر دودھ پیا۔حارث نے اٹھ کر اونٹنی کو جو دیکھا تو اس کے تھن دودھ سے بھر ے ہوئے تھے جس سے میاں بیوی سیر ہو گئے اور رات آرام سے کٹی۔ اس طرح تین راتیں مکہ میں گزار کر حضرت آمنہ رَضِیَ اللّٰہُ تَعَالٰی عَنْہَا کو وداع کر دیا گیا اور حلیمہ اپنے قبیلہ کو آئی، اس نے حضرت کو اپنے آگے دراز گوش پر سوار کر لیا۔دراز گوش نے پہلے کعبہ کی طرف تین سجدے کر کے سر آسمان کی طرف اٹھایا گو یا شکر یہ ادا کیا کہ اس سے یہ خدمت لی گئی، پھر روانہ ہوئی اور حضرت کی برکت سے ایسی چست وچالاک بن گئی کہ قافلہ کے سب چوپایوں سے آگے چل رہی تھی حالانکہ جب آئی تھی تو کمزوری کے سبب سے سب سے پیچھے رہ جاتی تھی۔ ساتھ کی عورتیں حیران ہو کر پو چھتی تھیں ابو ذُؤَ یْب کی بیٹی ! کیا یہ وہی دراز گوش ہے ؟ حلیمہ جواب دیتی واللّٰہیہ وہی ہے۔ بنو سعد میں اس وقت سخت قحط تھا مگر حضرت کی برکت سے حلیمہ کے مویشی سیر ہو کر آتے اور خوب دودھ دیتے اور دوسروں کے مویشی بھوکے

آتے اوروہ دودھ کا ایک قطرہ بھی نہ دیتے، اس طرح حلیمہ کی سب تنگدستی دور ہو گئی۔ ^([122])

حلیمہ رَضِیَ اللّٰہُ تَعَالٰی عَنْہَا حضرت (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) کو کسی دور جگہ نہ جانے دیتی تھی، ایک روز وہ غافل ہو گئی اور حضرت اپنی رَضا ئی بہن شَیْمَاء کے ساتھ دوپہر کے وقت بھیڑوں کے ریو ڑمیں تشریف لے گئے مائی حلیمہ تلاش میں نکلی اور آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو شَیْمَاء کے ساتھ پا یا۔کہنے لگی: تپش میں ! !!  شَیْمَاء بولی: ^([123])’’اماں جان ! میرے بھائی نے تپش محسوس نہیں کی، بادل آپ پر سایہ کر تا تھا،جب آپ ٹھہر جاتے تو بادل بھی ٹھہر جاتا اور جب آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمچلتے تو بادل بھی چلتا، یہی حال رہا یہاں تک کہ ہم اس جگہ آپہنچے ہیں ۔‘‘ ^([124])

جب حضرت دوسال کے ہو گئے تو مائی حلیمہرَضِیَ اللّٰہُ تَعَالٰی عَنْہَا نے آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو دودھ چھڑا دیا اور آپ کو آپ کی والدہ کے پاس لے کر آئی اور کہا: کاش! تو اپنے بیٹے کو میرے پاس اور رہنے دے تا کہ قوی ہو جائے کیونکہ مجھے اس پر وبائے مکہ کا ڈر ہے۔ یہ سن کر بی بی آمنہ رَضِیَ اللّٰہُ تَعَالٰی عَنْہَا نے آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو حلیمہرَضِیَ اللّٰہُ تَعَالٰی عَنْہَا کے ساتھ واپس کر دیا۔حلیمہرَضِیَ اللّٰہُ تَعَالٰی عَنْہَا کا بیان ہے کہ ہمیں واپس آئے دویا تین مہینے گز رے تھے کہ ایک روز حضرت اپنے رضائی بھائی عبد اللّٰہ کے ساتھ ہمارے گھروں کے پیچھے ہماری بھیڑوں میں تھے کہ آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا بھائی دوڑ تا آیا، کہنے لگا کہ میرے اس قریشی بھائی کے پاس دو شخص آئے جن پر سفید کپڑے ہیں انہوں نے پہلو کے بل لٹا کر اس کا پیٹ پھاڑ دیا۔یہ سن کر میں اور میرا خا وند دوڑے گئے، دیکھا کہ آپ  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکھڑے ہیں اور چہر ے کا رنگ بد لا ہوا ہے، ہم دونوں آپ کے گلے لپٹ گئے اور پو چھا : بیٹا! تجھے کیا ہوا؟ آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے بیان کیا کہ دو شخص میرے پاس آئے جن پر سفید کپڑ ے تھے، انہوں نے پہلو کے بل لٹا کر میرا پیٹ پھاڑ دیا اور اس میں سے ایک خون کی پھٹکی نکال کر کہا:’’ھٰذَاحَظُّ الشَّیْطٰنِ مِنْکَ‘‘ ( یہ تجھ سے شیطان کا حصہ ہے) پھر اسے ایمان وحکمت سے بھر کر سِی دیا۔پس ہم آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکو اپنے خیمہ میں لے آئے۔میرے خاوند نے کہا:حلیمہ ! مجھے ڈرہے اس لڑ کے کو کچھ آسیب ہے، آسیب ظاہر ہونے سے پہلے اسے اس کے کنبے میں چھوڑ آ۔میں آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  کو آپ کی والدہ کے پاس لا ئی اور بڑے اِصرار کے

 بعد اس سے حقیقت حال بیان کی۔ماں نے کہا :اللّٰہکی قسم! ان پر شیطان کودخل نہیں ، میرے بیٹے کی بڑی شان ہے۔^([125])

تعدد شق صدر

واضح رہے کہ حضور عَلَیْہِ الصَّلٰوۃُ وَالسَّلَام کا شقِ صَدْر ^([126])چار مر تبہ ہوا ہے، ایک وہ جس کا ذ کر اوپر ہوا، یہ اس واسطے تھا کہ حضورِ انور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم وساوسِ شیطان سے جن میں بچے مبتلا ہوا کر تے ہیں محفوظ رہیں اور بچپن ہی سے اَخلاقِ حمیدہ پر پر ورِش پائیں ، دوسری مرتبہ دس برس کی عمر میں ہوا تا کہ آپ کا مل ترین اوصاف پر جوا ن ہوں ، تیسری مرتبہ غارِ حرا میں بعثت کے وقت ہوا تاکہ آپ وحی کے بو جھ کو برداشت کرسکیں ، چو تھی مرتبہ شب ِمعراج میں ہوا تاکہ آپ مناجات الٰہی کے لئے تیار ہو جائیں۔^([127])

حضرت آمنہ رَضِیَ اللّٰہ تَعَالٰی عَنْہَا کی وفات

حضرت(صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) کی عمر مبارک چھ سال کی ہوئی تو آپ کی والدہ آپ کو ساتھ لے کر مدینہ میں آپ کے دادا کے ننہال بنو عَدِی بن نجَّار میں ملنے گئیں بعض کہتے ہیں کہ اپنے شوہر کی قبر کی زیارت کے لئے گئی تھیں ۔ اُم اَیمن بھی ساتھ تھیں ، جب واپس آئیں تو را ستے میں مقام اَبواء میں انتقال فرماگئیں اور وہیں دفن ہوئیں ۔^([128])

ہجرت کے بعد جب حضرت(صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) کا گزر بنونجارپر ہوا تو ا پنے قیام مدینہ کا نقشہ سامنے آگیا اور اپنے قیام گاہ کو دیکھ کر فرمایا: ’’اس گھر میں میری والدہ مکر مہ مجھے لے کر ٹھہر ی تھیں میں بنی عَدِی بن نجَّار کے تالاب میں تیر اکر تا تھا۔‘‘^([129])

عبدالمُطَّلِب و ابو طالب کی کفالت

ام ایمن حضرت(صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) کو مکہ میں لائیں اور آپ کے دادا عبد المُطَّلِب کے حوالہ کیا۔

عبد المُطَّلِب آپ کی پرورش کر تا رہا مگر جب آپ  صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی عمر مبارک آٹھ سال کی ہوئی تو اس نے بھی وفات پائی اور حسب وصیت آپ کا چچا ابو طالب جو حضرت علی رَضِیَ اللّٰہُ تَعَالٰی عَنْہُ کا باپ اور آپ کے والد عبد اللّٰہ کا ماں جا یابھائی تھا، آپ کی تربیت کا کفیل ہوا،ابو طالب نے آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی کفالت کو بہت اچھی طرح انجام دیااور آپ کو اپنی ذات اور بیٹوں پر مُقَدَّم رکھا۔^([130])

طفولیت میں حضرت کی دعا سے نزول باراں

ایک دفعہ ابو طالب نے حضرت(صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) کو ساتھ لے کر بارش کے لئے دعا کی تھی جو حضور کی برکت سے فوراً قبول ہو ئی تھی۔چنانچہ ابن عساکر جُلْہُمَہ بن عُرْفُطَہ سے ناقل ہے کہ اس نے کہا کہ میں مکہ میں آیا، اَہل مکہ قحط میں مبتلا تھے، ایک بولا کہ لات و عُزّٰی کے پاس چلودوسرابو لا کہ مَنات کے پاس چلو۔یہ سن کر ایک خوبرو جیدالرّائے ^([131])  بو ڑھے نے کہا: تم کہا ں الٹے جارہے ہو حالانکہ ہمارے درمیان باقِیَۂ ابر اہیم ^([132])و سُلَالَۂ اسماعیل^([133])موجود ہے۔ وہ بولے: کیاتمہاری مر اد ابو طالب ہے ؟ اس نے کہا: ہاں ! پس وہ سب اُٹھے اور میں بھی ساتھ ہو لیا۔جاکر دروازے پر دستک دی ابو طالب نکلاتو کہنے لگے: ’’ابو طالب! جنگل قحط زدہ ہو گیا، ہمارے زن وفرزند قحط میں مبتلا ہیں ، چل مینہ مانگ۔‘‘ پس ابوطالب نکلااس کے ساتھ ایک لڑ کا تھا گو یا آفتاب تھا، جس سے ہلکا سیاہ بادل دور ہوگیا ہو، اس کے گر داور چھوٹے چھوٹے لڑ کے تھے۔ ابو طالب نے اس لڑ کے کو لیا اور اس کی پیٹھ کعبہ سے لگا ئی۔اس لڑ کے (محمد صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) نے التجاکر نے والے کی طرح اپنی انگلی سے آسمان کی طرف اشارہ کیا، حالانکہ اس وقت آسمان پر کوئی بادل کا ٹکڑا نہ تھا، اشارہ کر نا تھا کہ چاروں طرف سے بادل آنے لگے۔ برسا اور خوب بر سا جنگل میں پانی ہی پانی نظر آنے لگا اور آبادی و وادی سب سرسبز وشاداب ہو گئے اسی بارے میں ابو طالب نے کہاہے:

وَاَبْیَضَ یُسْتَسْقَی الْغَمَامُ بِوَجْہِہِ ثِمَالُ الْیَتَامٰی عِصْمَۃٌ لِلْاَرَامِلِ

اور گورے رنگ والے جن کی ذات کے وسیلہ سے نزول بار اں طلب کیا جاتا ہے یتیموں کے ملجاوماوی رانڈوں^([134]) اور درویشوں کے نگہبان ۔

بعثت کے بعد جب قریش آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو ستا رہے تھے تو ابو طالب نے ایک قصیدہ لکھا تھا جو سیرت ابن ہشام میں دیا ہوا ہے۔شعر مذکوراسی قصیدے میں سے ہے، اس شعر میں ابو طالب قریش پر بچپن سے حضرت کے احسانات جتارہا ہے اور گو یا کہہ رہا ہے کہ ایسے قدیم بابرکت محسن کے دَرْپَئے آزار  ^([135])کیوں ہو ؟ ^([136]) (مواہب وزر قانی)

شام کا پہلا سفر

جب حضرت کی عمر مبارک بارہ سال کی ہو ئی تو ابو طالب حسب معمول قافلہ قریش کے ساتھ بغر ض تجارت ملک شام کو جانے لگا، یہ دیکھ کر آپ اس سے لپٹ گئے۔ اس لئے اس نے آپ کو بھی ساتھ لے لیا۔ جب قافلہ شہر بصریٰ میں پہنچاتو وہاں بَحِیْرا رَا ہِب نے آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو دیکھ کر پہچان لیا اورآپ کا ہاتھ پکڑ کر کہنے لگا: یہ سارے جہان کا سردار ہے، رب العالمین کا رسول ہے،اللّٰہاس کو تمام جہان کے لئے رحمت بنا کر بھیجے گا۔ قریشیوں نے پو چھا: تجھے یہ کیونکر معلوم ہوا؟ اس نے کہا کہ جس وقت تم گھاٹی سے چڑھے کو ئی درخت اور پتھرباقی نہ رہا مگر سجدے میں گر پڑا۔ درخت اور پتھر پیغمبر کے سوا کسی دوسرے شخص کو سجد ہ نہیں کر تے اور میں ان کو مُہرِ نبوت سے پہچا نتا ہوں جو ان کے شانے کی ہڈی کے نیچے سیب کی مانند ہے پھر اس راہب نے کھا ناتیار کیا۔جب وہ ان کے پاس کھانا لا یا تو حضرت اونٹوں کے چرانے میں مشغول تھے۔اس نے کہا: آپ کو بلالو۔ آپ آئے تو بادل نے آپ پر سایا کیا ہو ا تھا۔جب آپ قوم کے نزدیک آئے تو ان کو درخت کے سایہ کی طرف آگے بڑھے ہو ئے پایا جس وقت آپ بیٹھ گئے تو درخت کا سا یا آپ کی طرف ہٹ آیا۔پھر کہا: ’’تمہیں خدا کی قسم! بتا ؤ ان کا وَلی کون ہے؟‘‘انہوں نے کہا: ابو طالب۔ پس اس نے ابوطالب سے بتاکیدِتمام کہا کہ ان کو مکہ واپس لے جاؤ کیونکہ اگر تم آگے بڑ ھو گے تو ڈر ہے کہیں یہودی ان کو قتل کر دیں لہٰذا ابو طالب آپ کو واپس لے آیا اور شہر بصریٰ سے آگے نہ بڑھا اور اس راہب نے حضرت کو خشک روٹی اور زیتون کا تیل زادِ راہ دیا۔^([137])

حرب فجار میں شرکت

آغازِ اسلام سے پہلے عرب میں جو لڑ ائیاں ان مہینوں میں پیش آتی تھیں جن میں لڑ نا ناجائزتھا حروب فِجَار کہلاتی تھیں ۔چو تھی یعنی اَخیر حربِ فجار میں حضورِ اقدس صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے بھی شر کت فرمائی تھی۔اس جنگ کا سبب یہ تھا کہ نعمان بن مُنْذِر شاہِ حِیْرَہ ہر سال اپنا تجار تی مال بازارِ عُکَاظ میں فروخت ہو نے کے لئے اَشرافِ عرب میں سے کسی کی پناہ میں بھیجاکر تا تھا اس دفعہ جو اس نے اونٹ لدواکر تیار کیے، اتفاقاً عرب کی ایک جماعت اس کے پاس حاضر  تھی جن میں بنی کِنانہ میں سے بَرّاض اور ہَوَازِن میں سے عُرْوَہ رَ حَّال مو جو دتھا۔نعمان نے کہا: اس قافلہ کو کون پناہ دے  گا ؟ بَرّاض بو لا: میں بنی کِنانہ سے پنا ہ دیتا ہوں ۔نعمان نے کہا: میں ایسا شخص چاہتا ہوں جو اہل نجد و تِہامَہ سے پنا ہ دے۔ یہ سن کر عروہ نے کہا: ^([138]) اَ کَلْبٌ خَلِیعٌ یَجِیْرُھَا لَک.میں اہل نجد وتِہامَہ سے پناہ دیتا ہوں ۔ بَرّاض نے کہا: اے عر وہ کیا تو بنی کِنانہ سے پنا ہ دیتا ہے ؟ عروہ نے کہا: تمام مخلوق سے۔ پس عروہ اس قافلہ کے ساتھ نکلا۔ بَرّاض بھی اس کے پیچھے روانہ ہو ااور موقع پاکر عر وہ کا ماہ حرام میں قتل کر ڈالا۔ ہَوَازِن نے قصاص میں بَرّاض کو قتل کر نے سے انکار کیا کیونکہ عروہ ہَوَازِن کا سردار تھا، وہ قریش کے کسی سر دار کو قتل کر نا چاہتے تھے مگر قریش نے منظور نہ کیا اس لئے قریش و کِنانہ اور ہَوَازِن میں جنگ چھڑ گئی کِنانہ کا سپہ سالا رِا عظم حرب بن امیہ تھا جو ابو سفیان کا باپ اور حضرت امیر معاویہ کا دادا تھا اور ہَوَازِن کا سپہ سالارِ اعظم مسعود بن مُعَتب ثقفی تھا۔لشکر کِنانہ کے ایک پہلو پر عبد اللّٰہ بن جُدْ عَان اور دوسرے پر کُرَیْز بن ربیعہ اور قلب میں حرب بن امیہ تھا۔اس جنگ میں کئی لڑ ائیاں ہوئیں ، ان میں سے ایک میں حضرت کے چچا آپ کو بھی لے گئے، اس وقت آپ کی عمر مبارک چو دہ سال کی تھی مگر آپ نے خود لڑ ائی نہیں کی بلکہ تیر اٹھا اٹھا کر اپنے چچاؤں کو دیتے رہے چنانچہ فرماتے ہیں : ^([139]) ‘’ وَ کُنْتُ اُ نَـبِّلُ عَلٰی اَعْمَامِی’‘ بعضے کہتے ہیں : آپ نے بھی تیر پھینکے تھے بہرحال اَخیر میں فریقین میں صلح ہو گئی۔ ^([140])

حِلْف الفضول میں شرکت

جب قریش حرب فجارسے واپس آئے تو یہ واقعہ پیش آیا کہ شہر زبید کا ایک شخص اپنا مالِ تجارت مکہ میں لا یا جسے عاص بن وائل سہمِی نے خرید لیا مگر قیمت نہ دی۔ اس پر زبیدی نے اپنے اَحلاف عبدالدار و مخزوم و جمح و سہم و عدی بن کعب سے مدد مانگی مگر ان سب نے مدد دینے سے انکار کیا۔پھر اس نے جبل ابو قبیس پر کھڑے ہو کر فریاد کی، جسے قریش کعبہ میں سن رہے تھے، یہ دیکھ کر حضرت کے چچا زُبیر بن عبدا لمُطَّلِب کی تحریک پر بنو ہاشم، زُہْرَہ اور بنو اسدبن عبدالعزی سب عبداللّٰہبن جُدعان کے گھر میں جمع ہوئے اور باہم عہد کیا کہ ہم ظالم کے خلاف مظلوم کی مدد کیا کریں گے اور مظالم ^([141])  واپس کر ادیا کریں گے، اس کے بعد وہ سب عاص بن وائل کے پاس گئے اور ان سے زبید ی کا مال واپس کر ایا۔اس معاہد ہ کو حِلف الفُضُول اس واسطے کہتے ہیں کہ یہ معاہد ہ اس معاہدہ کے مشابہ تھا جو قدیم زمانہ میں جر ہم کے وقت مکہ میں بدیں مضمون ہو ا تھا کہ ہم ایک دوسرے کی حق رسانی کیا کریں گے اور قوی سے ضعیف کا اور مقیم سے مسافر کا حق لے کر دیا کریں گے۔چونکہ جر ہم کے وہ لوگ جو اس معاہدہ کے محرک تھے ان سب کا نام فضل تھا، جن میں سے فضل بن حارث اور فضل بن وَدَاعہ اور فضل بن فضالہ تھے۔اس لئے اس کو ’’حِلف الفُضُول‘‘ سے موسوم کیا گیا تھا۔

 اس معاہدہ قریش میں آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم بھی شریک تھے اور عہد نبوت میں فرمایا کرتے تھے کہ اس معاہد ے کے مقابلہ میں اگر مجھ کو سرخ رنگ کے اونٹ بھی دیئے جاتے تو میں اسے نہ تو ڑتا اور ایک روایت میں ہے کہ میں عبد اللّٰہبن جدعان کے گھر میں ایسے معاہد ے میں حاضر ہوا کہ اگر اس سے غیر حاضری پر مجھے سرخ رنگ کے اونٹ بھی دیئے جاتے تو میں پسند نہ کر تا اور آج اسلام میں بھی اگر کوئی مظلوم ‘’ یَا آلَ حِلْفِ الْفُضُول’‘^([142]) کہہ کرپکارے تو میں مددد ینے کو حاضرہوں۔^([143])

شام کا دوسرا سفر

         جب حضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی عمر مبارک پچیس سال کی ہوئی تو آپ کے صدق وامانت کا شہرہ

 دور دور تک پہنچ چکا تھا کہ زبانِ خَلْق نے آپ کو امین کا لقب دے دیا تھا یہ دیکھ کر حضرت خدیجہ رَضِیَ اللّٰہُ تَعَالٰی عَنْہَا نے جو ایک معزز مالدار خاتون تھیں آپ کے پاس پیغام بھیجاکہ آپ میرا مال تجارت لے کر شام کو جائیں جو معاوضہ میں اوروں کو دیتی ہوں آپ کو اس کا مُضاعَف (دُگنا)دوں گی۔حضور عَلَیْہِ الصَّلٰوۃُ وَالسَّلَام نے قبول فرمایا اور مال تجارت لے کر شام کو روانہ ہوئے۔ حضرت خدیجہ رَضِیَ اللّٰہُ تَعَالٰی عَنْہَا کا غلام مَیْسَرَہ آپ کے ساتھ تھا جو آپ کی خدمت کرتا تھا اور آپ کی ضروریات کا مُتکَفِّل^([144])تھا۔جب آپ شام میں پہنچے تو بازار بصریٰ میں ایک راہب نَسْطُورا نام کی خانقاہ کے نزدیک اترے۔ وہ راہب مَیْسَرَہ کی طرف آیا اور اسے جانتا تھا، کہا: ’’ اے مَیْسَرَہ ! یہ کون ہے جو اس درخت کے نیچے اتر اہے۔‘‘ مَیْسَرَہ نے کہا: اہل حرم میں سے قریش سے ہے۔ راہب نے کہا: سوائے نبی کے اس درخت کے نیچے کبھی کوئی نہیں اترا، پھر اس نے پوچھا:کیا اس کی دونوں آنکھوں میں سرخی ہے؟مَیْسَرَہ نے جواب دیا: ہاں اور کبھی دور نہیں ہوتی۔ یہ سن کر راہب بولا: ’’یہ  وہی ہیں اور یہی آخر الانبیاء عَلَیْہِمُ السَّلَام ہیں ،کاش! میں ان کو پاؤں جس وقت یہ مبعوث ہوں گے۔ ‘‘ اور مَیْسَرَہ سے کہا کہ ’’ ان سے جدانہ ہو نا اور نیک نیتی سے ان کے ساتھ رہناکیونکہ اللّٰہ تعالٰی نے ان کو نبوت کا شرف عطا کیا ہے۔‘‘ حضرت بازارِ بصریٰ میں خرید وفروخت کر کے مکہ واپس آئے جب حضرت خدیجہ رَضِیَ اللّٰہُ تَعَالٰی عَنْہَا نے جو عورتوں کے درمیان ایک بالا خانے میں بیٹھی تھی آپ کو آتے ہوئے دیکھا تو دوفرشتے آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے سرمبارک پر دھوپ سے سایہ کیے ہوئے تھے۔ مَیْسَرَہ نے حضرت خدیجہ رَضِیَ اللّٰہُ تَعَالٰی عَنْہَاسے بیان کیاکہ میں نے تمام سفر میں آپ کا یہی حال دیکھا ہے اور اس راہب کے قول ووصیت کی خبردی۔اللّٰہ تعالٰی نے اس تجارت میں مُضَاعَف ^([145])نفع دیا۔ حضرت خدیجہرَضِیَ اللّٰہُ تَعَالٰی عَنْہَا نے جو د یکھا اور سنا اس سے ظاہر ہو گیا کہ آپ بیشک ساری مخلوق کی طرف اللّٰہ کے بھیجے ہوئے ہیں ۔^([146])

حضرت خدیجہ رَضِیَ اللّٰہُ تَعَالٰی عَنْہَاسے نکاح

اس وقت حضرت خدیجہ رَضِیَ اللّٰہُ تَعَالٰی عَنْہَا بیوہ تھیں ان کی دوشادیاں پہلے ہو چکی تھیں ، ان کی پاکدامنی کے سبب لوگ جاہلیت میں ان کو طاہرہ کہاکر تے تھے۔ان کا سلسلہ نسب پانچویں پشت میں آنحضرت صَلَّی اللّٰہُ تَعَالٰی عَلَیْہِ وَاٰلِہٖ

 وَسَلَّم کے خاندان سے ملتا ہے۔حضرت خدیجہ رَضِیَ اللّٰہُ تَعَالٰی عَنْہَا نے امور مذکورہ بالا کومد نظر رکھ کر واپس آنے کے قریباً تین مہینے بعد یعلی بن مُنْیَہ کی بہن نفیسہ کی وَساطَت سے آپ کو نکاح کا پیغام بھیجا۔آپ نے اس درخواست کی خبر اپنے چچاؤں کو دی، انہوں نے قبول کیا۔پس تاریخ مُعیَّن پر ابو طالب اور امیر حمزہ اور دیگررؤسائے خاندان حضرت خدیجہ رَضِیَ اللّٰہُ تَعَالٰی عَنْہَا کے مکان پر گئے اور ان کے چچا عمروبن اسد نے اور بقول بعض ان کے بھائی عمروبن خُوَیْلِد نے ان کا نکاح کر دیا۔شادی کے وقت اُن کی عمر چالیس سال کی تھی۔ابو طالب نے نکاح کا خطبہ پڑ ھا اور پا نسو۵۰۰در ہم مہر قرار پایا۔^([147]) یہ آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی پہلی شادی تھی۔حضرت خدیجہ رَضِیَ اللّٰہُ تَعَالٰی عَنْہَا کے انتقال کے بعد آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے چند شادیاں اور کیں ۔تمام اَزواجِ مُطَہَّرات رَضِیَ اللّٰہُ تَعَالٰی عَنْہُنَّکا مہر پانسو۵۰۰در ہم ہی مقرر ہوا۔ آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی تمام اولاد حضرت خدیجہ رَضِیَ اللّٰہُ تَعَالٰی عَنْہَا ہی کے بَطَن سے ہوئی، صرف ایک صاحبزادے جن کا نام ابرا ہیم رَضِیَ اللّٰہُ تَعَالٰی عَنْہُ تھا حضرت مارِیہ قِبْطِیَّہرَضِیَ اللّٰہُ تَعَالٰی عَنْہَا کے  بطن سے سنہ آٹھ ہجری میں پیدا ہوئے اور سنہ دس ہجری میں انتقال فرماگئے۔

تعمیر ِکعبہ

جب حضرت کی عمر مبارک پینتیس سال کی ہوئی تو قریش نے کعبہ کو ازسرنوبنایا۔علامہ^([148])ازرقی (متوفی ۲۲۳ھ؁) نے تاریخ مکہ میں لکھا ہے کہ حضرت ابراہیم عَلَیْہِ السَّلَام نے پتھروں سے جو تعمیر کی تھی اس کا طول وعرض حسب ذیل تھا :

ارتفاع   ــــــــــــــــــــــــــــــــــــــــــــــــــــــــــــــــ۹گز۔^([149])

طول (سامنے کی طرف) حجر اسودسے رکن شامی تک۔۳۲ گز (۳۲ہاتھ)

عرض (میزاب شریف کی طرف) رکن شامی سے رکن غربی تک۔۲۲گز(۲۲ہاتھ)

طول (پچھواڑے کی طرف ) رکن غربی سے رکن یمانی تک۔۳۱گز ( ۳۱ہاتھ )

عرض رکن یمانی سے حجر اسودتک  …………… ۲۰ گز(۲۰ہاتھ )

اس عمارت کو حضرت ابراہیم عَلَیْہِ السَّلَام تعمیر کر رہے تھے اور حضرت اسمٰعیل عَلَیْہِ السَّلَام کندھے پر پتھر لا دکر لا رہے تھے جب دیواریں اونچی ہو گئیں تو مقام پر کھڑے ہو کر کام کرتے رہے جب حجر اَسود کی جگہ تک پہنچ گئے تو آپ نے حضرت اسمٰعیل عَلَیْہِ السَّلَام سے فرمایا کہ ایک پتھر لاؤ، میں اسے یہاں نصب کر دوں تاکہ لوگ طواف یہاں سے شروع کیاکریں حضرت اسمٰعیل عَلَیْہِ السَّلَام پتھر کی تلاش میں گئے تو حضرت جبرئیل عَلَیْہِ السَّلَام حجر اسود لے کر حاضر ہوئے۔ اس بنا میں دروازہ سطح زمین کے برابر تھا مگر چو کھٹ بازونہ تھے نہ کو اڑ تھے نہ چھت۔حضرت ابراہیم عَلَیْہِ السَّلَام کے بعد عَمَالِقَہ^([150])وجُرْہُم وقُصٰی نے اپنے اپنے وقت میں اس عمارت کی تجدید کی۔چونکہ عمارت نشیب میں واقع تھی وادی مکہ کی رَوؤں کا پانی حرم میں آجاتا تھا اس پانی کی روک کے لئے بالا ئی حصہ پر بند بھی بنوادیا گیا تھا مگر وہ ٹوٹ ٹوٹ جاتا تھا۔ ا س دفعہ ایسے زور کی رَو^([151]) آئی کہ کعبہ کی دیواریں پھٹ گئیں اس لئے قریش نے پرانی عمارت کو ڈھاکر نئے سرے سے مضبوط ومُسَقَّف^([152]) بنا نے کاا را دہ کیا۔حسن اتفاق یہ کہ ایک رومی تا جر باقُوم کا جہاز ساحل جدہ پر کنارے سے ٹکراکر ٹوٹ گیا۔ باقوم مذکور معمار ونجار بھی تھا۔قریش کو جو خبر لگی تو وَلید بن مغیر ہ چند اور قریشیوں کے ساتھ وہاں پہنچا، اس نے چھت کے لئے جہاز کے تختے مول لے لئے اور باقوم کو بھی ساتھ لے آیا۔دیواروں کے لئے قریش کے ہر ایک قبیلہ نے الگ الگ پتھر ڈھونے شروع کیے، مرد دودو مل کر دور سے پتھر وں کو کندھوں پراُ ٹھا کر لا تے تھے، چنانچہ اس کا م میں حضرت اپنے چچا عباس کے ساتھ شریک تھے اور کوہ صفاکے متصل اَجیاد سے پتھر لارہے تھے۔جب سامان عمارت جمع ہو گیا تو ابو وہب بن عمروبن عائذ مخزومی کے مشور ے سے قبائل قریش نے تعمیر کے لئے بیت اللّٰہ کی چاروں طرفیں آپس میں تقسیم کر لیں ۔

ابو وہب مذکور حضرت کے والد ماجد عبداللّٰہ کا ماموں تھا، اسی نے قریش سے کہا تھا کہ کعبہ کی تعمیر میں کسب حلال کی کمائی کے سوااور مال صرف نہ کیا جائے۔ جب عمارت حجر اسود کے مقام تک پہنچ گئی تو قبائل میں سخت جھگڑا پیدا ہوا، ہر ایک قبیلہ چاہتا تھا کہ ہم ہی حجر اسود کواٹھا کر نصب کریں گے اسی کشمکش میں چاردن گز رگئے اور تلواروں تک نوبت پہنچ گئی۔ بنو عبدالدار اور بنو عَدِی بن کعب نے تو اس پر جان دینے کی قسم کھائی اور حسب دستور اس حلف کی تاکید کے لئے ایک پیالہ میں خون بھر کراپنی انگلیاں اس میں ڈبو کر چاٹ لیں ۔پانچو یں دن سب مسجد حرام میں جمع ہوئے۔ ابوامیہ بن مغیرہ مخزومی

 نے جو حضرت اُمُّ المُومنین اُم سَلَمہ رَضِیَ اللّٰہُ تَعَالٰی عَنْہَا کا والد اور قریش میں سب سے مُعَمَّر^([153]) تھا یہ رائے دی کہ کل صبح جو شخص اس مسجد کے باب بنی شیبہ سے حرم میں داخل ہو وہ ثالث قرار دیا جائے۔ سب نے اس رائے سے اتفاق کیا۔ دوسرے روز سب سے پہلے داخل ہو نے والے ہمارے آقائے نا مدار صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم تھے۔دیکھتے ہی سب پکار اٹھے: ’’یہ امین ہیں ہم ان پر راضی ہیں۔‘‘ جب انہوں نے آپ سے یہ معاملہ ذکر کیا تو آپ نے ایک چادر بچھاکر اس میں حجر اَسو د کو رکھا، پھر فرمایا کہ ہر طرف والے ایک ایک سردار کا انتخاب کرلیں اور وہ چاروں سردار چادر کے چاروں کو نے تھا م لیں اور اوپر کو اٹھائیں ، اس طرح جب وہ چادر مقام نصب کے برابر پہنچ گئی تو حضرت نے حجر اسود کو اپنے مبارک ہاتھ سے اٹھا کر دیو ار میں نصب فرمادیا اور وہ سب خوش ہوگئے۔^([154])

قریش نے اس تعمیر میں بہ نسبت ِسابق کئی تبدیلیاں کر دیں ۔بنائے خلیل میں ارتفاع^([155]) نو گز تھا،اب اٹھارہ گز ارتفاع کر کے عمارت مسقف ^([156]) کر دی گئی مگر سامانِ تعمیر کے لئے نفقہ حلال کافی نہ ملا اس لئے بنا ئے خلیل میں سے جانب غرب کا کچھ حصہ چھوڑ دیا گیا اور اس کے گر دچار دیواری کھینچ دی گئی کہ پھر موقع ملے گا تو کعبہ کے اندر لے لیں گے اس حصہ کو حجر یا حطیم^([157]) کہتے تھے۔ بنائے خلیل میں کعبہ کا دروازہ سطح زمین کے برابر تھا مگر اب قریش نے زمین سے اونچا کر دیا، تاکہ جس کو چاہیں اندر جانے دیں اور جس کو چاہیں روک دیں ۔ عہد نبوت میں حضرت کا ارادہ ہوا کہ حجر کو عمارت کعبہ میں ملالیں اور دروازہ سطح زمین کے برابر کردیں ، مگر بدیں خیال ایسا نہ کیا کہ قریش نئے نئے مسلمان ہیں کہیں دیو ار کعبہ کے گرانے سے بد ظن ہوکر دین اسلام سے نہ پھر جائیں ۔

تیسرا باب

حالات بعثت شریف تاہجرت

اس عنوان پر قلم اٹھا نے سے پہلے مناسب بلکہ ضروری معلوم ہو تا ہے کہ اس وقت عرب اور باقی دنیا کی دینی اور اَخلاقی اور رُوحانی حالت جو تھی اس کا مُجمل بیان پیش کیاجائے جس سے حضور نبی آخر الزَّمَان صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی بعثت کی ضرورت واہمیت ثا بت ہو جائے۔

دنیا کی حالت

عرب پہلے دین ِابر اہیم عَلَیْہِ السَّلَام پر تھے۔حضرت اسمٰعیل عَلَیْہِ السَّلَام کے بعد ان کے صاحبزاد ے حضرت نابت کعبہ کے متو لی ہو ئے ان کے بعد قبیلہ جرہم متولی ہوا، اس قبیلہ کو عَمْرْو بن لُحَیِّ ^([158])نے جو قبیلہ خزاعہ کا مورِثِ اعلیٰ تھا، بیت اللّٰہ شریف سے نکال دیا اور خود متولی بن گیا اس کا اصلی نام عَمرْ وبن رَبیعہ بن حارِثہ بن عَمرْو بن عامر اَزْدِی تھا عرب میں بت پر ستی کابانی یہی شخص تھا اسی نے سائبہ، وصیلہ، بحیرہ، حا ِمیہ کی رسم ایجاد کی تھی۔^([159])ایک دفعہ یہ سخت بیمار ہو گیا کسی نے کہا کہ بلقاء واقع شام میں ایک گر م پانی کا چشمہ ہے، اگر تم اس میں غسل کر وتو تندرست ہو جاؤ گے۔اس لئے یہ بلقاء میں پہنچا اور اس چشمہ میں غسل کر نے سے اچھا ہو گیا، وہاں اس نے لوگوں کو بتوں کی پوجا کر تے دیکھا، پوچھا کہ

یہ کیا ہیں ؟ انہوں نے کہا کہ ہم ان کے وسیلہ سے بارش کی دعا کر تے ہیں اور ان ہی کے وسیلہ سے دشمن پر فتح پاتے ہیں ۔ یہ سن کر اس نے درخواست کی کہ ان میں سے کچھ مجھے بھی عنایت کیجئے۔غرض اس نے وہ بت لا کر کعبہ کے گر دنصب کر دئیے اور عرب کو ان کی پوجا کی دعوت دی، اس طرح عرب میں بت پرستی شائع ہوگئی۔ جس کا اجمالی^([160]) خاکہ ذیل میں درج کیا جاتا ہے:

بت کا نام	مقام جہاں وہ بت تھا	قبیلہ جو اس بت کو پوجتا تھا	کیفیت
وُدّ	دُوْمَۃُ الْجَنْدَ ل جو دِ مشق ومدینہ کے وسط میں ہے۔	کلب	یہ بت بشکل انسان بزر گ جثہ تھا جس پر دو حُلَّۂ منقوش تھے،^([161]^)ایک حُلَّہ بطور ِاِز ار دوسرابطور چادر، تلوار آڑے لٹکا ئے ہوئے اور کمان شانے پر، سامنے ایک تھیلے میں نیزہ اور جھنڈا تھا اور ایک تَرْکَش^([162]^) تھی جس میں تیر تھے۔ حارِثہ اَجداری اپنے بیٹے مالک کو دود ھ دے کر اس بت کے پاس بھیجا کرتا تھا اور کہا کرتا تھا کہ اپنے معبود کو پلا لاؤ۔
سُوَاع	رُہاط	ہُذَیْل	بنو لِحْیان اس بت کے خادم یا پجاری تھے۔
یَغُوْث	مَذْحِج	مَذْحِج واہلِ جُرَش	مَذْحِج یمن میں ایک ٹیلہ کانام ہے۔
یَعُوْق	خیوان	ہمدان اور اسکے نواح کے لوگ یمن میں	خیوان صَنْعائِ یمن سے مکہ کی طرف دود ن کا راستہ ہے۔
نَسْر	بلخع	حِمْیَر	بلخع سر زمین سباواقع یَمَن میں ہے۔ حمیر نَسْر کو پوجتے رہے یہاں تک کہ ذونواس نے ان کو یہودی بنا لیا، اس طرح حِمْیَر کے لئے تبدیل مذہب سے پہلے صَنْعَاء یَمَن میں ایک مندر رِیام تھا جس پر وہ قربانیاں چڑھاتے تھے۔

فَلْس(بشکل انسان)	اَجَأ	طَیْ	قبیلہ طَیْ کے دوپہاڑاَجأ وسلمیٰ مدینہ منورہ سے جانب شمال تین مرحلہ ^([163]^)  کے فاصلہ پر ہیں اس بت پر قربانی چڑھا تے تھے، اگر کوئی جانور بھاگ کر اس کی پناہ میں آتا تو وہ اسی کا ہو جاتا۔ ایک روز اس کا پجاری صَیْفِی نام ایک عورت کی اونٹنی بھگا لایا اور اس بت کے پاس لاکر باندھ دی۔عورت نے اپنے ہمسایہ سے شکایت کی، وہ اونٹنی کو کھول کر لے گیا، پجاری نے بت سے فریاد کی مگر کچھ نہ بنا۔ عَدِی بن حاتِم نے یہ دیکھ کر بت پر ستی چھوڑدی اور عیسائی ہوگئے، پھر ۹ھ؁ میں مشرف با سلام ہوئے۔ رَضِیَ اللّٰہُ تَعَالٰی عَنْہُ
مَنات	قُدَیْد کے قریب ساحل بحر پر کوہ مُشَلَّل^([164]^) کے نواح میں ۔	اوس و خزرج ہذیل و خزاعہ	قریش اور باقی تمام عرب اس کی عبادت کرتے تھے اور اس پر قربانیاں چڑھاتے تھے۔ اوس و خزرج جب مدینہ سے حج کر نے آتے تو ارکان حج ادا کر کے اپنے سر اس بت کے پاس منڈواتے تھے اور اس کے بغیر حج کو ناتمام سمجھتے تھے۔
لات	طائف	ثَقِیْف	مربع ^([165]^) پتھر تھا، تمام عرب اس کی تعظیم کر تے تھے۔
عُزّٰی	وادی حُرَّاض واقع نخلہ شامیہ (مکہ سے جانب شمال دودن کا راستہ)	قریش	یہ ایک شیطانہ تھی، جس کا تھان^([166]^)  ببول کے تین درختوں میں تھا۔فتح مکہ کے بعد حضرت خالد بن ولید رَضِیَ اللّٰہُ تَعَالٰی عَنْہ نے ان درختوں کو کاٹ دیا اور عُزّٰی کو قتل کر دیا قریش دیگر اَصنام کی نسبت اس کی تعظیم زیادہ کیا کرتے تھے، انہوں نے حرم کعبہ کی طرح وادی حُرَّاض میں ایک درَّہ کو اس کاحرم قرار دیا تھا، اس دَرَّہ کا نام سَقام تھا اور قربانیوں کے لئے ایک

				مَذبَح بنایا تھا جسے غَبْغَب کہتے تھے ۔عرب لات و مَنات وعُزّٰی کو خدا کی بیٹیاں کہتے تھے اور ان کا عقیدہ تھا کہ یہ ہماری شفاعت کریں گی۔
ذُو الخَلَصَہ		تَبَالہ	خَثْعَم، بَجِیْلَہ، اَزْدْ، سراۃ	تَبَالہ مکہ ویَمَن کے درمیان مکہ سے سات یا آٹھ دن کی راہ ہے۔یہ بت سفید پتھر پر منقوش تھا جس پر تاج کی مثل کوئی شے تھی۔
سَعْد		ساحل ِجدّہ	مالک ومِلکان پِسرانِ کِنانہ	طویل پتھر تھا ، اس پر خون بہایاجاتا تھا۔
ذو ^([167]^)  الکَفَّیْن		ارض دَوس واقع یَمَن	دَوس	فتح مکہ کے بعد حضرت طفیل بن عَمْرو دَوسی نے اس بت کو بحکم رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم آگ سے جلا دیا تھا۔
ذُو الشَّریٰ		ذُو الشِّریٰ	بنو حارث بن یشکر اَزْدی	ذوالشریٰ مکہ معظمہ کے قریب ایک مقام کا نام ہے۔
اُقَیصِر		مَشارِف ِشام	قُضاعَہ، لَخْم،جُذَام، عامِلہ،غَطَفان	اس کا حج کر تے، قربانی دیتے اور اس کے پاس اپنا سر منڈایا کر تے سر منڈوانے والا ہر بال پر گیہوں کے آٹے کی ایک مٹھی پھینکا کر تا تھا۔
نَہم		=	مُزَینہ	اس کا پجاری خزاعی بن عبد نہم مزنی تھا، اس نے جب رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکاحال سنا تو اس بت کو توڑ کر حاضر خدمت ہوا اور ایمان لا یا۔
عائم		=	اَزْد سَرَات	=
رُضَاء یا رُضٰی		=	بنو رَبیعہ بن کعب بن سعد تَمِیمی	اس بت کا ذکر صَنْعَاء کے پر انے کتبوں ^([168]^) میں بھی پایا جاتا ہے۔ اس کو مُستَوغر یعنی عَمْرو بن رُبیعہ تمیمی نے زمانہ اسلام میں منہد م کر دیا۔
	سَعِیر	=	عَنَزَہ ^([169]^)	اس پر قربانیاں چڑ ھا تے تھے۔
	عُمیانِس	مَوضَع خَولان واقعہ یَمَن	خولان	مویشیوں اور کھیتوں کو اس بت اور خدا تعالٰی کے درمیان تقسیم کیا کرتے تھے۔بقولِ ہشام کلبی ’’وَجَعَلُوْا لِلّٰہِ مِمَّا ذَرَاَ مِنَ الْحَرْثِ وَالْاَنْعَام نَصِیْبًا الآیۃ‘‘خولان ہی کے بارے میں نازل ہوئی ہے۔ ^([170]^)
	ہُبَل	مکہ	قریش	کعبۃ اللّٰہ جو خانۂ خدا تھا بت خانہ بنا ہواتھا، اس میں تین سو ساٹھ بت تھے جن میں ہبل بہت بڑا اور جوفِ کعبہ ^([171]^)   میں نصب کیا ہو ا تھا یہ بت بشکل انسان عقیق اَحمر ^([172]^)  کا بناہوا تھا۔اس کا بایاں ہاتھ ٹوٹا ہوا تھا قریش کو اسی حالت میں ملا تھا، انہوں نے اس کے لئے سو نے کا ہاتھ بنا دیا تھا، اس کے سامنے سات تیررکھے ہوئے تھے، جن سے پجاری قرعہ اندازی کیا کر تا تھا۔اِساف اور نائلہ ^([173]^)  دونوں زمز م کی جگہ پر تھے قریش ان کے پاس قربانیاں دیا کرتے تھے، قریش کا ایک بت مَناف تھا علاوہ ان کے مکہ کے گھر گھر میں ایک ایک بت تھا جب کوئی سفر کو جاتا تو بطور تبر ک اس کو مسح کرتا جب واپس آتا تو گھر میں داخل ہو کر سب سے پہلے اس کو مسح کر تا۔

مندرجہ بالا بتوں کے علاوہ عرب میں اور بھی بت تھے۔ستاروں کی بھی پوجا ہو تی تھی چنانچہ قبیلۂ حِمْیَ سورج کی پر ستش کر تا تھا، کِنانہ چاند کو، بنو تمیم دَبَر ان کو، قیس شِعْریٰ کو، اسد عُطا رِد کو اور لَخْم و جُذام مُشْتَری کو پوجتے تھے۔  ^([174])

عرب میں درخت پر ستی بھی پائی جاتی تھی۔مکہ مشرفہ کے قریب ایک بڑا سبز در خت تھا جاہلیت میں لوگ سال میں ایک دفعہ وہاں آتے اور اس درخت پر اپنے ہتھیار لٹکاتے اور اس کے پاس حیوانات ذبح کر تے۔ کہتے ہیں کہ عرب جب حج کو آتے تو اپنی چادر یں اس درخت پر لٹکادیتے اور حرم میں بغرض تعظیم بغیرچادروں کے داخل ہوتے اس لئے اس درخت کو اَنواط^([175]) کہتے تھے۔^([176])  ابن اسحاق نے حدیث وَہب بن مُنَبہ میں ذکر کیا ہے کہ جب فَیْمِیُوْن نصر انی اپنی سیاحت میں نَجران میں بطور غلام فروخت ہوا تو اس وقت اہل نجران ایک بڑے درخت کی پوجا کیا کرتے تھے۔ اس درخت کے پاس سال میں ایک دفعہ عید ہو اکر تی تھی وہ عید کے موقع پر اپنے اچھے سے اچھے کپڑے اور عورتوں کے زیورات اس درخت پر ڈال دیا کرتے تھے۔پھر وہ فَیْمِیُوْن کی کر امت دیکھ کر عیسا ئی ہو گئے۔^([177])

بتوں پر عموماً حیوانات کا خون بہایا جاتا تھا مگر بعض دفعہ انسان کو بھی ذبح کر دیتے تھے چنانچہ نیلوس ایک قسم کی قربانی کاذکر جو  ۴۱۰ ء ؁میں دی گئی تھی بد یں الفاظ کرتا ہے :

حجاز کے وحشی عربوں کے ہاں دیوتا کی کوئی صورت نہ تھی۔ صرف اَن گھڑ پتھروں کی ایک قربان گاہ ہو ا کر تی تھی اس پروہ ستارۂ صبح (زُہْرَہ ) کے لئے کوئی انسان یا سفید اونٹ بڑی جلدی سے ذبح کیا کر تے تھے، یہ قربانی طلوع آفتاب سے پہلے بظاہر بد یں وجہ ہوا کر تی تھی کہ وہ ستارہ اس عمل میں پیش نظر رہے۔وہ مقام متبرک کے گرد بھجن ہ^([178])  گاتے ہوئے تین بار طواف کر تے تب سردار قوم یا بوڑ ھا پجاری اس بھینٹ پر پہلا و ار کر تااور ا س کا کچھ خون پیتا، بعد ازاں حاضرین کو دپڑ تے اور اس جانور کو کچااور صرف نیم پو ست کُنْدَہ^([179]) طلوع آفتاب سے پہلے کھاجا تے۔خود نیلوس کا بیٹا زُہْرَہ کی بھینٹ چڑھنے کو تھا کہ ایک اتفاقی امر سے بچ گیا۔نیلوس سے پیشترپور فری^([180]) بیان کرتا ہے کہ عرب میں دُومہ کے باشندے سال میں ایک بار ایک لڑکے کی بھینٹ دیتے اور اسے قربان گاہ کے نیچے دفن کر دیتے۔^([181])

اوپر کے بیان سے ظاہر ہے کہ عرب کے طول وعرض میں بت پر ستی کا جال بچھا ہوا تھا اس کے علاوہ یہودیت و نصرانیت ومجوسیت بھی کہیں کہیں رائج تھی۔چنانچہ^([182])  حِمْیَر ، کِنانہ،بنوحارِث بن َکعْب اور کندہ میں یہودیت تھی، مدینہ میں یہودیوں کا زور تھا، خیبر میں بھی یہودی بستے تھے، رَبیعہ، غَسَّان اور بعض قضاعہ میں نصرانیت تھی، مجوسیت بہت کم تھی، وہ بت پر ستی ویہودیت وعیسا ئیت میں جذْب ہوتے ہوتے صرف بنو تَمِیم میں رہ گئی تھی جن کے منازِل^([183]) نجد سے یمامہ تک پائے جاتے تھے۔ حضرت حاجب بن زرارہ تمیمی اسی قبیلہ سے تھے جنہوں نے کسریٰ کے ہاں اپنی کمان رہن رکھی تھی اور رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے زمانہ میں فک کرا کر^([184])  بطورِ ہدیہ خدمت اَقدس میں بھیجی تھی۔^([185])

عرب میں اِزدَواج کی کثرت تھی چنانچہ جب حضرت غَیْلان ثَقَفِی ایمان لائے تو ان کے تحت میں دس عورتیں تھیں ۔ جَمْع بَیْنَ الاُخْتَیْن ^([186]) جائز سمجھتے تھے چنانچہ ضَحَّاک بن فَیر وزکابیان ہے کہ جب میرا باپ اسلام لایاتو اس کے تحت میں دو سگی بہنیں تھیں ۔ جب کوئی شخص مر جاتاتو اس کا سب سے بڑا بیٹا اپنی سو تیلی ماں کو میراث میں پاتا، چاہتا تو اس سے شادی کر لیتا ورنہ اپنے کسی اور بھائی یا رشتہ دار کو شادی کے لئے دے دیتا۔ زنا کاری کا عام رَواج تھا اور اسے جائز خیال کرتے تھے۔حضرت عائشہ صدیقہ رَضِیَ اللّٰہُ تَعَالٰی عَنْہَا کا بیان ہے کہ جاہلیت میں نکاح چار طرح^([187])  کا تھا: ایک نکاح متعارف، جیساکہ آج کل ہے کہ زوج وزوجہ کے ولی مہر مُعَیَّن پر متفق ہو جائیں اور ایجاب و قبول ہو جائے۔ دوسرانکاحِ اِسْتِبْضَاع، بد یں طور کہ شوہراپنی عورت کو حیض سے پاک ہو نے کے بعد کہتا کہ تو فلاں سے استبضاع (طلب ولد ) کر لے اور خوداس سے مقاربت نہ کر تایہاں تک کہ اس شخص سے حمل ظاہر ہو جاتا، اس وقت چاہتا تووہ اپنی زوجہ سے مُجَامَعت^([188])  کر تا یہ اِسْتِبْضَاع بغر ضِ نجابت ولد^([189]) کیا جاتاتھا۔ تیسرا نکاحِ جمع، بدیں طور کہ دس سے کم مردایک عورت پر یکے بعد دیگرے داخل ہو تے یہاں تک کہ وہ حاملہ ہو جاتی، وضع حمل کے چند روز بعد وہ عورت ان سب کوبلاتی اور ان سے کہتی کہ تم نے جو کیا وہ تمہیں معلوم ہے، میرے ہاں بچہ پیدا ہوا ہے، ان میں سے ایک کی طرف اشارہ کر کے کہتی کہ یہ تیرا بچہ ہے، پس وہ

اسی کا سمجھا جاتا تھا اور وہ شخص انکار نہ کر سکتا تھا۔ چوتھا نکاحِ بَغَایا، بدیں طور کہ بہت سے مر دجمع ہو کر بَغَایا (زناکار عورتیں ) میں سے کسی پر بے روک ٹوک داخل ہو تے۔یہ بَغَایا بطور ِعلامت کے اپنے دروازوں پر جھنڈے نصب کر تی تھیں ، جو چاہتا ان کے پاس جا تا جب ان میں سے کوئی حاملہ ہو جاتی تو وضع حمل کے بعد وہ سب مرد اس کے ہاں جمع ہو تے اور قافہ^([190]) کو بلاتے وہ قافہ اس بچہ کو (اس کے اعضاء دیکھ کر فراست سے ) جس سے منسوب کر تا اسی کا بیٹا سمجھا جاتا تھا اور اس سے انکار نہ ہو سکتا تھا۔^([191])

شراب خوری اور قِماربازی ^([192]) بھی عرب میں کثرت سے رائج تھیں ۔مہمان نواز ی کی طرح ان دونوں میں مال ودولت لٹا نے پر فخر کیا کر تے تھے۔ملک عرب میں انگور وں یا کھجور وں وغیرہ سے جو شراب بنا تے تھے وہ ان کے لئے کافی نہ تھی اس لئے شراب کا بہت بڑا حصہ دیگر ممالک سے منگایا جاتا تھا، وہ بہت تیز ہوتی تھی۔ پانی میں ملا کر استعمال کیا کرتے تھے۔ شراب کی دکانوں پر جھنڈے لہرایا کرتے تھے جب کسی دکان میں شراب کا ذخیر ہ ختم ہو جاتا تو جھنڈا اتا رلیا جا تا تھا۔ اشعارِ عرب میں جن مقامات کی شراب کا ذکر آیا ہے ان کی تفصیل یوں ہے:

ملک کا نام	مقامات جو شراب کے لئے مشہور تھے	کیفیت
سِیر یا یعنی شام	جَدَر، حِمْص، بیت راس، خص، اَند َرِین، بُصریٰ، صَرخَد، مَآب	بیت راس دوشہروں کا نام ہے ایک بیت المقدس میں دوسرا انواع حلب میں ہے، دونوں میں انگوربکثرت اور شراب کے لئے مشہور تھے۔ جَدَر کی شراب کو جَدَرِیَّہ کہتے تھے۔
فلسطین	مقدّر، غور، بَیْسَان	مقدر کی شراب کو مقدر ی یا مقدریہ اور بَیْسَان کی شراب کو بَیْسَانِیَّہ بولتے تھے۔
الجَزِیرَہ	عانہ	عانہ کی شراب کو عانِیَہ کہتے تھے۔

کلدیہ یا بابلونیا

بابِل، صَرِیفُون ، قُطْرَبُّل

صَرِیفُون عکبرا کے قریب ہے اور قُطْرَبُّلبغداد وعکبرا کے درمیان ہے۔ان مقامات کی شراب کو بابلیہ و صریفیہ و قطربلیہ کہتے تھے۔

خلاصہ کلام یہ کہ دین ابر اہیمی جو عرب کا اصلی دین تھا، سوائے چند رسموں کے جن سے عقل سلیم کو، قطع نظر اِرشادِ اَنبیاء عَلَیْہِمُ السَّلَام کے انکار نہیں ہو سکتا عرب میں معدوم ہو گیا تھا ۔بجائے تو حید کے عموماً شرک وبت پر ستی تھی وہ معبودانِ باطل کو قادرِ مطلق کی طرح اپنے حاجت رواجا نتے تھے۔بعضے اَجرامِ فلکیہ: آفتاب ماہتا ب وستار گان کی پوجا کرتے تھے۔ بعضے تشبیہ کے قائل تھے اور فرشتوں کو خدا کی بیٹیاں سمجھ کر ان کی پوجا کرتے اور خدا کے ہاں ان کی شفاعت کے امیدوار تھے۔شرک وتشبیہ کا کیا ذکر بعض کو خدا کی ہستی ہی سے انکار تھا۔ وہ شب ور وزشراب خوری، قِمار بازی ، زنا کاری اور قتل و غارت گری میں مشغول رہتے تھے۔قَسَاوَتِ قلب^([193])کا یہ حال تھا کہ لڑکیوں کو پیدا ہوتے ہی زندہ دفن کر دیتے تھے، بتوں پر آدمیوں کی قربانی چڑھانے سے دَریغ نہ کر تے، لڑائیوں میں آدمیوں کو زندہ جلادینا، مستور ات کا پیٹ چاک کر نا اور بچوں کو تہ تیغ^([194])کر نا عموماً جائز سمجھتے تھے۔ ان کے درمیان جو یہودو نصاریٰ تھے ان کی حالت بھی دگر گوں ^([195])تھی، ان کی کتابیں محر ف ^([196])ہو چکی تھیں ۔یہود خدا کو مغلولۃالید^([197])اور حضرت عُزیر عَلَیْہِ السَّلامکو خدا کا بیٹا کہتے تھے اور نصاریٰ تین خدا مانتے تھے اور مسئلہ کَفَّارہ ^([198]) کی آڑمیں اعمال حسنہ کی کوئی ضرورت ہی محسوس نہ کر تے تھے۔

یہ حالت صرف عرب کے ساتھ مخصوص نہ تھی بلکہ تمام دنیا میں اسی طرح کی تاریکی چھائی ہوئی تھی چنانچہ اہل فارِس^([199])آگ کے پوجنے اور ماؤں کے ساتھ وطی کر نے میں مشغول تھے۔تُرک شب وروز بستیوں کے تباہ کرنے اور بندگان خدا کو اذیت دینے میں مصروف تھے، ان کا دین بتوں کی پو جا اور ان کی عادت مخلوقات پر ظلم کر نا تھا۔ہندوستان کے لوگ بتوں کی پو جا اور خود کو آگ میں جلانے کے سوا کچھ نہ جانتے تھے اور نیوگ^([200]) کو جائز سمجھتے تھے۔

یہ عالمگیر ظلمت^([201])اس امر کی مُقْتَضِی^([202])تھی کہ حسب عادتِ الٰہی ملک عرب میں جہاں دنیا بھر کے اَدیان باطلہ و عقائد قبیحہ واَخلاق رَدِّیہ ^([203]) موجود تھے۔ایک ہادی^([204]) تمام دنیا کے لئے مبعوث ہو، چنانچہ ایساہی وقوع میں آیا۔

عرب جیسی قوم میں جس کی حالت اوپر بیان ہو ئی ،سیدنا محمد مصطفی صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکی زندگی بعثت تک ہر پہلو کے لحاظ سے بالکل بے لوث رہی۔آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم اَخلاق حمید ہ سے متصف اور صدق و امانت میں مشہور تھے حتّٰی کہ قوم نے آپ کو امین کا لقب دیا ہوا تھا۔آپ مجالس لہوولعِب میں کبھی شریک نہ ہوئے وہ اَفعالِ جاہلیت جن کی آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی شریعت میں ممانعت وارد ہے آپ کبھی ان کے مر تکب نہ ہوئے۔ جو جانور بتوں پر ذبح کیے جاتے آپ ان کا گوشت نہ کھاتے، فسانہ گوئی ،شراب خوری، قِماربازی او ر بت پرستی جو قوم میں عام شائع تھیں ، آپ ان سب سے الگ رہے۔ سال میں ایک بار ماہ رمضان میں کوہِ حرامیں جو مکہ مشرفہ سے تین میل کے فاصلہ پر ِمنیٰ کوجاتے ہوئے بائیں طرف کو ہے اعتکاف فرمایا کر تے اور وہاں ذکر وفکر میں مشغول رہتے چند راتوں کا توشہ ساتھ لے جاتے، وہ ختم ہوچکتا تو گھر تشریف لاتے اور اسی قدر تو شہ لے کرحراء میں جا معتکف ہوتے۔

ابتداء وحی

جب آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکی عمر مبارک چالیس سال کی ہوئی تو اللّٰہ تعالٰی نے آپ کو منصب نبوت سے سر فراز فرمایا۔وحی کی ابتداء رُویا ئے صادِقہ^([205])سے ہوئی، جو کچھ آپ رات کو خواب میں دیکھتے بعینہ وہی ظہور میں آتا، چھ ماہ اسی حالت میں گزر گئے کہ ایک روز آپ حسب معمول غارِ حِراء میں مُراقب تھے^([206])کہ فرشتہ (جبرئیل عَلَیْہِ السَّلَام) آپ کے پاس آیا، اس نے آپ سے کہا: اِقْرَاْ ( پڑھو )، آپ نے فرمایا: مَا اَنَا بِقَارِی^([207]) (میں پڑ ھا ہوا نہیں )، آپ صَلَّی اللّٰہُ تَعَالٰی

عَلَیْہِ وَاٰلِہٖ وَسَلَّم کا بیان ہے کہ اس پر فرشتہ نے مجھے پکڑ کر بھینچایہاں تک کہ وہ مجھ سے غایت وسع اور طاقت کو پہنچا۔^([208]) پھر مجھے چھوڑ دیا اور کہا: اِقْرَاْ ، میں نے کہا: مَا اَنَا بِقَارِی، اس پر اس نے مجھے پکڑ کر دوسری بار بھینچا یہاں تک وہ مجھ سے غایت وسع و طاقت کو پہنچاپھر اس نے مجھے چھوڑ دیا اور کہا: اِقْرَاْ ، میں نے کہا: مَا اَنَا بِقَارِی پس اس نے مجھے پکڑ کر تیسری بار بھینچا یہاں تک کہ وہ مجھ سے غایت وسع اور طاقت کو پہنچا ^([209])پھر اس نے مجھے چھوڑدیا اور کہا :

اِقْرَاْ بِاسْمِ رَبِّكَ الَّذِیْ خَلَقَۚ(۱)خَلَقَ الْاِنْسَانَ مِنْ عَلَقٍۚ(۲)اِقْرَاْ وَ رَبُّكَ الْاَكْرَمُۙ(۳)الَّذِیْ عَلَّمَ بِالْقَلَمِۙ(۴)عَلَّمَ الْاِنْسَانَ مَا لَمْ یَعْلَمْؕ(۵)

پڑھ اپنے رب کے نام سے جس نے پیدا کیا،پید اکیا آدمی کو لہو کی پھٹکی سے۔ پڑھ اور تیرارب بڑا کریم ہے جس نے علم سکھایا قلم سے سکھایا آدمی کو جو کچھ نہ جانتا تھا۔^([210])

یہ سبق پڑھ کر آپ گھر تشریف لا ئے اورحضرت خدیجہ رَضِیَ اللّٰہُ تَعَالٰی عَنْہَا سے سارا قصہ بیان کیا وہ آپ کو اپنے چچیر ے بھائی وَرَ قَہ بن نَو فَل کے پاس لے گئیں جو عیسائی اور تورات وانجیل کا ماہر تھا، اس نے یہ ماجراسن کر کہاکہ یہ وہی ناموس  ^([211])وفرشتہ ہے جو حضرت موسیٰ عَلَیْہِ السَّلَام پر اتر اتھا۔^([212])اس کے بعد کچھ مدت تک وحی بندرہی تاکہ آپ کا شوق و انتظار زیادہ ہوجائے پھر یہ آیتیں نازل ہوئیں :

یٰۤاَیُّهَا الْمُدَّثِّرُۙ(۱)قُمْ فَاَنْذِرْﭪ(۲)وَ رَبَّكَ فَكَبِّرْﭪ(۳)وَ ثِیَابَكَ فَطَهِّرْﭪ(۴)وَ الرُّجْزَ فَاهْجُرْﭪ(۵)

اے لحاف میں لپٹے اٹھ کھڑ اہو۔ پس ڈرسنا اور اپنے رب کی بڑائی کر اور اپنے کپڑے پاک رکھ اور پلید ی کو چھوڑدے۔^([213])

آغازد عوت

قُمْ فَاَنْذِرْسے آپ پر اِنذار ^([214]) اور دعوت اِلیٰ اللّٰہ^([215])فرض ہو چکی تھی مگر اعلان دعوت کا حکم نہ آیا تھا، اس لئے آپ صَلَّیاللّٰہُ تَعَالٰیعَلَیْہِوَاٰلِہٖوَسَلَّمنے پہلے خفیہ طور سے ان لوگوں کو دعوت اسلام دی جن پر آپ کواعتماد تھا اور جو آپ کے حالات سے بخوبی واقف تھے، اس دعوت پر کئی مرد و زَن^([216])ایمان لائے۔چنانچہ مردوں میں سب سے پہلے جو آپ پر ایمان لائے وہ حضرت ابو بکر صدیق رَضِیَ اللّٰہُ تَعَالٰی عَنْہُ ہیں ۔لڑکوں میں سب سے پہلے ایمان لانے والے حضرت علی المرتضیٰ کَرَّمَ اللّٰہُ تَعَالٰی وَجْہَہُ الْکَرِیْم ہیں اور عورتوں میں حضرت خدیجۃ الکبریٰ رَضِیَ اللّٰہُ تَعَالٰی عَنْہَا ۔ آزاد کیے ہوئے غلاموں میں حضرت زید بن حارِثہ رَضِیَ اللّٰہُ تَعَالٰی عَنْہُ اور غلاموں میں حضرت بلا ل رَضِیَ اللّٰہُ تَعَالٰی عَنْہُ ہیں ۔حضرت ابوبکر صدیق رَضِیَ اللّٰہُ تَعَالٰی عَنْہُ نے ایمان لاتے ہی دعوتِ اسلام شروع کردی۔ عشرۂ مبشرہ ^([217]) میں سے پانچ، یعنی حضرات عثمان غنی، سعدبن ابی وقاص، طلحہ بن عبید اللّٰہ،عبدالرحمن بن عوف اور زبیر بن العوام رَضِیَاللّٰہُ تَعَالٰیعَنْہُمآپ ہی کی ترغیب سے مشرف باسلام ہوئے۔ ان کے بعد حضرات سعید بن زید، ابو ذَر غَفَّاری، اَر قَمْ بن ابی اَرقَمْ، عبد اللّٰہ بن مسعود، عثمان بن مَظْعُوْن، ابوعُبید ہ بن الجرَّاح، عُبیدہ بن حارِث، حُصَین والد عمران بن حُصَین، عَمَّاربن یاسر،خَبَّاب بن الا َرَت، خالد بن سعید بن العاصاورصُہَیب رُومی وغیرہم سابقین اوَّلین کے زُمرہ میں شامل ہو ئے ^([218]) رَضِیَ اللّٰہُ تَعَالٰی عَنْہُمْ اَجْمَعِیْن اور عورتوں میں فاطمہ بنت خَطَّاب ہمشیرۂ عمر فاروق،

 اَسماء بنت ابی بکر، اَسماء بنت سَلَّامہ تمیمیہ، اَسماء بنت عُمَیْس خَثْعَمِیَّہ، فاطِمہ بنت المُجَلَّل قَرَشِیہ عامِریہ،فُکَیْہَہ بنت یَسار،رَمْلہ بنت اَبی عَوفاوراَمِینہ بنت خَلَف خُزَاعِیہ سابقات اِلَی الاسلام میں سے ہیں ۔ ^([219])رَضِیَ اللّٰہُ تَعَالٰی عَنْہُنَّ۔ لیکن یہ سب کچھ جو ہوا پوشید ہ طور پر ہوا۔ نماز بھی شِعابِ مکہ^([220])میں چھپ کر پڑھا کر تے تھے۔ ایک روزحضرت سعدبن ابی وَقَّاص رَضِیَ اللّٰہُ تَعَالٰی عَنْہُاور کچھ اصحاب مکہ کے کسی شَعب^([221])میں نماز پڑھ رہے تھے کہ مشرکین نے دیکھ کر اس فعل کو برا کہا۔پس باہم لڑائی ہوگئی ۔ حضرت سعد رَضِیَ اللّٰہُ تَعَالٰی عَنْہُ نے اونٹ کے تالوکی ہڈی ان نابَکاروں ^([222])میں سے ایک پر ماری اور سر توڑ ڈالا۔اس کے بعد آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم اور آپ کے اصحاب دارِاَر قم میں جو کوہِ صفاکے نشیب میں تھا رہتے اور وہیں نماز پڑھتے۔^([223])

تبلیغ علی الا علان

خفیہ دعوت کو جب تین سال ہو چکے تو اعلان کا حکم اس طرح آیا:

فَاصْدَعْ بِمَا تُؤْمَرُ وَ اَعْرِضْ عَنِ الْمُشْرِكِیْنَ(۹۴) (سورۂ حجر  )

پس تو کھول کر بیان کر دے جو تجھے حکم دیا جا تا ہے اور مشرکوں سے کنارہ کر۔^([224])

نیز حکم آیا:

وَ اَنْذِرْ عَشِیْرَتَكَ الْاَقْرَبِیْنَۙ(۲۱۴) (شعراء )

اور ڈرا اپنے نزدیک کے ناطے والوں کو۔^([225])

اس^([226])پر آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے کو ہِ صفاپر چڑھ کر قبیلہ قریش کے بطون^([227])کو یوں پکارا:

یابنی فِہْر! یابنیعَدِی!یہاں تک کہ وہ جمع ہوگئے، جو خودنہ آسکتا تھاوہ اپنی طرف سے کسی اور کو بھیجتا تا کہ دیکھے کہ یہ پکار کیسی ہے۔پس ابو لہب اور قریش آگئے۔آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمنے فرمایا:’’بتاؤ اگر میں تم سے کہوں کہ وادی ٔمکہ سے ایک سواروں کا لشکر تم پر تاخت وتاراج کر نا چاہتا ہے^([228])تو کیا تمہیں یقین آجائے گا ؟‘‘وہ بولے:ہاں ! کیونکہ ہم نے تم کو سچ ہی بولتے دیکھا ہے۔آپ نے فرمایا: تو میں تم سے کہتا ہوں کہ اگر تم مجھ پر ایمان نہ لاؤگے تو تم پر سخت عذاب نازل ہو گا۔اس پرابو لہب بولا:تجھ پر آیندہ ہمیشہ ہلاک و زیان ہو، کیا اس کے لئے تو نے ہم کو جمع کیا ہے! تب یہ آیتیں نازل ہوئیں : ^([229])

تَبَّتْ یَدَاۤ اَبِیْ لَهَبٍ وَّ تَبَّؕ(۱)مَاۤ اَغْنٰى عَنْهُ مَالُهٗ وَ مَا كَسَبَؕ(۲)

ہلاک ہو جیو ہاتھ ابو لہب کے اور ہلاک ہو وہ، کام نہ آیا اس کو مال اس کا اور نہ جو کچھ کمایا۔^([230])

جب آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے اعلانِ دعوت کیا اور بت پر ستی کی علانیہ مذمت شروع کی تو سردارانِ قریش عُتْبَہ وشَیبہ پسرانِ رَبیعہ بن عبدشمس، ابوسفیان، ابو جہل، ولید بن مغیر ہ، عاص بن وائل سہمی اور اَسوَدبن مُطَّلِب وغیرہ ابو طالب کے پاس آئے اور کہنے لگے کہ تیرا بھتیجاہمارے معبودوں کو براکہتا ہے اور ہمارے آباء واجداد کو گمراہ بتا تا ہے اور ہمیں احمق ٹھہر اتا ہے تم اس کو منع کر دو یا بیچ میں سے ہٹ جاؤ، ہم اس سے سمجھ لیں گے۔ابو طالب نے انہیں نرمی سے سمجھا کر رخصت کردیا۔ آپ نے تبلیغ کو جاری رکھا مگر قریش بجائے روبر اہ^([231]) ہو نے کے آپ سے حقد و عداوت ^([232])زیادہ کر نے لگے اور ایک دوسرے کو آپ سے لڑنے پر اُبھار نے لگے۔وہ دوبارہ ابو طالب کے پاس آئے اور کہنے لگے:’’ابو طالب! بیشک ہم میں تیری قدر ومنزلت ہے ہم نے تم سے کہا تھا کہ اپنے بھتیجے کو منع کردو، مگر تم نے ایسا نہیں کیا، خدا کی قسم! ہم اپنے معبود وں اور آباء واجداد کی توہین گوار انہیں کر سکتے، تم اس کوروک دو ورنہ وہ اور تم میدان میں آؤ کہ ہم دونوں میں سے ایک کا فیصلہ ہو جائے۔‘‘ وہ یہ کہہ کر چلے گئے۔ابو طالب نے حضور

عَلَیْہِ الصَّلٰوۃُ وَ السَّلَامکو بلاکر کہا: ’’اے میرے بھتیجے! تیری قوم نے میرے پاس آکر ایسا ایسا کہا ہے ، تو اپنے آپ پر اور مجھ پر رحم کر اور مجھے اَ مْرمَا لایُطَاق ^([233])  کی تکلیف نہ دے۔‘‘ یہ سن کر حضور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے بدیں خیال کہ اب میرے چچا نے مجھے چھوڑ دیا ہے اور میر ی مدد سے عاجز آگیا ہے، یوں فرمایا: ’’اے میرے چچا! اللّٰہکی قسم! اگر وہ سورج کو میرے دائیں ہاتھ پر اور چاند کو میرے بائیں ہاتھ پر رکھ دیں تا کہ میں اس کام کو چھوڑ دوں تب بھی میں اس کو نہ چھوڑوں گایہاں تک کہ اللّٰہ اسے غالب کردے یا میں خود اس میں ہلاک ہو جاؤں ۔‘‘^([234])

دست از طلب ندارم تاکام من برآید              یا تن رسد بجاناں یا جاں زتن برآید

پھر آپ آبد ید ہ ہوئے اور روپڑے۔آپ واپس ہوئے تو ابو طالب نے بلا کر کہا: ’’اے میرے بھتیجے! جو کچھ آپ چاہیں کہیں میں کبھی آپ کا ساتھ نہ چھوڑوں گا۔‘‘ جب قریش نے دیکھا کہ ابو طالب اس طرح نہیں مانتا تو عمارہ بن ولید بن مغیرہ کو ساتھ لے کر اس کے پاس آئے، کہنے لگے: اے ابو طالب! یہ عمارہ قریش میں نہایت قوی اور خوبصورت نوجوان ہے۔ہم یہ تجھے دیتے ہیں تو اس کو اپنا بیٹا بنالے اور اس کے عوض میں اپنے بھتیجے کو ہمارے حوالے کردے۔ ابو طالب نے کہا:’’اللّٰہ کی قسم! تم مجھے بڑی تکلیف دیتے ہو، کیا تم مجھے اپنا بیٹا دیتے ہو کہ میں اسے تمہارے واسطے پالوں اور اپنا بیٹا تمہیں دوں کہ اسے قتل کرڈالو! اللّٰہکی قسم! ایسا ہرگز نہ ہوگا۔‘‘^([235])یہ سن کر قریش اور بھی براَفروختہ ہو گئے وہ ایک روزولیدبن مغیرہ کے پاس جمع ہو ئے، ولید مذکور فصاحت وبلاغت میں ان کا سر دار تھا۔ایا مِ حج قریب تھے۔ولید وقریش میں یوں گفتگوہوئی :

ولید: اے گر وہِ قریش! حج کا موسم آگیا ہے، عرب کے قبائل تمہارے پاس آئیں گے جنہوں نے تمہارے صاحب کا حال سن لیا ہے۔اس کے بارے میں ایک رائے پر اتفاق کر لوایسا نہ ہو کہ تم ایک دوسرے کی تکذیب کرو۔

قریش: آپ ہی ایک رائے قائم کر دیں ہم اسے تسلیم کر لیں گے۔

ولید:نہیں ! تم ہی کہو میں سنتا ہوں ۔

قریش: ہم کہیں گے کہ وہ کاہن ہے ۔

ولید:اللّٰہ کی قسم! وہ کاہن نہیں ، ہم نے کاہن دیکھے ہو ئے ہیں اس کا کلام نہ کاہن کا زَمزَمہ ^([236])ہے نہ سَجْعْ ۔^([237])

قریش: ہم کہیں گے کہ وہ دیوانہ ہے۔

ولید:وہ دیوانہ نہیں ، ہم نے دیوانگی دیکھی ہو ئی ہے وہ دیوانہ کا غیظ وغضب نہیں نہ دیوانہ کا خلجان^([238])ووسوسہ ہے۔

قریش: ہم کہیں گے کہ وہ شاعر ہے۔

ولید: وہ شاعر نہیں ، ہمیں تما م اقسام شعر َرجْز ،ہَزَج ، قَرِیض ،مَقْبوض اور مَبْسوط معلوم ہیں اس کا کلام شعر نہیں ۔

قریش: ہم کہیں گے کہ وہ جادو گرہے۔

ولید: وہ جادو گر نہیں ، ہم نے جادو گر اور ا ن کے جادو دیکھے ہوئے ہیں ، یہ جادو گروں کا پھونک مارنا نہیں اور نہ ان کا رسیوں یا بالوں کو گر ہ دینا ہے ۔

قریش: ابو عبد شمس ! پھر تم بتا ؤہم کیا کہیں ؟

ولید: اللّٰہکی قسم! اس کے کلام میں بڑی حَلاوَت ^([239])ہے، اس کلام کی اَصل مضبوط جڑ والا درخت خُرماہے اور اس کی فَرْع پھل ہے۔ان باتوں میں سے جو تم کہو گے وہ ضرور پہچان لی جائے گی کہ جھوٹ ہے اس کے بارے میں صحت سے قریب تر قول یہ ہے کہ تم کہو: وہ جادو گر ہے اور ایسا کلام لا یا ہے جو جادو ہے، اس کلام میں وہ باپ بیٹے میں ، بھائی بھائی میں ، میاں بیوی میں اور خویش^([240])واَقارب میں جدائی ڈال دیتا ہے۔

ولید کا کلام سن کر وہ مجلس سے چلے گئے جب موسم حج میں لوگ آنے لگے تو وہ ان کے راستوں میں بیٹھتے جو کوئی ان کے پاس سے گزرتا وہ اس کو آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم سے ڈراد یتے اور آپ کا حال بیان کر دیتے اللّٰہ تعالٰی نے ولید کے بارے میں یہ آیات نازل فرمائیں :

ذَرْنِیْ وَ مَنْ خَلَقْتُ وَحِیْدًاۙ(۱۱)وَّ جَعَلْتُ لَهٗ مَالًا مَّمْدُوْدًاۙ(۱۲)وَّ بَنِیْنَ شُهُوْدًاۙ(۱۳)وَّ مَهَّدْتُّ لَهٗ تَمْهِیْدًاۙ(۱۴)

چھوڑ دے مجھ کو اور اس کو جو میں نے بنایا اکیلا اور دیا میں نے اس کو مال پھیلا کر اور بیٹے موجود (یعنی زندگی والے) اورتیاری کر

ثُمَّ یَطْمَعُ اَنْ اَزِیْدَۗۙ(۱۵)كَلَّاؕ-اِنَّهٗ كَانَ لِاٰیٰتِنَا عَنِیْدًاؕ(۱۶) (مدثر، ع۱،آیت ۱۱)^([241])

دی اس کو خوب تیاری اور پھر لالچ رکھتا ہے کہ اور دوں ۔کو ئی نہیں وہ ہے ہماری آیتوں کا مخالف۔^([242])

ان کے بعد کی اور کئی آیتیں وَلید ہی کے بارے میں ہیں ۔

اسی طرح ایک دن جب کہ آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم مسجد میں اکیلے بیٹھے ہو ئے تھے سر دارِ قوم عتبہ بن ربیعہ بن عبدشمس اور قریش میں یوں ^([243])گفتگوہوئی :

عتبہ: اے گروہ قریش! کیا میں محمد (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم) کے پاس جاؤں تا کہ اس سے کلام کروں اور چند باتیں اس کے آگے پیش کروں شاید وہ ان میں سے ایک بات کو پسند کرے پس ہم وہ کردیں اور وہ ہم سے بازر ہے۔

قریش: ہاں اے ابو الولید! آپ جائیے اور اس سے گفتگوکیجئے۔

عتبہ: (حضرت سے مخاطب ہو کر ) بھائی کے بیٹے! آپ کو معلوم ہے کہ خویش واقارب^([244])میں آپ بزرگ و برگزید ہ اور نسب میں عالی رتبہ ہیں آپ اپنی قوم میں ایک نیا مذہب لائے ہیں جس سے آپ نے ان کی جماعت کو پراگندہ ^([245])کردیا ہے آپ نے ان کے داناؤں کو نادان بتایا ان کے معبودوں اور ان کے دین کو براکہااور ان کے گزشتہ آباء و اجد اد کو کافربتا یا۔ سنئے! میں چند باتیں پیش کر تا ہوں شاید آپ ان میں سے ایک بات پسند فرمائیں ۔

آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم : ابو الولید! بیان کر ، میں سنتا ہوں ۔

عتبہ: بھائی کے بیٹے! اس نئے مذہب سے آپ کا مقصود اگر مال ہے تو ہم آپ کے لئے اتنا مال جمع کردیتے ہیں کہ آپ ہم سب سے زیادہ مالد ار بن جائیں ، اگر اس سے ہم پر شرف مقصود ہے تو ہم آپ کو اپنا سر دار بنالیتے ہیں آپ کے بغیر کوئی کام نہ کیا کریں گے۔اگر آپ کو ملک مطلوب ہے تو ہم آپ کو اپنا بادشاہ تسلیم کر لیتے ہیں ۔ اگر ہم آپ سے اس جن کو نہ روک سکیں جو آپ کے پاس آتا ہے تو آپ کا علاج کرائیں گے اور علاج میں اپنا خرچ کریں گے یہاں تک کہ وہ جن

بھاگ جائے۔

آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم : ابو الولید ! کیا تو کہہ چکا جو کہنا تھا ؟

عتبہ: ہاں !

آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم : مجھ سے سن!

عتبہ: سنائیے !

(آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے سورۂ حم السجد ہ کی آیات تاآیۂ سجدہ تلاوت فرماکر سجدہ کیا اور عتبہ کھڑا سنتا رہا)

آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم : ابو الولید ! تونے سنا !

عتبہ: میں نے سن لیا، آپ جانیں اور آپ کاکام!

قریش: (عتبہ کو آتا دیکھ کر ایک دوسرے سے ) اللّٰہ کی قسم! ابو الولید وہ چہرہ لے کر نہیں آیا جو لے کر گیا تھا۔ (عتبہ کو پاس بیٹھا دیکھ کر )ابو الولید ! وہاں کا حال سنا ئیے!

عتبہ: اللّٰہ کی قسم! میں نے ایسا کلام سنا کہ اس کی مثل کبھی نہیں سنا،اللّٰہ کی قسم! وہ شعرنہیں نہ جادو ہے نہ کہانت۔اے گروہ قریش! میرا کہامانو، اس شخص کو کر نے دو جو کر تا ہے اور اس سے الگ ہو جاؤ۔ اللّٰہ کی قسم! میں نے جو کلام اس سے سنا ہے اس کی بڑی عظمت وشان ہو گی۔اگر عرب ا س کو مغلوب کر لیں تو تم غیر کے ذریعے اس سے بچ گئے۔ اگر وہ عرب پر غالب آگیا تو اس کا ملک تمہارا ملک ہے اور اس کی عزت تمہاری عزت ہے تم اس کے سبب سے خوش نصیب ہو جاؤ گے۔

قریش: ابو الولید ! اللّٰہ کی قسم! اس نے اپنی زبان سے تجھے بھی جادو کر دیا۔

عتبہ: اس کی نسبت میری یہی رائے ہے، تم جو چاہو کر و ۔^([246])

اب رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا ذکر بلا دعرب میں دور دور پہنچ چکا تھا قریش روز بر وز تشدد میں زیادتی کر تے جاتے تھے، انہوں نے آپ کو طرح طرح کی اذیتیں دیں کمینے لوگوں کو آپ پر برانگیختہ کیا، آپ کی تکذیب کی،آپ پر استہزاء کیا،آپکو شاعر کہا،جادو گر بتا یا، کاہن کہا،سڑی^([247]) اور پا گل بتا یا مگر آپصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم برابر تبلیغ فرماتے رہے۔

ایک روز آپ خانہ کعبہ کے نزدیک نماز پڑھ رہے تھے۔حرم شریف میں اس وقت قریش کی ایک جماعت موجود تھی۔عُقْبَہ بن اَبی مُعِیطنے ابو جہل کی ترغیب سے ذبح کیے ہوئے اونٹوں کی اوجھ^([248])سجدے کی حالت میں آپ کے دونوں شانوں کے درمیان رکھ دی، یہ دیکھ کر وہ سب نابکار قہقہہ مار کر ہنسے۔کسی نے آپ کی صاحبز ادی بی بی فاطمہ رَضِیَ اللّٰہُ تَعَالٰی عَنْہَاکو خبر کر دی وہ فوراً دوڑی آئیں اور آپ کی پشت مبارک سے وہ پلید ی دور کر دی اور ان کو بر ابھلا کہا۔ یہ نابکار حرمات اللّٰہ^([249]) کی بے حرمتی بھی کیا کر تے تھے۔اس لئے جب آپ نماز سے فارغ ہوئے تو یوں بددعا فرمائی: ^([250])’’یااللّٰہ عَزَّوَجَلَّ تو گر وہ قریش کوپکڑ۔ یااللّٰہ عَزَّوَجَلَّ تو ابوجہل بن ہِشام، عُتبہ بن رَبیعہ، شَیْبَہ بن رَبیعہ، عُقْبَہ بن اَبی مُعِیط اور اُمَیَّہ بن خَلَف کو پکڑ۔‘‘ اس حدیث کے راوی حضرت عبد اللّٰہ بن مسعود رَضِیَ اللّٰہُ تَعَالٰی عَنْہُ فرماتے ہیں کہ میں نے ان سب کو بَدْر کے دن مقتول دیکھا اورا ُمَیَّہ کے سوا سب چاہِ بدرمیں پھینک دیئے گئے،امیہ مو ٹا تھا،جب اسے کھینچنے لگے تو چاہ میں ڈالنے سے پہلے ہی اس کے اعضاء ٹکڑے ٹکڑے ہوگئے۔^([251])

 اسی طرح شیاطین قریش ایک دن خانہ کعبہ میں جمع تھے۔ابو جہل ایک بھاری پتھر اٹھا کر سجدے کی حالت میں آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے سر مبارک کو کچلنے کے لئے آگے بڑ ھا جب وہ نزدیک پہنچا تو وہ خوف زدہ اور رنگ بدلا ہوا پیچھے بھا گا اور پتھر ہاتھ سے نہ پھینک سکا۔قریش نے پوچھااے ابو الْحَکَم! تجھے کیا ہو ا؟ بو لا: جب میں نزدیک گیا تو میں نے اس کے وَرِے^([252]) ایک اونٹ دیکھا۔اللّٰہ کی قسم! میں نے اس کا وہ سراور گردن اور دانت دیکھے کہ کبھی کسی اونٹ کے دیکھنے میں نہیں آئے، وہ اونٹ مجھے کھانے لگا تھا۔رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے فرمایا: ^([253]) ’’وہ جبرئیل عَلَیْہِ السَّلَامتھے، اگر ابو جہل اور نزدیک آتا تو اسے پکڑ لیتے۔‘‘^([254])ایک دفعہ کا ذکر ہے کہ وہ نابکار کعبہ کے سائے میں بیٹھے ہو ئے تھے اور رسول اللّٰہصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم مقام ابراہیم کے پاس نماز پڑ ھ رہے تھے۔عقبہ بن ابی معیط نے آپ کی گردن مبارک میں چادر ڈال لی پھر اسے کھینچا یہاں تک کہ آپ گھٹنوں کے بل گر پڑے۔لوگوں کو گمان ہوا کہ

 آپ کا انتقال ہوگیا، حضرت ابو بکر رَضِیَ اللّٰہُ تَعَالٰی عَنْہُ دوڑے آئے اور فرمانے لگے: ^([255]) ’’کیا تم ایک شخص کو اس لئے قتل کر تے ہو کہ وہ کہتا ہے کہ میرا پر وردگار اللّٰہ ہے۔‘‘ ^([256])یہ سن کر وہ ہٹ گئے۔

یہ اذیتیں آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم تک محدودنہ تھیں بلکہ آپ کے اصحاب بھی طرح طرح کی مصیبتوں میں مبتلا تھے۔ وہ غریب مسلمان جن کا مکہ میں کوئی قبیلہ اور یارویاور ^([257])نہ تھاخصوصیت سے قریش کا تختہ مشق ^([258])بنے ہوئے تھے۔ اذیتیں مختلف انواع کی تھیں مثلاً آگ پر لٹا دینا، تپتی ریت پر لٹا کر بھاری پتھر سینہ پر رکھ دینا تا کہ کروٹ نہ لے سکے، چابک سے اس قدر مارنا کہ ٹوٹ جائے، چٹائی میں لپیٹ کر ناک میں دھواں دینا، جکڑ کر کو ٹھٹری میں بند کر دینا، پاؤں میں رسی باندھ کر تپتی ریت پر گھسیٹنا، گلااس قدر گھونٹنا کہ دم نکل جانے کا گمان ہو جائے، زدوکوب ^([259])سے بیہوش و مختل الحواس ^([260])کردینا، نیزہ مار کر ہلاک کر دینا وغیرہ۔

۵   ؁نبوت

جب آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے دیکھا کہ مسلمانوں کا مکہ میں رہنا مشکل ہو گیا ہے تو آپ نے اصحاب سے فرمایاکہ ملک حبشہ کا بادشاہ اپنے ہاں کسی پر ظلم نہیں ہو نے دیتا، تم میں سے جو چاہیں وہاں چلے جائیں ۔ چنانچہ اس سال ماہ رجب میں اَوَّل اَوَّل گیا رہ مر داور چار عورتوں نے ہجرت کی، جن میں حضرت عثمان غنی اور ان کی زَوجہ محترمہ رُقَیَّہ بنت رسول اللّٰہ بھی تھیں ۔ حسن اتفاق سے جب یہ بندرگاہ پر پہنچے تو دو تجارتی جہاز حبشہ کو جارہے تھے، جہاز والوں نے ان کو سستے کرایہ پر بٹھا لیا۔ قریش کو خبر لگی تو انہوں نے بندرگاہ تک تعاقب کیامگر مو قعہ نکل چکا تھا۔ ^([261])

مہاجرین قریباً تین ماہ حبشہ میں امن وامان سے رہے۔ماہِ شوال میں ان کو یہ غلط خبر پہنچی کہ اہل مکہ ایمان لے آئے ہیں اس لئے ان میں سے اکثر مکہ میں واپس آگئے۔

۶   ؁نبوت

اس سال آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے چچا امیر حمزہ ایمان لائے اور ان کے تین دن بعد حضرت عمر فاروق رَضِیَ اللّٰہُ تَعَالٰی عَنْہُ بھی مشرف باسلام ہو ئے۔ جو لوگ حبشہ سے واپس آئے تھے قریش نے ان کو اور دوسرے مسلمانوں کو زیادہ ستا نا شروع کیایہاں تک کہ ہجرت پر مجبور ہو ئے۔ چنانچہ اس دفعہ ۸۳مرداور ۱۸ عورتیں حضور عَلَیْہِ الصَّلٰوۃُ وَالسَّلَام کی اجازت سے ہجرت کر کے حبشہ چلی گئیں ۔ ^([262])

جب آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے مدینہ منورہ کو ہجرت فرمائی تو مہاجرین حبشہ میں سے کچھ لوگ فوراً واپس آگئے۔حضرت جعفربن ابی طالب رَضِیَ اللّٰہُ تَعَالٰی عَنْہُ وغیرہ جو وہاں رہ گئے تھے وہ فتح خیبر کے وقت مدینہ میں واپس آئے۔جب حضرت جعفر رَضِیَ اللّٰہُ تَعَالٰی عَنْہُ آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی خدمت میں حاضر ہو ئے تو حضور نے ان سے معانقہ کیا اور پیشانی کو بو سہ دے کر فرمایا: ^([263]) ’’میں نہیں بتاسکتا کہ فتح خیبر سے مجھے زیادہ خوشی ہے یا جعفر کے آنے سے۔‘‘

حضرت ابو بکر صدیق رَضِیَ اللّٰہُ تَعَالٰی عَنْہُ بھی بار ادۂ ہجرت حبشہ کی طرف نکلے تھے۔ برک الغِماد تک جو مکہ سے یَمَن کی طرف پانچ دن کی راہ ہے، یہ پہنچے تھے کہ قبیلہ قارَّہ کا سر دار ابن الدغنہ ملا، اس نے پوچھا: کہاں جارہے ہو ؟ آپ نے جواب دیا کہ میری قوم نے مجھے نکلنے پر مجبور کر دیا، میں چاہتا ہوں کہ کہیں الگ جاکر خدا کی عبادت کروں ۔ ابن الدغنہ نے کہا : یہ نہیں ہو سکتا کہ آپ سافیاض ومہمان نواز، اپنوں سے نیک سلوک کر نے والا، غریب پر ور اور حوادث حق میں لوگوں کا مدد گار مکہ سے نکل جائے یا نکالا جائے، میں آپ کو اپنی پنا ہ میں لیتا ہوں ۔اس لئے آپ ابن الدغنہ کے ساتھ مکہ میں واپس آگئے۔ ^([264])

جب قریش کو یہ خبر پہنچی تو انہوں نے مشور ہ کر کے ایک سفارت بسر کر دگی عمرو بن العاص اور عبد اللّٰہ بن ابی ربیعہ

(یا عمارہ بن ولید ) نجاشی کی خدمت میں مع تحائف بھیجی۔سُفرَ اء^([265]) وہاں پہنچ کر پہلے بادشاہ کے بطارِقہ ^([266])سے ملے اور نذریں پیش کرکے کہاکہ ہم میں چند نا دان لونڈوں نے ایک نیاد ین ایجاد کیا ہے جو نصر انیت وبت پر ستی دونوں سے جدا ہے، وہ بھاگ کر یہاں پنا ہ گز ین ہو گئے ہیں ہمیں اشراف قریش نے آپ کے بادشاہ کے پاس بھیجا ہے کہ ان کو واپس کردے درخواست پیش ہونے پر آپ ہماری تائیدکردیں ۔ چنانچہ سُفَراء نے نجاشی کی خدمت میں حاضرہوکرتحائف پیش کیے اور سارا قصہ بیان کیا،بادشاہ نے مہاجرین کو طلب کیا۔ بطارقہ نے کہا: ’’حضور ! یہ لوگ ان کے حال سے بخوبی واقف ہیں آپ ان کے حوالہ کرد یں ۔‘‘ بادشاہ نے کہا: ’’نہیں پہلے ہم ان سے دریافت کرلیں ۔‘‘ چنانچہ جب مہاجرین دربار میں حاضر ہوئے تو حضرت جعفربن ابی طالب رَضِیَ اللّٰہُ تَعَالٰی عَنْہُ نے ان کی طرف سے اس طرح تقریر شروع کی: ^([267])

’’شاہا! ہم لوگ ایک جاہل قوم تھے،بتوں کو پو جتے تھے،مردار کھاتے تھے، بد کاریاں کرتے تھے،اپنوں سے دشمنی رکھتے تھے،پڑ وسیوں سے بر اسلوک کرتے تھے، قوی لوگ کمزوروں کو کھا جاتے تھے،ہم اس حالت میں تھے کہ اللّٰہ تعالٰی نے ہم میں سے ایک رسول ہماری طرف بھیجاجس کے نسب اور صدق وامانت اور پرہیزگاری سے ہم لوگ پہلے سے واقف تھے،اس نے ہم کو یہ دعوت دی کہ ہم خدا کو ایک جانیں ،اسی کی عبادت کریں اور اس کے ساتھ کسی کو شریک نہ ٹھہرائیں ،بتوں کی پو جاجو ہم اور ہمارے باپ داداکیا کر تے تھے چھوڑدیں ،سچ بولا کریں ،امانت ادا کریں ،اپنوں سے محبت و سلوک رکھیں ،ہمسایوں سے نیک سلوک کریں ،محارم اور خونریزی سے بازآئیں ، یتیموں کا مال نہ کھائیں ، عفیف عورتوں ^([268])پر تہمت نہ لگائیں ، نماز پڑھیں ، صدقہ دیں ، روزے رکھیں ، پس ہم اس پر ایمان لے آئے،اللّٰہ کی عبادت کرنے لگے، شرک وبت پر ستی چھوڑ دی، حرام کو حرام اور حلال کو حلال جاننے لگے، اس جرم پر ہماری قوم ہم پر ٹوٹ پڑی اور اذیت دے کر مجبور کر نے لگی کہ ہم اللّٰہ کی عبادت چھوڑ کر پھر بتوں کو پو جنے لگ جائیں اور خبائث کو بدستور سابق حلال سمجھیں ۔ جب انہوں نے ہم پر قہر وظلم کیا اور ہمارے فرائض مذہبی کی بجاآوری میں سدِّراہ ^([269]) ہوگئے تو ہم آپ کے ملک میں آپ کی پناہ میں آگئے، ہمیں امید ہے کہ آپ کے ہاں ہم پر ظلم نہ ہوگا۔‘‘

یہ تقریر سن کر نجاشی نے کہاکہ تمہارے پیغمبر پر جو کلام اتر اہے اس میں سے کچھ سنا ؤ۔ حضرت جعفر رَضِیَ اللّٰہُ تَعَالٰی

 عَنْہُنے سورۂ مریم کی چند آیتیں پڑھیں ۔نجاشی سن کر اتنا رویا کہ اس کی ڈاڑ ھی آنسوؤں سے ترہو گئی اور اس کے اساقفہ^([270])بھی روئے۔پھر نجاشی نے کہا:’’یہ کلام اور انجیل دونوں ایک ہی چراغ کے پر تو ہیں ۔‘‘ اس کے بعد سفیروں سے کہا کہ تم واپس چلے جاؤ، اللّٰہ کی قسم! میں ان کو تمہارے حوالہ نہ کروں گا۔

دوسرے دن عَمرْوبن العاص نے حاضر دربار ہو کر عرض کیا: ’’حضور! یہ لوگ حضرت عیسیٰ عَلَیْہِ السَّلَام کی نسبت بُراعقیدہ رکھتے ہیں ۔‘‘ نجاشی نے مسلمانوں کو طلب کیا، جب وہ حاضرہوئے تو ان سے پوچھا کہ’’تم حضرت عیسیٰ عَلَیْہِ السَّلَامکی نسبت کیا عقیدہ رکھتے ہو؟‘‘ حضرت جعفر رَضِیَ اللّٰہُ تَعَالٰی عَنْہُ نے کہا : ہم اعتقاد رکھتے ہیں جیسا کہ ہمارے پیغمبر نے فرمایا ہے کہ عیسیٰ عَلَیْہِ السَّلَام خدا عَزَّوَجَلَّ کے بندے اور پیغمبر اور روح اللّٰہ اور کلمۃ اللّٰہ ہیں ۔یہ سن کر نجاشی نے زمین سے ایک تنکا اٹھالیا اور کہا: ’’واللّٰہ! جو تم نے کہاحضرت عیسیٰ عَلَیْہِ السَّلَام اس سے اس تنکے کے برابر بھی زیادہ نہیں ہیں ۔‘‘ جب نجاشی کی زبان سے یہ الفاظ نکلے تو بطار قہ حاضر ین کے نتھنوں سے خرخراہٹ کی آواز آنے لگی مگر نجاشی نے پروانہ کی اور سفارت بالکل ناکام واپس آئی۔^([271])

۷   ؁نبوت

قریش نے جب دیکھاکہ باوجود تشددو مزاحمت کے اسلام قبائل عرب میں پھیل رہا ہے۔حضرت حمزہ وعمر رَضِیَ اللّٰہُ تَعَالٰی عَنْہُمَا جیسے لوگ ایمان لا چکے ہیں ، نجاشی نے مسلمانوں کو پنا ہ دی ہے اور سفارت بھی بے نَیلِ مَرَام  ^([272]) واپس آگئی ہے تو انہوں نے بالاتفاق یہ قرار^([273]) دیا کہ( حضرت ) محمد (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم ) کو علانیہ قتل کر دیا جائے۔ابو طالب   کو یہ خبر پہنچی تو اس نے بنی ہاشم وبنی مُطَّلِب کو جمع کرکے کہا کہ (حضرت) محمد (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم ) کو بغر ض حفاظت اپنے شِعْب (دَرَّہ ) میں لے چلو، چنانچہ ایسا ہی کیا گیا، جب قریش کو معلوم ہوا کہ ہاشم ومُطَّلِب کی اولاد نے (سوائے ابو لہب کے ) بلا امتیازِ مذہب حضرت کو اس طرح اپنی پناہ میں لے لیا ہے تو انہوں نے مقام محصب میں جو کہ مکہ ومنٰی کے درمیان ہے آپس میں یہ عہد کیا کہ ہاشم ومُطَّلِب کی اولاد سے مناکحت^([274]) اور لین دین سب موقوف کر دیا جائے

 یہاں تک کہ وہ تنگ آکر محمد (صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم ) کو قتل کے لئے ہمارے حوالہ کردیں ۔^([275]) اور تا کید مزید کے لئے یہ مُعَاہَدہ تحریر کرکے کعبۃ اللّٰہ کی چھت میں لٹکا دیا۔ کفار قریش نے نہایت سختی سے اس معاہد ہ پر عمل کیا، باہر سے جو غلہ مکہ میں آتا وہ خود ہی خرید لیتے اور مسلمانوں تک نہ پہنچنے دیتے اگر ان میں سے کوئی بطور صلہ رحم اپنے کسی مسلمان رشتہ دار کو اناج بھیجتا تو اس کے بھی سد راہ ہوتے۔ غرض بنوہاشم شعب ابی طالب میں طرح طرح کی تکلیفیں اٹھاتے رہے۔ ابو طالب کا یہ معمول تھا کہ جب لوگ سو جاتے تو آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو بغر ض حفاظت آپ کے بستر سے اٹھاتا تاکہ دوسرے بستر پر جالیٹیں اور آپ کے بستر پراپنے کسی بیٹے یا بھائی کو لٹاتا۔^([276])

صحیح بخاری ومسلم میں ہے کہ حضرت عباس رَضِیَ اللّٰہُ تَعَالٰی عَنْہُ نے رسول صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم سے عرض کیاکہ ابو طالب آپ کی مراعات ومد د کیا کر تا تھااور آپ کے لئے ناراض ہوا کر تا تھاکیا یہ عمل اس کو فائدہ دے گا ؟ آپ نے فرمایا : نَعَمْ وَجَدتُّہ ٗ فِیْ غَمَرَاتٍ مِنَ النَّارِ فَاَخْرَجْتُہٗ اِلٰی ضَحْضَاحٍ۔^([277]) ہاں ! میں نے اسے سرتاپا بڑی آگ میں پا یا پس اس کو نکال کر تھوڑ ی آگ میں کر دیا جو اس کے ٹخنوں تک پہنچتی ہے۔  

یہ تو عذاب قبر میں تخفیف ہے قیامت کو بھی اس کی یہی حالت ہو گی۔ چنانچہ ابو سعید خدری رَضِیَ اللّٰہُ تَعَالٰی عَنْہُ سے روایت ہے کہ ابو طالب کا ذکر آیا تو رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمنے فرمایا :لَعَلَّہٗ تَنْفَعُہٗ شَفَاعَتِیْ یَوْمَ الْقِیٰمَۃِ فَیُجْعَلُ فِیْ ضَحْضَاحٍ مِنَ النَّارِ یَبْلُغُ کَعْبَیْہِ یَغْلِی مِنْہٗ دِمَاغُہٗ^([278]) مجھے امید ہے قیامت کو میری شفاعت اسے فائدہ دے گی پس اس کو تھوڑی آگ میں کر دیا جائے گا جو اس کے ٹخنوں تک پہنچے گی جس سے اس کادماغ جوش کھائے گا۔ بعض علماء نے خلافِ اَحادیث صحاح ابو طالب کا ایمان ثابت کرنے کی کوشش کی ہے۔ والعلم عند اللّٰہ ۔

جب تین سال اسی حالت میں گزرگئے تو اللّٰہ تعالٰی نے اپنے حبیب پاک صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو خبر دی کہ اس معاہدے کو دیمک اس طرح چاٹ گئی ہے کہ اللّٰہ کے نام کے سوا اس میں کچھ باقی نہیں رہا۔آپ نے یہ خبر ابو

 طالب کو دی اس نے کفار قریش کو جاکر کہا: ’’اے گر وہِ قریش! میرے بھتیجے نے مجھ کو اس طرح خبر دی ہے تم اپنا معاہدہ لاؤ، اگر یہ خبر صحیح نکلی تو تم قطع رحم سے بازآؤ اور اگر غلط نکلی تو میں اپنے بھتیجے کو تمہارے حوالے کردوں گا۔‘‘ وہ اس پر راضی ہو گئے، جب معاہدہ دیکھا گیا تو ویسا ہی پایا گیا جیسا کہ خبر دی گئی تھی^([279])اسی وقت پانچ اشخاص (ہشام بن عمر و، زبیر بن ابی امیہ مخزومی، مُطعِم بن عَدِی، ابو البختری، زمعہ بن الا سود) کچھ قیل وقال کے بعد اس معاہد ے کو چاک کر نے پر متفق ہوگئے^([280])اور آخرکا رابو البختری نے لے کر پھاڑ ڈالا، باقی سب بجائے رُوبراہ^([281]) ہونے کے مزید ایذ اء کے درپے ہو گئے۔

۱۰   ؁  نبوت

اس سال ماہِ رمضان میں ابو طالب نے وفات پائی اور اس کے تین روز بعد خد یجۃ الکبریٰ رَضِیَ اللّٰہُ تَعَالٰی عَنْہَا بھی انتقال فرماگئیں ۔اب کفار قریش رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی ایذار سانی پر اور دلیر ہوگئے۔ ایک روز ایک نابکار نے راہ میں آپ کے سر مبارک پر خاک ڈال دی آپ اسی حالت میں گھر تشریف لے گئے آپ کی صاحبزادی نے دیکھا تو پانی لے کر سر مبارک کو دھونے لگیں اور روتی جاتی تھیں ، آپصَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے فرمایا:’’جانِ پد ر! اللّٰہ تعالٰی تیرے باپ کو بچالے گا۔‘‘^([282])

آخر آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمنے تنگ آکر اس خیال سے کہ اگر ثَقِیْف ایمان لے آئے تو قریش کے بر خلاف میری مدد کریں گے طائف کا قصد کیا، زیدبن حارثہ آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکے ساتھ تھے، آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمنے وہاں پہنچ کر اشرافِ ثَقِیْف یعنی عبد یالیل اور اس کے بھائی مسعود و حبیب^([283]) کو دعوتِ اسلام دی۔مگر انہوں نے آپ کی دعوت کا بری طرح جو اب^([284]) دیا ایک بو لا: ’’اگر تجھے خدا نے پیغمبر بنایا ہے تووہ کعبہ کا پردہ چاک

کررہا ہے۔‘‘ دوسرے نے کہا: ’’کیاخدا کو پیغمبر ی کے لئے تیرے سوا کوئی اور نہ ملا؟‘‘ تیسرے نے کہا: ’’میں ہرگز تجھ سے کلام نہیں کر سکتا، اگر تو پیغمبر ی کے دعویٰ میں سچاہے تو تجھ سے گفتگو کر نا خلاف ادب ہے اور اگر جھوٹا ہے تو قابل خطاب نہیں ۔‘‘ جب آپ مایوس ہو کر واپس ہوئے تو انہوں نے کمینے لوگوں اور غلاموں کو آپ پر ابھارا جو آپ کو گالیاں دیتے اور تالیاں بجاتے تھے، اتنے میں لوگ جمع ہوگئے وہ آپ کے راستہ میں دَو رویہ ^([285]) صف باندھ کر کھڑے ہوگئے جب آپ درمیان سے گزرے تو قدم اٹھاتے وقت آپ کے پاؤں پر پتھر بر سانے لگے یہاں تک کہ نعلین مبارک خون سے بھر گئے، جب آپ کو پتھروں کا صدمہ پہنچتا تو بیٹھ جاتے، مگر وہ بازوتھا م کر کھڑا کر دیتے جب پھر چلنے لگتے تو پتھر بر ساتے اور ساتھ ساتھ ہنستے جاتے۔اس طرح انہوں نے عتبہ اور شیبہ پسر انِ ربیعہ کے باغ تک آپ کا تعاقب کیا، آپ نے باغ میں ایک انگور کی شاخ کے سایہ میں پناہ لی۔ عتبہ اور شیبہ اگرچہ آپ کے سخت دشمن تھے مگر آپ کی اس حالت پر ان کو بھی رحم آگیا، انہوں نے اپنے نصر انی غلام عَدَّاس سے کہا کہ انگور کا ایک خوشہ تھال میں رکھ کر ان کے پاس لے جااور کہہ دے کہ کھا لیں ۔ آپ نے بسم اللّٰہ کہہ کر کھایا، عَدَّاس متعجب ہو کر کہنے لگا کہ ان شہروں کے لوگ ایسا نہیں کہتے۔ آپ نے پوچھا: تو کہاں سے ہے ؟ اس نے کہا: نینویٰ سے۔آپ نے فرمایا کہ وہ نیک بندے یونس بن متیٰ عَلَیْہِ السَّلَام کا شہر ہے۔ پھر اس نے آپ سے یونس عَلَیْہِ السَّلَام کا حال پو چھا۔ آپ نے فرمایاکہ وہ بھی میری طرح پیغمبر تھے۔ یہ سن کر وہ آپ کے ہاتھ پاؤں چو منے لگا^([286])  اور اسلام لایا۔

اسی سفر میں مقام نَخلہ میں جو مکہ مشرفہ سے ایک رات کا راستہ ہے۔شہر نَصِیبِین^([287])     کے جن حاضر ہو ئے۔ آپ رات کو نماز میں قرآن مجید پـڑ ھ رہے تھے وہ سن کر ایمان لائے۔ وَاِذْ صَرَفْنَآ اِلَیْکَ نَفَرًا مِنَ الْجِنِّالآیہ ^([288]) میں اسی طرف اشارہ ہے۔^([289])  نخلہ میں چند روزقیام رہا، وہاں سے آپ حرامیں تشریف لائے اور مُطْعِم بن عَدِی کو پیغام بھیجا کہ کیا تم مجھے اپنی پناہ وامان میں لے سکتے ہو ؟ مطعم نے قبول کیا۔آپ رات کو مطعم کے ہاں رہے جب صبح ہوئی تو مطعم اور اس کے

بیٹوں نے ہتھیار لگا ئے اور آنحضرت صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم سے کہا کہ آپ طواف کیجئے اور خود تلواریں لگا ئے ہوئے مطاف میں مو جود رہے جب حضرت طواف سے فارغ ہوئے تو اسی ہیئت میں آپ کے دولت خانہ تک آپ کے ساتھ آئے۔

اس سفر طائف کے مدتوں بعد ایک روز عائشہ صدیقہرَضِیَ اللّٰہُ تَعَالٰی عَنْہَانے عرض کیا: یا رسول اللّٰہ! صَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکیا آپ پر کوئی ایسا دن آیا ہے جو احد کے دن سے سخت ہو؟ فرمایا: بے شک میں نے تیری قوم سے دیکھا جو دیکھا اور جو میں نے ان سے دیکھاا س میں سب سے سخت عقبہ کا دن تھاجب کہ میں نے اپنے آپ کو عبد یالیل بن کلال پر پیش کیا، اس نے دعوت اسلام کو قبول نہ کیا،پس میں غم کی حالت میں گر دن جھکا ئے چلا، مجھے ہو ش نہ آیا مگر قرن الثعالب ^([290]) میں سراٹھایاتو کیا دیکھتاہوں کہ ایک بادل نے مجھے سایہ کیا ہوا ہے۔ میں نے نظر اٹھا ئی تو اس بادل میں حضرت جبرئیل عَلَیْہِ السَّلَام دکھائی دیئے۔ حضرت جبرئیل عَلَیْہِ السَّلَام نے مجھے آواز دی او ر کہا: بیشک اللّٰہ تعالٰی نے آپ کی قوم کا قول سن لیاہے اور انہوں نے جو آپ کو جواب دیا وہ بھی سن لیا ہے، آپ کی طرف پہاڑ وں کا فرشتہ بھیجا گیا ہے تاکہ آپ اسے حکم دیں جو کچھ آپ اپنی قوم میں چاہتے ہیں ۔حضور کا بیان ہے کہ پھر مجھے پہاڑوں کے فرشتہ نے آواز دی اور سلام کے بعد کہا: اے محمد!صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم بیشک اللّٰہ عَزَّوَجَلَّ نے آپ کی قوم کا قول سن لیا ہے۔میں پہاڑوں کا فرشتہ ہوں ، مجھ کو آپ کے رب نے آپ کی طرف بھیجا ہے تاکہ آپ مجھے جو چاہیں حکم دیں اگر آپ چاہتے ہیں کہ میں اَخْشَبَیْن ^([291]) کوان پر اُلٹ دوں ؟ (تواُلٹ دیتا ہوں ) آپ نے جواب دیا: ’’نہیں بلکہ میں امید کر تا ہوں کہ اللّٰہ تعالٰی ان کی پشتوں سے ایسے بندے پیدا کرے گا جو صرف اللّٰہ عَزَّوَجَلََّ کی عبادت کریں گے اور اس کے ساتھ کسی کو شریک نہ ٹھہرائیں گے۔‘‘ ^([292])

---

[1] …آپ رَحْمَۃُ اللّٰہِ تَعَالٰی عَلَیْہ کے ان مختصر حالات کے لیے،تذکرۂ اکابر اہل سنت (از عبدالحکیم شرف قادری رَحْمَۃُ اللّٰہِ تَعَالٰی عَلَیْہ)، روشن ستارے (نوریہ رضویہ پبلی کیشنر مرکز الاولیاء لاہور) اور سیرتِ رسولِ عربی کے ایک قدیم نسخہ سے استفادہ کیا گیا ہے۔علمیہ

[2] …زمینی خصلتوں کی بنا پر۔

[3] … مصیف:گرمیاں گزارنے کا مقام یعنی اہل مکہ گرمیوں میں طائف چلے جاتے ۔

[4] … ایک بیج جسے بھون کر کھاتے اور چائے کی طرح جوش دے کر پیتے ہیں ۔

[5] … یعنی کسی متنازعہ فیہ مسئلے کو خدا پر چھوڑتے ہوئے جھوٹے کے لیے بربادی کی دعا کرنا۔

[6] … خوارج خارجی کی جمع ہے یہ وہ لوگ ہیں  جو حضرت علی کَرَّمَ اللّٰہُ تَعَالٰی وَجْہَہُ الْکَرِیْم سے بغض رکھتے ہیں  خارجیوں  کے بارہ فرقے ہیں  جن میں  سے ایک اُباضیہ کہلاتا ہے بعض نے اِباضیہ بھی لکھا ہے اور اس کی بھی مزید چار شاخیں  بنتی ہیں ۔ عبداللّٰہ بن اُباض کے ساتھی اُباضی کہلاتے ہیں  بعض کا کہنا ہے کہ اُباض ایک گاؤں  کا نام ہے یہ لوگ اسی کی طرف منسوب ہیں ۔ وَاللّٰہُ تَعَالٰی اَعْلَمْ۔(مَذاہب اسلام،ص۶۳۷)۔علمیہ

[7] … یعنی سمندر میں موتی پائے جانے کی مخصوص جگہیں  ۔

[8] … صحیح البخاری،کتاب الاستسقائ،باب ما قیل فی الزلازل و الآیات،الحدیث:۱۰۳۷،ج۱، ص۳۵۴ علمیہ۔

[9] … ایک قسم کا بیج جسے بھون کر کھاتے اور چائے کی طرح جوش دے کر پیتے ہیں ۔

[10] … یعنی کیکرکے گوند۔

[11] … اقاقیا ایک دوا ہے۔

[12] … مُشک۔

[13] … ایک بُوٹی۔

[14] … مہندی۔

[15] … چیتے کی طرح کا ایک درندہ ۔   

[16] … جنگلی بِلا۔

[17] … ایک درندہ۔

[18] … یعنی سمندر میں موتی پائے جانے کی مخصوص جگہیں  ۔

[19] … ہلاک ہونے والی قوم۔ 

[20] … یعنی عرب میں  آ کرآباد ہونے والے غیر عربی۔

[21] … دوا کی جمع ہے۔

[22] … ایک خاص   قسم کے درخت کے پتے جن سے دوا حاصل کی جاتی ہے۔

[23] … ایک دوا۔ 

[24] … کتاب پیدائش، باب۳۷،آیہ۲۵۔

[25] … شام کے ساحلی شہر صور کے باشندوں ۔

[26] … حزقیل باب ۲۷ آیہ ۲۰تا۲۲۔

[27] … گزشتہ زمانوں ۔

[28] … Herodotus

[29] … تاریخ کامل ابن اثیر۔(الکامل فی التاریخ،ذکر غزو بختنصرالعرب، ج۱، ص۲۰۶-۲۰۷  علمیہ)

[30] … Antigonus

[31] … تَہس نَہس۔

[32] … بجلی کی کڑک، اَولوں  اور تند و تیز ہواوؤں ۔

[33] … لغت بائبل مصنفہ پادری جان برون مطبوعہ نیویارک ۱۸۳۳ء؁ تحت لفظِ عرب۔

[34] … تاریخ کامل ابن اثیر ذکر شافور ذُو الاکتاف۔ (الکامل فی التاریخ،ذکرملک ابنہ سابور ذی الاکتاف،ج۱، ص۳۰۱-۳۰۲علمیہ۔)

[35] … تنزل وزوال رومۃ الکبریٰ مصنفہ ایڈورڈگبن در چہار جلد،جلد اوّل ص۵۲۵۔

[36] … الکامل فی التاریخ،ذکرما جری لہ مع بلقیس،ج۱،ص۱۷۷-۱۷۸  علمیہ۔

[37] … تباہ کن سیلاب۔

[38] … کِسریٰ کی جمع، کِسریٰ یعنی ایران کے بادشاہ۔

[39] … یعنی مدد کیلئے کوشاں  رہنے والے عربی۔

[40] … قیصر کی جمع، قیصر یعنی روم کے بادشاہ۔

[41] … تباہ کن سیلاب۔

[42] … معجم البلدان یاقوت حموی،تحت سمرقند۔(معجم البلدان لیاقوت  حموی،باب السین والمیم ومایلیہما،تحت سمرقند،ج۵،ص۶۶۔علمیہ)

[43] … یہاں  سے سیرت ابن ہشام سے ماخوذ ہے۔

[44] … یَمَنی بادشاہوں  ۔

[45] … عمر اور عمرو لکھنے میں  یکساں  ہیں  اس     لیے امتیاز کے لیے عَمْرْو کے ساتھ واو اور عُمَر  بغیر واو کے لکھا جاتا ہے۔ علمیہ

[46] … بادشاہوں کے بیٹوں ۔

[47] … ظلم وزیادتی۔

[48] … پیشاب وپاخانہ۔

[49] … الکامل فی التاریخ،ذکر حوادث العرب ایام قباذ وغیرہ،ج۱، ص۳۲۱-۳۴۸  و السیرۃ النبویۃلابن ھشام،ذکر ماانتھی الیہ امر الفرس بالیمن،ص۱۲-۳۲ علمیہ۔

[50] … مصنف عبدالرزاق ( مُتَوَ فّٰی ۲۱۱ھ؁ ) بروایت حضرت جابر بن عبداللّٰہ انصاری رَضِیَ اللّٰہُ تَعَالٰی عَنْہُ۔(الجزء المفقود من الجزء الاول من المصنف لعبد الرزاق،کتاب الایمان ، باب فی تخلیق نور محمد صلی اللّٰہ تعالی علیہ وسلم،الحد یث:۱۸،ص۶۳ علمیہ)

[51] … ترمذی شریف ۔(سنن الترمذی،کتاب المناقب،باب ما جاء فی فضل النبیصلی اللّٰہ علیہ وسلم، الحدیث:۳۶۲۹، ج۵،  ص۳۵۱ علمیہ)

[52] … اس آیت کا ترجمہ یوں ہے اور جب لیا اللّٰہنے اقرار پیغمبروں  کا کہ البتہ جو کچھ میں  نے تم کو دیا کتاب و حکمت سے پھر آوے تمہارے پاس رسول سچا کرنے والا اس چیز کوکہ تمہارے ساتھ ہے البتہ تم ایمان لائو گے اس پراور البتہ مدد دوگے اس کو، کہا خدا نے کیا اقرار کیا تم نے اور لیا اس پر عہد میرا، کہا انہوں  نے اقرار کیا ہم نے، فرمایا خدا نے تم گواہ رہو اور میں  تمہارے ساتھ گواہوں  سے ہوں ۔ انتہیٰ( آل عمران، رکوع ۹)۔۱۲منہ (ترجمۂ کنزالایمان: اور یاد کرو جب اللّٰہنے پیغمبروں  سے ان کا عہد لیاجو میں  تم کو کتاب اور حکمت دوں  پھر تشریف لائے تمہارے پاس وہ رسول کہ تمہاری کتابوں  کی تصدیق فرمائے تو تم ضرور ضرور اس پر ایمان لانا اور ضرور ضرور اس کی مدد کرنا فرمایا کیوں  تم نے اقرار کیا اور اس پر میرا بھاری ذمہ لیا سب نے عرض کی ہم نے اقرار کیا فرمایاتو ایک دوسرے پر گواہ ہوجاؤ اور میں  آپ تمہارے ساتھ گواہوں  میں  ہوں ۔ پ۳،اٰل عمرٰن:۸۱ علمیہ)

[53] … قصیدۃ البردۃ مع شرح عصیدۃ الشہدۃ،شعر۵۲،۵۳،ص۹۸ علمیہ۔

[54] … میرے ماں  باپ آپ پر قربان۔

[55] … بلکہ لایا ہے حق کو اور سچا کیا ہے پیغمبروں  کو (صافات ،رکوع۲)۱۲منہ۔ (ترجمۂ کنزالایمان:بلکہ وہ تو حق لائے ہیں  اور انہوں  نے رسولوں  کی تصدیق فرمائی۔( پ۲۳،الصٰفّٰت:۳۷)علمیہ)

[56] … وفاء الوفاء فی فضائل المصطفیٰ لابن الجوزی۔(الوفا باحوال المصطفٰی صلی اللّٰہ علیہ وسلم لابن جوزی(مترجم)دوسراباب،سرور عالم صلی اللّٰہ علیہ وسلم کے وجود عنصری کا بیان، ص۴۹)

[57] … بطورِ امانت۔

[58] … بے انتہا۔

[59] … خصائص کبریٰ للسیوطی بحوالہ حاکم و طبرانی۔ (الخصائص الکبری للسیوطی، باب اختصاصہ صلی اللّٰہ علیہ وسلم بطہارۃ نسبہ۔۔۔الخ،ج۱،ص۶۶ علمیہ)

[60] … مجموعہ قصائد ص ۴۰۔

[61] … المستطرف ،باب الثانی والاربعون ،الفصل الاول فی المدح و الثناء ،ج۱،ص۳۹۱،۳۹۳ملتقطا علمیہ۔

[62] … السیرۃ النبویۃ لابن ہشام، ذکر سرد النسب۔۔۔الخ، ص۷ علمیہ۔

[63] … یعنی انہیں یہاں بیان کرنے کی گنجائش نہیں ۔

[64] … صحیح البخاری،کتاب المناقب، باب صفۃ النبی صلی اللّٰہ علیہ وسلم، الحدیث:۳۵۵۷،ج۲،ص۴۸۸علمیہ۔

[65] … صحیح مسلم،کتاب الفضائل،باب فضل نسب النبی۔۔۔الخ،الحدیث:۲۲۷۶،ص۱۲۴۹علمیہ۔

[66] … سنن ا لترمذی،کتاب المناقب، باب ماجاء فی فضل النبی، الحدیث:۳۶۲۷،ج۵،ص۳۵۰علمیہ۔

[67] … حیاۃ الحیوان الکبریٰ،خلافۃ ابی بکر الصدیق رضی اللّٰہ عنہ،ج۱،ص۷۵ علمیہ۔

[68] … قُصٰی کے حالات کے لئے دیکھو سیرت ابن ہشام اور سیرت حلبیہ۔۱۲منہ

[69] … وطن مانوس۔

[70]… السیرۃ الحلبیۃ، باب نسبہ الشریف،ج۱،ص۱۴۔۱۵ملخصاً والکامل فی التاریخ لابن اثیر، نسب رسول اللّٰہ۔۔۔الخ،ج۱،ص۵۵۶۔۵۵۷ملخصاً علمیہ۔

[71] … اہم ترین امور۔

[72] … رسمیں ۔

[73] … رفادت :حاجیوں کے کھانے پینے کا انتظام کرنا۔  سقایت :حاجیوں کو آب زمزم پلانا۔۱۲منہ

[74] … چمڑے کے۔

[75] … کنوؤں ۔

[76] … منصب کی جمع۔

[77] … السیرۃ الحلبیۃ، باب نسبہ الشریف،ج۱،ص۲۱،۲۲ملخصاً و الکامل فی التاریخ لابن اثیر، نسب رسول اللّٰہ۔۔۔الخ، ج۱،  ص۵۵۷ ملخصاً  علمیہ۔

[78] … السیرۃ النبویۃ لابن ہشام، امر البسل، اولاد قُصٰی وامہم، ص۴۶ علمیہ۔

[79] … السیرۃ الحلبیۃ، باب نسبہ الشریف،ج۱،ص۲۲۔۲۴ملخصاً والکامل فی التاریخ لابن اثیر، نسب رسول اللّٰہ۔۔۔الخ، ج۱،ص۵۵۷۔۵۵۸ملخصاً  علمیہ۔

[80] … کامل ابن اثیر و سیرت حلبیہ۔

[81] … ہلکے بدن والی۔

[82] … بکھرے یا الجھے ہوئے بالوں والے۔

[83] … بلند رتبہ۔

[84] … السیرۃ الحلبیۃ، باب نسبہ الشریف،ج۱،ص۱۰۔۱۲ملتقطاً علمیہ۔

[85] … بیرونی حکومتیں ۔

[86] … سلمیٰ ہاشم سے پہلے اُحَیْحَہ بن جلاح کے تحت میں تھی جس سے عَمْرْ وبن اُحَیْحَہ پیدا ہوا۔۱۲ منہ

[87] … یہ شہر مصر کی طرف اقصائے شام میں واقع ہے، مُطَّلِب نے رومان میں ،عبد شمس نے مکہ میں اور نوفل نے سلمات میں وفات پائی جو عراق سے مکہ کے راستے میں ایک قطعہ آب ہے۔۱۲منہ

[88] … السیرۃ الحلبیۃ، باب نسبہ الشریف،ج۱، ص۹۔۱۲ملتقطاً والکامل فی التاریخ لابن اثیر،نسب رسول اللّٰہ۔۔۔الخ، ج۱، ص۵۴۹و۵۵۳-۵۵۴ ملخصاً علمیہ۔

[89] … ان کے حالات کیلئے دیکھو سیرت ہشامیہ اور سیرت نبویہ للسیداحمد زینی المشہور بد حلان۔۱۲منہ

[90] … خدا کو ایک ماننے والا۔

[91] … جن کی دعائیں قبول ہوں ۔

[92] … السیرۃ الحلبیۃ، باب نسبہ الشریف،ج۱،ص۹،۱۰ملتقطاً و الکامل فی التاریخ لابن اثیر، نسب رسول اللّٰہ۔۔۔الخ، ج۱، ص۵۵۳ علمیہ۔

[93] … سونے کے دونوں ہرن۔

[94] … دونوں ہرن۔

[95] … کنوؤں

[96] … السیرۃ الحلبیۃ، باب تزویج عبد اللّٰہ۔۔۔الخ،ج۱،ص۴۸۔۵۲ ملتقطاً والسیرۃ النبویۃ لابن ہشام، ذکرحضر زم زم۔۔۔الخ، ص۶۱ ملخصاً  علمیہ۔

[97] … منت پوری کرنے کے لیے۔

[98] … السیرۃ الحلبیۃ، باب تزویج عبد اللّٰہ۔۔۔الخ،ج۱، ص۵۳۔۵۵ ملتقطاً  علمیہ۔

[99] … ذبح کے معاملے۔

[100] … استیعاب ابن عبدالبر۔۱۲منہ

[101] … السیرۃ الحلبیۃ، باب تزویج عبد اللّٰہ۔۔۔الخ،ج۱،ص۵۸۔۵۹ ملتقطاً والاستیعاب فی معرفۃ الاصحاب، محمد رسول اللّٰہ۔۔۔الخ، ج۱، ص۱۳۴  علمیہ۔

[102] … بقول واقدی حارث کی ماں کا نام صفیہ بنت جندب ہے اور ارویٰ حارث کی سگی بہن ہے۔۱۲منہ

[103] … السیرۃ النبویۃ لابن ہشام، اولاد عبدالمُطَّلِب بن ہاشم، ص۴۷  علمیہ۔

[104] … ہریالی۔

[105] … فتح اور خوشحالی کا سال۔

[106] … السیرۃ الحلبیۃ، باب ذکرحمل امہ بہ۔۔۔الخ،ج۱،ص۶۹۔۷۰ ملتقطاً  علمیہ۔

[107] … السیرۃ الحلبیۃ،باب وفاۃ والدہ۔۔۔الخ،ج۱،ص۷۴،۷۷ملتقطاً  علمیہ۔

[108] … دو پہاڑوں کے درمیان گھاٹی۔

[109] … السیرۃ النبویۃ لابن ہشام، امر الفیل وقصۃ النسأۃ، ص۲۲۔۲۶ملخصاً  علمیہ۔

[110] … یعنی صحیح وسلامت بنی ہوئی ناف۔

[111] … چمکتی ہوئی۔

[112] … صحیح البخاری،کتاب النکاح،باب وامہاتکم اللا تی ارضعنکم،الحدیث:۵۱۰۱،ج۳،ص۴۳۲ وشرح الزرقانی علی المواہب،ذکر رضاعہ وما معہ،ج۱،ص۲۶۰  علمیہ۔

[113] … یعنی انگوٹھے اور شہادت کی انگلی کے درمیان گڑھایا گوشت۔

[114] … صحیح بخاری، کتاب النکاح، باب وامھتکم اللا تی ارضعنکم، نیز زرقانی علی المواہب ( جز اَوَّل، ص ۳۸)۔

[115] … یع راقم الحروف۔

[116] … خلافِ عادت۔

[117] … چنانچہ ایسا ہی وقوع میں آیا، ان حکمرانوں کے نام یہ ہیں : نوشیْروَاں ، ہُرمُز بن نوشیْروَاں ، خُسْرَو پرویز بن ہُرمُز، شِیْرَوَیْہ بن خُسْرَو پرویز، اَزْدَ شیر بن شِیْرَوَیْہ، شَہْرَیار یا شَہْرَیراز،کِسْرٰی بن شِیْرَوَیْہ (بقول بعض بن پرویز)،ملکہ بُوران ہمشیرہ شِیْرَوَیْہ، فَیْرُوْز خفش، آرزمیدخت ہمشیرہ شِیْرَوَیْہ، خِرْزَاد خُسْرُوَانَہ اولاد  پر ویزبن ہُرْمُزْ، ابن مِہْرْ جِسْنِسْ ازنسل اَرْدْ شیر بن بَابَک ، فَیْرُوْز بن مِہْرَان جِسْنِسْ، یزد بن شَہْرَ یَار بن پرویز ۔۱۲منہ

[118] … دیہات۔

[119] … دیہات میں رہنے والوں میں ۔

[120] … دودھ پیتا۔

[121] … فطری عدل۔

[122] … مواہب وزرقانی۔(المواہب اللدنیۃ وشرح الزرقانی، ذکر رضاعہ وما معہ،ج۱،ص۲۶۶۔۲۷۴ملخصاً  علمیہ۔)

[123] … ابن سعد وابو نعیم وغیرہ۔

[124] … المواہب اللدنیۃ، ذکر رضاعہ وما معہ،ج۱،ص۲۷۸  علمیہ۔

[125] … المواہب اللدنیۃ وشرح الزرقانی، ذکر رضاعہ وما معہ،ج۱،ص۲۷۹۔۲۸۲ملخصاً  علمیہ۔

[126] … سینہ مبارک کا چاک ہونا۔

[127] … المواہب اللدنیۃ وشرح الزرقانی،ذکر رضاعہ وما معہ،ج۱،ص۲۸۸ملخصاً  علمیہ۔

[128] … المواہب اللدنیۃ وشرح الزرقانی،ذکروفاۃ امہ۔۔۔الخ،ج۱،ص۳۰۸۔۳۰۹ملخصاً  علمیہ۔

[129] … شرح الزرقانی علی المواہب،باب ذکر وفاۃ امہ۔۔۔الخ،ج۱،ص۳۰۹ علمیہ۔

[130] … شرح الزرقانی علی المواہب،باب ذکر وفاۃ امہ۔۔۔الخ،ج۱،ص۳۰۹ علمیہ۔

[131] … اچھی رائے دینے والا۔

[132] … حضرت ابراہیم عَلَیْہِ السَّلام کی آل۔

[133] … حضرت اسماعیل عَلَیْہِ السَّلام کی اولاد۔

[134] … بیواؤں ۔

[135] … تکلیف یا ضرر پہنچانے کی فکر میں رہنا۔

[136] … المواہب اللدنیۃ وشرح الزرقانی،ذکروفاۃ امہ۔۔۔الخ،ج۱،ص۳۵۵۔۳۵۸ملخصاً  علمیہ۔

[137] … ترمذی شریف۔ (سنن الترمذی،کتاب مناقب رسول، باب ما جاء فی بدء نبوۃ النبی صلی اللّٰہ علیہ وسلم،ج۵، ص۳۶۵، الحدیث:۳۶۴۰  علمیہ۔)

[138] … کیاراندہ قوم کتاتیرے قافلہ کو پناہ دے گا؟ دیکھو عقد الفرید لابن عبدربہ۔۱۲منہ

[139] … اور میں تیر اٹھا کر اپنے چچاؤں کو دے رہاتھا۔ ۱۲منہ

[140] … العقد الفرید، الفجار الآخر،ج۶،ص۱۰۳۔۱۰۶ملتقطاً  علمیہ۔

[141] … ظلماً چھینی ہوئی اشیاء۔

[142] … اے حلف ا    لفضول والو !

[143] … الروض الانف،حلف الفضول،ج۱،ص۲۴۳۔۲۴۴ملخصاً  علمیہ۔

[144] … ذمہ دار۔

[145] … دُگنا۔

[146] … السیرۃ الحلبیۃ،باب سفرہ الی الشام ثانیاً،ج۱،ص۱۹۳۔۱۹۶ملتقطاً  علمیہ۔

[147] … السیرۃ الحلبیۃ،باب تزویجہ خدیجۃ۔۔۔الخ،ج۱،ص۱۹۹۔۲۰۴ملخصاً  علمیہ۔

[148] … اعلام باعلام بیت اللّٰہ الحرام للعلامۃ قطب الدین الحنفی، ص۱۴۔

[149] … شرعی گز۲۴ اُنگل کاہوتا ہے۔۱۲منہ

[150] … تفصیل اعلام باعلام بیت اللّٰہ الحرام میں ہے۔۱۲منہ

[151] … تیز لہر۔

[152] … چھت والی۔

[153] … بڑی عمر کا۔

[154] … الکامل فی التاریخ،ذکرھدم قریش الکعبۃ وبنائھا،ج۱،ص۵۷۱-۵۷۳۔علمیہ

[155] … بلندی۔

[156] … چھت دار۔

[157] … بقول حضرت ابن عباس رَضِیَ اللّٰہُ تَعَالٰی عَنْہُمَا  حجر کو حطیم نہ کہنا چاہیے کیونکہ یہ نام ایام جاہلیت میں وضع ہوا ہے، جس کی وجہ یہ ہے کہ ایام جاہلیت میں وہاں باہم قسم کھایا کرتے تھے اور عقد حلف کی علامت یہ ہوا کرتی تھی کہ معاہدین اپنا جوتا یا چابک یا کمان حجر کی طرف پھینک دیا کرتے تھے، اس واسطے حجر کو حطیم کہا کرتے تھے۔( بخاری شریف)۔۱۲منہ …شارِح بخاری مفتی شریف الحق امجدی علیہ رحمۃاللّٰہ القوی نزہۃ القاری شرح بخاری میں اس کے بعد فرماتے ہیں :یہ ابن عباس (رَضِیَ اللّٰہُ تَعَالٰی عَنْہُمَا) کی اپنی پسند تھی ورنہ حطیم کو حطیم کہنا پوری امت میں زمانۂ رسالت سے معمول رہا ہے۔(نزہۃ القاری ج۴ ص۶۷۱)لہٰذا حطیم کو حطیم کہنے میں کوئی حرج نہیں ۔علمیہ

[158] … سیرتِ رسولِ عربی کے نسخوں میں یہاں ’’عَمْرْو بن لحمی‘‘ لکھا ہے یہ ہمیں نہیں ملا البتہ حدیث و سیرت کی کتب میں ’’ عَمْرْو بن لُحَیِّ‘‘ ہے لہٰذا کتابت کی غلطی پر محمول کرتے ہوئے ہم نے یہاں ’’ عَمْرْو بن لحمی ‘‘کے بجائے ’’ عَمْرْو بن لُحَیِّ ‘‘ لکھا ہے ۔ علمیہ

[159] … زمانہ جاہلیت میں کُفّار کا یہ دستور تھا کہ جو اونٹنی پانچ مرتبہ بچّے جنتی اور آخری مرتبہ اس کے نَر ہوتا اس کا کان چیر دیتے پھر نہ اس پر سواریکرتے نہ اس کو ذبح کرتے ، نہ پانی اور چارے پر سے ہنکاتے، اس کو بحیرہ کہتے۔ اور جب سفر پیش ہوتا یا کوئی بیمار ہوتا تو یہ نذر کرتے کہ اگر میں سفر سے بخیریت واپس آؤں یا تندرست ہو جاؤں تو میری اونٹنی سائبہ ہے اور اس سے بھی نفع اٹھانا بحیرہ کی طرح حرام جانتے اور اس کو آزاد چھوڑ دیتے۔ اور بکری جب سات مرتبہ بچّے جن چُکتی تو اگر ساتواں بچّہ نَر ہوتا توا س کو مرد کھاتے اور اگر مادّہ ہوتا تو بکریوں میں چھوڑ دیتے اور ایسے ہی اگر نَر مادّہ دونوں ہوتے تو کہتے کہ یہ اپنے بھائی سے مل گئی اس کو وصیلہ کہتے۔ اور جب نَر اُونٹ سے دس گیابھ حاصل ہو جاتے تو اس کو چھوڑ دیتے نہ اس پر سواری کرتے ، نہ اس سے کام لیتے ، نہ اس کو چارے پانی پر سے روکتے اس کو حامِی کہتے ۔ (مدارک)بخاری و مسلم کی حدیث میں ہے کہ بحیرہ وہ ہے جس کا دودھ بتوں کے لئے روکتے تھے کوئی اس جانور کا دودھ نہ دوہتا اور سائبہ وہ جس کو اپنے بتوں کے لئے چھوڑ دیتے تھے کوئی ان سے کام نہ لیتا ، یہ رسمیں زمانہ جاہلیّت سے ابتدائے عہدِ اسلام تک چلی آ رہی تھیں ۔ ( خزائن العرفان تحت پ۷،المائدہ:۱۰۳)

[160] … یہ خاکہ ابو المنذر ہشام کلبی (متوفی۲۰۴ھ؁) کی تصنیف کتاب الاصنام سے ماخوذ ہے جو مصر میں ۱۳۴۳؁ھ میں چھپ چکی ہے۔

[161] … نقش و نگار والی دو چادریں تھیں ۔

[162] … تیر دان۔

[163] … یعنی بارہ میل۔

[164] … سیرتِ رسولِ عربی کے نسخوں میں یہاں ’’ مشقل ‘‘ لکھا ہے یہ ہمیں نہیں ملا، البتہ کتاب الاصنام اور دیگر کتب میں ’’ مشلل ‘‘ہے لہٰذا کتابت کی غلطی پر محمول کرتے ہوئے ہم نے یہاں ’’ مشقل ‘‘ کے بجائے’’ مُشَلَّل ‘‘ لکھا ہے ۔ علمیہ

[165] … چوکور۔

[166] … مقام ، ٹھکانہ ۔

[167] … سیرتِ رسولِ عربی کے نسخوں میں یہاں ’’ ذوالکفلین ‘‘ لکھا ہے جو کہ کتابت کی غلطی معلوم ہوتی ہے کیونکہ ’’کتاب الاصنام‘‘ اور دیگر کتب میں ’’ ذوالکَفَّین ‘‘ہے لہٰذا ہم نے یہاں ’’کتاب الاصنام‘‘ کے مطابق ’’ ذوالکَفَّین ‘‘ لکھا ہے۔ و اللّٰہُ تعالی اَعلم۔ علمیہ

[168] … کندہ کیے ہوئے پتھر۔

[169] … سیرتِ رسولِ عربی کے نسخوں میں یہاں ’’غزہ ‘‘ لکھا ہے لیکن کتاب الاصنام اور دیگر کتب میں ’’ عنزہ ‘‘ہے لہٰذا کتابت کی غلطی پر محمول کرتے ہوے ہم نے یہاں کتاب الاصنام کے مطابق ’’ عنزہ ‘‘ لکھا ہے۔ علمیہ

[170] … ترجمۂکنز الایمان: اور اللّٰہ نے جو کھیتی اور مویشی پیدا کئے ان میں اسے ایک حصہ دار ٹھہرایا۔ (پ۸، الانعام:۱۳۶)

[171] … کعبہ شریف کے وسط میں ۔

[172] … ایک قیمتی سرخ پتھر۔

[173] … یہ دوبت تھے ،قبیلہ جرہم کے ایک مرد اِساف بن بغی نے جرہم ہی کی ایک عورت نائلہ بنت دیک سے خانہ کعبہ میں بدکاری کی ،اللّٰہ   عَزَّوَجَلَّنے ان دونوں کو پتھر کا بنا دیا ۔(السیرۃ النبویۃ لابن ہشام، قصۃ عمرو بن لحی۔۔۔الخ،ص۳۷)۔علمیہ

[174] … طبقات الامم لابن صاعد الاندلسی، مطبوعہ بیروت  ۱۹۱۲ء؁ ص ۴۳۔(المحرر الوجیزحج تحت الایۃ۱۸،ج۴،ص۱۱۳۔ علمیہ)

[175] … انواط ’’نوط‘‘ کی جمع ہے،نوط کہتے ہیں لٹکانے اور سپرد کرنے کو ،چونکہ عرب اپنی چادریں اور اسلحہ اس درخت پر لٹکا کر اس کے سپرد کر

           دیتے تھے اس لیے اسے انواط کہا جاتا تھا ۔بعضوں نے اس کو ذَاتِ اَنواط بھی لکھا ہے۔علمیہ

[176] … معجم البلدان یاقوت حموی، تحت انواط۔(معجم البلدان،باب الہمزۃ والنون وما یلیہما،الانواط،ج۱،ص۲۱۸ ۔علمیہ)

[177] … سیرت ابن ہشام۔ قصہ اصحاب الاخدود۔(السیرۃ النبویۃ لابن ہشام،ابتداء وقوع النصرانیۃ بنجران،ص۱۸ ۔علمیہ)

[178] … خوشی میں گیت۔

[179] … آدھی کھال اترا ہوا۔

[180] … Forphyrius

[181] … مذہب و اخلاق کی انسا ئیکلو پیڈ یا، تحت عرب قدیم۔

[182] … حیوۃ الحیوان للد میری (جز اول، ص ۱۶۹) بحوالہ بصائر القد ما، و سر ائر الحکما ء اللشیخ ابی حیان التوحیدی المتوفی ۳۸۰ھ؁۔

[183] … ٹھکانے۔

[184] … رہن رکھی گئی شے کو چھڑانا۔

[185] … حیاۃ الحیوان الکبری،باب الجیم،الجریث،ج۱،ص۲۸۰  علمیہ۔

[186] … دوبہنوں کو اکٹھا نکاح میں رکھنا۔

[187] … کشف الغمہ للقطب الشعرانی، جزء ثانی، ص ۵۶۔

[188] … قربت۔

[189] … بچے کی خاندانی شرافت طلب کرنے کی غرض سے۔

[190] … بچے کے اعضاء کو دیکھ کر فراست سے نسب بتادینے کے ماہر۔

[191] … کشف الغمۃ،کتاب النکاح،باب انکحۃ الکفار واقرارہم علیہاوفصل فیمن اسلم ۔۔۔الخ،الجزء الثانی،ص۸۴۔۸۵ملتقطاً۔

[192] … جوا۔

[193] … دل کی سختی۔

[194] … قتل۔

[195] … متغیر۔      

[196] … تحریف و تبدیل۔

[197] … بخیل۔

[198] … عیسائیوں کا یہ عقیدہ ہے کہ حضرت عیسیٰ عَلَیْہِ السَّلام نے مصلوب ہو کر ہمارے تمام گناہوں کا کفارہ ادا کردیا۔ مَعَاذَ اللّٰہعزوجل۔

[199] … شرح فقہ اکبر لعلی القاری۔

[200] … ہندوؤں میں اولاد کے حصول کی مخصوص رسم۔

[201] … تاریکی۔

[202] … مطالبہ کرنے والا

[203] … گندے اخلاق۔

[204] … ہدایت کرنے والا۔

[205] … سچے خوابوں ۔

[206] … یعنی مشاہدہ ذات و صفاتِ الہٰی میں مستغرق تھے۔

[207] … شارِح بخاری مفتی شریف الحق امجدی علیہرحمۃاللّٰہ القوی نزہۃ القاری شرح بخاری میں فرماتے ہیں :’’ما انا بقاریء ‘‘کا ترجمہ عام طور پر یہ کیا جاتا ہے کہ ’’میں پڑھا ہوا نہیں ‘‘(اگرچہ درست ہے) لیکن ہمارے مشائخ (رحمہم اللّٰہ )نے یہ ترجمہ کرایا ’’میں نہیں پڑھتا‘‘ کیونکہ یہ ترجمہ زیادہ انسب وارجح ہے اور یہ ترجمہ محاورہ ٔعرب کے مطابق بھی ہے کہ یہ ترکیب حال اور مستقبل کے لئے استعمال کرتے تھے جیسا کہ ابو سفیان نے تجدیدِ صلح کے لئے صدیق اکبر رَضِیَ اللّٰہُ تَعَالٰی عَنْہُ سے سفارش چاہی تو حضرت صدیق اکبررَضِیَ اللّٰہُ تَعَالٰی عَنْہُ نے فرمایا:مَا اَنَا بِفَاعِل(سیرۃ ابن ہشام)میں نہیں کروں گا۔ خود قران مجید میں برادران یوسف کا قول مذکور ہے:وَمَآ اَنْتَ بِمُؤْمِنٍ لَّنَا(یوسف:۱۷)آپ ہمارا یقین نہ کریں گے ۔(نزہۃ القاری ج۱ ص۲۴۷) ۔علمیہ

[208] … یعنی فرشتے نے مجھے گلے لگا کر خوب زور سے دبایا۔

[209] … علامہ علی قاری علیہ رحمۃ اللّٰہ الباری فرماتے ہیں  کہ پہلی بار جو ارشاد ہوا:’’ما انا بقاریء ‘‘وہاں ’’ما‘‘نافیہ ہے اور اب تیسری بار جو فرمایا:’’ما انا بقاریء ‘‘ اس میں ’’ما ‘‘  استفہامیہ ہے یعنی اب بتائو! میں کیا پڑھوں ؟ (مرقاۃ المفاتیح، ج۱۰،ص۱۰۵)

[210] … ترجمۂکنز الایمان: پڑھو اپنے رب کے نام سے جس نے پیدا کیا آدمی کو خون کی پھٹک سے بنایاپڑھو اور تمہارا رب ہی سب سے بڑا کریم جس نے قلم سے لکھنا سکھایاآدمی کو سکھایا جو نہ جانتا تھا (پ۳۰، العلق:۱۔۵)علمیہ

[211] … حضرت جبرئیل عَلَیْہِ السَّلَام کا لقب۔

[212] … تفصیل کے لئے صحیح بخاری، کتاب التفسیر دیکھو  ۔   … (صحیح البخاری،کتاب التفسیر،سورۃ اقرأ باسم ربک الذی خلق،

الحدیث: ۴۹۵۳،ج۳،ص۳۸۴ملخصاً  علمیہ)

[213] … ترجمۂکنز الایمان: اے بالا پوش اوڑھنے والے کھڑے ہوجاؤ پھر ڈر سناؤ اور اپنے رب ہی کی بڑائی بولو اور اپنے کپڑے پاک رکھو اوربتوں سے دور رہو۔(پ۲۹،المدّثّر:۱۔۵)علمیہ

[214] … ڈر سنانا یعنی ایمان نہ لانے پر عذاب الہٰی کا ڈر سنانا۔

[215] … اللّٰہ عَزَّوَجَلَّکی طرف بلانا۔

[216] … مرد اور عورتیں ۔

[217] … وہ دس صحابہ جن کے قطعی جنتی ہونے کی بشارت وخوشخبری رسولاللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے ان کی زندگی ہی میں سنا دی

تھی وہ عشرۂ مبشرہ کہلاتے ہیں یعنی حضرات خلفائے اربعہ راشدین، حضرت طلحہ بن عبید اللّٰہ،حضرت زبیر بن العوام،حضرت عبد الرحمن بن عوف،حضرت سعد بن ابی وقاص،حضرت سعید بن زید،حضرت ابوعبیدہ بن الجراح رَضِیَ اللّٰہُ تَعَالٰی عَنْہُمْ اَجْمَعِیْن۔( قال رسول اللّٰہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم: ’’ أبو بَکْر فی الجنۃ و عُمَر فی الجنۃ و عُثْمان فی الجنۃ و عَلِی فی الجنۃ و طَلْحَۃ فی الجنۃ و الزُبَیْر فی الجنۃ و عبد الرحمٰن بن عَوْف فی الجنۃ و سَعْد بن أبی وَقَّاص فی الجنۃ و سَعِید بن زید فی الجنۃ و أبو عُبَیْدۃ بن الجَرَّاح فی     الجنۃ ۔ ‘‘ سنن الترمذ ی،کتاب المناقب،الحدیث:۳۷۶۸،ج۵،ص۴۱۶)۔علمیہ

[218] … صحابہ میں سب سے پہلے ایمان لانے والوں میں شامل ہوئے۔

[219] … صحابیات میں سب سے پہلے ایمان لانے والیوں میں سے ہیں ۔

[220] … شِعاب جمع ہے شَعب کی، یعنی مکہ کی گھاٹیاں ۔

[221] … گھاٹی۔

[222] … ناکاروں ۔

[223] … السیرۃ الحلبیۃ،باب بدء الوحی لہ،ج۱،ص۳۷۲وباب استخفائہ صلی اللّٰہ علیہ وآلہ وسلم واصحابہ۔۔۔الخ، ص۴۰۲ و المواہب اللدنیۃ مع شرح الزرقانی،ذکر اول من آمن باللّٰہ ورسولہ، ج۱،ص۴۵۴والسیرۃ النبویۃلابن ھشام،ذکر من اسلم من الصحابۃ،ص۱۰۰۔علمیہ

[224] … ترجمۂکنز الایمان: تو علانیہ کہہ دوجس بات کا تمہیں حکم ہے اور مشرکوں سے منہ پھیر لو۔(پ۱۴،الحجر:۹۴)۔علمیہ

[225] … ترجمۂکنز الایمان: اور اے محبوب اپنے قریب تر رشتہ داروں کو ڈراؤ۔ (پ۱۹، الشعراء:۲۱۴)۔علمیہ

[226] … صحیح بخاری، کتاب التفسیر سورۂ شعرائ۔

[227] … خاندانوں ۔

[228] … تمہیں تہس نہس کرنا چاہتا ہے۔

[229] … صحیح البخاری،کتاب التفسیر،سورۃ الشعرائ،باب ولاتخزنی یوم یبعثون، الحدیث:۴۷۷۰،ج۱،ص۲۹۴ علمیہ۔

[230] … ترجمۂکنز الایمان: تباہ ہو جائیں ابو لہب کے دونوں ہاتھ اور وہ تباہ ہو ہی گیا اسے کچھ کام نہ آیااس کا مال اور نہ جو کمایا۔ (پ۳۰،اللھب:۱،۲) علمیہ۔

[231] … آمادہ۔

[232] … کینہ و دشمنی۔

[233] … ایسا کام جس کی طاقت نہ ہو۔

[234] … سیرت ابن ہشام۔

[235] … السیرۃ النبویۃ لابن ہشام،مباداۃ رسول اللّٰہ۔۔۔الخ،ص۱۰۳۔۱۰۴ملتقطاً۔

[236] … گیت۔   

[237] … قافیہ دار کلام۔شاعری۔

[238] … اندیشہ۔

[239] … مٹھاس۔

[240] …(خَ۔ے۔ش) یعنی قریبی رشتہ دار۔

[241] … ترجمۂکنز الایمان:  اسے مجھ پر چھوڑ جسے میں نے اکیلا پیدا کیا اور اسے وسیع مال دیا اور بیٹے دیئے سامنے حاضر رہتے اور میں نے اس کے لئے طرح طرح کی تیاریاں کیں پھر یہ طمع کرتاہے کہ میں اور زیادہ دوں ہر گز نہیں وہ تو میری آیتوں سے عناد رکھتا ہے۔ (پ۲۹،المدّثّر:۱۱۔۱۶) علمیہ 

[242] … السیرۃ النبویۃ لابن ہشام،تحیر الولید بن المغیرۃ۔۔۔الخ،ص۱۰۵ علمیہ

[243] … سیرت ابن ہشام۔

[244] … رشتہ داروں ۔

[245] … منتشر۔   

[246] … السیرۃ النبویۃ لابن ہشام،قول عتبۃ بن ربیعۃ۔۔۔الخ،ص۱۱۴ملخصاً ۔ علمیہ

[247] … دیوانہ۔

[248] … معدہ۔

[249] … جن کو اللّٰہعَزَّوَجَلَّنے محترم بنایا۔

[250] … صحیح بخاری، کتاب الجہاد، باب طرح جیف المشرکین فی البئر۔

[251] … صحیح البخاری،کتاب الجزیۃ والموادعۃ،باب طرح جیف المشرکین۔۔۔الخ، الحدیث:۳۱۸۵،ج۲، ص۳۷۲۔ علمیہ

[252] … قریب۔

[253] … سیرت ابن ہشام۔

[254] … السیرۃ النبویۃ لابن ہشام،ما دار بین رسول اللّٰہ۔۔۔الخ،ص۱۱۷ملتقطاً۔ علمیہ

[255] … صحیح بخاری ، مناقب ابوبکر۔

[256] … صحیح البخاری،کتاب فضائل اصحاب النبی،باب قول النبی۔۔۔الخ، الحدیث:۳۶۷۸،ج۲،ص۵۲۴۔ علمیہ

[257] … دوست و مددگار۔

[258] … ظلم و ستم کا نشانہ۔

[259] … مار پیٹ۔

[260] … حواس باختہ،جس کے حواس جاتے رہیں ۔

[261] … المواہب اللدنیۃ وشرح الزرقانی،الہجرۃ الاولی الی الحبشۃ،ج۱،ص۵۰۳… والطبقات الکبری،ذکرہجرۃ من ہاجر۔۔۔الخ،ج۱،ص۱۵۹۔ علمیہ

[262] … المواہب اللدنیۃ وشرح الزرقانی،اسلام الفاروق،ج۲،ص۳والہجرۃ الثانیۃ۔۔۔الخ،ج۲،ص۳۱ملخصاً ۔ علمیہ

[263] … مشکوٰۃ شریف بحوالہ شرح السنہ، باب المصافحۃ والمعانقۃ۔…(مشکاۃ المصابیح،کتاب الآداب،باب المصافحۃ والمعانقۃ،

الحدیث: ۴۶۸۶۔۴۶۸۷،ج۲،ص۱۷۰۔۱۷۱ملتقطاً۔ علمیہ)

[264] … تفصیل کے لئے دیکھو صحیح بخاری ،باب ہجرت مدینہ۔۱۲منہ…(صحیح البخاری،کتاب مناقب الانصار،باب ہجرۃ النبی و

اصحابہ الی المدینۃ، الحدیث:۳۹۰۵،ج۲، ص۵۹۱ملخصاً۔  علمیہ)

[265] … سفیر کی جمع۔

[266] … پادری۔

[267] … سیرت ابن ہشام۔

[268] … پاک دامن عورتوں ۔

[269] … رکاوٹ۔

[270] … اُسْقُف کی جمع،یعنی پادریوں کے سردار۔

[271] … السیرۃ النبویۃ لابن ہشام،ارسال قریش الی الحبشۃ۔۔۔الخ،ص۱۳۲۔۱۳۴ملخصاً ۔  علمیہ

[272] … مقصد حاصل کیے بغیر۔

[273] … خصائص کبریٰ للسیوطی بحوالہ بیہقی وابونعیم۔

[274] … شادی بیاہ۔

[275] … صحیح بخاری، باب نزول النبی صلی اللّٰہ تعالٰی علیہ وسلم مکہ۔

[276] … المواہب اللدنیۃ وشرح الزرقانی،دخول الشعب وخبر الصحیفۃ،ج۲،ص۱۲-۱۴۔ علمیہ

[277] … صحیح مسلم،کتاب الایمان،باب شفاعۃ النبی۔۔۔الخ،الحدیث:۲۰۹،ص۱۳۳۔ علمیہ

[278] … …صحیح مسلم،کتاب الایمان،باب شفاعۃ النبی۔۔۔الخ،الحدیث:۲۱۰،ص۱۳۳۔  علمیہ

[279] … الخصائص الکبری،باب ماوقع فی قصۃ الصحیفۃ من الآیات،ج۱، ص۲۴۹۔۲۵۰ ملخصاً وصحیح البخاری، کتاب

 الحج،باب نزول النبی مکۃ،الحدیث:۱۵۸۹،ج۱،ص۵۳۵ملتقطاً۔ علمیہ

[280] … الکامل فی التاریخ،ذکرامر الصحیفۃ،ج۱،ص۶۰۵۔ علمیہ

[281] … آمادہ۔

[282] … سیرت ابن ہشام۔…(السیرۃ النبویۃ لابن ہشام،وفاۃ ابی طالب وخدیجۃ،ص۱۶۵-۱۶۶ملتقطاً۔ علمیہ)

[283] … سیرتِ رسولِ عربی کے نسخوں میں یہاں ’’ مسعود حبیب ‘‘ لکھا ہے یقینایہ کتابت کی غلطی ہے جس کی وجہ سے درمیان میں ’’ و ‘‘ لکھنے

سے رہ گیا ،صحیح ’’ مسعود و حبیب ‘‘ہے، سیرۃ ابن ہشام میں لکھا ہے کہ یہ تینوں بھائی تھے ۔ و ہم إخوۃ ثلاثۃ : عبد یا  لیل بن عمرو، و مسعود بن عمرو، و حبیب بن عمرو بن عمیر بن عوف بن ثقیف ۔

[284] … سیرت ابن ہشام۔

[285] … دونوں طرف۔

[286] … السیرۃ النبویۃ لابن ہشام،سعی الرسول الی ثقیف یطلب النصرۃ،ص۱۶۶۔۱۶۷ملتقطاً۔  علمیہ

[287] … یہ مقام موصل سے چھ دن کا راستہ ہے اور موصل سے شام کو قافلہ کا راستہ ہے اس پر واقع ہے۔۱۲منہ

[288] … ترجمۂکنز الایمان: اور جب کہ ہم نے تمہاری طرف کتنے جن پھیرے۔(پ ۲۶،الاحقاف:۲۹) علمیہ

[289] … السیرۃ النبویۃ لابن ہشام،سعی الرسول الی ثقیف یطلب النصرۃ،ص۱۶۸۔ علمیہ

[290] … مکہ مکرمہ سے ایک دن اور رات کے فاصلے پر ایک مقام ۔

[291] … اَخْشَبَیْن  دو پہاڑ ہیں جن کے درمیان مکہ مشرفہ واقع ہے ان کے نام یہ ہیں : ابو قبیس اور قعیقعان۔۱۲منہ

[292] … صحیح بخاری و صحیح مسلم۔(صحیح البخاری،کتاب بدء الخلق،باب اذا قال احدکم۔۔۔الخ،الحدیث:۳۲۳۱،ج۲، ص۳۸۶و صحیح مسلم،کتاب الجہاد والسیر،مالقی النبی من اذی المشرکین والمنافقین، الحدیث:۱۷۹۵،ص۹۹۲۔ علمیہ)