بدگمانی

سوال      بنیادی طور پر گُمان کی کتنی اقسام ہیں؟

جواب      بنیادی اعتبار سے گمان کی دواَقسام  ہیں:(۱)حُسنِ ظن(۲)سوءِ ظن (یعنی بدگمانی)۔

سوال      بدگمانی کی تعریف کیا ہے؟

جواب      بدگمانی سے مراد یہ ہے کہ بلادلیل دوسرے کے بُرے ہونے کا دل سے پختہ یقین کرنا۔^([1])

سوال      بدگمانی کا شرعی حکم کیا ہے؟

جواب      مسلمان کے ساتھ بدگمانی حرام ہے۔^([2])

سوال      قرآنِ پاک میں بکثرت گمان کی ممانعت  کس مقام پر فرمائی گئی ہے؟

 

جواب   کثرتِ گمان کی ممانعت قرآن پاک کے پارہ 26،سورۂ حجرات کی آیت نمبر 12میں فرمائی ہے جیسا کہاللہ عَزَّ وَجَلَّ ارشاد فرماتا ہے: (یٰۤاَیُّهَا الَّذِیْنَ اٰمَنُوا اجْتَنِبُوْا كَثِیْرًا مِّنَ الظَّنِّ٘-اِنَّ بَعْضَ الظَّنِّ اِثْمٌ) ترجمۂ کنز الایمان:اے ایمان والو بہت گمانوں سے بچو بیشک کوئی گمان گناہ ہوجاتا ہے۔

سوال    ظن یعنی گمان کسے کہتے ہیں؟

جواب   جس بات کی طرف نفس جھکے اور دل اس کی طرف مائل ہو اسے ظن (یعنی گمان) کہتے ہیں۔^([3])

سوال      بدگُمانی کے حرام ہونے کی صورتیں کونسی ہیں؟

جواب      بدگمانی کے حرام ہونے کی دوصورتیں :(1)بدگمانی کودل پر جمالینا۔علامہ بدرالدین عینی عَلَیْہِ رَحْمَۃُ اللہِ الْقَوِی فرماتے ہیں:گمان وہ حرام ہے جس پر اِصرار کیا جائے اور اُسے اپنے دل پر جمالیا جائے۔^([4]) (2)بدگمانی کو زبان پر لے آنا یا اس کے تقاضے پر عمل کرلینا۔علامہ عبدالغنی نابلسی عَلَیْہِ رَحْمَۃُ اللہِ الْقَوِی فرماتے ہیں:بدگمانی اس صورت میں حرام ہے جب اس کا اثراعضاء پر ظاہر ہو ،یوں کہ اس کے تقاضے پر عمل کیا جائے ۔^([5])

سوال      برے گمان کے دل میں جم جانے کی پہچان کیا ہے؟

جواب      جس کے بارے میں اسے بدگمانی ہے اس کے متعلق پہلے جیسی قلبی کیفیت نہ

  رہے، اس سے بہت نفرت کرنے لگے، اسے بوجھ تصور کرے ، اس کے احوال کی رعایت اور اس کی عزت کرنا چھوڑدے۔^([6])

سوال    بدگمانی سے  کونسے باطنی اَمراض پیدا ہوتے ہیں؟

جواب   بدگمانی سے بغض اور حسد جیسے باطنی اَمراض بھی پیدا ہوتے ہیں۔^([7])

سوال    بدگمانی کو دور کرنے کا علاج  کیا ہے؟

جواب   بدگمانی سے توجہ ہٹادی جائے ۔حدیثِ پاک میں ہے  کہ جب تم بدگمانی کرو تو اس پر جمے نہ رہو۔^([8])

سوال    حدیثِ پاک میں اچھے گمان  کے بارے میں کیا فرمایا گیا ہے؟

جواب                 حضور نبیٔ مکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:اچھا گمان اچھی عبادت  سے ہے۔^([9])

سوال    بدترین جھوٹ  کیا ہے؟

جواب   حدیثِ پاک میں بدگُمانی کو بدترین جھوٹ فرمایا گیا ہے۔^([10])

سوال    مسلمان سے بدگمانی پر حدیث شریف میں کیا وعید آئی ہے؟

جواب   حضور تاجدارِ رسالت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:جس نے اپنے

 

مسلمان بھائی سے بُرا گمان رکھا،بے شک اس نے اپنے ربّ عَزَّ  وَجَلَّ سے برا گُمان رکھا۔^([11])

حرص

سوال    حرص کسے کہتے ہیں؟

جواب   ارادے میں خواہش کی زیادتی حرص کہلاتی ہے۔^([12])دوسرے لفظوں میں ”کسی چیز سے جی نہ بھرنا اور ہمیشہ زیادتی کی خواہش کرنا حرص ہے۔“^([13])

سوال    حدیث شریف میں حرص کی  کس طرح مذمت فرمائی گئی ہے ؟

جواب   حضور  نبیِّ رحمت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا: اگر انسان کے پاس سونے کی دو وادیاں ہوں تو وہ تیسری وادی کی خواہش کرے گا اور انسان کے پیٹ کو مٹی کے سوا کوئی چیز نہیں بھر سکتی اور جو شخص توبہ کرتا ہے اللہ عَزَّ  وَجَلَّ اس کی توبہ قبول فرماتا ہے۔^([14])

سوال    کیاکبھی حرص  اچھی بھی ہوتی  ہے؟

جواب   جی  ہاں،حکیم الامت مفتی احمد یار خان نعیمی عَلَیْہِ رَحْمَۃُ اللہِ الْقَوِی فرماتے ہیں: دنیاوی حرص بُری ہے دینی حرص اچھی ہے۔^([15])

 

سوال      بُری حرص  کی وضاحت کیجئے؟

جواب   بُری حرص یہ ہے کہ اپنا حصہ حاصل کرلینے کے باوجود دوسرے کے حصے کی لالچ رکھے ۔ ^([16])

سوال    کیا حرص کا معاملہ صرف د ولت ہی میں ہوا کرتا ہے؟

جواب   ایسا نہیں ہے۔لالچ اور حرص کا جذبہ خوراک ، لباس، مکان ، سامان، دولت، عزت، شہرت الغرض ہر نعمت میں ہوا کرتا ہے۔ ^([17])

سوال    کونسے دو حریص کبھی سیر نہیں ہوتے ؟

جواب   (۱)علم کا حریص کہ علم سے کبھی اس کا پیٹ نہیں بھرے گا اور(۲) دنیا کا لالچی کہ یہ کبھی آسودہ نہیں ہوگا۔^([18])

سوال     کون سی دوخصلتیں ہمیشہ جوان رہتی ہیں؟

جواب   رسولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا کہ ابنِ آدم بوڑھا ہو جاتا ہے لیکن اس کی دوخصلتیں ہمیشہ جوان رہتی ہیں ایک مال کی حرص اوردوسری عمر کی حرص۔^([19])

سوال    علمِ دین کے حریص کے لیے کیا کیا انعامات ہیں ؟

جواب   صوفیاءفرماتے ہیں:اِنْ شَآءَالله(عَزَّ وَجَلَّ)علمِ دین کا مُتلاشی مرتے ہی جنتی ہے۔

 

علما فرماتے ہیں کہ کسی کو اپنے خاتمے کی خبر نہیں سوا عالمِ دین کے کہ ان کے لیے حضور(صَلَّی اللہُ تَعَالٰی عَلَیْہِ وَاٰلِہٖ وَسَلَّم)نے وعدہ فرمالیا کہ اللہ (عَزَّ  وَجَلَّ)جس کی بھلائی چاہتا ہے اسے علمِ دین دیتا ہے۔^([20])

سوال    کس معاملے میں بے صبری اور حرص اعلیٰ ہے؟

جواب   حضرت مفتی احمدیار خان نعیمی عَلَیْہِ رَحْمَۃُ اللہِ الْقَوِیفرماتے ہیں :’’دنیاوی چیزوں میں قناعت اور صبر اچھا ہے مگر آ خرت کی چیزوں میں حرص اور بے صبری اعلیٰ ہے۔‘‘^([21])

سوال    مال ومرتبے کی حرص کا کیا نقصان ہے؟

جواب   حضورپُرنورصَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا:’’دو بھوکے بھیڑئیے بکریوں کے ریوڑ میں چھوڑ دئیے جائیں تو وہ اتنا نقصان نہیں کرتے جتنا مال اور مرتبے کی حرص کرنے والا اپنے دین کے لئے نقصان دِہ ہے۔^([22])

سوال    کن لوگوں کو زندہ رہنے کی سب سے زیادہ حرص ہے؟

جواب   قرآنِ کریم کی سورۂ بقرہ،آیت 96کے تحت صدرالافاضل مفتی نعیم الدین مراد آبادی عَلَیْہِ رَحْمَۃُ اللہِ الْھَادِی فرماتے ہیں: مشرکین کا ایک گروہ مجوسی ہے آپس میں تَحیّت و سلام کے موقع پر کہتے ہیں”زہ ہزار سال “ یعنی ہزار برس جیو۔ مطلب یہ ہے کہ مجوسی مشرک ہزار برس جینے کی تمنا رکھتے ہیں یہودی

 

ان سے بھی بڑھ گئے کہ انہیں حرصِ زندگانی سب سے زیادہ ہے۔^([23])

سوال      حرص کے علاج کے لئے کن چیزوں کی ضرورت ہے؟

جواب      صبر،علم اورعمل۔^([24])

جھوٹ

سوال      جھوٹ کسے کہتے ہیں؟

جواب      کسی چیز کو اس کی حقیقت کے برعکس بیان کرنا۔^([25])

سوال      جھوٹوں کے لیے قرآن پاک میں کیا وعید آئی ہے؟

جواب      قرآن پاک میں جھوٹوں کو اللہ عَزَّ  وَجَلَّ کی لعنت کا مستحق قراردیا گیا ہے۔^([26])

سوال      جھوٹ انسان کوکہاں لے جاتا ہے؟

جواب      حضور نبی مکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا: جھوٹ انسان کو برائی کی طرف  لے جاتااوربرائی جہنم کی طرف  لے جاتی ہے۔^([27])

سوال      جھوٹ انسان کی شخصیت پر کیا اثرڈالتا ہے؟

جواب      حضور تاجدارِ رسالت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا: جھوٹ انسان کو رُسوا کردیتا ہے۔^([28])

 

سوال    جھوٹ چھوڑنے والے کو حدیثِ پاک میں کیا خوشخبری دی گئی ہے ؟

جواب   حضورشفیعِ اُمت صَلَّی اللہُ تَعَالٰی عَلَیْہِ وَاٰلِہٖ وَسَلَّمکا فرمانِ جنت نشان ہے:جس نے باطل جھوٹ بولنا چھوڑدیا اُس کے لیے جنت کے کنارے  پرمکان  بنایا جائے گا۔^([29])

 سوال   حدیث پاک میں منافق کی کیانشانیاں آئی  ہیں؟

جواب   (۱)جب بات کرے جھوٹ بولے(۲) جب وعدہ کرے تو وعدہ خلافی کرے اور(۳) جب اس کے پاس امانت رکھی جائے خیانت کرے۔^([30])(۴)ایک روایت میں یہ بھی ہے کہ جب جھگڑا کرے تو گالی دے۔^([31])

سوال    سچا انسان  کس رتبے کا اور جھوٹا کس وعیدکا مستحق ہوتا ہے؟

جواب   پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا: سچائی کو لازم کرلو، کیونکہ سچائی نیکی کی طرف لے جاتی ہے اور نیکی جنت کا راستہ دکھاتی ہے آدمی برابر سچ بولتا رہتا ہے اور سچ بولنے کی کوشش کرتا رہتا ہے، یہاں تک کہ وہ اللہ کے نزدیک’’صدیق‘‘ لکھ دیا جاتا ہےاورجھوٹ سے بچو، کیونکہ جھوٹ فجور (برائیوں) کی طرف لے جاتا ہے اور فجور جہنم کا راستہ دکھاتا ہے اورآدمی برابر جھوٹ بولتا رہتا ہے اور جھوٹ بولنے کی کوشش کرتا ہے، یہاں تک کہ اللہ عَزَّوَجَلَّکے نزدیک ’’کذّاب‘‘لکھ دیا جاتا ہے۔^([32])

 

سوال      جھوٹ کی بدبو سے فِرِشتہ کتنا دور ہوجاتا ہے؟

جواب      حضور نبیٔ رحمت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:جب بندہ جھوٹ بولتا ہے تو اُس کی بدبو سے فِرِشتہ ایک میل دور ہوجاتا ہے۔^([33])

سوال      جھوٹ، حسد، چغلی اور غیبت والے دوزخ میں کس  شکل کے ہوں گے ؟

جواب      حضرت سیدنا حاتِم اَصَم عَلَیْہِ رَحْمَۃُ اللہِ الْاَکْرَم فرماتے ہیں :جہنم میں  جھوٹا کتے کی شکل میں،حسد کرنے والا سور کی شکل میں ،چغل خوراورغیبت کرنے والا بندر کی شکل میں بدل جائے گا۔^([34])

سوال      حدیثِ مبارکہ میں کن مواقع پر جھوٹ بولنے کی اجازت آئی ہے؟

جواب      (۱)جنگ کی صورت میں کہ یہاں اپنے مقابل کو دھوکا دینا جائز ہے(۲)دو مسلمانوں کے درمیان صلح کرانےاور(۳)اپنی بیوی کوراضی کرنے کیلئے۔^([35])

سوال      جھوٹی گواہی دینے والے کے لئے کیا وعید(سزا دئیے جانے  کا  فرمان) ہے ؟

جواب      حضرت عبدُاللہ بن عمر رَضِیَ اللّٰہُ تَعَالٰی عَنْہُماسے روایت ہے،رسولُ اللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے ارشاد فرمایا’’ جھوٹے گواہ کے قدم ہٹنے بھی نہ پائیں گے کہ اللہ تعالٰی اُس کے لیے جہنم واجب کر دے گا۔^([36])

سوال      جھوٹا خواب سنانے کی  کیاوعیدہے ؟

جواب      جناب رسولِ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا: جھوٹاخواب سنانے والے

 

        کو جَوکے دودانوں میں گانٹھ لگانے کی تکلیف دی جائے گی جووہ  نہیں کر سکے گا۔^([37]) اور ایک حدیث پاک میں جھوٹا خواب گھڑ کر سنانے والے کو جنت کی خوشبو سے محرومی کی وعید سنائی گئی ہے۔^([38])

بغض وکینہ

سوال       کینہ کی تعریف کیا ہے ؟

جواب      کینہ یہ ہے کہ انسان اپنے دل میں کسی کو بوجھ جانے،اس سے غیر شرعی دشمنی و بغض رکھے،نفرت کرے اور یہ کیفیت ہمیشہ ہمیشہ باقی رہے۔^([39])

سوال      بغض و کینہ رکھنے کاشریعت میں کیا  حکم ہے؟

جواب      کسی بھی مسلمان کے متعلق بلاوجہ شرعی اپنے دل میں بغض و کینہ رکھنا ناجائز و گناہ ہے۔ عارِف بِاللہ علامہ عبدالغنی نابلسی حنفی عَلَیْہِ رَحْمَۃُ اللہِ الْغَنِی فرماتے ہیں: اگر حق و انصاف  کی بات کرنے کے سبب کسی سے بغض وکینہ رکھے تو حرام ہے اور اگرکسی سے اُس کے ظلم کے سبب بغض رکھے تو جائز ہے۔^([40])

سوال      اَحادیثِ کریمہ میں بغض وکینہ کا کیا نقصان بیا ن ہوا ہے؟

جواب      بغض وکینہ کے نقصانات پر مشتمل دو احادیثِ مبارکہ یہ بھی ہیں :(۱)جس نے اس حال میں صبح کی کہ وہ کینہ پَروَر ہے تو وہ جنت کی خوشبو نہ سونگھ سکے گا۔^([41]) (۲)

 

 بغض ودشمنی  رکھنے سے بچو!کیونکہ بغض دین کو مونڈڈالتا (یعنی تباہ کردیتا ) ہے۔^([42])

سوال     صحابۂ کرام سے بغض و کینہ رکھنا کیسا؟

جواب   سخت حرام ہے ۔ صدرُ الافاضل مفتی نعیم الدین مراد آبادی عَلَیْہِ رَحْمَۃُ اللہِ الْھَادِی فرماتے ہیں : جو بد نصیب صحابہ کی شان میں بے ادبی کے ساتھ زبان کھولے وہ دشمنِ خدا و رسول ہے۔ مسلمان ایسے شخص کے پاس نہ بیٹھیں۔ ^([43])

سوال    ساداتِ کرام سے بغض رکھنے کا کیا نقصان ہے ؟

جواب   حدیث شریف میں ہے : جو شخص ہم سے بغض یا حسد کرے گا اسے قیامت کے دن حوضِ کوثر سے آگ کے چابکوں کے ساتھ دور کیا جائےگا۔^([44])

سوال    علمائے کرام سے بغض رکھنے والے کا کیا حکم ہے؟

جواب    (عالم دین سے) اگر بے سبب رنج (یعنی بغض) رکھتا ہے تو مریضُ القلب، خبیثُ الباطن اور اس کے کفر کا اندیشہ ہے۔ ^([45])

سوال    اولیائے کرام سے بغض رکھنے پرکیا وعید آئی ہے؟

جواب   حدیث شریف میں ہے : جو اللہ عَزَّ  وَجَلَّ کے کسی ولی سے دشمنی رکھے تحقیق  اس نے اللہ عَزَّوَجَلَّ کے ساتھ اِعلانِ جنگ کردیا۔^([46])

 

سوال      کیا مال ودولت کی فراوانی بغض وکینہ  کا سبب بنتی ہے؟

جواب      جی ہاں !یہ بھی آپس میں بغض وکینہ کا ایک سبب ہے۔حضورِاکرم صَلَّی اللّٰہُ تَعَالٰی عَلَیْہِ واٰلہٖ وَسَلَّمَنے ارشادفرمایا:”لَا تُفْتَحُ الدُّنْیَا عَلٰی اَحَدٍ اِلَّا اَلْقَی اللہُ بَیْنَہُمُ الْعَدَاوَۃَ وَالْبَغْضَاءَ اِلٰی یَوْمِ الْقِیَامَۃِ‘‘ یعنی دنیا کسی پر کشادہ نہیں کی جاتی مگراللہعَزَّ  وَجَلَّ تاقیامت ان کے درمیان بغض وعداوت  رکھ دیتا ہے۔^([47])

سوال      بغض و کینہ سے بچنے کے کوئی دو علاج بتائیے ؟

جواب      (۱)ایمان  والوں کے کینے سے بچنے کی دعا کیجئے،پارہ 28سورۂ حشر،آیت نمبر10 کو یاد کرلینا اور وقتاً فوقتاً پڑھتے رہنا بھی مفید ہے: (وَ لَا تَجْعَلْ فِیْ قُلُوْبِنَا غِلًّا لِّلَّذِیْنَ اٰمَنُوْا رَبَّنَاۤ اِنَّكَ رَءُوْفٌ رَّحِیْمٌ۠(۱۰)) ترجمۂ کنزالایمان:اور ہمارے دل میں ایمان والوں کی طرف سے کینہ نہ رکھ  اے رب ہمارے بیشک تو ہی نہایت مہربان رحم والا ہے۔(۲)مسلمانوں سے اللہ عَزَّوَجَلَّ کی رضا کے لئے محبت کرنا  کیونکہ محبت کینے کی ضد ہے۔ ^([48])

سوال      کیا شبِ براءت میں بغض وکینہ رکھنے والے کی مغفرت ہوجاتی ہے ؟

جواب      جی نہیں!حضور نبیِّ محترم صَلَّی اللّٰہُ تَعَالٰی عَلَیْہِ واٰلہٖ وَسَلَّمَ نے فرمایا:اللہعَزَّ وَجَلَّ   شعبان کی پندرہویں رات اپنے بندوں  پرخاص  تجلی فرماتا ہے ، مغفرت چاہنے والوں کی مغفرت فرماتا ہے  اور رحم طلب کرنے والوں پر رحم فرماتا ہے جبکہ کینہ

 

           رکھنے والوں کو ان کی حالت پر  چھوڑ دیتا ہے۔^([49])

سوال     دوسروں کو اپنے کینے سے کیسے بچایا جاسکتا ہے؟

جواب   اس کے لیے پانچ مدنی پھول پیشِ خدمت ہیں :(1)کسی کی بات کاٹنے سے بچئے (2) تعزیت کے دوران مسکرانے سے بچئے (3) کسی کی غلطی نکالنے میں احتیاط کیجئے (4)موقع محل کے مطابق عمل کیجئے (5)خواہ مخواہ حوصلہ شکنی نہ کیجئے۔^([50])

سوال     کیا اہلِ جنت کے درمیان بھی بغض و کینہ ہوگا؟

جواب   جی نہیں۔ حدیث شریف میں ہے : اہلِ جنت میں آپس میں اختلاف نہ ہوگا ، نہ بغض و کدورت۔ سب کے دل ایک ہوں گے، صبح و شام اللہ عَزَّ  وَجَلَّ کی پاکی بیان کریں گے ۔^([51])

حسد

سوال    حسد کسے کہتے ہیں؟

جواب   کسی کی دینی یا دُنیاوی نعمت کے چھن جانےکی تمنا کرنا یا یہ خواہش کرنا کہ فُلاں شخص کو یہ  نعمت نہ ملے،اسے’’حسد‘‘کہتے ہیں۔^([52])

سوال    حسد کرنے والے اور جس سے حسد کیا جائے اُسے کیا کہتے ہیں؟

جواب   حسد کرنے والے کو’’حاسِد‘‘اورجس سے حسد کیا جائے اُسے’’مَحسُود‘‘کہتے ہیں۔

 

سوال      غِبْطَہ کسے کہتے ہیں؟

جواب      غِبْطَہ یعنی رشک کے یہ معنی ہیں کہ دوسرے کو جو نعمت ملی ویسی مجھے بھی مل جائے اوریہ آرزو نہ ہو کہ اسے نہ ملتی یا اس سے جاتی رہے۔^([53])

سوال      آپس میں بھائی بھائی ہونے کا کیا نسخہ ہے؟

جواب      حضرت مفتی احمد یار خان عَلَیْہِ رَحْمَۃُ الرَّحْمٰن فرماتے ہیں:بدگمانی،حسد،بغض وغیرہ وہ چیزیں ہیں جن سے محبت ٹوٹتی ہے اور اِسلامی   بھائی چارہ محبت چاہتا ہےلہٰذا یہ عیوب چھوڑو تاکہ بھائی بھائی بن جاؤ۔^([54])

سوال      کونسی خطا سب سے پہلے واقع ہوئی؟

جواب      جو خطاسب سے پہلے کی گئی وہ حسد ہے ۔^([55])

سوال      سب سے پہلے حسد کس نے کیا تھا؟

جواب      سب سے پہلے حسدشیطان نےکیا۔^([56])

سوال      شیطان نے کس سے کس معاملے میں حسد کیا تھا؟

جواب      اِبلیس ملعون نے حضرت آدم عَلَیْہِ السَّلَام کو سجدہ کرنے کے معاملے میں اُن سے حسد کیا۔^([57])

 

سوال      حدیثِ پاک میں حسد کی کس طرح مذمت فرمائی گئی ہے؟

جواب      حضور جانِ عالَم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا:حسد کرنے والا،چُغلی کھانے والا اور کاہِن (نجومی ،فال نکالنے والا)مجھ سے نہیں (یعنی میرے طریقہ پر نہیں) اور میں اُن سے نہیں۔^([58])

سوال      حسد کرنے والا اللہ تعالٰی کی ناراضی کس طرح مول لیتا ہے؟

جواب      اللہتعالٰی نے بندوں پرنعمتوں کی جو تقسیم فرمائی ہے حسد کرنے والااس پر ناپسندیدگی کا اظہار کرتا ہے اور اس کے عدل وانصاف پر انگلی اٹھاتا ہے۔^([59])  اس طرح وہ اللہ عَزَّ  وَجَلَّ کی ناراضی مول لیتا ہے۔

سوال      حسدسے نیکیوں کوکیانقصان پہنچتا  ہے؟

جواب      حضرت انس بن مالک رَضِیَ اللہُ تَعَالٰی عَنْہ سے روایت ہے کہ رسولُ اﷲ صَلَّی اللہُ تَعَالٰی عَلَیْہِ وَاٰلِہٖ وَسَلَّمنے فرمایا: حسد نیکیوں کو اس طرح کھا تا ہے جس طرح آگ لکڑی کو کھاتی ہے۔^([60])

سوال      پچھلی اُمت سے اِس اُمت میں آنے والی باطنی بیماریاں کونسی ہیں؟

جواب      حضرت زبیر بن عوام رَضِیَ اللہُ تَعَالٰی عَنْہسے روایت ہے کہ حضور نبیٔ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشادفرمایا: اگلی اُمت کی بیماری تمہاری طرف بھی آئی وہ بیماری حسدو بغض ہے۔^([61])

 

سوال    حسد وبغض انسان کے دین پرکیا اثرات ڈالتے ہیں؟

جواب   یہ باطنی اَمراض  انسان کے دین کو تباہ کردیتے ہیں۔^([62])

غصّہ

سوال    غصہ کسے کہتے ہیں ؟

جواب   حکیمُ الاُمت مفتی احمد یار خان نعیمی عَلَیْہِ رَحْمَۃُ اللہِ الْوَ لِیفرماتے ہیں :غضب یعنی غصّہ نفس کے اس جو ش کانام ہے جو دوسرے سے بدلہ لینے یا اسے دفع کرنے پر ابھارے ۔^([63])

سوال    غصہ پینے کی کیا فضیلت ہے ؟

 جواب  حضور اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم کا فرمان ہے:جو غصہ پی جائے گا حالانکہ وہ نافذ کرنے پر قدرت رکھتا تھا تو اللہعَزَّ وَجَلَّ   قیامت کے دن اس کے دل کو اپنی رضا سے معمور فرمادے گا۔^([64])

سوال    کیا غصہ حرام ہے ؟

جواب   عوام میں یہ غلط مشہور ہے کہ غصہ حرام ہے ۔ غصہ ایک غیر اختیاری اَمر ہے، انسان کو آہی جاتا ہے ، اس میں اس کا قصور نہیں ، ہاں غصہ کا بے جا استعمال برا ہے۔^([65])

سوال    غصے کے سبب جنم لینے والی کوئی چھ بُرائیاں بیان کیجئے؟

 

جواب      غصے سے تقریباً ۱۶ برائیاں جنم لیتی ہیں جن میں سے چھ یہ ہیں :(۱)حسد (۲) غیبت (۳) چغلی(۴) قطع تعلق (۵) جھوٹ اور(۶) گالی گلوچ۔^([66])

سوال      اگر غصہاللہعَزَّوَجَلَّکی ناراضی  پرختم ہوتو کیا وعید ہے؟

جواب        رسولِ اکرم،شاہ ِبنی آدم صَلَّی اللہُ تَعَالٰی عَلَیْہِ وَاٰلِہٖ وَسَلَّم کا فرمانِ عالیشان ہے : جہنم  کا ایک دروازہ ہے جس سے وہی لوگ داخل ہوں گے جن کا غصہ اللہعَزَّوَجَلَّکی ناراضی پرہی ختم ہوتا ہے۔^([67])

سوال      حضرت حسن بصری عَلَیْہِ رَحْمَۃُ اللہِ الْقَوِی غصیلے شخص کے لئے کیا فرماتے ہیں ؟

جواب      آپ رَحْمَۃُ اللہِ تَعَالٰی عَلَیْہ فرماتے ہیں :اے آدمی!غصے میں تو خوب اچھلتا ہے ، کہیں اب کی اچھال تجھے دوزخ میں نہ ڈال دے۔^([68])

سوال      اگر غصے کے سبب گناہ سرزد ہوجاتا ہو  توکیا علاج کیا جائے؟

جواب      ایسے شخص کو چاہئے کہ ہرنَماز کے بعد بِسم اللّٰہِ الرَّحمٰنِ الرَّحیم21 بارپڑھ کر اپنے اوپر دم کرلے ۔^([69])

 سوال     کس خوش نصیب کا دل سکون وایمان سے بھردیا جاتا ہے؟

جواب      حدیثِ پاک میں ہے کہ”جس شخص نے غُصّہ ضَبط کرلیاباوُجُود اس کے  کہ وہ غُصّہ نافِذ کرنے پرقُدرت رکھتا تھا اللہ عَزَّ  وَجَلَّ اُس کے دل کوسُکون وایمان سے بھر

 

دےگا۔“^([70])

سوال    کیا غصے کا علاج کرنا ضروری ہے ؟

جواب   جی ہاں،حجۃ الاسلام  حضرت سیدنا امام محمد غزالی عَلَیْہِ رَحْمَۃُ اللہِ الْوَ الِی فرماتے ہیں : غصے کا علاج کرناواجب ہے کیونکہ  بہت سارے لوگ غصے کے باعث جہنم میں جائیں گے۔^([71])

سوال    حدیث مبارکہ میں غصے کی آگ بجھانے کا کیا طریقہ بیان کیاگیا  ہے؟

جواب   حضور صَلَّی اللہُ تَعَالٰی عَلَیْہِ وَاٰلِہٖ وَسَلَّم کا فرمان ہے:بیشک غصہ شیطان کی طرف سے ہے اور شیطان آگ کی پیدا ئش ہے اور آگ پانی سے بجھتی ہے لہٰذا جب تم میں سے کسی کو غصہ آئے تو وہ وضو کرلیا کرے۔^([72])

سوال    کیا غصے کی عادت نکالنے کے لئے کوئی روحانی علاج بھی ہے ؟

جواب   جی ہاں ،غصے کی عادت ختم کرنے کے لیے یہ دو ورد کیے جاسکتے ہیں :(۱)چلتے پھرتے کبھی کبھی یَااَللہُ یَارَحْمٰنُ یَارَحِیْمُ کہہ لیا کرے۔(۲)چلتے پھرتے یَا اَرْحَمَ الرَّاحِمِیْن پڑھتا رہے ۔^([73])

سوال    جب  غصے میں  اپنے آپ پرقابونہ ہورہا ہو  تو خودکو کیسے سمجھائیں؟

جواب   ایسے وقت میں خود کویوں سمجھائیں کہ  مجھےدوسروں پراگرکچھ قدرت حاصل

 

           بھی ہےتو اس سےبےحد زیادہ اللہ عَزَّ وَجَلَّ مجھ پرقادرہے،اگرمیں نے غُصّے میں آکرکسی کی دل آزاری یاحق تلفی کرڈالی توقِیامت کےروزاللہ عَزَّ  وَجَلَّ کے غضب سے میں کس طرح محفوظ رہ سکوں گا۔ ^([74])

تکبُّر

سوال      تکبر کسے کہتے ہیں؟

جواب      حق کی مخالفت اور لوگوں کو حقیر جاننے کا نام تکبر ہے۔^([75])

سوال      تکبر سے بچنے کی کیا فضیلت ہے؟

جواب      حضور نبی کریم  صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:جو شخص تکبر،خِیانت اور دَین (یعنی قرض وغیرہ)سے بَری ہوکر مرے گا وہ جنّت میں داخل ہوگا۔^([76])

سوال      تکبر کی کتنی اقسام ہیں؟

جواب      (۱)اللہ  عَزَّ  وَجَلَّ کے مقابلے میں تکبر(۲)اللہ  عَزَّ  وَجَلَّ کے رسولوں کے مقابلے میں تکبر(۳)بندوں کے مقابلے میں تکبر۔^([77])

سوال      ’’تکبر‘‘کے اسباب بیان کریں؟

جواب      (۱)علم(۲)عمل (۳)حسب ونسب (۴)حسن وجمال (۵)طاقت وقوت (۶) مال

 

           ودولت اور (۷)پیروکاروں کی کثرت۔^([78])

سوال      کیا علم کی بھی کوئی آفت ہے؟

جواب      جی ہاں ،ایک روایت میں ’’تکبر‘‘ کو علم کی آفت قرار دیا گیا ہے۔^([79])

سوال      اللہ عَزَّ  وَجَلَّ کےمقابلے میں تکبر کرنے والے فرعون کا کیا انجام ہوا؟

جواب      اللہ عَزَّ  وَجَلَّ نے اُسے اور اس کی قوم کو دریائے قُلزم میں غَرق کردیا اور پھر مرے ہوئے بیل کی طرح دریا کے کنارے پر پھینک دیا تاکہ وہ بعد والو ں کے لیے نشانِ عبرت بن جائے۔^([80])

سوال      بندوں کے مقابلے میں تکبر سے کیا مراد ہے؟

جواب      اس سے مراد یہ ہے کہ اپنے آپ کو بہتر اور دوسرے کو حقیر جان کر اُس پر بڑائی چاہنا اور مساوات(یعنی باہم برابری)کو ناپسند کرنا۔^([81])

سوال      حَسَب و نسب تکبّر کا سبب کس طرح بنتا ہے؟

جواب      اِس طرح کہ اعلیٰ نسب اِنسان اپنےخاندان کے بل بوتے پر اَکڑتا اور دوسروں کو حقیر جانتا ہے۔^([82])

سوال      وہ کونسے لوگ ہیں جو بغیرحساب کے جہنم میں داخل ہوں گے ؟

 

جواب      (۱)اُمراء ظلم کی وجہ سے  (۲)عَرَب عَصَبِیَّت کی وجہ سے (۳)رئیس اور سردار تکبّر کی وجہ سے (۴)تجارت کرنے والے جھوٹ کی وجہ سے (۵)اہلِ علم حسد کی وجہ سے(۶) مالدار بخل کی وجہ سے۔^([83])

سوال      پائینچےٹخنوں سے نیچے رکھنا کس صورت میں حرام ہے؟

جواب      امامِ اہلسنت اعلیٰ حضرت امام احمد رضا خان عَلَیْہِ رَحْمَۃُ الرَّحْمٰن فرماتے ہیں:پائچوں کا کَعْبَیْن (یعنی ٹخنوں) سے نیچا ہونا اگر براہِ عُجب وتکبر(یعنی خودپسندی اور تکبر کی وجہ سے)ہے تو قطعاً ممنوع و حرام ہے۔^([84])

سوال      کیا تھوڑے سے تکبر کی بھی معافی نہیں ؟

جواب      حضور نبیٔ رحمت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:جس کے دل میں ذرہ برابر تکبّر ہوگاوہ جنّت میں نہیں جائے گا۔^([85])

سوال  کیا اچھے کپڑے اور اچھے جوتے پسند ہونا بھی تکبر ہے؟

جواب      کسی نے  بارگاہِ رسالت میں عرض کی : کسی کو یہ پسند ہوتاہے کہ کپڑے اچھے ہوں،جوتے اچھے ہوں تو کیا یہ بھی تکبّر ہے؟تو حضور جانِ عالَم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا:اللہ تعالٰی جمیل ہے جمال کودوست رکھتاہے اورتکبر حق سے سرکشی کرنے اور لوگوں کو حقیر جاننے کا نام ہے۔^([86])

 

ریاکاری

سوال    رِیاکاری کسے کہتے ہیں؟

جواب   اللہ عَزَّ  وَجَلَّکی رضا کے علاوہ کسی اور نیّت یا اِرادے سے عبادت کرنا ریا کاری ہے۔مثلاً لوگوں پر اپنی عبادت گزاری کی دھاک بٹھانا مقصود ہو کہ لوگ اس کی تعریف کریں،اسے عزت دیں اور اس کی خدمت میں مال پیش کریں۔^([87])

سوال    حدیثِ پاک میں کس برائی کو شرکِ اصغرفرمایاگیاہے؟

جواب   حضور نبیٔ رحمت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے فرمایا:مجھے تم پرسب سے زیادہ خوف شرکِ اصغر کاہے۔لوگوں نے عرض کی:شرکِ اصغر کیاہے؟ارشاد فرمایا:رِیاکاری۔^([88])

سوال    رِیا کاری کے درجات کون کونسے ہیں ؟

جواب   حکیم الامت حضرت مفتی احمد یار خان نعیمی عَلَیْہِ رَحْمَۃُ اللہِ الْقَوِی لکھتے ہیں:رِیا کے بہت درجے ہیں،ہر درجے کا حکم علیحدہ ہے،بعض رِیا شرکِ اَصغر ہیں،بعض رِیا حرام،بعض رِیا مکروہ،بعض ثواب۔^([89])

سوال    ریاکاری کی اَقسام بیان کریں؟

جواب   ریا کی دو قسمیں ہیں:(۱) جَلی(یعنی وہ ریاکاری جو بالکل واضح ہو)(۲) خَفی(یعنی وہ

 

              ریاکاری جو پوشیدہ ہو)۔ ^([90])

سوال    ریا کاری کی صورتیں اور ان کے احکام بیان کریں؟

جواب   ریا کی دو صورتیں ہیں، کبھی تو اصل عبادت ہی ریا کے ساتھ کرتا ہے کہ مثلاً لوگوں کے سامنے نماز پڑھتا ہے اور کوئی دیکھنے والا نہ ہوتا تو پڑھتا ہی نہیں یہ ریائے کامل ہے کہ ایسی عبادت کا بالکل ثواب نہیں۔ دوسری صورت یہ ہے کہ اصل عبادت میں ریا نہیں، کوئی ہوتا یا نہ ہوتا بہرحال نماز پڑھتا مگر وصف میں ریا ہے کہ کوئی دیکھنے والا نہ ہوتا جب بھی پڑھتا مگر اس خوبی کے ساتھ نہ پڑھتا۔ یہ دوسری قسم پہلی سے کم درجہ کی ہے اس میں اصل نماز کا ثواب ہے اور خوبی کے ساتھ ادا کرنے کا جو ثواب ہے وہ یہاں نہیں کہ یہ ریا سے ہے اخلاص سے نہیں۔^([91])

سوال    قیامت کے دن رِیاکار کو کن ناموں سے پکارا جائے گا؟

جواب   حضور نبی غیب دان صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:روزِ قیامت ریا کاروں کوتمام لوگوں کے سامنے ان چارناموں سے پکارا جائے گا:اے کافر! اے بدکار!اے دھوکے باز!اے خسارہ پانے والے۔^([92])

سوال    جہنم کی جس وادی  سے جہنم بھی 400مرتبہ روزانہ پناہ مانگتا ہے اُس میں کون جائے گا؟

 

جواب                       یہ وادی اِس اُمت میں سے قرآنِ کریم کے ریاکار حافظ،غیرُاللہ کے لیے صدقہ کرنے والے ریاکار،بیتُ اللہ کے ریاکار حاجی اور راہِ خدا میں نکلنے والے ریاکار  کے لیے بنائی گئی ہے۔^([93])

سوال      رِیاکار کو  کس بڑی نعمت سے محرومی کی وعید  سنائی گئی ہے؟

جواب      رِیاکار کو  جنت سے محرومی کی وعید  سنائی گئی ہے،حدیثِ پاک میں ہے:اللہ عَزَّوَجَلَّ  نے ہر ’’رِیاکار‘‘پر جنت کو حرام کردیا ہے۔^([94])

سوال      کیا ذرہ بھر ریاکاری بھی نقصان دِہ ہے؟

جواب      اللہتعالٰی اُس عمل کو قبول نہیں فرماتا جس  میں ایک ذرّہ برابر بھی رِیاکاری ہو۔^([95])

سوال      چیونٹی کی چال سے بھی زیادہ خفیف  عمل کونسا ہوتا ہے؟

جواب      ریاکاری۔^([96])

سوال      دکھاوے کےلیے عمل کرنے والوں سے بروزِ قیامت کیا ارشاد ہوگا؟

جواب      حدیث شریف میں ہے کہ اللہ عَزَّ  وَجَلَّ قیامت میں جب لوگوں  کو جمع فرمائے گا تو ایک منادی ندا کرے گا:جس نے اللہ عَزَّ  وَجَلَّ کے لیے کیے گئے عمل میں کسی کو شریک کیا (یعنی ریاکاری کی)تووہ اپنا ثواب اسی غیراللہ سے لے۔^([97])

 

سوال    ریاکاری کے خوف سے کسی نیک کام کو چھوڑدینا کیسا ہے؟

جواب   ریاکاری کے خوف سے اس کام کو چھوڑدینایہ بہت غلط سوچ ہے اور شیطان کی ماننا ہے۔^([98])

سیرت

سوال     حضورجانِ عالم صَلَّی اللہُ تَعَالٰی عَلَیْہِ وَاٰلِہٖ وَسَلَّمکس تاریخ کو دنیا میں تشریف لائے؟

جواب   ۱۲ربیع الاول۔^([99]) مطابق 20اپریل  571عیسوی کو تشریف لائے۔^([100])

سوال     حضور نبیِّ مکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم کا تعلق عرب کے کس خاندان سے تھا ؟

جواب   نبیِّ رحمت،شفیعِ اُمت صَلَّی اللہُ تَعَالٰی عَلَیْہِ وَاٰلِہٖ وَسَلَّم کا تعلق عرب کے مشہور و معروف  اور معزّ ز و محتشم خاندانِ قریش سے تھا ۔^([101])

سوال     پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّم کے پر دادا کا نام کیا ہے؟

جواب   حضورِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم کے پر داداجان  کا نام ہاشم ہے۔^([102])

سوال     رحمتِ عالَم صَلَّی اللہُ تَعَالٰی عَلَیْہِ وَاٰلِہٖ وَسَلَّم کس نبی کی اولادمیں سے ہیں ؟

جواب   حضورِاکرم،نبیِّ محتشمصَلَّی اللہُ تَعَالٰی عَلَیْہِ وَاٰلِہٖ وَسَلَّم حضرت سیِّدُنا ابراہیمخلیلُ اللہعَلَیْہِ السَّلَام کی اولاد میں سے ہیں ۔^([103])

 

سوال     حضرت آمنہ رَضِیَ اللہُ تَعَالٰی عَنْہَا کی وفات کب ہوئی؟

جواب   حضورِ اَقدس صَلَّی اللہُ تَعَالٰی عَلَیْہِ وَاٰلِہٖ وَسَلَّم کی عمر شریف جب چھ برس کی تھی تو آپ کی والدہ ماجدہ رَضِیَ اللہُ تَعَالٰی عَنْہَا کاوصال ہوگیا۔^([104])

سوال     حضورِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم کی رضاعی والدہ کا نام بتائیے؟

جواب   رحمتِ کونین صَلَّی اللہُ تَعَالٰی عَلَیْہِ وَاٰلِہٖ وَسَلَّم کی رضاعی والدہ کا نام حضرت حلیمہ سعدیہ رَضِیَ اللہُ تَعَالٰی عَنْہَاہے۔^([105])

سوال     حضورنبیِّ کریمصَلَّی اللہُ تَعَالٰی عَلَیْہِ وَاٰلِہٖ وَسَلَّمکےشہزادےکتنےتھے ؟

جواب   حضورنبیِّ رحمت صَلَّی اللہُ تَعَالٰی عَلَیْہِ وَاٰلِہٖ وَسَلَّم کے چار شہزادے ہوئے جن کے اسمائےمبارکہ یہ ہیں:(۱)حضرت سیدناقاسم (2)حضرت سیدناطیب(3)حضرت سیدناطاہر اور (4) حضرت سیدنا ابراہیم رَضِیَ اللہُ تَعَالٰی عَنْہُمْ۔ان میں سے پہلے تین شہزادے اُم المؤمنین حضرت سیدتنا خدیجۃُ الکبریٰ رَضِیَ اللہُ تَعَالٰی عَنْہَاسے ہیں اور یہ ظہورِ اسلام سے پہلے انتقال فرماگئے تھے اور چوتھے شہزادے حضرت   سیدتنا ماریہ رَضِیَ اللہُ تَعَالٰی عَنْہَاسے ہیں۔^([106])

سوال     پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّم کی شہزادیاں کتنی تھیں ؟

جواب   رحمتِ کونینصَلَّی اللہُ تَعَالٰی عَلَیْہِ وَاٰلِہٖ وَسَلَّم کی چار شہزادیاں تھیں اور ان کے اسمائے مبارکہ یہ ہیں :(۱)حضرت سیدتنا زینب (۲)حضرت سیدتنا رُقیہ

 

           (۳) حضرت سیدتنا اُم کلثوم اور(۴)خاتون جنت حضرت سیدتنافاطمہ زہرہ رَضِیَ اللہُ تَعَالٰی  عَنْہُن۔^([107])

سوال    حضورِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم کی پھوپھیوں کی تعداد بیان کریں ؟

جواب   آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کی پھوپھیوں کی تعداد6 ہے ۔^([108])

سوال     پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّم نے چاند کے جو دو ٹکڑے کرکے دکھائے تھے وہ کس کس پہاڑ پر دیکھے گئے تھے؟

جواب   ایک ٹکڑا’’جبل ابو قبیس‘‘اور دوسرا ٹکڑا ’’جبل ِقعیقعان‘‘پر دیکھا گیا۔^([109])

سوال     سوال:  پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّم کے اخلاق کریمہ کے بارے میں کچھ بتائیے؟

جواب     آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کے اخلاق حسنہ کے بارے میں خود خالقِ اَخلاق  عَزَّ  وَجَلَّ نے یہ فرما دیا: ( وَ اِنَّكَ لَعَلٰى خُلُقٍ عَظِیْمٍ(۴)) (پ۲۹، القلم:۴) ترجمۂ کنز الایمان: ’’اور بے شک تمہاری خوبو بڑی شان کی ہے۔‘‘حضور نبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم محاسنِ اخلاق کے تمام گوشوں کے جامع تھے۔ یعنی حلم و عفو،رحم و کرم، عدل و انصاف، جود و سخا، ایثار و قربانی، مہمان نوازی، عدمِ تشدد، شجاعت، ایفاء عہد، حسن معاملہ،صبروقناعت،نرم گفتاری،خوش روئی، ملنساری، مساوات، غمخواری، سادگی وبے تکلفی، تواضع وانکساری، حیاداری کی

 

            اتنی بلند منزلوں پر آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم فائز و سرفراز ہیں کہ حضرت عائشہ رَضِیَ اللہُ تَعَالٰی عَنْہَا نے ایک جملے میں اس کی صحیح تصویر کھینچتے ہوئے ارشاد فرمایا کہ کَانَ خُلُقُہُ الْقُرْآنَ یعنی تعلیماتِ قرآن پر پورا پورا عمل یہی آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کے اخلاق تھے۔^([110])

سوال      آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمکا وصال ظاہری کس سنِ ہجری میں ہوا؟

جواب      گیارہ سنِ ہجری۔^([111])

سیدنا صدیقِ اکبر رَضِیَ اللّٰہُ تَعَالٰی عَنْہُ 

سوال      قرآنِ پاک میں کسے سب سے بڑا پرہیزگار کہا گیا؟

جواب      قرآن پاک میں حضرت سَيّدُناابو بکر صدیق رَضِیَ اللہُ تَعَالٰی عَنْہُ کو سب سے بڑا پرہیزگار کہا گیا۔چنانچہ اللہ عَزَّ  وَجَلَّارشاد فرماتا ہے: (وَسَیُجَنَّبُهَا الْاَتْقَىۙ(۱۷) )(پ۳۰،اللیل:۱۷) ترجمۂ کنز الایمان: اور بہت جلد اس(جہنم) سے دور رکھا جائے گا جو سب سے بڑا پرہیزگار۔اس آیت میںاَتْقٰی(سب سےبڑا پرہیزگار) سے مراد سَيّدُنا صدیقِ اکبر رَضِیَ اللہُ تَعَالٰی عَنْہُ ہیں۔امام فخر الدین رازی عَلَیْہِ رَحْمَۃُ اللہِ الْقَوِی تفسیر ِکبیر میں ارشاد فرماتے ہیں:”مفسرینِ کرام کا اس بات پر اِجماع ہےکہ یہ آیت مبارکہ امیر المؤمنین حضرت سَيّدُناابوبکر صدیق رَضِیَ اللہُ تَعَالٰی عَنْہُکے بارے میں نازل ہوئی۔^([112])

 

سوال      شان صدیق اکبر رَضِیَ اللہُ تَعَالٰی عَنْہُ کےبارے میں کچھ فرامینِ مصطفےٰ صَلَّی اللہُ تَعَالٰی عَلَیْہِ وَاٰلِہٖ وَسَلَّم  بیان فرمائیں؟

جواب      حضرت سَيّدُنا ابوبکر صدیق رَضِیَ اللہُ تَعَالٰی عَنْہُکی شان میں تین فرامینِ مصطفےٰ صَلَّی اللہُ تَعَالٰی عَلَیْہِ وَاٰلِہٖ وَسَلَّم: (۱)”فرشتےابوبکرصدیق کوروزِ قیامت لائیں گے اور انبیا وصِدّیقین کے ساتھ جنت میں جگہ دیں گے۔“^([113])(۲)”مجھ پر جس کسی کا احسان تھا میں نے اس کا بدلہ چکا دیا ہے مگر ابوبکر کے مجھ پر وہ اِحسانات ہیں جن کا بدلہ اللہ تعالٰی روزِ قیامت انہیں عطا فرمائے گا۔“^([114])(۳)”میری امت کے لیے سب سے زیادہ مہربان ابوبکر ہیں۔“^([115])

سوال      انبیا ومرسلین عَلَیْہِمُ الصَّلَاۃُ السَّلَام کے بعد سب سے افضل کون ہیں؟

جواب      ”بعدِ انبیاء ومُرسَلین(اِنس ومَلك)تمام مخلوقاتِ الٰہی اِنس وجن و مَلَک (فرشتوں) سے افضل صدیقِ اکبر ہیں،پھر عمر فاروق،پھر عثمانِ غنی ،پھر مولیٰ علی رَضِیَ اللہُ تَعَالٰی عَنْہُمْ۔“^([116])

سوال      خلیفۂ اول کا نام ،کنیت اور لقب  کیا ہے، نیز آپ کب پیدا ہوئے؟

جواب      خلیفۂ اول جانشینِ پیغمبر امیر المؤمنین حضرت صدیقِ اکبر رَضِیَ اللہُ تَعَالٰی عَنْہ کا نامِ نامی’’عبداللہ‘‘،کنیت’’ابوبکر‘‘اورلقب’’صدیق وعتیق‘‘ہے،آپ عامُ الفیل

 

           کے دو  سال چھ ماہ بعد پیدا ہوئے۔^([117])

سوال      آپ کے لقب ”صدیق“اور”عتیق“کی وجہ بیان کریں نیز یہ القاب آپ کو کس نے دئیے؟

جواب      دونوں القابات آپ کو بارگاہِ رسالت سے عطا ہوئے ۔واقعۂ معراج کی تصدیق کرنے کے سبب آپ کو صدّیق کہا گیا جبکہ عتیق کہنے کی وجہ یہ ہے کہرسولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمنےایک مرتبہ  آپ کو فرمایا:”اَنْتَ عَتِیْقٌ مِّنَ النَّارِ یعنی تم جہنم سے آزاد ہو۔“تب سے آپ کو عتیق کہاجانے لگا۔^([118])

سوال      ان شخصیت کا نام بتائیے جنہوں نے آزادمَردوں میں سب سے پہلے اسلام قبول فرمایا؟

جواب      حضرت سَيّدُنا ابوبکر صدیق رَضِیَ اللہُ تَعَالٰی عَنْہُ۔^([119])

سوال      پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّم سے والہانہ عقیدت ومحبت اور آپ رَضِیَ اللہُ تَعَالٰی عَنْہُ کی جانثاری کی کچھ جھلک بتائیے؟

جواب      جس وقت کفار آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمکی جان کے دشمن تھے اُس وقت  آپ رَضِیَ اللہُ تَعَالٰی عَنْہُ کا رسولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم کا دفاع کرنا اور آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کے ہمراہ مدینہ کی طرف ہجرت کرنا ، غارِ ثَور میں

 

           سانپ کے ڈسنے پر صبر کرنا یونہی تمام غزوات میں سرکار صَلَّی اللہُ تَعَالٰی عَلَیْہِ وَاٰلِہٖ وَسَلَّم سے جدانہ ہونا اور اپنے گھر کا سارا مال حضور صَلَّی اللہُ تَعَالٰی عَلَیْہِ وَاٰلِہٖ وَسَلَّمکی خدمت میں پیش کرنا یہ سب باتیں رسولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمسے والہانہ عقیدت ومحبت اور آپ کی جانثاری کی ایک بڑی  جھلک ہیں۔^([120])

سوال    صدیقِ اکبر رَضِیَ اللہُ تَعَالٰی عَنْہُ کب منصبِ خلافت پر متمکن ہوئےاور کتنا عرصہ خلیفہ رہے ؟

جواب   صدیق اکبر رَضِیَ اللہُ تَعَالٰی عَنْہُرسولُ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّمکے وصال کے دن 12ربیع الاول بروز پیر11سن ہجری کو منصبِ خلافت پر متمکن ہوئے۔ آپ کی مدتِ خلافت دو سال ،تین ماہ اور کچھ اَیّام تھی۔^([121])

سوال    خلیفہ بننے کے بعد آپ رَضِیَ اللہُ تَعَالٰی عَنْہُ نے سب سے پہلا کام کیا فرمایا؟

جواب   خلیفہ بننے کے بعد آپ رَضِیَ اللہُ تَعَالٰی عَنْہُ نےحضرت اُسامہرَضِیَ اللہُ تَعَالٰی عَنْہُ کی سرکردگی میں رسولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم کے بھیجےگئے اُس لشکر کو   روانہ کیا جوآپصَلَّی اللہُ تَعَالٰی عَلَیْہِ وَاٰلِہٖ وَسَلَّم کے وصال کے سبب مقامِ جرف پر ٹھہرا ہواتھا۔^([122])

سوال    آپ رَضِیَ اللہُ تَعَالٰی عَنْہُ نے اپنے دورِ خلافت میں جو نمایاں کارنامے سر انجام دئیے ان میں سے کچھ بیان کریں؟

 

جواب   آپ رَضِیَ اللہُ تَعَالٰی عَنْہُ نے اپنے دورِ خلافت میں بہت سے  نمایاں کارنامے سر انجام دئیے جن میں سے چند یہ ہیں:(۱)منکرینِ زکوٰۃ کی سرکوبی(۲)مرتدین کی سرکوبی(۳)جھوٹے مدعیٔ نبوت مسیلمہ کذّاب کی سرکوبی (۴)عراق وشام اور اس کے ملحقہ علاقوں میں فتوحات کا آغاز اور (5)جمعِ قرآن  جو سب سے اہم کارنامہ ہے۔^([123])

سوال    آپ کے خلافت کے دور میں مسلمانوں کو کیا کیا فتوحات ملیں؟

جواب   آپ کے خلافت کے دور میں مسلمانوں کو بہت سی فتوحات حاصل ہوئیں جن میں سے چند یہ ہیں:(۱)فتحِ حِیْرَہ(۲)فتحِ اَنبار(۳)فتحِ عَیْنُ التَّمر(۴)فتحِ دُوْمَۃُ الْجَنْدَل(۵)فتحِ اُرْدُن اور (۶)فتحِ اَجْنادَیْن وغیرہ۔منکرینِ زکوٰۃ اور مرتدین کے خلاف فتوحات اس کے علاوہ ہیں۔^([124])

سوال    آپرَضِیَ اللہُ تَعَالٰی عَنْہُ کا وصال کب ہوا اور آپ کی نمازِ جنازہ کس نے پڑھائی؟

جواب   آپرَضِیَ اللہُ تَعَالٰی عَنْہُ کا وصال۲۲ جمادی الاخری۱۳سن ہجری بمطابق ۲۳ اگست ۶۳۴عیسوی بروز منگل ہوا  اور آپ کی نمازِ جنازہ حضرت سَيّدُنا عمر فاروق رَضِیَ اللہُ تَعَالٰی عَنْہُنے پڑھائی۔^([125])

 

سیدناعمر فاروق اعظم رَضِیَ اللّٰہُ تَعَالٰی عَنْہُ

سوال    کس صحابی کی رائے کے موافق قرآنِ پاک کی کئی آیتیں نازل ہوئیں؟

جواب   وہ صحابی حضرت سَیِّدُنَا عمر بن خطاب رَضِیَ اللہُ تَعَالٰی عَنْہُ ہیں جن کی رائے کے موافق تقریباً20آیاتِ طیّبہ نازل ہوئیں۔حضرت سَیِّدُنَا علی المرتضٰی کَرَّمَ اللہُ تَعَالٰی وَجْہَہُ الْکَرِیْم فرماتے ہیں:بے شک قرآنِ کریم میں حضرت سَیِّدُنَا عمر فاروق رَضِیَ اللہُ تَعَالٰی عَنْہُ کی رائے کے موافق احکام موجود ہیں۔^([126])

سوال    حدیثِ پاک میں شانِ فاروق اعظم کس طرح بیان کی گئی ہے ؟

جواب   احادیثِ طیّبہ میں حضرت سَیِّدُنَا عمر فاروق رَضِیَ اللہُ تَعَالٰی عَنْہُکے کثیرفضائل وارد ہیں جن میں ایک عظیم فضیلت  حضور نبی کریم ،رءُوف رحیم صَلَّی اللہُ تَعَالٰی عَلَیْہِ وَاٰلِہٖ وَسَلَّمنے یوں بیان فرمائی:”اگر میرے بعد کوئی نبی ہوتا تو عمر ہوتا۔“^([127])

سوال    حضرت سیدنا عمررَضِیَ اللہُ تَعَالٰی عَنْہُ کی  کنیت و لقب کیا ہے اور آپ کب پیدا ہوئے؟

جواب   آپ رَضِیَ اللہُ تَعَالٰی عَنْہُ کی کنیت ”ابو حفص“ اور لقب ”فاروق“ ہے۔آپ عامُ الفیل کے تیرہ سال بعد مطابق ۵۸۳عیسوی پیدا ہوئے۔^([128])

سوال    حضرت سیدنا فاروقِ اعظم رَضِیَ اللہُ تَعَالٰی عَنْہُ کو مُرادِ رسول کیوں کہتے ہیں؟

جواب   حضوررَحْمَۃٌ لِّلْعٰلَمِیْن صَلَّی اللہُ تَعَالٰی عَلَیْہِ وَاٰلِہٖ وَسَلَّمنے عزتِ اسلام کے لیے آپ

 

 رَضِیَ اللہُ تَعَالٰی عَنْہُکو بارگاہِ الہٰی سے مانگا تھااور یوں دعا فرمائی تھی:”اے اللہ عَزَّوَجَلَّ!خصوصاً عمر بن خطاب کے ذریعے  اسلام کو عزت عطا فرما۔“^([129])

سوال    حضرت سیدنا عمررَضِیَ اللہُ تَعَالٰی عَنْہُنے اسلام اور مسلمانوں کو کیسے تقویت پہنچائی؟

جواب   حضرت سیدنا فاروق اعظم رَضِیَ اللہُ تَعَالٰی عَنْہُکے اسلام لانے کے بعدحضورنبیِّ مکرم، شفیعِ معظم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے مسلمانوں کے ساتھ مل کر حرمِ مکہ میں عَلانیہ نماز ادا فرمائی،یوں آپ کے قبولِ اسلام سے اسلام ومسلمانوں کو تقویت حاصل ہوئی۔^([130])

سوال    حضرت سیدنا عمررَضِیَ اللہُ تَعَالٰی عَنْہُکومُتَمِّمُ الْاَرْبَعِینکیوں کہتے ہیں؟

جواب   مُتَمِّمُ الْاَرْبَعِین کا مطلب ہے کہ40 کا عدد پورا کرنے والےچونکہ حضرت سیدناعمر فاروقِ اعظم رَضِیَ اللہُ تَعَالٰی عَنْہُ چالیسویں مسلمان تھے لہٰذا آپ کو اس لقب سے بھی یاد کیا  جاتاہے۔^([131])

سوال    حضرت سیدنا عمرفاروقرَضِیَ اللہُ تَعَالٰی عَنْہُخلیفہ کب بنے اور کتناعرصہ خلیفہ رہے؟

جواب   امیرالمومنین حضرت سیدناعمربن خطابرَضِیَ اللہُ تَعَالٰی عَنْہُ ۲۲جمادی الاُخریٰ 13سنِ ہجری  بروز منگل منصبِ خلافت پر فائز ہوئے۔آپ رَضِیَ اللہُ تَعَالٰی عَنْہُ کی خلافت دس سال،پانچ ماہ اور اکیس دن رہی۔^([132])

 

سوال    سب سے پہلے ”امیر المومنین “کس  خلیفہ کو کہا گیا؟

جواب   سب سے پہلےحضرت سیدناعمر فاروق  اعظمرَضِیَ اللہُ تَعَالٰی عَنْہُ کو امیر المومنین کہا گیا۔^([133])

سوال    حضرت سیدنا عمرفاروقرَضِیَ اللہُ تَعَالٰی عَنْہُرعایا کے ساتھ کیسا برتاؤ فرماتے؟

جواب   آپ رَضِیَ اللہُ تَعَالٰی عَنْہُکی عادتِ مبارَکہ تھی کہ اپنی رعایا کی ہروقت خبر گیری فرماتے رہتے، آپ رَضِیَ اللہُ تَعَالٰی عَنْہُرات کے وقت مدینہ منورہ کا دورہ فرماتے اگر  کوئی حاجت مند دکھائی دیتا تو اس کی مدد کرتے۔^([134])

سوال    دورِ فاروقی میں کتنے شہر فتح ہوئے اورکتنی مساجد تعمیر ہوئیں ؟

جواب   روضۃ الاحباب میں ہے کہ امیرالمومنین حضرت سیدنا فاروقِ اعظمرَضِیَ اللہُ تَعَالٰی عَنْہُکے دور میں ایک ہزارچھتیس(1036) شہر مع مَضافات فتح ہوئے،چار ہزار(4000) مساجد کی تعمیر ہوئی۔^([135])

سوال    دورِ فاروقی کی کثیر فتوحات کا اندازہ کس چیز سے لگایا جاسکتا ہے؟

جواب   حضرت سیدناعمربن خطابرَضِیَ اللہُ تَعَالٰی عَنْہُ کے مبارک دور میں مسلمانوں کی کثیر فتوحات کا اندازہ اس بات سے لگایا جاسکتا ہے کہ آپ کے عہد ِخلافت میں  سلطنتِ اسلامیہ میں 13لاکھ نو ہزار پانچ سو ایک مربع میل کا اضافہ ہوا۔^([136])

 

سوال    حضرت سیدناعمررَضِیَ اللہُ تَعَالٰی عَنْہُ کی شہادت کب ہوئی  اور آپ کی نمازِ جنازہ کس نے پڑھائی؟

جواب   نمازِ فجر میں ابولؤ لؤ فیروز مجوسی کے حملے کے نتیجہ میں 63 سال کی عمر میں یکم محرم الحرام ۲۴سنِ ہجری کوحضرت سیدناعمربن خطابرَضِیَ اللہُ تَعَالٰی عَنْہُ کی شہادت ہوئی اور آپ کی نمازَجنازہ حضرت سیدناصہیبرَضِیَ اللہُ تَعَالٰی عَنْہُ نے پڑھائی۔^([137])

سیدنا  عثمانِ غنی رَضِیَ اللہُ تَعَالٰی عَنْہُ

سوال    حضرت سَیِّدنا عثمانِ غنی رَضِیَ اللہُ تَعَالٰی عَنْہُ کی کنیت و لقب کیا ہے اورآپ کب پیدا ہوئے ؟

جواب   امیرالمومنین حضرت سَیِّدُنا عثمان بن عفان رَضِیَ اللہُ تَعَالٰی عَنْہُ کی  کنیت ابو عبد اللہ اور ابو عَمْرْوْ ہے اورلقب ذُو النُّورَین ہے ۔آپ  واقعۂ فِیل کے چھٹے سال مکہ مکرمہ میں پیدا ہوئے۔^([138])

سوال    حدیث میں حضرت  سَیِّدُنا عثمانِ غنی رَضِیَ اللہُ تَعَالٰی عَنْہُکی کیا  فضیلت وارد ہوئی ہے؟

جواب   امیرالمومنین حضرت  سَیِّدُنا عثمانِ غنی رَضِیَ اللہُ تَعَالٰی عَنْہُکے بہت سے فضائل اَحادیثِ طیِّبہ میں وارد ہوئے ہیں جن میں سے ایک یہ بھی ہے کہ سرکارِ دوعالَم نورِ مُجَسَّم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا: ’’ہر نبی کا ایک رفیق ہے اور

 

جنت میں میرا رفیق عثمان ہے۔^([139])

سوال      حضرت سَیِّدُنا عثمانِ غنیرَضِیَ اللہُ تَعَالٰی عَنْہُ نے اسلام کب قبول فرمایا ؟

جواب      امیرا لمؤمنین حضرت سَیِّدُنا عثمانِ غنی رَضِیَ اللہُ تَعَالٰی عَنْہُ بِعْثَتِ نَبوی  کے پہلے سال اسلام لائے۔آپ نے حضرت سیِّدُنا صدیقِ اکبر رَضِیَ اللہُ تَعَالٰی عَنْہُ  کی دعوت پر اسلام قبول کیااور  چوتھے نمبر پر اسلام لائے۔ خود ارشاد فرماتے ہیں:  میں اسلام قبول کرنے والے چار اَشخاص میں سے چوتھا ہوں۔‘‘^([140])

سوال      دو مرتبہ جنت خریدنے کا اعزاز کن صحابی  کو حاصل ہے؟

جواب      حضرت سَیِّدُنا ابوہریرہ رَضِیَ اللہُ تَعَالٰی عَنْہُ فرماتے ہیں کہ امیر المؤمنین سَیِّدُنَا عثمان غنی رَضِیَ اللہُ تَعَالٰی عَنْہُ نےحضور نبیٔ رحمت،مالکِ جنت صَلَّی اللہُ تَعَالٰی عَلَیْہِ وَاٰلِہٖ وَسَلَّم سے دو مرتبہ جنت خریدی، ایک بار بِئرِ رُومہ خرید کر مسلمانوں کے لیے وقف کیا اور دوسری بار غزوۂ تبوک کے لیے سامانِ جہاد فراہم کیا۔ ^([141])

سوال      کس صحابی کے نکاح میں یکے بعد دیگرے حضورنبیٔ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمکی دو شہزادیاں  آئیں؟

جواب      وہ خوش نصیب صحابی حضرت سَیِّدُنا عثمانِ غنی رَضِیَ اللہُ تَعَالٰی عَنْہُ ہیں کہ آپ کے نکاح میں پہلے حضرت سَیِّدَتُنا رقیہ رَضِیَ اللہُ تَعَالٰی عَنْہَا اوراُن کے انتقال کے بعد  حضرت سَیِّدَتُنا اُمِّ کلثوم رَضِیَ اللہُ تَعَالٰی عَنْہَا آئیں اور اسی وجہ سے آپ کو

 

     ”ذُو النُّورَین (دونوروں والے)“ کہا جاتا ہے۔^([142])جب حضرت اُمِّ کلثوم رَضِیَ اللہُ تَعَالٰی عَنْہَا کا بھی انتقال ہوگیا توحضور تاجدارِ نبوت صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا:”اگر میری تیسری بیٹی ہوتی تو میں اس کا نکاح بھی عثمان سے کردیتا۔“^([143])

سوال    کس صحابی سے فرشتے بھی حیا کرتے تھے؟

جواب   حدیث ِپاک میں ہے کہ (حضرت) عثمان رَضِیَ اللہُ تَعَالٰی عَنْہُسے تو فرشتے بھی حیا کرتے ہیں۔^([144])

سوال    حضرت سَیِّدُنا عثمانِ غنی رَضِیَ اللہُ تَعَالٰی عَنْہُ کی سخاوت کی کوئی مثال بیان کیجئے؟

جواب   حضورِ اکرمصَلَّی اللہُ عَلَیْہِ وَاٰلِہٖ وَسَلَّمنے جب غَزوۂ تَبوک کی تیاری کیلئے لوگوں کو ترغیب دلائی تو سَیِّدُناعثمانرَضِیَ اللہُ عَنْہُ نے عرض کی:’’یارسولَ اللہ صَلَّی اللہُ عَلَیْہِ وَاٰلِہٖ وَسَلَّم! پالان اور دیگر مُتَعَلّقہ سامان سمیت 100اُونٹ میرے ذِمّے ہیں۔ دوسری بار ترغیب دلانے پر 200 اور تیسری بار ترغیب دلانے پر 300اونٹوں کی ذمہ داری لی۔ راوی فرماتے ہیں کہ میں نے دیکھا کہ حضور رحمتِ کَونَین صَلَّی اللہُ عَلَیْہِ وَاٰلِہٖ وَسَلَّم منبر سے نیچے تشریف لائے اور دو بار ارشاد فرمایا: ’’آج سے عثمان جو کچھ کرے اس پر مُواخذہ نہیں۔“^([145])

 

سوال      حضرتِ عثمانِ غنی رَضِیَ اللہُ تَعَالٰی عَنْہُکو جامعُ القرآن  کیوں کہا جاتا ہے؟

جواب      دورِ صدیقی میں قرآنی سورتیں اگرچہ مُتَفَرّق مَواقع(جدا گانہ مقامات اورمختلف جگہوں) سے ایک مجموعہ میں مُجْتَمع ہوگئی تھیں مگر ان جمع کیے گئے مختلف صحائف کاایک مُصْحَف میں نقل ہونا،پھر اس مُصْحَف کے نسخے کو اسلامی ممالک کے بڑے بڑے شہروں میں تقسیم کرنا وغیرہ کا کام اللہ عَزَّ  وَجَلَّ نے امیرالمومنین جامعُ القرآن ذُو النُّورَین سَیِّدُنا عثمانِ غنی رَضِیَ اللہُ تَعَالٰی عَنْہُ سے لیااس لئے سَیِّدُنَا  عثمان غنی رَضِیَ اللہُ تَعَالٰی عَنْہُ کوجامع القرآن کہتے ہیں۔^([146])

سوال      دورِ عثمانی کے بعض کارہائے نمایاں کے متعلق بتائیے؟

جواب      (۱)جمعِ قرآن(۲)مسجدِ حرام کی توسیع(۳)مسجدِ نَبوی کی توسیع اور اس میں مُنَقَّش(بیل بوٹے والے) پتھر لگانا(۴)ایران کے بہت سے شہروں کا فتح ہونا (5) روم کا وسیع رقبہ فتح کرنا(۶)پہلا بحری بیڑا تیار کرکے قبرص پر حملہ کرنا اور اسے اسلامی حکومت میں شامل کرنا۔(۷)افریقہ کی فتح  اور (۸) اندلس کی فتح۔^([147])

سوال      آپ رَضِیَ اللہُ تَعَالٰی عَنْہُ کب خلیفہ بنے اورآپ کا دورِ خلافت کتنے عرصے رہا؟

جواب      امیرالمومنین حضرت سَیِّدُنا عثمان بن عفان رَضِیَ اللہُ تَعَالٰی عَنْہُ یکم محرم 24سن ہجری کو خلیفہ بنے اور آپ کا دورِ خلافت 12سال ہے۔^([148])

سوال      حضرت عثمانِ غنی رَضِیَ اللہُ تَعَالٰی عَنْہ کی شہادت کب اور کیسے ہوئی  ؟

 

جواب   امیرالمومنین حضرت سَیِّدُنا عثمان بن عفان رَضِیَ اللہُ تَعَالٰی عَنْہُ کو۱۸ ذوالحجۃُ الحرام   ۳۵ سنِ ہجری کوتلاوتِ قرآن کی حالت میں شہید کیا گیا۔^([149])  آپ کے مبارک خون کے قطرے قرآنِ پاک کی اس آیتِ مبارکہ پر پڑے: )فَسَیَكْفِیْكَهُمُ اللّٰهُۚ-وَ هُوَ السَّمِیْعُ الْعَلِیْمُؕ(۱۳۷)(  (پ۱،البقرۃ:۱۳۷)ترجمۂ  کنزالایمان:تو اے محبوب عنقریب اللہ ان کی طرف سے تمہیں کفایت کرےگااور وہی ہے سنتا جانتا۔^([150])

سوال    حضرت سَیِّدُنا عثمانِ غنی رَضِیَ اللہُ تَعَالٰی عَنْہ کی نمازِ جنازہ کس نے پڑھائی اور آپ کا مزارِ پاک کہاں واقع ہے؟

جواب   آپ رَضِیَ اللہُ تَعَالٰی عَنْہُ کی نمازِ جنازہ حضرت سَیِّدُنا جُبَیر بن مُطعِم رَضِیَ اللہُ تَعَالٰی عَنْہُ نے پڑھائی اور آپ کا مزارِ پاک ”جنت البقیع“میں ”حَشِّ کَوْکَب“ کے حصے میں ہے۔^([151])

سیدناحضرت علی المرتضی کَرَّمَ اللہُ تَعَالٰی وَجْہَہُ الْکَرِیْم

سوال    شانِ مولیٰ علی کَرَّمَ اللّٰہُ تَعَالٰی وَجْہَہُ الْکَرِیْممیں نازل ہونے والی کوئی آیت بتائیں ؟

جواب   قرآن پاک میں ارشاد ہوتا ہے: (وَ یُطْعِمُوْنَ الطَّعَامَ عَلٰى حُبِّهٖ مِسْكِیْنًا وَّ یَتِیْمًا وَّ اَسِیْرًا(۸)) (پ۲۹،الدھر:۸)ترجمۂ کنزالایمان :اور کھانا کھلاتے ہیں اس کی محبّت پر مسکین اور یتیم اور اسیر کو۔صدرُ الاَفاضل حضرت علامہ مولانا سید محمد نعیم

 

الدین مُراد آبادی عَلَیْہِ رَحْمَۃُ اللہِ الْقَوِی اس آیت مبارکہ کے تحت فرماتے ہیں: یہ آیت حضرت علیِ مرتضٰی رَضِیَ اللہُ تَعَالٰی عَنْہُ اور حضرت فاطمہ رَضِیَ اللہُ تَعَالٰی عَنْہَا اور ان کی کنیز فضّہ کے حق میں نازل ہوئی ۔^([152])

سوال    آپ کَرَّمَ اللہُ تَعَالٰی وَجْہَہُ الْکَرِیْم کی شان میں کچھ فرامینِ مصطفےٰ بیان کریں؟

جواب   شانِ مرتضوی میں تین فرامین مصطفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّم:(۱)جس کا میں مولیٰ ہوں علی بھی اس کے مولیٰ ہیں۔^([153]) (۲)میں علم کا شہر ہوں علی اس کا دروازہ ہیں۔^([154]) (۳)علی کو دیکھنا عبادت ہے۔^([155])

سوال    آپ رَضِیَ اللہُ تَعَالٰی عَنْہُ کا نام، کنیت اور لقب بیان فرمائیں نیز آپ کی ولادت کب اور کہاں  ہوئی؟

جواب   آپ کَرَّمَ اللہُ تَعَالٰی وَجْہَہُ الْکَرِیْم کی والدہ نے آپ کا نام ’’حیدر ‘‘ رکھا۔^([156]) اور والد نے آپ کا نام ’’علی‘‘ رکھا۔^([157]) ، کنیت ’’ابو الحسن  اور  ابو تراب‘‘^([158])اور ”اَسَدُ اللہ“،مُرْتَضٰی“،”کَرَّار“،”شیر خدا“ اور”مولا مشکِل کُشا“ القابات ہیں۔ آپ کَرَّمَ اللہُ تَعَالٰی وَجْہَہُ الْکَرِیْم عامُ الفیل کے 30سال بعد 13رجبُ المرجب

 

بروز جمعۃ المبارک مَکَّۃُ الْمُکَرَّمَہ  میں پیدا ہوئے۔^([159])

سوال      حضرت علی رَضِیَ اللہُ تَعَالٰی عَنْہُ کے والد ین کا نام بتائیں؟

جواب      آپ کے والد کا نام ابو طالب عبدِ مناف بن عبد المطلب اور والدہ کا نام حضرت سَیِّدَتُنَا  فاطمہ بنتِ اَسَد رَضِیَ اللہُ تَعَالٰی عَنْہَاہے۔^([160])

سوال      وہ کون سے صحابی ہیں جنہوں نے پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمکی زیرِ کفالت تربیت پائی؟

جواب      حضرت علی کَرَّمَ اللہُ تَعَالٰی وَجْہَہُ الْکَرِیْم۔^([161])

سوال      آپ رَضِیَ اللہُ تَعَالٰی عَنْہُ کو ”شیرخدا“اور ”مولائے  کائنات“کہے جانے کی وجہ بیان فرمائیں؟

جواب      آپ رَضِیَ اللہُ تَعَالٰی عَنْہُ کو ”شیر خدا“کہنے کی وجہ یہ ہے کہ رسولِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمنے آپ کو ”شیر خدا“ کا لقب عطا فرمایا ہے جبکہ ”مولائے  کائنات“ کہنے کی وجہ یہ ہے کہ رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمنے آپ کے متعلق فرمایا:”جس کا میں مولیٰ ہوں علی بھی اس کے مولیٰ ہیں۔“^([162])

سوال      وہ کون سے صحابی ہیں جن کو نبیِّ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے اپنی تلوار ذوالفقار عطا فرمائی؟

 

جواب   حضرت  مولائے کائنات مولیٰ علی مُشکل کشا رَضِیَ اللہُ تَعَالٰی عَنْہُ۔^([163])

سوال    وہ کونسے خلیفہ راشد ہیں جن کی والدہ اور زوجہ کا نام ایک ہی ہے۔

جواب   حضرت علی کَرَّمَ اللہُ تَعَالٰی وَجْہَہُ الْکَرِیْم۔^([164])

سوال    جب آپ رَضِیَ اللہُ تَعَالٰی عَنْہُ کا نکاح شہزادیٔ کونین رَضِیَ اللہُ تَعَالٰی عَنْہَاسے ہوا اس وقت آپ کی عمر مبارک کیا تھی ؟

جواب   21سال پانچ ماہ۔^([165])

سوال    شیر خدا کَرَّمَ اللہُ تَعَالٰی وَجْہَہُ الْکَرِیْم کی تینوں خلفائے راشدین سے محبت کی کوئی مثال بیان فرمائیں؟

جواب   آپ رَضِیَ اللہُ تَعَالٰی عَنْہُ کی تینوں خلفائے راشدین سے محبت کا اندازہ اس بات سے لگایا جاسکتا ہے کہ آپ نے اپنے 3 صاحبزادوں کے نام ان کے ناموں پر ’’ابو بکر، عمر اور عثمان‘‘ رکھے۔^([166])

سوال    آپ رَضِیَ اللہُ تَعَالٰی عَنْہُ کب خلیفہ بنے اورآپ کی خلافت  کتنے عرصے  رہی ؟

جواب   آپ رَضِیَ اللہُ تَعَالٰی عَنْہُ ۱۹ ذوالحجۃ الحرام   ۳۵ سن ہجری کو خلیفہ بنےاور آپ رَضِیَ اللہُ تَعَالٰی عَنْہُ کی مدتِ خلافت 4سال 8ماه 9دن ہے۔ ^([167])

 

سوال    آپ رَضِیَ اللہُ تَعَالٰی عَنْہُ کی شہادت کب اور کس طرح ہوئی نیز آپ کی نماز جنازہ کس نے پڑھائی؟

جواب   آپ رَضِیَ اللہُ تَعَالٰی عَنْہُ کی شہادت19رمضان 40سن ہجری میں عبد الرحمٰن بن ملجم کے قاتلانہ حملے کی وجہ سے ہوئی اور حضرت سَیِّدُنَا امام حسن مجتبیٰ رَضِیَ اللہُ تَعَالٰی عَنْہُنے نماز جنازہ پڑھائی۔^([168])

عَشَرَۂ مُبَشَّرَہ

سوال    عَشرۂ مُبَشَّرَہ کن کو کہتے ہیں؟

جواب   وہ دس صحابی  جن کے قطعی جنتی ہونے کی بشارت و خوشخبری رسول اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے  ان کی زندگی ہی میں سنادی  تھی ۔ارشاد فرمایا: ابو بکر جنتی ہیں، عمر جنتی ہیں، عثمان جنتی ہیں،  علی جنتی ہیں،  طلحہ جنتی ہیں، زبیر جنتی ہیں،عبدالرحمٰن بن عوف جنتی ہیں، سعد بن ابی وقاص جنتی ہیں، سعید بن زید جنتی ہیں اور ابو عبیدہ بن جراح جنتی ہیں۔^([169])

سوال    کس صحابی نے اپنےاکثر بیٹوں کے نام حضرات  انبیائے کرام عَلَیْہِمُ السَّلَام کے ناموں پر رکھے ؟

جواب   حضرت سیدنا طلحہ بن عُبَیدُ اللہ رَضِیَ اللہُ تَعَالٰی عَنْہ کے اکثر بیٹوں کے نام  حضرات  انبیائے کرام عَلَیْہِمُ السَّلَامکے ناموں پر ہیں۔^([170])

 

سوال    حضرت سَیّدنا طلحہ بن عُبَیدُاللہ رَضِیَ اللہُ تَعَالٰی عَنْہ کےکتنےبیٹےتھے؟ان کےنام بتائیے؟

جواب   آپ رَضِیَ اللہُ تَعَالٰی عَنْہ کےگیارہ بیٹے تھے:(۱)محمد(۲)عمران(۳)موسیٰ (۴) یعقوب (۵)اسماعیل (۶)اسحاق (۷)زکریا (۸) یوسف(۹) عیسیٰ(۱۰) یحییٰ (۱۱) صالح رِضْوَان اللّٰہِ تَعَالٰی عَلَیْہِمْ اَجْمَعِیْن ۔^([171])

سوال    حضرت سیدنا زبیر بن عَوَّام رَضِیَ اللہُ تَعَالٰی عَنْہ کاحضورنبی کریم،رءُوف رحیم صَلَّی اللہُ تَعَالٰی عَلَیْہِ وَاٰلِہٖ وَسَلَّم سے کیا رشتہ ہے؟

جواب   آپ رَضِیَ اللہُ تَعَالٰی عَنْہ شہنشاہِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّم کے پھوپھی زاد بھائی ہیں۔^([172])

سوال    سیدنا زبیر بن عَوَّام رَضِیَ اللہُ تَعَالٰی عَنْہ نے بدر کے دن کس رنگ کا عمامہ شریف باندھ رکھا تھا؟

جواب   آپرَضِیَ اللہُ تَعَالٰی عَنْہنےپیلے رنگ کا عمامہ شریف باندھ رکھا تھا۔^([173])

سوال    کس صحابی نے بارگاہِ رسالت سے  ’’امینُ الامّت‘‘کا لقب پایا؟

جواب   حضرت سیدنا ابو عبیدہ بن جراح رَضِیَ اللہُ تَعَالٰی عَنْہنے۔^([174])

سوال    حضرت سیدنا ابو عبیدہ بن جراح رَضِیَ اللہُ تَعَالٰی عَنْہ کا مکمل نام ونسب بتائیے؟

 

جواب   عامر بن عبد اللہ بن جراح بن ہلال بن وُہَیب بن ضَبَّہ بن فِہْر بن مالک بن نَضْر بن کنانہ۔^([175])

سوال    حضور نبیٔ مُکَرَّم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے حضرت سیدنا سعد بن ابی وقاص رَضِیَ اللہُ تَعَالٰی عَنْہ کا تعارف کس طرح کروایا؟

جواب   حضرت سعد بن ابی وقاص رَضِیَ اللہُ تَعَالٰی عَنْہ نے بارگاہِ نبوت میں عرض کی: یارسولَ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم میں کون ہوں؟ حضورنبیٔ غیب داں صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا:’’تم سعد بن مالک بن اُہیب بن عبدِ مناف ہو اور جو اس کے علاوہ کوئی اور نسب تمہاری طرف منسوب کرے اس پراللہ عَزَّ  وَجَلَّ کی لعنت ہو۔^([176])

سوال    حضرت سعد بن ابی وقاص رَضِیَ اللہُ تَعَالٰی عَنْہ کے لیے زبانِ رسالت سے کیا دعا  نکلی؟

جواب   امامُ الانبیاءوالمرسَلینصَلَّی اللہُ تَعَالٰی عَلَیْہِ وَاٰلِہٖ وَسَلَّم نے اِن کے لیے یوں دُعا فرمائی:اے اللہ عَزَّ  وَجَلَّ!سعد جب بھی تجھ سے دُعا کرے تو اُس کی دُعا قبول فرما۔^([177])

          فائدہ:اس دعائے نبوی کی برکت سے حضرت سیدنا سعد بن ابی وقاص رَضِیَ اللہُ تَعَالٰی عَنْہ مُستجابُ الدعوات بن گئے اور اُن کی ہردعا قبول ہوتی تھی،اس سے متعلق واقعات جامع کراماتِ اولیا میں مذکور ہیں۔^([178])

 

سوال      حضرت سیدنا سعید بن زید رَضِیَ اللہُ تَعَالٰی عَنْہ کی کنیت کیا ہے؟

جواب      آپرَضِیَ اللہُ تَعَالٰی عَنْہ کی مبارک کنیت’’اَبُوالْاَعْوَرْ‘‘ہے۔^([179])

سوال  حضرت سیدنا سعید بن زید رَضِیَ اللہُ تَعَالٰی عَنْہ نے کس کس غزوے میں شرکت فرمائی؟

جواب  آپرَضِیَ اللہُ تَعَالٰی عَنْہ غزوۂ بدر کے علاوہ اُحد، خندق وغیرہ تمام غزوات میں شریک ہوئے۔^([180])

سوال      کونسے صحابی کے سر پر رحمتِ عالمیاں ،سردارِ دوجہاں صَلَّی اللہُ تَعَالٰی عَلَیْہِ وَاٰلِہٖ وَسَلَّم نے خود عمامہ شریف کا تاج سجایا تھا؟

جواب      حضرت سیدنا عبد الرحمٰن بن عوف رَضِیَ اللہُ تَعَالٰی عَنْہ ۔^([181])

سوال      حضور جانِ عالَم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے کس نماز میں حضرت سیدنا عبد الرحمٰن بن عوف رَضِیَ اللہُ تَعَالٰی عَنْہ کی اِقتدا فرمائی تھی؟

جواب      نمازِ فجرمیں۔^([182])

صحابۂ کرام رِضْوَانُ اللّٰہ ِتَعَالٰی عَلَیْہِمْ اَجْمَعِیْن 

سوال      صحابی کسے کہتے ہیں؟

جواب      صحابی سے مراد جن واِنس میں سے ہر وہ فرد ہے جس نے ایمان کی حالت میں حضور نبی کریمصَلَّی اللہُ تَعَالٰی عَلَیْہِ وَاٰلِہٖ وَسَلَّم سے ملاقات کی اور اسلام کی حالت میں

 

ہی اُسے موت آئی ۔^([183])

سوال      قرآن پاک میں صحابۂ کرام عَلَیْہِمُ الرِّضْوَان کی کیا صفات بیان فرمائی گئی ہیں؟

جواب      اللہ عَزَّ  وَجَلَّ قرآن پاک میں ارشاد فرماتاہے:) مُحَمَّدٌ رَّسُوْلُ اللّٰهِؕ-وَ الَّذِیْنَ مَعَهٗۤ اَشِدَّآءُ عَلَى الْكُفَّارِ رُحَمَآءُ بَیْنَهُمْ تَرٰىهُمْ رُكَّعًا سُجَّدًا یَّبْتَغُوْنَ فَضْلًا مِّنَ اللّٰهِ وَ رِضْوَانًا٘-سِیْمَاهُمْ فِیْ وُجُوْهِهِمْ مِّنْ اَثَرِ السُّجُوْدِؕ-(  (پ۲۶،الفتح:۲۹) ترجمۂ کنز الایمان: محمداللہکے رسول ہیں اور ان کے ساتھ والے کافروں پر سخت ہیں اور آپس میں نرم دل تو انہیں دیکھے گا رکوع کرتے سجدے میں گرتے  اللہ کا فضل و رضا چاہتے ان کی علامت ان کے چہروں میں ہے سجدوں کے نشان سے۔

سوال      قرآنِ پاک میں صحابۂ کرام عَلَیْہِمُ الرِّضْوَان کو کیاخوشخبری سنائی گئی ہے ؟

جواب      صحابۂ کرام عَلَیْہِمُ الرِّضْوَان کو رضائے الٰہی اور جنت کی خوشخبری سنائی گئی ہے، ارشادِ باری تعالٰی ہے: (رَّضِیَ اللّٰهُ عَنْهُمْ وَ رَضُوْا عَنْهُ وَ اَعَدَّ لَهُمْ جَنّٰتٍ تَجْرِیْ تَحْتَهَا الْاَنْهٰرُ خٰلِدِیْنَ فِیْهَاۤ اَبَدًاؕ-ذٰلِكَ الْفَوْزُ الْعَظِیْمُ(۱۰۰)) (پ۱۱،التوبۃ:۱۰۰) ترجمۂ کنز الایمان: اللہان سے راضی اور وہاللہسے راضی اور ان کے لئے تیار کر رکھے ہیں باغ جن کے نیچے نہریں بہیں ہمیشہ ہمیشہ ان میں رہیں یہی بڑی کامیابی ہے۔

سوال      حضور رحمتِ عالَم صَلَّی اللہُ تَعَالٰی عَلَیْہِ وَاٰلِہٖ وَسَلَّم  نے اپنے اصحابِ کرام کے متعلق کیا ارشاد فرمایا؟

 

جواب   رسولُ اللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے  کئی مواقع پر حضراتِ صحابۂ کرام کی اہمیت وشان  بیان فرمائی،چندفرامینِ مُقَدَّسہ ملاحظہ فرمائیے:(1)” میرے صحابہ کی عزت کرو کہ وہ تمہارے نیک ترین لوگ ہیں۔“^([184])(2)”میرے صحابہ ستاروں کی مانند ہیں تم ان میں سے جس کی بھی پیروی کروگے ہدایت پاجاؤ گے۔“^([185]) (3)” اگر تم میں کوئی اُحدپہاڑ کے برابرسونا خیرات کرے تو اس کا ثواب میرے کسی صحابی کے ایک مد(تھوڑی مقدار) بلکہ آدھا مد خیرات کرنے کے برابر بھی نہیں ہوسکتا ۔“^([186])

سوال    حدیثِ مبارکہ میں دشمنانِ صحابہ کے متعلق کیا وعیدآئی ہے؟

جواب   حدیثِ مبارکہ میں ایسے شخص کو لعنتِ خداوندی کا مستحق قرار دیا گیا۔^([187])اور ایک حدیثِ پاک  میں صحابۂ کرام کو اَذِیَّت دینے والے کو عذاب کی وعید سنائی گئی ہے۔^([188])

سوال    حضرات صحابۂ کرام رِضْوَانُ اللّٰہِ تَعَالٰی عَلَیْہِمْ اَجْمَعِیْن کے متعلق ہمارا کیا عقیدہ ہے؟

جواب   تمام صحابۂ کرام(عَلَیْہِمُ الرِّضْوَان) آقائے دوعالَم صَلَّی اللہُ تَعَالٰی عَلَیْہِ وَاٰلِہٖ وَسَلَّم کے جاں نثار، سچے غلام اورجنتی ہیں، ان کا ذکر عقیدت ومحبت کے ساتھ کرنا فرض ہے ،

 

           ان کے متعلق برا خیال رکھنے والا بد مذہب گمراہ اور عذابِ  نار کا حقدار ہے کہ جو اُن پر زبان دراز کرے گویاوہ اللہ عَزَّ  وَجَلَّ کی حکمت وقدرت اور پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّم کی رفعت ووجاہت اور شانِ محبوبی پر اعتراض کرتاہے، تابعین سےقیامت تک کوئی بھی اُمتی کسی صحابی کے مرتبہ کو نہیں پہنچ سکتا۔^([189])

سوال    سب سے پہلے صحابیٔ رسول کون ہیں؟

جواب   سب سے پہلے صحابیٔ رسول بننے کا شرف آزاد مَردوں میں حضرت سیدنا صدّیقِ اکبر ،بچوں میں حضرت سَیّدُناعلی المرتضیٰ،غلاموں میں حضرت سَیّدُنا زید بن حارثہ اور عورتوں میں حضرت سَیّدَتُنا خدیجۃُ الکُبریٰ رَضِیَ اللہُ تَعَالٰی عَنْہُمْ کو حاصل ہے۔ ^([190])

سوال    وہ  پہلے شہیدکون ہیں  جن کی نمازِ جنازہ حضورنبی پاک صَلَّی اللہُ تَعَالٰی عَلَیْہِ وَاٰلِہٖ وَسَلَّم نے پڑھائی ؟

جواب   حضرت سَیّدُناامیر حمزہ رَضِیَ اللہُ تَعَالٰی عَنْہ ۔^([191])

سوال    راہِ خدا میں شہید ہونے والی سب سے پہلی صحابیہ کا نام بتائیے؟

جواب   اُمِّ عمار حضرت سَیّدَتُنا سُمَیَّہ رَضِیَ اللہُ تَعَالٰی عَنْہَا۔^([192])

 

سوال    ’’ غَسِیْلُ الْمَلَآئِکَہ“کونسے صحابی کا لقب ہے اور اس کی وجہ کیا ہے؟

جواب   وہ حضرت سَیّدُناحنظلہ رَضِیَ اللہُ تَعَالٰی عَنْہہیں اور اس لقب کی وجہ یہ ہے کہ جنگ میں شہادت کے بعد آپ کو فرشتوں نے غسل دیا تھا ۔^([193])

سوال    حضرت ابوہریرہ رَضِیَ اللہُ تَعَالٰی عَنْہ کااصل  نام اور ”ابوہریرہ“ سے مشہور ہونے کی وجہ بتائیے؟

جواب   آپ رَضِیَ اللہُ تَعَالٰی عَنْہ کا اصل نام ”عبد اللہ یا عبد الرحمٰن“ ہے۔^([194]) ایک دن حضورنبی رحمتصَلَّی اللہُ تَعَالٰی عَلَیْہِ وَاٰلِہٖ وَسَلَّم نے اِن کی آستین میں ایک بلی دیکھی تو آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے انہیں ’’یَااَبَا ھُرَیْرَہیعنی اے بلی والے!‘‘کہہ کر پکارا،اسی دن سے آپ کا یہ لقب مشہور ہوگیا۔^([195])

سوال    حضورنبی اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے کس کی کنیت ’’ابو حمزہ‘‘ رکھی تھی؟

جواب   آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم نے حضرت انس بن مالک رَضِیَ اللہُ تَعَالٰی عَنْہ کی کنیت ’’ابو حمزہ‘‘رکھی تھی۔^([196])

سوال    کونسے صحابی ایک ہی رکعت میں پورا قرآن کریم تلاوت فرمالیتے تھے ؟

جواب   حضرت سیدنا تمیم داری رَضِیَ اللہُ تَعَالٰی عَنْہ۔^([197])

 

اُمَّہات المؤمنین رَضِیَ اللّٰہُ تَعَالٰی عَنْہُنَّ  

سوال                        ازواجِ مطہرات کو”اُمہاتُ المؤمنین“کیوں کہا جاتا ہے؟

جواب      آقائے دوجہاں صَلَّی اللہُ تَعَالٰی عَلَیْہِ وَاٰلِہٖ وَسَلَّم کی ازواجِ مطہرات کو”امہات المؤمنین“اس لئے کہا جاتا ہے کہ قرآنِ مجید نے آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کی ازواجِ مطہرات کو مؤمنوں کی ماں قرار دیا ہے، فرمانِ باری تعالٰی ہے: (وَ اَزْوَاجُہٗۤ اُمَّہٰتُہُمْ) (پ۲۲،الاحزاب:۶)ترجمۂ کنزالایمان:اور اس کی بیبیاں ان کی مائیں ہیں۔

سوال      امہات المؤمنین رَضِیَ اللّٰہُ تَعَالٰی عَنْہُنَّ کی تعداد کتنی ہے؟

جواب      امہاتالمؤمنین رَضِیَ اللّٰہُ تَعَالٰی عَنْہُنَّ کی تعدادمیں اختلاف ہےمگرجن گیارہ پر سب کا اتفاق ہے، ان میں سے 6قبیلۂ قریش سے اور 4 عرب کے دیگر قبیلوں سے اور 1بنی اسرائیل کےقبیلہ بنو نضیر سے تعلق رکھتی ہیں جن کے اسماءِ گرامی بالترتیب یہ ہیں: (۱)حضرت سیدتناخدیجہ بنتِ خُوَیلد(۲)عائشہ بنتِ ابوبکر صدیق (۳)حفصہ بنتِ عمر فاروق(۴)اُم حَبیبہ بنتِ ابوسفیان(۵)ام سلمہ بنتِ ابو اُمیّہ (۶)سودہ بنتِ زمعہ (۷)زینب بنتِ جحش(۸)میمونہ بنتِ حارث (۹)زینب بنتِ خزیمہ(۱۰)جویریہ بنتِ حارث اور(۱۱)صفیہ بنتِ حُیَی رَضِیَ اللّٰہُ تَعَالٰی عَنْہُنَّ ۔^([198])

سوال                        کونسی ازواجِ مطہرات حضور نبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم کی حیاتِ ظاہری ہی میں انتقال فرما گئیں تھیں؟

 

جواب   حضرت سیدتناخدیجۃُ الکبریٰ۔^([199]) اور حضرت سیدتنا زینب بنتِ خزیمہ رَضِیَ اللہُ تَعَالٰی عَنْہُمَا۔^([200])

سوال                  سب سے آخر میں انتقال فرمانے والی زوجۂ محترمہ رَضِیَ اللّٰہُ تَعَالٰی عَنْہَا کا نام بتائیں؟

جواب   اُمہاتُ المؤمنین رَضِیَ اللّٰہُ تَعَالٰی عَنْہُنَّ میں سب سے آخر میں حضرت اُمِ سلمہ رَضِیَ اللّٰہُ تَعَالٰی عَنْہَا نے انتقال فرمایا۔^([201])

سوال                  جنتی عورتوں میں سب سے افضل کون ہیں؟

جواب   اُم المومنین حضرت سیدتناخدیجۃ الکبری،حضرت سیدتنا فاطمۃ الزہرا، حضرت سیدتنا مریم اورحضرت سیدتناآسیہ بنتِ مزاحم رَضِیَ اللہُ تَعَالٰی عَنْہُن۔^([202])

سوال                  حضورخاتَم الانبیاوالمرسلین صَلَّی اللہُ تَعَالٰی عَلَیْہِ وَاٰلِہٖ وَسَلَّمنے پہلی وحی نازل ہونے کی خبرسب سے پہلے کس کو دی؟

جواب   آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمنے پہلی وحی کے متعلق سب سے پہلے حضرت سیدتنا خدیجۃُ الکبریٰرَضِیَ اللہُ تَعَالٰی عَنْہَاکوبتایا۔^([203])

سوال                  حضرت سیدتنا عائشہ صدیقہرَضِیَ اللہُ تَعَالٰی عَنْہَا کی علمی فضیلت بیان کریں؟

جواب   حضرت سیدنا عروہ بن زبیر رَضِیَ اللہُ تَعَالٰی عَنْہ فرماتے ہیں : میں نے کسی کو قرآنِ

 

      کریم کے معانی،حلال وحرام کے احکام،اہلِ عرب کے اَشعار اورنَسبوں کے علم میں حضرت سیدتنا عائشہ صدیقہ طیبہ طاہرہ رَضِیَ اللہُ تَعَالٰی عَنْہَاسے زیادہ علم والا نہیں دیکھا۔^([204])

سوال                  ”اُم المساکین“کے لقب سےکونسی زوجۂ محترمہرَضِیَ اللہُ تَعَالٰی عَنْہَا مشہور تھیں؟

جواب   حضرت سیدتنازینب بنتِ خزیمہ رَضِیَ اللہُ تَعَالٰی عَنْہَا ۔^([205])

سوال                  اُم المؤمنین سیدتنااُم ِسلمہرَضِیَ اللہُ تَعَالٰی عَنْہَا کا نام کیا ہے؟

جواب                 آپ رَضِیَ اللہُ تَعَالٰی عَنْہَا کا نام’’ہند‘‘ہے۔^([206])

سوال                  اُم المؤمنین سیدتنا زینب بنتِ جحش رَضِیَ اللہُ تَعَالٰی عَنْہَا کا نام پہلے کیا تھا؟

جواب   آپ رَضِیَ اللہُ تَعَالٰی عَنْہَا کا نام’’بَرَّہ‘‘ تھاجسے حضور نبیِّ مکرمصَلَّی اللہُ تَعَالٰی عَلَیْہِ وَاٰلِہٖ وَسَلَّمنے تبدیل فرماکر’’زینب رَضِیَ اللہُ تَعَالٰی عَنْہَا ‘‘رکھا۔^([207])

سوال                  اُم المومنین سیدتنا اُم حبیبہ رَضِیَ اللہُ تَعَالٰی عَنْہَا کا ادبِ رسول کیسا تھا؟

جواب   صلح حُدیبیہ کے حوالے سے(قبولِ اسلام سے پہلے)حضرت ابو سفیانرَضِیَ اللہُ تَعَالٰی عَنْہمدینہ منورہ آئے  تو اپنی بیٹی اُم المومنین سیدتنااُمِ حبیبہرَضِیَ اللہُ تَعَالٰی عَنْہَا کے گھر پہنچ کرچاہاکہ حضورِاقدس صَلَّی اللہُ تَعَالٰی عَلَیْہِ وَاٰلِہٖ وَسَلَّم کےبسترپربیٹھیں تواُم المومنین نے انہیں بسترپر بیٹھنے سے منع کردیا اور فرمایا:یہ رسولُ اللہ صَلَّی اللہُ

 

                                                         تَعَالٰی عَلَیْہِ وَاٰلِہٖ وَسَلَّم کا پاکیزہ بسترہے اور آپ نجاستِ شرک سے آلودہ ہولہٰذا مجھے آپ کا اس مقدّس بستر پر بیٹھنا پسند نہیں۔^([208])

سوال                  اُم المومنین سَیِّدَتُنا صفیہ بنت حُیَی رَضِیَ اللہُ تَعَالٰی عَنْہَا کس قوم سے ہیں ؟

جواب   آپ رَضِیَ اللہُ تَعَالٰی عَنْہَابنی اسرائیل سے حضرت سیدنا ہارون عَلَیْہِ السَّلَام کی اولاد سے ہیں۔^([209])

اہلِ بیت رِضْوَانُ اللّٰہ ِتَعَالٰی عَلَیْہِمْ اَجْمَعِیْن

سوال    قرآن پاک میں اہلِ بیت کی فضیلت میں کیا ارشاد ہوا؟

جواب   (اِنَّمَا یُرِیْدُ اللّٰهُ لِیُذْهِبَ عَنْكُمُ الرِّجْسَ اَهْلَ الْبَیْتِ وَ یُطَهِّرَكُمْ تَطْهِیْرًاۚ (

                                                         (پ۲۲، الاحزاب: ۳۳)ترجمۂ کنز الایمان:اللہتو یہی چاہتا ہے اے نبی کے گھر والو کہ تم سے ہر ناپاکی دور فرمادے اور تمہیں پاک کرکے خوب ستھرا کردے۔

سوال    اہلِ بیت کرام کی مقدّس جماعت کن افراد پر مشتمل ہے؟

جواب   اہلِ بیت میں نبیِّ کریمصَلَّی اللّٰہُ تَعَالٰی عَلَیْہِ واٰلِہٖ وَسَلَّم کی ازواجِ مُطہرات اور حضرت خاتونِ جنّت فاطمہ زہرا اور علیِ مرتضٰی اور حسنینِ کریمینرَضِیَاللّٰہُ تَعَالٰی عَنْہُم اَجْمَعِیْن  سب داخل ہیں ، آیات و احادیث کو جمع کرنے سے یہی نتیجہ نکلتا ہے اور یہی حضرت امام ابومنصور ماتُریدیرَضِیَاللّٰہُ تَعَالٰی عَنْہُ  سے منقول ہے۔^([210])

 

سوال      اہلِ بیت کی محبت کے حوالے سےہمیں کیا تعلیم دی گئی ہے؟

جواب      فیضِ گنجینہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کافرمانِ عالیشان ہے : اپنی اولاد کو تین باتیں سکھاؤ (۱) اپنے نبی صَلَّی اللّٰہُ تَعَالٰی عَلَیْہِ واٰلِہٖ وَسَلَّم  کی محبت(۲) اہلِ بیت رِضْوَانُ اللّٰہ ِتَعَالٰی عَلَیْہِمْ اَجْمَعِیْن کی محبت اور (۳)تلاوتِ قرآن۔^([211])

سوال      حضورِ اَقدس صَلَّی اللّٰہُ تَعَالٰی عَلَیْہِ واٰلِہٖ وَسَلَّم  نے اہلِ بیت کی تعظیم وحرمت کے بارے میں کیا ارشاد فرمایا؟

جواب      حضور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے ارشاد فرمایا: بیشک اللہعَزَّ وَجَلَّ کی تین حُرمَتیں ہیں جو ان کی حفاظت کرے اللہتعالی اس کے دین ودنیا محفوظ رکھے اور جو ان کی حفاظت نہ کرے اللہ تعالی اس کی کسی چیز کی حفاظت نہ فرمائے، عرض کی گئی: یارسولَ اللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ وہ تین حرمتیں کونسی ہیں؟ ارشاد فرمایا: ایک اسلام کی حُرمت، دوسری میری حرمت، تیسری میری قَرابت کی حُرمت۔^([212])

سوال      اہلِ بیت کرام سے بدسلوکی کرنے والے کیلئے کیا وعید آئی ہے؟

جواب      فرمانِ مصطفےٰ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ہے: جسے پسند ہو کہ اس کی عمر میں برکت ہو اللہعَزَّ وَجَلَّ اسے اپنی دی ہوئی نعمت سے بہرہ مند کرے تو اسے لازم ہے کہ میرے بعدمیرے اہلِ بیت سے اچھا سلوک کرے، جو ایسا نہ کرے اس کی عمر کی برکت اُڑجائے اور قیامت میں میرےسامنے کالامنہ لے کر آئے۔^([213])

 

سوال    قَرابتِ مصطفےٰ صَلَّی اللہُ تَعَالٰی عَلَیْہِ وَاٰلِہٖ وَسَلَّم کی برکت بیان کیجئے؟

جواب   حضورنبیِّ اکرم  صَلَّی اللہُ تَعَالٰی عَلَیْہِ وَاٰلِہٖ وَسَلَّم نے بَر سَر منبر فرمایا: ان لوگوں کا کیا حال ہے کہ جو یہ کہتے ہیں کہ  رسولُ اللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی قرابت روزِ قیامت ان کی قوم کو نفع نہ دے گی خدا کی قسم میری قرابت دنیا وآخرت میں پیوستہ ہے۔^([214])

سوال    حضرت سیِّدُناابوبکر صدیق رَضِیَ اللہُ تَعَالٰی عَنْہ نے اہلِ بیت سے حسنِ سلوک کے متعلق کیا فرمایا ؟

جواب   امیر المؤمنین حضرت سیِّدُناابوبکر صدیق رَضِیَ اللہُ تَعَالٰی عَنْہ نے فرمایا: اس ذات کی قسم جس کے قبضۂ قدرت میں میری جان ہے!اپنی قَرابت (رشتہ داروں)سے اچھا سلوک کرنے کے مقابلے میں مجھے حضورنبیِّ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم کی قرابت سے اچھا سلوک کرنا زیادہ پسندہے۔نیز فرمایا: تاجدارِ رسالت صَلَّی اللہُ تَعَالٰی عَلَیْہِ وَاٰلِہٖ وَسَلَّم کی رضا مندی آپ کے اہلِ بیت سے محبت میں ہے۔^([215])

سوال    خاتونِ جنت رَضِیَ اللہُ تَعَالٰی عَنْہَا  کا نام ’’فاطمہ‘‘ رکھے جانے کی حکمت بیان کریں؟

جواب   حضور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ  نے ارشاد فرمایا کہ میں نے اپنی بیٹی کا نام فاطمہ اس لیے رکھا کہ اللہ تعالٰی نے اس کو اور اس کے ساتھ محبت رکھنے والوں کو دوز خ سے خلاصی عطا فرمائی۔^([216])

 

سوال    شہزادیٔ کونین رَضِیَ اللّٰہُ تَعَالٰی عَنْہا  کو اُم المومنین سیدتنا عائشہ صدیقہ رَضِیَ اللہُ تَعَالٰی عَنْہَاسے محبت رکھنے کی ترغیب کس انداز سے دی گئی؟

جواب   حضورنبیِّ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے حضرت سیدتنافاطمہ زہرا رَضِیَ اللہُ تَعَالٰی عَنْہَا سے فرمایا:اے فاطمہ!جس سے میں محبت کرتا ہوں تم بھی اس سے محبت کرو گی؟عرض کی:ضرور یارسولَاللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم! میں محبت رکھوں گی۔ اس پرارشاد فرمایا :تو عائشہ صدیقہرَضِیَ اللہُ تَعَالٰی عَنْہَاسے محبت رکھو۔^([217])

سوال    حضورِاکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم کوکونسی بیٹی سب سے زیادہ پیاری  تھی ؟

جواب   خاتونِ جنت حضرت سیدتنا فاطمہ زہرا رَضِیَ اللہُ تَعَالٰی عَنْہَا ۔^([218])

سوال    نبیِّ رحمت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے کن کو اپنےدنیاوی پھول فرمایا؟

جواب   حضرت سیِّدُنا امام حسن اورحضرت سیِّدُناامام حسین رَضِیَ اللہُ تَعَالٰی عَنْہُمَا کو۔^([219])

سوال    اہلِ بیت میں سے سب سے زیادہ حضور نبیِّ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم سے مُشابَہت کون رکھتے تھے ؟

جواب   حضور نبیِّ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم سے سب سے زیادہ مشابہ حضرت سیِّدُنا امام حسن رَضِیَ اللہُ تَعَالٰی عَنْہ تھے۔^([220])

 

علماء ومُجتہدینِ  رَحِمَہُمُ اللہُ تَعَالٰی

سوال      مجتہد کسے کہتے ہیں ؟

جواب      مجتہد وہ ہے جس میں اس قدر علمی لیاقت اور قابلیت ہو کہ قرآنی اشارات ورُموز کو سمجھ سکے  اور کلام کے مقصد کو پہچان سکے  اور اس سے مسائل نکال سکے ، ناسخ و منسوخ کا پورا علم رکھتا ہو ۔ علمِ صرف و نحو، بلاغت وغیرہ میں اس کو پوری مہارت حاصل ہو ، احکام کی تمام آیتوں اور حدیثوں پر اس کی نظر ہو۔^([221])

سوال      عالِم کسے کہتے ہیں ؟

جواب      عالِم کی تعریف یہ ہے کہ عقائد سے پورے طور پر آگاہ ہو  اور مستقل ہو  اور اپنی ضروریات(حاجت کے مسائل) کو کتاب سے نکال سکے  بغیر کسی کی مدد کے۔^([222])

سوال      قرآنِ کریم میں عالِم کی شان کس طرح بیان ہوئی ؟

جواب      قرآنِ کریم میں کئی مقامات پر علم والوں کی شان وعظمت کو بیان کیا گیا ہے۔ چنانچہ ارشادِ باری تعالٰی ہے: (یَرْفَعِ اللّٰهُ الَّذِیْنَ اٰمَنُوْا مِنْكُمْۙ-وَ الَّذِیْنَ اُوْتُوا الْعِلْمَ دَرَجٰتٍ) (پ۲۸،المجادلۃ:۱۱)ترجمۂ کنزالایمان:اللہ تمہارے ایمان والوں کے اور ان کے جن کو علم دیا گیادرجے بلند فرمائے گا۔

سوال      حدیث شریف میں عالم کا کیا مرتبہ بیان کیا گیا ہے ؟

جواب      احادیثِ کریمہ میں علماء کے کثیر فضائل ومَراتب بیان ہوئے ہیں جن میں سے

 

               ایک یہ بھی ہے کہ حضور نبیِّ مکرم  صَلَّی اللہُ تَعَالٰی عَلَیْہِ وَاٰلِہٖ وَسَلَّمنے ارشاد فرمایا: اللہ عَزَّ  وَجَلَّ جس کے ساتھ بھلائی کا اراد ہ فرماتا ہے اُسے دین کی سمجھ عطا فرمادیتا ہے  اور بے شک میں تقسیم کرنے والا ہوں  اور اللہ عَزَّ  وَجَلَّ عطافرماتا ہے۔^([223])

سوال    فقہ کے مشہور مذاہب  کتنے ہیں اوراِن  کے پیشواؤں کے نام کیا ہیں؟

جواب   فقہ کےمشہورمذاہب چارہیں:(۱)حنفی(۲)شافعی(۳)مالکی(۴)حنبلی۔فقہحنفی  کے پیشواامام الائمہ کاشِف الغُمّہ امام اعظم حضرت سیدناابوحنیفہ نعمان بن ثابت رَحْمَۃُ اللہِ تَعَالٰی عَلَیْہ ہیں ۔فقہ شافعی کے پیشوا عارفباللہ حضرت سیدنا امام محمد بن ادریس شافعی رَحْمَۃُ اللہِ تَعَالٰی عَلَیْہ ہیں ۔فقہ مالکی کے پیشوا عالِمِ مدینہ امام دارالہجرت حضرت سیدنا امام مالک بن انس رَحْمَۃُ اللہِ تَعَالٰی عَلَیْہ ہیں اور فقہ حنبلی کے پیشوا امامُ المُحدِّثین حضرت سیدنا امام احمد بن حنبل رَحْمَۃُ اللہِ تَعَالٰی عَلَیْہ ہیں ۔

سوال    دنیا میں کس فقہی مذہب کے پیروکار سب سے زیادہ ہیں؟

جواب   دنیا میں حنفی مذہب کے پیروکارسب سے  زیادہ ہیں۔^([224])

سوال    امامِ اعظم رَحْمَۃُ اللہِ تَعَالٰی عَلَیْہکب پیدا ہوئے اور وصال  مبارک کب ہوا ؟

جواب   آپ رَحْمَۃُ اللہِ تَعَالٰی عَلَیْہ کا سنِ ولادت 70ہجری جبکہ سنِ وفات 150 ہجری ہے۔ ^([225])

سوال    امام شافعی رَحْمَۃُ اللہِ تَعَالٰی عَلَیْہ کا سنِ ولادت اورسنِ وفات کیا ہے؟

 

جواب      آپ کا سنِ ولادت 150 ہجری جبکہ سنِ وفات 204ہجری ہے ۔^([226])

سوال      امام احمدبن حنبل رَحْمَۃُ اللہِ تَعَالٰی عَلَیْہ کی ولادت اور وفات کب ہوئی ؟

جواب      آپ کا سنِ ولادت 164ہجری جبکہ سنِ وفات241ہجری ہے ۔ ^([227])

سوال      امام مالک رَحْمَۃُ اللہِ تَعَالٰی عَلَیْہ کا سن ولادت و وفات کیا ہے ؟

جواب      آپ کا سنِ ولادت 93ہجری جبکہ سنِ وفات 179ہجری ہے ۔^([228])

سوال      حضرت سیِّدُنا امام ابو یوسف رَحْمَۃُ اللہِ تَعَالٰی عَلَیْہ کا نام کیا ہے؟

جواب      آپ کا اسمِ گرامی یعقوب بن ابراہیم ہے۔^([229])

سوال      امام شافعی عَلَیْہِ رَحْمَۃُ اللہِ الْوَالِیپر فقہ میں سب سے زیادہ احسان کس کا ہے؟

جواب      حضرت سیِّدُنا امام شافعی رَحْمَۃُ اللہِ تَعَالٰی عَلَیْہ نے فرمایا:فقہ میں مجھ پر سب سے زیادہ احسان امام محمدبن حسن شیبانی رَحْمَۃُ اللہِ تَعَالٰی عَلَیْہ کا ہے۔^([230])

اولياءو صالحين رَحِمَہُمُ اللہُ تَعَالیٰ

سوال      ولیوں کےسردار سے مشہورہستی کا نام کیا ہے اوران کا مزار کہاں ہے ؟

جواب      وہ مقدَّس ہستی محبوبِ سبحانی، قطبِ ربّانی ،غوثِ صمدانی حضورِ غوثِ پاک ابومحمد عبدالقادرجیلانی قدس قُدِّسَ سِرُّہُ النُّوْرَانِی ہیں اور آپ کا مزارِپُراَنوارعراق کے

 

              شہر بغداد میں ہے۔^([231])

سوال    حضور غوثِ پاک رَحْمَۃُ اللہِ تَعَالٰی عَلَیْہ کی ولادت  اور وصال کب  ہوا ؟

جواب   حضور غوث پاک رَحْمَۃُ اللہِ تَعَالٰی عَلَیْہ یکم رمضان المبارک  471 ھ کو پیدا ہوئے  اور آپ نے 561ھ میں وصال فرمایا۔^([232])

سوال    ”کشف المحجوب“ کس بزرگ کی کتاب ہے اور یہ کس موضوع پر ہے؟

جواب   یہ کتاب حضرت داتا گنج بخش سیدابوالحسن علی بن عثمان ہجویری رَحْمَۃُ اللہِ تَعَالٰی عَلَیْہ کی ہے اور اس کا موضوع تصوُّف ہے۔

سوال    حضرت امام ربانی ،مجدد الف ثانی عَلَیْہِ رَحْمَۃُ اللہِ الْوَ الِی کا اصل نام کیا ہے ؟

جواب   حضرت مجدِّداَلْف ثانی ابو البرکات  نقشبندی سرہندی کا اصل نام  شیخ احمد فاروقی عَلَیْہِ رَحْمَۃُ اللہِ الْقَوِیہے ۔^([233])

سوال    فتنۂ قادیانیت کے خلاف کس پیر صاحب نے قائدانہ ومجاہدانہ کردار ادا کیا؟

جواب   وہ پیر صاحب ماہِ شریعت ،مہرِطریقت،تاجدارِ گولڑہ حضرت پیرسید مہر علی شاہ گیلانی چشتی نظامی عَلَیْہِ رَحْمَۃُ اللہِ الْوَ الِی ہیں۔^([234])

سوال    کونسے بزرگ  کو30 سال تک ہنستے نہیں دیکھا گیا؟

 

جواب   حضرتفضیلبنعیاض رَحْمَۃُ اللہِ تَعَالٰی عَلَیْہ کو 30 سال تک کسی نےہنستے ہوئے نہیں دیکھا مگرآپ  اپنے بیٹے کے وصال پر مسکرادئیے تھے۔^([235])

سوال    حضرت ثابت بنانی قُدِّسَ سِرُّہُ النُّوْرَانِی کی قبر سے کیا آوازآتی تھی؟

جواب   لوگوں کا بیان ہے کہ جب ہم حضرت سیدناثابت بنانی قُدِّسَ سِرُّہُ النُّوْرَانِی کی قبر کے پاس سے گزرتے ہیں تو ہمیں قرآنِ کریم پڑھنے کی آواز آتی ہے۔^([236])

سوال    حضرت خواجہ قطب الدین بختیار کاکی عَلَیْہِ رَحْمَۃُ اللہِ الْوَ الِی کس کے مرید تھے ؟

جواب   آپ رَحْمَۃُ اللہِ تَعَالٰی عَلَیْہ حضرت شیخ الاسلام خواجہ غریب نواز معین الدین چشتی اجمیری عَلَیْہِ رَحْمَۃُ اللہِ الْقَوِیکے  مریدوخلیفہ تھے۔^([237])

سوال    وہ کون سے بُزرگ ہیں جو ننگے پاؤں رہا کرتے تھے ؟

جواب   حضرت سیدنابشرحافی عَلَیْہِ رَحْمَۃُ اللہِ الْکَافِی جوتے نہیں پہنا کرتے تھے ۔کسی نے عرض کی:آپ جوتے کیوں نہیں پہنتے؟ ارشاد فرمایا:جس وقت میں نے اپنے پروردگار عَزَّ  وَجَلَّ سے صلح( یعنی توبہ) کی تو میرے پاؤں میں جوتا نہیں تھالہٰذا اب میں مرتے وقت تک جوتا نہیں پہنوں گا۔^([238])

سوال    حضرت سیدنا معروف کرخی عَلَیْہِ رَحْمَۃُ اللہِ الْغَنِی کی قبرِ اَنور کی کیا برکت ہے؟

جواب   حضرت سیِّدُنامحمد بن عبدالرحمن زہری عَلَیْہِ رَحْمَۃُ اللہِ الْوَ لِی فرماتے ہیں:میں نے

 

              اپنے والدماجد کو فرماتے سنا ہے کہ حضرت سیِّدُنا معروف کرخی عَلَیْہِ رَحْمَۃُ اللہِ الْغَنِی کی قبرِاَنورپر تمام حاجات پوری ہوتی ہیں۔^([239])

سوال    حضرت سیدنا داؤد طائی عَلَیْہِ رَحْمَۃُ اللہِ الْوَ الِی کس کے شاگرد تھے ؟

جواب   آپ رَحْمَۃُ اللہِ تَعَالٰی عَلَیْہ امامُ الاَئمہ ،کاشِفُ الغُمَّہ  حضرت سیدنا امامِ اعظم ابوحنیفہ رَحْمَۃُ اللہِ تَعَالٰی عَلَیْہ کے شاگرد تھے اور 20سال تک اِن کی خدمت میں رہے۔^([240])

سوال    ”طمع نہیں ،منع نہیں اور جمع نہیں“یہ کس کا فرمان ہے؟

جواب   خلیفۂ اعلیٰ حضرت قُطبِ مدینہ حضرت سیدناضیاءُالدین مدنی عَلَیْہِ رَحْمَۃُ اللہِ الْغَنِی فرمایا کرتے تھے:”طمع نہیں ،منع نہیں اور جمع نہیں“یعنی لالچ مت کرو کہ کوئی دے اور اگر کوئی بغیر مانگے دے تو منع مت کرو اور جب لے لو تو جمع مت کرو۔^([241])

امامِ اہلسنت، اعلٰی حضرت  رَحْمَۃُ اللہِ تَعَالٰی عَلَیْہ  

سوال    اعلیٰ حضرت رَحْمَۃُ اللہِ تَعَالٰی عَلَیْہ کی ولادت کب ہوئی اور آپ کا تاریخی نام کیا ہے؟

جواب   ۱۰شوالُ المکرم ۱۲۷۲ھ روز شنبہ(یعنی ہفتہ کے دن) وقت ظہر مطابق۱۴ جون۱۸۵۶ء کو ہوئی۔اور آپ کا  تاریخی نام’’المختار‘‘ہے۔^([242])

سوال    اعلیٰ حضرت رَحْمَۃُ اللہِ تَعَالٰی عَلَیْہ کے آباء واجداد کہاں سے تعلق رکھتے تھے؟

جواب   امام احمد رضاخان رَحْمَۃُ اللہِ تَعَالٰی عَلَیْہ کے آباء واجدادقندھار (افغانستان) کے

 

           باعظمت قبیلہ بڑہیچ کے پٹھان تھے۔^([243])

سوال      امام اہلسنّت رَحْمَۃُ اللہِ تَعَالٰی عَلَیْہ  کو کتنے علوم وفنون پر مہارت حاصل تھی؟

جواب      100سے زائد قدیم وجدید ، دینی ، ادبی اور سائنسی علوم پر امام اہلسنّت رَحْمَۃُ اللہِ تَعَالٰی عَلَیْہ  کو دسترس حاصل تھی۔^([244])

سوال      امام اہلسنّت رَحْمَۃُ اللہِ تَعَالٰی عَلَیْہ  کی تصنیفات کی تعداد بیان کیجئے؟

جواب      امام اہلسنت رَحْمَۃُ اللہِ تَعَالٰی عَلَیْہنے کم و بیش 1000کتابیں تحریر فرمائیں۔^([245])

سوال      اعلیٰ حضرت رَحْمَۃُ اللہِ تَعَالٰی عَلَیْہ کی شہرۂ آفاق کتابوں میں سے کچھ کے نام بتائیں۔

جواب      (۱)قرآن کریم کا ترجمہ بنام ”کنز الایمان فی ترجمۃ القرآن“(۲)فقہ حنفی کا انسائیکلو پیڈیا بنام ”العطایا النبویۃ فی الفتاوی الرضویۃ“ جو ۳۳ جلدوں پر مشتمل ہے۔(۳)فقہ حنفی کی مشہور کتاب فتاویٰ شامی پر آپ رَحْمَۃُ اللہِ تَعَالٰی عَلَیْہ  کے حواشی بنام ”جد الممتارعلی رد المحتار“ جو مکتبۃ المدینہ سے 7جلدوں میں شائع ہوچکے ہیں۔(۴) شہرۂ آفاق نعتیہ کلام کا مجموعہ ”حدائق بخشش“۔

سوال      امام اہلسنت رَحْمَۃُ اللہِ تَعَالٰی عَلَیْہ نے اپنی مشہور کتاب ”الدولۃ المکیہ“ کتنے گھنٹوں میں تصنیف فرمائی ؟

جواب      اعلیٰ حضرت رَحْمَۃُ اللہِ تَعَالٰی عَلَیْہ نےیہ کتاب اپنی خداداد یادداشت کے بل پر تفاسیر،احادیث اور کتب ائمہ کی اصل عبارتوں کے حوالہ جات نقل فرماتے

 

           ہوئےصرف ساڑھے آٹھ گھنٹے کے قلیل وقت میں تصنیف فرمائی ۔^([246])

سوال    اعلیٰ حضرت رَحْمَۃُ اللہِ تَعَالٰی عَلَیْہ کی شان میں ڈاکٹر اقبال نے کیا کہا تھا؟

جواب   شاعرمشرق ڈاکٹر اقبال نے کہا: ہندوستان کے دورِ آخر میں ان جیسا طباع وذہین فقیہ پیدا نہیں ہوا۔ میں نے ان کے فتاویٰ  کے مطالعہ سے یہ رائے قائم کی ہے اور ان کے فتاویٰ ان کی ذہانت، فطانت، جودتِ طبع، کمالِ فقاہت اور علومِ دینیہ میں تبحرِ علمی کے شاہد عدل ہیں۔^([247])

سوال    امام اہلسنّت رَحْمَۃُ اللہِ تَعَالٰی عَلَیْہ   کی سیرت کی کچھ جھلکیاں بیان کریں؟

جواب   آپ رَحْمَۃُاللہِ تعالٰی علیہ اکثر فِراقِ مصطفٰے صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  میں غمگین رہتے اورسَرد آہیں بھرا کرتے۔غُرَبا کو کبھی خالی ہاتھ نہیں لوٹاتے تھے، بلکہ آخِری وَقْت بھی عزیز واقارِب کو وصیّت کی کہ غُرَبا کا خاص خیال رکھنا۔آپ رَحْمَۃُ اللہِ تَعَالٰی عَلَیْہ  اکثر تصنیف وتالیف میں لگے رہتے۔پانچوں نمازوں کے وَقْت مسجِد میں حاضر ہوتے اور ہمیشہ نمازباجماعت ادا فرمایا کرتے، آپ رَحْمَۃُ اللہِ تَعَالٰی عَلَیْہ  کی خُوراک بَہُت کم تھی۔^([248])

سوال    اعلیٰ حضرت رَحْمَۃُ اللہِ تَعَالٰی عَلَیْہ  کی کوئی کرامت بیان کیجئے؟

جواب   جنابِ سیِّدایوب علی شاہ صاحِب رَحْمَۃُ اللہِ تَعَالٰی عَلَیْہ  فرماتے ہیں کہ میرے آقا اعلیٰ حضرت رَحْمَۃُ اللہِ تَعَالٰی عَلَیْہ  ایک بار پِیلی بِھیت سے بریلی شریف بذرِیعۂ

 

           رَیل جارہے تھے۔ راستے میں نواب گنج کے اسٹیشن پرجہاں گاڑی صرف دو مِنَٹ کے لیے ٹھہرتی ہے، مغرِب کا وَقت ہوچکا تھا،آپ رَحْمَۃُ اللہِ تَعَالٰی عَلَیْہ  نے گاڑی ٹھہر تے ہی تکبیر اقامت فرما کر گاڑی کے اندر ہی نیّت باندھ لی، غالباً پانچ شخصوں نے اقتِداکی ان میں میں بھی تھا لیکن ابھی شریکِ جماعت نہیں ہونے پایا تھا کہ میری نظر غیر مسلم گارڈ پر پڑی جو پلیٹ فارم پر کھڑا سبز جھنڈی ہلا رہا تھا ،میں نے کھڑکی سے جھانک کر دیکھا کہ لائن کلیر تھی اور گاڑی چھوٹ رہی تھی، مگرگاڑی نہ چلی اور حضوراعلیٰ حضرت نے باطمینانِ تمام بِلا کسی اضطِراب کے تینوں فَرض رَکعتیں ادا کیں اور جس وقت دائیں جانب سلام پھیرا تھا گاڑی چل دی ۔ مقتدیوں کی زَبان سے بے ساختہ سُبْحٰنَ اللہ سُبْحٰنَ اللہ سُبْحٰنَ اللہ  نکل گیا ۔ اِس کرامت میں قابلِ غور یہ بات تھی کہ اگر جماعت پلیٹ فارم پر کھڑی ہوتی تو یہ کہا جاسکتا تھا کہ گارڈ نے ایک بُزُرگ ہستی کو دیکھ کر گاڑی روک لی ہوگی ایسا نہ تھا بلکہ نَماز گاڑی کے اندر پڑھی تھی۔ اِس تھوڑے وَقت میں گارڈ کو کیا خبر ہو سکتی تھی کہ ایک اللہ عَزَّ  وَجَلَّ   کا محبوب بندہ فریضۂ نَماز گاڑی میں ادا کرتا ہے۔^([249])

سوال    وہ کونسی چیز تھی جس کااظہار اعلیٰ حضرت رَحْمَۃُ اللہِ تَعَالٰی عَلَیْہ  کے ہر قول وفعل سے ہوا کرتا تھا؟

جواب   عشقِ مصطفیٰ اور حمایتِ مذہب۔

 

سوال      اعلیٰ حضرت رَحْمَۃُ اللہِ تَعَالٰی عَلَیْہ کے پیر ومرشد کا نام بتائیں نیز آپ کوخلیفہ بناتے وقت آپ کے پیر ومرشد نےکیا ارشادفرمایا تھا؟

جواب      آپ کے پیرومرشد حضرت شاہ آلِ رسول رَحْمَۃُ اللہِ تَعَالٰی عَلَیْہ ہیں اور آپ نے ارشادفرمایا: میں متفکر تھا کہ اگر قیامت کے دن رب العزت نے ارشاد فرمایا کہ آلِ رسول! تو دنیا سے میرے لیے کیا لایا؟ تو میں کیا جواب دوں گا؟ اَلْحَمْدُ لِلّٰہ!آج وہ فکر دور ہوگئی مجھ سے رب تعالٰی جب یہ پوچھے گا کہ آلِ رسول ! تو دنیا سے میرے لیے کیالایا؟ تو میں مولانا احمد رضا کو پیش کردوں گا۔^([250])

سوال      اعلیٰ حضرت رَحْمَۃُ اللہِ تَعَالٰی عَلَیْہکا وصال کب ہوا تھا؟

جواب      آپ رَحْمَۃُ اللہِ تَعَالٰی عَلَیْہنے۲۵ صفر۱۳۴۰ھ مطابق۲۸اکتوبر ۱۹۲۱عیسوی کو جمعۃ المبارک کے دن۲ بجکر۳۸ منٹ پر عین اذان جمعہ کے وقت وصال فرمایا۔^([251])

امیرِ اہلسنّت دَامَتْ بَـرَکاتُہُمُ الْعَالِیَہ    

سوال      امیر اہلسنّت دَامَتْ بَرَکَاتُہُمُ الْعَالِیَہ کی ولادت کس سنِ ہجری میں ہوئی؟

جواب      آپ ۲۶رمضان المبارک۱۳۶۹ھ مطابق 1950ء کو پیدا ہوئے۔^([252])

سوال      امیر اہلسنت دَامَتْ بَـرَکاتُہُمُ الْعَالِیَہ  کا اسمِ گرامی اور عُرفی نام کیا ہے؟

جواب      آپ دَامَتْ بَـرَکاتُہُمُ الْعَالِیَہ کا اسمِ گرامی’’محمد‘‘اور عُرفی نام’’الیاس‘‘ ہے۔^([253])

 

سوال      امیر اہلسنت دَامَتْ بَـرَکاتُہُمُ الْعَالِیَہ کے نام کے ساتھ ضیائی نسبت کیوں لگائی جاتی ہے؟

جواب      خلیفہ ٔاعلیٰ حضرت ،قطبِ مدینہ حضرت مولانا ضیاء الدین مدنی عَلَیْہِ رَحمَۃُ اللّٰہ  ِالْغَنِی کے مُرید ہونے کی نسبت سے ’’ضیائی‘‘کہلاتے ہیں۔^([254])

سوال      امیر اہلسنت مُدَّظِلُّہُ الْعَالِیکتناعرصہ مفتیٔ اعظم پاکستان مفتی وقارالدین قادری رضوی عَلَیْہِ رَحْمَۃُ اللہِ الْقَوِی کی صحبتِ بابرکت سے مستفیض ہوتے رہے؟

جواب      مسلسل 22سال۔^([255])

سوال      امیر اہلسنت دَامَتْ بَـرَکاتُہُمُ الْعَالِیَہ  کو کن بزرگوں سے خلافت حاصل ہے؟

جواب      آپ دَامَتْ بَـرَکاتُہُمُ الْعَالِیَہ  کو مفتیٔ اعظم پاکستان مفتی وقار الدین  رَحْمَۃُ اللہِ تَعَالٰی عَلَیْہ  ، شارح ِبخاری مفتی شریف الحق امجدی رَحْمَۃُ اللہِ تَعَالٰی عَلَیْہ  ، جانشینِ قطبِ مدینہ مولانا فضل الرحمٰن صاحب اشرفی رَحْمَۃُ اللہِ تَعَالٰی عَلَیْہ  اوردنیائے اسلام کے کئی اَکابر علماء سے خلافت حاصل ہے۔^([256])

سوال      جس دن امیر اہلسنت دَامَتْ بَـرَکاتُہُمُ الْعَالِیَہ  کا نکاح ہوا اُس دن کے کچھ معاملات بتائیں؟

جواب      اُس دن امیر اہلسنت دَامَتْ بَـرَکاتُہُمُ الْعَالِیَہ نے نور مسجد میں نمازِ جمعہ ادا فرمائی، قبرستان بھی گئے،کھارادر میں واقع حضرت سَیّد محمد شاہ دولہا رَحْمَۃُ اللہِ تَعَالٰی عَلَیْہ کے مزار شریف پر حاضری کی سعادت بھی حاصل کی اور ہسپتال جا کر اپنے ایک دوست کی عیادت بھی کی۔^([257])

 

سوال      امیر اہلسنت دَامَتْ بَـرَکاتُہُمُ الْعَالِیَہ  کا باجماعت نماز کی پابندی کا کوئی واقعہ بتائیں؟

جواب      (امیرِ اَہلسنّت دَامَتْ بَـرَکاتُہُمُ الْعَالِیَہ  فرماتے ہیں) ربّ عَزَّوَجَل کے کرم سے شروع سے ہی باجماعت نماز پڑھنے کا ذہن تھا،جماعت ترک کردینا میری لُغَت میں ہی نہیں تھا۔ یہاں تک کہ جب میری والدہ محترمہ کا انتقال ہوا تو اس وقت گھر میں دوسراکوئی مرد نہ تھا میں اکیلاتھا مگر اَلْحَمْدُ لِلّٰہِ عَزَّ  وَجَلَّ ماں کی مَیِّت چھوڑ کرمسجد میں نماز پڑھانے کی سعادت پائی۔ماں کے غم میں دورانِ نمازمیرے آنسوضرور بہہ رہے تھےمگر اس صورتِ حال میں بھی اَلْحَمْدُ لِلّٰہِ عَزَّ  وَجَلَّ جماعت نہ چھوڑی ۔^([258])

سوال      امیر اہلسنت مُدَّظِلُّہُ الْعَالِی سنہری جالیوں کے رُوبرو کیا دعائیں کرتے ہیں؟

جواب      امیر اہلسنت مُدَّظِلُّہُ الْعَالِی فرماتے ہیں:مجھے یاد نہیں پڑتا کہ میں نے آقا عَلَیْہِ الصَّلٰوۃُ وَالسَّلَام کے دربار سے کبھی دنیا کی ذلیل دولت کا مطالبہ کیا ہوبلکہ میں نے تو آقا عَلَیْہِ الصَّلٰوۃُ وَالسَّلَام کی یاد میں تڑپنے والا دل،آپ کے غم میں رونے والی آنکھیں اور ایمان و عافیت پر مدینہ شریف میں موت نصیب ہونے کی دعا کی ہے۔^([259])

سوال      امیر اہلسنّت دَامَتْ بَـرَکاتُہُمُ الْعَالِیَہ   کی  بین الاقوامی شہرت یافتہ کتاب کا نام بتائیں؟

جواب      فیضانِ سنت۔

سوال      امیر اہلسنت دَامَتْ بَرَکَاتُہُمُ الْعَالِیَہ نے ایمانیات اور کفریات کے موضوع پرکون سی کتاب تصنیف فرمائی ہے؟

 

جواب   آپ دَامَتْ بَرَکَاتُہُمُ الْعَالِیَہ نے ایمانیات اور کفریات کے موضوع پر اردو زبان میں انتہائی ضخیم کتاب بنام’’کفریہ کلمات کے بارے میں سوال جواب‘‘ تصنیف فرمائی ہے۔

سوال    معاشرے کو امن کا گہوارہ بنانے اور باہمی عزت واحترام کی فضا ہموار کرنے کیلئے امیر اہلسنت نے کونسے رسائل تحریر فرمائے ہیں؟

جواب   احترامِ مسلم،ہاتھوں ہاتھ پھوپھی سے صلح کرلی،ساس بہو میں صلح کا راز، ناچاقیوں کا علاج،غصے کا علاج۔

سوال    شیخِ طریقت امیر اہلسنت کے ”مدنی مُذاکروں“سے مسلمانوں کی اِنفرادی اور اِجتماعی زندگی پر کیا اَثرات مُرَتَّب ہورہے ہیں؟

جواب   مدنی مذاکرےکی برکت سے لوگ گناہوں سے تائب ہوکر نہ صرف فرائض وواجبات کی پابندی کرنے لگ جاتے ہیں بلکہ مُسْتَحب اعمال کے بھی عادی ہوجاتے ہیں۔

ذکرواَذکار

سوال    اذکارِ ماثورہ کسے کہتے ہیں؟

جواب   ایسے کلمات اور دعائیں ہیں جو حضور نبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم سے منقول ہیں کہ ان کو خود حضور نے پڑھا،یا ان کے پڑھنے کا حکم دیا  یا اُن کو پڑھنے کی فضیلت یافائدہ اورثواب بتایا،ایسے کلمات اوردعاؤں کو ”اذکارِماثورہ“کہتے ہیں۔^([260])

 

سوال                        اللہتعالٰی کے99 نام یاد کرنے کی کیا فضیلت ہے؟

جواب      حدیثِ پاک میں ہے: بے شکاللہ تعالٰی کے ننانوے نام ہیں یعنی ایک کم سو، جس نے انہیں یاد کر لیا وہ جنت میں داخل ہوا۔^([261])

سوال      اللہ عَزَّ  وَجَلَّ کو سب سے زیادہ محبوب چار کلمات کونسے ہیں؟

جواب      وہ کلمات یہ ہیں:”سُبْحَانَ اللّٰہِ وَالْحَمْدُ لِلّٰہِ وَلَآ اِلٰہَ اِلَّا اللّٰہُ وَاللّٰہُ اَکْبَرْ“۔^([262])

سوال      افضل ذکر اور افضل دعا کیا ہے؟

جواب      افضل ذکر  لَآ اِلٰہَ اِلَّا اللّٰہ ہے اور افضل دعا  اَلْحَمْدُ لِلّٰہہے۔^([263])

سوال      دن بھر میں 100مرتبہ سُبْحَانَ اللّٰہِ وَبِحَمْدِہٖ  پڑھنے کی کیا فضیلت ہے؟

جواب      جو شخص دن بھر میں 100مرتبہ سُبْحَانَ اللّٰہِ وَبِحَمْدِہٖ  پڑھے گااُس کے تمام گناہ معاف ہوجائیں گے اگرچہ سمندر کی جھاگ کے برابرہوں ۔ ^([264])

سوال      حدیثِ پاک میں کس کلمہ کو99 بیماریوں کی دوا کہا گیا ؟

جواب      غَمگُسارِدوجہاں صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکامُقَدّس فرمان ہے: ”لَاحَوْلَ وَلَا قُوَّۃَ اِلَّا بِاللہ“99بیماریوں کی دوا ہے جس میں سب سے کم دوا یہ ہے کہ اس کے پڑھنے والے کو کوئی رنج و غم نہیں ہوتا۔^([265])

 

سوال                        وہ کونسی تسبیح ہے جوحضورنبیٔ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے حضرت فاطمۃُ الزّہرارَضِیَ اللہُ تَعَالٰی عَنْہَا کو بتائی تھی؟

جواب      حضورِاکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَنے حضرت فاطمہ رَضِیَ اللّٰہُ تَعَالٰی عَنْہا سے  فرمایا: سوتے وقت 33 بار ”سُبْحٰنَ اللہ“، 33 بار ”اَلْحَمْدُ لِلّٰہ“اور 34 بار ”اَللہُ اَکْبَر“پڑھ لیا کرو۔ ^([266])اسے تسبیحِ فاطمہ کہتے ہیں۔

سوال                        غصہ آ نے ،کتے کے بھونکنے اور گدھے کے رینکنے پر کونسی دعا پڑھنی چاہئے ؟

جواب      اَعُوْ ذُ بِاللہِ مِنَ الشَّیْطٰنِ الرَّجِیْم یعنی میں اللہ تعالٰی کی پناہ مانگتا ہوں شیطان مردود سے۔^([267])

سوال                        پڑھا ہوایاد رکھنے کاکوئی وظیفہ بتائیے ؟

جواب      منقول ہے کہ اگر تم چاہتے ہوکہ ایک حرف بھی نہ بھولو تو پڑھنے سے پہلے یہ کہہ لیا کرو:اَللّٰھُمَّ افْتَحْ عَلَیْنَا حِکْمَتَکَ وانْشُرْعَلَیْنَا رَحْمَتَکَ یَا ذَالْجَلَالِ وَالْاِکْرَامْ۔ یعنی اے اللہ عَزَّ  وَجَلَّ!اے عظمت وبزرگی والے !ہم پر اپنی حکمت کے دروازے کھول دے اور ہم پر اپنی رحمت نازل فرما۔^([268])

سوال                        مصیبت زدہ کو دیکھ کرکونسی دعا پڑھی جائے ؟

جواب      اَلْحَمْدُ لِلّٰہِ الَّذِیْ عَافَانِیْ مِمَّا ابْتَلَاکَ بِہٖ وَفَضَّلَنِیْ عَلٰی کَثِیْرٍ مِّمَنْ خَلَقَ تَفْضِیْلا۔یعنی

 

              تمام تعریفیں اُس اللہ عَزَّ  وَجَلَّ کے لیے جس نے مجھے اِس مصیبت سے بچایا جس میں تجھے مبتلاکیااور اُس نے مجھے اپنی بہت سی مخلوق پر فضیلت دی۔^([269])

سوال                        شِعارِ کفار(گرجا/مندروغیرہ) کو دیکھے یا آ واز سنے تو کونسی دعا پڑھے ؟

جواب      اَشْھَدُ اَنْ لَّآ اِلٰہَ اِلَّا اللّٰہُ وَحْدَہٗ لَاشَرِیْکَ لَہٗ اِلٰہًا وَّاحِدًا لَا نَعْبُدُ اِلَّا اِیَّاہُ۔یعنی میں گواہی دیتا ہوں کہ اللہ تعالٰی کے سواکوئی معبود نہیں وہ اکیلاہے اُس کا کوئی شریک نہیں ، وہ اکیلا عبادت کے لائق ہے ہم اُسی کی عبادت کرتے ہیں۔^([270])

سوال                        مجلس کے اختتام  پرکیا پڑھاجائے ؟

جواب      سُبْحَانَکَ اللّٰھُمَّ وَبِحَمْدِکَ اَشْھَدُ اَنْ لَّآ اِلٰہَ اِلَّآ اَنْتَ اَسْتَغْفِرُکَ وَ اَتُوْبُ اِلَیْکَ یعنی اے اللہ عَزَّ  وَجَلَّ!تو پاک ہے اور تیرے ہی لیے حمد ہے،میں گواہی دیتا ہوں کہ تیرے سوا کوئی عبادت کے لائق نہیں ،میں تجھ سے مغفرت طلب کرتا ہوں اور تیری بارگاہ میں توبہ کرتا ہوں۔^([271])

درودِ پاک

سوال                        درود ِپاک سے متعلق قرآن پاک میں کیا ارشادِ خداوندی ہے؟

جواب      درود پاک سے متعلق قرآن پاک میںاللہ تعالٰی ارشاد فرماتا ہے: (اِنَّ اللّٰهَ وَ مَلٰٓىٕكَتَهٗ یُصَلُّوْنَ عَلَى النَّبِیِّؕ-یٰۤاَیُّهَا الَّذِیْنَ اٰمَنُوْا صَلُّوْا عَلَیْهِ وَ سَلِّمُوْا

 

تَسْلِیْمًا(۵۶)) (پ۲۲،الاحزاب:۵۶) ترجمۂ کنز الایمان:بے شک اللہ اور اس کے فرشتے درود بھیجتے ہیں اس غیب بتانے والے (نبی)پر اے ایمان والوان پر درود اور خوب سلام بھیجو۔

سوال                  درود پاک پڑھنے سے متعلق حدیثِ مبارکہ میں کیا ارشاد ہوا؟

جواب   حدیث مبارکہ میں ہے کہ حضور نبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمنےارشاد فرمایا:”جس نے مجھ پر ایک مرتبہ دُرُودِ پاک پڑھا اللہتعالٰی اُ س پر دس رحمتیں بھیجتا ہے۔“^([272])

سوال                  درود پاک نہ پڑھنے والے کیلئے کیا وعید آئی ہے؟

جواب   حضورنبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا : جس کے سامنے میرا ذکر ہوااور اُس نے مجھ پر درود پاک نہ پڑھاتو وہ سب سے بڑا بخیل ہے۔^([273])

سوال                  صبح وشام کتنے کتنے ہزارفرشتے دربارِ رسالت میں حاضر ہوکر درودوسلام پیش کرتے ہیں؟

جواب   رحمتِ دو عالَم صَلَّی اللہُ تَعَالٰی عَلَیْہِ وَاٰلِہٖ وَسَلَّم کے دربار میں 70ہزار فرشتے صبح اترتے ہیں اور شام تک رہتے ہیں یونہی 70 ہزار شام میں اترتے ہیں جو اگلی صبح تک رہتے ہیں اور آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کی بارگاہ میں درود وسلام کے نذرانے پیش کرتے رہتے ہیں۔^([274])

 

سوال                        نبیٔ پاک ،صاحبِ لَولاک صَلَّی اللہُ تَعَالٰی عَلَیْہِ وَاٰلِہٖ وَسَلَّم کے نامِ نامی اسمِ گرامی کے ساتھ درود وسلام لکھنے کی کیافضیلت ہے؟

جواب      جس نے کتاب میں حضورِاکرم،شفیعِ مُعَظَّم صَلَّی اللہُ تَعَالٰی عَلَیْہِ وَاٰلِہٖ وَسَلَّم پردرود پاک لکھاجب تک آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کامبارک نام کتاب میں رہے گا فرشتے اس کے لیے استغفارکرتے اورصبح وشام اُس پر درود بھیجتے رہیں  گے۔^([275])

سوال                        اگر نامِ اقد س لیا یا سنا مگر اس وقت درود نہ پڑھا تو اب کیا کرے؟

جواب      اگر اس وقت نہ پڑھا تو کسی اور وقت میں اس کے بدلے کا پڑھ لے۔^([276])

سوال                        آپ صَلَّی اللہُ تَعَالٰی عَلَیْہِ وَاٰلِہٖ وَسَلَّم کے نامِ مبارک کے ساتھ پورا درود لکھنے کی بجائے صرف ”صلعم“لکھنا کیسا؟

جواب      یہ سخت ناجائزوحرام ہے۔^([277])

سوال                        درود پاک کا اختصار (Shortcut)ایجاد کرنے والے کے ساتھ کیا کیا گیا؟

جواب      درود شریف کا اختصار ایجادکرنے والے شخص کا ہاتھ کاٹ دیا گیا تھا۔^([278])

سوال                        کس درود شریف کی برکت سے رحمت کے 70 دروازے کھلتے ہیں؟

جواب      جو شخص یہ درود پاک”صَلَّی اللہُ عَلٰی مُحَمَّد“پڑھتا ہے اس پر رحمت کے 70 دروازے کھول دیئے جاتے ہیں۔^([279])

 

سوال                        وہ کونسا درود شریف ہے جس کے پڑھنے سے کھڑا تھا تو بیٹھنے سے پہلے اور بیٹھا تھا تو کھڑے ہونے سے پہلے گناہ معاف ہو جاتے ہیں ؟

جواب      اَللّٰھُمَّ صَلِّ عَلٰی سَیِّدِنَاوَمَوْلَانَامُحَمَّدٍوَّعَلٰی اٰلِہٖ وَسَلَّم۔ ^([280])

سوال                        وہ کونسا درود شریف ہے جسے ایک بار پڑھنے سے چھ لاکھ درود شریف پڑھنے کا ثواب حاصل ہوتا ہے ؟

جو اب      اَللّٰھُمَّ صَلِّ عَلٰی سَیِّدِنَامُحَمَّدٍعَدَدَ مَا فِیْ عِلْمِ اللہِ صَلَاۃً دَائِمَۃً بِدَوَامِ مُلْکِ اللہ۔^([281])

سوال                        وہ کونسا درود شریف ہے جس کے پڑھنے سے سرکار صَلَّی اللہُ تَعَالٰی عَلَیْہِ وَاٰلِہٖ وَسَلَّم کا قرب نصیب ہوتا ہے ؟

جواب      اَللّٰھُمَّ صَلِّ عَلٰی مُحَمَّدٍ کَمَا تُحِبُّ وَ تَرْضٰی لَہُ۔^([282])

بیعت وطریقت

سوال                        تصوف وطریقت کسے کہتے ہیں ؟

جواب      تَصَوُّف و طریقت یہ ہے کہ بندہ نفس کی بجائے رب عَزَّ  وَجَلَّ کے لیے زندہ ہواور اپنے تمام اوقات میں روح و قلب کے ساتھاللہ عَزَّ  وَجَلَّ کی طرف متوجہ رہے۔^([283])

سوال                        صوفیا  کا کیا مرتبہ و مقام ہے ؟

 

جواب   امام ابو القاسم قُشیری عَلَیْہِ رَحْمَۃُ اللہِ الْقَوِیفرماتے ہیں:اللہ تعالٰی نے  اس گروہ کو  اپنے ہاں نمایاں حیثیت دی  ہے،انہیں اپنے رسولوں اور نبیوں  کے علاوہ تمام  مخلوق پر برتری دے رکھی ہے،پوری  امت  میں سے صرف  ان کے ہاں نورِ اسلام اُترتا رہتا ہے۔^([284])

سوال                  تصوُّف کا انکار کرنا کیسا ؟

جواب   حضرت  داتا گنج بخش علی ہجویری عَلَیْہِ رَحْمَۃُ اللہِ الْقَوِیفرماتے ہیں: اگر  اس کے معانی و حقائق سے انکار ہے تو  یہ انکار کُل شریعتِ اسلامی کا انکار بن جائے گا صرف  یہی نہیں بلکہ  حضورِاکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمکے اخلاقِ حمیدہ  اور خصائلِ جمیلہ  اور اسوۂ حسنہ کا  انکار بھی کہلائے گا۔^([285])

سوال                  شیخ وپیر بنانے کا فائدہ بیان کریں؟

جواب   شیخ مرید کو  تزکیۂ نفس پر چلاتا ہے جس کا نتیجہ  یہ ہوتا ہے کہ بندہ  اپنے پَروَردگار عَزَّ  وَجَلَّ سے محبت کرنے لگتا ہے۔^([286])

سوال                  بیعت سے پیر اور مرید میں کیا تعلق قائم ہوتا ہے؟

جواب   بیعت کے سبب پیر اور مرید میں روحانی  رشتہ قائم ہوجاتا ہے کہ شیخ روحانی اور معنوی باپ کی حیثیت رکھتا ہے۔^([287])

 

سوال              مشائخ اور پیرانِ عُظام کی خلافت سے کیا مراد ہے؟

جواب   مرید اپنے شیخ سے  علوم و احوال حاصل  کرتے ہیں،پھر اسے دوسرے کی امانت میں دے دیتے ہیں اور وہ لوگ دوسروں کو اسی طرح فیض پہنچاتے ہیں جس طرح ان کو اپنے مشائخ کے ذریعہ رسولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم سے حاصل ہوا ہے،اسی عمل کا نام خلافتِ مشائخ ہے۔^([288])

سوال              طریقت کے چار مشہور سلسلے کون سے ہیں؟

جواب                 چارمشہور سلسلے یہ ہیں:(۱)سلسلہ قادریہ (۲)سلسلہ نقشبندیہ (۳)سلسلہ چشتیہ (۴)سلسلہ سہروردیہ۔^([289])

سوال              سلسلہ قادریہ کے پیشوا کون ہیں؟

جواب   سلسلہ قادریہ کے پیشوا حضرت سَیِّدُنَاغوثِ اعظم شیخ عبدُالقادر جیلانی عَلَیْہِ رَحْمَۃُ اللہِ الْوَ الِی ہیں۔^([290])

سوال              سلسلہ چشتیہ  کے پیشوا کون ہیں؟

جواب   بَرصغیر میں سلسلۂ چشتیہ کے پیشوا خواجہ معین الدین چشتی اجمیریعَلَیْہِ رَحْمَۃُ اللہِ الْوَا لِی ہیں۔

سوال              سلسلہ نقشبندیہ کے پیشوا کون ہیں؟

جواب                 سلسلہ نقشبندیہ کے پیشواحضرت سَیِّدُنَا خواجہ محمد بہاؤ الدین نقشبند رَحْمَۃُ اللہِ

 

                                                         تَعَالٰی عَلَیْہ ہیں۔^([291])

سوال              سلسلہ سہروردیہ کے پیشوا کون ہیں؟

جواب                 حضرت سَیِّدُنَا شیخ شہاب الدین ابو حفص عمر بن محمد سہروردیرَحْمَۃُ اللہِ تَعَالٰی عَلَیْہ۔^([292])

سوال              اعلیٰ حضرت رَحْمَۃُ اللہِ تَعَالٰی عَلَیْہنے پیر کی کونسی  شرائط  بیان کی ہیں؟

جواب   مجدِّد اعظم امام احمد رضا خان عَلَیْہِ رَحْمَۃُ الْمَنَّان فرماتے ہیں: ایسے شخص سے بیعت کا حکم ہے جو کم از کم یہ چاروں شرطیں رکھتا ہو:(۱)سُنی صحیح العقیدہ ہو(۲)علمِ دین رکھتا ہو(۳)فاسق نہ ہو(۴)اُس کا سلسلہرسولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم تک متصل ہو۔اگر ان میں سے ایک بات بھی کم ہے تو اُس کے ہاتھ پر بیعت کی اجازت نہیں۔وَاللہُ تَعَالٰی اَعْلَمُ^([293])

مقدس مقامات

سوال    حضرت ابراہیم عَلَیْہِ الصَّلٰوۃُ وَالسَّلَام کی مکہ مکرمہ کیلئے مانگی گئی قرآنی دعا بتائیے؟

جواب   (وَ اِذْ قَالَ اِبْرٰهٖمُ رَبِّ اجْعَلْ هٰذَا بَلَدًا اٰمِنًا وَّ ارْزُقْ اَهْلَهٗ مِنَ الثَّمَرٰتِ مَنْ اٰمَنَ مِنْهُمْ بِاللّٰهِ وَ الْیَوْمِ الْاٰخِرِؕ-) (پ ۱، البقرۃ، ۱۲۶) ترجمۂ کنز الایمان:”اور جب عرض کی ابراہیم نے کہ اے رب میرے اس شہر کو امان والا کردے اور اس کے رہنے والوں کو طرح طرح کے پھلوں سے روزی دے جو ان میں سے اللہاور پچھلے دن پر ایمان

 

           لائیں ۔“اور سورۂ ابراہیم میں آپ عَلَیْہِ الصَّلٰوۃُ وَالسَّلَام کی یہ دعا مذکور ہے:  (وَ اِذْ قَالَ اِبْرٰهِیْمُ رَبِّ اجْعَلْ هٰذَا الْبَلَدَ اٰمِنًا وَّ اجْنُبْنِیْ وَ بَنِیَّ اَنْ نَّعْبُدَ الْاَصْنَامَؕ(۳۵))  (پ۱۳،ابراھیم:۳۵)ترجمۂ کنز الایمان:”اور یاد کرو جب ابراہیم نے عرض کی اے میرے رب اِس شہر کو امان والا کردےاور مجھے اور میرے بیٹوں کو بتوں کے پوجنے سے بچا۔“

سوال                        پیارے آقا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ  نے مدینہ منورہ کیلئے کیا دعا فرمائی ؟

جواب      آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ  نے ارشاد فرمایا: يا الٰہی عَزَّ  وَجَلَّ! جس طرح تو نے مکہ مکرمہ کو ہمارا محبوب بنايا اسی طرح مدینہ منورہ کو بھی ہمارا محبوب بنا دے۔^([294])

سوال                        حضرت داؤد عَلَیْہِ السَّلَام  نے بیت المقدس کی بنیاد کس جگہ پر رکھی تھی؟

جواب                       ملکِ شام میں جس جگہ حضرت موسیٰ عَلَیْہِ السَّلَام کا خیمہ گاڑا گیا تھا اُس جگہ حضرت داؤد عَلَیْہِ السَّلَام نے بیت المقدس کی بنیاد رکھی۔^([295])

سوال      حدیثِ پاک میں جبلِ اُحُد کے متعلق کیا ارشاد فرمایا گیاہے؟

جواب      حضور جانِ عالَم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا:اُحُدٌ ھٰذَا جَبَلٌ یُّحِبُّنَا وَ نُحِبُّہٗ  یعنی یہ اُحُد پہاڑ ہم سے محبت کرتا ہے اور ہم اِس سے محبت کرتے ہیں۔^([296])

سوال      مسجد ِ قِبْلَتَیْن میں کونسا مشہور واقعہ رونما ہوا تھا؟

جواب      اِسی مسجد شریف میں تحویلِ قبلہ کی آیت نازل ہوئی اور  بیت المقدس کی بجائے بَیْتُ اللہ شریف کی طرف منہ کرکے نماز پڑھنے کا حکم ہوا۔^([297])

 

سوال      سرورِ انبیا، محبوبِ کِبریا صَلَّی اللہُ تَعَالٰی عَلَیْہِ وَاٰلِہٖ وَسَلَّم نے حِجَّۃُ الوداع تشریف لے جاتے وقت کس مقام پر دو رکعت نمازادا فرمائی؟

جواب      ’’ ذُوالحُلَیفہ‘‘پہنچے تو وہاں مسجد میں دو رکعت پڑھیں۔^([298])

سوال      ’’مسجد ِ اِجابہ‘‘کے مقام پرحضور نبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمنے کونسی تین دعائیں مانگی  تھیں؟

جواب      وہ دعائیں یہ تھیں:(1)یااللہ عَزَّ  وَجَلَّ!میری اُمت قَحط سالی کے سبب ہلاک نہ ہو۔(2)یااللہ عَزَّوَجَلَّ!میری اُمت پانی میں ڈوب کرہلاک نہ ہو اور (3) یااللہ عَزَّوَجَلَّ! میری اُمت آپس میں نہ لڑے(پہلی دودعائیں قبول ہوئیں اورتیسری سے روک دیا گیا)۔ ^([299])

سوال      مسجد ِ بنی حرام کو کیا خصوصیت حاصل ہے؟

جواب      یہ وہی مسجد ہے جہاں آقائے دوجہاںصَلَّی اللہُ تَعَالٰی عَلَیْہِ وَاٰلِہٖ وَسَلَّمکےتین معجزات ظاہر ہوئے:(1)ایک بکری میں بہت سارے صحابۂ کرام کا پیٹ بھر گیا۔^([300]) (2) بکری کی ہڈیوں پر دستِ مبارک رکھ کر کچھ پڑھا تو بکری زندہ ہوگئی۔^([301]) (3)حضرت سیدنا جابررَضِیَ اللہُ تَعَالٰی عَنْہکےفوت شُدہ دومدنی مُنے امام الانبیا صَلَّی اللہُ تَعَالٰی عَلَیْہِ وَاٰلِہٖ وَسَلَّمکی دُعا سے زندہ ہوگئے۔^([302])

 

سوال    مسجد ِ مُسْتَراح کو اس نام سے کیوں پکارا جاتا ہے؟

جواب   سرکارِ مدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمنے غزوۂ اُحُد کے موقع پر یہاں پر آرام فرمایا تھااِسی لئے اسےمسجد ِ مُسْتَراح کہتے ہیں۔^([303])

سوال    حضرت سیدنا ہارون عَلَیْہِ السَّلَام کامزارِ پُرانوار کہاں واقع ہے؟

جواب   آپ عَلَیْہِ السَّلَام کا مزار مبارک جَبَلِ اُحُد پر واقع ہے(لیکن اب اِس کی زیارت بے حد مشکل ہے)۔ ^([304])

سوال    صفا و مَروہ پہاڑوں کو اتنی عزت و عظمت کیوں  ملی ؟

جواب   اِن پہاڑوں پرحضرت ہاجرہ رَضِیَ اللہُ تَعَالٰی عَنْہُ پانی کی تلاش میں سات بار چڑھیں اوراتریں ۔ اس اللہ والی کے قدم پڑجانے کی بر کت سے یہ دونوں پہاڑ شَعَائِرُ اللہ(اللہ عَزَّ  وَجَلَّکی نشانیاں)بن گئے اور تا قیامت حاجیوں پرا س پاک بی بی کی پیروی میں ان پر چڑھنا اور اتر ناسات بار لازم ہوگیا۔^([305])

سوال    جہاں ’’مسجد ِ ذُوالحُلَیفہ‘‘قائم ہے وہ مقام آج کل کس نام سے مشہور ہے؟

جواب   اس مقام کوآج کل’’بیرِ علی  ‘‘یا  ’’اَبیارِ علی‘‘کے نام سے یاد کیا جاتاہے۔^([306])

دعوتِ اسلامی کا تعارف

سوال    دعوتِ اسلامی کے بانی کون ہیں؟

 

جواب   تبلیغِ قرآن وسنّت کی عالمگیر غیر سیاسی تحریک ’’دعوتِ اسلامی‘‘کے بانی شیخ طریقت،امیراہلسنّت حضرت علامہ مولانا ابو بلال محمد الیاس عطار قادری رضوی ضیائی دَامَتْ بَرَکَاتُہُمُ الْعَالِیَہہیں ۔

سوال    امیر اہلسنت دَامَتْ بَرَکَاتُہُمُ الْعَالِیَہ نے دعوتِ اسلامیکا مدنی کام کس سن میں شروع فرمایا؟

جواب   ۱۴۰۱ھ مطابق1981ء۔^([307])

سوال    دعوتِ اسلامی کا پیغام اب تک کتنے ممالک میں پہنچ چکا ہے؟

جواب   اَلْحَمْدُلِلّٰہِ عَزَّ  وَجَلَّ!تقریباً 200سے زائدممالک میں ۔

سوال    دعوتِ اسلامی کا مدنی مقصد کیا ہے ؟

جواب   ”مجھے اپنی اور ساری دنیا کے لوگوں کی اصلاح کی کوشش کرنی ہے۔“ اِنْ شَآءَالله عَزَّ  وَجَلَّ

سوال    دعوتِ اسلامی کی مرکزی مجلس شوری کتنے اراکین پر مشتمل ہے ؟

جواب   دعوتِ اسلامی کی مجلس شوری فی الوقت 26 اراکین پر مشتمل ہے ۔

سوال    مدنی انعامات و مدنی قافلہ سے کیا مراد ہے ؟

جواب   مدنی انعامات سے مراد امیر اہلسنت مُدَّظِلُّہُ الْعَالِیکی جانب سےاسلامی بھائیوں، اسلامی بہنوں،جامعاتُ المدینہ ومدارسُ المدینہ کے طلباء وطالبات اور مدنی منوں کو عطا کردہ سوالات پرمشتمل وہ رسائل ہیں  جن کے مطابق عمل کر کے

 

            نیکیوں میں اضافہ اورگناہوں سے بچا جاسکتا ہے  جبکہ مدنی قافلے سے مراد عاشقانِ رسول کے ساتھ سنتوں کی تربیت اور علم دِین کے حصول کے لئے مختلف مقامات پر سفر کرنا ہے ۔

سوال      مدنی حلیہ کسے کہتےہیں ؟

جواب      داڑھی، زُلفیں، سر پر سبز سبز عمامہ شریف(سبز رنگ گہر ا یعنی ڈارک نہ ہو) کلی والا  سفیدکُرتاسنَّت کے مطابِق آدھی پنڈلی تک لمبا، آستینیں ایک بالِشت چوڑی ، سینے پر دل کی جانب والی جیب میں نُمایاں مسواک، پاجامہ یا شلوار ٹخنوں سے اُوپر۔(سر پر سفید چادر اور پردے میں پردہ کرنے کیلئے مدنی انعامات پر عمل کرتے ہوئے کتھیٔ چادر بھی ساتھ رہے تو مدینہ مدینہ ) ^([308])

سوال      دعوتِ اسلامی کا اولین مدنی مرکز کہاں  تھا ؟

جواب      جامع مسجد گلزار حبیب ، گلستان اوکاڑوی ، سولجر بازارباب المدینہ( کراچی)۔

سوال      دعوتِ اسلامی کے اشاعتی ادارے کا نام کیاہے؟

جواب      مکتبۃ المدینہ،جو اَب تک 527سے زائد کتب ورسائل شائع کرچکا ہے۔

سوال      دعوتِ اسلامی کتنے شعبہ جات میں کام کررہی ہے؟سات کے نام بتائیے؟

جواب      تادم تحریردعوتِ اسلامی 102شعبہ جات میں مدنی کام کررہی ہے ،جن میں سے سات یہ ہیں:(۱) دارالافتاء اہلسنّت(۲)المدینۃ العلمیہ (۳) جامعۃ المدینہ (۴)مجلس تراجم(۵)مجلس تحقیقات شرعیہ (۶)مدنی چینل(۷)مجلس آئی ٹی۔

 

سوال   مجلس خدّام المساجد کس مقصد کے تحت قائم کی گئی؟

جواب   امیر اہلسنت دَامَتْ بَرَکَاتُہُمُ الْعَالِیَہ کی تمنا ہے کہ ہماری مساجد آباد ہوجائیں،ان کی رونقیں پلٹ آئیں اور پرانی مساجد آباد کرنے کی کوشش کے ساتھ ساتھ نئی مساجد بھی تعمیر کی جائیں،اس ضمن میں ’’مجلس خُدّامُ المساجد‘‘قائم کی گئی۔^([309])

سوال   مدنی تربیتی کورس کتنے دن کا ہوتا ہے اور اس کا مقصد کیا ہے؟

جواب   یہ کورس 63 دن کا ہوتا ہے جس کا مقصدمبلغین کی تیاری اور اُن کی تربیت ہے۔^([310])

 

 

’’اخلاص کا نور‘‘ کے دس(10)حروف کی نسبت سے دس  مدنی پھول

(1)    یہ سِلسِلہ 6 مراحِل (Segments)پر مشتمل ہو گا ۔

(2)    دو ٹیمیں (ٹیم مکی اور ٹیم مدنی)ہوں گی۔

(3)    ہر ٹیم میں کُل تین اسلامی بھائی ہو ں گے اس طرح کل چھ اسلامی بھائی ہوں گے۔

(4)    ہر سوال کا جواب25سیکنڈ کے اندر دینا ہو گا25سیکنڈ کے بعد جواب دینے پر نمبر نہیں ملیں گے۔جبکہ سمجھایئے مگر اشاروں سے میں 41سیکنڈ دئیے جائیں گے۔

(5)    ہر سوال کے دو (2)نمبر ہیں ۔

(6)    ”سمجھائیے مگر اشاروں سے“۔ اس مرحلے میں جو اشارے ہیں وہ اَمِیْرِاہلسنّت دَامَتْ بَـرَکاتُہُمُ الْعَالِیَہ  کے رسائل کے نام یا مُقدّس اَشیاء یا کوئی حکایت ہوں گی لیکن ان تمام اشاروں میں اس بات کا خاص طور پر خیال رکھا جائے کہ اس کا اشارہ بھی بن سکتا ہو ۔

(7)    ہر مرحلے میں ٹیم کے اسلامی بھائی آپس میں مشورہ کر کے جواب دے سکتے ہیں سوائے ”سفر ہے مگر اکیلے“ مرحلے کے کہ اس مرحلے میں بغیر مشورہ کئے ہی جواب دینا ہو گا  اور اس میں ٹیم مکی کا ایک اسلامی بھائی ٹیم مدنی کے اسلامی بھائیوں کے ساتھ یعنی درمیان میں کھڑا رہے گا اسی طرح ٹیم مدنی کا ایک اسلامی بھائی ٹیم مکی کے اسلامی بھائیوں کے درمیان میں ۔

(8)    تمام سوالات نصاب سے کئے جائیں گے سوائے” سفر ہے مگر اکیلے“ مرحلے کے ۔

 

 اس مرحلے میں پوچھے جانے والے وہ سوالات ہوں گے جو عام طور پر مدنی مذاکرے یا مدنی ماحول والےیا کثرت سے مطالعہ کرنے والےاسلامی بھائی جانتے ہیں ۔

(9)    ”جوش کیساتھ مگر ہوش سے “کے مرحلے میں بزر(Buzzer)لگایا جائے گا اور اس میں جس اسلامی بھائی نے پہلےبزر(Buzzer)دبایا اسی کو جواب دینے کاموقع دیا جائے اور غلط جواب پر دو(2)نمبر منہا (کم)کر دیئے جائیں گے۔

(10)  سلسلے میں دلچسپی پیدا کرنے کیلے ناظرین یا حاضرین سے بھی سوالات کئے جائیں گے۔

مراحل کی تفصیل:

(1)    علم نور ہے۔اس مرحلے میں ٹیم مکی اور ٹیم مدنی دونوں سے پانچ پانچ سوالات کئے جائیں گے۔

(2)    عشق کے بول۔اس مرحلے میں ٹیم مکی اور ٹیم مدنی دونوں سے پانچ پانچ اشعارپوچھے جائیں گے۔

(3)    قرآنی معلومات۔اس مرحلے میں ٹیم مکی اور ٹیم مدنی دونوں سے تین تین سوالات کئے جائیں گے ۔

(4)    سمجھائیے مگر اشاروں سے۔ اس مرحلے میںدونوں ٹیموں کے تین تین اشارے ہوں گے یعنی ٹیم کا ایک اسلامی بھائی آ کر اپنی ٹیم کے اسلامی بھائیوں کو اس کا اشارہ کر کے بتائے گا اور ٹیم کو اشارے کی مدد سے اس نام تک پہنچنا ہو گا۔

 

(5)      سفر ہے مگر اکیلے ۔ اس مرحلے میں ہر اسلامی بھائی سےایک ایک سوال ہو گا۔

(6)      جوش کیساتھ مگر ہوش سے۔اس مرحلے میں 5اشعار اور 5 سوالات ہوں گے۔

(1)علم نور ہے۔ (ٹیم مکی)

سوال      ذَبْح میں کاٹی جانے والی چار رگوں کے نام بتائیے؟

جواب      وہ چار رگیں یہ ہیں :(1)حُلقوم ،(2)مُری اور(3۔4)وَدَجَیْن۔

سوال      نکاح میں کون سے اُمور کالحاظ رکھنا مُسْتَحَب ہے؟

جواب      نکاح میں یہ اُمور مُسْتَحَب ہیں:(1)عَلانِیَہ ہو نا(2)نکاح سے پہلے خطبہ پڑھنا (3)مسجد میں ہونا(4)جمعہ کے دن(5) گَواہانِ عادل کے سامنے(6)عورت عمر، حَسب(خاندانی شَرف) ،مال،عزت میں مَرد سے کم ہو اور(7)چال چلن اور اَخلاق و تقویٰ و جمال میں بیش(یعنی زیادہ) ہو۔

سوال      یمین یعنی قَسم کی کتنی قسمیں ہیں ؟

جواب      قَسم کی تین قِسمیں ہیں : (1)غَمُوس (2)لَغْوْ (3)مُنْعَقِدَہ۔

سوال      لُقْطَہ کسے کہتے ہیں ؟

جواب      لُقْطَہ اس مال کو کہتے ہیں جوکہیں پڑا ہوا مل جائے ۔

سوال      کونسی عمارت شیطان سے  بچاؤ کے لیے قلعہ ہے؟

جواب      مَروی ہے کہ ”اَلْمَسْجِدُ حِصْنٌ حَصِینٌ مِّنَ الشَّیْطٰن یعنی مسجد شیطان سے بچنے کے لیے ایک مضبوط قَلعہ ہے۔“

 

(1)علم نور ہے۔ (ٹیم مدنی)

سوال      مسجد میں کونسی بدبودار چیزوں کی ممانعت ہے؟

جواب      (1)کچا لہسن(2)کچی پیاز (3)گَندنا (یہ لہسن سے ملتی جُلتی ترکاری ہے) (4)مُولی (5)کچا گوشت  (6)مِٹّی کا تیل(7)وہ دِیا سَلائی جس کے رگڑنے میں بُو اُڑتی ہو (8)رِیاح خارج کرنا  (9)بدبودار زخم      (10)کوئی بدبودار دوا لگانا۔

سوال      سب سے بہترکمائی کونسی ہے؟

جواب      حضورِ اَنور صَلَّی اللہُ تَعَالٰی عَلَیْہِ وَاٰلِہٖ وَسَلَّمنےاِرشاد فرمایا: سب سے بہتر غذا وہ ہے جو انسان اپنے ہاتھوں کی کمائی سے کھائے ،حضرت داؤد عَلَیْہِ السَّلَام بھی اپنی کمائی سے کھاتے تھے۔

سوال       سود سے بچنے کے کوئی دو علاج بیان کیجئے ؟

جواب      (1)انسان قَناعَت اختیار کرے ، اس طرح وہ مال کی حرص سے بچے گا اور حرام ذرائع اختیار نہیں کرے گا ۔(2) ہر دَم موت کو یاد رکھا جائے ، جب یہ سوچ بن جائے گی کہ مرنا ہے اور موت کا کوئی بھروسا نہیں کب آجائے تو حرام روزی کی طرف بڑھنے سے رکنا نصیب ہوجائے گا(اِنْ شَآءَاللهُ عَزَّ  وَجَلَّ)۔

سوال      پیٹ کا قفلِ مدینہ کسے کہتے ہیں؟

جواب      اپنے پیٹ کو حرام غذا سے بچانا اور حلال خوراک بھی بھوک سے کم کھانا ’’پیٹ کا قفلِ مدینہ ‘‘لگانا ہے۔

سوال      حدیث ِپاک میں مہمان کے اِکرام کی اہمیت کس طرح بیان ہوئی ہے؟

 

جواب:     رسولِ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے  ارشاد فرمایا: جو شخص اللہ عَزَّ  وَجَلَّ اور قیامت  کے دن پر ایمان رکھتا ہے اُسے چاہئے کہ (۱)وہ مہمان کا اکرام کرے (۲) اپنے پڑوسی کو ایذا نہ دے اور(۳)وہ بھلی بات بولے یا چپ رہے۔

(2) شعر مکمل کیجئے(ٹیم مکی)

(2)شعر مکمل کیجئے(ٹیم مدنی)

 

 

(3)قرآنی معلومات(ٹیم مکی)

سوال      کس آیت  میں امتِ مُحَمَّدِِیَّہ کو سب سے بہتر امت فرمایا گیا ہے؟

جواب  ( كُنْتُمْ  خَیْرَ  اُمَّةٍ  اُخْرِجَتْ  لِلنَّاسِ   تَاْمُرُوْنَ  بِالْمَعْرُوْفِ  وَ  تَنْهَوْنَ  عَنِ  الْمُنْكَرِ  وَ  تُؤْمِنُوْنَ  بِاللّٰهِؕ-) (پ۴، اٰل عمرٰن:۱۱۰) ترجمۂ کنز الایمان: تم بہتر ہواُن سب اُمتوں میں جو لوگوں میں ظاہر ہوئیں بھلائی کا حکم دیتے ہو اور بُرائی سے منع کرتے ہو اور اللہ پر ایمان رکھتے ہو ۔

سوال      رات کے وقت سورۂ مُلک کی تلاوت کی کیا فضیلت ہے؟

جواب      حدیثِ مبارکہ کا خلاصہ ہے کہ جب بندہ قبر میں جائے گا تو عذاب اس کے قدموں ، سینے، پیٹ  یاپھر اس کے سر کی طرف سے آئے گا تو یہ سب اَعضاء کہیں گے تیرے لئے  ہماری طرف سے کوئی راستہ نہیں کیونکہ یہ رات میں

 

           سورۂ مُلک پڑھا کرتاتھا ۔

سوال                        وہ کونسا خوش نصیب ہے جو اپنے گھر کے دس افراد کی شفاعت کرے گا؟

جواب                       جس نے قرآن پڑھا اور اس کو یاد کرلیا، اس کے حلال کو حلال سمجھا اور حرام کو حرام جانا۔ اس کے گھر والوں میں سے دس شخصوں کے بارے میں اللہ تعالٰی اس کی شفاعت قبول فرمائے گا جن پر جہنم واجب ہوچکا تھا۔

(3)قرآنی معلومات(ٹیم مدنی )

سوال      قرآن پاک کی کونسی آ یت سب سے آ خر میں نازل ہوئی ؟

جواب      سب سے آ خر میں سورۃُ البَقَرہ کی یہ آ یتِ مبارکہ نازل ہوئی : )وَ اتَّقُوْا یَوْمًا تُرْجَعُوْنَ فِیْهِ اِلَى اللّٰهِۗ-ثُمَّ تُوَفّٰى كُلُّ نَفْسٍ مَّا كَسَبَتْ وَ هُمْ لَا یُظْلَمُوْنَ۠(۲۸۱) ((پ۳،البقرة: ۲۸۱)    ترجمۂ کنزالایمان: اور ڈرو اس دن سے جس میں اللہ کی طرف پھرو گے اور ہر جان کو اس کی کمائی پوری بھردی جائے گی اور ان پر ظلم نہ ہوگا۔

سوال      کس سورت کی تلاوت کرنے کی فضیلت چوتھائی قرآن کے برابر ہے؟

جواب      حدیثِ پاک میں ہے:جس نے سورت قُلْ یٰۤاَیُّہَا الْکٰفِرُوۡن پڑھی تو گویا  کہ اس نے قرآن مجید کے چوتھائی حصے کی تلاوت کی۔

سوال      ہر بُری چیز سے حفاظت کیلئے کونسی سورتوں کی تعلیم فرمائی گئی ہے؟

جواب      نبیٔ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:صبح شام تین تین بار’’قُلْ ھُوَاللّٰہُ اَحَد، قُلْ اَعُوذُ بِرَبِّ الفَلَقاور قُلْ اَعُوذُ بِرَبِّ النَّاس‘‘ پڑھو!ان کی تلاوت کرنا تمہیں ہر بُری چیز سے بچائے گا۔

 

(4)سمجھائیے مگر اشاروں سے (ٹیم مکی)

(1)        خاکِ مدینہ

(2)        خوفناک جادوگر

(3)        تین انگلیوں سے کھانا

(4)سمجھائیے مگر اشاروں سے (ٹیم مدنی)

(1)    بکری کی کھال

(2)    پتلا جن

(3)    انار کا درخت

(5) سفر ہے مگر اکیلے (ٹیم مکی)

سوال      سب سے آخر میں کس کو موت آئے گی؟

جواب      سب سے آخر میں حضرت ملک الموت عَلَیْہِ السَّلَام  کو موت آئے گی۔

سوال      داروغۂ جنت کا نام بتائیں؟

جواب      حضرت رضوان عَلَیْہِ السَّلَام ۔

سوال      مچھلی ، مچھر یا مکھی وغیرہ کا خون اگر کپڑوں پر لگ جائے تو کیا حکم ہے؟

جواب      مچھلی اور پانی کے دیگر جانوروں اورکھٹمل اور مچھر کا خون اورخچر اور گدھے کا لُعاب اور پسینہ پاک ہے۔

(5)سفر ہے مگر اکیلے (ٹیم مدنی)

سوال      ہاتھ وغیرہ سے خون نکلنے کے باوجود کب وضو نہیں ٹوٹتا؟

 

جواب   خون نکلا لیکن بہا نہیں تو یہ وضو کو نہیں توڑتا۔

سوال    نماز ِجنازہ فرض ہے یا واجب یا پھرسنت؟

جواب   نماز جنازہ فرضِ کِفایَہ ہے۔

سوال    حِجَّۃ ُ الْوَداع کے موقع پرحضورِاکرم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے کتنے اُونٹ نَحْر فرمائے؟

جواب   اس موقع پر حضور نبیِّ رحمت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے اپنے مُقَدَّس ہاتھ سے 63اُونٹ نَحْر فرمائے۔

(6)جوش کیساتھ مگر ہوش سے (سوالات)

سوال    کس نبی عَلَیْہِ الصَّلٰوۃُ وَالسَّلَام  کی دعا سے ان کے بھائی کو نبوّت ملی؟

جواب   حضرت موسیٰ عَلَیْہِ الصَّلٰوۃُ وَالسَّلَام  نے دعا کی کہ یارب میرے گھر والوں میں سے میرے بھائی ہارون کو میرا وزیر بنا اللہ تعالٰی نے اپنے کرم سے یہ دعا قبول فرمائی اور حضرت ِہارون عَلَیْہِ الصَّلٰوۃُ وَالسَّلَام  کو آپ کی دعا سے نبی کیا۔

سوال    کن باتوں کو دنیا وآخرت کے بہتر اَخلاق فرمایا گیا ہے ؟ 

جواب   حدیثِ مبارکہ میں ہے کہ حضور نبیِّ مُکَرَّم صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:”کیا میں تمہیں دنیا وآخرت کے اچھے اخلاق نہ بتاؤں؟ صحابۂ کرامعَلَیْہِمُ الرِّضْوَان نے عرض کی: ضرور بتائیے۔ارشاد فرمایا:”جو تم سے تعلق توڑے اس سے تعلق جوڑو ، جو تمہیں محروم کرے اسے عطا کرو اور جوتم پر ظلم کرے اسے معاف کردو۔“

 

سوال      خوفِ خدا کا مطلب کیا ہے؟

جواب                 اللہ تعالٰی کی بے نیازی ،اس کی ناراضی، اس کی گرفت اور اس کی طرف سے دی جانے والی سزاؤں کا سوچ کر انسان کا دل گھبراجائے تو اُسے خوفِ خدا کہتے ہیں۔

سوال    قرآنِ کریم میں صلۂ رحمی سے متعلق کیا ارشاد ہوا؟

جواب   اللہ عَزَّ  وَجَلَّ ارشاد فرماتاہے(وَ  اتَّقُوا  اللّٰهَ  الَّذِیْ  تَسَآءَلُوْنَ  بِهٖ  وَ  الْاَرْحَامَؕ-)  (پ۴،النساء:۱) ترجمۂ کنزالایمان:اوراللہ سے ڈرو جس کے نام پر مانگتے ہو اور رشتوں کا لحاظ رکھو۔

سوال    صبرکسے کہتے ہے ؟

جواب   نفس کو اس چیز پر روکنا جس پر رُکنے کا عقل اور شریعت تقاضا کررہی ہو یا نفس کو اس چیز سے باز رکھنا جس سے رکنے کا عقل اور شریعت تقاضا کررہی ہو صبر کہلاتا ہے۔

(6)جوش کیساتھ مگر ہوش سے (اشعار)

 

ناظرین کیلئے سوالات

سوال    سب سے پہلے جھوٹی قسم کس نے کھائی ؟

جواب   پہلا جھوٹی قسم کھانے والا ابلیس ہی ہے ۔

سوال    وہ کون سا عمل ہے جس سے مسلمانوں میں باہمی محبت پیدا ہوتی ہے ؟

جواب   وہ سلام ہے ۔

سوال    چھینک آنے کے بعد حمد کرنے کا کیا حکم ہے؟

جواب   چھینک آنے کے بعد حمد کرنا سنت ہے  ۔

سوال    سب سے پہلے زِرَہ کس نبی عَلَیْہِ الصَّلٰوۃُ وَالسَّلَام نے بنائی؟

جواب   حضرت داؤد عَلَیْہِ الصَّلٰوۃُ وَالسَّلَام نے۔

سوال    حضرت آدم عَلَیْہِ الصَّلٰوۃُ وَالسَّلَام کی عمر مبارک کتنی تھی؟

جواب   حضرت آدم عَلَیْہِ الصَّلٰوۃُ وَالسَّلَام کی عمرشریف ایک ہزارسال تھی۔

 

اسکورنگ شیٹ

 

مآخذ و مراجع