گناہِ کبیرہ نمبر 23:                                  جھوٹی قسم کھانا

ناجائز  قسموں  کی مَذمَّت میں سات فرامین مصطفٰے :

(1)…حضورنبی کریمصَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشادفرمایا:کبیرہ گناہ یہ ہیں: (۱)اللہ عَزَّ  وَجَلَّ کے ساتھ شریک ٹھہرانا(۲)والدین کی نافرمانی کرنا(۳)(ناحق) کسی جان کو قتل کرنا اور(۴)جھوٹی قسم کھانا۔⁽[1]⁾

     اس حدیث پاک کو امام بخاری رَحْمَۃُ اللہِ تَعَالٰی عَلَیْہنے روایت کیا ہے۔

     یمین غموس اس قسم کو کہتے ہیں جس میں بندہ عَمْداً جھوٹ بولتا ہے ۔اس قسم کو غموس اس لئے  کہتے ہیں کہ اس طرح کی قسم کھانے والا شخص گناہ میں ڈوب جاتا ہے۔

(2)…ایک شخص نے کہا:خداکی قسم!اللہ عَزَّ  وَجَلَّفلاں شخص کی مغفرت نہیں فرمائےگاتو اللہ عَزَّ  وَجَلَّ نے ارشاد فرمایا: یہ کون ہے جو مجھ پرقسم کھا رہا ہے کہ میں فلاں کی مغفرت نہیں کروں گا۔ بے شک میں نے اُس کی مغفرت کردی  اور اِس کےعمل کو اکارت کردیا ہے۔⁽[2]⁾

(3)…تین لوگوں سے اللہ عَزَّ  وَجَلَّ قیامت کے دن کلام فرمائے گا نہ انہیں پاک کرے گا اور ان کے لئے  دردناک عذاب ہے:(۱)( تکبر سے) اپنا تہبند لٹکانے والا (۲)احسان جتانے والا اور (۳)جھوٹی قسم کھا کر سودا بیچنے والا۔⁽[3]⁾

 

غیرُ اللہ کی  قسم:

(4)… جس نےاللہ عَزَّ  وَجَلَّکےعلاوہ کسی کی قسم کھائی  بلاشبہ اس نے کفر کیا۔⁽[4]⁾

     ایک روایت میں ہے:نبیّ پاک صَلَّی اللہُ عَلَیْہِ وَسَلَّمنےفرمایا:بےشک اس نے شرک کیا⁽[5]⁾۔⁽[6]⁾اس حدیث کی سندامام مسلمرَحْمَۃُ اللہِ عَلَیْہ کی شرط کے مطابق ہے۔

(5)…جس نےاس لئےقسم کھائی کہ اس کےذریعےکسی مسلمان کامال حاصل کرلے وہاللہ عَزَّ  وَجَلَّسےاس حال میں ملےگاکہاللہ عَزَّ  وَجَلَّاس پرغَضَبْناک ہوگا۔عرض کی گئی:اگرچہ وہ معمولی چیزہو؟ارشادفرمایا:اگرچہ وہ  پِیْلوکی مسواک ہو ۔⁽[7]⁾

     عصرکےبعدجھوٹی قسم کھانےاوررسولُاللہصَلَّی اللہُ عَلَیْہِ وَسَلَّمکےمنبرشریف کےپاس جھوٹی قسم کھانےکاگناہ زیادہ سخت ہے۔یہ بات بطریق صحیح منقول ہے۔⁽[8]⁾

(6)… جس نے قسم کھائی ا ور اپنی قسم میں کہا :” لات اور عُزّٰی کی قسم ! “تو وہلَا

 اِلٰہَ اِلَّا اللہ کہہ لے⁽[9]⁾۔ ⁽[10]⁾یہ حدیْثِ پاک بخاری ومسلم دونوں میں ہے۔

     بعض نئے نئےاسلام قبول کرنے والے صحابَۂ کرام عَلَیْہِمُ الرِّضْوَان قسم کھاتے وقت سبقَتِ لسانی کی وجہ سے لات و عُزّٰی نامی بتوں کی قسم کھالیتے اور یاد آنے پر فوراً لَا اِلٰہَ اِلَّا اللہ پڑھ لیا کرتے تھے۔

(7)…کوئی بندہ اس منبَرِرسول  کے پاس جھوٹی قسم نہیں کھائے گا اگرچہ تر مسواک حاصل کرنے کے لئے  ہو مگر یہ کہ اس پر جہنم واجب ہوجائے گا۔⁽[11]⁾

     اس حدیْثِ پاک کو امام احمد رَحْمَۃُ اللہِ تَعَالٰی عَلَیْہ نے اپنی مُسند میں روایت کیا ہے۔

٭…٭…٭…٭…٭…٭

 

 

گناہِ کبیرہ نمبر 24:                                                                           جھوٹ بولنا⁽[12]⁾

جھوٹ کے متعلق تین فرامین باری تعالٰی :

(1)…اللہ عَزَّ  وَجَلَّ ارشاد فرماتا ہے:

اِنَّ اللّٰهَ لَا یَهْدِیْ مَنْ هُوَ مُسْرِفٌ كَذَّابٌ(۲۸) (پ۲۴،المؤمن:۲۸)

ترجمۂ کنزالایمان:بےشکاللہراہ نہیں دیتا اُسے جو حد سے بڑھنے والا بڑا جھوٹا ہو۔

(2)…                                                                        قُتِلَ الْخَرّٰصُوْنَۙ(۱۰) (پ۲۶،الذٰریٰت:۱۰)

                                                                                                                                                                                                ترجمۂ کنزالایمان:مارےجائیں دل سے تراشنے والے ۔

(3)…                                             ثُمَّ نَبْتَهِلْ فَنَجْعَلْ لَّعْنَتَ اللّٰهِ عَلَى الْكٰذِبِیْنَ(۶۱) (پ۳،اٰل عمرٰن:۶۱)

                                                                ترجمۂ کنز الایمان:پھر مباہلہ کریں تو جھوٹوں پراللہ  کی لعنت ڈالیں۔

جھوٹ کی مَذمَّت میں11 فرامین مصطفٰے :

(1)…بے شک جھوٹ فِسْق وفُجور کی طرف لے جاتا ہے اور بے شک فِسْق و فُجورجَہَنَّم تک لےجاتاہےاورایک شخص جھوٹ بولتارہتاہےحتّٰی کہ وہاللہ عَزَّ  وَجَلَّ کے نزدیک کَذَّاب(بہت بڑا جھوٹا) لکھ دیا جاتا ہے۔⁽[13]⁾

      یہ حدیث پاک بخاری ومسلم دونوں میں  ہے۔

 

منافق کی نشانیاں :

(2)…منافق⁽[14]⁾ کی تین نشانیاں ہیں:(۱)جب بات کرے تو جھوٹ بولے (۲) جب وعدہ کرے تو پورا نہ کرے اور (۳) جب اس کے پاس امانت رکھوائی جائے تو خِیانت کرے۔⁽[15]⁾

(3)…جس میں چارخصلتیں ہوں  وہ پکا منافق ہےاور جس میں ا ن میں سے ایک خصلت ہو اس میں نِفاق کی ایک خصلت ہے حتّٰی کہ وہ اسے چھوڑ دے :(۱) جب اس کے پاس امانت رکھوائی جائے تو خیانت کرے (۲) جب بات کرے تو جھوٹ بولے (۳)جب وعدہ کرےتوپورا نہ کرےاور(۴)جب جھگڑے توگالی دے۔⁽[16]⁾

     یہ حدیْثِ پاک بخاری ومسلم میں  ہے۔

جھوٹا خواب بیان کرنے پر وعید :

(4)…جس نے وہ خواب بیان کیا جو دیکھا نہیں تھا  تو اسے بروزِ قیامت اس بات کی تکلیف دی جائے گی کہ وہ جَوکے دو دانوں کے درمیان گِرہ لگائے اوروہ ہرگز ایسا نہ کرسکے گا۔ ⁽[17]⁾اس حدیْثِ پاک کو امام بخاریرَحْمَۃُ اللہِ عَلَیْہ نے روایت کیا ہے۔

 

(5)…بلاشبہ بدترین جھوٹ یہ ہے کہ آدمی اپنی آنکھوں کو وہ دکھلائے جو انہوں نے نہیں دیکھا۔⁽[18]⁾ا س حدیث کو بھی امام بخاری نے روایت کیا ہے ۔

                             حضرتِ سیِّدُنا سَمُرَہ بن جُنْدُبرَضِیَ اللہُ تَعَالٰی عَنْہسےرسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمکےخواب سلسلےمیں ایک طویل حدیْثِ پاک مروی ہےجس میں اُس مرد کا ذکر ہے  جسے آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے اس حالت میں دیکھا تھا کہ اس کی باچھوں کو گُدّی تک  اور گدی کو باچھوں تک چیرا جارہا تھا ۔(آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمکے استفسار پر بتایا گیا:)یہ وہ شخص تھاجواپنےگھرسےصُبْح نکلتاتو ایک ایسا جھوٹ بولتا  جو دنیا کے کناروں تک پہنچ جاتا⁽[19]⁾۔⁽[20]⁾

(6)…جھوٹ اور خیانت کے علاوہ  مومن کی طَبِیعَت میں ہر بات ہوسکتی ہے۔ ⁽[21]⁾

     یہ روایت دو ضعیف اَسناد کے ساتھ مروی ہے ۔

 

(7)…تَورِیہ ⁽[22]⁾کے سبب جھوٹ کی حاجت نہیں رہتی ۔⁽[23]⁾

(8)…آدمی کےگنہگارہونےکےلئے یہی کافی ہے کہ وہ ہر سنی سنائی بات کوبیان کردے ۔ ⁽[24]⁾اس حدیْثِ پاک کو امام مسلم رَحْمَۃُ اللہِ تَعَالٰی عَلَیْہنے روایت کیاہے۔

(9)…نہ دی ہوئی  چیز کا ظاہر کرنے والا دو جھوٹے کپڑے پہننے والے کی طرح ہے ۔⁽[25]^{) (}[26]⁾ اس حدیْثِ پاک کوامام مسلم رَحْمَۃُ اللہِ تَعَالٰی عَلَیْہنے روایت کیا ہے۔

سب سے بڑی جھوٹی بات:

(10)…تم بدگمانی سےبچوکیونکہ بلاشبہ یہ  سب سےبڑی جھوٹی بات ہے ⁽[27]⁾۔⁽[28]⁾

     یہ حدیْثِ پاک بخاری ومسلم دونوں میں  ہے۔

 

(11)…(بروزِقیامت)تین شخصوں سےاللہ عَزَّ  وَجَلَّکلام نہیں فرمائےگا۔ان میں ایک جھوٹابادشاہ بھی ہے۔⁽[29]⁾اس حدیث کوامام مسلمرَحْمَۃُ اللہِ عَلَیْہنےروایت کیا۔

٭…٭…٭…٭…٭…٭

گناہِ کبیرہ نمبر 25:                                     خودکشی کرنا

خود کشی کےمتعلق دو فرامین باری تعالٰی :

(1)…اللہ عَزَّ  وَجَلَّارشاد فرماتا ہے:

 وَ لَا تَقْتُلُوْۤا اَنْفُسَكُمْؕ-اِنَّ اللّٰهَ كَانَ بِكُمْ رَحِیْمًا(۲۹)وَ مَنْ یَّفْعَلْ ذٰلِكَ عُدْوَانًا وَّ ظُلْمًا فَسَوْفَ نُصْلِیْهِ نَارًاؕ-وَ كَانَ ذٰلِكَ عَلَى اللّٰهِ یَسِیْرًا(۳۰)اِنْ تَجْتَنِبُوْا كَبَآىٕرَ مَا تُنْهَوْنَ عَنْهُ نُكَفِّرْ عَنْكُمْ سَیِّاٰتِكُمْ وَ نُدْخِلْكُمْ مُّدْخَلًا كَرِیْمًا(۳۱) (پ۵،النساء:۲۹تا۳۱)

ترجمۂ کنز الایمان: اور اپنی جانیں قتل نہ کرو بےشکاللہتم پرمہربان ہےاورجوظلم و زیادتی سے ایسا کرے گا  تو عنقریب ہم اسے آگ میں داخل کریں گے اوریہاللہ کو آسان ہے اگر بچتے رہو کبیرہ گناہوں سے جن کی تمہیں ممانعت ہے تو تمہارے اور گناہ ہم بخش دیں گےاورتمہیں عزت کی جگہ داخل کریں گے۔

(2)…

وَ الَّذِیْنَ لَا یَدْعُوْنَ مَعَ اللّٰهِ اِلٰهًا اٰخَرَ وَ لَا یَقْتُلُوْنَ النَّفْسَ الَّتِیْ حَرَّمَ اللّٰهُ اِلَّا بِالْحَقِّ (پ۱۹،الفرقان:۶۸)

 ترجمۂ کنزالایمان:اوروہ جواللہکےساتھ کسی دوسرےمعبودکونہیں پوجتےاوراس جان کو  جس کیاللہنےحرمت رکھی ناحق نہیں مارتے۔

 

خود کشی کی مَذمَّت  میں چار فرامین مصطفٰے :

(1)…تم سے پہلے لوگوں میں ایک شخص تھا جو زخمی ہو گیا  اور وہ اس زخم سے گھبراگیا،اس نےچھری لےکراس سےاپنا ہاتھ کاٹ ڈالامگراس کاخون نہ تھماحتّٰی کہ اس نے دم توڑ دیا۔اللہ عَزَّ  وَجَلَّ نےارشادفرمایا :’’میرے بندے نے اپنی جان کے ساتھ مجھ پرجلدی کی ،میں نے اس پر جنت کو حرام کردیا ہے۔‘‘⁽[30]⁾

     یہ حدیث بخاری ومسلم دونوں میں ہے۔

(2)…جو خود کو کسی لوہے ( کے ہتھیار) سے قتل کرے  تو وہ اس کے ہاتھ میں ہوگا  وہ جَہَنَّم کی آگ میں اسے اپنے پیٹ میں گھونپتارہے گااور ہمیشہ جہنم میں رہے گا۔  جس نے زہر پی کر خود  کو مار ڈالا  تو اس کا زہر اس کے ہاتھ میں ہوگا ،وہ جہنم کی آگ میں اسے پیتا رہے گا اور ہمیشہ جَہَنَّم میں رہے گا۔جس نے اپنے آپ کو پہاڑ سے گرا کر ہلاک کرلیا ، وہ جہنم کی آگ میں( بلندی سے ) گرتا رہے گا اور وہ جہنم میں ہمیشہ رہے گا⁽[31]⁾۔⁽[32]⁾یہ حدیث بخاری ومسلم دونوں میں ہے۔

 

     صحیح حدیث میں ہے :

(3)… ایک شخص کو اس کے زخم نے سخت تکلیف میں مبتلا کررکھا تھا۔ اس نے موت کی طرف جلدی کی اور اپنی تلوار کی تیز دھار سے اپنے آپ کو قتل کرڈالا  تو نبی پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمنے فرمایا :’’یہ شخص جہنمی ہے۔‘‘⁽[33]⁾

(4)…مومن کو لعنت کرنا اس کو قتل کرنے کی طرح ہے  اور جو جس چیز کے ذریعے خُودکُشی کرے گا اللہ عَزَّ  وَجَلَّ بروزِ قیامت اسے اسی چیز کے ذریعہ عذاب دے گا۔ ⁽[34]⁾یہ حدیث صحیح ہے۔

٭…٭…٭…٭…٭…٭

گناہِ کبیرہ نمبر 26:     قرآن وسنت کےخلاف فیصلہ کرنا

بُرے  قاضی کے متعلق  تین فرامین باری تعالٰی :

(1)…اللہ عَزَّ  وَجَلَّ ارشاد فرماتا ہے:

وَ مَنْ لَّمْ یَحْكُمْ بِمَاۤ اَنْزَلَ اللّٰهُ فَاُولٰٓىٕكَ هُمُ الظّٰلِمُوْنَ(۴۵) (پ۶،المائدة:۴۵)

ترجمۂ کنزالایمان:اورجواللہ کےاتارے پر حکم نہ کرے وہی لوگ ظالم ہیں ۔

(2)…                                اَفَحُكْمَ الْجَاهِلِیَّةِ یَبْغُوْنَؕ- (پ۶،المائدة:۵۰)

 ترجمۂ کنز الایمان:تو کیا جاہلیت کا حکم چاہتے ہیں ؟

 

(3)…   اِنَّ الَّذِیْنَ یَكْتُمُوْنَ مَاۤ اَنْزَلْنَا مِنَ الْبَیِّنٰتِ وَ الْهُدٰى مِنْۢ بَعْدِ مَا بَیَّنّٰهُ لِلنَّاسِ فِی الْكِتٰبِۙ-اُولٰٓىٕكَ یَلْعَنُهُمُ اللّٰهُ وَ یَلْعَنُهُمُ اللّٰعِنُوْنَۙ(۱۵۹) (پ۲،البقرة:۱۵۹)

                                ترجمۂ کنزالایمان:بےشک وہ جوہماری اتاری  ہوئی روشن باتوں اور ہدایت کو چھپاتے ہیں بعد اس کے کہ لوگوں کے                                                      لیے ہم اس کتاب میں واضح فرماچکےاُن پراللہکی لعنت ہےاور لعنت کرنے والوں کی لعنت ۔

بُرے قاضی کے متعلق سات  فرامین مصطفٰے :

(1)…اللہ عَزَّ  وَجَلَّاُس حاکم کی نمازقبول نہیں فرماتاجواللہ عَزَّ  وَجَلَّکےاتارے ہوئے کےخلاف فیصلہ کرے۔⁽[35]⁾اسےامام حاکمرَحْمَۃُ اللہِ عَلَیْہنے”مستدرک“میں ایسی سند کے ساتھ روایت کیا ہے جس کی صحت سے میں متفق نہیں۔

تین طرح کے قاضی:

(2)…ایک قاضی جنتی اور دوجہنمی ہیں۔ جو قاضی حق کو پہچانے  اور اس کے مطابق فیصلہ کرے  تو وہ جنتی ہے اور جو قاضی حق کو پہچانے  پھر جان بوجھ کرظُلْم کرے  تو وہ جہنمی ہے اور جو قاضی بغیر علم کے فیصلہ کرے  تو وہ بھی جہنمی ہے۔⁽[36]⁾

      اس حدیْثِ پاک کوبھی امام حاکمرَحْمَۃُ اللہِ تَعَالٰی عَلَیْہنےصحیح قراردیاہےاور اسےصحیح قرار دینے کی ذمہ داری انہی پر ہے۔

 

     میں کہتا ہوں:جوشخص بغیرعلم اور قرآن وحدیث سے ہٹ کر فیصلہ کرے وہ بھی اس وعید میں داخل ہے۔

(3)… دو قاضی جہنمی اور ایک قاضی جنتی ہے۔(آگے وہی سابقہ حدیث ہےپھر) صحابَۂ کرام عَلَیْہِمُ الرِّضْوَان نے عرض کی:جاہل کا گناہ کیا ہے؟ ارشاد فرمایا : اس کا گناہ بغیر علم کے قاضی بننا ہے۔⁽[37]⁾

     اِس حدیث کی سَنَدقوی ہےاوراس سےزیادہ قوی حضرتِ سیِّدُنامَعقِل بن سِنان رَضِیَ اللہُ تَعَالٰی عَنْہسےمروی درج ذیل حدیث ہے:

(4)… جو شخص بھی اس امت کے کسی کام پر مقرر ہو پھر وہ ان میں انصاف سے کام نہ لے  تو اللہ عَزَّ  وَجَلَّ اسے اوندھا کرکے جہَنَّم میں ڈال دے گا۔⁽[38]⁾

(5)… جسے لوگوں کے درمیان فیصلہ کرنے پر مقرر کیا گیا   گویا اس کو بغیر چُھری کے ذَبح کیا گیا۔⁽[39]⁾

     اگر حاکم اِجتہاد کرے اور کسی بات کی صحت پر قائم دلیل کے مُوافِق فیصلہ کرے  اور اس نے یہ فیصلہ کسی فَقِیہ کے اجتہاد کے مطابق نہ کیا ہو پھر اس قول کا ضعیف ہونا اس پر ظاہر ہو  تب بھی وہ ثواب کا حقدار ہوگاکہ نبی پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمکا فرمان عالیشان ہے:

(6)…جب حاکم اجتہادکرےاوردُرُستی کوپہنچ جائے تواس کےلئےدواَجَرہیں  اور

اگراِجتہادکرےاوراس میں اسےخطا ہوجائے  تو اس کےلیےایک اَجَر ہے۔⁽[40]⁾

     یہ حدیث بخاری ومسلم دونوں میں ہے۔

     فیصلہ میں اجتہاد کرکے دُرُستی کوپہنچنے والے کے لئے  نبی پاکصَلَّی اللہُ تَعَالٰی عَلَیْہِ وَاٰلِہٖ وَسَلَّم نے دو اجر ملنے کو بیان فرمایا ہے اور اگر حاکم مُقَلِّد ہوکہ اپنے فیصلے  اپنے امام کی تقلید کرتے ہوئے کرے  تو وہ اس بشارت میں داخل نہیں۔

     قاضی کےلئے غصہ کی حالت میں فیصلہ کرنا حرام ہے بالخصوص جبکہ بات مُخالف سے ہواور  جب قاضی کم علم، بد نِیَّت ، بداَخلاق اورتقوٰی وپرہیزگاری کی کمی سےمُتَّصِف ہوتوسمجھ لیجئےاس کانقصان انتہاکوپہنچ گیاہےاورایسےشخص کاخودمعزول ہونے اور جہنم سے چھٹکارا پانے  میں جلدی کرنا لازم ہے۔

(7)…رشوت لینے اور دینے والے پر اللہ عَزَّ  وَجَلَّ کی لعنت ہے۔ ⁽[41]⁾

     اس حدیْثِ پاک کو امام تِرمِذی عَلَیْہِ رَحْمَۃُ اللہِ الْقَوِینےصحیح قرار دیا ہے۔

٭…٭…٭…٭…٭…٭

 

گناہِ کبیرہ نمبر 27:                                                                                      دَیُّوثی⁽[42]⁾

          اللہ عَزَّ  وَجَلَّقرآن پاک میں ارشاد فرماتا ہے :

وَّ الزَّانِیَةُ لَا یَنْكِحُهَاۤ اِلَّا زَانٍ اَوْ مُشْرِكٌۚ-وَ حُرِّمَ ذٰلِكَ عَلَى الْمُؤْمِنِیْنَ(۳) (پ۱۸،النور:۳)

 ترجمۂ کنزالایمان:اوربدکارعورت سے نکاح نہ کرے مگربدکارمردیامشرک اوریہ کام  ایمان والوں پر حرام ہے ۔⁽[43]⁾

      حضرتِ سیِّدُناابن عُمَررَضِیَ اللہُ تَعَالٰی عَنْہُمَاسے روایت ہےکہ رسولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشادفرمایا:تین شخص جنت میں داخل نہ ہوں گے:(۱)والدین کا نافرمان(۲)دَیُّوثاور(۳)مردانہ وَضْع بنانے والی عورت۔⁽[44]⁾

     اس حدیث کی سَنَدصحیح ہے۔بعض حضرات نےاس کی سند حضرتِ سیِّدُنا ابنِ عُمَررَضِیَ اللہُ عَنْہُمَاکےحوالےسےحضرتِ سیِّدُناعمررَضِیَ اللہُ عَنْہسےمرفوعاًبیان کی ہے۔

     جس شخص کو اپنی بیوی کے فَحاشی میں مبتلا ہونے کا (غالب)گمان ہوپھر بھی وہ اپنی مَحبت کی وجہ سے اس سے  غفلت برتے تو ایسا شخص اگرچہ گنہگار ہے لیکن اس کا گناہ اس شخص سے کم ہے  جو خود اپنی بیوی کو فحاشی کے لیے پیش کرتا ہو۔ جس میں غیرت نہیں  اس میں کچھ بھلائی نہیں۔

 

گناہِ کبیرہ نمبر 28:     مَردوں کا زنانی اور عورتوں کا مَردانی وَضْع اپنانا

          اللہ عَزَّ  وَجَلَّارشاد فرماتا ہے:

وَ الَّذِیْنَ یَجْتَنِبُوْنَ كَبٰٓىٕرَ الْاِثْمِ وَ الْفَوَاحِشَ (پ۲۵،الشوری:۳۷)

ترجمۂ کنز الایمان:اور وہ جو بڑے بڑے گناہوں اور بے حیائیوں سے بچتے ہیں ۔

لعنت کے مستحق مردوعورت:

(1)…حضرتِ سیِّدُناابنِ عباس رَضِیَ اللہُ تَعَالٰی عَنْہُمَاارشاد فرماتے ہیں کہ رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمنے زَنانی وضع بنانے والے مردوں  اور مردانی وضع اِختیار  کرنے  والی عورتوں پر لعنت فرمائی ہے۔⁽[45]⁾یہ حدیث صحیح ہے۔

(2)…رسولُ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّمنےفرمایا:اللہ عَزَّ  وَجَلَّنےمردانی وَضْع اِختیارکرنے والی عورتوں پر لعنت فرمائی ہے۔⁽[46]⁾اس حدیْثِ پاک کی سندحسن ہے۔

(3)…حضرتِ سیِّدُناابوہریرہ رَضِیَ اللہُ تَعَالٰی عَنْہ بیان  کرتے ہیں:رسولُ اللہ  صَلَّی اللہُ تَعَالٰی عَلَیْہِ وَاٰلِہٖ وَسَلَّم نے اس مرد پر جو عورتوں کا لباس پہنے اور اس عورت پر جو مردوں کا لباس پہنےلعنت فرمائی ہے ۔⁽[47]⁾اس حدیث پاک کی سند صحیح ہے اور اسے امام ابوداؤد رَحْمَۃُ اللہِ تَعَالٰی عَلَیْہنے روایت کیا ہے۔

دو قسم کے جہنمی :

     حُضور اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشادفرمایا:جہنمیوں کی دو قسمیں ایسی ہیں جنہیں میں نے نہیں دیکھا:(۱)وہ لوگ جن کے پاس گائے کی دُموں کی مِثْل کوڑے ہوں گے جن سے وہ لوگوں کو ماریں گے۔⁽[48]⁾(۲)وہ عورتیں جو لباس پہننے کے باوجودننگی  ہوں گی ⁽[49]⁾،دوسروں کی طرف مائل ہوں گی اور ان کو اپنی طرف مائل کریں گی۔⁽[50]⁾ان کے سر بُخْتِیاونٹ کے کوہان کی طرح ایک طرف جھکے ہوں گے ۔⁽[51]⁾وہ جنت میں نہیں جائیں گی اورنہ اس کی خوشبوسونگھیں گی

 

 حالانکہ اس  کی خوشبو اتنی اتنی مُسافت سےمحسوس کی جائے گی⁽[52]⁾۔ ⁽[53]⁾

     اس حدیث پاک کو امام مسلم رَحْمَۃُ اللہِ تَعَالٰی عَلَیْہ نے روایت کیا ہے۔

     مصطفٰے جانِ رحمت صَلَّی اللہُ تَعَالٰی عَلَیْہِ وَاٰلِہٖ وَسَلَّمکا ارشاد ہے:سنو! جب مردوں نے عورتوں کی اِطاعت کی تو وہ ہلاک ہوگئے۔⁽[54]⁾

عورت  پرلعنت کے اَسباب:

     بعض وہ اَفعال جن کے سبب عورت پر لعنت  بھیجی جاتی ہے وہ یہ ہیں: عورت کا اپنی زیب و زینت، سونے ، چاندی ، نیز موتی کے زیورات کو نِقاب کے نیچےسے ظاہر کرنا،مُشک وعنبروغیرہ کےعطریات لگانا،(نامحرموں کومائل کرنےکےلئے)رنگے ہوئے کپڑے اور ریشمی لباس پہننا  اور اسی طرح کی دیگر برائیوں کا ارتکاب  کرنا۔

 

٭…٭…٭…٭…٭…٭

 

 

گناہِ کبیرہ نمبر 29:                                                                          حلالہ کرنا

     حضرتِ سیِّدُناابنِ مسعودرَضِیَ اللہُ تَعَالٰی عَنْہسےمروی حدیْثِ صحیح میں ہے: رسولُاللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم نےحلالہ کرنے والے اور جس کے لئے  حلالہ کیا جائے  اُس پر لعنت فرمائی ہے⁽[55]⁾۔⁽[56]⁾اس حدیث کوامام نَسائی اور امام تِرمِذی

 

 عَلَیْہِمَا الرَّحْمَہنے عمدہ سَنَد کے ساتھ روایت کیا ہے۔

     حضرتِ سیِّدُنا علی المرتضٰیکَرَّمَ اللہُ تَعَالٰی وَجْہَہُ الْکَرِیْمسےبھی سابِقہ روایت کی مثل مروی ہےجسےامام ابوداؤد،امام تِرمِذی اور امام ابنِ ماجہ رَحْمَۃُ اللہِ تَعَالٰی عَلَیْہِمْ   نے روایت کیا ہے۔⁽[57]⁾

     اس قابلِ کراہت کام کو کرنے والا اگر کسی مُجتہد امام کا مُقلِّد ہو  اور وہ مذا ہب کے رُخصت دینے کی بنا پر اس پر عمل کرلے  اور اس کو مُمانَعت کی خبر نہ ہو تو ا مید کی جاسکتی ہے کہ اللہ عَزَّ  وَجَلَّ اس کو معذور رکھے گا اور اس سے دَرگُزر فرمائے گا۔

٭…٭…٭…٭…٭…٭

گناہِ کبیرہ نمبر 30:   مُردار ، خون اور سؤر کا گوشت کھانا

          اللہ عَزَّ  وَجَلَّارشاد فرماتا ہے:

 قُلْ لَّاۤ اَجِدُ فِیْ مَاۤ اُوْحِیَ اِلَیَّ مُحَرَّمًا عَلٰى طَاعِمٍ یَّطْعَمُهٗۤ اِلَّاۤ اَنْ یَّكُوْنَ مَیْتَةً اَوْ دَمًا مَّسْفُوْحًا اَوْ لَحْمَ خِنْزِیْرٍ فَاِنَّهٗ رِجْسٌ (پ۸،الانعام:۱۴۵)

 ترجمۂ کنز الایمان: تم فرماؤ میں نہیں پاتا اس میں جو میری طرف وحی ہوئی کسی کھانے والے پر کوئی کھانا حرام  مگر یہ کہ مُردار ہو یا رگوں کا بہتا خون یا بد جانور کا گوشت  وہ نجاست ہے ۔

     جوشخص بلا ضرورت شرعی جان بوجھ کر خنزیر کا گوشت کھائے وہ ضرور  مجرم ہے اور مجھے یہ گمان نہیں کہ کوئی مسلمان جان بوجھ کر خنزیر کا گوشت کھا سکتا ہے۔ بسا اوقات یہ فعل جنگلوں  اور پہاڑوں میں رہنے والے بے دین کرتے ہیں جو دیْنِ

اسلام سے خارج ہیں ۔ مسلمانوں کے دلوں میں یہ بات جاگزیں ہے کہ خنزیر کا گوشت کھانے کا گناہ، شراب پینے سے بھی بڑا ہے۔

     رسولِ اکرمصَلَّی اللہُ عَلَیْہِ وَسَلَّمسےبَطَریق صحیح منقول ہے:جوگوشت حرام سے نَشْوونَما پائے گا وہ جنت میں داخل نہیں ہوگا ،آگ اس کی زیادہ حقدار ہے۔ ⁽[58]⁾

     مسلمانوں کااس بات پراجماع ہےکہ نَرْد(چوسَر)کھیلناحرام ہے۔قائلیْنِ حُرمت کی یہ ایک دلیل تمہیں کافی ہےکہ رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا: جس نے نَرْد کھیلا تو گویا اس نے اپنا ہاتھ خنزیر کے گوشت  اورخون میں رنگ لیا۔ ⁽[59]⁾

     یقینًا مسلمان کا خنزیر کے گوشت اور خون میں ہاتھ آلودہ کرنا نَرْد کھیلنے سے کہیں بڑا گناہ ہے  تو خنزیر کا گوشت کھانے اس کا خون پینے کی حُرمت کے بارے میں  کیا خیال ہے؟ اللہ عَزَّ  وَجَلَّ اپنے فضل و کرم سے ہمیں اس سے بچائے رکھے۔

 

٭…٭…٭…٭…٭…٭

 

 

 

گناہِ کبیرہ نمبر 31:                              پیشاب سے نہ بچنا

     پیشاب سے نہ بچنا یہ عیسائیوں کی نشانی ہے۔

          اللہ عَزَّ  وَجَلَّقرآنِ پاک میں ارشاد فرماتا ہے:

وَ ثِیَابَكَ فَطَهِّرْﭪ(۴) (پ۲۹،المدثر:۴)                                                                                        ترجمۂ کنز الایمان:اور اپنے کپڑے پاک رکھو ۔

پیشاب سے نہ بچنے کےمتعلق دوفرامین مصطفٰے :

(1)…رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّم کا گزر دو قبروں کے پاس سے ہوا، توارشادفرمایا:اِنَّهُمَالَيُعَذَّبَانِ وَمَايُعَذَّبَانِ فِي كَبِيرٍ اَمَّااَحَدُهُمَافَكَانَ لَايَسْتَنْزِہُ  مِنْ بَوْ لِهِ وَاَمَّا الْاٰخَرُ فَكَانَ يَمْشِيْ بِالنَّمِيْمَةِ یعنی یہ دونوں عذاب دیئے جارہے ہیں  اور کسی بڑی چیز میں عذاب نہیں دیئے جارہے۔ ان میں سے ایک اپنے پیشاب سے نہیں بچا کرتا تھا اور دوسراچُغْلی کھاتا تھا۔⁽[60]⁾یہ حدیث بخاری ومسلم دونوں میں ہے۔

                             بخاری ومسلم  کی اکثر روایات  میں یہ الفاظ ہیں: ” فَکَانَ لَا یَسْتَتِرُ مِنْ بَوْلِہٖ

یعنی وہ پیشاب سے نہیں بچا کرتا تھا ۔“

(2)…پیشاب سے بچو، عام طور پر عذابِ قبر اس کے سبب ہوتا ہے۔ ⁽[61]⁾

     اس حدیْثِ پاک کو امام دار قُطنی عَلَیْہِ رَحْمَۃُ اللہِ الْقَوِینے روایت کیا ہے۔

     جوشخص اپنےبدن اورکپڑوں کوپیشاب سےنہیں بچاتا اس کی نمازقبول نہیں ہوتی۔

٭…٭…٭…٭…٭…٭

 

گناہِ کبیرہ نمبر 32:    ناجائزٹیکس وُصُول کرنا

     ناجائزٹیکس وُصول کرنے والا اللہ عَزَّ  وَجَلَّ کے اس فرمان کے تحت داخل ہے:

اِنَّمَا السَّبِیْلُ عَلَى الَّذِیْنَ یَظْلِمُوْنَ النَّاسَ وَ یَبْغُوْنَ فِی الْاَرْضِ بِغَیْرِ الْحَقِّؕ-اُولٰٓىٕكَ لَهُمْ عَذَابٌ اَلِیْمٌ(۴۲)(پ۲۵،الشوری:۴۲)

 ترجمۂ کنز الایمان:مواخذہ تو اُنھیں پر ہے  جو لوگوں پر ظلم کرتے ہیں اور زمین میں ناحق سرکشی پھیلاتےہیں اُن کےلئےدردناک عذاب ہے ۔

     رسولِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ایک زانیہ کے بارے میں جس نے اپنے آپ کو رَجْم کروا کر پاک کیا تھا، فرمایا:’’بے شک اس نے ایسی توبہ کی ہے کہ اگرناجائزٹیکس وصول کرنےوالابھی اس طرح کی توبہ کرلےتواس کی بھی مغفرت ہوجائے اور اس کی توبہ بھی قبول کرلی جائے۔⁽[62]⁾

     ناجائزٹیکس وصول کرنےوالےکےمتعلق ڈاکوہونےکاشبہ ہےلہٰذایہ چور سےبھی بدتر ہے۔ جوشخص لوگوں پر ظُلْم کرےاوران پرنت نئےٹیکس ظلماً لگائےتو وہ اس سے بڑھ کر ظالِم و  جابر ہے جو زیادہ ٹیکس نہ لیتا ہو  اور اپنی رعایا پر نرمی کرتا ہو۔

     ظلما ًٹیکس وصول  کرنےوالاسپاہی،اسےلکھنےوالامُنشی اورگھرمیں بیٹھااسے جمع کرنےوالا،یہ سب گناہ میں برابرکےشریک  اور حرام کھانے والے ہیں۔ہم اللہ عَزَّ  وَجَلَّسےاس کےفضل وکرم کےسبب دنیاوآخرت میں عافیت کاسوال کرتے ہیں ۔

 

گناہِ کبیرہ نمبر 33:                                                                                ریاکاری⁽[63]⁾

     ریا کاری کا تعلُّق نفاق سے ہے۔اللہ عَزَّ  وَجَلَّ منافقین کے بارےمیں فرماتا  ہے:

یُرَآءُوْنَ النَّاسَ وَ لَا یَذْكُرُوْنَ اللّٰهَ اِلَّا قَلِیْلًا٘ۙ(۱۴۲) (پ۵،النساء:۱۴۲)

ترجمۂ کنز الایمان:لوگوں کو دکھاوا کرتے ہیں  اور اللہ کو یاد نہیں کرتےمگر تھوڑا ۔

     اور فرماتا ہے:

كَالَّذِیْ یُنْفِقُ مَالَهٗ رِئَآءَ النَّاسِ   (پ۳،البقرة:۲۶۴)

ترجمۂ کنز الایمان:اس کی طرح جو اپنا مال لوگوں کے دکھاوے کے لیے خرچ کرے ۔

ریاکاری کے متعلق تین فرامین مصطفٰے:

(1)…بروزِ قیامت لوگوں میں سب سے پہلے فیصلہ ایک ایسےشخص کے بارے میں ہوگا جو شہید ہوا ہوگا اُسے  لایا جائے گا،اللہ عَزَّ  وَجَلَّ اسے اپنی نعمتیں یاد دلائے  گااور وہ ان نعمتوں کا اقرار کرے گا پھر اللہ عَزَّ  وَجَلَّ اس سے فرمائے گا :ان نعمتوں کے بدلے میں تو نے کیا عمل کیا ؟ وہ عرض کرے گا :میں نے تیری راہ میں جہاد کیا حتّٰی کہ مجھے شہید کردیا گیا۔ اللہ عَزَّ  وَجَلَّ ارشاد فرمائے گا: تو جھوٹا ہے تو نے جہاد اس لئے  کیا کہ تجھے بہادر کہا جائے  اور وہ کہہ لیا گیا۔ پھر اس کے بارے میں حکم دیا جائے گا  تو اسے چہرے کے بل گھسیٹ کر جہنم  میں ڈال دیا جائے گا اور دوسرا وہ شخص ہوگا

جس نے علم سیکھا اورسکھایا ہوگانیز قرآن پڑھا ہوگا اُسے  لایا جائے گا، اللہ عَزَّ  وَجَلَّ اسے اپنی نعمتیں یاد دلائے  گا۔وہ ان نعمتوں کا اقرار کرے گا پھر اللہ عَزَّ  وَجَلَّ اس سے فرمائے گا :ان نعمتوں کے بدلے میں تونے کیا عمل کیا ؟ وہ عرض کرے گا:میں نے علم سیکھااورسکھایااورتیری رضاکےلئےقرآن پڑھا۔اللہ عَزَّ  وَجَلَّارشادفرمائے گا: توجھوٹاہے بلکہ تونےعلم اس لئے سیکھاکہ تجھےعالِم کہاجائےاورتونےقرآن اس لئے  پڑھا کہ تجھے قاری کہا جائے اور وہ کہہ لیا گیا۔ پھر اس کے بارے میں حکم دیا جائے گا  تو اسے چہرے کے بل گھسیٹ کر جہنم میں ڈال دیا جائے گا۔تیسرا شخص وہ ہوگا جسے اللہ عَزَّ  وَجَلَّ نے  بہت وُسْعَت  اورکثیر  مال عطا فرمایا ہوگا اُسے لایا جائے گا، اللہ عَزَّ  وَجَلَّ اسے اپنی نعمتیں یاد دلائے  گااور وہ ان نعمتوں کا اقرار کرے گا پھر اللہ عَزَّ  وَجَلَّاس سےفرمائےگا:ان نعمتوں کےبدلےمیں تونےکیاکیا؟وہ عرض کرے گا:میں نے ایسا کوئی موقع نہیں چھوڑا  جس میں خرچ کرنا تجھے پسند ہواور میں نے تیری رضا کے لئے خرچ نہ کیا ہو۔ اللہ عَزَّ  وَجَلَّ فرمائے گا: توجھوٹا ہے اور تو نے یہ کام اس لئے  کیا تاکہ تجھے سخی کہا جائے اور وہ کہہ لیا گیا ، پھر اس کے بارے میں حکم دیا جائے گا تو اسےبھی  چہرے کے بل گھسیٹ کر جہنم میں ڈال دیا جائے گا۔⁽[64]⁾

     اس حدیْثِ پاک کو امام مسلم رَحْمَۃُ اللہِ تَعَالٰی عَلَیْہ نے روایت کیا ہے۔

     حضرتِ سیِّدُنا ابنِ عُمَر رَضِیَ اللہُ تَعَالٰی عَنْہُمَا کےمتعلق منقول ہے کہ کچھ  لوگوں نے آپ سے عرض کی: ہم حاکموں کے پاس جاتے ہیں اور ان کے سامنے ایسی

باتیں کرتے ہیں جو ان کے پاس سے واپس ہونے کے بعد کی جانے والی باتوں کے برخلاف ہوتی ہیں۔ یہ سُن کر حضرتِ سیِّدُنا ابنِ عمر رَضِیَ اللہُ تَعَالٰی عَنْہُمَا نے ارشاد فرمایا: زمانہ رسالت  میں ہم اسے نِفاق میں شمار کرتے تھے۔⁽[65]⁾

(2)… جو شہرت چاہے گا  اللہ عَزَّ  وَجَلَّ اس کو اس کا بدلہ دے گا  اور جو ریا کاری کرے گا اللہ عَزَّ  وَجَلَّاس کی ریا کاری کا اسے بدلہ دے گا۔ ⁽[66]⁾

     یہ حدیث بخاری ومسلم دونوں میں  ہے۔

(3)… تھوڑی سی  ریاکاری بھی شرک ہے۔ ⁽[67]⁾

     اس حدیث پاک کو امام حاکم رَحْمَۃُ اللہِ تَعَالٰی عَلَیْہنےصحیح قرار دیا ہے۔

 

٭…٭…٭…٭…٭…٭

 

 

گناہِ کبیرہ نمبر 34:                                                                        خِیانت کرنا([68])

خِیانت کے متعلق تین فرامین باری تعالٰی:

(1)…

یٰۤاَیُّهَا الَّذِیْنَ اٰمَنُوْا لَا تَخُوْنُوا اللّٰهَ وَ الرَّسُوْلَ وَ تَخُوْنُوْۤا اَمٰنٰتِكُمْ وَ اَنْتُمْ تَعْلَمُوْنَ(۲۷) (پ۹،الانفال:۲۷)

 ترجمۂ کنز الایمان:اے ایمان والو اللہو رسول سے دغا نہ کرو اور نہ اپنی امانتوں میں دانستہ خیانت۔

(2)…

وَ اَنَّ اللّٰهَ لَا یَهْدِیْ كَیْدَ الْخَآىٕنِیْنَ(۵۲) (پ۱۲،یوسف:۵۲)  ترجمۂ کنز الایمان:اور اللہ دغا بازوں کا مَکْر نہیں چلنے دیتا۔

(3)…

وَ اِمَّا تَخَافَنَّ مِنْ قَوْمٍ خِیَانَةً فَانْۢبِذْ اِلَیْهِمْ عَلٰى سَوَآءٍؕ-اِنَّ اللّٰهَ لَا یُحِبُّ الْخَآىٕنِیْنَ۠(۵۸) (پ۱۰،الانفال:۵۸)

 ترجمۂ کنزالایمان:اوراگرتم کسی قوم سےدغا کااندیشہ کرو توان کاعہدان کی طرف پھینک دوبرابری پربےشک دغا(عہدشکنی)والے اللہکوپسندنہیں۔

خِیانت کے متعلق دوفرامین مصطفٰے:

(1)… جس کو امانت کا پاس نہیں  اس کا کوئی ایمان نہیں  اور جسے عہد کا لحاظ نہیں

اس کا کوئی دین نہیں۔⁽[69]⁾

(2)…منافق کی تین نشانیاں ہیں:(۱)جب بات کرے تو جھوٹ بولے (۲)جب وعدہ کرےتوپورانہ کرےاور(۳)جب اس کےپاس امانت رکھوائی جائےتو خیانت کرے۔⁽[70]⁾

     خیانت جس شےکےبارےمیں بھی کی جائےبُری ہےاوربعض خیانتیں  بعض کے مقابلے میں زیادہ بُری ہوتی ہیں ۔ جوشخص روپے  پیسے کے مُعاملے میں خیانت کرے  وہ اس شخص کی طرح نہیں جو کسی کے اہل و عیال کے بارے میں خیانت اور کئی بڑے گناہوں کا اِرتِکاب کرے۔

 

٭…٭…٭…٭…٭…٭

گناہِ کبیرہ نمبر 35:       دنیا کےلئے علم سیکھنااورعلم چُھپانا

عِلم وعُلَماکی فضیلت:

          اللہ عَزَّ  وَجَلَّارشاد فرماتا ہے:

اِنَّمَا یَخْشَى اللّٰهَ مِنْ عِبَادِهِ الْعُلَمٰٓؤُاؕ- (پ۲۲،فاطر:۲۸)

ترجمۂ کنز الایمان:اللہ سے اس کے بندوں میں وہی ڈرتے ہیں جو علم والے ہیں ۔

 

 

عِلم چھپانے کے متعلق تین  فرامین باری تعالیٰ:

(1)…اِنَّ الَّذِیْنَ یَكْتُمُوْنَ مَاۤ اَنْزَلْنَا مِنَ الْبَیِّنٰتِ وَ الْهُدٰى مِنْۢ بَعْدِ مَا بَیَّنّٰهُ لِلنَّاسِ فِی الْكِتٰبِۙ-اُولٰٓىٕكَ یَلْعَنُهُمُ اللّٰهُ وَ یَلْعَنُهُمُ اللّٰعِنُوْنَۙ(۱۵۹) (پ۲،البقرة:۱۵۹)

ترجمۂ کنزالایمان:بےشک وہ جوہماری اتاری ہوئی روشن باتوں اور ہدایت کو چھپاتے ہیں بعداس کےکہ لوگوں کےلیےہم اسے کتاب میں واضح فرماچکےان پراللہ کی لعنت اور لعنت کرنے والوں کی لعنت۔

(2)… اِنَّ الَّذِیْنَ یَكْتُمُوْنَ مَاۤ اَنْزَلَ اللّٰهُ مِنَ الْكِتٰبِ (پ۲،البقرة:۱۷۴)

ترجمۂ کنز الایمان: وہ جو چھپاتے ہیں اللہ کی اُتاری کتاب۔

(3)…

وَ  اِذْ  اَخَذَ  اللّٰهُ  مِیْثَاقَ  الَّذِیْنَ  اُوْتُوا  الْكِتٰبَ  لَتُبَیِّنُنَّهٗ  لِلنَّاسِ   وَ  لَا  تَكْتُمُوْنَهٗ٘-فَنَبَذُوْهُ  وَرَآءَ  ظُهُوْرِهِمْ  (پ۴،اٰل عمرٰن:۱۸۷)

 ترجمۂ کنز الایمان:اور یاد کرو جب اللہ نے عہدلیا اُن سے جنہیں کتاب عطا ہوئی کہ تم ضرور اسے لوگوں سے بیان کردینا اورنہ چُھپانا  تو انہوں نے اسے اپنی پیٹھ کے پیچھے پھینک دیا۔

حصولِ علم کےمتعلق 9فرامین مصطفٰے:

(1)…مَنْ تَعَلَّمَ عِلْمًامِّمَّايُبْتَغٰى بِهٖ وَجْهُ اللَّهِ لَا يَتَعَلَّمُهٗ اِلَّا لِيُصِيْبَ بِهٖ عَرَضًا مِّنَ الدُّنْـيَالَمْ يَجِدْعَرْفَ الْجَنَّةِ يَوْمَ الْقِيَامَةیعنی جس شخص نےرضائےالٰہی کےلئے طلب

کیا جانے والا علم فقط دنیاوی سامان حاصل کرنے کے لئے سیکھا وہ بروزِ قیامت جنت کی خوشبو بھی نہ سونگھ پائے گا۔⁽[71]⁾

     حدیْثِ پاک میں مذکور لفظ ’’عَرْفَ‘‘ کا معنیٰ خوشبو ہے۔اس حدیْثِ پاک کو امام ابوداؤد رَحْمَۃُ اللہِ تَعَالٰی عَلَیْہ نے بَسَنَدِ صحیح روایت کیا ہے۔

     ماقبل حضرتِ سیِّدُنا ابوہُریرہ رَضِیَ اللہُ تَعَالٰی عَنْہ کی  روایت گزر چکی ہے  جس میں تین شخصوں کا ذکر تھا جنہیں جہنم کی طرف چہرے کے بل گھسیٹتے ہوئے لے جایا جائے گا، ان میں سے ایک سے کہا جائے گا :

(2)… تو نے علم اس لئے  سیکھا تھا کہ تجھے عالِم کہا جائے  اور وہ کہہ لیا گیا۔ ⁽[72]⁾

(3)…علم ا س لئےمت سیکھوکہ اس کےذریعےتم علماپرفخرجتاؤیاجاہلوں سے جھگڑواورنہ اس لئےعلم سیکھوکہ اس کےذریعےمجلسوں میں مقام ومرتبہ حاصل کرو اور جو اس نیت سے علم حاصل کرے گاتو اس کے لئے جہنم کی آگ ہے ۔ ⁽[73]⁾

     اس حدیْثِ پاک کوحضرتِ سیِّدُناابنِ وہبرَحْمَۃُ اللہِ تَعَالٰی عَلَیْہنےامام ابنِ جَریر عَلَیْہِ رَحْمَۃُ اللہِ الْقَدِیْر سے مرسلاً روایت کیا ہے۔

(4)…جس نےعلم اس لئےحاصل کیاتاکہ اس کےذریعےعلماپرفخرجتائےیاجاہلوں سےجھگڑاکرےیالوگوں کےدل اپنی طرف مائل کرےتواس کاٹھکاناجہنم ہے۔⁽[74]⁾

 

     ایک روایت میں یہ الفاظ ہیں :اللہ عَزَّ  وَجَلَّ اُسے جہنم میں داخل فرمائے گا۔ ⁽[75]⁾

     اس حدیْثِ پاک کوامام تِرمِذی رَحْمَۃُ اللہِ تَعَالٰی عَلَیْہنے روایت کیا ہےجس کی سَنَد میں اِسحاق بن یحییٰ بن طَلْحہ راوی وہمی ہے۔

آگ کی لگام:

(5)…جس سے علم کی کوئی بات پوچھی گئی پھر اس نے اسے چھپایا  تو بروزِ قیامت اسے آگ کی لگام ڈالی جائے گی ۔⁽[76]⁾

(6)… جو علم چھپائے گا اللہ عَزَّ  وَجَلَّ بروزِ قیامت اسے آگ کی لگام ڈالے گا۔⁽[77]⁾

           امام حاکمرَحْمَۃُ اللہِ تَعَالٰی عَلَیْہنےفرمایا: یہ حدیْثِ پاک امام بخاری وامام مسلم عَلَیْہِمَا الرَّحْمَہکی شرط پر ہے  اور اس میں کسی علت کے ہونے کا مجھے علم نہیں ہے۔

(7)…رسولِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے بارگاہ ربُّ العزت میں عرض کی:اے اللہ عَزَّ  وَجَلَّ!میں ایسےعلم سے تیری پناہ مانگتا ہوں  جو مفید نہ ہو⁽[78]⁾۔⁽[79]⁾

(8)…جس نے غَیْرُاللہ کے لئے  کوئی علم سیکھایاعلم سیکھنے سے غَیْرُاللہ کا ارادہ کیا

  تو اسے چاہئے کہ اپنا ٹھکاناجہنم میں بنالے۔⁽[80]⁾

     حضرتِ سیِّدُناعبداللہبن مسعودرَضِیَ اللہُ تَعَالٰی عَنْہفرماتےہیں:جوشخص علم سیکھے  پھر اس پر عمل نہ کرے  تو یہ علم مَحض اس کے تکبر کو بڑھائے گا۔

بُرےعالِم کا انجام:

(9)…قیامت کے دن بُرے عالِم کو  لایا جائے گا  پھر اسے جہَنَّم میں پھینک دیا جائے گا تو وہ اپنی آنتوں کے گرد اس طرح چکر لگاتا ہوگا  جس طرح گدھا چکی کے گردگھومتا ہے۔ اس سے دریافت کیا جائے گا: کس عمل کے سبب تمہیں یہ سزا ملی ہے ؟ہم نے تو تمہارے سبب ہدایت پائی ہے۔ وہ کہے گا: جن کاموں سے میں تم کو منع کیا کرتا تھا خود ان کاموں کو کیا کرتا تھا۔⁽[81]⁾

     حضرتِ سیِّدُناہِلال بن عَلاءرَحْمَۃُ اللہِ تَعَالٰی عَلَیْہفرماتےہیں:علم حاصل کرنا سخت کام ہےاوراسے یاد رکھنااس سے زیادہ سخت ہےاوراِس پر عمل کرنایاد رکھنےسے زیادہ سخت ہے اور( اس کی آفات  سے) سلامتی علم پرعمل کرنے سےبھی زیادہ سخت ہے۔

 

٭…٭…٭…٭…٭…٭

 

 

گناہِ کبیرہ نمبر 36:                                                                          احسان جتانا

     اللہ عَزَّ  وَجَلَّارشاد فرماتا ہے:

یٰۤاَیُّهَا الَّذِیْنَ اٰمَنُوْا لَا تُبْطِلُوْا صَدَقٰتِكُمْ بِالْمَنِّ وَ الْاَذٰىۙ- (پ۳،البقرة:۲۶۴)

ترجمۂ کنزالایمان:اےایمان والواپنے صدقے باطل نہ کردو احسان رکھ کر اور ایذا دے کر ۔

احسان جتانے کی مَذمَّت میں دو فرامین مصطفٰے:

     حدیْثِ صحیح میں ہے :

(1)…تین اشخاص  سے اللہ عَزَّ  وَجَلَّ بروزِ قیامت کلام نہیں فرمائے گا نہ ان کی طرف نظَرِ رحمت کرے گا اور نہ انہیں پاک فرمائے گا ا ور ان کے لئے  دردناک عذاب ہوگا:(۱)(تکبر سے)اپنا تہبندلٹکانے والا(۲)احسان جتلانے والااور(۳) جھوٹی قسم کھا کر سودا بیچنے والا ۔⁽[82]⁾

(2)…تین لوگوں کےاللہ عَزَّ  وَجَلَّفرض قبول فرمائےگانہ نفل:(۱)…والدین کا نافرمان (۲)…احسان جتانےوالااور(۳)…تقدیرکوجھٹلانےوالا۔⁽[83]⁾یہ حدیث حَسَن ہے۔

٭…٭…٭…٭…٭…٭

 

گناہِ کبیرہ نمبر 37:                                   تقدیر کو جھٹلانا

تقدیر کے متعلق چھ فرامین باری تعالٰی :

(1)…اِنَّا كُلَّ شَیْءٍ خَلَقْنٰهُ بِقَدَرٍ(۴۹) (پ۲۷،القمر:۴۹)

 ترجمۂ کنز الایمان:بیشک ہم نے ہر چیز ایک اندازہ  سے پیدا فرمائی۔

(2)… وَ اللّٰهُ خَلَقَكُمْ وَ مَا تَعْمَلُوْنَ(۹۶) (پ۲۳،الصٰفٰت:۹۶)

 ترجمۂ کنز الایمان: اور اللہ نےتمہیں پیدا کیا  اور تمہارے اعمال کو ۔

(3)… مَنْ یُّضْلِلِ اللّٰهُ فَلَا هَادِیَ لَهٗؕ- (پ۹،الاعراف:۱۸۶)

ترجمۂ کنز الایمان:جسےاللہگمراہ کرے  اسے کوئی راہ دکھانے والا نہیں۔

(4)… وَ اَضَلَّهُ اللّٰهُ عَلٰى عِلْمٍ (پ۲۵،الجاثية:۲۳)

 ترجمۂ کنز الایمان:اور اللہ نے اُسے باوصف علم کے گمراہ کیا ۔

(5)… وَ مَا تَشَآءُوْنَ اِلَّاۤ اَنْ یَّشَآءَ اللّٰهُؕ- (پ۲۹،الدھر:۳۰)

 ترجمۂ کنز الایمان:اورتم کیاچاہومگریہ کہ اللہ چاہے ۔

 

(6)… فَاَلْهَمَهَا فُجُوْرَهَا وَ تَقْوٰىهَاﭪ(۸) (پ۳۰،الشمس:۸)

 ترجمۂ کنز الایمان:پھراس کی بدکاری اور اس کی پرہیز گاری دل میں ڈالی ۔

تقدیر کے بارے میں15 فرامین مصطفٰے :

     حدیْثِ جبریل جو کہ حدیْثِ صحیح ہے اس میں ہے :

(1)…حضرتِ سیِّدُنا جبریل عَلَیْہِ السَّلَام نےبارگاہِ رسالت میں عرض کی:ایمان کیا ہے؟ارشادفرمایا: تُواللہ عَزَّ  وَجَلَّپر،اُس کےفرشتوں،اُس کی کتابوں اوراُس کے رسولوں ، مرنے کے بعد اٹھائے جانے اور اچھی  بُری تقدیر پر ایمان لائے۔⁽[84]⁾

چھ اشخاص پر خدا و رسول کی لعنت:

(2)…رسولُ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشادفرمایا:چھ شخصوں پرمیں نے اوراللہ عَزَّ  وَجَلَّ نے لعنت فرمائی ہےاور ہر نبی کی دعا قبول ہوتی ہے:(۱)…تقدیر کا منکر(۲)…اللہ عَزَّ  وَجَلَّکی کتاب  میں اضافہ کرنے والا (۳)…زبردستی مُسَلَّط ہونے والا (حاکم)(۴)…اللہ عَزَّ  وَجَلَّ کےحرام کو حلال ٹھہرانے والا(۵)…میری آل کےمتعلق وہ باتیں حلال سمجھنےوالاجنہیںاللہ عَزَّ  وَجَلَّنےحرام کیااور(۶)…میری سنت کو ترک کرنے والا ۔⁽[85]⁾اس حدیْثِ پاک کی سَنَد صحیح ہے۔

 

(3)…والدین کانافرمان،تقدیرکامنکراورشراب کاعادی جنت میں داخل نہ ہوگا۔⁽[86]⁾

     اس  حدیْثِ پاک کی سند میں سلیمان  بن عُتبہ نامی راوی کو ضعیف کہا گیا ہے  اور  ا س حدیث کو محدثین کی ایک جماعت نے روایت کیا ہے۔

اس اُمَّت کے مجوسی:

(4)…قَدَرِ یَّہ اس امت کے مجوسی ہیں،اگر وہ بیمار پڑ جائیں تو تم ان کی عیادت نہ کرو،اگرمرجائیں توان کےجنازےمیں شرکت نہ کرو⁽[87]⁾۔⁽[88]⁾

     اس حدیث کےراوی ثقہ ہیں لیکن یہ حدیث مُنْقَطِع ہے۔

(5)…عنقریب میری امت میں ایسے لوگ ہوں گے جو تقدیر کو جھٹلائیں گے۔⁽[89]⁾

      یہ حدیْثِ پاک امام مسلم رَحْمَۃُ اللہِ تَعَالٰی عَلَیْہکی شرط کے مطابق ہے۔

بدعتی کے سلام کا جواب نہ دیا:

     امام تِرمِذی عَلَیْہِ رَحْمَۃُ اللہِ الْقَوِینے بَطَریقِ صحیح نقل کیاکہ،

(6)…ایک شخص نے حضرت عبداللہ بن عمر رَضِیَ اللہُ تَعَالٰی عَنْہُمَا کے پاس آکر عرض کی:فلاں شخص نے آپ کو سلام کہا ہے۔ آپ رَضِیَ اللہُ تَعَالٰی عَنْہ نے فرمایا :

 

مجھے یہ بات پہنچی ہے کہ اس نے کوئی بُری بدعت ایجاد کی ہے ۔اگر واقعی اس نے بُری بدعت ایجاد کی ہے تو میرا  سلام اس سے نہ کہنا کیونکہ میں  نے رسولِ اکرم  صَلَّی اللہُ تَعَالٰی عَلَیْہِ وَاٰلِہٖ وَسَلَّم کو فرماتے ہوئے سنا:”اس اُمَّت میں بعض لوگوں کو دھنسا دیا جائے گا  اوربعض کی صورتوں کو بگاڑ دیا جائے گایا ان پر پتھر برسائے جائیں  گے،یہ لو گ تقدیر کے منکر ہوں گے۔“⁽[90]⁾

تقدیر  پر ایمان  لانا لازمی ہے :

(7)…بندہ اس وقت تک مومن نہیں ہوسکتا جب تک چارباتوں پرایمان نہ لائے:(۱)وہ گواہی دےکہ اللہ عَزَّ  وَجَلَّکےسواکوئی عبادت کےلائق نہیں (۲)میں (محمدمصطفٰےصَلَّی اللہُ تَعَالٰی عَلَیْہِ وَاٰلِہٖ وَسَلَّم)اللہعَزَّ وَجَلَّکارسول ہوں اور(۳)وہ مرنےکےبعد اُٹھائےجانےاور(۴)تقدیرپرایمان رکھتاہو۔⁽[91]⁾اس حدیْثِ پاک کوامام تِرمِذی رَحْمَۃُ اللہِ تَعَالٰی عَلَیْہنےروایت کیاہےاوراس کی سَنَدعمدہ ہے۔

(8)…اللہ عَزَّ  وَجَلَّ کی بنائی ہوئی تقدیر کو جھٹلانے والے لوگ اس امت کے مجوسی ہیں۔ اگر وہ بیمار ہوجائیں تو تم ان کی عیادت نہ کرنا  اور اگر مرجائیں  تو ان کی نماز جنازہ نہ پڑھنا  ا ور اگر تم ان سے ملو تو انہیں سلام نہ کرنا۔⁽[92]⁾ اس حدیْثِ پاک کو امام ابوبکر بن ابو عاصم رَحْمَۃُ اللہِ تَعَالٰی عَلَیْہنے اپنی مُسْنَد میں ذکر کیا ہے۔

     تقدیر کے بارےمیں دیگر احادیث بھی ہیں جنہیں امام ابنِ ابوعا صِم رَحْمَۃُ اللہِ

تَعَالٰی عَلَیْہنے روایت کیا ہےلیکن ان احادیث کی اسناد  میں کلام ہے۔

(9)…اللہ عَزَّ  وَجَلَّ نے کسی نبی کو بھی مبعوث نہیں فرمایا مگر یہ کہ اس کی امت میں قَدَرِیَّہ اورمُرجِیَّہ⁽[93]⁾تھے۔بےشک اللہ عَزَّ  وَجَلَّ نے70انبیائے کرام عَلَیْہِمُ السَّلَام کی زبان سے ان پر لعنت فرمائی ہے۔⁽[94]⁾

(10)…بروزِ قیامت اللہ عَزَّ  وَجَلَّ تین شخصوں سے کلام نہیں فرمائے گا اور نہ ان کی طرف نظَرِرحمت فرمائے گا  اور نہ انہیں پاک فرمائے گا:(۱)تقدیر کوجھٹلانے والا(۲)شراب کا عادی اور (۳)اپنی اولاد سے براء ت ظاہر کرنے والا ۔⁽[95]⁾

(11)…ہراُمت میں مجوسی ہیں اور اس امت کے مجوسی وہ لوگ ہیں جو گمان کرتے ہیں کہ تقدیر کچھ نہیں۔⁽[96]⁾

(12)…قَدَرِیَّہ اس امت کے مجوسی ہیں۔⁽[97]⁾اِن روایات کے راوی چونکہ ضعیف ہیں  اس لئے یہ روایات حجت نہیں ہیں۔

 

(13)…میری اُمت میں سے دو گروہ ایسے ہیں  جن کا اسلام میں کچھ حصّہ نہیں ہے:(۱)…قَدَرِیَّہ(۲)…مُرْجِیَّہ۔⁽[98]⁾

     امام ابنِ حِبان رَحْمَۃُ اللہِ تَعَالٰی عَلَیْہ نے اس حدیث کے راوی نِزار بن حَیَّان کے بارے میں کلام کیا ہے۔نِزار کے علاوہ دیگر حضرات نے بھی اس روایت کو بیان کیا لیکن اُن اَسناد  میں بھی ضعیف راوی ہیں ۔چنانچہ،

     حضرتِ سیِّدُنا محمد بن بِشْرعَبْدی عَلَیْہِ رَحْمَۃُ اللہِ الْقَوِینے سَلَّام بن ابو عَمْرَ ہ سے ، اس نےحضرتِ سیِّدُنا عِکرِمَہرَحْمَۃُ اللہِ تَعَالٰی عَلَیْہسے، انہوں نےحضرتِ سیِّدُنا ابنِ عباس رَضِیَ اللہُ تَعَالٰی عَنْہُمَا  سے مرفوعاً اس کی مثل روایت کی ہے۔⁽[99]⁾

(14)…تقدیر کے بارے میں کلام اس اُمت کے بدترین لوگوں کے لئے  مؤخر کیا گیا ہے۔⁽[100]⁾

(15)…ہر کاریگر اور اس کی کاریگری  کو اللہ عَزَّ  وَجَلَّ نے پیدا فرمایا ہے۔⁽[101]⁾

٭…٭…٭…٭…٭…٭

 

 

گناہِ کبیرہ نمبر 38:      لوگوں کی خفیہ باتیں سننا

     اللہ عَزَّ  وَجَلَّارشاد فرماتا ہے:

وَّ لَا تَجَسَّسُوْا (پ۲۶،الحجرات:۱۲)                                                                                                                      ترجمۂ کنز الایمان: اور عیب نہ ڈھونڈھو ۔

کانوں میں پگھلا ہوا سیسا:

     رسولِ اکرمصَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشادفرمایا:مَنِ اسْتَمَعَ اِلٰی حَدِيثِ قَوْمٍ وَّهُمْ لَهٗ كَارِهُوْنَ  اَوْ يَفِرُّوْنَ مِنْهُ  صُبَّ فِيْ اُذُنَـيْهِ الْاٰنُكُ يَوْمَ الْقِيَامَةِ  وَمَنْ صَوَّرَ صُورَةً  عُذِّبَ  وَكُلِّفَ اَنْ يَّنْفُخَ فِيْهَا  وَلَيْسَ بِنَافِخیعنی جس نے لوگوں کے ناپسندکرنے اور نہ چاہنے  کے باوُجود ان کی باتوں کی طرف کان لگائےبروزِ قیامت اس کے کانوں میں سیسہ اُنڈیلا جائے گا  اور جو تصویر بنائے اُسے عذاب دیاجائے گا اور اسے اس بات کی تکلیف دی جائے گی کہ وہ اس میں روح پھونکے اور وہ  روح نہ پھونک سکے گا۔⁽[102]⁾

 اس حدیْثِ پاک میں مذکورلفظ”اَلْاٰنُك“سےمرادپگھلاہواسیسہ ہے۔اس حدیْثِ پاک کو امام بخاری عَلَیْہِ رَحْمَۃُ اللہِ الْقَوِی نے روایت کیا ہے۔

 

٭…٭…٭…٭…٭…٭

 

 

 

گناہ کبیرہ نمبر 39:                                                                          لعنت بھیجنا

لعنت بھیجنےکے متعلق9فرامین مصطفٰے :

(1)…مومن کو لعنت کرنا اسے قتل کرنے کی طرح ہے ۔  ⁽[103]⁾

     یہ حدیْثِ پاک بخاری ومسلم دونوں میں  ہے۔

(2)…مسلمان کو گالی دینا فِسْق ہے اور اس سے جھگڑنا کفر ہے⁽[104]⁾۔⁽[105]⁾

(3)…لعنت کرنے والےبروزِقیامت نہ تو سِفارِش کرنےوالےہوں گےنہ گواہ⁽[106]⁾۔⁽[107]⁾اس حدیث کو امام مسلم رَحْمَۃُ اللہِ تَعَالٰی عَلَیْہ نے روایت کیا ہے۔

(4)…اللہ عَزَّ  وَجَلَّ کی لعنت کے ساتھ لعنت مت کرو  اور نہ کسی کو اللہ عَزَّ  وَجَلَّ

 کے غَضَب اور جہنم میں جانے کا کہو⁽[108]⁾۔⁽[109]⁾

     اس حدیْثِ پاک کو امام تِرمِذی عَلَیْہِ رَحْمَۃُ اللہِ الْقَوِی نے صحیح قرار دیا ہے۔

(5)…صدیق کے لئے یہ لائق نہیں کہ وہ لعن طعن کرنے والا ہو⁽[110]⁾۔⁽[111]⁾

مومن لعن طعن کرنے والا نہیں ہوتا:

(6)…مومن لعنت کرنےوالا،طعنہ دینےوالا،فحش گواوربےہودہ گفتگو کرنے والانہیں ہوتا۔⁽[112]⁾ اس حدیث کوامام تِرمِذیعَلَیْہِ رَحْمَۃُ اللہِ الْقَوِینےحَسَن قراردیا ہے۔

(7)…بے شک بندہ جب کسی چیز کو لعنت کرتا ہے  تو وہ لعنت آسمان کی طرف چڑھ جاتی ہے تو اس کے سامنے  آسمان کے دروازے بند کردیئے جاتے ہیں پھر وہ دائیں اور بائیں جانب کی راہ لیتی ہے اگر جگہ  نہیں پاتی تو جسے لعنت کی گئی  اگر وہ اس

کا اہل ہوتاہے تو اس کی طرف جاتی ہے  ورنہ دینے والے پر لوٹ آتی ہے۔⁽[113]⁾

     اس حدیث کو امام ابوداؤد رَحْمَۃُ اللہِ تَعَالٰی عَلَیْہ نے روایت کیا ہے۔

(8)…رسولُ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّم نےاس عورت پرناراضی کااظہارفرمایا  جس نے اپنی اونٹنی پر لعنت کی اور اس سے وہ اونٹنی الگ کردی گئی جیساکہ حضرتِ سیِّدُناعمران بن حُصَین اورحضرتِ سیِّدُنا ابوبَرْزَہرَضِیَ اللہُ تَعَالٰی عَنْہُمَاسےمروی ہے ۔ حضرتِ سیِّدُنا عمران بن حصین رَضِیَ اللہُ تَعَالٰی عَنْہ کی روایت میں ہے: ہم ایک سفر میں رسولُ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّمکےہمراہ تھےکہ ایک انصاری عورت اپنی اونٹنی پرسوارتھی ،اس نے اپنی اونٹنی کوجھڑکا اور اس پر لعنت بھیجی۔یہ سن کرآپصَلَّی اللہُ عَلَیْہِ وَسَلَّمنےارشادفرمایا:”اونٹنی پرجوسامان ہےاسےپکڑکراُتاردواوراونٹنی کو چھوڑ دو  کہ وہ لعنتی ہے۔ ‘‘حضرتِ سیِّدُنا عمران رَضِیَ اللہُ تَعَالٰی عَنْہ بیان کرتے ہیں: میں گویا اب بھی اس اونٹنی کو دیکھ رہا ہوں  کہ وہ لوگوں میں چلتی پھرتی ہے اور کوئی اس سے تعارُض نہیں کرتا۔  ⁽[114]⁾یہ حدیث امام مسلم رَحْمَۃُ اللہِ عَلَیْہ نے روایت کی ہے۔

سب سے بڑا سود:

(9)… بے شک سب سے بڑا سود بندے کا اپنے مسلمان بھائی کی عزت میں زبانِ طعن دراز کرنا ہے۔ ⁽[115]⁾

 

 گناہِ کبیرہ نمبر 40:  امیرکےساتھ عہدشکنی وغیرہ کرنا

ایفائے عہد کے متعلق تین فرامین باری تعالٰی :

(1)…اللہ عَزَّ  وَجَلَّارشاد فرماتا ہے:

وَ اَوْفُوْا بِالْعَهْدِۚ-اِنَّ الْعَهْدَ كَانَ مَسْـٴُـوْلًا (۳۴) (پ۱۵،بنی اسرائیل:۳۴)

 ترجمۂ کنز الایمان:اورعہدپوراکروبےشک عہد سے سوال ہونا ہے ۔

(2)…

یٰۤاَیُّهَا الَّذِیْنَ اٰمَنُوْۤا اَوْفُوْا بِالْعُقُوْدِ۬ؕ- (پ۶،المائدة:۱)

ترجمۂ کنز الایمان:اے ایمان والواپنے قول (عہد)پورے کرو۔

(3)…

وَ اَوْفُوْا بِعَهْدِ اللّٰهِ اِذَا عٰهَدْتُّمْ (پ۱۴،النحل:۹۱)

 ترجمۂ کنز الایمان:اور اللہ کا عہد پورا کرو  جب قول باندھو ۔

عہد و بد عہدی کے متعلق آٹھ فرامین مصطفٰے:

(1)…چارخَصلتیں جس میں ہوں گی وہ پکا منافق ہے:(۱)… بات کرے  تو جھوٹ بولے (۲)…امانت رکھوائی جائے  تو خِیانت کرے (۳)…جب عہد کرے تو دھوکا دہی سے کام لے  اور (۴)… جب جھگڑےتو گالی بَکے۔ ⁽[116]⁾

     یہ حدیْثِ پاک بخاری ومسلم دونوں میں  ہے۔

(2)…ہربدعہدکےلئے بروزِقیامت اس کی سُرین  کےپاس ایک جھنڈا ہوگا،کہا

جائےگاکہ یہ فلاں کی بدعہدی ہے۔سنو!عوام کاامیرسےبدعہدی کرنےسے بڑھ کرکوئی بدعہدی نہیں۔⁽[117]⁾اس حدیث کوامام مسلمرَحْمَۃُ اللہِ عَلَیْہنےروایت کیاہے۔

(3)…رسولِ پاکصَلَّی اللہُ تَعَالٰی عَلَیْہِ وَاٰلِہٖ وَسَلَّمنےفرمایا:اللہ عَزَّ  وَجَلَّارشادفرماتا ہے: بروزِقیامت تین لوگوں کی طرف سے میں مطالبہ کروں گا:(۱)… وہ شخص جسے میرے سبب عطا کیا گیا پھر اس نے بد عہدی  کی ۔(۲)… وہ شخص جس نے آزادشخص کو بیچ کر اس کی قیمت کھالی اور (۳)… وہ شخص جس نے کسی کو مزدور رکھا اور اس سے پورا پور اکام لیا مگر اُسے اجرت نہیں دی۔⁽[118]⁾

      اس حدیْثِ پاک کو امام بخاری عَلَیْہِ رَحْمَۃُ اللہِ الْقَوِینے روایت کیاہے۔

(4)…جس نے اپنا ہاتھ فرمانبرداری سےنکال لیاوہ قیامت کےروزاللہ عَزَّ  وَجَلَّ سےاس حال میں ملےگاکہ اس کےپاس کوئی دلیل نہ ہوگی اورجوشخص۱س حالت میں مراکہ اس کی گردن میں بیعت نہیں تھی،وہ جاہلیت کی موت مرا⁽[119]⁾۔⁽[120]⁾

     اس حدیْثِ کوامام مسلم رَحْمَۃُ اللہِ تَعَالٰی عَلَیْہ نے روایت کیا ہے ۔

(5)…جو اس بات کو محبوب رکھتا ہو کہ اسے آگ سے بچا کر جنت میں داخل

کردیاجائےتو چاہئے کہ اسے موت اس حالت میں آئے کہ وہ اللہ عَزَّ  وَجَلَّ اور قیامت کےدن پر ایمان رکھتا ہو اور لوگوں سے اس طرح پیش آئے جیسے اپنے لئے  چاہتا ہےاورجس نےکسی امیرسےبیعت کی پھراپنےہاتھ کاعمل اوردل کاپھل اسے دے دیا  تو اسے چاہئے کہ طاقت بھر اس کی فرمانبرداری کرے⁽[121]⁾ اور  اگر کوئی اس کے پاس آکر اس سے جھگڑے  تو یہ اس دوسرے کی گردن مار دے ۔ ⁽[122]⁾

     اس  حدیث کو امام مسلمرَحْمَۃُ اللہِ تَعَالٰی عَلَیْہ نے روایت کیا ہے۔

(6)…جس نے میری اطاعت کی بلاشبہ اس نے اللہ عَزَّ  وَجَلَّ کی اطاعت کی  اور جس نے میری نافرمانی کی بلاشبہ اس نے اللہ عَزَّ  وَجَلَّ کی نافرمانی کی  اور جس نے امیر کی اطاعت کی  بلاشبہ اس نے میری اطاعت کی اور جس نے امیر کی نافرمانی کی  بِلاشُبہ اس نے میری نافرمانی کی۔⁽[123]⁾یہ حدیْثِ پاک بخاری ومسلم دونوں میں ہے۔

حکمران کی ناگوار بات پر صبر کرو:

(7)…جسے اپنے حکمران  کی کوئی بات ناگوار گزرے تو اسے صبر کرنا چاہئے کہ بِلاشُبہ جو بالِشْت بھر حاکم کی اطاعت سے نکلا  وہ جاہلیت کی موت مرا۔⁽[124]^{)  (}[125]⁾یہ حدیْثِ

 

پاک بخاری ومسلم دونوں میں ہے۔

(8)…جو بالِشْت بھر جماعت سے باہر نکلا  توبلاشبہ اس نے اسلام کا پٹّا اپنی گردن سےاُتاردیا⁽[126]⁾۔⁽[127]⁾یہ حدیث مختلف صحیح اسناد سےمروی  ہے۔

     امام ذَہبی عَلَیْہِ رَحْمَۃُ اللہِ الْقَوِیفرماتے ہیں: اس سے بڑا گناہ کون سا ہوگا کہ تم ایک شخص کی بیعت کرکے اپنا ہاتھ اس کی فرمانبرداری سے نکال لو اور اپنے سابقہ عمل کو ختم کردو اور اپنی تلوار کے ساتھ اس سے جنگ کرو یا تم اسے رسوا کرو حتّٰی کہ اسے قتل کردیا جائے ؟

     رسول پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمنے فرمایا :” جو ہم پر ہتھیار اٹھائے  وہ ہم میں سے نہیں ہے۔“⁽[128]⁾یہ حدیْثِ پاک صحیح ہے۔

 

٭…٭…٭…٭…٭…٭

 

گناہِ کبیرہ نمبر 41:      کاھن⁽[129]⁾اورنُجومی کوسچا جاننا

     اللہ عَزَّ  وَجَلَّارشاد فرماتا ہے:

وَ لَا تَقْفُ مَا لَیْسَ لَكَ بِهٖ عِلْمٌؕ- (پ۱۵،بنی اسرائیل:۳۶)

 ترجمۂ کنز الایمان:اور اس بات کے پیچھے نہ پڑ  جس کا تجھے علم نہیں۔

    اور فرماتا ہے:

اِنَّ بَعْضَ الظَّنِّ اِثْمٌ (پ۲۶،الحجرات:۱۲)                   ترجمۂ کنز الایمان:بے شک کوئی گمان  گناہ ہوجاتا ہے ۔

     نیز فرماتا ہے:

عٰلِمُ الْغَیْبِ فَلَا یُظْهِرُ عَلٰى غَیْبِهٖۤ اَحَدًاۙ(۲۶) اِلَّا مَنِ ارْتَضٰى مِنْ رَّسُوْلٍ (پ۲۹،الجن:۲۷،۲۶)

 ترجمۂ کنز الایمان: غیب کا جاننے والا تو اپنے غیب پر کسی کو مُسَلَّط نہیں کرتا  سوائے اپنے پسندیدہ رسولوں کے۔

عِلمِ نجوم اور نجومی کے متعلق چار فرامین مصطفٰے:

(1)…جوشخص نُجومی یا کاہن کےپاس گیااوراس کی باتوں کوسچ جانا بلاشُبہ اس نے اس شےکےکاانکارکیاجومحمدصَلَّی اللہُ عَلَیْہِ وَسَلَّمپرنازل کی گئی ہے۔⁽[130]⁾اس حدیْثِ پاک

 کی سَنَدصحیح ہے ۔

(2)…بارش والی رات کی صبح رسول پاکصَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشادفرمایا: اللہ عَزَّ  وَجَلَّارشادفرماتاہے:میرےبندوں نےمومن اورکافر ہونے کی حالت میں صبح کی تو جس شخص نے یہ کہا : ہم پر اللہ عَزَّ  وَجَلَّ کے فضل کے سبب بارش ہوئی  تو وہ مجھ پر ایمان رکھنے والا ہے اور ستاروں(کی تاثیر) کا منکر ہے  اور جس نے یہ کہا کہ فلاں ستارے کی وجہ سے ہم پر بارش ہوئی وہ میرے ساتھ کفر کرنے والا ہے ⁽[131]⁾ اور ستاروں پر ایمان رکھنے والا ہے۔⁽[132]⁾یہ حدیث بخاری ومسلم دونوں میں ہے ۔

(3)…جو نُجومی کے پاس آیا  اور اس سے کسی شے کے بارے میں دریافت کیا  پھر اس کی تصدیق کی  تو ایسےشخص کی40 دن کی نماز قبول نہیں ہو گی⁽[133]⁾۔⁽[134]⁾ اِسے امام

مسلمرَحْمَۃُ اللہِ تَعَالٰی عَلَیْہنے روایت کیا ہے۔

(4)…جس نےعِلْمِ نُجوم کاایک حصہ سیکھا⁽[135]⁾تواس نےجادو کاایک حصہ سیکھاہے۔⁽[136]⁾

     اس حدیْثِ پاک کو امام ابوداؤد رَحْمَۃُ اللہِ تَعَالٰی عَلَیْہ نے بسندِصحیح روایت کیا ہے۔

 

٭…٭…٭…٭…٭…٭

گناہ کبیرہ نمبر 42:     شوہر کی نافرمانی کرنا

     اللہ عَزَّ  وَجَلَّ ارشاد فرماتا ہے :

وَ الّٰتِیْ تَخَافُوْنَ نُشُوْزَهُنَّ فَعِظُوْهُنَّ وَ اهْجُرُوْهُنَّ فِی الْمَضَاجِعِ وَ اضْرِبُوْهُنَّۚ- (پ۵،النساء:۳۴)

ترجمۂ کنز الایمان: اور جن عورتوں کی نافرمانی کا تمہیں اندیشہ ہو  تو انہیں سمجھاؤ  اور ان سے الگ سوؤاور انہیں مار و۔

شوہر کی نافرمانی کے متعلق آٹھ فرامین مصطفٰے:

(1)…جب کوئی مرد اپنی بیوی کو اپنے بستر پر بلائےمگر وہ نہ آئے  اور اس کا شوہر

اس سے ناراضی کی حالت میں رات گزارے  تو صبح تک فرشتے اس عورت پر لعنت کرتے رہتے ہیں۔ ⁽[137]⁾یہ حدیث بخاری ومسلم دونوں میں  ہےاور بخاری ومسلم کی ایک روایت میں یوں ہے:

(2)…جب عورت اپنے شوہر کے بستر سے علیحدہ رات گزارتی ہے (یعنی اُسے ناراض کرکے) تو فرشتے اس پر لعنت بھیجتے  ہیں۔⁽[138]⁾

     ایک روایت میں یہ الفاظ ہیں:

(3)…اس ذات کی قسم جس کے قبضہ قدرت میں میری جان ہے ! جو مرد اپنی عورت کو بستر پر بلائے  اور وہ آنے سے انکار کردے  تو اللہ عَزَّ  وَجَلَّاُس پر اس وقت تک غضبناک رہتا ہے جب تک اس کا شوہر اس سے ر ا ضی نہ ہوجائے۔⁽[139]⁾

نفلی روزے کے لئے شوہر کی اجازت:

(4)…جس عورت کا شوہر موجود ہو اس کے لئے شوہر کی اجازت کےبغیر(نفلی) روزہ رکھنا حلال نہیں اور نہ اس کی اجازت کے بغیر اس کے گھر میں کسی کو آنے کی اجازت دینا جائز ہے۔ ⁽[140]⁾اس حدیث کو امام بخاری رَحْمَۃُ اللہِ عَلَیْہ نے روایت کیا ہے۔

(5)…اگر میں اللہ عَزَّ  وَجَلَّ کے سوا کسی اور کے لئے  سجدہ کرنے کا حکم دیتا  تو عورت

کو حکم دیتا کہ وہ اپنے شوہر کو سجدہ کرے۔⁽[141]⁾

      اس حدیث کو امام تِرمِذی عَلَیْہِ رَحْمَۃُ اللہِ الْقَوِینے صحیح قرار دیا ہے۔

(6)…حضرتِ سیِّدُنا حُصَیْن بن مِحْصَنرَضِیَ اللہُ تَعَالٰی عَنْہکی پھوپھی جان نے بارگاہِ رسالت  میں اپنے شوہر کا ذکر کیا  تورسولِ مقبول صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:دیکھ لو تمہارا ان سے کیا  رویہ ہے وہ تمہاری جنت اور دوزخ ہے⁽[142]⁾

     اسے امام نَسائیعَلَیْہِ رَحْمَۃُ اللہِ الْقَوِی نے روایت کیا ہے۔

(7)… اللہ عَزَّ  وَجَلَّ اس عورت کی طرف نظَرِرحمت نہیں فرماتا جواپنے شوہر کا شکر ادا نہیں کرتی حالانکہ وہ اس سےمُسْتَغْنِی نہیں ہوسکتی۔ ⁽[143]⁾

     اس حدیث کی سَنَدصحیح ہے جسے  امام نَسائیعَلَیْہِ رَحْمَۃُ اللہِ الْقَوِی  نے روایت کیا ہے۔

(8)…جو عورت (بلا اجازت) اپنے شوہر کے گھر سے نکلے  اس پر فرشتے لعنت کرتے ہیں حتّٰی کہ گھر لوٹ آئے  یا توبہ کرلے۔⁽[144]⁾

     اس باب میں کئی احادیْثِ مُبارَکہ وارد ہیں۔

 

٭…٭…٭…٭…٭…٭

 

گناہِ کبیرہ نمبر 43:     رشتہ داروں سے تعلُّق توڑنا

          اللہ عَزَّ  وَجَلَّارشاد فرماتا ہے:

وَ  اتَّقُوا  اللّٰهَ  الَّذِیْ  تَسَآءَلُوْنَ  بِهٖ  وَ  الْاَرْحَامَؕ- (پ۴،النساء:۱)

 ترجمۂ کنز الایمان:اوراللہ سے ڈروجس کے نام پر مانگتے ہو اور رشتوں کالحاظ رکھو۔

     اور ارشاد فرماتاہے:

فَهَلْ عَسَیْتُمْ اِنْ تَوَلَّیْتُمْ اَنْ تُفْسِدُوْا فِی الْاَرْضِ وَ تُقَطِّعُوْۤا اَرْحَامَكُمْ(۲۲)اُولٰٓىٕكَ الَّذِیْنَ لَعَنَهُمُ اللّٰهُ فَاَصَمَّهُمْ وَ اَعْمٰۤى اَبْصَارَهُمْ(۲۳) (پ۲۶،محمد:۲۳،۲۲)

 ترجمۂ کنز الایمان:توکیاتمہارےیہ لچھن( انداز) نظرآتےہیں کہ ا گرتمہیں حکومت ملےتوزمین میں فساد پھیلاؤاور اپنے رشتے کاٹ دو  یہ ہیں وہ لوگ جن پراللہنےلعنت کی اوراُنھیں حق سےبہراکردیااوران کی آنکھیں پھوڑدیں۔

قطع رحمی کے متعلق آٹھ   فرامین مصطفٰے :

(1)…رشتے داروں سےتعلق توڑنےوالا جنت میں داخل نہیں ہوگا۔⁽[145]⁾

(2)…جو اللہ عَزَّ  وَجَلَّ اور قیامت کے دن پر ایمان رکھتا ہے  اسے چاہئے کہ صلہ رحمی کرے ۔ ⁽[146]⁾یہ حدیث بخاری ومسلم دونوں میں  ہے۔

(3)…بے شک اللہ عَزَّ  وَجَلَّ نے مخلوق کو پیدا فرمایا حتّٰی کہ جب مخلوق پیدا فرما چکا تو رحم  نے کھڑے ہوکرعرض کی : یہ تجھ سےقطع رحمی سے پناہ مانگنے کا مقام ہے۔

 

 ارشاد فرمایا: کیا تو اس پر راضی نہیں ہے کہ جو تجھے جوڑے  میں اسے ملاؤں اور جو تجھے کاٹے میں ا سے کاٹ دوں ؟ اس نے عرض کی:میں اس پر راضی ہوں۔⁽[147]⁾

     یہ حدیث بخاری ومسلم دونوں میں  ہے۔

فراخیٔ رزق اور عُمْر میں اضافے کا نسخہ:

(4)…جو  یہ چاہے کہ اس کے رز ق میں کشادگی اور عمر میں اضافہ کیا جائے تو اسے صلہ رحمی کرنی چاہئے۔⁽[148]⁾یہ حدیث بخاری ومسلم دونوں میں  ہے۔

(5)… رَحم عرش کے ساتھ مُعَلَّق ہے اور وہ کہتا ہے: جو مجھے ملائے گا اللہ عَزَّ  وَجَلَّ اسے ملائے گااورجو مجھے کاٹے گا اللہ عَزَّ  وَجَلَّ اسے کاٹ دے گا۔⁽[149]⁾

     ایک روایت میں یہ الفاظ ہیں:

(6)…اللہ عَزَّ  وَجَلَّفرماتا ہے : جو اسے جوڑے گا  میں اسے ملاؤں گا اور جو اسے کاٹے گا  میں اسے ہلاک کروں گا۔⁽[150]⁾

     اللہ عَزَّ  وَجَلَّارشاد فرماتاہے:

وَ الَّذِیْنَ یَنْقُضُوْنَ عَهْدَ اللّٰهِ مِنْۢ بَعْدِ مِیْثَاقِهٖ وَ یَقْطَعُوْنَ مَاۤ اَمَرَ اللّٰهُ

ترجمۂ کنز الایمان:اوروہ جواللہ کاعہداس کے پکے ہونے کے بعد توڑ تے  اور جس کے

بِهٖۤ اَنْ یُّوْصَلَ وَ یُفْسِدُوْنَ فِی الْاَرْضِۙ-اُولٰٓىٕكَ لَهُمُ اللَّعْنَةُ وَ لَهُمْ سُوْٓءُ الدَّارِ(۲۵) (پ۱۳،الرعد:۲۵)

جوڑنے کو اللہ نےفرمایا اسےقطع کرتےاور زمین میں فساد پھیلاتے ہیں  ان کا حصہ لعنت ہی ہے اور ان کا نصیبہ بُرا گھر۔

(7)…اللہ عَزَّ  وَجَلَّفرماتاہے:میں رحمٰن ہوں اوریہ رحم ہےتوجواسےملائےگا  میں اسے ملاؤں گا اور جو اسے کاٹے گا  میں اسے کاٹ دوں گا۔⁽[151]⁾

قاطع رَحم سے کون مراد ہے؟

     ہم کہتے ہیں:یہاں وہ شخص مراد ہے جوغنی ہونے کے باوُجود اپنے غریب رشتے داروں کے ساتھ قطع رحمی کرے اور یونہی یہاں وہ شخص بھی مراد ہے جو بے مُرَوَّتی، اپنی کوتاہی اور بے وقوفی کے سبب اپنے رشتہ داروں کے ساتھ قطع رحمی کرے۔

(8)…اپنے رشتے داروں کے ساتھ صلہ رحمی کرو اگر چہ سلام کرنے کے ساتھ ہی ہو ۔⁽[152]⁾

٭…٭…٭…٭…٭…٭

 

 

گناہِ کبیرہ نمبر 44: کپڑے یا دیوار وغیرہ میں تصویر بنانا

تصوریر بنانے کی مَذمَّت میں آٹھ  فرامین مصطفٰے :

(1)…جس نے کوئی تصویر بنائی  اسے یہ تکلیف دی جائے گی کہ وہ اس میں روح پھونکے اور وہ روح نہ پھونک سکے گا۔⁽[153]⁾

بروزِ قیامت سخت ترین عذاب:

(2)…بروزِ قیامت لوگوں میں سب سے سخت عذاب تصویر بنانے والوں کو ہوگا، ان سے کہا جائے گا: جو تم نے بنایا ہے اسے زندہ کرو۔ ⁽[154]⁾

     یہ حدیث بخاری ومسلم دونوں میں  ہے۔

(3)…اُمُّ المؤمنین حضرتِ سیِّدَتُناعائشہ صدیقہرَضِیَ اللہُ تَعَالٰی عَنْہَابیان کرتی ہیں: رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّم کسی سفر سے واپس تشریف لائے، میں نے اپنی  نشت گاہ(یا چبوترے) پر تصویروں والا باریک پردہ لٹکایا ہوا تھا۔رسولُ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّم  نے اسےپھاڑ ڈالا، آپ کے چہرے کا رنگ مُتَغَیر ہوگیا اورارشاد فرمایا :يَاعَائِشَةُ اَشَدُّ النَّاسِ عَذَابًا عِنْدَ اللهِ يَوْمَ الْقِيَامَةِ الَّذِيْنَ يُضَاهُوْنَ بِخَلْقِ اللهِیعنی اے عائشہ!بروزِ قیامت اللہ عَزَّ  وَجَلَّ کے نزدیک لوگوں میں سے سخت ترین عذاب ان کو ہوگاجو اللہ عَزَّ  وَجَلَّ کی تخلیق کی مُشابَہت کرتے ہیں۔ ⁽[155]⁾یہ حدیث بخاری ومسلم دونوں میں  ہے۔

 

        سُنَنْ میں عمدہ سَنَد کے ساتھ روایت ہے:

(4)…( بروزِ قیامت) آگ سے ایک  گردن نکلے گی  اورکہے گی: مجھے ہر اُس شخص پر جو اللہ عَزَّ  وَجَلَّ کے ساتھ دوسرے کو پوجے اور ہر سرکش ہٹ دھرم اور  تصویر بنانے والے پر مُسَلَّط کیا گیا ہے۔⁽[156]⁾اس حدیث کو امام تِرمِذِی نے صحیح قرار دیا ہے۔

(5)…جو لوگ(جاندار)کی تصویریں بناتےہیں قیامت کےدن انہیں سخت عذاب دیا جائے گا ،ان سے کہا جائے گا: جو تم نے بنایا ہے اسے زندہ کرو۔⁽[157]⁾

      یہ حدیْثِ پاک بخاری ومسلم دونوں میں  ہے۔

(6)…ہرتصویربنانےوالاآگ میں ہے،ا س کےلئےاپنی بنائی ہوئی ہر تصویر کے بدلے میں ایک جان بنائی جائے گی جو جَہَنَّم میں اُسے عذاب دے گی۔ ⁽[158]⁾

     یہ حدیث بخاری ومسلم دونوں میں  ہے۔

(7)…اللہ عَزَّ  وَجَلَّارشادفرماتاہے:اس شخص سےبڑاظالِم کون ہےجومیری تخلیق کردہ مخلوق کی طرح  مخلوق بنانا چاہتا ہے ؟پس وہ ایک دانہ، ایک جو اور  ایک ذرہ تو بنا کر دکھادے۔ ⁽[159]⁾یہ حدیث بخاری ومسلم دونوں میں  ہے۔

(8)…اللہ عَزَّ  وَجَلَّ نےتصویر بنانےوالےپرلعنت فرمائی ہے۔⁽[160]⁾یہ حدیث صحیح ہے۔

 

گناہِ کبیرہ نمبر 45:                                                                                   چُغلی ⁽[161]⁾

          اللہ عَزَّ  وَجَلَّارشاد فرماتا ہے:

وَ لَا تُطِعْ كُلَّ حَلَّافٍ مَّهِیْنٍۙ(۱۰)هَمَّازٍ مَّشَّآءٍۭ بِنَمِیْمٍۙ(۱۱)مَّنَّاعٍ لِّلْخَیْرِ مُعْتَدٍ اَثِیْمٍۙ(۱۲) (پ۲۹،القلم:۱۰تا ۱۲)

ترجمۂ کنز الایمان:اور ہر ایسے کی بات نہ سننا جو بڑا قسمیں کھانے والا ذلیل  بہت طعنے دینے والا بہت اِدھر کی اُدھر لگاتا پھر نے والابھلائی سے بڑا روکنے والا حد سے بڑھنے والا گنہگار۔

چغلی کے متعلق پانچ فرامین مصطفٰے :

(1)…چُغل خورجنت میں داخل نہ ہوگا۔ ⁽[162]⁾

     یہ حدیث بخاری ومسلم دونوں میں ہے۔

چغلی کے سبب عذابِ قبر:

(2)…رسولِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم  کا گزر دو قبروں کے پاس سے ہوا، آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشادفرمایا:یہ دونوں عذاب دیئے جارہے ہیں  اور کسی بڑی چیز میں عذاب نہیں دیئے جارہے۔ان میں سے ایک چغلی کیا کرتا تھا اور دوسرااپنے پیشاب سے نہیں بچتا تھا۔ ⁽[163]⁾یہ حدیث بخاری ومسلم دونوں میں ہے۔

 

(3)…تَجِدُوْنَ شَرَّ النَّاسِ ذَا الْوَجْهَيْنِ الَّذِيْ يَاْتِيْ هَؤُلَاءِ بِوَجْهٍ وَهَؤُلَاءِ بِوَجْهٍیعنی تم لوگوں میں سے بدترین دورُخے شخص⁽[164]⁾ کو پاؤ گےجوایک  کے پاس ایک رُخ سے جاتاہےاوردوسرےکےپاس دوسرے رخ سے ۔⁽[165]⁾ایک روایت کے الفاظ یہ ہیں :

(4)…تَجِدُوْنَ شِرَارَ النَّاسِ ذَا الْوَجْهَيْنِ یعنی تم لوگوں میں سے بد ترین دورُخے کو پاؤ گے۔⁽[166]⁾  یہ حدیث بخاری ومسلم دونوں میں ہے۔

(5)…کوئی شخص میرے صحابہ کے متعلق کسی بات کو مجھ تک نہ پہنچائے کیونکہ مجھےیہ پسندہےکہ تمہارےپاس سےاس حالت میں نکلوں کہ میراسینہ صاف ہو۔⁽[167]⁾

     اس حدیث کوامام ابوداؤدرَحْمَۃُ اللہِ عَلَیْہ وغیرہ نے روایت کیا ہے۔

     حضرتِ سیِّدُنا کَعْبُ الْاحباررَحْمَۃُ اللہِ تَعَالٰی عَلَیْہ بیان کرتے ہیں: چُغلی سے بچو کہ بلاشُبہ چغلی کرنے والا  عذاب قبر سےمحفوظ نہیں رہتا۔

     حضرتِ سیِّدُنامَنصورعَلَیْہِ رَحْمَۃُ اللہِ الْغَفُوْربیان کرتےہیں:حضرتِ سیِّدُناامام مجاہدعَلَیْہِ رَحْمَۃُ اللہِ الْوَاحِداس فرمانِ باری تعالٰی :

 

حَمَّالَةَ الْحَطَبِۚ(۴) (پ۳۰،اللھب:۴)                                   ترجمۂ کنز الایمان:(اور اس کی جورو)لکڑیوں کا گٹھا سر پر اٹھائے۔

     کی تفسیرمیں فرماتےہیں:اس سےمرادابو لہب  کی بیوی  ہےجوچغلی کیاکرتی تھی۔

٭…٭…٭…٭…٭…٭

گناہِ کبیرہ نمبر 46:         نوحہ  کرنااورچہرہ پیٹنا

نوحہ کے متعلق چار فرامین مصطفٰے :

(1)…لوگوں میں دو چیز یں زمانَۂ کفر کی علامت ہیں:(۱)نَسب میں طعن کرنا اور (۲)میت پر نوحہ کرنا۔⁽[168]⁾اس حدیث کوامام مسلمرَحْمَۃُ اللہِ عَلَیْہنے روایت کیا ہے۔

     مسلم شریف کی صحیح حدیث میں ہے:

(2)…نوحہ کرنے والی اگر  توبہ نہ کرے تو اُسے بروزِ قیامت جَرَب کی قمیص اور رال کا لباس پہنایا جائے گا⁽[169]⁾۔⁽[170]⁾

(3)…وہ ہم میں سے نہیں جو گالوں کو پیٹے،گریبان چا ک کرے اورجاہلیت کی

باتین بکے۔⁽[171]⁾

(4)…بلاشُبہ میت کو اس پر نوحہ کئے جانے کے سبب اس کی قبر میں عذاب دیا جاتا ہے⁽[172]⁾۔⁽[173]⁾

     رسولُ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّمنوحہ کرنےوالی،سرمنڈانےوالی اورگریبان چاک کرنے والی عورت سے بَری ہیں۔⁽[174]⁾

     آخری تین روایات بخاری ومسلم دونوں میں  ہیں۔

 

٭…٭…٭…٭…٭…٭

گناہ کبیرہ نمبر 47:                                    نسب پر طعن کرنا

     بَطَرِیْقِ صحیح منقول ہے کہ نسب میں طعن کرنا کفر ہے۔⁽[175]⁾

 

     رسول اکرمصَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا:لوگوں میں دو چیز یں زمانہ کفر کی علامت  ہیں:(۱)…نسب میں طعن کرنا اور (۲)…میت پر نوحہ کرنا۔⁽[176]⁾

 

٭…٭…٭…٭…٭…٭

گناہِ کبیرہ نمبر 48:                                  بغاوت وسرکشی کرنا⁽[177]⁾

     اللہ عَزَّ  وَجَلَّارشاد فرماتا ہے:

اِنَّمَا السَّبِیْلُ عَلَى الَّذِیْنَ یَظْلِمُوْنَ النَّاسَ وَ یَبْغُوْنَ فِی الْاَرْضِ بِغَیْرِ الْحَقِّؕ-اُولٰٓىٕكَ لَهُمْ عَذَابٌ اَلِیْمٌ(۴۲)(پ۲۵،الشوری:۴۲)

 ترجمۂ کنز الایمان:مُواخَذہ تو اُنھیں پر ہے جو لوگوں پرظلم کرتےہیں اورزمین میں ناحق سرکشی پھیلاتےہیں اُن کےلئےدردناک عذاب ہے ۔

بغاوت وسرکشی کے متعلق9فرامین مصطفٰے :

(1)…بےشکاللہ عَزَّ  وَجَلَّنےمیری طرف وحی فرمائی کہ  تم لوگ ایک دوسرے کےلئے تواضُع کروحتّٰی کہ کوئی دوسرےپرظلم وسرکشی نہ کرےاورکوئی دوسرے پر فخر نہ جتائے۔⁽[178]⁾

     اس حدیْثِ پاک کو امام مسلم رَحْمَۃُ اللہِ تَعَالٰی عَلَیْہنے روایت کیا ہے۔

 

     ایک روایت میں ہے:اگرکوئی پہاڑدوسرےپہاڑپرظُلْم کرتاتو اللہ عَزَّ  وَجَلَّ ظلم کرنے والے کو پاش پاش کردیتا۔⁽[179]⁾

(2)…سرکشی ا ور قطْعِ رحمی  سے زیادہ کوئی گناہ اس لائق نہیں کہ اللہ عَزَّ  وَجَلَّ آخرت میں ا س کےلئے  سزا کو جمع رکھنے کے ساتھ ساتھ دنیا میں بھی اس کے مُرتَکِب کو جلد سزا دے۔⁽[180]⁾

خوش لباسی تکبر نہیں؟

(3)…حضرتِ سیِّدُنا ابنِ مسعود رَضِیَ اللہُ تَعَالٰی عَنْہکابیان  ہیں کہ حضرت مالک رُہاوی رَضِیَ اللہُ تَعَالٰی عَنْہ نے بارگاہِ رسالت میں عرض کی:یارسولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم!مجھے خوبصورتی عطا کی گئی ہے جیسا کہ آپ دیکھ رہے ہیں اور میں یہ پسند نہیں کرتا کہ کوئی جوتے کے تسمے میں بھی مجھ سے فائق ہو، کیا  یہ تکبر  ہے؟ ارشاد فرمایا : یہ تکبرنہیں ہےبلکہ تکبر حق بات کا انکار کرنا ہے  یا ارشاد فرمایا:تکبر  حق کو جھٹلانا اور لوگوں کو حقیر سمجھنا ہے ۔⁽[181]⁾اس حدیث پاک کی سَنَد قوی  ہے۔

     اللہ عَزَّ  وَجَلَّ نے قارون کو اس کی بغاوت و سرکشی کے سبب ز مین میں دَھنسادیا۔

بلی کے سبب عورت کو عذاب:

(4)…ایک عورت کو بلی  کی وجہ سے عذاب میں مبتلا کیا گیا  جسے اس نے باندھ کر

 

رکھا تھا  حتّٰی کہ وہ مر گئی تو  وہ عورت اس بلی کے سبب آگ میں داخل ہوئی کیونکہ اُس نے بلی کو کھانے کو دیا نہ پینے کو اور نہ ہی کُھلا چھوڑا کہ وہ زمین کے کیڑے مکوڑے کھالیتی۔⁽[182]⁾یہ حدیث بخاری ومسلم دونوں میں  ہے۔

     حضرتِ سیِّدُناابن عمررَضِیَ اللہُ تَعَالٰی عَنْہُمَابیان کرتےہیں:رسولِ اکرمصَلَّی اللہُ تَعَالٰی عَلَیْہِ وَاٰلِہٖ وَسَلَّمنےذی روح چیز کو نشانہ  بنانے والے پر لعنت فرمائی ہے⁽[183]⁾۔⁽[184]⁾

     یہ روایت بخاری ومسلم دونوں میں ہے ۔

(5)…حضرتِ سیِّدُنا ابو مسعود رَضِیَ اللہُ تَعَالٰی عَنْہ بیان فرماتے ہیں: میں اپنے غلام کو کوڑےسےماررہاتھااسی دوران میں نےاپنےپیچھےایک آوازسنی:’’اےابو مسعود! جان لو۔“غصہ کے سبب میں آواز پہچان نہیں پایا۔ جب وہ میرے قریب آئے تو معلوم ہوا کہ وہ رسولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم ہیں۔ پھر آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشاد فرمایا :اے ابو مسعود !جان لو کہ جتنی قدرت تم اس غلام پر رکھتے ہواس سےکہیں زیادہ قدرتاللہ عَزَّ  وَجَلَّتم پررکھتاہے۔میں نےیہ سن کرعرض کی:  میں آج کےبعدکبھی اپنے غلام کو نہیں ماروں گا۔⁽[185]⁾

     ایک روایت میں یہ بھی ہے :رسول پاکصَلَّی اللہُ تَعَالٰی عَلَیْہِ وَاٰلِہٖ وَسَلَّمکی ہیبت

 کےسبب میرے ہاتھ سے کوڑا گر گیا۔⁽[186]⁾

     ایک  روایت میں ہے:میں نےعرض کی:یہاللہ عَزَّ  وَجَلَّکی رضاکےلئےآزاد ہے۔یہ سن کرآپ صَلَّی اللہُ تَعَالٰی عَلَیْہِ وَاٰلِہٖ وَسَلَّم نےارشادفرمایا: اگر تم ایسا  نہ کرتے  تو تمہیں آگ پہنچتی۔⁽[187]⁾اس حدیث کوامام مسلمرَحْمَۃُ اللہِ عَلَیْہنے روایت کیا ہے۔

غلام کو بے قُصور مارنے کا کَفّارہ:

(6)…جس نے اپنے غلام کو بے قصور مارا  یا اُسے تھپڑ رَسید کیا  تو اِس کا کفارہ  اُس غلام کو آزاد کرنا ہے ۔ ⁽[188]⁾اس حدیث کو امام مسلم رَحْمَۃُ اللہِ عَلَیْہ نے روایت کیا ہے۔

(7)… بے شک اللہ عَزَّ  وَجَلَّ ان لوگوں کو عذاب دے گا جو دنیا میں لوگوں کو عذاب دیتے ہیں۔⁽[189]⁾ا س حدیث کو امام مسلم رَحْمَۃُ اللہِ تَعَالٰی عَلَیْہ نے روایت کیا ہے۔

(8)…رسول کریمصَلَّی اللہُ تَعَالٰی عَلَیْہِ وَاٰلِہٖ وَسَلَّمکاگزر ایک گدھےکےقریب سے ہوا جس کےچہرےکوداغاگیاتھا۔یہ دیکھ کررسولُ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشادفرمایا:جس نےاس کےچہرےکوداغاہے،اللہعَزَّ وَجَلَّاُس پرلعنت فرمائے۔⁽[190]⁾

       اس حدیث پاک کی سَنَدصحیح ہے۔

(9)…جس نےکسی ایسی جان کو ناحق قتل کرڈالاجس کااسلامی حکومت سے

 

معاہدہ تھا تو وہ جنت کی خوشبو نہ پاسکے گا اور بے شک جنت کی خوشبو500سال کی مسافت سے محسوس کی جائے  گی۔⁽[191]⁾یہ حدیث مسلم کی شرط کے مطابق ہے۔

٭…٭…٭…٭…٭…٭

گناہِ کبیرہ نمبر 49: مسلمان پر ناحق خروج کرنا اور کبیرہ

گناہ کے مُرْتَکِب کو کافر قرار دینا

     اللہ عَزَّ  وَجَلَّارشاد فرماتا ہے:

وَ لَا تَعْتَدُوْاؕ-اِنَّ اللّٰهَ لَا یُحِبُّ الْمُعْتَدِیْنَ(۱۹۰) (پ۲،البقرة:۱۹۰)

ترجمۂ کنز الایمان:اور حدسے نہ بڑھو اللہ پسند نہیں رکھتا حد سے بڑھنے والوں کو۔

     اور فرماتا ہے :

وَ مَنْ یَّعْصِ اللّٰهَ وَ رَسُوْلَهٗ فَقَدْ ضَلَّ ضَلٰلًا مُّبِیْنًاؕ(۳۶) (پ۲۲،الاحزاب:۳۶)

ترجمۂ کنز الایمان:اورجو حکم نہ مانے اللہ اور اس کے رسول کا وہ بے شک صریح گمراہی بہکا۔

     رسولِ مقبول صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا: جو اپنے مسلمان بھائی کواے کافر!  کہے تو بلاشُبہ کفراُن دونوں میں سے ایک پر لوٹے گا۔⁽[192]⁾

خَوارِج کی مَذمَّت:

     خَوارِج⁽[193]⁾ کےحالات کےبارےمیں کئی آثارواردہیں۔عُلَما کاان کی تکفیر

کےبارےمیں اختلاف ہے۔حضورصَلَّی اللہُ تَعَالٰی عَلَیْہِ وَاٰلِہٖ وَسَلَّمنے(ان کےمتعلق) ارشادفرمایا:یہ  دین سےاس طرح نکل جائیں گےجیساکہ تیرشکارسےنکل جاتا ہے⁽[194]⁾ تم جہاں بھی ان کو پاؤقتل کردو⁽[195]⁾۔⁽[196]⁾

     رسولِ اکرم،شاہِ بنی آدم صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا:یہ لوگ  زمین پر بد  ترین مقتول ہیں اور جن کو  یہ قتل کر یں  وہ بہترین مقتول ہیں۔⁽[197]⁾

     خوارج بدمذہب ہیں، یہ لوگ عام مسلمانوں کے خون کو جائز اور ان کی تکفیر کو حلال جانتے ہیں۔حضرتِ سیِّدُنا عثمان غنی،حضرتِ سیِّدُنا علیُّ المرتضٰی اور اَ کابر صحابَۂ کرام عَلَیْہِمُ الرِّضْوَان کی ایک جماعت کو کافر قرار دیتے ہیں۔

خوارج جہنمی کُتّے ہیں:

     حضرتِ سیِّدُنا ابنِ ابی اوفیٰ رَضِیَ اللہُ تَعَالٰی عَنْہ بیان کرتے ہیں کہ  میں نے رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّم کو ارشاد فرماتے سنا: خارجی جہنم کے کُتّے ہیں۔⁽[198]⁾

     حضرتِ سیِّدُناسعیدبن جُمہانعَلَیْہِ رَحْمَۃُ  الرَّحْمٰنبیان کرتےہیں:میں حضرتِ سیِّدُنا

 ابنِ ابی اوفیٰرَضِیَ اللہُ تَعَالٰی عَنْہ کے پاس حاضر ہوا، آپ چادر میں لپٹے ہوئے تھے۔ انہوں نےدریافت کیا:تم کون ہو؟میں نےعرض کی:سعیدبن جُمہان۔ارشاد فرمایا:تمہارےوالدصاحب کاکیاہوا؟میں نےعرض کی:انہیں اَزَارِقَہ⁽[199]⁾نے شہید کردیا ۔ یہ سن کر انہوں نے فرمایا : اللہ عَزَّ  وَجَلَّ ازارقہ کو برباد کرے پھر فرمایا کہ رسولُ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّمنےہم سےیہ بیان فرمایا:”یہ لوگ جہنم کےکتے ہیں۔“میں نےعرض کی:کیاصرف ازارقہ؟فرمایا:تمام خوارج جہنم کےکتےہیں۔⁽[200]⁾

     حضرتِ سیِّدُنا حماد بن سَلَمہ رَحْمَۃُ اللہِ تَعَالٰی عَلَیْہ فرماتے  ہیں : ہم سے حضرتِ سیِّدُنا ابوحَفْصرَحْمَۃُ اللہِ تَعَالٰی عَلَیْہ نے حدیث بیان کی کہ انہوں نے حضرتِ سیِّدُنا عبداللہ بن ابی اوفیٰرَضِیَ اللہُ تَعَالٰی عَنْہکو خوارج سےجنگ کرتےیہ سناکہرسولُاللہصَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشادفرمایا:اُس کے لئے خوشخبری ہے جو خارجیوں کو قتل کرے  اور جسے خارجی قتل کریں ۔⁽[201]⁾

٭…٭…٭…٭…٭…٭

 

 

گناہِ کبیرہ نمبر 50:مسلمان کو اذیت دینا اوربُرا بھلا کہنا

ایذائے مسلم کے  متعلق چار فرامین باری تعالٰی:

(1)… وَ الَّذِیْنَ یُؤْذُوْنَ الْمُؤْمِنِیْنَ وَ الْمُؤْمِنٰتِ بِغَیْرِ مَا اكْتَسَبُوْا فَقَدِ احْتَمَلُوْا بُهْتَانًا وَّ اِثْمًا مُّبِیْنًا۠(۵۸)(پ۲۲،الاحزاب:۵۸)

 ترجمۂ کنز الایمان:اور جو ایمان والے مردوں اور عورتوں کو بے کیے ستاتے ہیں اُنھوں نے بہتان اور کھلا گناہ اپنے سرلیا۔

(2)…                      وَّ لَا تَجَسَّسُوْا وَ لَا یَغْتَبْ بَّعْضُكُمْ بَعْضًاؕ- (پ۲۶،الحجرات:۱۲)

ترجمۂ کنز الایمان:اور عیب نہ ڈھونڈھو  اور ایک دوسرے کی غیبت نہ کرو۔

(3)…

یٰۤاَیُّهَا الَّذِیْنَ اٰمَنُوْا لَا یَسْخَرْ قَوْمٌ مِّنْ قَوْمٍ عَسٰۤى اَنْ یَّكُوْنُوْا خَیْرًا مِّنْهُمْ (پ۲۶،الحجرات:۱۱)

ترجمۂ کنزالایمان:اےایمان والونہ مردمردوں سےہنسیں عَجب نہیں کہ وہ ان ہنسنےوالوں سےبہتر ہوں۔

(4)…                                وَیْلٌ لِّكُلِّ هُمَزَةٍ لُّمَزَةِ ﹰۙ (۱) (پ۳۰،الهمزة:۱)

ترجمۂ کنز الایمان:خرابی ہے اس کے لیے جو لوگوں کے منہ پر عیب کرے  پیٹھ پیچھے بدی کرے ۔

 

ایذائے مسلم کے متعلق 19فرامین مصطفٰے:

(1)…بے شک اللہ عَزَّ  وَجَلَّ کے نزدیک لوگوں میں سے سب سے بُرا مرتبہ اس کا ہے  جسے لوگ اس کی فحش کلامی کے ڈر سے چھوڑدیں۔⁽[202]⁾

(2)…بے شک اللہ عَزَّ  وَجَلَّ بے حیا اور فحش گو کو ناپسند فرماتا ہے۔⁽[203]⁾

(3)…اللہکےبندو!بےشکاللہعَزَّ وَجَلَّنےحَرَج کواُٹھادیاہےمگروہ شخص جو اپنے بھائی کی آبروریزی کےدرپےہوتوایساشخص گنہگارہوایا(فرمایا:) ہلاک ہوا۔⁽[204]⁾

تقوٰی دل میں ہوتا ہے:

(4)…ہرمسلمان کی عزت،اس کاخون اوراس کامال دوسرےمسلمان پرحرام ہے۔(آپ صَلَّی اللہُ عَلَیْہِ وَسَلَّمنے اپنے دل کی طرف اشارہ کرکے فرمایا:)تقوٰی یہاں ہے،آدمی کے  بُرے ہونے کے لئے  یہی کافی ہے کہ وہ ا پنے مسلمان بھائی کو حقیر جانے ۔⁽[205]⁾

     اس حدیث کو امام ترمذی عَلَیْہِ رَحْمَۃُ اللہِ الْقَوِینے روایت کیا اور اسے حسن قرار دیا ۔

(5)… ایک مسلمان دوسرےمسلمان کا بھائی ہے،وہ اس پرظلم کرتا ہے نہ اسے رُسواکرتا اور نہ اسے حقیر جانتا ہے۔آدمی کے  بُرے ہونے کے لئے  یہی کافی ہے کہ وہ اپنے مسلمان بھائی کو حقیر جانے ۔ ⁽[206]⁾

 

     اللہ عَزَّ  وَجَلَّارشاد فرماتا ہے:

اِنَّ الَّذِیْنَ یُحِبُّوْنَ اَنْ تَشِیْعَ الْفَاحِشَةُ فِی الَّذِیْنَ اٰمَنُوْا لَهُمْ عَذَابٌ اَلِیْمٌۙ-فِی الدُّنْیَا وَ الْاٰخِرَةِؕ-(پ۱۸،النور:۱۹)

 ترجمۂ کنز الایمان:وہ لوگ جو چاہتے ہیں کہ مسلمانوں میں بُرا چرچا پھیلے  اُن کے لیے دردناک عذاب ہے دنیا اور آخرت میں ۔

(6)…مسلمان کو گالی دینا فسق اور اس سے جھگڑنا کفر ہے⁽[207]⁾۔ ⁽[208]⁾

پڑوسی کو اذیت دینے کی مَذمَّت:

      مسلم شریف میں ہے:

(7)…وہ شخص جنت میں داخل نہ ہوگا  جس کی شرارتوں سے اُس کا پڑوسی امن میں نہ ہو۔ ⁽[209]⁾

     بخاری ومسلم میں ہے:

(8)…خدا کی قسم!وہ مومن نہیں ،خدا کی قسم !وہ مومن نہیں۔عرض کی گئی: کون؟ارشاد فرمایا : جس کی شرارتوں سے اس کا پڑوسی امن میں نہ ہو۔⁽[210]⁾

     بخاری ومسلم کی شرط کے مطابق ایک روایت میں یہ الفاظ ہیں:

(9)…وہ بندہ جنت میں داخل نہ ہوگا جس کی شرارتوں سے اُس کا پڑوسی امن

میں نہ ہو۔⁽[211]⁾

(10)…جو اللہ عَزَّ  وَجَلَّ اور روزِ قیامت پر ایمان رکھتا ہے  اُسے چاہئے کہ وہ اپنے پڑوسی کو ایذا نہ دے ۔⁽[212]⁾یہ حدیث بخاری ومسلم دونوں میں  ہے۔

      مسلم شریف کی حدیث میں ہے :

(11)…جو اللہ عَزَّ  وَجَلَّ اور قیامت کے دن پر ایمان رکھتا ہے  اُسے چاہئے کہ وہ اپنے پڑوسی کے ساتھ بھلائی کرے۔⁽[213]⁾

(12)…بارگاہِ رسالت میں عرض کی گئی: یارسولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم! فلانی عورت رات میں نماز پڑھتی ہے اور دن میں روزہ رکھتی ہےلیکن وہ اپنی زبان سے پڑوسیوں کو ایذا دیتی ہے۔ یہ سن کررسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا : اس میں کوئی بھلائی نہیں ہے  وہ جہنم میں جائے گی ۔ ⁽[214]⁾

     اس حدیث پاک کو امام حاکم رَحْمَۃُ اللہِ تَعَالٰی عَلَیْہنےصحیح قرار دیا ہے۔

مُردوں کی بُرائیاں بیان کرنےکی ممانعت:

(13)…اپنے مردوں کی اچھائیاں بیان کرو  اور ان کی بُرائیاں بیان کرنے سے باز  رہو۔⁽[215]⁾اس حدیْثِ پاک کو امام حاکم رَحْمَۃُ اللہِ تَعَالٰی عَلَیْہنےصحیح قرار دیا ہے۔

 

(14)…جس نے کسی کو کافر یا دشمَنِ خدا کہا حالانکہ وہ ایسا نہیں تھا تو وہ بات کہنے والے پر لوٹ آئے گی⁽[216]⁾۔ ⁽[217]⁾یہ حدیث بخاری ومسلم دونوں میں ہے۔

غیبت کاعذاب:

(15)…رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمفرماتے ہیں:شبِ معراج میرا گزر ایسی قوم سے ہوا  جن کے ناخن تانبے کے تھے جن سے و ہ اپنے چہروں اور سینوں کو نوچ رہے تھے۔ میں نے پوچھا: اے جبرائیل! یہ کون لوگ ہیں؟ عرض کی :یہ لوگوں کا گوشت کھاتے(یعنی غیبت کرتے) اور ان کی آبروریزی کرتےتھے۔⁽[218]⁾

 

والدین کو گالی دیناکبیرہ گناہ ہے:

(16)… کبیرہ گناہوں میں سے ایک آدمی کا اپنے والدین کو گالی دینا ہے۔ صحابَۂ کرام عَلَیْہِمُ الرِّضْوَان نےعرض کی:یارسولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم! کیا کوئی شخص اپنے والدین کو گالی دے سکتا ہے؟ ارشادفرما یا:یہ  دوسرے کے باپ کو گالی دےگاتو وہ اس کے باپ کو گالی دےگااوریہ د وسرےکی ماں کو گالی دےگاتو وہ اس کی ماں کو گالی دے گا۔ ⁽[219]⁾یہ حدیث بخاری ومسلم دونوں میں  ہے۔

(17)…کبیرہ گناہوں میں سےایک گناہ آدمی کااپنےوالدین کولعن طعن کرنا ہے۔عرض کی گئی:یارسولَ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّم!کوئی شخص اپنے والدین کولعن طعن کیسےکرسکتاہے؟ارشادفرمایا:یہ دوسرےکےباپ کولعن طعن کرے گاتووہ اس کےباپ کولعن طعن کرےگااوریہ د وسرےکی ماں کولعن طعن کرے گاتو وہ اس کی ماں کولعن طعن کرےگا۔⁽[220]⁾

(18)…کوئی شخص دوسرے کو  کافر یا فاسق نہیں کہتا مگر یہ کہ اگر اس کا ساتھی ایسا نہ ہوتووہ بات کہنےوالےپرلوٹ آتی ہے۔⁽[221]⁾ اس حدیث کوامام بخاری نےروایت کیا ہے۔

(19)…مردوں کو بُرا بھلا مت کہو کہ بلاشبہ انہوں نے جو آگے بھیجا تھا وہ پالیا ۔ ⁽[222]⁾

     اس حدیث کو بھی امام بخاری عَلَیْہِ رَحْمَۃُ اللہِ الْقَوِی نے روایت کیا ہے۔

 

گناہِ کبیرہ نمبر 51: اولیاءُ اللہ  کو اذیت دینا اور ان سے عداوت رکھنا

     اللہ عَزَّ  وَجَلَّارشاد فرماتا ہے:

اِنَّ الَّذِیْنَ یُؤْذُوْنَ اللّٰهَ وَ رَسُوْلَهٗ لَعَنَهُمُ اللّٰهُ فِی الدُّنْیَا وَ الْاٰخِرَةِ (پ۲۲،الاحزاب:۵۷)

 ترجمۂ کنزالایمان:بےشک جوایذادیتے ہیں اللہاوراس کےرسول کو اُن پر اللہ کی لعنت ہے دنیا اورآخرت میں ۔

     سردارِاولیاوانبیاصَلَّی اللہُ تَعَالٰی عَلَیْہِ وَسَلَّمفرماتےہیں:اللہعَزَّ وَجَلَّارشادفرماتاہے:

 ”جس نے میرے کسی ولی سے دشمنی کی میں اسے اعلان جنگ دیتا ہوں۔ “

     ایک روایت کے الفاظ یہ ہیں:”بلاشبہ اس نے میرے ساتھ جنگ کرنے کا اعلان کردیا۔“ ⁽[223]⁾اس حدیث کو امام بخاری عَلَیْہِ رَحْمَۃُ اللہِ الْقَوِی نے روایت کیا ہے۔

     رسولِ اکرمصَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشادفرمایا:اےابوبکر!اگرتم نے انہیں(یعنی فقرائےمہاجرین کو)ناراض کردیاتوبلاشبہ تم نےاپنےربّ کوناراض کردیا۔⁽[224]⁾

٭…٭…٭…٭…٭…٭

 

 

گناہِ کبیرہ نمبر 52:فخر و غرور سے تہبند وغیرہ لٹکانا

     اللہ عَزَّ  وَجَلَّارشاد فرماتا ہے:

وَ لَا تَمْشِ فِی الْاَرْضِ مَرَحًاۚ- (پ۲۱،لقمٰن:۱۸)  ترجمۂ کنزالایمان:اورزمین میں اِتراتانہ چل ۔

تکبر سےتہبند وغیرہ لٹکانے کےمتعلق 11فرامین مصطفٰے:

(1)…تہبند(شلوار) کا جو حصہ دونوں ٹخنوں سے نیچے ہے وہ آگ میں ہے⁽[225]⁾۔⁽[226]⁾

(2)…تکبر سے اپنا تہبند لٹکانے والےپراللہ عَزَّ  وَجَلَّنظر رحمت نہیں فرماتا۔⁽[227]⁾  

(3)… بروزِقیامتاللہ عَزَّ  وَجَلَّتین شخصوں کی طرف نظَرِرحمت فرمائےگا نہ انہیں پاک کرےگااوران کےلئےدردناک عذاب ہے:(۱)(تکبرسے)تہبندلٹکانےوالا (۲)احسان جتانے والا اور (۳)جھوٹی قسم کھا کر سودا بیچنے والا۔⁽[228]⁾

 

 (4)… ایک شخص عمدہ پوشاک پہنے،کنگھا کرکے خود پسندی میں مبتلا ہوکر اتراتا ہوا چل رہا تھا کہ اللہ عَزَّ  وَجَلَّ نے اُسے دھنسا دیا اور  وہ قیامت تک زمین میں دھنستا رہے گا۔ ⁽[229]⁾یہ حدیث بخاری ومسلم دونوں میں  ہے۔

(5)…کپڑا لٹکانا، شلوار، قمیص اور عمامہ میں ہوتا ہے جو (ان میں سے) کسی شے کو تکبرکےسبب گھسیٹےگابروزِقیامتاللہ عَزَّ  وَجَلَّاس کی طرف نظَرِرحمت نہیں فرمائے گا ۔⁽[230]⁾اس حدیْثِ پاک کو امام ابوداؤدو امام نَسائی عَلَیْہِمَا الرَّحْمَہ نےصحیح  سَنَد کے ساتھ روایت کیا ہے۔

(6)…حضرتِ سیِّدُناجابربن سُلیمرَضِیَ اللہُ تَعَالٰی عَنْہ بیان کرتےہیں:مجھ سے رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشادفرمایا:تہبند لٹکانے سے بچو کہ یہ تکبر میں سے ہے اور بلاشُبہ اللہ عَزَّ  وَجَلَّ تکبر کو ناپسند فرماتا ہے ۔⁽[231]⁾

     امام تِرمِذی عَلَیْہِ رَحْمَۃُ اللہِ الْقَوِینے اس حدیْثِ پاک کو صحیح قرار دیا ہے۔

(7)…حضرتِ سیِّدُنا ابوہریرہ رَضِیَ اللہُ تَعَالٰی عَنْہ بیان کرتے ہیں کہ ایک مرد تہبند لٹکائےہوئےنمازپڑھ رہاتھا،رسولِ پاکصَلَّی اللہُ تَعَالٰی عَلَیْہِ وَاٰلِہٖ وَسَلَّم نےاس سےارشاد فرمایا:”جاؤجاکروضو کرو۔“وہ گیااوروضوکیاپھروہ بارگاہِ رسالت میں حاضرہواتو

آپصَلَّی اللہُ تَعَالٰی عَلَیْہِ وَاٰلِہٖ وَسَلَّمنےفرمایا:”جاؤجاکروضوکرو۔“یہ دیکھ کرایک شخص نےعرض کی:یارسولَاللہصَلَّی اللہُ تَعَالٰی عَلَیْہِ وَاٰلِہٖ وَسَلَّم!آپ نےاِسے وضوکرنے کاحکم کیوں ارشادفرمایا؟آپ کچھ دیرخاموش رہےپھرارشاد فرمایا:’’وہ تہبندلٹکائے نمازپڑھ رہاتھااوراللہ عَزَّ  وَجَلَّاس شخص کی نمازقبول نہیں کرتاجوتہبندلٹکائےہوئے ہو⁽[232]⁾۔⁽[233]⁾اس حدیث کوامام ابوداؤدرَحْمَۃُ اللہِ عَلَیْہنےروایت کیاہے اوریہ اِنْ شَآءَ اللہعَزَّ  وَجَلَّامام مسلمرَحْمَۃُ اللہِ عَلَیْہ کی شرط کے مطابق ہے۔

(8)… جو شخص اپنے کپڑے کو تکبر کی وجہ سے گھسیٹے گا بروزِ قیامت اللہ عَزَّ  وَجَلَّ اس کی طرف نظر رحمت نہیں  فرمائے گا۔ یہ سُن کر حضرتِ سیِّدُنا ابوبکر صدیق رَضِیَ اللہُ تَعَالٰی عَنْہ نے عرض کی: میرا تہبند سرک جاتا ہے سوائے یہ کہ میں اس کا بہت خیال رکھوں۔ رسولِ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:”تم ان میں سے نہیں ہو  جو یہ فعل تکبر کی وجہ سے کرتے ہیں۔“⁽[234]⁾

     ا س حدیث کو امام بخاری عَلَیْہِ رَحْمَۃُ اللہِ الْقَوِی نے روایت کیا ہے ۔

 

مومن کا تہبند:

(9)…مومن کا تہبند اُس کی نصف پنڈلی تک ہے۔⁽[235]⁾

(10)…مسلمان کا تہبند نصف پنڈلی تک ہے اور اگر نصف پنڈلی اور ٹخنوں کے درمیان میں ہوتو بھی کوئی حرج یا گناہ نہیں اور جو حصہ دونوں ٹخنوں سے نیچےرہے  وہ آگ میں ہے اور جو تکبر کے سبب اپنا تہبند گھسیٹے گا اللہ عَزَّ  وَجَلَّ اس کی طرف نظَرِرحمت نہیں  فرمائے گا۔ ⁽[236]⁾اس حدیْثِ پاک کو امام ابوداؤد رَحْمَۃُ اللہِ تَعَالٰی عَلَیْہ نے صحیح سَنَد کے ساتھ روایت کیا ہے۔

(11)…حضرتِ سیِّدُنا ابنِ عمر رَضِیَ اللہُ تَعَالٰی عَنْہُمَا بیان کرتے ہیں : میں رسولِ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم کے پاس سے گزرا  میرا تہبند لٹکا ہوا تھا ۔آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے یہ دیکھ کر فرمایا:”اے عبداللہ !اپنا تہبند اوپر کرلو۔“ میں نے فوراً تہبنداوپرکرلیاپھرآپصَلَّی اللہُ تَعَالٰی عَلَیْہِ وَاٰلِہٖ وَسَلَّم نےفرمایا:”اوراوپرکرلو۔“میں نے مزید اوپرکرلیا،اس کے بعدسے میں ہمیشہ اس کا اہتمام کرتا ہوں۔⁽[237]⁾

     اس حدیث کو امام مسلم رَحْمَۃُ اللہِ تَعَالٰی عَلَیْہ نے روایت کیاہے۔

     اس وعید میں ہر وہ شخص داخل ہے جو زمین سے مس ہونے والا جُبَّہ یا چوغَہ یا کھلی شلوار پہنے جبکہ وہ یہ فعل تکبریاغرور کے طور پر کرے اور اگر وہ اپنے شہر والوں کی عادت و  عرف کے مطابق اس طرح کا لباس پہنے تو اسے اس فعل سے

روکا جائے گا  اور اس طرح کے ملبوسات پہننے کی حُرمت کے بارے میں بتایاجائے گاکہ رسولِ پاکصَلَّی اللہُ تَعَالٰی عَلَیْہِ وَاٰلِہٖ وَسَلَّمنےفرمایا:”جوتہبندٹخنوں سےنیچے رہے وہ آگ میں ہے۔ “

٭…٭…٭…٭…٭…٭

گناہِ کبیرہ نمبر 53:مَرد کا ریشمی لباس پہننااور سونا  استعمال کرنا

سونےو ریشم کے استعمال کے متعلق چارفرامین مصطفٰے:

(1)…جودنیامیں ریشم پہنےگاوہ آخرت میں نہ پہنےگا۔⁽[238]⁾

     یہ حدیث بخاری ومسلم دونوں میں  ہے۔

(2)…ریشم وہی پہنے گا  جس کا آخرت میں کوئی حصہ نہیں ہے۔⁽[239]⁾

      اس حدیث پاک کو امام بخاری عَلَیْہِ رَحْمَۃُ اللہِ الْقَوِینے روایت کیا ہے۔

(3)…سونا اور ریشم پہننا میری امت کےمردوں پرحرام اورعورتوں کے لئے  حلال ہے ۔⁽[240]⁾اس حدیث کو امام ترمذی عَلَیْہِ رَحْمَۃُ اللہِ الْقَوِی نےصحیح قرار دیا ہے۔

     حضرتِ سیِّدُنا حُذیفہرَضِیَ اللہُ عَنْہ بیان کرتے ہیں:رسولِ پاک صَلَّی اللہُ عَلَیْہِ وَسَلَّم

 نےسونےچاندی کےبرتنوں میں کھانےاورپینےسے⁽[241]⁾اورریشم و دِیباج پہننے سےنیز ان پربیٹھنےسےہمیں منع فرمایاہے۔⁽[242]⁾اس حدیث کوامام بخاری نےروایت کیاہے۔

(4)…جو چاندی کے برتن میں پیتا ہے  وہ اپنے پیٹ میں جہنم کی آگ اُنڈیل رہا ہے۔ ⁽[243]⁾یہ حدیْثِ پاک بخاری ومسلم دونوں میں  ہے۔

     خارش زدہ کوریشم پہننے ⁽[244]⁾، ⁽[245]⁾یونہی عام مردوں کےلئے چار اُنگل کے برابر ریشم⁽[246]⁾ استعمال کرنے ⁽[247]⁾ اور(ضرورتاً) سونے وغیرہ کا دانت لگانے کی رُخصت آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمسے ثابت ہے۔

 

     توجو ریشم کی پوشاک یاچاندی کے تاروں کا کپڑا یا سونےکےبیل بوٹوں والا لباس پہنےیاایسالباس پہنے جس پر سونے کی پَتْرِیوں سے نقش و نگار ہو تو  ایسے افراد اس مذکورہ وعید میں داخل ہیں اور ان اشیاء کے استعمال کے سبب فاسق ہوں گے۔⁽[248]⁾

 

٭…٭…٭…٭…٭…٭

گناہِ کبیرہ نمبر 54:                                 غلام کا بھاگ جانا

بھگوڑے غلام کے متعلق پانچ فرامین مصطفٰے:

(1)…جب غلام بھاگ جاتاہےتواس کی کوئی نماز قبول نہیں ہوتی⁽[249]⁾۔⁽[250]⁾

(2)… جو غلام بھاگ جائے اللہ عَزَّ  وَجَلَّ کا ذمہ اس سے بَری ہے ⁽[251]⁾۔⁽[252]⁾

     ان دونوں احادیث کو امام مسلم رَحْمَۃُ اللہِ تَعَالٰی عَلَیْہ نے روایت کیا ہے۔

 

(3)…تین لوگوں کی نماز اللہ عَزَّ  وَجَلَّ قبول نہیں فرماتا اور نہ ہی ان کا کوئی  عمل (آسمان کی طرف) بلند ہوتا ہے:(۱)بھاگا ہوا غلام جب تک لوٹ کر اپنے مالک کے پاس نہ آجائے(۲)وہ عورت جس کا شوہر اس سے ناراض ہو  جب تک کہ وہ اس سے راضی نہ ہوجائےاور(۳)نَشہ میں مُبتلا شخص  جب تک وہ ہوش میں نہ آجائے۔ ⁽[253]⁾

(4)…اللہ عَزَّ  وَجَلَّ نے اس غلام پر لعنت فرمائی ہے  جو اپنے آقاکے علاوہ کسی اور کی طرف خود کو منسوب کرے۔⁽[254]⁾

(5)…تین طرح کے لوگوں سے حساب وکتاب نہیں ہوگا (یعنی انہیں  بِلا حساب وکتاب جہنم میں داخل کردیا جائے گا)(۱)وہ شخص جو جماعت سے الگ ہوا اور اپنے امام کی نافرمانی کی اور اسی گناہ کی حالت میں  مرگیا (۲)وہ غلام جو اپنے آقاسے بھاگ کر مرگیا(۳)وہ عورت جس کا شوہر اس کی ضروریات کو پورا کرتا ہو اور وہ اس کی غیر موجودگی میں(لوگوں پر )زینت ظاہر کرے۔⁽[255]⁾

 

٭…٭…٭…٭…٭…٭

 

 

گناہِ کبیرہ نمبر 55:    غَیْرُ اللہ کا نام لے کر ذبح کرنا⁽[256]⁾

     مثلاً (بوقتِ ذبحبِسْمِ اللهِ اَللهُ اَكْبَر کی جگہ )یوں  کہے:بِاِسْمِ سَیِّدِی الشَّیْخ یعنی میں اپنے  فلاں شیخ کے نام پر ذبح کرتا ہوں۔

(1)…اللہ عَزَّ  وَجَلَّارشاد فرماتا ہے :

وَ لَا تَاْكُلُوْا مِمَّا لَمْ یُذْكَرِ اسْمُ اللّٰهِ عَلَیْهِ وَ اِنَّهٗ لَفِسْقٌؕ- (پ۸،الانعام:۱۲۱)

 ترجمۂ کنز الایمان:اور اسے نہ کھاؤ جس پر اللہ کا نام نہ لیا گیا اور وہ بے شک حکم عدولی ہے ۔

غَیْرُ اللہ کا نام لے کرذبح کرنے والا ملعون ہے:

     حضرتِ سیِّدُناعلیُّ المرتضٰیکَرَّمَ اللہُ تَعَالٰی وَجْہَہُ الْکَرِیْم کےآزادکردہ غلام ہانی بیان کرتےہیں کہ میرےآقارَضِیَ اللہُ تَعَالٰی عَنْہنےمجھ سےاِسْتِفْسارفرمایا:اےہانی! لوگ کیا کہہ رہے ہیں؟ میں نے عرض کی :حضور! لوگ اس بات کے دعویدار ہیں کہ آپ کےپاس رسولِ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم کی طرف سے ایسی باتوں کا علم ہے  جسے آپ ظاہر نہیں کررہے ہیں۔ یہ سُن کر آپ نے اپنی تلوار کے پَرْتَلے سے ایک صحیفہ نکالاجس میں لکھا تھا:یہ وہ باتیں ہیں جو میں نے رسولُ اللہصَلَّی اللہُ

تَعَالٰی عَلَیْہِ وَاٰلِہٖ وَسَلَّمسےسنی ہیں:” جو غَیْرُاللہکےنام  پر ذبح کرےاور جو غلام خود کواپنے آقاکے علاوہ  کسی اور کی طرف منسوب  کرے اُ س پر اللہ عَزَّ  وَجَلَّ نے لعنت فرمائی  اور والدین کے نافرمان اوردوسرے کی  زمین ہتھیانے کے لئے  زمین کی حدود  مٹا دینے والے پر بھی اللہ عَزَّ  وَجَلَّ نے لعنت فرمائی ہے۔ “⁽[257]⁾

     اس حدیْثِ پاک کو امام حاکم رَحْمَۃُ اللہِ تَعَالٰی عَلَیْہ نے اپنی صحیح میں روایت کیا ہے۔

     رسولِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا: جو غَیْرُاللہکے نام کے ساتھ ذبح کرےاس پراللہعَزَّ  وَجَلَّنےلعنت فرمائی ہے۔⁽[258]⁾یہ حدیْثِ پاک حضرتِ سیِّدُنا ابنِ عباس رَضِیَ اللہُ تَعَالٰی عَنْہُمَا سے عمدہ سَنَد کے ساتھ مروی ہے۔

٭…٭…٭…٭…٭…٭

گناہِ کبیرہ نمبر 56:پرائی زمین پر قبضہ کرنے کے لئے

زمین کے نشانات مٹا نا⁽[259]⁾

پرائی زمین ہتھیانے والا ملعون ہے:

     حضرتِ سیِّدُناعلیُّ المرتضٰیکَرَّمَ اللہُ تَعَالٰی وَجْہَہُ الْکَرِیْمسےمنقول حدیْثِ پاک

میں ایسے شخص پر لعنت فرمائی گئی ہے۔⁽[260]⁾

     رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشادفرمایا:جوغَیْرُاللہکےنام کے ساتھ ذبح کرے اللہ عَزَّ  وَجَلَّ نے اس پر لعنت فرمائی ہے،(قبضہ کرنے کے لئے )زمین کی علامات مٹانے والے پر اللہ عَزَّ  وَجَلَّ نے لعنت فرمائی ہے،جو کسی اندھے کو راستے سے بھٹکادے اللہ عَزَّ  وَجَلَّ نے اس پر لعنت فرمائی ہے،جو اپنے والدین کو گالی دے اللہ عَزَّ  وَجَلَّ نے اس پر لعنت فرمائی ہے اور  جو قومِ لوط کا سا عمل کرے اللہ عَزَّ  وَجَلَّ نے اس پر لعنت فرمائی ہے۔

     ایک روایت میں یہ الفاظ زائد ہیں: جو کسی چوپائے کے ساتھ بدفعلی کرے  اللہ عَزَّ  وَجَلَّ نے اس پر لعنت فرمائی ہے۔⁽[261]⁾

 

٭…٭…٭…٭…٭…٭

گناہِ کبیرہ نمبر 57: صحابۂ کِرام عَلَیْہِمُ الرِّضْوَان کو بُرا بھلا کہنا

صحابہ کو بُرا بھلا کہنے کےمتعلق پانچ فرامین مصطفٰے:

(1)…اللہ عَزَّ  وَجَلَّ ارشادفرماتاہے:جس نے میرے کسی ولی سے دشمنی کی میں اسے اعلان جنگ دیتا ہوں۔⁽[262]⁾

(2)…میرے صحابہ کو بُرا بھلا مت کہو، اس ذات کی قسم جس کے قبضَۂ قدرت

میں محمد صَلَّی اللہُ تَعَالٰی عَلَیْہِ وَاٰلِہٖ وَسَلَّم کی جان ہے ! اگر تم میں سے کوئی اُحُد پہاڑ جتنا  سونا خیرات کرے تو اُن کے ایک مد(ایک سیر)خیرات کرنے کے برابر بلکہ آدھا مُد خیرات کرنے کے برابرنہیں ہوسکتا۔ ⁽[263]⁾یہ حدیث بخاری ومسلم دونوں میں  ہے۔

     اُمُّ المؤمنین حضرتِ سیِّدَتُناعائشہ صدیقہ رَضِیَ اللہُ تَعَالٰی عَنْہَافرماتی ہیں:صحابَۂ کرام کے لئے تو استغفار کرنے کا حکم دیا گیا ہے اور لوگ انہیں بُرا بھلا کہتے ہیں۔

      اس حدیث کوحضرتِ سیِّدُناہِشام بن عُرْوَہرَحْمَۃُ اللہِ تَعَالٰی عَلَیْہ نےاپنےوالد کے حوالےسےحضرتِ سیِّدَتُناعائشہ صدیقہرَضِیَ اللہُ عَنْہَاسےروایت کیا ہے۔⁽[264]⁾

(3)… جو میرے صحابہ کو بُرا بھلا کہے اس پر اللہ عَزَّ  وَجَلَّ کی لعنت ہے۔ ⁽[265]⁾

     حضرتِ سیِّدُناعلیُّ المرتضٰیکَرَّمَ اللہُ تَعَالٰی وَجْہَہُ الْکَرِیْمفرماتےہیں:اس ذات کی قسم  جس نےدانےکوچیرااورانسان کوپیدافرمایا!نبی اُمّیصَلَّی اللہُ تَعَالٰی عَلَیْہِ وَاٰلِہٖ وَسَلَّمکامجھ سے یہ عہد ہے کہ مجھ سے مومن ہی محبت کرے گا اورمنافق ہی بغض رکھے گا⁽[266]⁾۔⁽[267]⁾

 

فضیلَتِ شیخین کے منکر پر مُفْتَری کی حد :

     جب نبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم کا یہ فرمان حضرتِ سیِّدُنا علیُّ المرتضٰی کَرَّمَ اللہُ تَعَالٰی وَجْہَہُ الْکَرِیْم کے بارے میں ہے تو حضرتِ سیِّدُنا ابو بکرصدیق رَضِیَ اللہُ تَعَالٰی عَنْہ اس اِعزاز کے لئے اولیٰ اور زیادہ لائق ہیں کیونکہ آپ نبی پاک صَلَّی اللہُ تَعَالٰی عَلَیْہِ وَاٰلِہٖ وَسَلَّم کے بعد اُمّتِ محمدیہ میں سب سے افضل ہیں۔حضرتِ سیِّدُنا عمر فاروق اعظم  اور حضرتِ سیِّدُنا علی المرتضٰی رَضِیَ اللہُ تَعَالٰی عَنْہُمَا کا مذہب یہ ہے کہ جو حضرتِ سیِّدُناابوبکرصدیقرَضِیَ اللہُ تَعَالٰی عَنْہپرکسی کوفضیلت دےاُسےمُفْتری(بہتان باندھنے والے)کی حدلگائی جائے گی(یعنی 80کوڑے مارے جائیں گے)۔

     حضرتِ سیِّدُناعبدالرحمٰن بن ابولیلیٰرَحْمَۃُ اللہِ تَعَالٰی عَلَیْہ بیان کرتےہیں کہ حضرتِ سیِّدُنا جارود بن مُعَلّٰی عَبْدی رَضِیَ اللہُ تَعَالٰی عَنْہنے کہا:حضرت ابوبکر صدیق رَضِیَ اللہُ تَعَالٰی عَنْہحضرت عمر رَضِیَ اللہُ تَعَالٰی عَنْہ سے بہتر ہیں۔ دوسرے شخص نے کہا: حضرت عمر رَضِیَ اللہُ تَعَالٰی عَنْہحضرت ابوبکر رَضِیَ اللہُ تَعَالٰی عَنْہ سے افضل ہیں۔ یہ خبر  جب حضرتِ سیِّدُنا عمر فارو ق اعظم رَضِیَ اللہُ تَعَالٰی عَنْہ کو پہنچی تو آپ نے اسے دُ رّے سے اتنا ماراکہ اُس کے پاؤں سوج گئے اور فرمایا: بلاشبہ حضرت ابوبکر رَضِیَ اللہُ تَعَالٰی عَنْہرسولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم کے ساتھی ہیں اور فلاں  فلاں مُعاملہ میں تمام لوگوں سے بہتر ہیں جو اس کے برخلاف کہے گا اس پرمُفْتری کی  حد ہوگی۔⁽[268]⁾

     حضرتِ سیِّدُناعلقمہرَحْمَۃُ اللہِ تَعَالٰی عَلَیْہبیان کرتےہیں:میں نےحضرتِ سیِّدُناعلیُّ

المرتضٰیکَرَّمَ اللہُ تَعَالٰی وَجْہَہُ الْکَرِیْمکوفرماتےسنا:مجھےیہ خبرپہنچی ہےکہ لوگ  مجھےحضرت ابوبکروحضرت عمررَضِیَ اللہُ تَعَالٰی عَنْہُمَا سے افضل قرار دیتے ہیں۔ جوشخص ایسی بات کرے گا  وہ مُفْتری ہے اور اس کے لئے مفتری کی حد ہے۔⁽[269]⁾

     حضرتِ سیِّدُناابنِ جَحلرَحْمَۃُ اللہِ تَعَالٰی عَلَیْہ بیان کرتے ہیں:حضرتِ سیِّدُناعلی المرتضٰیکَرَّمَ اللہُ تَعَالٰی وَجْہَہُ الْکَرِیْم نےفرمایا: میرے پاس جب بھی ایسا شخص لایا جائے گا جومجھےحضرت ابوبکروحضرت عمررَضِیَ اللہُ تَعَالٰی عَنْہُمَاپرفضیلت دیتاہوگامیں اُسے مفتری کی حد کے طور پر(80) کوڑے لگاؤں گا۔⁽[270]⁾

(5)…جو اپنے بھائی کو کہے:”اے کافر !“ تو بلاشُبہ وہ کفر ان دونوں میں سے ایک پر لوٹے گا۔⁽[271]⁾

صحابی کو کافرکہنے والا خود کافر ہے:

     میں کہتاہوں:جو حضرتِ سیِّدُنا ابوبکر صدیق رَضِیَ اللہُ تَعَالٰی عَنْہ اور ان کے علاوہ کسی صحابی کو ’’اے کافر!‘‘ کہہ کر  پکارے گا  تو بلاشُبہ یہاں قطعی طور پر کفر قائل کی طرف لوٹے گا کیونکہ اللہ عَزَّ  وَجَلَّ صحابَۂ کرام عَلَیْہِمُ الرِّضْوَان سے راضی ہے۔

     اللہ عَزَّ  وَجَلَّارشاد فرماتا ہے:

وَ السّٰبِقُوْنَ الْاَوَّلُوْنَ مِنَ الْمُهٰجِرِیْنَ وَ الْاَنْصَارِ وَ الَّذِیْنَ اتَّبَعُوْهُمْ بِاِحْسَانٍۙ-

 ترجمۂ کنزالایمان:اورسب میں اگلےپہلےمہاجر  اور انصار  اور جو بھلائی کے ساتھ ان کےپیرو

 

رَّضِیَ اللّٰهُ عَنْهُمْ وَ رَضُوْا عَنْهُ (پ۱۱،التوبة:۱۰۰)

 (پیروی کرنے والے)ہوئےاللہان سےراضی اوروہاللہسےراضی۔

     لہٰذاجوان نُفوسِ قدسیہ کوبُرابھلاکہےبلاشبہ ا س نےاللہ عَزَّ  وَجَلَّکوجنگ کا چیلنج دیا بلکہ ان حضرات کی شان تو ارفع و اعلیٰ ہےاگر کوئی  عام مسلمانوں کو گالیاں دے، ایذا پہنچائے اور ان کی تحقیر کرے  تو ہم اس کے بارے میں پہلے بیان کرچکے کہ یہ گناہ کبیرہ میں سے ہے تو پھر اس شخص کے بارے میں تمہارا کیا خیال ہے جو رسولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمکے بعد سب سے افضل شخص کو بُرابھلا کہتا ہو۔ ہاں یہ ضرور ہے کہ ایسا شخص اس گناہ کے سبب ہمیشہ دوزخ میں نہیں رہے گامگر جو حضرتِ سیِّدُنا علیُّ المرتضٰی کَرَّمَ اللہُ تَعَالٰی وَجْہَہُ الْکَرِیْم کی نبوت کا اعتقاد رکھے یا انہیں خداکہے  تو ایسا ملعون شخص کافر ہے۔⁽[272]⁾

٭…٭…٭…٭…٭…٭

 

 

گناہِ کبیرہ نمبر 58:                                 اَنصار کو بُرا بھلا کہنا

ایمان کی نشانی :

     رسولِ مقبول صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا: انصار سے محبت کرنا ایمان کی نشانی ہے اور انصار سے بغض رکھنا نفاق کی علامت ہے⁽[273]⁾۔⁽[274]⁾

منافق ہی اَنصار سے بغض رکھتا ہے:

     رسولِ اکرم،شاہِ بنی آدمصَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشادفرمایا:انصار سے  مومن ہی محبت کرتا ہے اور منافق ہی ان سے بغض رکھتا ہے۔⁽[275]⁾

 

٭…٭…٭…٭…٭…٭

 

 

 

گناہِ کبیرہ نمبر 59:      گمراہی کی طرف بُلانا یا بُرا طریقہایجاد کرنا

بدعت کے متعلق تین فرامین مصطفٰے:

(1)…جو گمراہی کی طرف بلائے  اُس پر تمام پیروی کرنے والے گمراہوں کے برابر گناہ ہوگا اور یہ ان کے گناہوں سے کچھ کم نہ کرے گا۔⁽[276]⁾

(2)… جو کوئی بُرا طریقہ رائج کرے  اس پر اپنا گناہ ہے  اور اس کے بعد جو لوگ اس پر عمل کریں گے ان کے گناہوں کا وبال بھی اسی پر ہے اور لوگوں کےگناہوں میں کچھ کمی بھی نہ ہوگی۔ ⁽[277]⁾ان دونوں احادیث کو امام مسلم نے روایت کیا ہے۔  

(3)…ہربدعت  گمراہی ہے۔⁽[278]^{)  (}[279]⁾

 

     ایک روایت میں یہ الفاظ زائد ہیں:”ہر گمراہی آگ میں ہے۔“⁽[280]⁾

 

٭…٭…٭…٭…٭…٭

گناہِ کبیرہ نمبر 60:  بال جوڑنا ، دانت کشادہ کرنااور گودنا

     سرکارِ ابدِ قرار،شافِعِ روزِ شمار صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا:بال جوڑنے،جڑوانے والی،گودنے،گُدوانے والی⁽[281]⁾،اَبروکےبال نوچ کر باریک کرنے اورکروانےوالی اورخوبصورتی کےلئےدانتوں کےدرمیان فاصلہ کرکےاللہ عَزَّ  وَجَلَّ کی تخلیق کو بدلنے والیوں پر اللہ عَزَّ  وَجَلَّ نے لعنت فرمائی ہے۔ ⁽[282]⁾

     یہ حدیث بخاری ومسلم دونوں میں  ہے۔

     رسولِ اکرم،نورِمُجَسَّمصَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا : کتے⁽[283]⁾ اور

خون کی قیمت حرام ہےاورفاحِشَہ(زانیہ)کی کمائی بھی حرام ہےاوراللہ عَزَّ  وَجَلَّ نے گودنے اورگدوانے والی ،سود لینے اور دینے والے اور تصویر بنانے والے پر لعنت فرمائی ۔ ⁽[284]⁾یہ حدیث بخاری ومسلم دونوں میں  ہے۔

 

٭…٭…٭…٭…٭…٭

گناہِ کبیرہ نمبر 61:  ھتھیار سے مسلمان کو اشارہ کرنا

     سرورِعالَم،نورِمُجَسَّمصَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشادفرمایا:جس نےلوہے سےاپنے بھائی کی طرف اشارہ کیاتوفرشتےاس پرلعنت بھیجتےرہتے ہیں اگرچہ وہ اس کا سگا بھائی ہو⁽[285]⁾۔⁽[286]⁾اس حدیث کو امام مسلم نے روایت کیا ہے۔

 

٭…٭…٭…٭…٭…٭

 

 

 

گناہِ کبیرہ نمبر 62:خود کو اپنے باپ کے علاوہ کی طرف

منسوب کرنا

پانچ  فرامین مصطفٰے:

(1)…جس نے خود کو اپنے باپ کے علاوہ کی طرف منسوب کیا  حالانکہ وہ جانتا ہے کہ وہ اس کا باپ نہیں ہے  تو اس پر جنت حرام ہے ⁽[287]⁾۔ ⁽[288]⁾

     یہ حدیث بخاری ومسلم دونوں میں  ہے۔

(2)…اپنےآباءواجداد(کے نسب)سےروگردانی نہ کرو،جس نےاپنےباپ سے روگردانی کی  ا س نے کفر کیا⁽[289]⁾۔⁽[290]⁾یہ حدیث بخاری ومسلم دونوں میں  ہے۔

 

(3)… جس نے خود  کو اپنے باپ کے غیر کی طرف منسوب کیااُس پر اللہ عَزَّ  وَجَلَّ کی لعنت ہے ۔⁽[291]⁾یہ حدیث بخاری ومسلم دونوں میں  ہے۔

رحمَتِ الٰہی سے دورافراد:

(4)…حضرتِ سیِّدُنا یَزید بن شریک رَحْمَۃُ اللہِ تَعَالٰی عَلَیْہ بیان کرتے ہیں: میں نے حضرتِ سیِّدُنا علیُّ المرتضٰیکَرَّمَ اللہُ تَعَالٰی وَجْہَہُ الْکَرِیْم کو برسرِمنبر خطبہ دیتے ہوئے سنا: اللہ عَزَّ  وَجَلَّ کی قسم! ہمارے پاس سوائےکتابُاللہکے جسے ہم پڑھتے ہیں  اوراس صحیفہ کے علاوہ کچھ نہیں ۔ پھرآپ نے اس صحیفہ کو کھولا  تو اُس میں دیت کے اونٹوں کی عمروں کے بارے میں اور زخموں کے احکام لکھے تھے۔ ا س میں یہ بھی لکھا تھا کہ نبی پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا :” مقامِ عِیْرسے لے کر مقامِ ثَور تک حَرَمِ مدینہ ہے، جس نے مدینہ میں کوئی  بدعت جاری کی یا کسی بدعتی کو پناہ دی تو اس پر اللہ عَزَّ  وَجَلَّ، فرشتوں اورسب  لوگوں کی لعنت ہے۔ اللہ عَزَّ  وَجَلَّقیامت کے روز اس کے کسی فرض اورنَفْل کو قبول نہیں کرے گا ۔تمام مسلمانوں کا ذمہ ایک ہے اور ان میں سے کوئی ادنیٰ مسلمان بھی اس ذمہ کی کوشش کرسکتا ہے۔جس نے مسلمان سے کئے ہوئے عہد کو توڑا تو اس پر اللہ عَزَّ  وَجَلَّ، فرشتوں اورسب  لوگوں کی لعنت ہے۔جس نےخودکواپنے باپ کے غیر کی طرف یا غلام نے خود کو اپنے مالکوں کےغیرکی طرف منسوب کیاتواس پربھیاللہ عَزَّ  وَجَلَّ،فرشتوں اورسب  لوگوں کی لعنت ہے۔اللہ عَزَّ  وَجَلَّقیامت کےروزاس کےکسی فرض اورنفل کوقبول

نہیںکرے گا ۔ ⁽[292]⁾یہ حدیث بخاری ومسلم دونوں میں  ہے۔

(5)… جس نے جان بوجھ کر خود کو اپنے باپ کے غیر کی طرف منسوب کیا تو اس نے کفر کیا  اور جس نے ایسی شے کا دعوٰی کیا جو اس کی نہ ہوتو ایسا شخص ہم میں سے نہیں اور اُسے چاہئے کہ اپنا ٹھکاناجہنم میں بنالے اور جس نے کسی شخص کو کافر یا خدا کا دشمن کہا  اگر وہ ایسا نہ ہو  تو وہ بات قائل کی طرف لوٹ آئے گی۔⁽[293]⁾

     یہ حدیث بخاری ومسلم دونوں میں  ہےجبکہ مذکورہ الفاظ مسلم کے ہیں۔

 

٭…٭…٭…٭…٭…٭

گناہ کبیرہ نمبر 63:                                                                          بَدْشُگونی

     بدشگونی کے گناہ کبیر ہ نہ ہونے کابھی  احتمال ہے ۔⁽[294]⁾

بد شگونی کے متعلق دو فرامین مصطفٰے:

(1)…اَلطِّيَرَةُ مِنَ الشِّرْكِیعنی بدشگونی لیناشرک ہے⁽[295]⁾ اورہم میں سےہرشخص کوایسا

خیال آجاتا مگر اللہ عَزَّ  وَجَلَّ توکل کے ذریعے اسے دور فرمادیتا ہے۔⁽[296]⁾

     اس حدیث کوامام تِرمِذیرَحْمَۃُ اللہِ عَلَیْہنےصحیح قراردیا ہے۔

     حضرتِ سیِّدُناامام سفیان بن حَرْبرَحْمَۃُ اللہِ تَعَالٰی عَلَیْہ فرماتے ہیں:”اورہم میں سےہرشخص کوایسا خیال آجاتا مگر اللہ عَزَّ  وَجَلَّ توکل کے ذریعے اسے دور فرمادیتا ہے۔“یہ حضرتِ سیِّدُنا عبداللہ بن مسعود رَضِیَ اللہُ تَعَالٰی عَنْہ کے الفاظ ہیں(قولِ رسول نہیں )۔

(2)… کوئی بیماری مُتَعَدِّی نہیں اوربدشگونی کوئی شےنہیں  اور میں فال کو پسند کرتاہوں۔عرض کی گئی:یارسولَاللہصَلَّی اللہُ تَعَالٰی عَلَیْہِ وَاٰلِہٖ وَسَلَّم!فال کیاہے؟ارشاد فرمایا:اچھاکلمہ(جو کسی سے سنے)۔ ⁽[297]⁾یہ حدیْثِ پاک صحیح ہے۔

 

٭…٭…٭…٭…٭…٭

 

 

 

گناہِ کبیرہ نمبر 64:سونے چاندی کے برتنوں میں کھانا پینا

تین فرامین مصطفٰے:

(1)… باریک ریشم پہنونہ موٹا،نہ سونےچاندی کےبرتنوں میں پیواورنہ ان کے پیالوں میں کھاؤکیونکہ یہ دنیامیں کفارکےلئےاورآخرت میں تمہارےلئے ہیں۔⁽[298]⁾

     یہ حدیْثِ پاک بخاری ومسلم دونوں میں ہے۔

(2)… جو سونے  چاندی کے برتنوں میں کھاتااور پیتا ہے  وہ اپنے پیٹ میں جہنم کی آگ انڈیل رہا ہے۔⁽[299]⁾

(3)… جو چاندی کے برتن میں کچھ پئے گا  وہ آخرت میں چاندی کے برتنوں میں نہیں پئے گا۔ ⁽[300]⁾ان دونوں احادیث کوامام مسلمرَحْمَۃُ اللہِ عَلَیْہنےروایت کیا ہے۔

 

٭…٭…٭…٭…٭…٭